ᒥᕐᖑᐃᓯᕕᒻᒥ ᐱᖑᐊᓗᐃᑦ - ᐳᓛᕆᐊᕐᑐᓄᑦ ᖃᐅᔨᒋᐅᕆᐊᕐᑐᑐᓄᑦ ᐱᓇᓱᑦᑎᑦᓴᒥᒃ - KRG

ᐱᓇᓱᒐᑦᓴᖅ ᐊᑐᐃᓐᓇᕈᕐᑐᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᓕᕆᓂᕐᒥᒃ ᐱᓇᓱᒐᖃᕐᒪᑦ ᑎᒥᐅᔪᓂᒃ ᓄᓇᒥ ᑲᒪᒋᔭᖃᕐᓱᓂ ᑯᐯᑉ ᑕᕐᕋᖓᓂ 55 ᖁᓛᓂ ᑎᑎᖅᓯᒪᔪᒥ. ᒫᓐᓇᐅᑎᓪᓗᒍ ᕿᓂᓕᕆᕗᑦ ᐱᓇᓱᑦᑎᑦᓴᒥᒃ ᐱᔪᑦᓴᐅᔮᑦᓯᐊᑐᒥᒃ ᑲᑦᓱᙰᕐᓯᒪᔪᒥᒃ ᐱᓇᓱᑦᑎᑦᓴᒥᒃ ᐱᓇᓱᖃᑎᖃᕋᔭᕐᑐᒥᒃ ᓄᑕᐅᓯᓕᕈᓐᓇᑐᓕᕆᓂᕐᒧᑦ, ᐊᕙᑎᒥᐅᑕᓕᕆᓂᕐᒧᓪᓗ, ᓄᓇᓕᕆᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᐱᓇᓱᒐᔭᕐᑐᒥᒃ ᐃᒣᑦᑐᒥᒃ;

ᒥᕐᖑᐃᓯᕕᒻᒥ ᐱᖑᐊᓗᐃᑦ - ᐳᓛᕆᐊᕐᑐᓄᑦ ᖃᐅᔨᒋᐅᕆᐊᕐᑐᑐᓄᑦ ᐱᓇᓱᑦᑎᑦᓴᒥᒃ

(ᐊᑌᓐᓇᑐᖅ / ᐃᓗᐃᒃᑲᑎᒎᕐᑐᖅ)

ᑲᒪᔨᖃᕋᔭᕐᑐᖅ ᑲᒪᔨᒻᒪᕆᒻᒥᒃ ᒥᕐᖑᐃᓯᕕᒻᒥ ᐱᖑᐊᓗᐃᑦ, ᑖᓐᓇ ᒥᕐᖑᐃᓯᕕᒻᒥ ᐳᓛᕆᐊᕐᑐᓄᑦ ᐱᓇᓱᑦᑎᐅᔪᖅ ᑲᒪᒋᔭᖃᕋᔭᕐᑐᖅ ᓇᓗᓀᕐᓯᖃᑦᑕᓗᓂ, ᐱᕙᓪᓕᐊᑎᑦᓯᓗᓂ, ᐊᑑᑎᓕᕐᑎᑦᓯᓗᓂ ᖃᐅᔨᓴᖃᑦᑕᓗᓂᓗ ᐳᓛᕆᐊᕐᑐᑦ ᖃᐅᔨᒋᐅᕆᐊᕐᑐᑐᑦ ᐱᕕᑦᓴᖃᖁᓪᓗᒋᑦ ᑕᒡᒐᓂ ᒥᕐᖑᐃᓯᕕᒻᒥ ᐱᖑᐊᓗᐃᑦ. ᐱᓇᓱᖃᑎᖃᒻᒪᕆᖃᑦᑕᕋᔭᕐᑐᖅ ᒥᕐᖑᐃᓯᕕᐅᑉ ᐱᓇᓱᑦᑎᖏᓐᓂᒃ ᐊᓯᖏᓐᓂᓗ ᖃᐅᔨᒋᐊᕐᕕᓴᐅᔪᓂᒃ, ᐊᕙᑎᒥᐅᑕᓕᕆᓂᕐᒧᑦ ᓄᓇᐅᓪᓗ ᐊᑐᕐᑕᐅᓂᖓᓄᑦ ᐸᕐᓀᑎᐅᔪᑦ ᐱᑦᔪᑦᔨᕕᖓᑕ ᐱᓇᓱᑦᑎᖏᓐᓂᒃ ᕿᒥᕐᕈᖃᑎᖃᖃᑦᑕᓗᓂ ᐱᕕᑦᓴᐅᒐᔭᕐᑐᓂᒃ ᐱᓇᓱᒐᑦᓴᐅᒐᔭᕐᑐᓂᓪᓗ, ᐱᓇᓱᐊᓂᐅᔪᓂᒃ, ᐱᒍᑦᔨᓂᕐᓂᒃ ᐱᓇᓱᐊᕈᑎᐅᔪᓂᒡᓗ ᓇᐅᓕᒫᓄᑦ ᖃᐅᔨᒪᔭᐅᑎᑦᓯᒐᓱᐊᕐᓗᓂ, ᖁᕕᐊᒋᔭᐅᑎᑦᓯᒐᓱᐊᕐᓗᓂ ᐊᓕᐊᒋᔭᐅᑎᑦᓯᒐᓱᐊᕐᓗᓂᓗ ᒥᕐᖑᐃᓯᕕᒻᒥᒃ ᐱᖑᐊᓗᐃᑦᒃ, ᑲᒪᒋᔭᖃᕋᔭᕐᑐᖅ ᑖᓐᓇ ᒥᕐᖑᐃᓯᕕᒻᒧᑦ ᐳᓛᕆᐊᕐᓯᒪᔪᓄᑦ ᖃᐅᔨᒋᐅᕆᐊᕐᑐᑐᓄᑦ ᐱᓇᓱᑦᑎᐅᔪᖅ ᓇᓗᓀᕆᐊᓪᓚᓗᒋᑦ ᐱᓇᓱᖃᑦᑕᕋᔭᕐᑕᖏᑦ ᒪᑯᐊ;

• ᐃᑲᔪᕐᑐᖃᑦᑕᓗᓂ, ᑐᖕᖓᓱᑦᑎᑦᓯᖃᑦᑕᓗᓂ ᐱᒍᑦᔨᖃᑕᓗᓂᓗ ᒥᕐᖑᐃᓯᕕᒻᒥ ᐱᖑᐊᓗᐃᑦ, ᐳᓛᕆᐊᕐᑐᐃᑦ ᓈᒻᒪᓴᕐᑎᑦᓯᐊᕋᓱᐊᖃᑦᑕᓗᒋᑦ ᐃᖅᑲᐅᒪᔭᑦᓴᖏᓐᓂᒃ ᐱᕕᑦᓴᖃᕐᑎᒐᓱᐊᖃᑦᑕᓗᒋᑦ ᖃᐅᔨᑎᒐᓱᐊᖃᑦᑕᓗᒋᓪᓗ, ᐃᓕᑦᓯᓗᑎᒃ ᖃᐅᔨᒋᐅᕐᓗᑎᓪᓗ ᒥᕐᖑᐃᓯᕕᐅᑉ ᓱᕙᓪᓕᑕᐅᓯᒪᒐᓂ ᑕᑯᒥᓇᕐᑑᓂᖓᓂᒃ, ᐱᐅᓯᑐᖃᕐᒧᑦ ᓱᖃᑦᓯᓂᕐᒧᓪᓗ ᐊᑑᑎᑦᓴᑕᖃᓪᓚᕆᓐᓂᖓᓂᒃ;

• ᓄᐃᑦᓯᓗᓂ ᐊᑑᑎᓕᕐᑎᑦᓯᓗᓂᓗ ᐱᓇᓱᐊᖃᑎᒌᒍᓐᓇᓂᕐᒥᒃ ᓄᓇᓕᓐᓄᑦ ᓄᓇᓕᓕᒫᓄᓪᓗ ᐱᖁᑎᖃᖃᑦᑕᐅᔪᓄᑦ, ᐱᓇᓱᐊᖃᑕᐅᔪᓄᑦ ᐱᓯᓇᓯᖃᕐᑐᓄᓪᓗ ᐊᐅᓚᑦᓯᖃᑕᐅᔪᓄᑦ ᐱᕙᓪᓕᐊᑎᑦᓯᓂᕐᒥᒃ ᓄᐃᑕᑎᑦᓯᓗᓂᓗ ᐱᑦᓴᓪᓚᕆᐅᔪᓂᒃ ᑐᓴᐅᒪᖃᑦᑕᐅᑎᓂᕐᒧᑦ ᐊᑑᑎᒍᓐᓇᑐᓂᒃ, ᐳᓚᕋᓐᓂᒥᓗ ᐅᓗᕆᐊᓇᕐᑐᑕᖃᕈᓐᓇᓂᖓᓂᒃ, ᐊᕙᑎᒥᐅᑕᓂ ᓯᓚᒥᓗ ᐃᓕᓴᕐᓂᒧᑦ ᐱᓇᓱᐊᕐᓂᑕᖃᕈᓐᓇᓂᖓᓂᒃ;

• ᐃᑲᔪᖃᑦᑕᓗᓂ ᓄᐃᑦᓯᓂᕐᒥᒃ ᐊᑐᐃᓐᓇᕈᐃᓂᕐᒥᓗ ᒥᕐᖑᐃᓯᕕᒻᒥ ᐱᒍᑦᔨᓂᐅᔪᓂᒃ ᐱᓇᓱᐊᕐᓂᐅᔪᓐᓇᑐᓂᓪᓗ;

• ᐃᑲᔪᖃᑦᑕᓗᓂ ᐳᓚᕋᕝᕕᓭᑦ ᐅᓪᓗᖁᑎᓕᐅᕐᑕᐅᓂᖏᓐᓂᒃ, ᐳᓚᕋᑦᑐᓪᓗ ᐱᓇᓱᐊᒐᑦᓴᖏᓐᓂᒃ ᐋᖅᑭᓱᐃᖃᑦᑕᓗᓂ ᐱᓇᓱᖃᑎᖃᕐᓗᓂᓗ ᐱᓇᓱᑦᑎᓂᒃ ᐱᒋᐅᕐᓴᔭᐅᒋᐊᓕᓐᓂᒃ ᑲᔪᓯᑎᑦᓯᖃᑦᑕᓗᓂ ᐳᓚᕋᑦᑐᐃᓪᓗ ᐊᑦᑕᓀᑦᑐᒦᒋᐊᖃᕐᓂᖏᓐᓂᒃ ᐊᑑᑎᑎᑦᓯᑦᓯᐊᖃᑦᑕᓗᓂ;

• ᑲᒪᖃᑦᑕᓗᓂ, ᖃᐅᔨᒐᓱᐊᖃᑦᑕᓗᓂ ᐅᓂᒃᑳᓕᐅᖃᑦᑕᓗᓂᓗ ᐳᓚᕋᑦᑐᐃᑦ ᐊᑑᑎᔭᕕᓂᖏᓐᓂᒃ ᐱᓇᓱᐊᕐᓂᒃᑯᑦ ᖃᐅᔨᔭᐅᔪᕕᓂᕐᓂᓗ ᐱᓇᓱᐊᕐᓂᐅᔪᒃᑯᑦ ᐊᒻᒪᓗ ᐱᒍᑦᔨᓂᐅᔪᑎᒍᑦ ᓄᐃᑦᓯᖃᑦᑕᓗᓂ;

• ᐃᑲᔪᖃᑦᑕᓗᓂ ᒥᕐᖑᐃᓯᕕᒻᒥᒃ ᖃᐅᔨᔭᐅᑎᑦᓯᒐᓱᐊᕐᓂᒥᒃ ᓇᓗᓀᕐᓯᓂᒃᑯᑦ ᓯᕗᓂᕆᔭᐅᓪᓚᕆᒐᓱᐊᕐᑐᓂᒡᓗ ᖃᐅᔨᔭᐅᑎᑦᓯᒐᓱᐊᕐᓂᒧᑦ, ᐊᓪᓚᖕᖑᐊᕐᓯᒪᔪᑎᒍᑦ, ᐱᕙᓪᓕᐊᓂᖓᓂᒃ ᐊᒻᒪᓗ ᖃᐅᔨᔭᐅᑎᑦᓯᒐᓱᐊᕐᓂᐅᑉ ᐱᓪᓚᕆᐅᓂᖓᓂᒃ ᐳᓚᕋᑦᑐᓄᑦ ᖃᐅᔨᒋᐅᕐᕕᑦᓴᐅᓗᓂ;

• ᐸᕐᓀᖃᑦᑕᓗᓂ ᐅᓂᒃᑳᓕᐊᕆᔭᑦᓴᓂᒃ ᐊᓪᓚᖃᑦᑕᐅᑎᓂᐅᓯᒪᔪᓂᓪᓗ, ᐱᔭᕆᐊᖃᕐᑐᓂᒃ, ᑕᒪᒃᑯᐊᓗ ᐊᓪᓚᓯᒪᔪᐃᑦ ᓈᒻᒪᓈᑦᓯᐊᕐᑑᓗᑎᒃ ᐊᒻᒪᓗ ᓱᖅᑯᐃᓇᑦᓯᐊᕈᑎᖃᕈᓐᓇᖃᑦᑕᓗᑎᒃ;

• ᐊᖑᒻᒪᑎᑎᑦᓰᓐᓇᖃᑦᑕᓗᓂ ᓱᓇᓕᒫᓂᒃ ᒥᕐᖑᐃᓯᕕᒻᒥ ᐊᐅᓚᓂᕆᔭᐅᔪᓂᒃ; ᐊᒻᒪᓗ

• ᐊᓯᖏᓐᓂᓗ ᐊᑦᔨᐸᓱᖏᓐᓂᒃ ᐱᓇᓱᐊᖃᑦᑕᓗᓂ, ᐱᖁᔭᐅᔪᓂᒃ ᒥᕐᖑᐃᓯᕕᐅᑉ ᑲᒪᔨᒻᒪᕆᖓᓄᑦ.

ᐱᔪᓐᓇᐅᑎᖃᕆᐊᓕᒃ ᐃᒣᑦᑐᓂᒃ:

• ᐃᓕᓐᓂᐊᕕᑦᔪᐊᒥ ᐱᔭᕇᕈᑎᖃᕐᓯᒪᓗᓂ ᑕᒪᒃᑯᓄᖓ ᐱᓇᓱᐊᕐᓂᐅᔪᓄᑦ;

• ᐊᕐᕌᒎᓐᓂᒃ ᒪᕐᕉᓐᓂᒃ ᐱᓇᓱᐊᖃᑦᑕᓕᓂᐅᓗᓂ ᒥᕐᖑᐃᓯᕕᒻᒥ ᐱᓇᓱᐊᕐᓂᐅᔪᓂ ᐅᕝᕙᓗ ᐊᑦᔨᐸᓱᖏᓐᓂᒃ ᐱᓇᓱᐊᖃᑦᑕᓕᓂᐅᓗᓂ;

• ᐱᓇᓱᐊᖃᑎᖃᕆᐊᒥᒃ ᖃᐅᔨᒪᑦᓯᐊᓗᓂ ᑐᑭᑖᖃᑎᖃᕐᓯᒪᑦᓯᐊᖃᑦᑕᕈᓐᓇᓗᓂᓗ ᓇᐅᓕᒫᓂᒃ ᖃᓄᑐᐃᓐᓇᖅ;

• ᓄᐃᑕᑎᑦᓯᑦᓯᐊᖃᑦᑕᓗᓂ ᖃᐅᔨᒐᓱᐊᕐᕕᓴᐅᒋᐊᒥᓂᒃ ᓱᓇᑐᐃᓐᓇᓂᓪᓗ ᐋᖅᑭᓱᐃᓯᒪᑦᓯᐊᖃᑦᑕᓗᓂ ᐸᕐᓀᑦᓯᐊᕈᓐᓇᑑᓗᓂᓗ,

• ᐱᓇᓱᐊᕈᑎᖃᑦᓯᐊᕈᓐᓇᓗᓂ ᖃᐅᔨᒪᑦᓯᐊᓗᓂᓗ ᖃᕆᑕᐅᔭᓕᕆᒍᑏᑦ ᐋᖅᑭᓯᒪᐅᑎᖏᓐᓂᒃ ᒪᑯᓂᖓ (word processor, spreadsheet, database, etc.);

• ᐱᓇᓱᖃᑎᖃᑦᓯᐊᖃᑦᑕᓕᓂᐅᓗᓂ ᐱᓇᓱᖃᑎᒥᓂᒃ;

• ᐊᓪᓚᓯᒪᔪᓂᒃ ᐊᒻᒪᓗ ᓂᑦᔮᒍᑎᓂᒃ ᐊᑐᕈᓐᓇᓗᒋᑦ ᐱᔪᓐᓇᕆᐊᓕᒃ ᐃᑭᓐᓂᐹᖓᓄᑦ ᒪᕐᕉᓄᑦ (2) ᒪᑯᐊ ᐅᖃᐅᓰᑦ ᓇᓪᓕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐱᓇᓱᖃᑎᖃᖃᑦᑕᓕᓂᐅᒍᓂ ᐃᓅᖃᑎᒌᑦᓴᔭᐅᖏᑦᑐᓂᒃ ᑕᒪᓐᓇ ᐃᑲᔪᕐᓯᒻᒪᕆᒐᔭᕐᑐᖅ.

ᐱᓇᓱᒐᐅᑉ ᓇᓃᓐᓂᖓ: ᑲᖏᕐᓱᔪᐊᖅ

ᑮᓇᐅᑦᔭᓵᖏᑦ: ᐳᒃᑭᓂᕐᐹᖓ $45,942 /ᐊᕐᕌᒍᑕᒫᑦ; ᐅᓄᕐᓂᐹᖓ $77,337 /ᐊᕐᕌᒍᑕᒫᑦ (ᐳᕐᑐᓂᖅ 7)

ᐱᕚᓪᓕᕈᑎᑦᓭᑦ: ᐃᓅᒐᓱᐊᕐᓂᐅᑉ ᐊᑭᖓ: ᐳᒃᑭᓂᕐᐹᖓ $11,834/ᐊᕐᕌᒍᑕᒫᑦ

ᓂᕿᓯᒍᑏᑦ: ᐳᒃᑭᓂᕐᐹᖓ $7,568/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐊᓂᕐᕋᑫᓐᓇᒍᑏᑦ: ᐃᑭᓐᓂᐹᖓ 3

RRSP: 6.25% ᐱᓇᓱᕝᕕᒥᓂ, 4% ᐱᓇᓱᑦᑎ

ᐃᒻᒪᖃᐅᑎᖃᕈᓐᓇᑐᖅ

ᕿᑲᕐᓀᑦ: 20 ᐅᓪᓗᐃᑦ

ᐱᓇᓱᕝᕕᐅᑉ ᕿᑲᕐᓇᖏᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᖁᕕᐊᓱᕝᕕᒥ.

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᒪᑦᔨ25, 2026-ᒥ ᐅᕗᖓ:

Human Resources

Kativik Regional Government

P.O. Box 9

Kuujjuaq QC, J0M 1C0

Fax: (819) 964-2975

Email: humanresources@krg.ca

ᑖᒃᑯᐊ KRG-ᑯᑦ ᓇᐅᓕᒫᓄᑦ ᐱᒍᑦᔨᔨᐅᒻᒪᑕ ᐱᓇᓱᒐᖃᕐᑎᑦᓯᔨᐅᑦᓱᑎᒃ, ᔦᒥᔅ ᐯ ᑯᐯᓪᓗ ᑕᕐᕋᖓᓂ ᐃᓄᐃᓪᓗ ᐊᖏᖃᑎᒌᓐᓂᖏᑎᒍᑦ, ᐱᓇᓱᒐᐅᑉ

ᖃᓄᐃᑦᑑᒋᐊᖃᕐᓂᖓ ᐊᓯᑦᔨᑕᐅᑐᐃᓐᓇᕆᐊᓕᒃ ᐃᓄᑐᐃᓐᓇᒥᒃ ᐱᓇᓱᒐᕐᑖᕋᓱᐊᕐᑐᖃᕐᐸᑦ

ᐱᓇᓱᒐᕐᑖᕋᓱᑦᑐᑦ ᓂᕈᐊᕐᑕᐅᔪᑦ ᑖᒃᑯᑐᐊᖅ ᐊᐱᖅᓲᔭᕐᑕᐅᓚᖓᓗᑎᒃ ᖃᐅᔨᑎᑕᐅᒐᔭᕐᑐᑦ.