ᐊᓪᓚᕕᒻᒥ ᐱᓇᓱᑦᑎ - ᐳᕐᑐᓂᕐᐹᖅ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᖃᕐᑎᓯᔨᐅᑦᓱᓂ 14-ᓂᑦ ᓄᓇᓕᓐᓂᑦ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

·   ᑐᓴᕐᑎᓯᒍᑎᖃᖃᑦᑕᓗᓂ ᑐᑭᒧᐊᕐᑎᓯᔨᒧᑦ − ᖃᐅᔨᓴᕈᑎᕕᓂᕐᓂᑦ ᐃᓕᑕᕆᔭᐅᓕᕐᑎᓯᔨᐅᓗᓂ, ᑐᖕᖓᕕᓪᓚᕆᖓ ᐊᒻᒪᓗ ᐃᓂᓪᓚᑎᕐᑕᐅᓯᒪᔪᑦ ᐊᓪᓚᕕᒻᒥᐅᑕᐅᑉ ᐱᓇᓱᒐᑦᓴᔭᖏᓐᓂᑦ, ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᑦᑕ ᐳᕐᑐᓂᖏᓐᓂᑦ ᐃᑉᐱᒋᔭᖃᕐᓗᓂ, ᐃᓗᒥᐅᑕᖃᕐᑎᓗᒍ ᐸᕐᓀᓯᒪᒍᓐᓇᓂᕐᒥᑦ, ᑕᑯᓐᓇᒋᔭᖃᑦᓯᐊᖃᑦᑕᓗᓂ ᐊᒻᒪᓗ ᐃᑉᐱᒋᔭᖃᑦᓯᐊᖃᑦᑕᓗᓂ ᐱᓇᓱᐊᕐᑕᐅᔪᓂᑦ ᐃᓕᖓᔪᓂᑦ ᐱᔪᓐᓇᐅᑎᑖᕈᓱᑦᑐᑦ ᐃᓕᑕᕆᔭᐅᕈᑎᑖᕆᒍᑎᒋᒐᓱᑦᑕᖏᓐᓂᑦ ᐃᓕᓐᓂᐊᑎᑕᐅᓂᕐᒥᑎᒍᑦ  ᐃᑉᐱᒋᔭᖃᕐᓗᓂ, ᐃᓕᓐᓂᐊᓂᕐᒧᐊᓕᖓᔪᓂᓪᓗ ᑎᒥᐅᔫᔪᓂᑦ ᐱᓯᒪᔪᓂᑦ ᐱᓇᓱᐊᖃᑎᒻᒥᓂᒃ.

·   ᐱᓇᓱᑦᑎᐅᔪᖅ ᑖᑦᓱᒥᖓ ᐱᓇᓱᒐᓕᒃ ᐊᑕᐅᑦᓯᑰᕐᑎᓯᔨᐅᑦᓱᓂ ᑐᓴᐅᒪᑎᑦᓯᔨᐅᑦᓱᓂ ᐊᒻᒪᓗ ᓇᓗᓀᕐᓯᔨᐅᑦᓱᓂ ᐱᓇᓱᐊᕐᑕᐅᔪᑦ ᓈᒻᒪᖏᒐᓗᐊᕐᒪᖔᑕ ᐅᖃᐅᓯᖃᕈᓐᓇᓯᐊᓪᓗᓂᓗ ᓈᒻᒪᓈᖕᖏᑐᖃᓕᕐᐸᑦ ᐊᒻᒪᓗ ᐅᓪᓗᑎᒍᑦ ᐊᓂᒍᕐᕕᓴᓕᐅᕐᑕᐅᓯᒪᔪᓂᑦ ᒪᓕᑦᑕᐅᓯᐊᕐᑎᓯᔨᐅᑦᓱᓂ.

·   ᐱᓇᓱᑦᑎᒃ ᐊᖑᒻᒪᑎᑎᑦᓯᔨ ᐊᓪᓚᖁᑎᓂᑦ ᐊᒻᒪᓗ ᑕᒡᒍᒧᑦ ᐱᐅᓯᖏᑦ ᖃᒻᒥᐅᓂᓕᒫᖓᓄᑦ ᐊᓪᓚᖁᑎᖏᓐᓂᑦ ᐊᖑᒻᒪᑎᑎᑦᓯᓯᒪᓗᓂ.

·   ᐱᓇᓱᑦᑎᒃ ᐱᑉᐱᒋᔭᖃᕆᐊᓕᒃ ᐱᓇᓱᑦᑏᑦ ᐱᓇᓱᒐᕐᒥᓂᑦ ᐳᕐᑐᓯᒋᐊᖃᑦᑕᕆᐊᖃᕐᓂᖏᓐᓂᑦ.

·   ᐱᓇᓱᑦᑎᐅᔪᖅ ᓄᐃᑦᓯᔨᐅᒋᐊᓕᒃ ᐱᓇᓱᐊᑦᑕᐅᒋᐊᓖᑦ ᐸᕐᓇᓯᒪᐅᑎᖏᓐᓂᑦ ᐱᒍᑦᔨᔭᒥᓂᒃ ᐱᒍᑦᔨᓗᓂ ᐃᒣᖁᔭᐅᒍᑎᖏᑦ ᒪᓕᓪᓗᒋᑦ.

·   ᐱᓇᓱᑦᑎᐅᔪᖅ ᐃᕐᙯᑎᑦᓯᒋᐊᕐᑎᐅᒋᐊᓕᒃ ᐊᑦᑐᐊᔪᓕᒫᓂᑦ ᐃᓕᓐᓂᐊᓂᓕᕆᓂᐅᑉᐸᑦ ᓯᓚᑎᖓᓃᑉᐸᓘᓐᓃᑦ, ᐃᓱᓕᕐᑕᕈᑎᖃᕐᑎᓗᒋᑦ.

·   ᐱᓇᓱᑦᑎᒃ ᐱᓇᓱᐊᕈᓐᓇᕆᐊᓕᒃ ᐊᑦᔨᒌᖕᖏᑐᓂᑦ ᐅᖁᒣᑦᑐᓂᑦ ᐊᒻᒪᓗ ᐱᓪᓗᑯᒋᐊᓕᕐᑎᒍᑦ ᐱᓇᓱᐊᒍᓐᓇᓗᓂ ᐃᓚᐅᑎᓪᓗᒍ ᓂᕈᐊᕈᓐᓇᓂᖅ, ᓇᓗᓀᕐᓯᒍᓐᓇᓗᓂᓗ ᐊᓪᓚᑕᐅᓯᒪᔪᓂᑦ.

·   ᐱᓇᓱᑦᑎᒃ ᐊᑐᐃᓐᓇᕈᕐᑎᓯᖃᑦᑕᕆᐊᓕᒃ ᐊᓪᓚᓯᒪᔪᓕᐅᖃᑦᑕᓗᓂ, ᑐᑭᓯᑎᑦᓯᒍᑎᓕᐅᖃᑦᑕᓗᓂ ᐊᒻᒪᓗ ᑐᓴᕐᑎᓯᒍᑎᓕᐅᖃᑦᑕᓗᓂ ᖃᕆᑕᐅᔭᒧᓪᓗ ᐃᓕᐅᕐᙯᖃᑦᑕᓗᓂ, ᐊᓪᓚᓯᒪᔭᖏᑦ ᖃᕆᑕᐅᔭᒧᑦ ᒪᑐᐃᑐᐊᕈᓂᒋᑦ ᐃᓕᓐᓂᐊᕕᐅᑉ ᐃᓗᐊᓂ ᓯᓚᑎᖓᓂᓪᓘᓃᑦ, ᐊᓪᓚᓯᒪᔪᑦ ᑐᑭᓯᓇᑦᓯᐊᖏᑉᐸᑕ ᑐᑭᓯᓇᓕᕐᑎᖃᑦᑕᓗᒋᑦ.

·   ᐱᓇᓱᑦᑎᒃ ᐃᒣᖁᔨᕗᖔᕈᓐᓇᕆᐊᓕᒃ ᐊᒻᒪᓗ ᐅᓐᓂᑑᑦᔨᒍᓐᓇᓗᓂᓗ ᐱᐅᓯᐅᒥᒍᑎᑦᓴᐅᔪᑦ ᐊᐅᓚᓂᕐᒥᑦ ᐃᑉᐱᒋᓗᒋᑦ ᑲᒪᒋᔭᒋᕆᐊᓕᖏᑦ.

·   ᐱᓇᓱᑦᑎᒃ ᑕᑕᕐᓭᒍᓐᓇᕆᐊᓕᒃ ᑕᑕᕐᓴᒐᐅᔪᓂᑦ, ᓇᓗᓀᒃᑯᑕᖁᑎᒋᔭᐅᔪᓂᑦ, ᑎᑭᓭᒍᒪᐅᑎᓂᑦ, ᑐᑭᓯᑎᑦᓯᒍᑎᓂᑦ ᐊᓪᓚᓯᒪᔪᓕᐅᒍᓐᓇᓗᓂ, ᐊᓯᖏᑎᒍᓪᓘᓃᑦ ᐱᔭᕆᐊᑭᑦᑑᒐᓗᐊᕐᐸᑕ ᐊᑦᔨᐸᓱᖏᓐᓂᑦ ᐊᒻᒪᓗ ᐅᑎᕐᑎᓯᕕᒋᖃᑦᑕᓗᒋᑦ ᐊᓪᓚᑐᕕᓃᑦ ᑭᖕᖒᒪᒋᔭᐅᑉᐸᑕ.

·   ᐱᓇᓱᑦᑎᒃ ᐊᓪᓚᕈᓐᓇᕆᐊᓕᒃ ᐊᒻᒪᓗ ᐊᑐᐃᓐᓇᕈᕐᑎᕆᖃᑦᑕᓗᓂ ᖃᕆᑕᐅᔭᑎᒍᑦ, ᐊᓪᓚᓯᒪᔪᓕᐅᕈᓐᓇᓗᓂ, ᕿᒥᕐᕈᐊᖑᔭᓐᓂᓗ ᐊᒻᒪᓗ ᑐᓴᕐᑎᓯᒍᑎᓕᐅᖃᑦᑕᓗᓂ.

·   ᐱᓇᓱᑦᑎᒃ ᑎᑭᓭᒍᓐᓇᕆᐊᓕᒃ ᐊᓪᓚᕕᐅᑉ ᐱᐅᒡᒍᑎᖏᓐᓂᑦ ᐊᒻᒪᓗ ᑭᓯᓯᒪᖃᑦᑕᓗᒋᑦ.

·   ᐱᓇᓱᑦᑎᒃ ᐸᕐᓀᒍᑦᔨᖃᑦᑕᕆᐊᓕᒃ ᐊᐅᓚᒍᑎᑦᓴᐅᔪᓂᑦ ᓄᓇᕕᒻᒧᑦ ᐱᓇᓱᖃᑎᒻᒥᑕ ᐊᐅᓚᒍᑎᑦᓴᖏᓐᓂᑦ.

·   ᐱᓇᓱᑦᑎᒃ ᑲᒪᒋᔭᖃᓲᖅ ᐊᑭᓕᕐᑕᐅᒍᑎᐅᒋᐊᓕᓐᓂᑦ ᐊᒻᒪᓗ ᐊᑭᓖᒍᑎᐅᔪᓂᑦ ᐃᑉᐱᒋᔭᖃᕐᓗᓂ.

·   ᐱᓇᓱᑦᑎᒃ ᐊᓯᖏᓐᓂᑦ ᐊᐅᓚᑦᓯᒍᓐᓇᕆᐊᓕᒃ ᐊᖓᔪᕐᖄᒥᑕ ᑎᓕᔨᒍᑎᖏᓐᓂᑦ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᑖᕐᓯᒪᓗᓂ ᐅᕝᕙᓘᓐᓃᑦ ᐱᔭᕇᕈᑎᒥᒃ ᐅᕝᕙᓘᓐᓃᑦ ᐃᓕᑕᕆᔭᐅᒍᑎᒥᒃ ᐃᓕᓐᓂᐊᓯᒪᓂᕐᒧᑦ ᐃᓕᑕᕆᔭᐅᔪᒥᒃ ᐃᓕᓴᕐᓂᓕᕆᓂᕐᒧᑦ.

ᐊᕐᕌᒍᓂᒃ ᐱᖓᓲᔪᕐᑐᓂᒃ (6) ᐱᓇᓱᐊᕐᓯᒪᓂᖃᕐᓗᓂ

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᖕᖏᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ, ᐱᓇᓱᑦᑎᑖᕆᔭᐅᓂᖓᓄᑦ ᖃᓄᐃᓕᖓᐅᑎᐅᑎᓪᓗᒍ, ᐋᕐᕿᑕᐅᒪᔪᒥᒃ ᐃᓕᓴᕐᓂᓕᕆᓂᕐᒧᑦ.

ᐊᑐᕈᓐᓇᕆᐊᓕᖏᑦ:

·       ᐱᓇᓱᐊᕐᓯᒪᓗᓂ ᐊᓪᓚᕕᒻᒥᑦ ᐱᓇᓱᐊᕐᑕᐅᓲᓂᑦ;

·       ᖃᐅᔨᒪᓗᓂ ᖃᕆᑕᐅᔭᓕᕆᒍᑎᓂᒃ Charlemagne, ADAN ᐊᒻᒪᓗ DASH-ᓂᑦᒃ;

·       ᐱᓇᓱᐊᕈᓐᓇᕆᐊᓕᒃ ᑐᖏᓕᕇᑦᓯᐊᑐᑎᒍᑦ ᐊᒻᒪᓗ ᐃᓕᑕᕐᓯᓯᒪᑦᓯᐊᒍᓐᓇᓗᓂ.

·       ᐱᓇᓱᐊᖃᑎᖃᑦᓯᐊᕈᓐᓇᕆᐊᓕᒃ;

·       ᓈᒻᒪᓈᕐᑐᑯᑦ ᐃᕐᖃᑐᐃᒍᓐᓇᓗᓂ ᐊᒻᒪᓗ ᓱᓕᓂᕐᒦᒍᓐᓇᓗᓂ

·       ᐅᖃᐅᓰᓐᓂᒃ ᒪᕐᕉᓂᒃ ᐊᑐᕈᓐᓇᓗᓂ ᐱᖓᓱᓂ ᐅᖃᐅᓯᖏᓐᓂ ᐃᓕᓴᕐᓂᓕᕆᓂᐅᑉ (ᐃᓄᑦᑎᑐᑦ, ᐅᐃᒍᐃᑎᑐᑦ ᐊᒻᒪᓗ ᖃᓪᓗᓈᑎᑐᑦ).

ᑫᕙᓪᓚᒍᓯᕆᒐᔭᕐᑕᖏᑦ: 35-ᓂᑦ ᑫᕙᓪᓚᒍᓯᕐᓂᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᓂᑦ ᓂᕿᑦᓯᑐᓄᑦ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4101-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $23.12-ᓂᑦ $28.31-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.