ᐊᓪᓚᕕᒻᒥ ᐱᓇᓱᑦᑎ ᐳᕐᑐᓂᖓ II - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐊᓪᓚᕕᓕᕆᔨ ᐳᕐᑐᓂᓕᒃ 2 ᐃᓚᐅᓲᖅ ᐊᑐᐃᓐᓇᕈᕐᑎᓂᕐᒥᒃ, ᐱᒋᐊᕐᐸᓕᐊᑎᑦᓯᓂᕐᒥᒃ, ᐃᖏᕐᕋᑎᑦᓯᓱᓂᓗ ᐃᑲᔪᕈᑎᑦᓴᖃᕐᕖᑦ ᑲᑎᕐᓱᓯᒪᔭᖏᓐᓂᑦ. ᑕᓐᓇ ᐱᓇᓱᑦᑎ ᐃᑲᔪᕐᑎ ᐊᓪᓚᕕᒻᒥ ᖃᐅᑕᒫᕐᓯᐅᑎᖏᓐᓂ ᐱᓇᓱᕝᕕᐅᑉ.

ᐃᓂᖓ ᐱᓇᓱᐊᕆᐊᓕᖏᓪᓗ:

·       ᖃᑎᕐᓱᐃᓂᖅ ᓄᐊᑕᐅᒋᐊᓕᓐᓂᑦ ᑐᓂᓯᓗᓂᓗ ᑐᓴᕋᑦᓴᓂᑦ

·       ᐱᔭᕇᕐᓯᒪᖃᑦᑕᓗᓂ ᐊᓪᓚᖁᑎᓂᑦ, ᓂᐱᓕᐅᕐᑕᐅᓯᒪᔪᓂᑦ, ᐊᓪᓚᑕᐅᓯᒪᔪᓂᑦ, ᑎᑭᓭᒍᑎᓂᓪᓗ

·       ᐊᓪᓚᖁᑎᓂᑦ ᐃᓂᓪᓚᑎᕆᓂᖅ ᐊᓪᓚᓂᐊᒐᕐᓂᓗ, ᐊᓪᓚᑕᐅᓯᒪᔪᓂᑦ, ᐊᓯᖏᓐᓂᓗ ᐃᑲᔫᑎᓂᑦ

·       ᓄᐃᑦᓯᖃᑦᑕᓗᓂ ᐊᑐᐃᓐᓇᕈᕐᑕᐅᓯᒪᔪᓂᑦ,ᓴᓇᒋᐊᓪᓛᑕᐅᓯᒪᔪᓂᓪᓗ ᐊᓪᓚᓂᐊᒐᕐᓂᑦ

·       ᓄᐃᑕᖕᖏᓗᐊᕐᑐᓂᑦ ᐲᔦᓂᖅ ᐊᑐᕐᑕᐅᖃᑦᑕᕈᓐᓀᑐᓂᓪᓗ

·       ᐊᓪᓚᓯᒪᔪᖁᑎᓕᐅᖃᑦᑕᓗᓂ ᑐᑦᓯᕋᐅᑎᓕᐊᖑᓯᒪᔪᓂᑦ ᓂᐅᕕᕐᓂᒧᑦ ᓄᑖᓂᑦ ᐃᑲᔫᑎᑦᓴᓂᑦ

·       ᑐᓂᓯᖃᑦᑕᓗᓂ ᐊᑦᑕᑐᕐᑕᐅᒋᐊᓕᓐᓂᑦ ᐱᖁᑎᓂᑦ ᖃᐅᔨᓴᖃᑦᑕᓗᓂᓗ ᐅᑎᕐᑎᑕᐅᒻᒪᖔᑕ

·       ᖃᕆᑕᐅᔭᒨᔦᖃᑦᑕᓗᓂ ᓄᐊᑕᐅᒋᐊᓕᓐᓂᑦ

·       ᑐᖕᖓᓱᑦᑎᓯᖃᑦᑕᓗᓂ ᐃᑎᕐᑐᓂᑦ ᐃᑲᔪᕐᑕᐅᒋᐊᖃᕐᐸᑕᓗ ᐃᑲᔪᕐᓯᖃᑦᑕᓗᒋᑦ

·       ᑎᒍᓯᖃᑦᑕᓗᓂ,ᐃᓂᓪᓚᑎᕆᖃᑦᑕᓗᓂ,ᑐᓂᓯᖃᑦᑕᓗᓂᓪᓗ ᐊᓪᓚᑖᕆᔭᐅᔪᓂᑦ,ᐊᑐᐃᓐᓇᕈᕐᑎᕆᖃᑦᑕᓗᓂᓗ ᐊᓪᓚᓂᑦ ᐊᐅᓪᓚᑎᑕᐅᒋᐊᓕᓐᓂᑦ

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᒻᒥ ᐳᕐᑐᓂᕐᓴᒥ ᐱᔭᕇᕈᓐᓇᐅᑎᖃᕆᐊᓕᒃ ᐅᕝᕙᓘᓐᓃᑦ ᐲᒋᐅᕐᓴᓯᒪᓗᓂ ᐃᓕᑕᕆᔭᐅᒍᑎᖃᕆᐊᓕᒃ ᑲᑎᖕᖓᔨᓄᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

·       ᐊᖄᖑᓐᓇᕆᐊᓕᒃ ᒪᕐᕉᓂᒃ ᐅᖃᐅᓯᓕᐊᖑᓯᒪᔪᓂ ᐃᓕᓐᓂᐊᓂᓕᕆᓂᕐᒥ (ᖃᓪᓗᓈᑎᑐᑦ,ᐅᐃᒍᐃᑎᑐᑦ,ᐃᓄᑦᑎᑐᑦ);

·       ᐱᓇᓱᓕᓂᐅᒋᐊᓕᒃ ᓄᐊᑕᐅᓯᒪᔪᓂ ᑐᕐᖁᑐᐃᓂᕐᒧᑦ.

·       ᖃᐅᔨᒪᒋᐊᓕᒃ Microsoft Outlook, Word and Excel.

ᐱᓇᓱᒋᐊᓕᖏᑦ ᑫᕙᓪᓚᒍᓰᑦ: 35 ᑫᕙᓪᓚᒍᓰᑦ / ᐱᓇᓱᐊᕈᓯᑕᒫᖅ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4103-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $24.90-ᓂᑦ $25.95-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.