ᒥᓇᕋᕐᑎ / ᐁᑦᓯᕋᐅᑎᒧᑦ ᓄᓇᒃᑰᔫᕐᑎ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᒻᒪᕆᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᓄᓇᒥᒃ 55° ᑕᕐᕋᖓᓂ, ᕿᓂᓕᕆᕗᖅ ᐃᒻᒥᓂᒃ-ᑲᑦᓱᙰᑦᑐᒥᒃ ᐊᒻᒪᓗ ᕿᑦᑌᖓᔪᒥᒃ ᐃᓄᒻᒥᒃ ᐃᓚᒋᓕᐅᑎᒍᒪᔪᒥᒃ KRG-ᑯᓄᑦ ᐱᓇᓱᑦᑎᐅᒐᔭᕐᑎᓗᒍ ᒪᑐᒥᖓ:

ᒥᓇᕋᕐᑎ / ᐁᑦᓯᕋᐅᑎᒧᑦ ᓄᓇᒃᑰᔫᕐᑎ

(ᐊᑌᓐᓇᑐᖅ, ᐃᓗᐃᑦᑐᖅ)

ᐊᖓᔪᕐᖄᖃᕐᓗᓂ ᐃᖏᕐᕋᑎᑦᓯᒍᑎᓂᒃ & ᐊᐅᓪᓚᑐᓕᕆᓂᕐᒥᒃ ᓴᖑᐊᑦᓯᔨᒥᒃ ᐊᐅᓚᑦᓯᒍᑎᓂᒃ ᐱᓇᓱᕝᕕᒥ, ᒥᓇᕋᕐᑎ/ᐁᑦᓯᕋᐅᑎᒧᑦ ᓄᓇᒃᑰᔫᕐᑎ ᑲᒪᔨᐅᓚᖓᔪᖅ ᒪᑯᓂᖓ ᐅᖃᕐᑕᐅᓯᔪᓂᒃ ᐱᔭᑦᓴᓂᒃ:

• ᑌᒣᒋᐊᖃᓕᕈᓂ, ᒥᕝᕕᒦᖃᑦᑕᓗᓂ ᖃᖓᑦᑕᔫᑦ ᑎᑭᑦᑐᓴᕈᕐᕕᖏᓐᓂ ᐊᐅᓚᔪᖃᕐᑎᓗᒍ KRG-ᑯᑦ ᐱᓇᓱᑦᑎᖏᓐᓂᒃ ᐃᓱᒪᓕᐅᕐᑎᖏᓐᓂᓘᓐᓃᑦ.

• ᑲᒪᒋᐊᓕᒃ ᖃᐅᑕᒫᑦ ᐁᑦᓯᕋᕐᓂᒥᒃ ᐊᒻᒪᓗ ᓄᓇᓕᒻᒥ ᐁᑦᑐᑑᑎᖃᕐᓂᒥᒃ ᐊᓪᓚᑖᓕᒫᓂᒃ ᐊᒻᒪᓗ ᐅᓯᓕᒫᓂᒃ ᑐᕌᕐᑐᓂᒃ KRG-ᑯᑦ ᐊᓪᓚᕕᖏᓐᓄᑦ, ᓱᕐᖁᐃᖃᑦᑕᓗᓂ ᓈᒻᒪᓈᕐᑐᓂᒃ ᑐᓴᕐᑎᓯᒍᑎᖃᖃᑦᑕᓂᕐᒥᓂᒃ ᐁᔭᒥᓂᒃ, ᐸᔫᑎᒥᓂᓪᓗ.

• ᐱᔨᑦᓯᕋᕐᓂᖅ ᖃᓄᒐᓚᒃ ᑌᒣᒋᐊᖃᓕᕈᓂ ᐃᓕᖓᑎᓪᓗᒍ ᑲᔪᓯᑎᑦᓯᒍᑎᓄᑦ KRG-ᑯᑦ ᐱᓂᐊᕈᑎᖏᓐᓂᒃ ᐱᒍᑦᔨᒍᑎᖏᓐᓂᓗ.

• ᖃᐅᑕᒫᑦ ᐱᓇᓱᒋᐊᓕᓐᓂ ᖃᐅᔨᒋᐊᖃᑦᑕᓗᓂ, ᓱᕐᖁᐃᓯᒪᓂᖅ ᑲᔪᓯᑦᓯᐊᑐᒥᒃ, ᐱᐊᓚᔪᒥᒃ ᐊᒻᒪᓗ ᑭᐱᑦᑕᖏᑦᑐᒥᒃ ᐱᖃᑦᑕᓂᕐᒥᒃ ᐊᓪᓚᕕᐅᑉ ᐱᒋᐊᓕᑐᐃᓐᓇᖏᓐᓂᒃ.

• ᑲᒪᒋᐊᓕᒃ ᐊᑯᓓᑦᑐᒥᒃ ᓴᓗᒻᒪᓭᖃᑦᑕᓂᕐᒥᒃ ᐊᒻᒪᓗ ᕿᒥᕐᕈᒍᑎᑐᐃᓐᓇᓂᒃ ᐊᑐᖃᑦᑕᓂᕐᒥᒃ KRG-ᑯᑦ ᐃᓄᓐᓂᒃ ᐁᑦᓯᕋᐅᑎᖓᓂᒃ (ᖃᐅᔨᒋᐊᖃᑦᑕᓗᓂ ᐅᕐᓱᕈᑎᖓᓂᒃ, ᐃᒪᑦᓴᔭᖏᓐᓂᒃ, ᐊᓯᖏᓐᓂᓗ).

• ᓇᐅᑐᐃᓐᓀᑦ ᐊᑦᑐᐊᒥᔪᑦ ᐱᔭᑦᓭᑦ.

ᐱᔪᓐᓇᓯᒍᑏᑦ:

• ᐊᑐᕐᑐᒥᒃ ᓄᓇᒃᑰᔫᕐᑎᐅᑉ ᐱᔪᓐᓇᐅᑎᖓᓂᒃ ᐱᑕᖃᕆᐊᓕᒃ.

• ᓯᕿᕐᖑᔭᒃᑯᑦ ᐱᕕᖃᕐᓂᒥᓂᒃ ᐊᐅᓚᑦᓯᓯᑎᒻᒪᕆᐅᒋᐊᓕᒃ ᐃᓂᓪᓚᖓᑎᑦᓯᓯᑎᐅᓗᓂᓗ

• ᑕᑎᑦᓯᐊᖑᒋᐊᓕᒃ, ᐅᐸᓗᑦᑕᕋᓂ, ᐊᒻᒪᓗ ᐃᑉᐱᒍᓱᒋᐊᖃᕐᓱᓂ ᓱᓇᓪᓗᑯᓕᒫᓂᒃ

• ᐱᔪᓐᓇᕆᐊᓕᒃ ᐅᖁᒣᑦᑐᓂᒃ ᑭᕝᕓᖃᑦᑕᓂᕐᒥᒃ ᐃᓚᖓᓂᒃ.

• ᐱᓇᓱᑦᓯᐊᕈᓐᓇᕆᐊᓕᒃ ᑲᒪᔨᖃᖏᓐᓇᓕᒫᕈᓐᓀᓗᓂ.

• ᐱᐅᓯᑐᐃᓐᓇᓂᒃ ᖃᕆᑕᐅᔭᕈᑎᓂᒃ ᖃᐅᔨᒪᒋᐊᓕᒃ.

• ᐱᕕᖃᕆᐊᓕᒃ ᐅᓐᓄᑯᑦ ᐊᒻᒪᓗ/ᐱᓇᓱᐊᕈᓰᑦ ᐃᓱᐊᓂ ᐱᓇᓱᓕᐅᒥᔭᕐᓂᒥᒃ.

ᐱᓇᓱᕝᕕᐅᑉ ᓄᓇᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ: $38,580 ᐊᕐᕌᒍᑕᒫᑦ –ᐅᓄᕐᓂᐹᖓᓄᑦ: $60,757 ᐊᕐᕌᒍᑕᒫᑦ (ᐳᕐᑐᓂᖓ 4)

ᐱᕙᓪᓕᖁᑏᑦ ᐊᓯᖏᑦ: ᐃᓅᓂᐅᑉ ᐊᑭᑐᓂᖓᑕ ᑲᓱᖕᖏᒍᑎᖓ: ᐃᑭᓐᓂᐹᖓᓄᑦ $8 500 ᐊᕐᕌᒍᒥ

ᓂᕿᓂᒃ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $4 216 ᐊᕐᕌᒍᒥ

ᐊᕐᕌᒍᑕᒫᑦ ᕿᑲᓯᔪᑦ ᐊᐅᓪᓚᕈᑎᖏᑦ: ᐃᑭᓐᓂᐹᖓᓄᑦ 3 ᐊᑐᓂ ᐃᓄᒻᒧᑦ, ᐊᕐᕌᒍᒥ

ᐱᔭᕆᐊᑭᓪᓕᑎᕐᓯᒪᔪᖅ ᐱᓇᓱᒍᓐᓀᕈᒫᕐᓂᒧᑦ ᐸᕐᓇᕈᑎ;

ᐊᑕᖏᕐᑐᑦ ᓴᑑᑎᑦᓴᖏᑦ;

ᐃᓱᒣᓐᓇᕿᓐᓀᑦ: 20 ᐅᓪᓗᐃᑦ ᐊᕐᕌᒍᑕᒫᑦ;

ᐱᖁᔭᑎᒍᑦ ᕿᑲᕐᓀᑦ: 20 ᐅᓪᓗᐃᑦ ᐊᕐᕌᒍᑕᒫᑦ, ᖃᓗᓯᔪᑦ 10-ᓂᒃ ᐅᓪᓗᓂᒃ ᕿᑎᖕᖑᒥ.

ᐱᓇᓱᒍᒪᐅᑎᑎᑦ ᖃᓪᓗᓈᑎᑑᕐᑎᓗᒋᑦ ᑎᑭᑎᓗᒋᑦ ᐅᕗᖓ:

Human Resources

Kativik Regional Government

P.O. Box 9

Kuujjuaq (Québec) J0M 1C0

Fax: (819) 964-2975

E-mail: humanresources@krg.ca

*ᐱᓇᓱᑦᑎ ᐱᔪᑦᓴᔭᐅᕗᑦ ᓲᖕᖏᓂᕐᐹᖓᓄᑦ ᑕᕐᕋᒥᐅᖑᓂᕐᒧᑦ ᐱᕙᓪᓕᖁᑎᓂᒃ ᐋᕐᕿᓯᒪᔪᓂᒃ ᐱᓇᓱᑦᑎᒧᑦ ᐊᓯᒥᓂᒃ ᐆᒪᑦᓯᒋᐊᖃᖕᖏᑐᒧᑦ.

ᐱᓇᓱᑦᑎ ᐊᓯᒥᓂᒃ ᐆᒪᑦᓯᒋᐊᓕᒃ ᐱᔪᑦᓴᔭᐅᕗᖅ ᐱᕙᓪᓕᖁᑎᓂᒃ ᐃᓕᖓᔪᓂᒃ ᐁᑉᐸᒥᓄᑦ ᐊᒻᒪᓗ ᐃᓚᐅᒍᓐᓇᑐᓄᑦ ᐆᒪᑕᒥᓄᑦ.

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᓪᓗᒍ ᐊᒻᒪᓗ ᒪᓕᓪᓗᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ

ᐃᓂᓪᓚᕈᑏᑦ ᐊᑦᔨᒌᖕᖏᑐᐃᓐᓇᕆᐊᖃᕐᖁᑦ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

ᐱᓇᓱᒍᒪᔪᑦ ᐊᐱᕐᓱᕈᒪᓗᒋᑦ ᓂᕈᐊᕐᑕᐅᔪᑦ ᑭᓯᐊᓂ ᖃᓄᐃᓕᕕᐅᓚᖓᔪᑦ.