ᐱᑐᑦᓯᒪᐅᑎᓂᒃ ᖃᐅᔨᓴᕐᑎ - KI

ᐱᓇᓱᒐᖅ:	ᐱᑐᑦᓯᒪᐅᑎᓂᒃ ᖃᐅᔨᓴᕐᑎ
ᐊᒡᓚᕕᖓ:	ᖃᕆᑕᐅᔭᓕᕆᕕᒻᒥ ᐱᒍᑦᔨᕕᒃ
ᑮᓇᐅᑦᔭᓵᑦ:	ᐱᒋᐊᕐᓱᓂ $55,812 ᑎᑭᑦᓱᓂ $95,643 ᐃᑲᐅᕐᓂᑕᒫᑦ ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ
ᐱᓇᓱᒐᐅᑉ ᑭᑎᑦᔪᑎᖓ:	160ANALYST2603-02
ᓇᓃᓐᓂᖓ:	ᒪᓐᑐᔨᐊᒥ
ᖃᓄᐃᑦᑑᓂᖓ	ᐅᓪᓗᓕᒫᕐᑐᒥᒃ ᐱᓇᓱᒐᖅ ᐊᑌᓐᓇᑐᖅ
ᐱᓇᓱᓐᓇᖅ :	ᐁᕆᓕ 2026-ᒥᑦ ᔮᓄᐊᕆ 2027-ᒧᑦ

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓐᓂᐊᓂᓕᕆᕕᐅᕗᖅ ᐊᑐᐃᓐᓇᐅᑎᑦᓯᓱᓂ ᐃᓕᓐᓂᐊᓂᓕᕆᓂᕐᒥᒃ ᐱᒍᑦᔨᒍᑎᓂᒃ 14-ᓂ ᓄᓇᓕᓐᓂ ᓄᓇᕕᒻᒥ.

 

ᐊᖓᔪᕐᖄᖃᕙᓪᓗᓗᓂ ᐱᓇᓱᕝᕕᐅᑉ ᑲᒪᔨᖓᓂᒃ, ᐱᑐᑦᓯᒪᐅᑎᓂᒃ ᖃᐅᔨᓴᕐᑎ ᑲᒪᒋᔭᖃᕋᔭᕐᑐᖅ ᐃᑉᐱᒋᔭᖃᕐᓗᓂ ᑲᔪᓯᑎᑕᐅᓂᖓᓂᒃ ᐱᓇᓱᐊᕈᑏᑦ ᐃᓚᐅᑎᓪᓗᒋᑦ Microsoft-ᒥ ᐱᓇᓱᐊᕈᑏᑦ, ᖃᕆᑕᐅᔭᕈᑎᓄᑦ ᑲᒪᒍᑏᑦ, ᐊᑦᔨᒌᖕᖏᑐᑦ ᐱᑐᑦᓯᒪᒍᑏᑦ VPN, ᐊᓯᐅᔨᒌᒃᑯᑎᓕᐅᕐᑎᐅᓗᓂ ᖃᕆᑕᐅᔭᕈᑎᓄᑦ ᐊᒻᒪᓗ ᑲᒪᔨᐅᓗᓂ ᖃᕆᑕᐅᔭᕈᑎᓂᒃ ᐊᒻᒪᓗ ᐱᐅᓕᓂᐊᒐᕐᑕᖏᓐᓂᒃ LAN/VAN ᖃᕆᑕᐅᔭᓕᕆᒍᑎᓂᒃ. ᐱᑐᑦᓯᒪᐅᑎᓂᒃ ᖃᐅᔨᓴᕐᑎ ᐱᓇᓱᐊᕆᐊᖃᕋᔭᕐᒥᔪᖅ ᐊᒻᒪᓗ ᐃᑲᔪᕐᓗᓂ ᐱᓇᓱᖃᑎᒌᓂᒃ, ᖃᐅᔨᓴᕐᓗᓂ ᐊᒻᒪᓗ ᖃᕆᑕᐅᔭᑎᒍᑦ ᑭᖕᖒᒪᒋᔭᐅᔪᓂᒃ ᐱᑕᖃᕐᑎᓯᓗᓂ ᑮᓇᐅᔭᓕᐅᕋᓱᐊᕐᓂᒨᓕᖓᔪᓂᒃ ᑭᖕᖒᒪᒋᔭᐅᔪᓂᒃ ᐱᑕᖃᕐᑎᓯᓗᓂ ᐊᒻᒪᓗ ᐃᑉᐱᒋᓗᒋᑦ ᐊᑐᕐᑕᐅᓂᖏᑦ.

 

ᐃᓂᖓ ᐱᓇᓱᐊᕆᐊᓕᖏᓪᓗ:

·     ᐃᓚᐅᓗᓂ ᖃᕆᑕᐅᔭᕈᑎᓂᒃ ᐊᒻᒪᓗ ᐱᑐᑦᓯᒪᒍᑎᓂᒃ ᐱᒍᑦᔨᒍᑎᓂᒃ ᐊᑐᓕᕐᑎᑕᐅᓂᖏᓐᓄᑦ ᐱᓇᓱᐊᕐᑕᐅᔪᒥᒃ ᐃᓘᓐᓇᖏᓐᓄᑦ ᐃᓕᓐᓂᐊᓂᓕᕆᓂᕐᒥ ᐱᓇᓱᕝᕕᓄᑦ 14-ᓂ ᓄᓇᓕᓐᓂ ᓄᓇᕕᒻᒥ

·     ᐊᑐᓕᕐᑎᓯᓗᓂ ᐊᒻᒪᓗ ᑲᒪᓗᓂ ᖃᕆᑕᐅᔭᑎᒍᑦ ᐃᑖᕐᑕᐅᒌᒃᑯᑎᓂᒃ, ᖃᐅᔨᒍᑎᓂᒃ ᖃᕆᑕᐅᔭᒥ ᐃᑖᕈᑎᓂᒃ ᐊᒻᒪᓗ ᖃᕆᑕᐅᔭᒥᒃ ᓱᒃᑯᐃᒍᓐᓇᑐᑦ ᓴᐴᓗᑕᖏᓐᓂᒃ

·     ᐃᑉᐱᒋᔭᖃᕐᓗᓂ ᐊᐅᓚᑦᓯᓂᓕᕆᓂᕐᒧᑦ, ᐊᑐᓕᕐᑎᓯᓂᕐᓄᑦ, ᐊᐅᓚᑦᓯᓂᕐᓄᑦ, ᖃᕆᑕᐅᔭᓕᕆᒍᑎᓂᒃ, ᐃᑉᐱᒋᔭᖃᕐᓗᓂ ᐊᒻᒪᓗ ᐊᑦᑕᓀᓕᑎᕆᓗᓂ ᐊᑦᓱᓈᓕᓐᓂ ᐊᑦᓱᓈᖃᖕᖏᑐᓂᓪᓗ ᐱᑐᑦᓯᒪᐅᑎᓂᒃ ᐋᕐᕿᓱᕐᓯᒪᐅᑎᖏᓐᓂᒃ

·     ᐃᓚᐅᓂᖃᑦᓯᐊᓗᓂ ᓴᓇᒻᒪᖏᓐᓂᒃ ᐊᒻᒪᓗ ᐱᓪᓗᑯᒋᐊᓖᑦ ᐱᕙᓪᓕᐊᑎᑕᐅᓂᖏᓐᓂᒃ ᐱᓇᓱᐊᕐᑕᐅᔪᓂᒃ, ᐃᑲᔪᕐᓗᓂ ᓄᑕᐅᓯᓕᕐᑕᐅᒍᑏᑦ ᐸᕐᓇᓯᒪᐅᑎᖏᓐᓂᒃ ᐊᒻᒪᓗ ᐱᐅᓂᕐᐹᒧᑦ ᖃᕆᑕᐅᔭᓕᕆᐅᑎᓂᒃ ᐅᕝᕙᓘᓐᓃᑦ ᐱᐅᓕᓂᐊᒉᑦ ᐸᕐᓇᑕᐅᒍᑎᖏᓐᓂᒃ ᐊᒻᒪᓗ ᓄᑕᐅᓯᓕᕐᑕᐅᒍᑎᖏᑦᑕ ᐸᕐᓇᑕᐅᒍᑎᖏᓐᓂᒃ ᐊᑐᕐᑕᐅᔪᓂᒃ ᒫᓐᓇ

·     ᐋᕐᕿᒍᑎᑦᓴᓂ ᓴᓇᓗᓂ, ᑕᒻᒪᓯᒪᔪᓂᒃ ᓇᓗᓀᕐᓯᓗᓂ ᐊᒻᒪᓗ ᖃᓄᐃᓕᒍᑎᐅᓯᒪᔪᓂᒃ ᐊᒻᒪᓗ ᐱᑕᖃᕐᑎᓯᓗᓂ ᐋᕐᕿᕈᑎᑦᓴᓂᒃ (ᐊᓪᓚᓯᒪᔪᐃᑦ ᐊᓯᐅᔨᔭᕕᓂᐅᑉᐸᑕ ᖃᐅᔨᓴᕐᑎᐅᓗᓂ, ᖃᐅᔨᑎᑦᓯᒍᑏᑦ ᐊᑦᑕᓇᕐᑐᒦᓐᓂᒧᑦ, ᐋᕐᕿᓱᐃᒍᑏᑦ, ᐊᓯᖏᓪᓗ)

·     ᐃᑉᐱᒍᓱᓪᓗᓂ ᒪᓕᑦᓯᐊᒪᖔᑕ ᖃᕆᑕᐅᔭᕈᑏᑦ ᐱᐅᓂᕐᐹᑦ ᐊᑐᕐᑕᐅᓂᖏᓐᓄᒃ, ᐱᓗᐊᕐᑐᒥ ᐊᑦᑕᓇᖕᖏᓂᕐᐹᒧᑦ

·     ᐃᑉᐱᒍᓱᓪᓗᓂ ᐃᓂᖃᑦᓯᐊᓂᖏᓐᓂᒃ ᐊᒻᒪᓗ ᓴᑉᐴᓗᑕᖏᓐᓂᒃ ᐊᓪᓚᓯᒪᔪᑦ ᐊᒻᒪᓗ ᖃᕆᑕᐅᔭᓕᕆᒍᑏᑦ

·     ᐊᓪᓚᓗᓂ ᐊᒻᒪᓗ ᓄᑕᐅᓯᓕᑎᕆᓗᓂ ᐊᓪᓚᓯᒪᔪᓂᒃ (ᐊᐅᓚᒍᑎᖏᑦ ᐊᒻᒪᓗ ᐊᑐᕐᑕᐅᒍᑎᖏᑦ ᒪᓕᑦᑕᐅᓂᖏᑦ, ᐱᑐᑦᓯᒪᐅᑏᑦ ᐸᕐᓀᓯᒪᒍᑎᖏᓐᓄᑦ, ᐋᕐᕿᓱᕐᓯᒪᐅᑏᑦ ᓴᓇᒻᒪᖏᓐᓄᑦ, ᐱᓪᓗᑯᒋᐊᓖᑦ ᑐᑭᓯᓇᕐᑎᑕᐅᒍᑎᖏᑦ, ᐱᒋᐅᕐᓴᑎᑦᓯᒍᑏᑦ ᐊᓪᓚᓯᒪᔪᖏᓐᓂᒃ, ᐊᓯᖏᓪᓗ)

·     ᐃᑉᐱᒋᔭᖃᕐᓗᓂ ᐱᐅᓂᕐᐹᒥᒃ ᐃᑲᔪᕐᓯᒍᑎᓂᒃ

·     ᐱᓇᓱᐊᕐᓗᓂ ᐱᓇᓱᐊᕆᐊᓕᓐᓂᒃ ᐱᓇᓱᒐᕐᒥᓅᓕᖓᔪᓂᒃ ᐊᐱᕆᐅᑎᐅᔪᓂᒃ ᐊᖓᔪᕐᖄᒥᓄᑦ

 

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓭᑦ ᐱᖓᔪᖓᓂ ᐱᔭᕇᕈᑎᖃᕐᓗᓂ ᖃᕆᑕᐅᔭᓕᕆᓂᕐᒧᑦ ᐅᕝᕙᓘᓐᓃᑦ ᐱᓇᓱᒐᕐᒧᑦ ᑖᑦᓱᒧᖓᓕᖓᔪᓂᒃ.

 

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

 

ᐱᒍᓐᓇᓯᐊᕆᐊᓕᖏᑦ:

·     ᖃᐅᔨᒪᓂᖃᕐᑎᑕᐅᓗᓂ ᐊᐅᓚᒍᓯᖏᓐᓂᑦ WatchGuard firewalls ᐊᒻᒪᓗ Aruba ᐱᑐᑦᓯᒪᐅᑎᒍᑎᖏᑦᑕ ᐋᕐᕿᓱᕐᓯᒪᓂᖏᑦ (ᐱᑐᑦᓯᒪᐅᑏᑦ ᑕᐅᕐᓯᑕᐅᑎᖏᑦ,ᐃᑎᕈᓐᓇᐅᑏᑦ,ᐃᑎᕈᓐᓇᐅᑏᓪᓗ ᐊᐅᓚᑕᐅᒍᑎᖏᑦ). 

·     ᑕᓪᓕᒪᓂᒃ ᐊᕐᕌᒍᓂ ᐱᓇᓱᐊᕐᓯᒪᓗᓂ ᑖᑦᓱᒪᐅᑉ ᐱᓇᓱᒐᐅᑉ ᐊᑦᔨᖓᓂᒃ

·     ᐱᓇᓱᐊᕐᓯᒪᓗᓂ Microsoft-ᒥ ᖃᕆᑕᐅᔭᓕᕆᒍᑎᓂᒃ; Windows ᖃᕆᑕᐅᔭᓕᕆᐅᑎᓂᒃ, SQL ᖃᕆᑕᐅᔭᓕᕆᐅᑎᓂᒃ, DFS, OneDrive, SCCM, SCOM, Active Directory, GPO, Office 365, Azure web services, IIS, Exchange, PowerShell

·     ᐱᓇᓱᐊᕐᓯᒪᓗᓂ ᐊᑦᔨᒌᖕᖏᑐᓂᒃ ᐱᑐᑦᓯᒪᒍᑎᓂᒃ, LAN ᐊᒻᒪᓗ WAN ᐱᑐᑦᓯᒪᒍᑎᓂᒃ, ᑐᓴᐅᒪᖃᑎᒌᒍᑎᓂᒃ ᒪᓕᑦᑕᐅᒋᐊᓕᓐᓂᒃ, VPN ᐊᒻᒪᓗ ᓴᐳᒻᒥᒍᑎᓂᒃ ᐱᑐᑦᓯᒪᒍᑎᓄᑦ ᖃᕆᑕᐅᔭᓄᑦ

·     ᐱᓇᓱᐊᕐᓯᒪᓗᓂ ᓱᓕᔫᔮᕐᑐᓂᒃ ᖃᕆᑕᐅᔭᓕᕆᐅᑎᓂᒃ Hyper V ᐊᒻᒪᓗ Vmware

·     ᐱᓇᓱᐊᕐᓯᒪᓗᓂ ᑲᒪᒍᑎᓂᒃ ᐊᒻᒪᓗ ᐃᑉᐱᒋᔭᖃᕈᑎᓂᒃ

·     ᐱᓇᓱᐊᕐᓯᒪᓗᓂ NAS/SAN ᓄᐊᑦᓯᓯᒪᒍᑎᖏᓐᓂᒃ

·     ᐱᓇᓱᐊᕐᓯᒪᓗᓂ ᐅᕝᕙᓘᓐᓃᑦ ᖃᐅᔨᒪᓗᓂ ᐱᑐᑦᓯᒪᒍᑎᓂ ᐱᒍᑦᔨᒍᑎᓂᒃ ᐅᕝᕙᓘᓐᓃᑦ ᒪᓕᒋᐊᓕᖏᓐᓂᒃ: DNS, WINS, HTTPS, FTP, LDAP, SMB, NFS, CIFS, POP, SMTP, HTTPS. Webday, SNMP, ICMP, Telnet, NAT, routing, proxy

·     ᐊᐅᓪᓚᑲᑕᒍᓐᓇᓗᓂ ᓄᓇᕕᒻᒥ ᕆᐊᖃᓕᑐᐊᕈᓂ

·     ᖃᖓᑐᐃᓐᓇᓕᒫᖅ ᐅᖄᓚᕕᐅᒍᓐᓇᓗᓂ ᐊᒻᒪᓗ ᐊᑐᐃᓐᓇᐅᓗᓂ ᐱᓇᓱᒋᐊᖃᑐᐊᕈᓂ ᐅᐃᒪᓇᕐᑐᒥᒃ, ᑭᖕᖒᒪᒋᔭᐅᒍᓂ ᐅᐃᒪᓇᕐᑐᖃᕐᑐᕕᓂᐅᑉᐸᑦ

·     ᖃᐅᔨᓴᕈᓐᓇᓯᐊᕐᓂᒥᒃ ᐱᒍᓐᓇᓯᐊᕐᓗᓂ,

 

ᐱᐅᔫᕋᔭᕐᒥᔪᖅ:

·     ᖃᐅᔨᒪᓂᖃᕆᐊᓕᒃ ᐊᑐᓕᓂᐅᓗᓂᓗ ᐊᐅᓚᒍᓯᖏᓐᓂᑦ Mac OS, Mozaïk, Microsoft ᐆᒻᒪᕆᓂᖏᑦ, ᐊᓪᓚᕈᓐᓇᓗᓂ ᐱᓇᓱᐊᕈᓐᓇᓗᓂᓗ ᐅᖃᐅᓯᕐᓂᑦ, cloud ᖃᕆᑕᐅᔭᓕᕆᐅᑎᖏᑦ, ᖃᕆᑕᐅᔭᑎᒍᑦ ᑐᓴᕐᑎᓯᐅᑎᓂᑦ ᑲᒪᓂᖅ, MDM ᐊᐅᓚᒍᓯᖏᑦ (Mosyle) ᒪᓕᑦᑕᐅᒋᐊᓖᓪᓗ ᐊᑦᑕᓇᕐᑐᒨᕐᑎᓯᑦᑌᓕᒍᑏᑦ; 

·     ᓇᓪᓕᖁᐊᖓᓂᒃ ᐱᓇᓱᐊᕐᓯᒪᓗᓂ ᐃᓕᓴᕐᓂᓕᕆᓂᕐᒥ ᐅᕝᕙᓘᓐᓃᑦ ᐃᓕᓐᓂᐊᓂᓕᕆᓂᕐᒥ ᐱᓇᓱᕝᕕᒥ

 

 

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᑎᒃ SPPENOM-ᑯᑦ ᐱᔪᓐᓇᐅᑎᓖᑦ ᑲᑐᑦᔨᖃᑎᒌᓐᓂᖓᑕ ᐊᖏᖃᑎᒌᓐᓂᖓᓂᒃ; ᑖᓐᓇ ᐱᓇᓱᒐᖅ ᐱᓇᓱᒉᑦ ᓇᓗᓀᕐᑕᐅᓯᒪᕕᖓᓂ 2120-ᒦᑦᑐᖅ: ᐱᒋᐊᕐᑐᑦ $55,812-ᒥᑦ $95,643-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

 

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ: ·       20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ ·       ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ ·       ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ ·       ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ ·       ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ			ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ: ·     ᐊᐅᔭᒥ ᐱᓇᓱᐊᕐᕕᓴᖅ ·     ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ ·     ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ ·     ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ ·     ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ ·     ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ
	ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm ᐁᕆᓕ 16, 2026   ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ, ᓇᓪᓕᑳᕐᓗᑎᑦ ᐅᑯᐊ ᓇᓪᓕᖏᓐᓂᑦ ᐃᓕᒐᓱᐊᕈᑕᐅᒍᓐᓇᑐᓂᒃ: 1)       ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ 2)       ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ  applications@kativik.qc.ca ᓇᓗᓀᕐᓗᒍᓗ 160ANALYST2603-02 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

 

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.