ᐊᓪᓚᕕᒻᒦᑎ ᐳᕐᑐᓂᖓ I - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᑲᒪᒋᔨᖃᕐᓗᓂ ᐃᓕᓐᓂᐊᕖᑦ ᐊᐅᓚᑕᐅᕕᖏᑦᑕ ᐊᑕᐅᑦᓯᑰᕐᑎᓯᔨᖓᓂᒃ, ᐊᓪᓚᕕᒻᒥ ᐱᓇᓱᑦᑎ ᒪᑯᓂᖓ ᑲᒪᒋᐊᖃᖃᑦᑕᕋᔭᕐᑐᖅ, ᒪᓕᑦᓱᒋᑦ ᐋᕐᕿᑕᐅᓯᒪᒌᕐᑐᑦ ᐱᓇᓱᒍᓰᑦ ᒪᓕᒉᓪᓗ, ᐊᑦᔨᒌᖕᖏᑐᑦ ᐊᓪᓚᕕᒻᒥ ᐱᔭᑦᓭᑦ ᒪᑯᐊ ᐃᓚᐅᑎᓪᓗᒋᑦ:

·       ᐊᑕᐅᑦᓯᑰᕐᑎᓯᔨᒥᒃ ᐃᓕᓐᓂᐊᕖᑦ ᐊᐅᓚᑕᐅᕕᖏᓐᓂ ᐃᑲᔪᖃᑦᑕᓗᓂ ᐃᓘᓐᓈᒍᑦ ᐊᓪᓚᕕᒻᒥ ᐱᔭᑦᓴᐅᔪᓂᒃ ᐊᒻᒪᓗ ᐁᑦᑐᑐᐃᖃᑦᑕᓗᓂ ᐱᓇᓱᑦᑕᐅᔪᑦᓴᓂᒃ.

·       ᑐᔪᕐᒥᐅᕕᑦᓴᓂᒃ ᐃᓂᓕᐅᕆᖃᑦᑕᓗᓂ ᖃᐅᔨᒋᐊᖃᑦᑕᓗᓂᓗ ᐊᐅᓪᓚᕈᒪᐅᑎᓂᒃ.

·       ᑲᒪᒋᔭᖃᕐᓗᓂ ᑮᓇᐅᔭᓕᕆᓂᕐᒧᑦ ᐱᒍᑦᔨᕕᒻᒥ ᑐᑦᓯᕋᐅᑎᓂᒃ (FS)

·       ᑕᒻᒪᓯᒪᔪᕐᓯᐅᖃᑦᑕᓗᓂ ᓂᐅᕕᕐᓂᐊᕈᑎᕕᓂᕐᓂᒃ

·       ᐃᓂᓪᓚᑎᕆᖃᑦᑕᓗᓂ ᑲᒪᒋᔭᖃᖃᑦᑕᓗᓂᓗ  ᐱᓇᓱᕝᕕᐅᑉ ᐊᓪᓚᖁᑎᖏᓐᓂᒃ.

·       ᑲᑎᖕᖓᕕᓐᓂᒃ ᖃᕆᐊᓂᒃ ᐃᓂᓪᓚᑎᕆᖃᑦᑕᓗᓂ ᑕᒧᓗᒐᑦᓴᓂᓪᓗ ᐋᕐᕿᓱᐃᖃᑦᑕᓗᓂ.

·       ᐊᓯᖏᓐᓂᒃ ᐱᔭᑦᓴᓂᒃ ᑕᒪᑦᓱᒧᖓᓕᖓᔪᓂᒃ ᐱᓇᓱᖃᑦᑕᓗᓂ ᑎᓕᔭᐅᑐᐊᕈᓂ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒥ 5-ᒥ ᐃᓕᓐᓂᐊᕇᕐᓯᒪᓂᕐᒥᒃ ᐃᓕᑕᕆᔭᐅᒍᑎᖃᕐᓗᓂ ᐅᕝᕙᓘᓐᓃᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᒍᑎᕕᓂᕐᒥᓄᑦ ᐊᓪᓚᕕᒻᒥ ᐊᐅᓚᑦᓯᓂᓕᕆᓂᕐᒥᒃ, ᐊᑕᐅᓯᕐᒥᓗ (1) ᐊᕐᕌᒍᒥ ᐱᓇᓱᑦᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

·       ᓇᓗᓇᖕᖏᑐᓂᑦ ᑮᓇᐅᔭᓕᕆᒍᓐᓇᓗᓂ

·       ᐅᖃᕈᓐᓇᓯᐊᕐᓗᓂ (ᐅᖄᓂᖅ ᐊᓪᓚᓂᕐᓗ) ᒪᕐᕉᓂᒃ (2) ᐅᖃᐅᓯᕆᔭᐅᔫᓐᓂᒃ ᐱᖓᓱᓂᑦ (3) ᐃᓕᓴᕐᓂᓕᕆᓂᒃᑯᓂ ᐅᖃᐅᓯᕆᔭᐅᓲᓂᑦ: ᖃᓪᓗᓈᑎᑐᑦ, ᒍᐃᒍᐃᑎᑐᑦ ᐊᒻᒪᓗ ᐃᓄᒃᑎᑐᑦ

·       ᖃᕆᐊᑕᐅᔭᒃᑯᑦ ᐱᓇᓱᒍᑎᓂᒃ ᐊᑐᕈᓐᓇᓯᐊᕆᐊᓕᒃ Microsoft Office Suite, ᐃᓚᐅᑎᓪᓗᒋᑦ Word, Excel, PowerPoint, SharePoint, Teams, ᐊᒻᒪᓗ OneDrive.

·       ᐊᓪᓚᕕᒻᒥ ᐃᒻᒥᓂᕿᓗᓂ ᐱᓇᓱᒍᓐᓇᓯᐊᕆᐊᓕᒃ.

ᐱᓇᓱᓐᓂᕆᒐᔭᕐᑕᖏᑦ:              35 ᑫᕙᓪᓚᒍᓰᑦ ᐱᓇᓱᐊᕈᓯᑕᒫᑦ ᐊᓪᓕᑐᖃᕇᒥ ᑕᓪᓕᒪᖓᓐᓂᒧᑦ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᑎᒃ ᑯᐯᒃ ᑕᕐᕋᖓᓂ ᐱᓇᓱᑦᑏᑦ ᑲᑐᑦᔨᖃᑎᒌᓐᓂᖓᑕ ᐊᖏᖃᑎᒌᓐᓂᖓᓂᒃ ᐱᓇᓱᑦᑐᐃᓐᓇᓄᑦ, ᑖᓐᓇ ᐃᓂᐅᔪᖅ ᐱᓇᓱᒐᐅᑉ ᐃᓗᓕᑦᓴᔭᖓ 4102: ᐱᒋᐊᕐᑐᑦ $25.61-ᓂᑦ ᑎᑭᐅᑎᒍᓐᓇᑐᑦ $28.65-ᓄᑦ ᑫᕙᓪᓚᒍᓯ ᑕᒫᖅ ᐱᓇᓱᓚᐅᕐᓯᒪᓂᖏᓐᓂᒃ ᒪᓕᓪᓗᑎᒃ ᐊᒻᒪᓗ ᐱᓇᓱᐊᕐᓂᕆᓯᒪᔭᖏᓐᓂᑦ. ᐱᕚᓪᓕᕈᑎᑦᓴᕆᔭᐅᔪᓕᒫᑦ ᒪᓕᑦᑕᐅᓲᑦ ᐱᓇᓱᒐᕆᒋᐊᓕᖓᑕ ᐳᓴᓐᑎᖓᓄᑦ.

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.