ᑭᑭᐊᓂᒃ ᐊᑐᒐᑦᓴᖑᕐᑎᓯᒋᐊᓪᓛᓂᕐᒥᒃ ᐊᐅᓚᑦᓯᔨ - KRG

ᐱᓇᓱᒐᖅ ᐊᑐᐃᓐᓇᕈᕐᑐᖅ

ᑲᑎᕕᑦ ᓄᓇᓕᓕᒫᑦ ᑲᕙᒪᖓ (KRG), ᐊᒥᓱᐃᓕᖓᔪᓂᒃ ᑲᕙᒫᐱᓕᕆᓂᕐᒥᒃ ᑎᒥᐅᔫᕗᖅ ᑲᒪᒋᔭᖃᕐᓱᓂ ᓄᓇᖓᓂᒃ ᑯᐯᒃᒥ ᑕᕐᕋᖓᓃᑦᑐᓂᒃ 55, ᕿᓂᓕᕐᒥᔪᑦ ᐆᒻᒪᕿᑦᑐᓯᐊᒥᒃ ᐊᒻᒪᓗ ᑲᑦᓱᙰᑦᑐᒥᒃ ᐃᓄᒻᒥᒃ ᐱᓇᓱᑦᑎᐅᖃᑕᐅᒍᒪᒐᔭᕐᑐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᓇᓱᒐᔭᕐᑐᒥᒃ ᐅᑯᓂᖓ:

ᑭᑭᐊᓂᒃ ᐊᑐᒐᑦᓴᖑᕐᑎᓯᒋᐊᓪᓛᓂᕐᒥᒃ ᐊᐅᓚᑦᓯᔨ

(ᓇᓪᓕᐅᑎᑦᑕᑐᖅ / ᐅᓪᓗᑕᒫᕐᓯᐅᑎ)

ᐊᖓᔪᕐᖄᖃᕐᓗᓂ ᑭᑭᐊᓂᒃ ᐊᑐᒐᑦᓴᖑᕐᑎᓯᒋᐊᓪᓛᓂᕐᒥᒃ ᐊᐅᓚᑦᓯᓂᕐᒥᒃ ᐊᖓᔪᕐᖄᖓ ᓄᑕᐅᓯᓕᕈᓐᓇᑐᓕᕆᓂᕐᒥᒃ ᐱᑦᓴᑕᖃᕐᕕᒥ, ᐊᕙᑎᓕᕆᓂᕐᒥᒃ, ᓄᓇᓕᕆᓂᕐᒥᒃ ᐊᒻᒪᓗ ᒥᕐᖑᐃᓯᕐᕖᑦ ᐱᑦᔪᔨᕕᖓ, ᑭᑭᐊᓂᒃ ᐊᑐᒐᑦᓴᖑᕐᑎᓯᒋᐊᓪᒫᓂᕐᒥᒃ ᐊᐅᓚᑦᓯᔨ ᑲᒪᒋᔭᑦᓴᖃᓲᖅ, ᑖᒃᑯᑑᑎᓐᓇᒋᑦ, ᐅᑯᓂᖓ ᐱᓇᓱᒐᑦᓴᓂᒃ:

• ᐊᐅᓚᑦᓯᓗᓂ ᑭᑭᐊᓂᒃ ᖁᑦᓱᑎᕆᐅᑎᒥᒃ ᐱᓇᓱᐊᕐᓂᑯᑦ ᐊᑐᒐᓴᖑᕐᑎᓯᒋᐊᓪᓚᓂᕐᒥᒃ ᐊᑐᕐᖃᔦᕐᓯᒪᔪᓂᒃ ᓄᓇᒃᑰᔫᓂᒃ ᐊᒻᒪᓗ ᐊᖏᔪᓂᒃ ᑭᑭᐊᕕᓂᕐᓂᒃ ᓄᐊᑕᐅᓯᒪᔪᓂᒃ ᑕᕐᕋᒦᑦᑐᐃᑦ ᓴᓂᒃᑯᕕᖏᓐᓂᒃ ᓄᓇᓕᓐᓃᑐᓂᒃ;

• ᐊᐅᓚᑦᓯᓗᓂ ᐊᓯᖏᓐᓂᒃ ᐅᖁᒣᑦᑐᓂᒃ ᐊᒻᒪᓗ ᐅᕿᓐᓂᓴᓂᒃ ᐱᓇᓱᒍᑎᓂᒃ ᐊᑦᑕᓇᕐᑌᓕᓂᒃᑯᑦ ᐊᒻᒪᓗ ᐊᑑᑎᖃᑦᓯᐊᑐᒃᑯᑦ ᐱᓂᐊᕐᓂᖃᕐᓗᓂ;

• ᐱᓇᓱᐊᕐᓗᓂ ᒥᑭᔪᖑᐊᓂᒃ ᓯᖁᒥᓯᒪᔪᕐᓂᐊᓂᕐᒥᒃ ᐋᕐᕿᓱᐃᓲᖑᓗᓂᓗ ᐱᓇᓱᒍᑎᓂᒃ;

• ᐊᑐᐃᓐᓇᕈᕐᑎᕆᓗᓂ ᑭᑭᐊᕕᓂᕐᓂᒃ ᒪᓕᓪᓗᒋᑦ ᐱᖁᔭᐅᒍᑎᖏᑦ ᐅᓯᓂᖃᕐᕕᐅᑉ ᒪᓕᒐᖁᑎᖏᑦ ᐊᒻᒪᓗ ᒪᓕᑦᓯᐊᓗᒋᑦ ᐊᕙᑎᓕᕆᓂᐅᑉ ᐱᖁᔭᒻᒪᕆᖏᑦ;

• ᐊᑐᐃᓐᓇᕈᕐᑎᕆᓗᓂ ᑐᓂᓯᓪᓗᓂᓗ ᑐᓴᕐᑎᓯᐅᑎᓂᒃ ᐱᓇᓱᐊᕐᑕᐅᔪᕕᓂᕐᓂᒃ;

• ᐃᑲᔪᕐᑎᒋᔭᐅᓗᓂ ᐊᓯᖏᓐᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᑦᑎᖏᓐᓄᑦ, ᐃᓚᒋᑦᓱᒋᑦ ᒫᕆᑎᒻ ᑲᒻᐸᓂᖓᑕ ᐱᓇᓱᑦᑎᖏᓐᓂᒃ ᐊᒻᒪᓗ ᑲᕙᒫᐲᑦ ᐱᓇᓱᑦᑎᖏᓐᓂᒃ ᑲᔪᓯᑎᑦᓯᓯᐊᕐᓂᒧᑦ ᐱᓇᓱᐊᕐᑕᐅᒋᐊᓕᓐᓂᒃ;

• ᐱᓇᓱᐊᕐᓗᓂ ᓇᓪᓕᑐᐃᓐᓇᖏᓐᓂᒃ ᐊᓯᖏᓐᓂᒃ ᐱᓇᓱᐊᒐᑦᓴᓂᒃ ᖁᔭᐅᓕᕈᓂ ᐊᖓᔪᕐᖄᒥᓄᑦ.

ᐱᒍᓐᓇᐅᑎᖃᕈᑎᒋᒋᐊᓕᖏᑦ:

• ᐱᔪᓐᓇᐅᑎᒥᒃ ᐱᔭᕇᕈᑎᖃᕐᓗᓂ ᐅᖁᒣᑦᑐᔭᓂᒃ ᐱᓇᓱᒍᑎᓂᒃ ᐊᐅᓚᑦᓯᓂᕐᒥᒃ (DEP);

• ᐱᓇᓱᐊᕐᓯᒪᓗᓂ ᑭᑭᐊᓂᒃ ᖁᑦᓱᑎᕆᓂᕐᒥᒃ ᐊᐅᓚᑦᓯᒍᓐᓇᓂᕐᒥᒃ;

• ᐊᑐᕈᓐᓇᓯᐊᕐᑐᒥᒃ ᐊᖁᕈᓐᓇᐅᑎᖃᕐᓗᓂ ᓓᓴᓐᓯᒥᒃ ᐳᕐᑐᓂᓕᒻᒥᒃ 5 ᐊᒻᒪᓗ ᐳᑐᓂᖓ 1;

• ᐱᓇᓱᐊᕐᓯᒪᒍᓂ ᐅᖁᒣᑦᑐᔭᓂᒃ ᐱᖁᑎᒻᒪᕆᓐᓂᒃ ᓯᖁᒥᓯᒪᔪᕐᓂᐊᖃᑦᑕᓯᒪᓂᕐᒥᒃ ᐱᐅᒋᔭᐅᒐᔭᕐᒥᔪᖅ;

• ᐃᓘᓐᓈᒍᑦ ᐃᓗᓯᕐᒥᒃ ᐊᒻᒪᓗ ᐊᑦᑕᓇᕐᑌᓕᒪᓂᕐᒥᒧᒃ ᐱᓇᓱᕝᕕᐅᔪᓂᒃ ᐃᒣᑦᑐᖃᕐᓗᓂ WHMIS 2015 (ASP card)

• ᐊᑑᑎᓕᓐᓂᒃ ᐱᓇᓱᐊᕐᓯᒪᓗᓂ ᐱᓇᓱᕝᕕᐅᔪᓂᒃ;

• ᖃᕆᑕᐅᔭᓕᕆᒍᓐᓇᓗᓂ ᒣᑯᓵᕝ ᐱᓇᓱᒍᑎᖏᓐᓂᒃ;

• ᐊᓪᓚᕈᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᒪᕐᕉᓇᓚᐅᕐᐸᓃᒃ (2) ᐅᖃᐅᓰᓐᓂᒃ ᐅᑯᓂᖓ: ᐃᓄᒃᑎᑐᑦ, ᖃᓪᓗᓈᑎᑐᑦ ᐅᕝᕙᓗᓘᓐᓃᑦ ᐅᐃᒍᐃᑎᑐᑦ;

• ᑕᑎᒋᓇᑦᓯᐊᓗᓂ, ᐃᒻᒥᓂᕐᓱᕈᓐᓇᓗᓂ, ᐊᒻᒪᓗ ᐱᑦᓴᑖᕐᕕᐅᒍᓐᓇᓗᓂ, ᐱᒍᓐᓇᓂᖃᕐᓗᓂᓗ ᐱᒋᐊᕐᑎᓯᔨᐅᒍᓐᓇᓂᕐᒥᒃ;

• ᐊᕐᕕᑕᕈᓐᓇᓗᓂ ᓄᓇᕕᒻᒥᒃ.

ᐱᓇᓱᓐᓀᑦ ᐅᖓᑖᓄᑦ ᐱᓇᓱᖃᑦᑕᑐᐃᓐᓇᕆᐊᓕᒃ.

ᓇᓃᓐᓂᖓ ᐱᓇᓱᒐᐅᑉ: ᓄᓇᕕᒃ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓪᓗᒋᑦ: $43,348/ᐊᕐᕌᒍᑕᒫᑦ,

ᐊᒥᓲᓂᕐᐸᐅᑎᓪᓗᒋᑦ: $71800/ᐊᕐᕌᒍᑕᒫᑦ (ᐳᕐᑐᓂᖓ 6)

ᐊᓯᖏᑦ ᐱᕚᓪᓕᖁᑎᑦᓭᑦ: ᐊᑭᑐᔪᕐᒥᐅᖑᒍᑏᑦ ᐋᕐᕿᑕᐅᓯᒪᒍᑎᖏᑦ: ᐃᑭᓐᓂᐸᐅᑎᓪᓗᒋᑦ $8 500 ᐊᕐᕌᒍᑕᒫᑦ;

ᓂᕿᓄᑦ ᐃᑲᔪᕐᓯᐅᑏᑦ: ᐃᑭᓐᓂᐸᐅᑎᓪᓗᒋᑦ: $1 839/ᐊᕐᕌᒍᑕᒫᑦ;

ᐊᕐᕌᒍᑕᒫᑦ ᐊᐅᓪᓚᕈᓐᓇᐅᑏᑦ: ᐊᒥᓲᓂᕐᐸᐅᑎᓪᓗᒋᑦ 3 ᐃᓄᐃᑦ ᐃᓕᒃᑯᑦ ᐊᕐᕌᒍᑕᒫᑦ;

ᐱᓇᓱᒐᖃᕐᑎᐅᒍᓐᓀᕈᓂ ᑮᓇᐅᔭᑦᓴᒥᓂᒃ ᐱᓇᓱᒐᓕᐅᑉ ᓄᐊᑕᖏᑦ: 6.25% ᐱᓇᓱᕝᕕᒥᓂ,

4% ᐱᓇᓱᑦᑎ;

ᐱᓇᓱᖃᑎᒌᑦᑐᑦ ᐃᒻᒪᖃᐅᑎᖏᑦ;

ᓄᕐᖃᖓᑫᓐᓇᓂᖅ: 20 ᐅᓪᓗᐃᑦ ᐊᕐᕌᒍᑕᒫᑦ;

ᕿᑲᕐᓀᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᕕᐊᓱᕝᕕᒥ.

ᑎᑭᑎᑦᓯᓗᑎᑦ ᐱᓇᓱᒍᒪᐅᑎᓐᓂᐅᕕᑦ 5:00 ᐅᓐᓂᓴᒃᑯᑦ, ᕕᕗᐊᕆ9, 2026 ᓯᕗᓂᖓᓂ ᐅᕗᖓ:

Human Resources

Kativik Regional Government

P.O. Box 9

Kuujjuaq, Québec J0M 1C0

Fax: (819) 964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ-ᐱᕕᑦᓴᖃᕐᑎᓯᓂᕐᒥᒃ ᐱᓇᓱᑦᑎᓯᔨᐅᕗᑦ. ᑖᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ,

ᖃᓄᐃᓕᖓᐅᓯᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᖁᕝᕙᒋᐊᕆᒐᓱᐊᕐᓂᒧᑦ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕋᓱᐊᕐᑐᓂᒃ.

ᐱᓇᓱᒐᕐᑖᕋᓱᐊᕐᑐᐃᑦ ᑎᒃᑯᐊᑕᐅᔪᐃᑦ ᑭᓯᐊᓂ ᐊᐱᕐᓲᔭᕐᑕᐅᓛᕐᓂᒥᓄᑦ ᖃᐅᔨᑎᑕᐅᓛᕐᑐᑦ.