ᓯᓚᓐᓂᐊᑎ / ᓈᓚᑦᑎ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ(KRG), ᖁᑦᓯᓂᕐᐹᖅ ᓄᓇᓕᓐᓂ ᑎᒥᐅᔫᑦᓱᓂ ᐊᐅᓚᑦᓯᔪᖅ ᓄᓇᒥᒃ 55 ᖁᓛᓂ ᑕᕐᕋᒥ, ᕿᓂᕐᖁᖅ ᑲᑦᓱᖓᐃᑦᑐᒥᒃ ᕿᑦᑕᐃᖓᑦᓯᐊᑐᒥᒃ ᐃᓄᒻᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᑦᑎᖏᓐᓄᑦ ᐃᓚᐅᒍᒪᔪᒧᑦ ᐆᒥᖓ ᐱᓇᓱᑦᑎᐅᓗᓂ:

ᓯᓚᓐᓂᐊᑎ / ᓈᓚᑦᑎ

(ᐃᓕᒣᓐᓇᓚᖓᔪᖅ, ᑕᐅᕐᓯᑕᕐᑐᖅ)

ᐃᑉᐱᒋᔭᐅᑦᓱᓂ ᑐᑭᒧᐊᑦᑎᓯᔨᖓᓄᑦ ᒥᕝᕖᑦ ᐊᐅᓚᑕᐅᓂᖏᓐᓄᑦ ᐊᒻᒪᓗ ᓴᓇᒋᐊᓪᓛᔭᐅᓂᖏᓐᓄᑦ, ᓯᓚᓐᓂᐊᑎ/ᓈᓚᑦᑎ (O/C) ᐱᓇᓱᓲᖅ ᓄᓇᓕᐅᑉ ᒥᕝᕕᖓᑕ ᓈᓚᕝᕕᖓᓂ (CARS) ᐃᓂᓕᒃ ᓄᓇᓕᐅᑉ ᒥᕝᕕᖓᓂ. ᓄᓇᓕᒻᒥ ᖃᖓᑦᑕᔫᓂᒃ ᐃᑲᔪᓲᑦ ᓈᓚᐅᑎᒃᑯᑦ ᐅᖄᖃᑎᖃᕐᓱᑎᒃ, ᓯᓚᓐᓂᐊᓱᑎᒃ ᐊᒻᒪᓗ ᑐᓴᕐᑎᓯᐅᑎᓕᐅᕐᓱᑎᒃ, ᐊᒻᒪᓗ ᒪᓕᑦᓱᑎᒃ ᐊᑦᔨᒌᖕᖏᑐᓂᒃ ᐊᐅᓚᓂᖓᑕ ᒪᓕᒐᖏᓐᓂᒃ ᐊᒻᒪᓗ ᐱᐅᓯᐅᒋᐊᓕᓐᓂᒃ ᐃᓘᓐᓇᖓᑕ ᐃᖏᕐᕋᓯᐊᕐᓂᖓ ᒥᕝᕕᐅᑉ ᐃᑉᐱᒋᑦᓱᒍ ᐊᒻᒪᓗ ᐊᑦᔨᒌᖕᖏᑐᑦ ᐊᐅᓚᑦᓯᒍᑎᖏᑦ. ᓯᓚᓐᓂᐊᑎ/ᓈᓚᑦᑎᐅᑉ ᑲᒪᒋᓲᖏᓐᓄᒃ ᐃᓚᐅᔪᑦ ᐃᓱᓕᕝᕕᖃᕋᑎᒃ ᐅᑯᓂᖓ:

• ᐃᓚᐅᑎᓗᒋᑦ ᐃᒻᒥᓂᕿᑦᓱᓂ ᓯᓚᓐᓂᐊᕈᑎᐅᑉ HWOS ᑲᐃᕙᓪᓚᒍᓯᑕᒫᑦ ᓯᓚᓐᓂᐊᑕᖏᑦ ᓯᓚᓐᓂᐊᑎᐅᑉ ᐃᓅᑉ ᓯᓚᓐᓂᐊᑕᖏᓐᓄᑦ ᐊᐅᓪᓚᑎᑕᐅᓲᑦ ᐃᑯᒪᐅᑎᒨᕐᑐᑯᑦ ᓈᕝᑲᓇᑕᒧᑦ;

• ᐅᖄᖃᑎᖃᕐᓗᓂ ᖃᖓᑦᑕᔫᕐᑎᓂᒃ ᓄᓇᒃᑰᔫᕐᑎᓂᓪᓗ, ᑐᓴᕐᑎᓗᒋᑦ ᓯᓚᐅᑉ ᖃᓄᐃᓐᓂᖓᓂᒃ, ᖃᖓᑦᑕᔫᓂᒃ ᐊᐅᓚᔪᓂᒃ ᐊᓯᖏᓐᓂᒃ, ᒥᕝᕕᐅᑉ ᖃᓄᐃᓐᓂᖓᓂᒃ, ᐅᐃᒪᓇᕐᑐᓂᒃ ᐊᒻᒪᓗ ᐊᓯᖏᓐᓂᒃ ᑐᓴᕋᑦᓴᓂᒃ, ᑐᑦᓯᕋᕐᑕᓂᒃ ᐅᕝᕙᓘᓐᓃᑦ ᐱᓪᓚᕆᒋᐊᓕᓐᓂᒃ;

• ᖃᐅᑕᒫᑦ, ᐱᓇᓱᐊᕈᓯᑕᒫ ᐊᒻᒪᓗ ᑕᕐᕿᓕᒫᕐᓯᐅᑎᓂᒃ ᖃᐅᔨᓴᐅᑎᓂᒃ ᑐᓴᕋᑦᓴᓕᐅᖃᑦᑕᓗᓂ ᐱᒍᓐᓇᓯᐊᕋᓗᐊᕐᒪᖔᑕ ᒥᕝᕕᐅᑉ ᐊᐅᓚᑦᓯᒍᑎᖏᑦ ᐊᒻᒪᓗ ᐱᐅᒃᑯᑎᖏᑦ;

• ᓄᐊᓗᒋᑦ ᖃᐅᑕᒫᑦ ᖃᐅᔨᒪᐅᑏᑦ ᖃᖓᑦᑕᔫᑦ ᓐᓂ

• ᐱᔭᕇᕐᓗᒋᑦ ᐱᒋᐊᖃᕐᓂᖏᑦ ᒪᓕᓪᓗᒋᑦ ᑐᓴᕋᑦᓴᐃᑦ ᐅᑯᓄᖓ ᒥᕝᕕᐅᑉ ᐱᔭᑦᓴᖏᓐᓄᑦ: ᐊᑦᑕᓇᕐᑐᒦᑎᑦᓯᑕᐃᓕᓂᕐᒧᑦ ᐊᐅᓚᑦᓯᒍᑏᑦ, ᐆᒪᔪᓕᕆᓂᖅ, ᐅᐃᒪᓇᕐᑐᓕᕆᓂᖅ, ᐊᑦᑕᓇᕐᑐᒨᓕᖓᔪᑦ ᓱᓃᑦ; ᐊᐅᓚᑦᓯᓂᐅᑉ ᓈᒻᒪᓈᕐᑕᓯᐊᖕᖏᓂᖏᑦ, ᓱᒐᓚᓐᓃᑦ ᐊᒻᒪᓗ ᐱᓂᕐᓗᓃᑦ;

• ᐃᑲᔪᕐᓗᒍ ᒥᕝᕕᐅᑉ ᓴᓇᒋᐊᓪᓛᕆᔨᖓ ᑎᑭᑕᐅᑉᐸᑦ ᓱᓇᒐᓚᓐᓄᑦ ᐊᒻᒪᓗ ᐱᐅᒃᑯᑎᓄᑦ ᒥᕝᕕᒥ ᖃᓄᐃᑦᑐᑐᐃᓐᓇᓄᑦ ᑫᐋᔩ ᐱᒍᑦᔨᕕᖏᓐᓄᑦ;

• ᓄᓇᓕᒻᒥ ᑭᒡᒐᑐᕐᑎᐅᓃᑦ ᑫᐋᔩ ᐃᖏᕐᕋᐅᑎᓕᕆᕕᖓᓄᑦ, ᐃᓘᓐᓇᖓᑕ ᐃᖏᕐᕋᓯᐊᕐᓂᖓ ᒥᕝᕕᐅᑉ ᐃᑉᐱᒋᑦᓯᐊᓗᒍ ᐊᒻᒪᓗ ᑐᓴᕐᑕᐅᑎᑦᓯᐊᓗᒋᑦ ᐃᓱᐃᓪᓕᖓᓂᖏᑦ ᐊᐅᓚᑦᓯᔨᓄᑦ ᐋᕐᕿᑕᐅᖁᓗᒋᑦ.

ᓂᕈᐊᕐᑕᖅ ᐃᓕᒐᓱᑦᑐᖅ ᐃᒪᐃᒋᐊᓕᒃ:

• ᐱᓇᓱᒍᒪᓂᖃᕆᐊᓕᒃ ᐱᓇᓱᓐᓇᖓ ᐃᓇᖏᕐᑕᐃᖃᑦᑕᐅᑎᒌᓪᓗᑎᒃ ᐋᕐᕿᓯᒪᓂᖓ 14ᓂᒃ ᐅᕝᕙᓘᓐᓃᑦ 28ᓂᒃ ᑲᔪᓯᔪᓂ ᐅᓪᓗᓂᒃ ᐱᒋᐊᕐᓗᓂ/ᓄᕐᖃᓗᓂ;

• ᐱᓇᓱᓐᓇᖏᑦ 10 ᑲᐃᕙᓪᓚᒍᓰᑦ ᖃᐅᑕᒫᑦ ᐊᑐᐃᓐᓇᐅᒪᒋᐊᖃᕐᓱᓂᓗ ᐱᓇᓱᓐᓇᕇᕐᓯᒪᓕᕋᓗᐊᕐᐸᑦ ᐊᒻᒪᓗ ᐱᓇᓱᑲᓪᓛᖃᑦᑕᓗᓂ ᑲᐃᕙᓪᓚᒍᓯᓕᐅᕐᓗᓂ ᐱᓇᓱᓐᓇᐅᑉ ᓯᓚᑖᒍᑦ (ᐱᓇᓱᒍᑎᒋᓗᒋᑦ ᐅᐃᒪᓇᕐᑐᑯᑦ ᖃᖓᑦᑕᔫᒃᑯᑦ ᐊᐅᓪᓚᑎᑕᐅᓃᑦ, ᖃᐅᑕᒫᕐᓯᐅᑏᑦ ᖃᖓᑦᑕᔫᑦ, ᐅᑭᐅᒥ ᐊᐅᓚᑦᓯᓃᑦ, ᐊᒻᒪᓗ ᐋᕐᕿᓱᕐᓯᒪᓂᖏᑦ ᐱᓇᓱᐊᕋᑦᓴᐃᑦ);

• ᐳᕐᑐᓂᕐᓴᒥ 3ᒥ ᐱᔭᕇᕐᓯᒪᓗᓂ (ᐳᕐᑐᓂᖓ 9);

• ᑭᓪᓕᓯᓂᐊᑦᓯᐊᕈᓐᓇᓗᓂ, ᐸᕐᓇᕈᓐᓇᓗᓂ ᐊᒻᒪᓗ ᐱᓇᐃᓗᑕᓂᒃ ᐋᕐᖀᒍᓐᓚᓗᓂ;

• ᑲᐃᕙᓪᓚᒍᓯᕐᓂᒃ ᐊᒥᓱᓂᒃ ᐱᓇᓱᒍᓐᓇᓗᓂ ᐃᓄᑑᓗᓂ ᐃᓚᖓᓂᒃ, ᖃᓂᖕᖏᑐᒥ ᑲᒪᒋᔨᖃᕐᓗᓂ;

• ᓄᐃᑦᓯᓗᓂ ᑕᑎᑦᓴᓯᐊᓪᓚᕆᐅᓂᕐᒥᓂᒃ, ᓇᓗᕐᖁᓇᐃᑦᑑᓗᓂ ᐊᒻᒪᓗ ᐊᑦᑕᓇᐃᑦᑑᓗᓂ;

• ᐱᓇᓱᒋᐊᕐᑐᖏᓐᓇᓕᒫᓲᖑᓗᓂ;

• ᐊᓪᓚᒍᓐᓇᓗᓂ ᐅᖄᒍᓐᓇᓗᓂᓗ ᐱᓇᓱᒍᓐᓇᕈᑎᒋᓗᒍ ᖃᐅᔨᒪᓗᓂ ᒪᕐᕈᔪᐊᓐᓂᒃ(2) ᐅᖃᐅᓰᓐᓂᒃ ᐅᑯᓇᓂ ᐅᖃᐅᓯᕐᓂ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐅᐃᒍᐃᑎᑐᓪᓗ:

• ᓈᓚᐅᑎᒥᒃ ᐊᑐᕈᓐᓇᐅᑎᑖᕐᓗᓂ ᓇᐅᑐᐃᓐᓇᒨᓕᖓᖕᖏᑐᒥᒃ ᐃᓐᑕᔅᑐᕆ ᑲᓇᑕᒥᑦ (Industry Canada) ᐱᓯᒪᔪᒥᒃ;

• ᑐᓵᑦᓯᐊᓗᓂ ᑕᐅᑐᑦᓯᐊᓗᓂᓗ ᑲᓇᑕᐅᑉ ᐊᐅᓚᑦᓯᓂᓕᕆᔨᖏᑦᑕ ᐱᖁᔭᖏᑦ ᒪᓕᓪᓗᒋᑦ;

• ᓄᓇᒃᑰᔫᕈᓐᓇᐅᑎᖃᕐᓗᓂ ᑯᐸᐃᒃᒥ ᐅᕝᕙᓘᓐᓃᑦ ᓄᓇᕕᒻᒥ ᐊᑐᕈᓐᓇᑐᒥᒃ ᐊᒻᒪᓗ ᒥᕝᕕᒥ ᓄᓇᒃᑰᔫᕈᓐᓇᐅᑎᒥᒃ ᐱᔭᕇᕈᑎᑖᕐᓗᓂ;

• ᐊᓪᓚᒍᓐᓇᕆᐸᓕᒃ, ᓄᐃᑦᓯᓗᓂᓗ ᐊᒻᒪᓗ ᐱᕐᓯᒍᓐᓇᓗᓂ ᖃᖓᑦᑕᔫᕐᑎᓂᒃ ᖃᐅᔨᑎᑦᓯᒍᑎᓂᒃ (NOTAMs);

• ᓈᓚᐅᑎᒧᑦ ᒪᓕᒐᓕᒻᒧᑦ ᐅᖃᓕᒪᔨᓂᒃ ᖃᐅᔨᓴᕐᑎᐅᓂᖅ, ᐃᓱᐊᖁᑕᐅᔪᖅ;

• ᐱᓕᓂᐅᓂᖅ ᐱᓇᓱᕝᕕᒥᒃ ᐱᔪᓐᓇᐅᑎᑕᕐᑎᓯᓂᕐᒥᒃ, ᐃᓱᐊᖁᑕᐅᔪᖅ;

• ᐊᑑᑎᓂᖅ ᐱᓇᓱᕝᕕᒥ ᐱᔪᓐᓇᐅᑎᑖᕐᓂᒥᒃ ᓇᔪᕆᐊᖓᓕᖓᓂ ᒥᕝ[ᒥ ᐱᔪᓐᓇᐅᑎᓕᒻᒥᒃ ᐃᓕᓐᓂᐊᑎᑦᓯᔨ-ᖃᐅᔨᓴᕐᑎᒥᒃ ᐃᓚᖃᕐᓗᓂ

ᐱᓇᓱᓐᓇᖓᑕ ᐋᕐᕿᓱᕐᓯᒪᓂᖓ ᐊᒻᒪᓗ ᐱᓇᓱᕝᕕᖓᑕ ᓇᓃᓐᓂᖓ: ᐃᓕᒐᓱᐊᕐᑐᖅ ᓂᕈᐊᕐᑕᖅ ᐱᓇᓱᓛᕐᑐᖅ ᐃᓇᖐᑲᑦᑕᐅᑎᐊᖃᑎᖃᕐᓗᓂ ᐋᕐᕿᓯᒪᓂᖓ ᒪᕐᕉᓂᒃ ᓯᑕᒪᓂᓪᓗ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᓄᓇᕕᒻᒥ ᑭᖑᓂᖃᕐᓗᓂ ᒪᕐᕉᓂᒃ ᓯᑕᒪᓂᓪᓗ ᐱᓇᓱᐊᕈᓯᕐᓂᒃ ᐊᑭᓕᕐᑐᑕᐊᓗᓂ ᕿᑲᕐᓗᓂ(70 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ) (2-2 ᐅᕝᕙᓘᓐᓃᑦ 4-4)

ᓇᓃᓐᓂᖓ ᐱᓇᓱᒐᐅᑉ: ᓄᓇᕕᒃ

ᑮᓇᐅᑦᔭᓵᖏᑦ: ᐃᑭᓐᓂᐹᑦ$43 348/ᐊᕐᕌᒍᑕᒫᑦ; ᐊᒥᓲᓂᕐᐹᑦ$71 800ᐊᕐᕌᒍᑕᒫᑦ(ᐳᕐᑐᓂᖓ 6)

ᐱᕙᓪᓕᒋᐊᕈᑎᑖᕐᑕᐅᑎᖏᑕᑦ ᐊᓯᖏᑦ:

ᐊᕐᕕᑕᕈᑎᖓᑕ ᐊᑭᓕᕐᑐᑕᐅᓂᖏᑦ ᓄᓇᕕᒻᒦᓂᕐᒥᓂ

ᐱᔭᕆᐊᑭᓪᓕᑎᕐᓯᒪᔪᑦ ᐃᑦᑑᒍᑎᑖᕐᑕᐅᑏᑦ: 6.25% ᐱᓇᓱᕝᕕᒃ, 4% ᐱᓇᓱᑦᑎ

ᐃᒻᒥᒎᕐᑎᑐᑦ ᐱᓇᓱᑦᑏᑦ ᐃᒻᒪᖃᐅᑎᖓ

ᕿᑲᑲᐃᓐᓇᕈᓐᓇᐅᑏᑦ ᐅᓪᓗᐃᑦ: 20 ᐅᓪᓗᐃᑦ ᐅᑭᐅᑉ ᐃᓗᐊᓂ

ᕿᑲᕐᓇᐃᑦ ᐱᖁᔭᑎᒍᑦ ᐋᕐᑭᓯᒪᔪᑦ: 20 ᐅᓪᓗᐃᑦ

ᐱᓇᓱᒍᒪᐅᑎᑎᑦ ᐊᓪᓚᓯᒪᔪᑦ ᐊᐅᓪᓚᑎᓪᓗᒋᑦ ᐅᕗᖓ:

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐊᓪᓚᑖᕐᕕᖓᑕ ᐃᑦᓯᕕᖓᑕ ᑭᓯᑦᓯᒍᑎᖓ 9

ᑰᒃᔪᐊᖅ ᑯᐸᐃᒃ J0M 1C0

ᐊᓪᓚᕕᑦᓴᒥᒃ ᑐᔪᐃᕕᖓ: 819 964-2975

ᖃᕆᑕᐅᔭᐅᑉ ᐱᑐᑦᓯᒪᐅᑎᖓᑎᒍᑦ ᐊᓪᓚᑖᕐᕕᖓᑕ ᓯᓚᑎᖓ

humanresources@krg.ca

ᑫᐋᔩ ᐊᑦᔨᒌᒥᒃ ᐱᕕᖃᕐᑎᓯᑦᓱᓂ ᐱᓇᓱᕝᕕᐅᕗᖅ. ᐊᖏᕈᑎᖓ ᑖᑦᓱᒪ ᒪᓕᑦᓱᒍ ᐊᒻᒪᓗ ᔭᐃᒥᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᑕ ᐊᖏᖃᑎᒌᓐᓂᖓ, ᖃᓄᐃᓕᖓᓂᖓ ᐊᑦᔨᒋᖕᖏᑐᐃᓐᓇᕆᐊᓕᖓ ᖁᕝᕙᕆᐊᕆᑦᓱᓂ ᐱᓇᓱᑦᑎᓯᓂᕐᒥᒃ ᐃᓄᓐᓂᒃ ᐃᓕᒐᓱᑦᑐᓂᒃ.