ᓯᓚᓐᓂᐊᑎ/ᓈᓚᑦᑎ - KRG

ᐱᓇᓱᐊᕋᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ) ᐊᒥᓱᐃᓂᒃ ᓄᓇᓕᓐᓂᒃ ᑲᒪᒋᔭᖃᕐᓱᓂ ᑎᒥᐅᕗᖅ ᐊᐅᓚᑦᓯᓂᖃᕐᓱᓂ ᓄᓇᒥᒃ ᑯᐯᑉ ᑕᕐᕋᖓᓂ 55 ᖁᓛᓂ. ᑫᐋᔩ ᕿᓂᓕᕐᒥᔪᒍᑦ ᕿᑦᑌᖓᔪᒥᒃ ᐊᒻᒪᓗ ᐱᔪᑦᓴᐅᔮᕐᑐᒥᒃ ᐃᓄᒻᒥᒃ ᑫᐋᔩᒃᑯᑦ ᐱᓇᓱᑦᑎᖏᓐᓄᑦ ᐃᓚᒋᓕᐅᑎᒍᒪᔪᒥᒃ, ᐃᒣᑦᑑᓗᓂ:

ᓯᓚᓐᓂᐊᑎ/ᓈᓚᑦᑎ

(ᐊᑌᓐᓇᑐᖅ / ᐃᓗᐃᒃᑲᑎᒎᕐᑐᖅ)

ᐊᖓᔪᕐᖄᖃᕐᓗᓂ ᑎᒻᒥᔫᕐᓂᐊᕕᐅᑉ ᐃᖏᕐᕋᓂᖏᓐᓂᒃ ᐊᒻᒪᓗ ᓯᖁᒥᓯᒪᔪᕐᓂᐊᑕᐅᓂᖏᓐᓂᒃ ᑲᔪᓯᑎᑦᓯᔨᒥᒃ, ᓯᓚᓐᓂᐊᑎ/ᓈᓚᑦᑏᑦ (O/C) ᐱᓇᓱᕝᕕᖃᕐᖁᑦ ᓄᓇᓕᐅᑉ ᒥᕝᕕᖓᑕ ᓈᓚᕝᕕᖓᓂᒃ (CARS) ᒥᕝᕕᒦᖓᓃᑦᑐᒥᒃ ᓄᓇᓖᑦ ᑲᕙᒫᐱᖓᑕ. ᓄᓇᓕᒻᒥ ᓄᐃᑕᑦᓯᔨᐅᔪᑦ ᖃᖓᑦᑕᔫᓂᒃ ᓴᐳᒻᒥᐅᑎᓂᒃ ᐊᕐᖁᑎᖃᕐᓱᑎᒃ ᓈᓚᐅᑎᒃᑯᑦ ᐅᖃᓕᒪᓂᕐᒥᒃ, ᓯᓚᐅᑉ ᐱᐅᓯᖓᓂᒃ ᑕᑯᓐᓇᓂᕐᒥᒃ ᐊᒻᒪᓗ ᑐᓴᕐᑕᐅᑎᑦᓯᓂᕐᒥᒃ, ᐊᒻᒪᓗ ᒪᓕᑦᑐᓱᑎᒃ ᐊᑦᔨᒌᑦᑎᖏᑦᑐᓂᒃ ᐃᖏᕐᕋᑎᑦᓯᔩᑦ ᑎᓕᔭᐅᒪᒍᑎᖏᓐᓂᒃ ᐊᒻᒪᓗ ᐱᕐᕈᓯᖏᓐᓂᒃ ᓱᕐᖁᐃᕈᑕᐅᑎᓪᓗᒋᑦ ᐃᖏᕐᕋᑎᑦᓯᓂᐅᑉ ᓂᑲᓇᖕᖏᓂᖓᓂᒃ ᒥᕝᕕᒥ ᓱᓇᒡᒍᑎᒋᔭᖏᓐᓂᓗ. O/C-ᓄᑦ ᐱᓇᓱᐊᑦᓭᑦ ᐃᓚᖃᓲᖑᕗᑦ ᑖᒃᑯᑑᖕᖏᑲᓗᐊᕐᑎᓗᒋᑦ ᒪᑯᓂᖓ:

• ᐃᓚᒋᓕᐅᑦᔨᓂᖅ ᐃᑯᒪᐅᑎᒨᕐᑐᑦ HWOs ᑫᕙᓪᓚᒍᓯᖅ ᑕᒫᑦ ᓯᓚᓐᓂᐊᕈᑎᖏᓐᓂᒃ ᐊᒡᒐᒧᑦ ᓄᐊᑕᒥᓄᑦ ᓯᓚᒥᒃ ᑕᐅᑐᒍᑎᒥᓄᑦ ᑕᒪᒃᑯᐊ ᐃᑯᒪᐅᑎᒨᕐᑐᒃᑯᑦ ᐊᐅᓪᓚᑎᓚᖓᑦᓱᒋᑦ NavCanada-ᑯᓄᑦ;

• ᐅᖃᓕᒪᓂᖅ ᖃᖓᑦᑕᔫᕐᑎᓄᑦ ᐊᒻᒪᓗ ᓄᓇᒃᑰᔫᑦ ᐊᐅᓚᑦᓯᔨᖏᓐᓄᑦ, ᖃᐅᔨᑎᓚᖓᓗᒋᑦ ᓄᓇᓖᑦ ᓯᓚᖓᑕ ᖃᓄᐃᓐᓂᖓᓂᒃ, ᖃᖓᑦᑕᔫᓂᒃ ᐃᖏᕐᕋᔪᓂᒃ, ᒥᕝᕕᐅᑉ ᖃᓄᐃᓐᓂᖓᓂᒃ, ᐅᐃᒪᓇᕐᑐᓂᒃ ᐊᓯᖏᓐᓂᓗ ᖃᐅᔨᒪᔭᑦᓴᓂᒃ, ᑌᒣᖁᔭᐅᓂᖅ ᐅᕝᕙᓘᓐᓃᑦ ᑌᒣᒋᐊᖃᕐᓂᖅ ᒪᓕᓪᓗᒍ;

• ᐅᑭᐅᒃᑯᑦ ᐱᓇᓱᑦᑎᓗᒋᑦ, ᕿᒥᕐᕈᖃᑦᑕᓂᖅ ᑐᓴᐅᒪᓇᕐᑎᓯᓗᓂᓗ ᒥᕝᕕᐅᑉ ᖃᓄᐃᓐᓂᖓᓂᒃ SNOWIZZ ᐊᑐᕐᓗᒍ, NavCanada-ᑯᑦ ᖃᕆᑕᐅᔦᑦ ᐱᑐᕝᕕᖓᑎᒍᑦ ᓯᓚᓐᓂᐊᕈᑎᓂᒃ ᑲᒪᒍᑎᖓ;

• ᑲᔪᓯᑎᑦᓯᓂᖅ ᖃᐅᑕᒫᑦ, ᐱᓇᓱᐊᕈᓯᑕᒫᑦ ᐊᒻᒪᓗ ᑕᕐᕿᑕᒫᑦ ᕿᒥᕐᕈᒍᑎᓄᑦ ᑐᓴᕐᑎᓯᒍᑎᓂᒃ ᐱᑦᔪᑎᖃᕐᑎᓗᒋᑦ ᐊᑦᔨᒌᖕᖏᑐᑦ ᒥᕝᕕᒥ ᐃᓱᐊᖁᑏᑦ ᐊᒻᒪᓗ ᐱᓇᓲᑏᑦ ᐊᑐᕈᓐᓇᓂᖏᓐᓂᒃ;

• ᓄᐊᑦᓯᓂᖅ ᖃᐅᑕᒫᑦ, ᐱᓇᓱᐊᕈᓯᑕᒫᑦ ᐊᒻᒪᓗ ᑕᕐᕿᑕᒫᑦ ᑭᓯᒍᑎᓂᒃ ᐅᓯᑐᐃᓐᓀᑦ ᐊᒻᒪᓗ ᐃᓄᐃᑦ ᐅᓯᔭᐅᔪᑦ ᖃᓄᐃᓪᓗᐊᓂᖏᓪᓂᒃ ᐊᒻᒪᓗ ᖃᖓᑦᑕᔫᑦ ᐊᐅᓚᓂᖏᓐᓂᒃ;

• ᐱᔭᕇᖃᑦᑕᓂᖅ ᑌᒣᒋᐊᖃᓕᕈᓂ ᑐᓴᕐᑎᓯᒍᑎᓂᒃ ᒪᑯᓄᖓ ᒥᕝᕕᒥ ᐱᓂᐊᕐᓂᖃᕈᑎᓄᑦ ᐃᓕᖓᔪᓂᒃ: ᐊᑦᑕᓇᖕᖏᓂᕐᒥᒃ ᐊᐅᓚᑦᓯᒍᑏᑦ, ᐆᒪᔪᐃᑦ ᓱᓂᖏᑦ, ᐅᐃᒪᓇᕐᑎᓗᒍ ᓱᔪᖃᕐᓂᖓᓂᒃ, ᐊᑦᑕᓇᕐᑐᒨᕆᔪᑦ ᓱᒐᓚᓐᓂᖏᓐᓂᒃ, ᐃᖏᕐᕋᑎᑦᓯᓂᒃᑯᑦ ᐊᔪᒉᑦᑐᓕᒍᑎᓂᒃ, ᓈᒻᒪᓈᖕᖏᑐᓂᒃ ᐊᒻᒪᓗ ᐱᓂᕐᓗᑲᓪᓚᒍᑎᓂᒃ;

• ᐃᑲᔪᕐᓯᒪᓂᖅ ᒥᕝᕕᐅᑉ ᓯᖁᒥᓯᒪᔪᕐᓂᐊᑎᖓᓂᒃ ᒥᕝᕕᒥ ᑎᑭᑦᑐᓕᕆᓂᒃᑯᑦ ᓄᖑᑦᑕᑐᓂᒃ ᐊᒻᒪᓗ ᐃᓱᐊᖁᑎᓂᒃ ᑐᕌᕐᑐᓂᒃ ᐊᑦᔨᒌᖕᖏᑐᓄᑦ KRG-ᑯᑦ ᐱᑦᔪᔨᕕᖏᓐᓄᑦ;

• ᓄᓇᓕᒻᒥ ᑭᒡᒐᐅᓂᕐᒥᒍᑦ KRG-ᑯᑦ ᐃᖏᕐᕋᒍᑎᓕᕆᔨᖏᓐᓄᑦ, ᓱᕐᖁᐃᓂᖅ ᐃᓘᓐᓈᒍᑦ ᒥᕝᕕᐅᑉ ᖃᓄᐃᖕᖏᓂᖓᓂᒃ ᐊᒻᒪᓗ ᓇᓗᓀᕐᑕᒥᓂᒃ ᐱᐅᖕᖏᓗᐊᕈᑎᓂᒃ ᑐᓴᕐᑕᐅᑎᑦᓯᓂᖅ ᐊᓪᓚᕕᒻᒥ ᐊᐅᓚᑦᓯᔨᓄᑦ ᐋᕐᕿᒋᐊᕐᑕᐅᖁᓗᒋᑦ.

ᐱᓇᓱᒍᒪᑦᓱᓂ ᓂᕈᐊᕐᑕᐅᔪᖅ ᐃᒣᒋᐊᓕᒃ:

• ᐊᖏᕐᓯᒪᒋᐊᓕᒃ ᓇᓪᓕᑭᑕᖃᑕᐅᓚᖓᓗᓂ ᐱᓇᓱᒐᕐᒥᒃ 7-ᓂ ᐅᓪᓗᓂ ᑐᖓᓕᕇᓂ ᐱᓇᓱᖃᑦᑕᓗᓂ 10-ᓂᒃ ᑫᕙᓪᓚᒍᓯᓕᐅᕐᓗᓂ ᖃᐅᑕᒫᑦ / 7-ᓂᒃ ᐅᓪᓗᓂ ᑐᖓᓕᕇᓂ ᕿᑲᖃᑦᑕᓚᖓᓗᓂ ᐊᒻᒪᓗ ᐃᓚᖓᓂᒃ ᐱᓇᓱᓐᓇᐅᑉ ᐅᖓᑖᓅᖃᑦᑕᓚᖓᓗᓂ;

• ᓲᖕᖏᓂᕐᐹᖓᓄᑦ ᐳᕐᑐᓂᕐᒥᒃ 3-ᒥᒃ ᐃᓕᑦᓯᒪᐅᑎᖃᕆᐊᓕᒃ (ᐳᕐᑐᓂᖅ 9);

• ᐱᓯᑎᐅᒋᐊᓕᒃ ᑐᑭᑖᕈᓐᓇᓂᕐᒥᒍᑦ, ᐸᕐᓇᕈᓐᓇᓂᕐᒥᒍᑦ ᐊᒻᒪᓗ ᐱᓀᓗᑕᕐᓂᒃ ᐋᕐᕿᓱᐃᒍᓐᓇᓂᕐᒥᒍᑦ;

• ᐊᒥᓱᓂᒃ ᑫᕙᓪᓚᒍᓯᕐᓂᒃ ᐱᓇᓱᒍᓐᓇᕆᐊᓕᒃ ᐃᓄᑑᓗᓂ ᐅᖓᓯᑦᑐᒦᑦᑎᓗᒍ ᐊᖓᔪᕐᖄᖓ;

• ᑕᑯᑦᓴᕈᐃᓯᒪᒋᐊᓕᒃ ᑲᔪᓯᑎᑦᓯᓯᐊᕈᓐᓇᓂᕐᒥᓂᒃ, ᓇᓗᕐᖁᑎᖕᖏᓂᕐᒥᒃ ᐊᒻᒪᓗ ᐊᑦᑕᓇᖕᖏᓂᕐᒥᒃ;

• ᐱᑦᓯᐊᑐᒻᒪᕆᐅᒋᐊᓕᒃ ᐱᓇᓱᒋᐊᕐᑐᓲᖑᓂᕐᒥᒍᑦ;

• ᐊᓪᓚᒍᓐᓇᓯᐊᕆᐊᓕᒃ ᐊᒻᒪᓗ ᐅᖃᕈᓐᓇᓯᐊᕐᓗᓂ ᐱᓇᓱᐊᕈᑎᒋᒍᓐᓇᓗᒋᒃ ᒪᕐᕈᐃᖏᓐᓂᒃ (2) ᑕᖃᒃᑯᐊ ᐅᖃᐅᓰᑦ: ᐃᓄᑦᑎᑐᑦ, ᖃᓪᓗᓈᕐᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐱᒋᐊᓕᒃ ᓈᓚᐅᑎᒃᑯᑦ ᐅᖃᓕᒪᒍᓐᓇᐅᑎᒥᒃ ᐱᓇᓱᐊᒐᒻᒪᕆᓕᕆᔨᒃᑯᓂᒃ ᑳᓇᑕᒥ;

• ᐊᑐᕈᓐᓇᓚᕆᓪᓗᓂ ᖃᐅᔨᒪᒋᐊᓕᒃ ᖃᕆᑕᐅᔭᓂᒃ ᐊᒻᒪᓗ ᐱᐅᓯᑐᐃᓐᓇᓂᒃ ᐊᓪᓚᕕᒻᒥ ᖃᕆᑕᐅᔭᕈᑎᓂᒃ: Word, Excel, Outlook;

• ᑲᔪᓯᑦᓯᐊᑎᑦᓯᒍᓐᓇᕆᐊᓕᒃ ᐋᕐᕿᓯᒪᒋᐊᓕᓐᓂᒃ ᑭᑎᑦᔪᑎᓐᓂᐊᓂᑎᒍᑦ ᐋᕐᖀᒍᓐᓇᓯᐊᕐᓗᓂ;

• ᑐᓵᓂᖓ ᐊᒻᒪᓗ ᑕᐅᑐᓐᓂᖓ ᐱᐅᓂᖃᕆᐊᓕᒃ ᓂᐳᕐᑎᓯᔪᒥᒃ ᐃᖏᕐᕋᒍᑎᓕᕆᔨᒃᑯᑦ ᑳᓇᑕᒥ ᐱᐅᓯᐅᖁᔭᖓᓂᒃ;

• ᐱᖃᕆᐊᓕᒃ ᐊᑐᕐᑐᒥᒃ ᑯᐯᒻᒥ ᐅᕝᕙᓘᓐᓃᑦ ᓄᓇᖁᑎᒥ ᓄᓇᒃᑰᔫᕈᓐᓇᐅᑎᒥᒃ ᐊᓂᒍᐃᑦᓯᐊᓗᓂᓗ ᖃᖓᑦᑕᔫᕐᓂᐊᕕᒻᒥ ᓄᓇᒃᑰᔫᓂᒃ ᐊᐅᓚᑦᓯᔩᑦ ᐃᓕᓐᓂᐊᕈᑎᖓᓂᒃ;

• ᐊᑐᐃᓐᓇᐅᓂᖅ ᐁᓯᒪᓚᖓᓗᓂ ᐱᒋᐅᕐᓴᕈᑎᒧᑦ ᐊᑯᓂᕆᓂᖃᕈᓐᓇᑎᓪᓗᒍ 5-ᓂᒃ ᐱᓇᓱᐊᕈᓯᕐᓂᒃ, ᒪᓕᑦᑎᖃᕐᓗᓂ ᐱᓇᓱᐊᕐᓂᓚᕆᒻᒥᒃ ᐱᓇᓱᓪᓗᓂ-ᐱᒋᐅᕐᓴᕈᑎᒥᒃ ᐱᓇᓱᐊᕈᓰᓐᓂᒃ ᒥᕝᕕᒥ ᓇᓗᓀᕐᑕᐅᔪᒥ ᐱᑎᑕᐅᖕᖏᓂᕐᓂ ᒥᕝᕕᒥ ᐱᔪᓐᓇᐅᑎᒥᒃ.

ᐱᓇᓱᕝᕕᖓᑕ ᓇᔪᕐᑕᖓ: ᖁᐊᕐᑕᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $43 348 ᐊᕐᕌᒍᑕᒫᑦ - ᐅᓄᕐᓂᐹᖓᓄᑦ $71 800 ᐊᕐᕌᒍᑕᒫᑦ, (E-6)

ᐊᓯᐊᒍᑦ ᐱᕙᓪᓕᖁᑎᑦᓭᑦ: ᐃᓅᓂᐅᑉ ᐊᑭᑐᓂᖓᑕ ᑲᓱᖕᖏᒍᑎᖓ: ᐃᑭᓐᓂᐹᖓᓄᑦ $11 834/ᐊᕐᕌᒍᑕᒫᑦ

ᓂᕿᓄᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐹᖓᓄᑦ $5 677/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᕿᑲᕐᓗᓂ ᐊᐅᓪᓚᕈᑏᑦ: ᐃᑭᓐᓂᐹᖓᓄᑦ ᐱᖓᓱᑦ

ᐱᔭᕆᐊᑭᓪᓕᑎᕐᓯᒪᔪᑦ ᐃᓄᒻᒪᕆᐅᓂᕐᒧᑦ ᓴᓂᕐᕚᑎᕆᐅᑏᑦ: 6.25% ᐱᓇᓱᕝᕕᒃ, 4% ᐱᓇᓱᑦᑎ

ᐊᑕᖏᕐᓯᒪᔪᑦ ᓴᑑᑎᑦᓴᖏᑦ

ᕿᑲᕈᑏᑦ: 20 ᐅᓪᓗᐃᑦ/ᐊᕐᕌᒍᒥ

ᐱᖁᔭᕐᑎᒍᑦ ᕿᑲᕐᓀᑦ: 20 ᐅᓪᓗᐃᑦ

ᐊᓪᓚᑕᑎ ᐊᐅᓪᓚᑎᓪᓗᒋᑦ 5:00pm-ᖑᓚᐅᕐᑎᓇᒍ ᑏᓯᒻᐱᕆ11, 2025-ᒥ ᐅᓄᖓ:

Kativik Regional Government

P.O. Box 9

Kuujjuaq QC J0M 1C0

Fax: (819) 964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓈᒻᒪᖁᐊᕇᑦᑎᓯᑦᓱᓂ ᐱᕕᑦᓴᖃᕐᑎᓯᓲᖅ ᐱᓇᓱᑦᑎᖃᕐᑎᐅᓱᓂ. ᒪᓕᓪᓗᒍ ᑕᒪᓐᓇ ᐊᒻᒪᓗ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᒍᑎᖃᕐᓂᖏᑦ ᐊᑦᔨᐅᖏᑦᑑᑐᐃᓐᓇᕆᐊᓖᑦ ᐱᕙᓪᓕᑎᑦᓯᒍᒪᒧᑦ ᐃᓄᐃᑦ ᐃᓕᒐᓱᐊᕐᑐᑦ ᐱᓇᓱᒐᑦᓴᑖᖁᒧᑦ.

ᐃᓕᒐᓱᐊᕐᑐᑦ ᓇᓪᓕᑳᕐᑕᐅᔪᑦ ᑭᓯᐊᓂ ᐊᐱᕐᓲᔭᕐᑕᐅᒍᒪᓗᑎᒃ ᖃᐅᔨᑎᑕᐅᓛᕐᑐᑦ.