ᐊᓪᓚᕕᒻᒥ ᐊᐅᓚᑦᓯᓂᓕᕆᔨ - Makivvik

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ

ᑭᓇᒃᑰᓂᕗᑦ

ᒪᑭᕝᕕᒃ, ᑎᒥᐅᔪᖅ ᐱᖁᔭᓕᕆᓂᕐᒥ ᐱᓇᓱᐊᓲᖅ ᑭᒡᒐᑐᕐᓱᓂ ᐃᓄᓐᓂᒃ ᓄᓇᕕᒻᒥ 1978ᒥᓂᑦ. ᒪᑭᕝᕕᑎᒍᑦ ᑎᒥᐅᔪᖁᑎᕗᑎᒍᓪᓗ, ᒪᑭᕝᕕᒃ ᐱᕕᑦᓴᓕᐅᖃᑦᑕᓯᒪᓕᕐᑐᖅ ᓄᓇᕕᒻᒧᑦ ᐃᓚᐅᔪᓂᑦ ᓄᓇᕕᒻᒦᑐᓂᓗ, ᐅᓪᓗᒥᓗ 500 ᐅᖓᑖᓂ ᐱᓇᓱᑦᑎᖃᓕᕐᑐᖅ ᓄᓇᕕᒻᒥᐅᓂᑦ ᐱᓇᓱᑦᑎᒋᔭᐅᔪᓂᑦ ᒪᑭᕝᕕᑯᓄᑦ ᐊᓪᓚᕕᑦᑎᓂ ᑎᒥᐅᔪᖁᑎᑦᑎᓂᓗ.

ᐃᓕᓐᓂᐊᕆᐊᓪᓛᑎᑕᐅᒍᓐᓇᖁᑦ ᐃᓚᐅᔪᐃᑦ ᐱᓇᓱᒐᕐᒥᓂᒃ ᓯᕗᒧᐊᒋᐊᓪᓚᒍᑎᑦᓴᓂᒃ.

ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᕐᖄᖃᑦᑕᓂᐊᕐᖁᑦ ᒪᑭᕝᕕᑯᓂ.

ᐱᓇᓱᒐᖅ

ᐱᓇᓱᒐᖅ: ᐊᓪᓚᕕᒻᒥ ᐊᐅᓚᑦᓯᓂᓕᕆᔨ

ᐊᖓᔪᕐᖄᖃᕐᓱᓂ: ᓄᓇᓕᓕᒫᓄᑦ ᑲᒪᔨ ᐊᓪᓚᑎᒻᒪᕆᐅᑉ ᐱᓇᓱᕝᕕᖓᓂ

ᓇᓃᓐᓂᖓ: ᑲᖏᕐᓱᐊᓗᑦᔪᐊᖅ

ᖃᓄᐃᓕᖓᓂᖓ ᐱᓇᓱᒐᐅᑉ: ᐊᑌᓐᓇᑐᖅ, ᐅᓪᓗᓕᒫᕐᓯᐅᑎᒃ

ᐃᓱᓕᕝᕕᖓ ᐅᓪᓗᒃ: ᒪᑦᔨ 2, 2026

ᑮᓇᐅᑦᔭᓵᑦ ᐱᕙᓪᓕᖁᑎᖏᓪᓗ

ᑮᓇᐅᑦᔭᓵᖏᑦ: ᐊᑯᓐᓂᖏᓐᓂ $65,000 ᐊᒻᒪᓗ $75,000 ᐊᕐᕌᒍᑕᒫᑦ

ᐱᕙᓪᓕᖁᑎᖏᑦ: ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:

•  ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ ᐱᓇᓱᑦᑎᓕᒻᒧᑦ ᐊᑭᓕᕐᑌᑦ 7%
•  ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500
•  ᐊᒥᓱᐃᓄᑦ ᐃᒻᒪᖃᐅᑎᑦ
•  ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500
•  ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ
•  ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000
•  ᖃᓂᒪᓂᕐᒧᑦ: 15 ᐅᓪᓗᐃᑦ
•  ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000
•  ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ

ᑲᒪᒋᔭᑦᓴᔭᖏᑦ

•  ᑲᒪᔨᐅᓗᓂ ᓄᓇᓕᒻᒥ ᒪᑭᕝᕕᐅᑉ ᐊᓪᓚᕕᖓᓂ, ᖃᐅᑕᒫᕐᓯᐅᑎᖏᑦ ᐊᐅᓚᒍᑎᖏᓐᓄᑦ ᑲᔪᓯᑦᓯᐊᑎᑕᐅᒍᑎᖏᑦ ᑎᒥᐅᔪᒥᓗ ᐱᓇᓱᒍᓯᐅᒋᐊᓖᑦ ᒪᓕᑦᑕᐅᒋᐊᖃᕐᓂᖏᑦ ᑲᒪᒋᓗᒋᑦ.
•  ᐱᓇᓱᐊᕈᑦᔨᓗᓂ ᓄᓇᓕᒻᒥ ᐊᓪᓚᕕᒻᒥ ᑭᐅᔨᐅᓗᓂ: ᐅᖄᔭᔪᓂᒃ ᑭᐅᓗᓂ, ᐳᓛᕆᐊᕐᑐᑦ ᐊᒻᒪᓗ ᐱᓇᓱᑦᑏᑦ ᑐᖕᖓᓱᑦᑎᓗᒋᑦ, ᐊᓪᓚᓯᒪᔪᕐᓂᐊᑎᒃᑰᑐᓂᒃ ᖃᖓᑦᑕᔫᒃᑯᓗ ᑎᑭᑦᑐᓂᒃ ᐱᓇᓱᐊᕐᓗᓂ.
•  ᓄᓇᓕᒻᒥ ᐊᓪᓚᕕᒻᒥ ᑲᑎᖕᖓᓂᐅᓛᕐᑐᑦ ᐊᒻᒪᓗ ᑲᑎᒪᑦᓯᕕᐅᓛᕐᓂᖏᑦ ᐃᓂᓕᐅᕐᑕᐅᓂᖏᑦ ᑲᒪᒋᓗᒋᑦ.
•  ᒪᑭᕝᕕᐅᑉ ᑲᑎᖕᖓᔨᖏᓐᓂᒃ (ᓄᓇᓕᐅᑉ ᑭᒡᒐᑐᕐᑎᖓ) ᐊᓪᓚᕕᒻᒥᓗ ᐊᑦᑕᑐᕐᑐᓂᒃ ᓴᐳᑦᔨᒍᑎᑕᖃᕐᑎᓯᓗᓂ.
•  ᓄᓇᓕᒻᒥᐅᓂᒃ ᐊᒻᒪᓗ ᐱᒍᑦᔨᐅᑎᓂᒃ ᐊᑐᐃᓐᓇᖃᕐᑎᓯᓲᓂᒃ ᐱᓇᓱᐊᖃᑎᖃᕐᓗᓂ ᓴᓗᒻᒪᓴᕐᑕᐅᒍᑎᓄᑦ, ᓯᖁᒥᓯᒪᔪᕐᓂᐊᑕᐅᒍᑎᓄᑦ, ᐊᐳᑌᔭᕐᑕᐅᓂᕐᓄᑦ, ᐊᒻᒪᓗ ᐊᓪᓚᕕᒻᒥ ᓱᒃᑯᑌᓕᒪᑎᑦᓯᒍᑎᓄᐊᖓᔪᓄᑦ.
•  ᐊᐅᓚᒍᑎᓄᐊᖓᔪᓄᑦ ᐊᑭᓕᕆᐊᓕᓕᒫᑦ ᐊᑭᓕᕐᑕᐅᖁᔨᒍᑎᓕᒫᓪᓗ ᓇᓗᓀᔭᕐᓯᒪᑦᓯᐊᑎᓪᓗᒋᑦ, ᐊᖏᕐᑕᐅᑎᓯᒪᓗᒋᑦ, ᑮᓇᐅᔭᓕᕆᕕᒻᒨᓗᒋᓗ ᐊᑭᓕᕐᑕᐅᒍᑎᑦᓴᖏᓐᓄᑦ.
•  ᐃᑲᔪᕐᓗᓂ ᑐᓴᕐᑎᓯᒍᑎᓕᐅᕈᑎᓄᑦ ᑮᓇᐅᔭᕐᑐᕈᑎᕕᓂᕐᓂᒃ, ᐊᑭᓖᒍᑎᕕᓂᕐᓂᒃ, ᐊᑭᓕᕆᐊᓕᓐᓂᒃ, ᐊᒻᒪᓗ ᑮᓇᐅᔭᓕᕆᕕᒻᒥᒃ ᐱᓇᓱᖃᑎᖃᕐᓗᓂ ᓈᒻᒪᓈᕐᓯᒪᔪᓂᒃ ᐊᓪᓚᓯᒪᔪᖁᑎᖃᕈᑎᓄᑦ.
•  ᓄᓇᓕᒻᒥ ᒪᑭᕝᕕᑯᑦ ᐃᓂᕐᕋᐅᑎᖏᑦᑕ ᓱᒃᑯᑌᓕᒪᑎᑕᐅᒍᑎᖏᓐᓂᒃ ᑲᒪᒋᔭᐅᓂᖏᓐᓂᓗ ᐃᑉᐱᒋᔭᖃᑦᓯᐊᓗᓂ.
•  ᑐᓴᐅᒪᑎᓗᒋᑦ ᓄᓇᓕᒻᒥ ᐊᖏᖃᑎᒌᓐᓂᒧᑦ ᐃᓚᐅᔪᑦ ᒪᑭᕝᕕᐅᑉ ᐱᓇᓱᐊᕐᑎᓯᒍᑎᖏᓐᓂᒃ.
•  ᐱᓇᓱᑦᑐᓕᕆᓂᕐᓄᑦ ᐱᓇᓱᕝᕕᒥᒃ ᐃᑲᔪᕐᓯᒪᓗᓂ ᐱᓇᓱᒐᑦᓭᑦ ᓄᓇᓕᒻᒥ ᐱᕕᑦᓴᐅᓕᕐᓂᖏᑦ ᖃᐅᔨᒪᔭᐅᑎᓗᒋᑦ.
•  ᐊᑦᔨᓕᐅᕆᕙᓪᓗᓂ ᐃᓚᐅᔫᓂᕐᒧᑦ ᐃᓕᑕᕆᔭᐅᒍᑎᓄᐊᖓᔪᓂᒃ ᑲᕙᒪᒃᑯᓗ ᑭᓇᐅᓂᕐᒥ ᐃᓕᑕᕐᓯᒍᑎᖏᓐᓄᐊᖓᔪᓂᒃ.
•  ᐃᑲᔪᕐᓯᒪᕙᓪᓗᒍ ᓂᕈᐊᕐᑐᓕᕆᔨᒻᒪᕆᒃ ᓄᓇᓕᒻᒥ ᓂᕈᐊᕐᑎᓯᔪᖃᓕᕐᐸᑦ.
•  ᐱᓇᓱᐊᕐᓗᓂ ᐊᓯᓕᒫᖏᓐᓂᒃ ᐱᓇᓱᑦᑕᐅᖁᔭᐅᔪᓂᒃ ᐱᓇᓱᕝᕕᒥ ᑐᑭᒧᐊᑦᑎᓯᔨᒧᑦ.
•  ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ.
•  ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.

ᐱᒍᓐᓇᕆᐊᓕᖏᑦ

•  ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᖃᕐᓗᓂ
•  ᐱᓇᓱᐊᕈᓐᓇᓗᓂ ᐃᒻᒥᓂᕿᓗᓂ
•  ᐊᓪᓚᕕᒻᒥ ᐃᓪᓗᔪᐊᒥᒃ ᑲᒪᒋᔭᖃᕈᓐᓇᓗᓂ ᐊᑦᑕᓇᕐᑌᓕᒪᓂᖅ ᐱᓪᓗᒍ ᐊᒻᒪᓗ ᐃᓘᓐᓇᖓᓅᓕᖓᔪᑦ ᑲᒪᒋᔭᐅᓂᖏᓐᓄᑦ
•  ᐅᐸᓗᓲᖑᖕᖏᑑᓗᓂ ᐊᒻᒪᓗ ᑕᑎᒋᒍᓐᓇᓇᕐᑑᓗᓂ
•  ᐃᓕᓐᓂᐊᕈᒪᓂᖃᕐᓗᓂ ᐃᓕᓐᓂᐊᒋᐊᖃᕐᑎᑕᐅᑐᐊᕈᓂ
•  ᐅᖃᓕᒪᒍᓐᓇᓯᐊᕐᓗᓂ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ, ᒍᐃᒍᐃᑎᑑᕈᓐᓇᕈᓂ ᐱᐅᔪᖁᑎᒋᔭᖅ
•  ᐱᒻᒪᕆᐅᕗᖅ ᖃᐅᔨᒪᓗᓂ ᓄᓇᕕᒻᒥ ᐃᓄᐃᑦ ᐃᓗᕐᕈᓯᖓᓂᒃ, ᐃᓅᖃᑎᒌᓐᓂᖏᓐᓂᒃ, ᐊᒻᒪᓗ ᐅᖃᐅᓯᖓᓂᒃ
•  5-ᓂᒃ ᐊᕐᕌᒍᓂᒃ ᐱᓇᓱᐊᕐᑕᖏᓐᓄᑦ ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ
•  ᐊᑐᕐᑐᒥᒃ ᐊᖁᒍᓐᓇᐅᑎᒥᒃ ᐱᔪᓐᓇᐅᑎᖃᕐᓗᓂ
•  ᖃᐅᔨᒪᑦᓯᐊᓗᒋᑦ ᖃᕆᑕᐅᔭᒃᑯᑦ ᐱᓇᓱᒍᑏᑦ Microsoft Office (Word, Excel, PowerPoint, Outlook)
•  ᑐᓴᐅᒪᖃᑎᒌᒍᑎᓄᐊᖓᔪᓄᑦ ᐱᒃᑭᓂᐅᒍᑎᖃᕐᓗᓂ ᒪᕐᕉᓂᑦ ᐅᖃᐅᓰᓐᓂᑦ: ᐃᓄᒃᑎᑐᑦ, ᖃᓪᓗᓈᑎᑐᑦ, ᒍᐃᒍᐃᑎᑐᑦ
•  ᐊᓪᓚᓯᒪᔪᓕᐅᕈᓐᓇᓯᐊᕐᓗᓂ
•  ᑕᑎᒋᓇᑦᓯᐊᓗᓂ, ᐃᒻᒥᓂᕿᒍᓐᓇᓯᐊᕐᓗᓂ, ᐊᒻᒪᓗ ᑲᑦᓱᙰᑦᑑᓗᓂ
•  ᐅᓪᓗᓂᒃ ᐊᓂᒍᕐᑎᑌᓕᒋᐊᓕᓐᓂᒃ ᓈᒻᒪᓈᕆᒍᓐᓇᓯᐊᕐᓗᓂ ᐊᔭᐅᕐᑕᐅᓇᕐᑐᑯᓪᓗ ᐱᓇᓱᐊᕈᓐᓇᓯᐊᕐᓗᓂ
•  ᐃᓂᓪᓓᒪᑦᓯᐊᕈᓐᓇᓗᓂ ᑲᒪᒍᓐᓇᓯᐊᕐᓗᓂᓗ ᓇᐅᑐᐃᓐᓇᓄᑦ ᖃᐅᔨᒪᔭᐅᒋᐊᖃᖕᖏᑐᓂᒃ ᑐᑭᓯᒪᒍᑎᓂᒃ
•  ᐱᓇᓱᐊᕆᐊᓕᓐᓂᒃ ᐱᒋᐊᕐᑎᓯᓲᖑᓗᓂ
•  ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.

ᖃᐅᔨᒋᑦ ᐊᑦᔨᐅᖏᑦᑐᒥᒃ ᐱᓇᓱᒐᕐᒥᒃ ᐱᕕᑦᓴᓯᐊᒥᒃ ᐊᒻᒪᓗ ᐃᓚᐅᑎᒋᑦ

ᐱᕙᓪᓕᓇᕐᑐᒧᑦ ᒪᑭᕝᕕᒃᑯᓄᑦ

ᐱᓇᓱᒍᒪᒍᑎᓂᒃ ᐊᐅᓪᓚᑎᑦᓯᒋᑦ ᐅᕝᕙᓗᓐᓃᑦ ᑕᑯᓂᐊᕐᑎᒍᑦ ᐅᕙᓂ www.Makivvik.ca/jobs, ᐊᐅᓪᓚᑎᑦᓯᓗᑎᓗᓐᓃᑦ ᐃᓕᓐᓂᐊᓯᒪᔭᑎᓐᓂᑦ ᐱᓇᓱᒐᕆᓯᒪᔭᑎᓐᓂᑦ /ᐱᓇᓱᒐᕐᑖᕈᒪᒍᑎᓐᓂᓗᓐᓃᑦ ᐊᓪᓚᖁᑎᖏᓐᓂᑦ ᐅᕗᖓ: HR@makivvik.ca

ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ.

ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.

ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.