ᑐᕐᓱᔪᒥ ᒥᕐᖑᐃᓯᕐᕕᒥ ᐃᖏᕐᕋᑎᑦᓯᓂᕐᓄ ᑲᔪᓯᑎᑦᓯᔨ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ), ᐊᒥᓱᐃᓂᒃ ᑲᒪᒋᔭᖃᕐᓱᓂ ᓄᓇᓕᓐᓄᑦ ᑎᒥᐅᒍᑎᖃᕐᐳᖅ ᐊᐅᓚᑦᓯᕕᖃᕐᓱᓂ ᑯᐯᑉ ᓄᓇᖓᓂ 55 ᖁᓛᓂ ᑕᕐᕋᒥ, ᕿᓂᕐᑐᖅ ᕿᑦᑌᖓᔪᒥᒃ ᐊᒻᒪᓗ ᐱᔪᑦᓴᐅᔮᕐᑐᒥᒃ ᑫᐋᔩᑉ ᐱᓇᓱᑦᑎᖏᓐᓄᑦ ᐃᓚᐅᒍᒪᔪᒥᒃ, ᐃᒣᑦᑐᓂᒃ ᐱᓇᓱᐊᕐᓗᓂ:

ᑐᕐᓱᔪᒥ ᒥᕐᖑᐃᓯᕐᕕᒥ ᐃᖏᕐᕋᑎᑦᓯᓂᕐᓄ ᑲᔪᓯᑎᑦᓯᔨ

(ᐃᓕᒣᓐᓇᓚᖓᔪᖅ - ᐃᓗᐃᒃᑲᑎᒎᕐᑐᑦ)

ᐊᖓᔪᕐᖄᖃᕐᓗᓂ ᑐᕐᓱᔪᖅ ᒥᕐᖑᓯᕐᕕᐅᑉ ᑲᒪᔨᒻᒪᕆᖓᓂᒃ, ᓇᓪᓕᑳᕐᑕᐅᔪᖅ ᐅᑯᓂᖓ ᑲᒪᒋᔭᑦᓴᖃᓚᖓᔪᖅ, ᑖᒃᑯᑑᒍᓐᓀᑎᓪᓗᒋᓪᓗ:

• ᐃᑲᔪᖃᑦᑕᓗᓂ ᑲᒪᔨᒻᒪᕆᒻᒥᒃ ᐊᐅᓚᑕᐅᓂᖏᓐᓄᑦ ᒥᕐᖑᐃᓯᕐᕕᒥ ᐱᓇᓱᐊᕐᑌᑦ ᐊᒻᒪᓗ ᐱᓇᓱᐊᖃᑎᖃᑦᓯᐊᓗᓂ ᐱᓇᓱᑦᑎᓂᒃ ᐊᓯᖏᓐᓂᒃ;

• ᐃᓚᐅᖃᑦᑕᓗᓂ ᐊᑐᐃᓐᓇᕈᕐᑕᐅᓕᕐᐸᑕ ᐊᒻᒪᓗ ᑲᔪᓯᑎᑕᐅᓂᖃᕐᑎᓗᒋᑦ ᑮᓇᐅᔦᑦ ᑐᕌᒐᖏᑦ, ᐃᖏᕐᕋᓯᑎᑦᓯᖃᑦᑕᓗᓂ ᓈᒻᒪᓯᑦᑕᕈᑎᓂᒃ, ᐊᒻᒪᓗ ᐃᑉᐱᒍᓱᑦᓯᐊᖃᑦᑕᓗᓂ ᐱᔭᕇᕐᕕᐅᓯᒪᒋᐊᓖᑦ ᐃᓱᓕᑦᑕᕈᑎᖏᓐᓂᒃ;

• ᐸᕐᓀᖃᑦᑕᓗᓂ ᐃᓕᓐᓇᑎᕆᓗᓂᓗ ᐱᓇᓱᐊᕐᑕᐅᒋᐊᓖᑦ ᐊᕕᑦᑐᑕᐅᓯᒪᐅᑎᖏᓐᓂᒃ, ᐊᒻᒪᓗ ᐸᕐᓀᖃᑦᑕᓗᓂ ᑎᓕᐅᕆᖃᑦᑕᓗᓂᓗ ᐱᓇᓱᑦᑎᓂᒃ (ᐱᓇᓱᑦᑏᑦ, ᐱᐅᒃᑯᑏᑦ, ᐱᓇᓱᐊᕈᑏᑦ);

• ᑲᔪᖏᕐᑐᐃᔨᐅᓗᓂ ᐃᓕᐅᕐᙯᔨᐅᓗᓂᓗ ᒥᕐᖑᐃᓯᐅᕐᕕᐅᑉ ᐱᓇᓱᑦᑎᖏᓐᓂᒃ ᑲᔪᓯᑎᑕᐅᑦᓯᐊᕆᐊᖃᕐᓂᖏᓐᓄᑦ ᐱᓇᓱᒉᑦ ᒥᕐᖑᐃᓯᕐᕕᓕᐊᕐᓯᒪᔪᑦ ᐃᓱᕐᕆᐅᑎᖏᓐᓄᐊᖓᔪᑦ;

• ᐃᓚᐅᖃᑦᑕᓗᓂ ᐊᑐᐃᓐᓇᕈᕐᑕᐅᓕᕐᐸᑕ, ᐃᖏᕐᕋᓯᑎᑕᐅᓕᕐᐸᑕ ᐊᒻᒪᓗ ᑭᖑᓂᖓᒍᑦ ᒥᕐᖑᐃᓯᕐᕕᐅᑉ ᐃᖏᕐᕋᓂᖓᑕ ᑐᕌᒐᖏᑦ ᐱᔭᐅᑦᓯᐊᖃᑦᑕᒪᖔᑕ ᐃᑉᐱᒍᓱᑦᑎᐅᓗᓂ;

• ᐃᓚᐅᖃᑦᑕᓗᓂ ᐱᕙᓕᐊᑎᑕᐅᓂᖏᓐᓄᑦ ᒥᕐᖑᐃᓯᕐᕕᐅᑉ ᐱᓇᓱᐊᕐᑕᐅᒍᑎᖏᓐᓄᑦ ᐊᒻᒪᓗ ᐃᓱᒪᒋᔭᒥᓂᒃ ᓂᑦᔮᕈᑎᖃᖃᑦᑕᓗᓂ ᑐᑭᑖᕈᑏᑦ ᓄᐃᑕᐅᒋᐊᖃᓕᕐᐸᑕ ᒥᕐᖑᐃᓯᕐᕕᐅᑉ ᐱᖁᑎᒻᒪᕆᖏᓐᓄᑦ ᐊᒻᒪᓗ ᑭᒡᒐᑐᕈᑎᖏᓐᓄᑦ;

• ᐊᓯᖏᓐᓂᒃ ᑎᓕᐅᕆᐅᑎᖏᓐᓂᒃ ᐊᖓᔪᕐᖄᖓᑕ ᐱᓇᓱᐊᖃᑦᑕᓗᓂ.

ᓇᓪᓕᑳᕐᑕᐅᔪᑦ ᐃᒣᒋᐊᖃᕐᐳᖅ:

• ᐱᓇᓱᐊᕐᓯᒪᒍᓂ ᑌᒣᑦᑐᓂᐊᕐᑎᐅᓗᓂ ᓂᐅᕐᕈᑐᓕᕆᓂᕐᒥ ᒥᕐᖑᐃᓯᕐᕕᒥᓪᓘᓃᑦ ᐃᓱᒪᒋᔭᐅᓚᖓᔪᖅ ᐱᓪᓗᖁᑎᖃᕆᐊᖓ;

• ᐊᕐᕌᒎᓐᓂ ᒪᕐᕉᓂ ᐃᑭᓐᓂᐸᐅᑎᓪᓗᒋᒃ ᐱᓇᓱᐊᕐᓯᒪᓗᓂ ᑌᒣᑦᑐᓭᓐᓇᑲᓵᓂᒃ ᑲᔪᓯᑎᑦᓯᔨᐅᓗᓂ ᐊᒥᓱᐃᓂᒃ ᐱᓇᓱᒐᓕᓐᓂᒃ ᐊᑦᔨᒌᖕᖏᑐᓂᒃ ᑲᒪᔨᒋᔭᐅᓗᓂ;

• ᖃᐅᔨᒪᓗᓂ ᖃᕆᑕᐅᔭᒃᑯᑦ ᐊᓪᓚᒍᑎᓂᒃ ᐅᑯᓂᖓ Microsoft Office Suite (Excel, Word, Power Point, etc.);

• ᐸᕐᓀᓂᓯᑎᐅᓗᓂ ᐃᓕᓐᓇᖓᑎᑦᓯᓯᐊᕈᓐᓇᓗᓂᓗ;

• ᑕᑯᑦᓴᐅᑎᑦᓯᓗᓂ ᓴᖑᒍᐊᕐᑑᓂᕐᒥᓂᒃ ᓄᐃᑎᕆᒍᓐᓇᓯᐊᕐᓂᒥᓂᓗ ᐱᓇᓱᐊᖃᑎᖃᕆᐊᒥᓪᓗ ᐊᓕᐊᒋᔭᖃᑦᓯᐅᓗᓂ;

• ᐊᕐᓱᕈᓐᓇᑐᓂᒃ ᐊᓂᒍᐃᑦᓯᐊᕈᓐᓇᓗᓂ ᐃᓱᓕᕕᑦᓴᓂᓪᓗ ᐅᓪᓗᓂᒃ ᐱᕕᑦᓴᐅᑎᑕᐅᔪᓂᒃ ᐊᖑᒪᑦᓯᒍᓐᓇᓯᐊᕐᓗᓂ;

• ᑐᑭᓯᒪᖃᑎᖃᑦᓯᐊᕈᓐᓇᓗᓂ, ᐅᖃᐅᓯᑎᒍᑦ ᐊᒻᒪᓗ ᐊᓪᓚᒍᓐᓇᓂᑎᒍᑦ, ᒪᕐᕈᐃᖏᓐᓂᒃ (2) ᑖᒃᑯᐊ ᐅᖃᐅᓰᒃ: ᐃᓄᑦᑎᑐᑦ, ᖃᓪᓗᓈᕐᑎᑐᑦ ᐅᕝᕙᓘᓐᓃᑦ ᐅᐃᒍᐃᑎᑐᑦ;

• ᑕᕐᕋᒥ 55 ᖁᓛᓂ ᐱᓇᓱᐊᓕᓂᐅᒍᓂ ᐱᓪᓗᖁᑎᖃᓚᖓᔪᖅ.

ᐱᓇᓱᒐᐅᑉ ᓇᔪᕐᑕᖓ: ᐅᒥᐅᔭᖅ

ᑮᓇᐅᑦᔭᓵᖏ: ᐱᒋᐊᕐᕕᖃᕐᓗᓂ $85,106 ᐅᓄᕐᓂᐹᖓ $117,009/ᐊᕐᕌᒍᓕᒫᖅ

ᐊᓯᖏᑦ ᐱᓪᓗᖁᑏᑦ: ᓂᐅᕕᐊᑦᓭ ᐊᑭᑐᓂᖏᓐᓄᑦ ᐱᓪᓗᖁᑏᑦ; $10,033 ᐊᕐᕌᒍᒥ (ᐃᑭᓐᓂᐹᑦ)

ᓂᕿᓯᐅᑎᑦᓭᑦ: $2, 973 ᐊᕐᕌᒍᒥ (ᐃᑭᓐᒥᐹᑦ)

ᐊᐅᓐᓚᑫᓐᓇᕈᓐᓇᐅᑏᑦ: 3-ᕕᑦᑐᑦ (ᐃᑭᓐᓂᐹᑦ)

ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᓴᓇᕐᕙᐅᙯᒍᑏᑦ

ᐱᓇᓱᐊᖃᑎᒌᑦ ᐃᒻᒪᖃᐅᑎᖏᑦ

ᑕᙯᕐᓯᒍᓐᓇᕖᑦ: 30 ᐅᓪᓗᐃᑦ

ᐱᖁᔦᑦ ᒪᓕᓪᓗᒋᑦ ᕿᑲᕐᓀᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᕕᐊᓱᕝᕕᒥ

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ ᐅᕗᖓ:

Human Resources Section

Kativik Regional Government

P.O. Box 9, Kuujjuaq QC, J0M 1C0

Fax: 819-964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓈᒻᒪᖁᐊᕇᑦᑎᓯᔨᐅᕗᖅ ᐱᓇᓱᑦᑎᓭᑦ ᐱᕕᖃᕐᑎᓱᒋᑦ ᐊᑦᔨᒌᓂᒃ. ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᖁᓛᓂ ᐱᔪᓐᓇᓃᑦ ᐃᓄᐃᑦ ᐱᓇᓱᒐᕐᑖᑎᑕᐅᖔᕋᓱᐊᕐᑎᓗᒋᑦ.

ᐃᓕᒐᓱᐊᕐᑐᑦ ᓇᓪᓕᑳᕐᑌᑦ ᑭᓯᐊᓂ ᐊᐱᕐᓲᔭᕐᑕᐅᒍᒪᓗᑎᒃ ᐅᖄᕕᐅᓛᕐᑐᑦ.