ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᐊᔪᖀᒋᐊᕐᑎ ᓄᓇᕕᐅᑉ ᓄᓇᓕᖏᓐᓄᑦ - KRG

ᐱᓇᓱᒐᕐᒥᒃ ᒪᓂᔨᒍᑎᒃ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑲᕙᒫᐱᓕᕆᓂᕐᒥᒃ ᑎᒥᐅᔪᖅ ᐊᐅᓚᑦᓯᓂᖃᕐᓱᓂ ᑲᑎᕕᐅᑉ ᓄᓇᖓᓂᑦ. ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐱᓇᓱᑦᑎᓴᕐᓯᐅᑐᖅ ᑲᑦᓱᙰᑦᑐᒥᒃ ᐱᔪᓇᐅᔮᕐᑐᒥᓪᓗ ᐆᒧᖓ ᐱᓇᓱᒐᕐᒧᑦ:

ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᐊᔪᖀᒋᐊᕐᑎ ᓄᓇᕕᐅᑉ ᓄᓇᓕᖏᓐᓄᑦ

(ᐱᓇᓱᒐᐅᓚᐅᕐᑐᑐᖅ ᐱᓇᓱᒐᖅ)

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᑐᖓᓕᖓᓄᑦ ᐱᑦᓴᖑᒍᓐᓇᑐᓕᕆᓂᕐᒥᒃ, ᐊᕙᑎᓕᕆᓂᕐᒥᒃ, ᓄᓇᓕᕆᓂᕐᒥᒃ ᐊᒻᒪᓗ ᒥᕐᖑᐃᓯᕕᓕᕆᓂᕐᒥᒃ ᐱᒍᑦᔨᕕᖓᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᑦ, ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᐊᔪᖀᒋᐊᕐᑎ ᐱᔭᑦᓴᖃᖃᑦᑕᓂᐊᕐᑐᖅ ᐅᑯᓂᖓ, ᐊᓯᖏᑦ ᐱᒻᒥᑎᓪᓗᒋᑦ:

• ᑐᑭᒧᐊᑦᑎᓯᔨᐅᓗᓂ ᓄᓇᕕᒻᒥ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᓱᖑᐃᓯᓴᕐᓂᒥᒃ ᑲᑎᒪᔩᑦ ᐱᓇᓱᐊᕋᑦᓴᖏᓐᓂᑦ ᕿᒥᕐᕈᓂᕐᒥᒃ ᐊᒻᒪᓗ ᑐᓴᐅᒪᖃᑎᙯᓐᓇᓗᓂ ᐱᓇᓱᐊᕋᑦᓴᓕᐊᖑᓯᒪᔪᑦ ᓯᕗᓕᕐᑎᖏᓐᓂᑦ ᓄᓇᓖᓪᓗ ᑎᒥᖁᑎᖏᓐᓂᑦ;

• ᑫᓪᓚᑐᐃᔩᑦ ᑲᑎᒪᓂᖏᓐᓄᑦ ᐃᓚᐅᓂᖃᖃᑦᑕᓗᓂ ᐊᕙᑎᐅᑉ ᓱᕐᕋᑕᐅᑦᑌᓕᒋᐊᖃᕐᓂᖓᓄᑦ ᐸᕐᓇᑎᖏᑦᑕ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᒻᒪᓗ ᐊᕙᑎᓕᕆᓂᕐᒥᒃ ᑐᕐᖃᑕᕐᕕᖓᑕ ᕿᒥᕐᕈᔨᖏᓐᓂᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ, ᓄᓇᐅᑉ ᒥᕐᖑᐃᓯᕖᓪᓗ ᐊᖏᖃᑎᒌᒍᑎᖓᓂᑦ, ᐊᖏᖃᑎᒌᒍᑎᐅᓪᓗ ᐊᑐᓕᕐᑎᑕᐅᓂᖓᓂᑦ ᑲᒪᒋᔭᙯᓐᓇᓗᓂ, ᐱᓇᓱᐊᕋᑦᓴᓕᐊᖑᓯᒪᔪᓂᑦ ᕿᒥᕐᕈᖃᑦᑕᓗᓂ ᐊᒻᒪᓗ ᐅᓐᓂᑑᑎᓕᐅᖃᑦᑕᓗᓂ ᐱᓇᓱᐊᕋᑦᓴᐅᒐᔭᕐᑐᓂᒃ ᑮᓇᐅᔭᖃᕐᑎᑕᐅᓗᑎᒃ ᓄᓇᕕᐅᑉ ᓯᕗᓪᓕᐅᔭᐅᖁᔭᖏᑦ ᒪᓕᓪᓗᒋᑦ;

• ᑐᑦᑕᕕᐅᖃᑦᑕᓗᓂ ᓄᓇᓕᓐᓄ, ᓄᓇᕕᐅᑉ ᑎᒥᖁᑎᖏᓐᓄᑦ ᑲᕙᒣᓪᓗ ᐱᒍᑦᔨᕕᖏᓐᓄᑦ ᓇᓗᓀᕐᓯᓂᕐᒥᒃ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᐃᓕᖓᔪᓂᑦ ᐃᓱᒫᓘᑎᐅᔪᓂᓪᓗ ᓱᖏᐅᓯᓴᕈᑎᑦᓴᓕᐅᕐᓂᒥᒃ ᐊᒻᒪᓗ ᐃᑲᔪᕐᓯᒪᔨᐅᓗᓂ ᐱᓇᓱᐊᕋᑦᓴᓕᐊᖑᓯᒪᔪᑦ ᐱᕙᓪᓕᐊᑎᑕᐅᓂᖏᓐᓂᑦ;

• ᐃᓚᐅᓂᖃᕐᓗᓂ ᐊᑐᓕᕐᑎᑕᐅᓂᖓᓂᑦ ᓄᓇᕕᒻᒥ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᓱᖏᐅᓯᓴᕈᑎᑦᓴᓕᐊᖑᓯᒪᔪᒥᒃ ᐱᓇᓱᐊᖃᑎᒋᓗᒋᑦ ᓄᓇᕕᐅᑉ ᑎᒥᖁᑎᖏᑦ;

• ᑲᑎᒪᐅᑎᕕᓂᕐᓂᒃ ᐊᓪᓚᓯᒪᔪᖕᖑᑎᑦᓴᖃᑦᑕᓗᓂ, ᑐᓴᒪᖃᑎᒌᑦᑎᓯᔨᐅᓗᓂ, ᐊᒻᒪᓗ ᑐᓴᕐᑎᓯᒍᑎᓕᐅᖃᑦᑕᓗᓂ;

• ᐱᑐᑦᓯᒪᖃᑎᒌᒋᐊᖃᕐᓂᒥᒃ ᑫᓪᓚᑐᐃᔨᐅᓗᓂ ᐱᓇᓱᐊᕐᑕᐅᒋᐊᓖᑦ ᖃᐅᔨᒪᔭᐅᑦᓯᐊᕆᐊᖃᕐᓂᖏᓐᓄᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᐃᓕᖓᔪᑦ;

• ᓄᓇᕕᒻᒥ ᐱᓇᓱᐊᕋᑦᓴᓕᐊᖑᓯᒪᔪᑦ ᓯᓚᐅᑉ ᐊᓯᑦᔨᐸᓪᓕᓂᖓᓄᑦ ᐃᓕᖓᔪᑦ ᖃᕆᑕᐅᔭᒨᔭᖃᑦᑕᓗᒋᑦ;

• ᐊᓯᓕᒫᖏᓐᓂᑦ ᐱᔭᑦᓴᑖᕐᑎᑕᐅᒍᑎᒥᓂᒃ ᑲᔪᓯᑎᑦᓯᖃᑦᑕᓗᓂ;

ᐱᒍᓐᓇᐅᑎᒋᒋᐊᓕᖏᑦ

• ᐃᓕᓐᓂᐊᕕᕐᔪᐊᒥᑦ ᐃᓕᑕᕆᔭᐅᒍᑎᖃᕐᓗᓂ ᐊᕙᑎᓕᕆᓂᕐᒥᒃ, ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᐊᑦᔨᐸᓱᖓᓂᓪᓘᓃᑦ.

• ᐃᑭᓐᓂᐸᐅᑎᓪᓗᒍ ᒪᕐᕉᒃ ᐊᕐᕌᒎᓐᓂᒃ ᐱᓇᓱᑦᓯᒪᓂᖃᕆᐊᓕᒃ ᓯ’ᐅᑉ ᐊᓯᑦᔨᐸᓪᓕᐊᓂᖓᓄᑦ ᐱᓇᓱᕝᕕᒥᑦ, ᐊᓯᖓᓂᓪᓘᓃᑦ ᐱᓇᓱᒐᕐᒧᑦ ᐃᓕᖓᔪᓂᒃ;

• ᐊᓪᓚᒍᓐᓇᓗᓂ ᐅᖄᒍᓐᓇᓗᓂ ᒪᕐᕉᓂᒃ ᐅᖃᐅᓰᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓪᓗ;

• ᑐᓴᐅᒪᖃᑎᒌᑦᑎᓯᓂᕐᒥᒃ ᐱᒍᓐᓇᓯᐊᕆᐊᓕᒃ, ᐃᒻᒥᓂᕿᓗᓂ ᐱᓇᓱᒍᓐᓇᓗᓂ ᐱᓇᓱᑦᑎᐅᖃᑎᒥᓂᓪᓗ ᐱᓇᓱᖃᑎᖃᕈᓐᓇᓯᐊᕐᓗᓂ.

• ᖃᕆᑕᐅᔭᕈᓐᓇᕆᐊᓕᒃ Microsoft ᖃᕆᑕᐅᔭᕈᑎᖏᓐᓂᑦ.

• ᓯᑯᑦᓴᔭᓂᒃ ᐊᓪᓚᓯᒪᔪᖕᖑᑎᑦᓯᒍᓐᓇᕆᐊᓕᒃ.

• ᑕᑎᒋᔭᐅᑦᓯᐊᕈᓐᓇᓗᓂ, ᐃᑉᐱᒍᓱᑦᓯᐊᓗᓂ, ᐃᒻᒥᓂᕿᓗᓂᓗ ᐱᓇᓱᒍᓐᓇᓯᐊᕐᓗᓂ.

• ᐸᕐᓇᕈᓐᓇᓯᐊᕆᓕᒃ, ᐃᓂᓪᓖᓯᒪᑦᓯᐊᕈᓐᓇᓗᓂ ᐊᒻᒪᓗ ᖃᐅᔨᒋᐊᕈᓐᓇᓯᐊᕐᓗᓂ;

• ᐊᑐᐃᓐᓇᐅᓗᓂ ᐊᐅᓪᓚᑲᑦᑕᕆᐊᖃᕐᓂᒥᒃ ᓄᓇᕕᒻᒥ ᓯᓚᑖᓂᓪᓗ ᓄᓇᕕᐅᑉ.

ᐱᓇᓱᕝᕕᖓ: ᓄᓇᕕᒃ ᓯᓚᑖᖓᓗ ᓄᓇᓕᓕᒫᑉ

ᑮᓇᐅᑦᔭᓵᖏᑦ: ᐃᑭᓐᓂᐹᑦ: $45,942 ᐊᒻᒪᓗ ᐅᓄᕐᓂᐹᑦ $77,337 ᐊᕐᕌᒍᒥ (ᓇᓪᓕᖁᐊᕇᓐᓂᖓᓃᑦᑐᖅ 7)

ᐊᓯᖏᑦ ᐱᕙᓪᓕᖁᑎᑦᓭᑦ: ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᐸᕐᓀᓯᒪᐅᑏᑦ: 6.25% ᐱᓇᓱᑦᑎᖁᑎᓕᒃ, 4% ᐱᓇᓱᑦᑎ;

ᐃᓚᒌᑦᑐᑦ ᐃᒻᒪᖃᐅᑎᖃᕐᑎᑕᐅᒍᑎᖏᑦ;

ᑕᙯᕐᓯᓂᕐᒧᑦ ᕿᑲᕈᓐᓇᕕᖏᑦ: ᐅᓪᓗᐃᑦ 20 ᐊᕐᕌᒍᒥ;

ᐱᖁᔦᑦ ᒪᓕᓪᓗᒋᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᖁᕕᐊᓱᕝᕕᐅᓂᖓᓂ.

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᓅᕕᒻᐱᕆ 4, 2025-ᒥ ᐅᕗᖓ: :

Kativik Regional Government

P.O. Box 9

Kuujjuaq (Québec) J0M 1C0

Fax: 819-964-2975

humanresources@krg.ca