ᐸᕐᓀᓂᕐᒥᒃ, ᐱᓇᓱᑦᑕᐅᔪᑦᓴᓕᕆᕕᒃ, ᖃᐅᔨᓴᕐᓂᒥᓗ ᐱᓇᓱᑦᑎᒃ ᓄᓇᓕᒻᒥ ᓂᕿᖃᑦᓯᐊᕆᐊᖃᕐᓂᒧᑦ ᐱᓇᓱᑦᑕᐅᔪᒥ ᐱᓇᓱᒐᖅ 2025-069 - NRBHSS

ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᖏᑦ, ᑎᒥᖕᖑᑐᕕᓂᖅ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᑎᒍᑦ (ᐊᕕᑦᑐᓯᒪᔪᖅ 15) ᐱᖁᔭᖓᑎᒍᓗ

ᐱᑦᔪᑎᓕᒃ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᒍᑎᓂᒃ, ᓄᓇᖁᑎᓕᒫᖓᓂ 55 ᐃᑰᑕᖓᑕ ᑕᕐᕋᖓᓂ ᐱᒍᑦᔨᓱᓂ. ᑎᓕᔭᐅᒪᒍᑎᖓ

ᐋᕐᖀᒋᐊᕐᓗᑎᒃ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᒍᑎᓂᒃ ᐃᓄᖁᑎᒥᑕ ᑭᖕᖒᒪᒋᔭᖏᓐᓂᒃ ᓄᓇᖁᑎᖓᑕᓗ ᐊᑑᑎᓪᓚᕆᑦᑕᖏᓐᓂᒃ ᐊᒻᒪᓗ

ᓈᒻᒪᓈᑦᓯᐊᑐᒥᒃ ᐃᓂᓪᓚᑎᕐᓯᒪᓗᑎᒃ ᐱᒍᑦᔨᒍᑎᖏᒃ ᐊᑐᐃᓐᓇᐅᑎᑕᐅᔪᑦ ᓄᓇᕕᒻᒥ.

ᓄᓇᓕᓕᒫᓂ ᐱᒍᑦᔨᕕᒃ ᕿᓂᕐᖁᖅ ᐱᓇᓱᑦᑎᐅᓂᐊᕐᑐᒥᒃ ᒫᓐᓇᓯᐅᑎᒥᒃ:

ᐸᕐᓀᓂᕐᒥᒃ, ᐱᓇᓱᑦᑕᐅᔪᑦᓴᓕᕆᕕᒃ, ᖃᐅᔨᓴᕐᓂᒥᓗ ᐱᓇᓱᑦᑎᒃ

ᓄᓇᓕᒻᒥ ᓂᕿᖃᑦᓯᐊᕆᐊᖃᕐᓂᒧᑦ ᐱᓇᓱᑦᑕᐅᔪᒥ

ᐱᓇᓱᒐᖅ 2025-069

ᐊᐅᓚᑦᓯᓂᓕᕆᕕᒃ ᐱᒍᑦᔨᕕᓕᕆᕕᓗ:

ᓇᐅᓕᒫᓂᒃ ᐃᓗᓯᓕᕆᓂᕐᒥᒃ ᐱᒍᑦᔨᕕᖓ, # 40005 ᓯᕗᕐᖏᓂᕐᒧᑦ ᐃᓗᓯᕐᓱᓯᐊᕆᐊᖃᕐᓂᒥᓗ ᑐᑭᓯᒪᔭᐅᑎᑦᓯᕕᒃ

ᖃᓄᐃᑦᑑᓂᖓ

ᐊᖓᔪᕐᖄᖓᕐᓱᓂ ᓯᕗᕐᖐᒐᓱᓐᓂᒥᒃ ᐃᓗᓯᕐᓱᓯᐊᕆᐊᖃᕐᓂᒥᓗ ᑐᑭᓯᒪᔭᐅᑎᑦᓯᕕᐅᑉ ᐊᑕᐅᑦᓯᑯᓕᕐᑎᓯᔨᖓᓂᒃ ᐊᒻᒪᓗ

ᐃᓚᒋᔭᐅᑦᓱᓂ ᓂᕿᑦᓯᐊᓂᒃ/ᓂᕿᖃᑦᓯᐊᕆᐊᖃᕐᓂᒥᓗ ᐱᓇᓱᑦᑎᖏᓐᓄᑦ, ᐱᓇᓱᑦᑎᒃ ᐃᑲᔪᕐᓯᓂᐊᕐᑐᖅ ᐱᓇᓱᖃᑎᒥᓂᒃ

ᑲᒪᒋᔭᖃᕐᓂᑯᑦ ᓴᐳᑦᔨᓂᒃᑯᓗ ᓄᓇᓕᒻᒥ ᓂᕿᓕᕆᓂᕐᓂ ᐱᓇᓱᑦᑕᐅᔪᓂᒃ ᓄᓇᕕᓕᒫᒥ. ᑌᒣᓪᓗᓂ, ᐱᓇᓱᑦᑎᒃ

ᐱᓇᓱᐊᕐᓂᐊᑐᖅ ᓂᕿᖃᑦᓯᐊᕆᐊᖃᕐᓂᓕᕆᓂᕐᒥ ᓄᓇᕕᒻᒥ.

ᑲᒪᒋᔭᑦᓴᑎᒃ ᐃᓚᖃᕐᒥᔪᐃᑦ ᐅᑯᓂᖓ:

• ᐃᓕᓐᓂᐊᑎᑦᓯᓗᓂ ᑲᑐᑦᔨᖃᑎᖃᕐᓗᓂᓗ ᐱᕙᓪᓕᐊᑎᑕᐅᓂᖏᓐᓂᒃ ᐃᑲᔪᕐᓯᒍᑎᑦ ᓄᓇᓕᒻᒥ ᓂᕿᓄᓕᖓᔪᓂᒃ

ᐱᓇᓱᑦᑕᐅᔪᓂᒃ;

• ᓴᐳᑦᔨᓗᓂ ᓄᓇᓕᒻᒥ ᓂᕿᓕᕆᓂᕐᓄᑦ ᐱᓇᓱᑦᑕᐅᔪᓂᒃ ᑲᔪᓯᓕᕐᑎᑕᐅᓗᑎᒃ ᓄᓇᓕᒻᒥ ᐱᓯᒪᔪᐃᑦ

ᐱᓇᓱᑦᑕᐅᔪᓂᒃ ᐊᒻᒪᓗ ᐱᕙᓪᓕᐊᑎᑦᓯᓂᕐᒥᒃ ᓄᑖᓂᒃ ᓄᓇᓕᓐᓂ ᓂᕿᓕᕆᓂᕐᓄᑦ ᐱᓇᓱᑦᑕᐅᔪᓂᒃ;

• ᐱᐅᓂᕐᐹᓂᒃ ᖃᓄᐃᓗᕈᓯᕐᓂᒃ ᓱᓕᔪᕐᓇᐅᑎᓂᒃ ᑐᖕᖓᕕᓕᓐᓂᒃ ᑐᓴᐅᒪᔭᐅᑎᑦᓯᓗᓂ ᐃᓄᖁᑎᖏᓐᓄᑦ;

• ᐃᓂᕐᕋᑎᑕᐅᓂᖓᓂᒃ ᓴᐳᑦᔨᓗᓂ ᑮᓇᐅᔦᓕᕿᓂᒃᑯᑦ, ᑮᓇᐅᔭᕐᑐᕈᑎᑦᓴᓕᐅᕐᓂᑯᑦ, ᑐᓴᕐᑎᓯᒍᑎᓂᒃ ᐱᔭᕆᕐᓂᑯᑦ

ᑮᓇᐅᔭᓕᕆᓂᕐᑎᒍᓪᓗ;

• ᓂᕿᑦᓯᐊᓄᓕᖓᔪᓂᒃ ᐃᓕᓐᓂᐊᑎᑦᓯᓗᓂ ᓄᓇᓕᒻᒥ ᓂᕿᓕᕆᓂᕐᓄᑦ ᐱᓇᓱᑦᑕᐅᔪᐃᑦ ᑲᒪᔨᒻᒪᕆᖏᓐᓂᒃ

ᓄᓇᓕᓐᓄᓗ, ᐊᑦᔨᒋᖕᖏᑐᑎᒍᑦ ᑐᓴᐅᒪᑎᑦᓯᒍᑎᑎᒍᑦ (ᐃᓄᑦᑕᖓᑎᒍᑦ, Facebook-ᑎᒍᑦ ᓄᐃᑕᓗᓂ,

ᑕᑯᑦᓴᐅᑎᑦᓯᕕᑎᒍᑦ, ᓈᓚᐅᑎᑎᒍᑦ, ᐊᓯᖏᓪᓗ);

• ᑲᑐᑦᔨᖃᑎᖃᕐᓗᓂ ᓇᐅᓕᒫᓂᒃ ᐃᓗᓯᓕᕆᓂᕐᓄᑦ ᓂᕿᑦᓯᐊᑑᒪᓂᕐᒥᒃ ᐱᓇᓱᑦᑎᒧᑦ ᓄᓇᓕᓕᒫᒥ

ᑐᓴᐅᒪᑎᑦᓯᒐᓱᓐᓂᑎᒍᑦ;

• ᑫᓪᓗᑐᐃᓗᓂ ᐱᐅᓯᑐᖃᕐᑎᒍᑦ ᐃᓅᓯᖃᕐᓂᓂᒃ ᖃᓄᐃᓗᕈᓯᐅᓲᓂᓗ ᐊᑑᑎᔭᐅᑎᑦᓯᓂᕐᓂᒃ;

• ᑐᓴᐅᒪᖃᑎᒌᓪᓗᑎᒃ ᐃᓚᐅᖃᑎᐅᔪᓂᒃ ᑲᑐᑦᔨᖃᑎᖃᕐᓗᓂᓗ ᐱᓇᓱᖃᑎᑦᓴᔭᒥᓂᒃ ᐱᓇᓱᑦᑕᐅᔪᓂᒃ

ᓂᕿᖃᑦᓯᐊᕆᐊᖃᕐᓂᓄᓕᖓᔪᓂᒃ.

ᐱᒍᓐᓇᕆᐊᓕᖏᑦ

• ᐃᓕᓐᓂᐊᕕᕐᔪᐊᒥ ᐱᔭᕆᕐᓯᒪᓗᓂ ᐃᓕᓐᓂᐊᑕᐅᔪᓂᒃ ᒪᑭᑕᒐᓱᐊᕐᓂᓄᓕᖓᔪᓂᒃ ᐊᓪᓚᕕᓕᕆᓂᕐᒥᒃ, ᐱᓇᓱᑦᑎᓕᕆᓂᕐᒥᒃ ᓱᑯᐃᔦᓂᕐᒥᒃ, ᐃᓅᖃᑎᒌᑦᑐᓂᒃ ᓱᑯᐃᔦᓂᕐᒥᓗᓐᓃᑦ.

• ᐱᓇᓱᒐᕐᑖᕋᓱᑦᑐᐃᑦ ᐃᓚᐅᔪᐃᑦ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ, ᐅᐊᕈᑎᒋᑦᑎᓗᒋᑦ ᐱᓇᓱᑦᑎᐅᓯᒪᓂᖅ ᐊᑦᔨᐸᓱᖓᓂᒃ ᐃᓕᓐᓂᐊᓯᒪᓂᖏᓪᓗ ᐃᑉᐱᒋᔭᐅᓂᐊᕐᖁᑦ;

• ᐱᓇᓱᑦᑎᐅᓯᒪᓗᓂ ᓂᕿᓕᕆᓂᕐᓂᒃ, ᐃᒐᓂᕐᒥᒃ ᓂᕿᑦᓯᐊᓂᓗ ᐃᓕᓐᓂᐊᑎᑦᓯᓂᕐᒥᒃ;

• ᐱᓇᓱᑦᑎᐅᓯᒪᓗᓂ ᐃᓕᓐᓂᐊᑎᑦᓯᓂᕐᒥᒃ ᑲᑎᒪᓂᐊᕈᓯᖃᕐᑎᓯᓂᕐᒥᓗ (ᐱᐅᔫᒐᔭᕐᑐᖅ;

• ᐊᐅᓪᓚᑲᑦᑕᕈᓐᓇᓗᓂ ᓄᓇᕕᒻᒥᓕᒫᒥ;

• ᐱᒋᐊᕐᑎᓯᒍᓐᓇᓗᓂ ᐱᓇᓱᒍᓐᓇᓗᓂᓗ ᐊᐅᓪᓚᑲᑦᑕᕈᓐᓇᓗᓂᓗ ᐃᒻᒥᓂᕿᓗᓂ;

• ᐅᖄᒍᓐᓇᓯᐊᕐᓗᓂ ᐊᓪᓚᒍᓐᓇᓯᐊᕐᓗᓂ ᐅᑯᓂᖓ ᐃᓄᒃᑎᑐᑦ ᐊᒻᒪᓗ ᐊᑕᐅᓯᕐᔪᐊᒥᓗᓐᓃᑦ ᒪᕐᕉᑎᓪᓗᒋᒃ ᐅᖃᐅᓰᒃ ᐊᑐᕐᑕᐅᔪᑦ ᓄᓇᕕᒻᒥ (ᒍᐃᒍᐃᑎᑐᑦ ᖃᓪᓗᓈᑎᑐᓗᓐᓃᑦ);

• ᐃᓕᓐᓂᐊᑎᑕᐅᒍᓐᓇᓗᓂ.

ᐊᓯᒋᐊᓪᓚᖏᑦ ᑐᓴᐅᒪᔭᐅᒋᐊᓖᑦ

• ᖃᐅᔨᒪᔭᐅᒋᐊᓕᒃ ᐊᐱᕐᓱᑲᑦᑕᓂᖃᑐᐃᓐᓇᕆᐊᖃᕐᒪᑕ ᐱᓇᓱᐊᕈᓯᖓᓂ ᒫᑦᔨ 23, 2026;

• ᐊᓂᕐᕋᒦᓪᓗᓂ: ᐱᓇᓱᓪᓗᓂ ᐅᑭᐅᕐᑕᑐᒥ (ᑰᑦᔪᐊᒥ).

ᐱᓇᓱᒐᕐᑖᕋᓱᑦᑐᐃᑦ ᐃᓚᐅᔪᐃᑦ ᔦᒻᔅ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ ᓯᕗᓪᓕᐅᔭᐅᓂᐊᕐᖁᑦ.

ᐱᓇᓱᒐᐅᑉ ᖃᓄᐃᓕᖓᓂᖓ

• ᒫᓐᓇᓯᐅᑎᒃ ᐅᓪᓗᓕᒫᕐᓯᐅᑎᒃ ᐱᓇᓱᒐᖅ (35 ᑫᕙᓪᓚᒍᓰᑦ/ᐱᓇᓱᐊᕈᓯᓕᒫᒥ) ᐊᕐᕌᒍᓕᒫᒧᓕᖓᔪᖅ ᑖᕗᖓᐅᓕᒋᐊᓪᓚᕈᓐᓇᓱᓂ ;

• ᐅᓪᓗᑯᒃ ᐱᓇᓱᓪᓗᓂ ;

• ᑮᓇᐅᑦᔭᓵᖏᑦ ᒪᓕᑦᑐᑦ MSSS-ᑯᑦ ᐋᕐᕿᑕᕕᓂᖏᓐᓂᒃ ᐊᒻᒪᓗ ᐱᒍᓐᓇᐅᑎᖏᓐᓂᒃ ᐱᓇᓱᒐᕐᑖᕋᓱᑦᑑᑉ ($30.27 /ᑫᕙᓪᓚᒍᓯᓕᒫᖅ ᑎᑭᑦᓱᒍ $53.64/ᑫᕙᓪᓚᒍᓱᓕᒫᖅ).

ᐅᑭᐅᕐᑕᑐᒥᐅᖑᓂᕐᒧᑦ ᐱᕙᓪᓕᖁᑎᖏᑦ: ᐱᓇᓱᑦᑏᑦ ᓄᓇᕕᒻᒦᑐᑦ ᐱᕙᓪᓕᖁᑎᑖᕈᓐᓇᖁᑦ ᐊᑦᔨᒋᖕᖏᑐᓂᒃ ᑮᓇᐅᑦᔭᕈᑎᓂᒃ, ᐃᓚᐅᑎᓪᓗᒍ ᐱᓇᓱᑦᑎᐅᑯᑖᕐᓂᑯᑦ ᑮᓇᐅᑦᔭᕈᑏᑦ, ᐅᖓᓯᑦᑐᒥᐅᖑᓂᕐᒧᑦ ᑮᓇᐅᑦᔭᕈᑏᑦ ᐊᒻᒪᓗ ᐃᓅᒐᓱᐊᕐᓂᒧᑦ ᐊᑭᖏᓐᓂᒃ ᑮᓇᐅᑦᔭᕈᑏᑦ. ᐱᓇᓱᑦᑎᑖᕆᔭᐅᔪᑦ ᐅᖓᓯᓐᓂᓕᒻᒥᒃ 50 ᑭᓛᒥᑕᓂᒃ ᐅᖓᑖᓄᓗᓐᓃᑦ ᑰᑦᔪᐊᒧᑦ, ᐊᑭᑭᑦᑐᒥᒃ ᐃᓪᓗᖃᕐᑎᑕᐅᔪᖅ, ᐅᑎᕐᑎᑕᐅᑦᓱᑎᓗ ᐊᑭᖏᑦ ᓅᑦᑎᓂᕐᒧᑦ ᐱᖁᑎᓂᒃ ᐱᖁᑎᒃᑯᕕᑦᑎᓯᒍᑎᓂᒃ. ᐅᓇᒋᐊᓪᓚᓗ, ᐊᕐᕌᒍᑕᒫᑦ ᐊᐅᓪᓚᕈᑎᖏᑦ ᑰᑦᔪᐊᒥ ᓄᓇᓕᒻᒧᑦ ᓄᓇᓕᒋᔭᕕᓂᕐᒥᓗ ᐱᓇᓱᑦᑎᑖᕆᔭᐅᑦᓱᓂ ᐊᓯᖏᓪᓗ ᐱᕙᓪᓗᖁᑏᑦ.

ᑐᑭᓯᒋᐊᕈᒪᒍᕕᑦ ᐱᒍᑦᔨᒍᑎᑦᑎᓂᒃ ᓄᓇᖁᑎᑦᑎᓄᓕᖓᔪᓂᓗ, ᑕᑯᓂᐊᖁᔨᒍᕗᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᓂ ᐅᕙᓂ: https://nrbhss.ca/en.

ᐱᓇᓱᑦᑏᑦ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒥᓗ ᐱᒍᑦᔨᕕᖓᓂ ᐅᑭᐅᕐᑕᑐᒥ ᐱᓇᓱᑦᑎᐅᓚᐅᕐᑐᓂᒧᑦ ᐱᓇᓱᒐᕐᒥᓂᒃ

ᑮᓇᐅᑦᔭᓴᕋᑎᒃᑦ ᕿᑲᕈᓐᓇᑐᐃᓐᓇᕆᐊᖃᕐᖁᑦ.

ᓂᕈᐊᒐᒃᓴᐅᔪᑦ ᓇᒃᓯᐅᔾᔨᔪᓐᓇᖅᑐᑦ ᓇᓗᓇᐃᒃᑯᑕᕐᒥᓂᒃ ᒫᔾᔨ 4, 2026 ᐊᒻᒪ ᒫᔾᔨ 18, 2026 ᐊᑯᓐᓂᖓᓂ

ᐅᕗᖓ:

ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ

ᐱᓇᓱᑦᑎᓕᕆᕕᒃ

P.O. Box 900, Kuujjuaq, Québec J0M 1C0

drh.Recrutement-Recruitment.rr17@ssss.gouv.qc.ca

P.O. BOX 900, KUUJJUAQ (QUÉBEC) J0M 1C0

TEL: 1-844-964-2244 / 819 964-2222 FAX: 819 964-2888