ᒥᕐᖑᐃᓯᕐᕕᒻᒥ ᑲᒪᔨᒥᒃ, ᑐᕐᓱᔫᒥ ᒥᕐᖑᐃᓯᕐᕕᒻᒥ - KRG

ᐱᓇᓱᒐᑦᓴᖅ ᐊᑐᐃᓐᓇᕈᕐᑐᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᓕᕆᓂᕐᒥᒃ ᐱᓇᓱᒐᖃᕐᒪᑦ ᑎᒥᐅᔪᓂᒃ ᓄᓇᒥ ᑲᒪᒋᔭᖃᕐᓱᓂ ᑯᐯᑉ ᑕᕐᕋᖓᓂ 55 ᖁᓛᓂ ᑎᑎᖅᓯᒪᔪᒥ. KRG-ᑯᑦ ᒫᓐᓇᐅᑎᓪᓗᒍ ᕿᓂᓕᕆᕗᑦ ᐱᓇᓱᑦᑎᑦᓴᒥᒃ ᐱᔪᑦᓴᐅᔮᑦᓯᐊᑐᒥᒃ ᑲᑦᓱᙰᕐᓯᒪᔪᒥᒃ ᐱᓇᓱᑦᑎᑦᓴᒥᒃ ᐱᓇᓱᒐᔭᕐᑐᒥᒃ ᐃᒣᑦᑐᒥᒃ;

ᒥᕐᖑᐃᓯᕐᕕᒻᒥ ᑲᒪᔨᒥᒃ, ᑐᕐᓱᔫᒥ ᒥᕐᖑᐃᓯᕐᕕᒻᒥ

(ᐊᕐᕌᒍᓂᒃ ᐱᖓᓱᓂᒃ ᐱᓇᓱᒐᔭᕐᑐᒥᒃ - ᐊᑌᓐᓇᑐᒥᒃ ᐱᓇᓱᒐᕐᒥᒃ)

ᑲᒪᔨᒻᒪᕆᒻᒧᑦ ᑲᒪᒋᔭᐅᓗᓂ, ᒥᕐᖑᐃᓯᕐᕕᒻᒥ ᑐᕐᓱᔫᒥ, ᑖᓐᓇ ᒥᕐᖑᐃᓯᕐᕕᒻᒥ ᑲᒪᔨᐅᔪᖅ ᑐᕐᓱᔫᒥ ᑲᒪᒋᔭᖃᕋᔭᕐᑐᖅ ᐱᓇᓱᐊᖃᑦᑕᓗᓂ ᒥᕐᖑᐃᓯᕐᕕᒻᒥ ᐱᐅᒃᑯᑎᑦᓴᓪᓚᕆᓐᓂᒃ ᐊᒻᒪᓗ ᐱᓇᓲᑎᖏᓐᓂᒃ ᐱᖁᔭᖏᓪᓗ ᒪᓕᑦᑕᐅᑦᓯᐊᕐᒪᖔᑕ ᐃᑉᐱᒍᓱᑦᑎᐅᓗᓂ ᒪᓕᑦᑕᐅᒋᐊᓖᓪᓗ ᒥᕐᖑᐃᓯᕐᕕᒻᒥ. ᐊᒻᒪᓗ, ᒥᕐᖑᐃᓯᕐᕕᒻᒥ ᑲᒪᔨᐅᔪᖅ, ᐱᓇᓱᖃᑎᖃᖃᑦᑕᕋᔭᕐᑐᖅ ᐊᐅᓪᓚᐅᑦᔨᔩᑦ ᑐᓵᔨᖏᓐᓂᒃ, ᑲᒪᒋᔭᖃᕋᔭᕐᓱᓂᓗ ᐃᓂᑦᓴᑦᓯᐊᖑᑎᑦᓯᒐᓱᐊᕐᓗᓂ ᐊᑦᑕᓀᑦᑑᑎᑦᓯᒐᓱᐊᕐᓗᓂᓗ ᐳᓛᕆᐊᖃᑦᑕᑐᓂᒃ ᐃᓚᒋᖃᑦᑕᓗᒋᓪᓗ ᑎᑭᓯᒪᔪᑦ ᐳᓛᕆᐊᕐᓯᒪᑎᓪᓗᒋᑦ. ᓇᓗᓀᕆᐊᓪᓚᓗᒍ, ᐱᓇᓱᐊᒐᑦᓴᖏᑦ ᒪᑯᓂᖓ ᐃᓚᖃᕋᔭᕐᒥᔪᑦ, ᐊᓯᖏᓐᓂᒃ ᐱᓇᓱᐊᕐᖃᔦᕐᑎᑦᓯᓯᒪᖏᓪᓗᑎᒃ;

• ᐊᑐᕐᑕᐅᑎᑦᓯᖃᑦᑕᓗᓂ ᖃᐅᑕᒫᑦ ᐊᑦᑕᓈᕿᑦᑌᓕᓂᕐᒥᒃ ᐱᓇᓱᐊᕐᓂᕐᒥᒃ ᐱᐅᒃᑯᑎᑦᓴᓪᓚᕆᐅᔪᓄᑦ;

• ᐃᑉᐱᒍᓱᑦᓯᐊᖃᑦᑕᓗᓂ ᐃᖏᕐᕋᐅᑏᑦ ᐊᐅᓚᔪᓐᓇᓯᐊᕐᒪᖔᑕ ᐊᑐᕈᓐᓇᓯᐊᕐᒪᖔᑕᓗ (ᓯᑭᑑᑦ, ᓯᑕᒪᓖᑦ ᐃᖏᕐᕋᐅᑏᑦ, ᓄᓇᒃᑰᔫᑦ, ᐊᓯᖏᓪᓗ.) ᖃᐅᑕᒫᕐᓯᐅᑎᓂᒡᓗ ᐱᓇᓱᐊᖃᑦᑕᓗᓂ ᐱᓇᓱᐊᕆᐊᓕᓐᓂᒃ;

• ᐱᖁᑏᑦ ᐊᓪᓚᑕᐅᓯᒪᒋᐊᖃᕐᓂᖏᓐᓂᒃ ᑲᒪᖃᑦᑕᓗᓂ ᐊᓪᓚᓯᒪᔪᓪᓗ ᐊᐅᓪᓚᑎᖃᑦᑕᓗᒋᑦ ᐱᓪᓗᑯᒋᐊᓕᓐᓂᒃ ᐊᐅᓚᓂᓕᕆᔨᒧᑦ ᑎᑭᓴᕐᑕᐅᓯᒪᔪᓐᓇᖁᓪᓗᒋᑦ ᐊᑐᕐᑕᐅᒋᐊᓖᑦ, ᓴᓇᕐᕈᑏᑦ ᐊᓯᖏᓪᓗ ᐱᓇᓲᑏᑦ ᐊᑐᖅᑕᐅᒋᐊᓖᑦ ᐊᖑᒻᒪᑎᑎᑦᓯᒍᑕᐅᒐᔭᕐᑐᑦ ᐊᑐᕐᑕᐅᒋᐊᓕᓐᓄᑦ ᒥᕐᖑᐃᓯᕐᕕᐅᑉ ᐊᐅᓚᒍᑎᖏᓐᓄᑦ ᐱᓇᓲᑎᑦᓭᑦ;

• ᐱᓇᓱᐊᖃᑦᑕᓗᓂ ᓴᓇᔭᐅᒋᐊᓕᓐᓂᒃ ᐃᓘᓐᓇᖏᓐᓂᒃ (ᐃᓪᓗᓕᐅᕐᓂᒥᒃ, ᓱᓪᓗᓕᓕᕆᓂᕐᒥᒃ, ᐅᖅᑰᓴᐅᑎᓕᕆᓂᕐᒥᒃ, ᐊᒃᓱᓇᐅᔭᓕᕆᓂᕐᒥᒃ, ᐊᐅᓚᐅᓯᕆᔭᐅᒋᐊᓕᓐᓂᓗ), ᐱᕙᓪᓕᐊᑎᑦᓯᓂᕐᒥᒃ, ᓱᒃᑯᓯᒪᔪᓂᒃ ᐋᖅᑭᓱᐃᓂᕐᒥᒃ ᓄᑕᐅᓯᓕᕆᐊᓕᓐᓂᓗ ᐱᔭᕆᐊᓕᓐᓂᒃ ᐱᐅᒃᑯᑎᑦᓴᓪᓚᕆᐅᔪᓂᒃ ᐱᓇᓲᑎᓗᑳᓂᓪᓗ;

• ᐃᑉᐱᒍᓱᑦᓯᐊᖃᑦᑕᓗᓂ ᒥᕐᖑᐃᓯᕐᕕᒻᒥ ᐱᓇᓱᑦᑏᑦ ᑐᓴᐅᒪᑎᑦᓯᐊᓗᒋᑦ ᓄᓇᒃᑰᔫᑦ ᐊᑐᕐᑕᐅᔪᓐᓇᓂᖏᑦ ᐊᒻᒪᓗ ᐊᑦᑕᓈᕿᑦᑌᓕᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᖃᐅᔨᒪᑎᑦᓯᑦᓯᐊᖃᑦᑕᓗᓂ;

• ᐳᓛᕆᐊᕐᓯᒪᔪᑦ ᐅᖃᐅᑎᖃᑕᓗᒋᑦ ᖃᐅᔨᒪᑎᑦᓯᐊᖃᑦᑕᓗᒋᓪᓗ ᐱᖁᔭᓂᒃ ᒪᓕᑦᑕᐅᒋᐊᓕᓐᓂᒃ ᐊᑦᑕᓈᕿᑦᑌᓕᓂᕐᒧᑦ ᑐᕌᖓᔪᓂᒃ, ᐱᕙᓪᓕᐊᓂᕐᒧᑦ ᓄᓇᐅᓪᓗ ᐊᑐᕐᑕᐅᔪᓐᓇᓂᖓᓂᒃ;

• ᑐᓴᕐᑕᐅᑎᑦᓯᖃᑦᑕᓗᓂ ᐱᖁᔭᓂᒃ ᒪᓕᓐᓂᖏᑦᑐᓂᒃ ᒪᓕᑦᑕᐅᒋᐊᓕᓐᓂᓪᓗ ᒥᕐᖑᐃᓯᕐᕕᒻᒥ ᐊᑐᕐᑕᐅᖁᔭᐅᖏᑦᑐᓂᓪᓗ ᔦᒥᔅ ᐯ ᑯᐯᓪᓗ ᑕᕐᕋᖓᓂ ᐊᖏᖃᑎᒌᓐᓂᐅᓯᒪᔪᓄᑦ ᑯᐯᒻᒥ ᐆᒪᔪᓕᕆᓂᕐᒧᑦ ᓴᐳᓐᓂᐊᓂᕐᒧᑦ ᐳᓖᓯᐅᔪᓄᑦ ᑲᒪᔨᒻᒪᕆᐅᔪᒧᓪᓗ;

• ᐸᕐᓀᓯᒪᑎᑦᓯᑦᓯᐊᖃᑦᑕᓗᓂ, ᐃᓄᒐᓴᓐᓂᒃ ᐊᒻᒪ ᐊᑐᕐᑕᐅᑎᑦᓯᑦᓯᐊᖃᑦᑕᓗᓂ ᐊᑑᑎᒋᒋᐊᓕᖏᓐᓄᑦ ᐱᓇᓲᑏᑦ ᐊᑐᕐᑕᐅᕙᑦᑐᑦ ᒥᕐᖑᐃᓯᕐᕕᒻᒥ ᐱᓇᓱᑦᑎᓄᑦ ᐳᓛᕆᐊᕐᐸᑦᑐᓄᓪᓗ ᒥᕐᖑᐃᓯᕐᕕᒻᒥ ᐊᐅᓪᓚᓯᒪᖃᑦᑕᑐᓄᑦ;

• ᐱᔭᕆᐊᖃᓗᐊᕐᑐᖃᓕᕐᐸᑦ ᐳᓛᕆᐊᕐᑐᓄᑦ ᐊᐅᓪᓚᐅᑦᔨᔨᐅᖃᑦᑕᒥᓗᓂ, ᐊᖅᑯᑎᐅᓲᓂᓪᓗ ᒪᓕᑦᑕᐅᒋᐊᓕᓐᓂᒃ ᖃᐅᔨᑎᑦᓯᖃᑦᑕᓗᓂ ᐊᐅᓪᓚᓕᑐᐊᕐᐸᑕᓗ ᓯᓚᐅᑉ ᖃᓄᐃᓕᖓᓂᖓᓂᒃ ᒪᓕᓪᓗᑎᒃ ᐊᑦᑕᓈᕿᑦᑌᓕᑎᑦᓯᓂᕐᒥᒃ ᑲᒪᒐᓱᐊᑦᓯᐊᖃᑦᑕᓗᓂ ᐱᖃᑕᐅᔪᓕᒫᓄᑦ;

• ᑲᒪᔨᐅᖃᑦᑕᓗᓂ ᐊᑐᕐᑕᐅᑎᑦᓯᖃᑦᑕᓗᓂᓗ ᕿᓂᕐᑎᓂᒃ ᐱᐅᓕᑦᓯᒐᓱᐊᕐᑎᓂᓪᓗ ᐊᐅᓚᓂᐅᓚᖓᔪᓄᑦ ᐱᔭᕆᐊᖃᓕᑐᐊᕐᐸᑕ ᓄᓇᓕᓐᓂᓗ ᐊᐅᓚᑦᓯᔨᐅᔪᓂᒃ ᑐᓴᐅᒪᑎᑦᓯᖃᑦᑕᓗᓂ ᐅᐃᒪᓇᕐᑐᖃᓕᕐᐸᑦ ᐸᕐᓀᕈᑕᐅᓯᒪᔪᑎᒍᑦ ᐱᖁᔭᐅᓯᒪᔪᓂᒃ;

• ᒥᕐᖑᐃᓯᕐᕕᒻᒥᓗ ᐱᓇᓱᑦᑎᓂᒃ ᐱᓇᓱᖃᑎᖃᑦᓯᐊᖃᑦᑕᓗᓂ ᖃᐅᔨᒪᒃᑫᑦᓯᐊᖃᑦᑕᓗᓂᓗ, ᐳᓛᕆᐊᕐᓯᒪᔪᓂᒃ ᒥᕐᖑᐃᓯᕐᕕᒻᒥᓗ ᐱᖃᖃᑕᐅᔪᓕᒫᓂᒃ ᒥᕐᖑᐃᓯᕐᕕᐅᑉ ᐊᐅᓚᑕᐅᓂᖓᓅᓕᖓᔪᓂᒃ;

• ᐊᓯᖏᓐᓂᓗ ᐊᑦᔨᐸᓱᖏᓐᓂᒃ ᐱᓇᓱᐊᖃᑦᑕᓗᓂ, ᐱᖁᔭᐅᔪᓂᒃ, ᐊᖓᔪᖅᑳᒥᓄᑦ.

ᐱᔪᓐᓇᐅᑎᖃᕆᐊᓕᒃ ᐃᒣᑦᑐᓂᒃ:

• ᐱᓪᓗᑯᒋᐊᓕᓐᓂᒃ ᐃᓕᓐᓂᐊᓯᒪᓗᓂ ᒪᑯᓄᖓ (ᓱᓪᓗᓕᕆᓂᕐᒥᒃ, ᐃᓪᓗᓕᐅᕐᓂᒥᒃ, ᐊᐅᓚᐅᓯᕆᔨᐅᓂᕐᒥᒃ, ᐊᓯᖏᓐᓄᓪᓗ.), ᑕᒪᒃᑯᓂᖓ ᐱᓇᓱᖃᑦᑕᓕᓂᐅᑉᐸᑦ ᑕᒪᓐᓇ ᐃᓱᒪᓇᓪᓚᕆᒐᔭᕐᑐᖅ;

• ᐱᖁᔭᑎᒍᑦ ᐱᓂᕐᓗᓚᐅᕐᓯᒪᖏᓪᓗᓂ ᑌᒣᑦᑑᒋᐊᖃᕋᔭᕐᑐᖅ ᑕᒡᒐᓂ ᐱᓇᓱᒐᕐᒥ ᐱᓇᓱᓚᖓᔪᖅ;

• ᖃᐅᔨᒪᑦᓯᐊᕋᓱᐊᕈᓐᓇᕐᓗᓂ ᓇᒧᖕᖓᐅᒋᐊᖃᕐᓂᕐᒥᒃ ᐃᒫᓂ ᐅᕝᕙᓗ ᓄᓇᒥ;

• ᐱᓇᓱᖃᑎᖃᑦᓯᐊᕈᓐᓇᓗᓂ ᑲᔪᓯᑦᓯᐊᑐᒥᒃ ᓱᕐᕋᒍᐊᕐᑑᖏᓪᓗᓂ;

• ᐊᓪᓚᓯᒪᔪᓂᒃ ᐊᒻᒪᓗ ᓂᑦᔮᒍᑎᓂᒃ ᐊᑐᕈᓐᓇᓗᒋᑦ ᐱᔪᓐᓇᕆᐊᓕᒃ ᐃᑭᓐᓂᐹᖓᓄᑦ ᒪᕐᕉᓄᑦ (2) ᒪᑯᐊ ᐅᖃᐅᓰᑦ ᓇᓪᓕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐊᑐᕐᕕᓴᖏᑦ ᐃᓱᓕᓯᒪᖕᖏᑐᒥᒃ ᐊᖁᒍᓐᓇᐅᑎᖃᕐᓗᑎᒃ;

ᐱᓇᓱᕝᕕᖓ: ᐅᒥᐅᔭᖅ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $45 942 ᐊᒻᒪᓗ ᐅᓄᕐᓂᐹᑦ $75 337 ᐊᕐᕌᒍᑕᒫᑦ (ᐳᕐᑐᓂᖓ 7)

ᐱᕙᓪᓗᖁᑎᑦᓭᑦ: ᐃᓅᒐᓱᐊᕐᓂᐅᑉ ᐊᑭᑐᔫᓂᖓᓄᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐹ $10 033 ᐊᕐᕌᒍᑕᒫᑦ;

ᓂᕿᓄᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐹᑦ $2 820 ᐊᕐᕌᒍᑕᒫᑦ;

ᖃᖓᑦᑕᐅᑏᑦ: ᐊᑕᐅᓯᖅ ᐃᓄᒃ ᖃᖓᑦᑕᐅᑎᑖᕈᓐᓇᑐᖅ ᐱᖓᓱᓂᑦ ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐱᓪᓗᖁᑎᑖᕐᑕᐅᑏᑦ ᐃᓚᐅᑎᓪᓗᒋᑦ ᐱᔭᕆᐊᑭᓪᓕᑎᕐᓯᒪᔪᑦ ᐃᑦᑑᓂᐅᑎᑦᓭᑦ

ᕿᑲᑫᓐᓇᕈᓐᓇᕕᖏᑦ: 20 ᐅᓪᓗᐃᑦ ᐊᕐᕌᒍᑕᒫᑦ:

ᐱᖁᔭᕐᑎᒍᑦ ᕿᑲᕐᓀᑦ: 20 ᐅᓪᓗᐃᑦ (ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᕕᐊᓱᕝᕕᐅᑉ ᐅᓪᓗᖏᑦ)

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᔪᓓ 9, 2025-ᒥ ᐅᕗᖓ:

Human Resources

Kativik Regional Government

P.O. Box 9

Kuujjuaq QC J0M 1C0

Fax: (819) 964-2975

Email: humanresources@krg.ca

ᑖᒃᑯᐊ KRG-ᑯᑦ ᓇᐅᓕᒫᓄᑦ ᐱᒍᑦᔨᔨᐅᒻᒪᑕ ᐱᓇᓱᒐᖃᕐᑎᑦᓯᔨᐅᑦᓱᑎᒃ, ᔦᒥᔅ ᐯ ᑯᐯᓪᓗ ᑕᕐᕋᖓᓂ ᐃᓄᐃᓪᓗ ᐊᖏᖃᑎᒌᓐᓂᖏᑎᒍᑦ, ᐱᓇᓱᒐᐅᑉ ᖃᓄᐃᑦᑑᒋᐊᖃᕐᓂᖓ ᐊᓯᑦᔨᑕᐅᑐᐃᓐᓇᕆᐊᓕᒃ ᐃᓄᑐᐃᓐᓇᒥᒃ ᐱᓇᓱᒐᕐᑖᕋᓱᐊᕐᑐᖃᕐᐸᑦ

ᐱᓇᓱᒐᕐᑖᕋᓱᑦᑐᑦ ᓂᕈᐊᕐᑕᐅᔪᑦ ᑖᒃᑯᑐᐊᖅ ᐊᐱᖅᓲᔭᕐᑕᐅᓚᖓᓗᑎᒃ ᖃᐅᔨᑎᑕᐅᒐᔭᕐᑐᑦ.