ᑕᑯᔭᒐᖃᕐᕕᓕᕆᓂᕐᒥᒃ ᐱᓇᓱᐊᓕᓂᖅ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑉ ᑲᕙᒪᖓ (KRG), ᑲᕙᒫᐱᑦᓴᔭᐅᑦᓱᓂ ᑎᒥᐅᔪᖅ ᓄᓇᖃᕐᕕᖃᕐᓱᓂ ᑯᐯᒃ ᓄᓇᖁᑎᖓᑕ ᑕᕐᕋᖓᓂ 55 ᖁᓛᓂ, ᕿᓂᕐᐳᖅ ᕿᑦᑌᖓᔪᒥᒃ ᐱᔪᒪᓂᓕᒻᒥᓗ ᐱᓇᓱᐊᒐᔭᕐᑐᒥᒃ ᐆᒥᖓ:

ᑕᑯᔭᒐᖃᕐᕕᓕᕆᓂᕐᒥᒃ ᐱᓇᓱᐊᓕᓂᖅ

(ᐊᑌᓐᓇᑐᖅ ᐅᓪᓗᓕᒫᕐᑎᐅᓂᕐᒧᑦ ᐱᓇᓱᒐᖅ)

ᑐᓴᕐᑎᓯᓲᖑᓗᓂ ᐃᑲᔪᕐᑎᖓᓄ ᑐᑭᒧᐊᕐᑎᓯᔨᐅᑉ, ᒥᖕᖑᐃᓯᕐᕕᓕᕆᓂᐅᑉ ᐃᓂᕐᕋᑎᑕᐅᓂᖏᓐᓄᑦ, ᑲᑎᕕᒃ ᓄᓇᓕᓕᒫᑉ ᑲᕙᒪᖓᑕ ᓄᑕᐅᓯᓕᕐᓂᒧᑦ ᐱᑦᓭᑦ, ᐊᕙᑎᐅᑉ, ᓄᓀᑦ ᒥᖕᖑᐃᓯᕐᕖᓗ ᐱᓇᓱᐊᕐᕕᖓ, ᒥᖕᖑᐃᓯᕐᕖᑦ ᑕᑯᔭᒐᖃᕐᕕᓕᕆᓂᐅᑉ ᑎᓕᔭᐅᒪᐅᑎᖓ ᐃᑲᔪᕐᓯᓂᐊᕐᑎᓗᒍ ᐱᕙᓪᓕᐊᑎᑕᐅᓂᖓᓄᑦ, ᓄᑕᐅᓯᓕᕐᑕᐅᓂᖓᓄᑦ, ᖃᐅᔨᒋᐊᕐᕕᖃᕐᓂᓄᓪᓗ ᑕᑯᓴᐅᑎᑦᓯᓂᕐᓄᑦ ᑯᐯᒃ ᒥᖕᖑᐃᓯᕐᕕᖁᑎᖏᓐᓄᑦ ᐊᐅᓚᑕᐅᑦᓱᑎᒃ ᑲᑎᕕᒃ ᓄᓇᓕᓕᒫᑉ ᑲᕙᒪᖓᓄᑦ. ᐱᓗᐊᕐᑐᒥᒃ, ᒥᖕᖑᐃᓯᕐᕕᓂ ᑕᑯᔭᒐᖃᕐᕕᓕᕆ:

ᓱᕐᖁᐃᓯᐊᕐᓂᖃᕐᓗᓂ ᓱᒃᑯᑕᐅᑦᑌᓕᑎᑦᓯᓂᕐᒥᒃ, ᐅᑎᕐᑎᓯᓂᕐᒧᑦ, ᓴᓇᔭᐅᓯᒣᓐᓇᑎᑦᓯᐊᑎᑦᓯᓂᕐᒧᑦ, ᓄᑕᐅᓯᓖᓂᕐᓄᓗ ᐱᑐᖃᕕᓂᕐᓂᒃ ᐃᓕᖓᔪᓂᒃ ᑕᑯᔭᑦᓴᐅᑎᑕᐅᔪᓄᑦ, ᐊᐅᓚᑦᓯᔨᐅᓗᓂᓗ;

• ᐱᑐᖃᕕᓂᕐᓂᒃ ᐊᑦᑕᑐᕐᓂᒥᒃ ᐊᒻᒪᓗ ᐱᑖᕐᓂᒥᒃ;

• ᐱᓇᓱᐊᕐᓗᓂ ᑌᑦᓱᒪᓂᑕᕐᓂᒃ ᖃᐅᔨᓴᕐᓗᓂ ᑌᑦᓱᒪᓂᑕᖃᓂᒃ, ᐱᐅᒃᑯᑎᓂᒃ, ᐅᕝᕙᓘᓐᓃᑦ ᐅᓂᒃᑳᑐᐊᓂᒃ ᒪᓂᔭᐅᔪᓂᒃ, ᐱᔭᐅᔪᓂᓪᓗ ᓱᕐᖁᐃᑐᓂᒃ ᓄᑖᓂᒃ ᑌᑦᓱᒪᓂᑕᕐᓂᒃ ᐅᕝᕙᓘᓐᓃᑦ ᐱᐅᒃᑯᑎᓂᒃ;

• ᐱᕙᓪᓕᐊᓂᖅ ᑕᑯᑦᓴᐅᑎᑕᐅᔪᑦᓭᑦ ᖃᓄᐃᑦᑐᒍᓐᓇᓂᖏᓐᓂᒃ, ᓇᓗᓀᕐᓯᓗᓂ ᐅᓂᒃᑲᐅᓯᑦᓴᖏᓐᓂᒃ, ᐃᓂᓪᓓᓗᓂᓗ ᐊᑌᓐᓇᓂᐊᕐᑐᓂᒃ ᐅᕝᕙᓘᓐᓃᑦ ᒫᓐᓇᓯᐅᑎᓂᒃ ᑕᑯᑦᓴᐅᑎᑦᓯᒍᑎᑦᓴᓂᒃ;

• ᐸᕐᓀᓗᓂ ᑐᑭᒧᐊᑦᑎᓯᓗᓂᓗ ᑕᑯᔭᑦᓴᓂᒃ ᓇᑉᐯᓂᕐᒥᒃ, ᐃᑐᑦᑎᕆᕐᒥᒃ, ᓴᓂᕐᕚᑎᕆᓂᕐᒥᒃ, ᓄᑕᐅᓯᓕᑎᕆᓂᕐᒥᒃ;

• ᐱᓇᓱᐊᖃᑎᖃᕐᓗᓂ ᑭᓯᐊᒐᑐᐊᓕᓐᓂᒃ ᑎᒥᐅᔪᓂᒃ ᐱᓇᓱᐊᕐᑎᓂᓪᓗ (ᑕᑯᓐᓇᐅᔭᕐᑕᐅᓂᑦᓴᓄᑦ ᐋᕐᕿᓱᐃᓂᖅ, ᑕᑯᔭᒐᖃᕐᕕᓕᕆᓂᖅ, ᓴᓇᓂᖅ, ᑕᑯᑦᓴᐅᑎᑦᓯᒍᑏᑦ ᓂᐱᓕᐅᕆᓃᑦ) ᐃᓗᕐᖁᓯᑎᒍᓪᓗ ᑎᒥᐅᔪᓂᒃ;

• ᐊᖓᔪᕐᖃᐅᓗᓂ ᓄᐃᑦᓯᓂᕐᒧᑦ, ᓱᒃᑯᑌᓕᑦᓯᓂᕐᒧᑦ, ᐋᕐᕿᒋᐊᕆᓂᕐᒧᑦ, ᓄᑕᐅᓯᓖᓂᕐᒧᓗ ᑕᑯᑦᓴᐅᔪᑦᓴᓂᒃ ᐃᓚᐅᑎᓪᓗᒋᑦ ᑐᑭᓯᓇᕐᑎᓯᐅᑎᖏᑦ ᐊᒻᒪᓗ ᒪᓂᔭᐅᕕᖏᑦ;

• ᐊᑐᐃᓐᓇᕈᕐᑎᕆᓗᓂ ᖃᐅᔨᒪᓂᕐᑎᒍᓪᓗ ᐊᑐᐃᓐᓇᐅᑎᑦᓯᓗᓂ ᐱᓪᓗᑯᒋᐊᓕᕐᑎᒍᑦ ᐅᖃᐅᓯᐅᖃᑦᑕᓯᒪᔪᑦ ᐊᑐᕐᑕᐅᓂᑦᓴᖏᓐᓄᑦ ᐅᕝᕙᓗᓘᓐᓃᑦ ᐱᓇᓱᐊᖃᑎᖃᕐᓗᓂ ᐱᓪᓗᑯᒋᐊᓕᑎᒎᕐᑐᓂᒃ ᑎᒥᐅᔪᓂᒃ ᐊᑐᐃᓐᓇᕈᕐᑎᕆᑎᓪᓗᒋᑦ ᙯᖁᔨᒍᑎᒥᒃ ᐊᑭᑭᓐᓂᐹᕐᓯᐅᑎᑦᓴᒧᑦ;

• ᒪᓕᑦᓱᒍ ᓄᓇᕕᐅᑉ ᒥᖕᖑᐃᓯᕐᕕᖏᑦᑕ ᐱᓇᓱᐊᖃᑎᒌᑦᑐᖁᑎᖏᑦ, ᓄᓇᓕᒻᒥ ᐱᖃᑎᒋᔭᐅᔪᑦ, ᐃᓕᓐᓂᐊᕕᒻᒥᓗ ᐊᖓᔪᕐᖃᐅᑎᖏᑦ, ᓴᓇᓃᑦ ᐃᓕᓐᓂᐊᕈᑎᑦᓴᔭᓂᒃ ᑐᑭᓯᑎᑦᓯᒍᑎᓂᓪᓗ ᐊᓪᓚᓯᒪᔪᓂᒃ, ᐱᕙᓪᓕᐊᑎᑦᓯᓂᕐᑎᒍᓪᓗ, ᓄᑕᐅᓯᓖᑎᑦᓯᓂᒃᑯᓗ, ᓄᐃᑦᓯᓗᓂ ᐃᓕᓐᓂᐊᕈᑎᑦᓴᔭᓂᒃ ᐃᓕᖓᔪᓂᒃ ᑖᒃᑯᓄᖓ ᑕᑯᑦᓴᐅᑎᑦᓯᒍᑎᑦᓴᓂᒃ, ᒥᖕᖑᐃᓯᕐᕕᒨᓕᖓᔪᓂᒃ, ᓈᒻᒪᓈᕐᑐᓂᓪᓗ ᐃᓗᕐᖁᓯᑎᒎᕐᑎᓗᒋᑦ;

• ᐊᐅᓚᑦᓯᓗᓂ, ᓄᑕᐅᓯᓕᑎᕆᕙᓪᓗᓂ, ᐊᒻᒪᓗ ᑐᓂᔨᕙᓪᓗᓂ ᐱᒋᐅᕐᓴᐅᑎᓂᒃ ᐱᓇᓱᑦᑎᓄᑦ ᒥᕐᖑᐃᓯᕐᕕᐅᑉ ᐃᓕᓐᓂᐊᑎᑦᓯᒍᑎᒋᒋᐊᓕᖏᑦ ᑲᒪᒋᓗᒋᑦ;

• ᐱᓇᓱᐊᕈᓐᓇᓗᓂ ᐃᓱᐊᖁᑕᐅᓂᕐᒥᒃ ᐊᓯᖏᓐᓄᑦ ᐱᓇᓱᐊᕐᕕᐅᔪᓄᑦ, ᐱᖃᑎᒋᔭᓄᑦ, ᑎᒥᐅᔪᓄᓪᓗ ᕿᒻᒪᖁᓯᐊᓂᒃ ᐱᐅᓯᒋᐊᕆᓂᕐᒥᒃ ᐱᓇᓱᐊᕈᑎᑎᒍᑦ ᐃᑲᔪᕐᑎᐅᓗᓂᓗ ᐃᓚᒋᓕᐅᑎᑦᓯᓯᐊᕐᓂᒧᑦ ᑲᑎᒪᔨᐊᐱᓐᓂᒃ ᑌᒣᒋᐊᖃᓕᕈᓂ;

• ᐱᓇᓱᖃᑕᐅᕙᓪᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓄᑦ ᐊᒻᒪᓗ ᒥᕐᖑᐃᓯᕐᕕᒥᒃ ᑐᑭᒧᐊᑦᑎᓯᔨᓄᑦ ᑐᕌᒉᑦ ᓱᕙᓪᓕᐊᓂᖓᓂᒃ ᑐᓴᕈᑎᓂᒃ, ᑮᓇᐅᔦᕈᑎᒋᒋᐊᓕᓐᓂᒃ ᖃᐅᔨᒪᓇᓱᐊᕐᓂᒥᒃ, ᐊᒻᒪᓗ ᐃᓱᐊᖁᑎᑦᓴᓂᒃ ᐊᒡᒍᑎᕐᓯᓂᕐᒥᒃ ᐱᑦᔪᑎᓕᑎᒍᑦ ᑕᑯᓴᑦᔭᓂᒃ ᐱᕙᓪᓕᐊᓂᕐᒥᒃ ᐊᒻᒪᓗ ᒪᑭᑕᑦᓯᓂᕐᒥᒃ;

• ᐃᓚᐅᕙᓪᓗᓂ ᑲᔪᓯᑎᑦᓯᒍᑎᓄᑦ ᑕᑯᔭᑦᓴᓂᒃ ᑐᑭᓯᓐᓇᑎᑦᓯᐅᑎᓂᓪᓗ ᐱᓇᓱᐊᕈᑎᓄᑦ ᒪᓕᓪᓗᓂ ᒥᕐᖑᐃᓯᕐᔨᒥ ᐃᓕᓐᓂᐊᑎᑦᓯᒍᑕᐅᒋᐊᓖᑦ ᐸᕐᓇᑕᐅᒪᐅᑎᖓᓂᒃ, ᓱᕐᖁᐃᓂᕐᒥᓗ ᐱᔭᕇᕐᓯᒪᕕᐅᒋᐊᓖᑦ ᒪᓕᒍᑕᐅᓂᖓᓂᒃ, ᑐᕌᒉᓪᓗ, ᐱᐅᔫᒋᐊᖃᕐᓂᖏᓐᓂᓪᓗ ᐊᒻᒪᓗ ᐱᐅᓯᐅᒋᐊᓕᓐᓂᒃ;

• ᐃᑲᔪᕐᑐᓗᓂ ᐊᓪᓚᕕᓕᕆᐅᑎᒍᑦ ᓴᖑᐊᑦᓯᓂᕐᒥᒃ ᖃᒻᒥᐅᖏᓐᓂᑕᖃᐅᑎᐅᑉ ᐱᓇᓱᑦᑕᖏᓐᓂᒃ, ᐃᓚᖃᕐᑎᓗᒍ ᐱᓇᓱᑦᑎᓯᓯᒍᑎᓂᒃ, ᐱᒍᑦᔨᔨᓄᑦ ᐊᖏᖃᑎᒌᒍᑎᓂᒃ ᐊᒻᒪᓗ ᐱᖁᑎᑖᓂᐅᑉ ᒪᓕᒐᖏᓐᓂᒃ ᒪᓕᓐᓂᒥᒃ;

• ᐱᓇᓱᐊᕈᓐᓇᓗᓂ ᖃᓄᐃᑦᑐᑐᐃᓐᓇᓂᒃ ᐊᓯᖏᓐᓂᒃ ᐱᔭᑦᓴᐅᔪᓂᒃ ᐱᓇᓱᐊᕐᑕᐅᖁᔭᐅᔪᓂᒃ ᐊᖓᔪᕐᖄᒥᓄᑦ.

ᐱᔪᓐᓇᐅᑏᑦ

• ᓯᓚᑦᑐᓴᕐᕕᒥ ᐃᓕᑦᓯᒋᐊᖕᖓᐅᑎ ᓯᕗᓪᓕᕕᓂᓕᕆᓂᕐᒥᒃ, ᑐᓂᕐᑕᓂᐊᕐᓂᒥᒃ, ᐊᒻᒪᓗ ᐃᓄᑦᓴᔭᓂᓕᕆᓂᕐᒥᒃ ᐊᓯᐊᓂᓪᓘᓃᑦ ᐊᑦᑐᐊᒥᔪᒥᒃ ᐱᓇᓱᐊᒐᕐᒥᒃ; ᐃᓕᑦᓯᒪᔪᒻᒪᕆᐅᑉ ᐱᔪᓐᓇᐅᑎᖓ ᐃᓱᐊᖁᑕᐅᔪᖅ. ᓱᕐᖁᐃᓯᐊᕐᑐᒥᒃ ᐱᓕᓂᐅᓂᖃᕐᓗᓂ ᑕᑯᔭᒐᖃᕐᕕᐅᔪᓂ ᐅᕝᕙᓘᓐᓃᑦ ᑌᑦᓱᒪᓂᑕᓕᕆᓂᕐᒨᓕᖓᔪᓂᒃ ᐃᓱᒪᒋᔭᐅᑐᐃᓐᓇᕆᐊᓕᒃ;

• ᐃᑭᓐᓂᐸᐅᑎᓪᓗᒋᑦ 5 ᐊᕐᕌᒍᐃᑦ ᐱᓇᓱᐊᓕᓂᐅᓗᓂ ᑕᒪᒃᑯᓂᖓ ᑕᑯᔭᒐᖃᕐᕕᓕᕆᓂᕐᓂᒃ, ᑕᑯᔭᑦᓴᓂᒃ ᐱᕙᓪᓕᐊᓂᕐᒥᒃ, ᐅᕝᕙᓘᓐᓃᑦ ᐊᔾᔨᐸᓱᖏᓐᓂᒃ ᐃᓗᕐᖁᓯᐊᕐᒧᐊᓕᖓᔪᓂᒃ ᐱᓇᓱᐊᕐᓂᓂᒃ;ᑕᑯᑦᓴᐅᑎᑦᓯᓗᓂ ᐱᓇᓱᐊᕐᓯᒪᔭᒥᓂᒃ ᐃᓗᕐᖁᑎᓯᒎᕐᑐᓂᒃ ᐊᐅᓚᑦᓯᓂᕐᒧᑦ, ᐃᓚᐅᑎᓪᓗᒋᑦ ᑮᓇᐅᔦᑦ ᑐᕌᒐᖏᓐᓅᓕᖓᔪᒥᒃ, ᐱᓇᓱᐊᖃᑎᒌᑦᑐᓂᓪᓗ ᑐᑭᒧᐊᕐᑎᓯᓂᕐᒥᒃ, ᐊᐅᓚᑦᓯᒍᓐᓇᓗᓂᓄᑦ ᓯᓚᑖᓃᑦᑐᓂᒃ ᓂᐅᕕᕐᕕᐅᓲᓂᒃ;

• ᐱᖁᑏᑦ: ᐱᓇᓱᐊᓕᓂᐅᓗᓂ ᐱᓇᓱᐊᖃᑎᖃᕐᓂᒥᒃ ᓄᓇᓕᑐᖃᑦᓴᔭᓂᒃ ᐅᕝᕙᓘᓐᓃᑦ ᑕᕐᕋᒦᓕᓂᐅᓗᓂ, ᐅᕝᕙᓘᓐᓃᑦ ᓄᓇᓕᓐᓂ ᐱᕙᓪᓕᐊᑎᑦᓯᖃᑎᖃᕐᓂᒧᑦ ᖃᓄᐃᓕᖓᔪᑦᓴᐅᒪᖔᑦ;

• ᑌᒫᒻᒪᕆᒃ ᐱᕙᓪᓕᐊᓯᒪᓂᖃᕐᓗᓂ ᐃᓂᓪᓚᑎᕆᒍᓐᓇᓂᖃᕐᓗᓂ, ᐃᒻᒥᓂᕐᓱᒍᓐᓇᓯᐊᕐᓂᖃᕐᓗᓂ, ᐃᒻᒥᒍᓪᓗ ᑕᑎᖃᒍᓐᓇᓯᐊᕐᓗᓂ, ᓱᓇᒦᒍᓐᓇᓯᐊᕐᓗᓂ, ᐱᒍᓐᓇᓂᖃᕐᓗᓂᓗ ᐊᐅᓚᑦᓯᒍᓐᓇᓂᕐᒥᒃ ᐊᒥᓱᐃᓕᕿᖓᔪᓂᒃ ᐱᓇᓱᐊᕐᑕᐅᒋᐊᓕᓐᓂᒃ ᐊᑕᐅᑦᓯᑰᓕᖓᔪᓂᒃ;

• ᐱᒍᓐᓇᓂᖃᕐᓗᓂ ᐱᓇᓱᐊᒍᓐᓇᓂᒃᒥᒃ ᐊᒥᓱᐃᓕᕐᕿᖓᔪᓂᒃ ᐱᓇᓱᐊᖃᑎᒌᑦᑐᓂᒃ ᐱᓇᓱᐊᖃᑎᖃᒍᓐᓇᓗᓂᓗ ᐊᔾᔨᒌᖕᖏᑐᓂᒃ ᐱᖃᑎᒋᔭᐅᔪᓂᒃ (ᓄᓇᓕᒃ, ᐃᓕᓐᓂᐊᓂᓕᕆᓂᖅ, ᑎᒥᐅᔪᕐᑎᒍᓪᓗ);

• ᐱᓇᓱᐊᕐᓯᒪᓂᑰᓗᓂ ᖃᕆᑕᐅᔭᑎᒍᑦ Microsoft Office;

• ᐅᖄᒍᓐᓇᓂᖃᕐᓗᓂ ᐊᓪᓚᒍᓐᓇᓂᖃᕐᓗᓂᓗ ᐃᑭᓐᓂᐸᐅᑎᓪᓗᒋᑦ ᒪᕐᕉᓂᒃ ᐅᖃᐅᓰᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ, ᒍᐃᒍᐃᑎᑐᓪᓘᓃᑦ;

• ᐊᐅᓪᓚᑲᑦᑕᓲᖑᒍᒪᓗᓂ ᐅᖓᓯᑦᑐᓄᑦ ᓄᓇᓄᑦ;

• ᐊᑐᐃᓐᓇᐅᒍᓐᓇᓗᓂ ᐊᐅᓚᑲᑦᑕᓂᕐᓄᑦ ᓄᓇᕕᒻᒥ.

ᓇᓂ ᐱᓇᓱᐊᕐᓂᖓ: ᑰᑦᔪᐊᖅ

ᑮᓇᐅᔾᔭᓵᖅ: ᐃᑭᓐᓂᐸᐅᑎᓪᓗᒍ $63,716 ᐅᓄᕐᓂᐹᖓᓄᑦ $109,329 ᐊᕐᕌᒍᑕᒫᑦ (ᐳᕐᑐᓂᖅ 10).

ᐊᓯᖏᑦ ᐱᕙᓪᓕᖁᑏᑦ: ᐊᑭᑐᔪᕐᒥᐅᖑᓂᕐᒧ: ᐃᑭᓐᓂᐸᐅᑎᓪᓗᒍ $8,500 ᐊᕐᕌᒍᑕᒫᑦ;

ᓂᕿᑖᕐᑕᓂᕐᒧᑦ: ᐃᑭᓐᓂᐸᐅᑎᓪᓗᒍ $4,216 ᐊᕐᕌᒍᑕᒫᑦ; ᐊᕐᕌᒍᑕᒫᑦ ᖃᖓᑦᑕᐅᑏᑦ: ᐅᓄᕐᓂᐸᐅᑎᓪᓗᒍ 3 ᐃᓄᐃᑦ ᐊᕐᕌᒍᑕᒫᑦ;

ᐃᑦᑑᒍᑎᑦᓴᓄᑦ: 6.25% ᐱᓇᓱᕝᕕᒃ, 4% ᐱᓇᓱᒃᑎᒃ; ᐊᒥᓱᐃᑎᒍᑦ ᐃᒻᒪᖃᐅᑏᑦ;

ᕿᑲᕐᓂᓄᑦ: 20 ᐅᓪᓗᐃᑦ ᐊᕐᕌᒍᑕᒫᑦ;

ᓇᐅᓕᒫᓄᑦ ᕿᑲᕐᓀᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᕿᑲᕐᓇᐅᕉᑕᕆᑎᓪᓗᒍ.

ᑐᔪᐃᒋᑦ ᐱᓇᓱᐊᕐᓯᒪᓂᑯᑎᓐᓂᒃ ᐊᓪᓚᓯᒪᔫᑎᓪᓗᒋᑦ ᖃᓪᓗᓈᑎᑑᕐᑎᓗᒋᑦ 5-ᖑᓚᐅᕐᑎᓇᒍ ᐅᓐᓄᓴᒃᑯᑦ ᐊᐅᒡᒍᔅᑎ 15, 2025 ᐅᕗᖓ:

ᐱᓇᓱᒃᑐᓕᕆᔨᒃᑯᑦ ᐊᓪᓚᕕᖓ:

ᑲᑎᕕᒃ ᓄᓇᓕᓕᒫᑉ ᑲᕙᒪᖓ

P.O. Box 9

ᑰᒃᔪᐊᖅ ᑯᐯᒃ J0M 1C0

ᓱᑲᑦᑐᑎᒍᑦ: 819-964-2975

ᖃᕆᑕᐅᔭᑎᒍᑦ: humanresources@krg.ca