ᐱᖁᑎᑖᕐᓂᒥᒃ ᓴᖑᐊᑦᓯᔨ - KRG

ᑰᑦᔪᐊᖅ ᐱᓇᓱᒐᖅ ᐊᑕᔪᒥᒃ Deadline 10/11/2025

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᒻᒪᕆᐅᑦᓱᓂ ᑎᒥᐅᔪᖅ ᐊᐅᓚᑦᓯᔨᐅᑦᓱᓂ ᑯᐯᒃ ᓄᓇᖓᓂ 55° ᑕᕐᕋᖓᓂ, ᕿᓂᕐᑐᖅ ᐃᓄᒻᒥᒃ ᑕᑯᑦᓴᕈᐃᓯᒪᔪᒥᒃ ᓯᕗᓕᕐᓯᑎᐅᓂᕐᒥᓂᒃ ᐊᒻᒪᓗ ᑐᑭᓯᓂᐊᕐᓯᑎᐅᓂᕐᒥᓂᒃ ᒪᑐᒥᖓ ᐱᓇᓱᒐᖃᕐᓗᓂ ᐱᓇᓱᒐᔭᕐᑎᓗᒍ:

ᐱᖁᑎᑖᕐᓂᒥᒃ ᓴᖑᐊᑦᓯᔨ

ᐊᖓᔪᕐᖄᖃᕐᓱᓂ ᑐᑭᒧᐊᑦᑎᓯᔨᒧᑦ ᐃᑲᔪᕐᑎᒥᒃ, ᐱᖁᑎᑖᕐᕕᓕᕆᓂᕐᒧᑦ ᐊᒻᒪᓗ ᐊᐅᓪᓚᑐᑦᓴᓕᕆᓂᕐᒧᑦ, ᐱᖁᑎᑖᕐᓂᒥᒃ ᓴᖑᐊᑦᓯᔨ ᑲᒪᔨᐅᕗᖅ ᐱᔭᕆᐊᑭᑦᑐᓕᐅᕐᓂᒥᒃ ᐱᖁᑎᑖᕐᓂᒥᒃ ᐱᓇᓱᓐᓂᐅᑉ ᐱᐅᓯᖏᓐᓂᒃ, ᓯᕗᓕᕐᑎᐅᓱᓂ ᐱᓇᓱᖃᑎᒌᓄᑦ, ᐊᒻᒪᓗ ᐊᐅᓚᑦᓯᔨᐅᑦᓱᓂ ᐱᖁᑎᑖᕐᓂᐅᑉ ᐱᓇᓱᑦᑕᐅᒍᑎᖏᓐᓂᒃ. ᐅᖃᕐᓂᓴᕆᓗᒋᑦ ᐱᖁᑎᑖᕐᓂᒥᒃ ᓴᖑᐊᑦᓯᔨ ᐃᒣᓐᓂᐊᑐᖅ:

• ᐱᕙᓪᓕᐊᓂᖅ, ᑲᔪᓯᓕᕐᑎᓯᓂᖅ ᐊᒻᒪᓗ ᐃᑉᐱᒍᓱᑦᑎᐅᓂᖅ ᐱᖁᑎᑖᕐᓂᒥᒃ ᓯᕗᓂᖃᕈᑎᓂᒃ ᐅᒥᐊᕐᔪᐊᑯᑦ ᖃᖓᑦᑕᔫᒃᑯᓗ ᐊᐅᓪᓚᑐᑦᓴᓕᕆᓂᕐᒧᑦ, ᓱᕐᖁᐃᓗᓂ ᐊᑭᖓᓄᑦ ᓈᒻᒪᓂᖓᓂᒃ ᐊᒻᒪᓗ ᐅᐸᓗᑦᑕᕋᓂ ᐱᑖᕐᓂᒥᒃ ᐱᖁᑎᓂᒃ ᐊᒻᒪᓗ ᐱᒍᑦᔭᐅᒍᑎᓂᒃ ᐱᓇᓱᖃᑎᖃᕐᓗᓂ ᑕᒪᒃᑯᓂᖓ ᓄᐃᑕᑦᓯᔨᓂᒃ;

• ᓯᕗᓕᕐᓂᖅ ᐱᖁᑎᑖᕐᓂᐅᑉ ᐱᓇᓱᑦᑕᐅᒍᑎᖏᓐᓂᒃ, ᓱᕐᖁᐃᓗᓂ ᒪᓂᖏᓐᓇᖓᓂᒃ ᑎᒥᐅᑉ ᓯᕗᓂᖃᕈᑎᖏᓐᓂᒃ ᑐᕌᕐᑕᖏᓐᓂᒃ;

• ᐱᓇᓱᖃᑎᖃᑦᓯᐊᓂᖅ ᑎᒥᐅᑉ ᐃᓗᐊᓂ ᐱᓇᓱᕝᕕᓂᒃ ᕿᒥᕐᕈᖃᑎᒋᓗᒋᑦ ᐱᖁᑎᑖᕐᓂᑯᑦ ᐱᒋᐊᓕᖏᓐᓂᒃ, ᐸᕐᓇᓗᑎᓪᓗᒋᓪᓗ ᓂᐅᕕᐊᖑᓂᖏᑕ ᐅᓪᓗᓴᖏᓐᓂᒃ, ᐊᒻᒪᓗ ᐱᕕᓕᒫᕐᑎᓯᓂᖅ ᐱᖁᑎᑖᕐᑑᒪᓂᐅᑉ ᐱᐊᓚᓂᖓᓂᒃ;

• ᐃᑉᐱᒍᓱᑦᑎᐅᓂᖅ ᐊᐅᓚᑦᓯᓗᓂᓗ ᐱᖁᑎᑖᕐᓂᒥᒃ ᐱᓇᓱᑦᑎᓂᒃ, ᓱᕐᖁᐃᓗᓂ ᓱᕙᓪᓕᓇᕐᓱᑎᒃ ᐃᑲᔪᕐᑎᒌᓐᓂᖓᓂᒃ, ᐱᓇᓱᓐᓂᖓᓂᒃ, ᐊᒻᒪᓗ ᐱᓇᓱᑦᑎᐅᓂᕐᒥᒍᑦ ᐱᕙᓪᓕᐊᓂᖓᓂᒃ;

• ᐊᐅᓚᑦᓯᓂᖅ ᓂᐅᕕᐊᑦᓴᓂᒃ ᑎᑭᓭᒍᑎᓂᒃ, ᑐᑦᓯᕋᐅᑎᓂᓪᓗ ᐊᑭᑦᓴᓂᒃ ᑫᒥᑦᓯᐅᑎᓂᒃ (RFP-ᓂᒃ), ᐊᑭᑭᓐᓂᓯᐅᕈᑎᓂᒃ (ᓇᐅᓕᒫᓂᒃ ᐊᒻᒪᓗ ᐃᓚᐅᖁᔨᒍᑎᑎᒍᑦ) ᐊᒻᒪᓗ ᐱᓇᓱᑦᑎᓯᒍᑎᓂᒃ ᒪᓕᒍᑎᒋᓗᒋᑦ KRG-ᑯᑦ ᒪᓕᒑᐱᖏᓐᓂᒃ ᐊᒻᒪᓗ ᐱᐅᓯᑦᓯᐊᖑᓂᕐᐹᓂᒃ;

• ᐱᓇᓱᖃᑕᐅᓂᖅ ᐊᒻᒪᓗ ᐃᑲᔪᕐᓯᓂᖅ ᐱᖁᑎᑖᕐᕖᑦ ᐊᖏᕐᑎᓚᖓᓗᒋᑦ ᐊᑭᖓᑎᒍᑦ ᐊᑭᔭᐅᖕᖏᓂᕐᒥᒃ, ᐃᓱᐊᕐᑐᓂᒃ ᐱᓇᓱᑦᑎᓯᒍᑎᐅᑉ ᐃᓂᓪᓚᕈᑎᖏᓐᓂᒃ, ᐊᒻᒪᓗ ᐳᕿᐊᓇᖕᖏᑐᓂᒃ ᐱᒍᑦᔨᓂᕐᒧᑦ ᐊᖏᖃᑎᖃᕈᑎᓂᒃ ᐱᕙᓪᓕᐊᑎᑦᓯᒥᓗᓂ ᓂᑲᓇᖕᖏᑐᓂᒃ ᐱᓇᓱᖃᑎᖃᓲᖑᓂᕐᓂᒃ ᐱᖁᑎᑖᕐᕕᓂᒃ ᐊᒻᒪᓗ ᑲᔪᓯᓕᕐᑎᓯᖃᑦᑕᓂᖅ ᐱᖁᑎᑖᕐᕕᐅᑉ ᐱᐅᓯᒋᐊᕐᓂᒥᒃ ᐱᒋᐊᕈᑎᖏᓐᓂᒃ;

• ᐃᑉᐱᒍᓱᓐᓂᖅ ᐊᒻᒪᓗ ᒪᓕᑦᑐᓂᖅ ᐱᖁᑎᑖᕐᓂᒥᒃ ᐱᓇᓱᐊᕐᑐᓂᒃ, ᓱᕐᖁᐃᓗᓂ ᐅᐸᓗᑦᑕᕋᑎᒃ ᑎᑭᑦᑕᑐᓂᒃ ᐊᒻᒪᓗ ᐃᓱᐊᕐᓈᕆᐊᕐᓗᓂ ᑲᒪᖃᑦᑕᓗᓂ ᑭᖑᕙᑐᐃᓐᓇᕆᐊᓕᓐᓂᒃ ᐅᕝᕙᓘᓐᓃᑦ ᐱᑖᕐᑑᒪᕖᑦ ᑑᒃᑲᕇᑦ ᑭᐱᑦᑕᓂᐅᔭᕐᓂᖓᓂᒃ ᐱᓇᓱᖃᑎᖃᕐᓗᓂ ᐊᐅᓪᓚᕈᑎᓕᐅᕐᑎᓂᒃ ᐊᒻᒪᓗ ᐅᓯᔨᓂᒃ ᐃᑯᓪᓚᑎᑦᓯᒍᑎᒋᓗᒍ ᐅᓯᒍᑏᑦ ᐊᑭᖏᓐᓂᒃ ᐊᒻᒪᓗ ᐋᕐᕿᓱᐃᖃᑦᑕᓗᓂ ᑎᑭᑎᑕᐅᓂᖓᑕ ᐃᓱᐃᓪᓕᖓᐅᑎᖏᓐᓂᒃ;

• ᑲᔪᓯᑎᑦᓯᖃᑦᑕᓂᖅ ᓂᐅᕐᕈᓯᕐᕕᓂᒃ ᖃᐅᔨᓴᐅᑎᓂᒃ ᓇᓗᓀᕐᓯᓚᖓᓗᓂ ᐊᑭᑭᑦᑐᓕᒐᕐᕕᓴᓂᒃ, ᓄᑖᓂᒃ ᐱᖁᑎᑖᕐᕕᓴᓂᒃ, ᐊᒻᒪᓗ ᐊᓯᐊᓂᒃ ᐱᕕᑦᓴᓯᐅᕐᓂᑯᑦ ᓯᕗᓂᓕᐅᕐᓯᒪᐅᑎᑦᓴᓂᒃ;

• ᓱᕐᖁᐃᓂᖅ ᒪᓕᑦᓯᐊᓂᕐᒥᒃ ᐱᖁᑎᑖᕐᓂᒧᑦ ᐱᖁᔭᓂᒃ, ᑎᒥᐅᑉ ᒪᓕᒑᐱᖏᓐᓂᒃ, ᐊᒻᒪᓗ ᐱᐅᔪᓂᒃ ᐱᖁᑎᑖᕐᓂᒥᒃ ᐱᓇᓱᒍᓯᕐᓂᒃ;

• ᓄᐃᑖᑎᕆᓂᖅ ᓱᓇᒥᑦᓯᔪᓂᒃ ᐱᖁᑎᑖᑎᒍᑦ ᑐᓴᕐᑎᓯᒍᑎᓂᒃ ᐊᒻᒪᓗ ᓄᐃᑦᓯᖃᑦᑕᓂᖅ ᖃᐅᔨᒪᐅᑎᓄᑦ-ᐊᔭᐅᕐᑕᐅᔪᓂᒃ ᑐᑭᓯᒪᒍᑎᓂᒃ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓄᑦ, ᐱᖁᑎᑖᕐᕕᓂᒃ ᐊᒻᒪᓗ ᐊᐅᓚᑐᑦᓴᓕᕆᓂᕐᒥᒃ ᑲᒪᒍᑎᓄᑦ ᖃᐅᔨᒪᑦᓯᐊᓗᓂ ᑐᑭᑖᖃᑦᑕᓂᐊᕐᒪᑦ;

• ᓇᓗᓀᕐᓯᓂᖅ ᐊᒻᒪᓗ ᑫᓪᓗᐊᓂᖅ ᐱᓇᓱᒍᓯᕐᓄᑦ ᐱᐅᓯᒋᐊᕈᑎᑦᓴᓂᒃ ᐱᕙᓪᓕᑎᑦᓯᓚᖓᓗᓂ ᐱᖁᑎᑖᕐᓂᐅᑉ ᐱᐊᓚᓂᖓᓂᒃ ᐊᒻᒪᓗ ᐱᖁᑎᑖᕐᕕᑎᒍᑦ ᓴᖑᕕᑦᓴᖃᕐᓂᒥᒃ;

• ᐱᓇᓱᓐᓂᖅ ᐊᑐᕐᖂᑕᕐᑐᒥᒃ ᐃᓱᐊᖁᑕᐅᓗᓂ ᐱᖁᑎᑖᕐᓂᒧᑦ ᐃᓕᖓᔪᓂᒃ ᒪᓕᒐᕐᓂᒃ ᐱᕙᓪᓕᐊᓂᕐᒧᑦ ᐊᒻᒪᓗ ᐱᓇᓱᒍᓯᕐᓂᒃ ᐱᐅᓯᒋᐊᕆᓂᕐᒧᑦ.

ᓂᐳᕐᑎᒋᐊᓕᖏᑦ

• ᐃᒻᒥᕿᒍᓐᓇᐅᑎᒥᒃ ᐃᓕᑦᓯᒪᐅᑎᖃᕐᓗᓂ ᓴᓇᒻᒪᓕᕆᓂᕐᒥᒃ, ᐱᖁᑎᑖᕐᑑᒪᕕᓐᓂᒃ ᑑᒃᑲᕇᓕᕆᓂᕐᒥᒃ, ᐱᖁᑎᑖᕐᓂᒥᒃ, ᑎᒥᒥᒃ ᐊᐅᓚᑦᓯᔨᐅᓂᕐᒥᒃ, ᐅᕝᕙᓘᓐᓃᑦ ᐊᑦᑐᐊᒥᔪᒥᒃ ᐱᓇᓱᒐᕐᒥᒃ (ᐅᕝᕙᓘᓐᓃᑦ ᐊᑭᑦᓯᑎᓪᓗᒍ ᐱᓇᓱᓕᓂᐅᓂᖓ);

• ᐱᓇᓱᒐᕐᒥᒃ ᐱᔪᓐᓇᐅᑏᑦ ᐆᑦᑑᑎᒋᓗᒍ ᐱᖁᑎᑖᕐᑑᒪᕕᓐᓂᒃ ᑑᒃᑲᕇᓂᒃ ᐊᐅᓚᑦᓯᔨᐅᓂᕐᒥᒃ ᐱᓇᓱᑦᑎᐅᓂᒃᑯᑦ ᓇᓗᓀᕐᑕᐅᒍᑎ (CSCMP) ᐱᓯᒪᔪᖅ ᐱᑖᕐᑑᒪᕕᓐᓂᒃ ᑑᒃᑲᕇᓕᕆᔨᓂᒃ ᑳᓇᑕᒥ, ᐱᖁᑎᑖᕐᑑᒪᕕᓐᓂᒃ ᑑᒃᑲᕇᓂᒃ ᐊᐅᓚᑦᓯᔨᐅᓂᕐᒥᒃ ᐱᓇᓱᑦᑎᒪᕆᐅᒍᑎ (SCMP), ᐅᕝᕙᓘᓐᓃᑦ ᓇᐃᑐᐃᓐᓀᑦ APICS ᐃᓕᑕᕐᓯᒪᐅᑎᖏᑦ ᐃᓱᐊᖁᑕᐅᒍᓐᓇᓱᑎᒃ;

• ᐃᑭᓐᓂᐹᖓᓄᑦ 5-ᓂᒃ ᐊᕐᕌᒍᓂᒃ ᐱᓇᓱᓂᓕᐅᓂᖅ ᐱᖁᑎᑖᕐᓂᐅᑉ ᑐᑭᐊᒍᑦ, ᐱᖁᑎᑖᕐᑑᒪᕕᓐᓂᒃ ᑑᒃᑲᕇᓂᒃ ᐊᐅᓚᑦᓯᓂᐅᑉ ᑐᑭᐊᒍᑦ, ᐅᕝᕙᓘᓐᓃᑦ ᐱᓇᓱᑦᑎᓯᒍᑎᓂᒃ ᐊᐅᓚᑦᓯᓂᐅᑉ ᑐᑭᐊᒍᑦ, ᐃᓚᖃᕐᑎᓗᒍ ᐃᑭᓐᓂᐹᖓᓄᑦ 3-ᓂᒃ ᐊᕐᕌᒍᓂᒃ ᐊᐅᓚᑦᓯᓯᒪᓂᕐᒥᒃ ᐱᓇᓱᑦᑎᓂᒃ ᓯᕗᓕᕐᑎᐅᓗᓂᓗ ᐱᓇᓱᖃᑎᒌᓄᑦ, ᐱᐅᒋᔭᐅᓂᕐᓴᐅᑎᓪᓗᒍ ᐱᓇᓱᓕᓂᖅ ᐅᖓᓯᑦᑐᒥᐅᓂ ᐅᕝᕙᓘᓐᓃᑦ ᑕᕐᕋᒥᐅᓂ ᐊᐅᓚᒋᐊᓕᓕᕆᓂᕐᒥᒃ;

• ᓱᕐᖁᐃᓯᒪᔪᖅ ᓯᕗᓕᕐᓂᒥᒃ ᐊᑐᓕᓂᐅᓂᖅ ᐱᖁᑎᑖᕐᓂᑯᑦ, ᐱᓇᓱᑦᑎᓯᒍᑎᓂᒃ ᐊᖏᕈᑕᐅᑎᑦᓯᓂᒃᑯᑦ, ᐱᖁᑎᑖᕐᕕᓂᒃ ᑲᒪᓂᒃᑯᑦ, ᐊᑭᓂᒃ ᐃᑯᓪᓚᑎᑦᓯᓂᒃᑯᑦ, ᐊᒻᒪᓗ ᐱᓇᓱᖃᑎᒌᓂᒃ ᐱᕙᓪᓕᐊᑎᑦᓯᓂᒃᑯᑦ, ᐱᔪᓐᓇᓱᓂ ᑲᑦᓱᙰᓕᑎᑦᓯᓂᕐᒥᒃ, ᐃᑲᔪᕐᑎᒌᑦᑎᓯᓂᕐᒥᒃ, ᐊᒻᒪᓗ ᐊᔭᐅᕐᓂᒥᒃ ᐱᓇᓱᑦᓯᐊᓂᕐᒥᒃ ᐱᓇᓱᑦᑏᑦ ᐃᒻᒧᐊᓂ;

• ᐱᓇᓱᓕᓂᓪᓚᕆᐅᓂᖅ ᐅᒥᐊᕐᔪᐊᑰᕐᑐᓴᓂᒃ ᐊᐅᓚᑦᓯᓂᕐᒥᒃ, ᖃᖓᑦᑕᔫᒃᑯᑦ ᐅᓯᔨᓕᕆᓂᕐᒥᒃ, ᐊᐅᓪᓚᐅᔭᐅᔪᓂᒃ ᓴᖑᐊᑦᓯᓯᐊᕐᓂᒥᒃ, ᐊᒻᒪᓗ ᐅᖃᖃᑎᒌᖃᑦᑕᓂᕐᒥᒃ, ᐱᔪᓐᓇᓗᓂ ᓴᓇᓂᕐᒥᒃ ᓂᑲᓇᖕᖏᑐᓂᒃ ᐱᓇᓱᖃᑎᒌᑦᓯᐊᓂᕐᓂᒃ ᐱᓇᓱᕝᕕᓕᒫᓂ ᐊᒻᒪᓗ ᑎᒥᐅᑉ ᓯᓚᑖᓂ ᐱᖁᑎᑖᕐᕕᓂ;

• ᐱᔪᓐᓇᓯᐊᕐᓂᖅ ERP-ᓂᒃ ᐱᓇᓱᐊᕈᑎᓂᒃ, ᖃᕆᑕᐅᔭᕈᑎᓂᒃ Microsoft Office Suite, ᐊᒻᒪᓗ ᖃᐅᔨᒪᒍᑎᓂᒃ ᑐᑭᓯᓂᐊᕐᓂᒥᒃ/ᑐᓴᕐᑎᓯᓂᕐᒥᒃ, ᑲᒪᒍᓐᓇᓗᓂ ᐱᐅᓯᒋᐊᕆᓂᕐᒥᒃ ᐱᖁᑎᑖᕐᓂᒥᒃ ᐊᒻᒪᓗ ᐱᖁᑎᑖᕐᑑᒪᕕᓐᓂᒃ ᐱᓇᓱᒍᑎᓂᒃ;

• ᐱᓇᓱᓕᓂᐅᓂᖅ ᐃᓗᕐᖁᓯᖃᑎᒌᖕᖏᑐᑦ ᐃᒻᒧᐊᓂ, ᓄᓇᖃᕐᖄᓯᒪᔪᑦ ᓄᓇᓕᖏᓐᓂᐅᖁᓇᕐᑎᓗᒍ, ᐃᓱᒪᒋᔭᐅᔪᖅ ᐃᓱᐊᖁᑕᐅᒋᐊᖓ;

• ᐋᕐᕿᒋᐊᒃᑲᑐᖕᖏᓂᖅ ᐊᐅᓚᑦᓯᓂᒃᑯᑦ ᐊᑦᔨᑕᕐᑐᓂᒃ ᑯᒻᒪᓲᑎᓂᒃ ᐊᒻᒪᓗ ᐱᔭᕇᕐᓯᒪᕕᒋᒋᐊᓕᓐᓂᒃ ᑲᒪᒋᔭᐅᒋᐊᑐᓪᓗᐊᕋᓂ ᐊᖓᔪᕐᖄᒧᑦ;

• ᐊᓪᓚᓯᒪᔪᑎᒍᑦ ᐅᖄᓂᒃᑯᓗ ᐱᒃᑲᑐᖕᖏᓂᖅ ᐃᑭᓐᓂᐹᖓᓄᑦ ᒪᕐᕉᓂᒃ (2) ᐅᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐊᑐᐃᓐᓇᐅᓂᖅ ᐊᐅᓪᓚᕆᐊᖃᕐᑎᑕᐅᒍᓂ (ᐃᓚᖓᓂᒃ)


ᐱᓇᓱᕝᕕᐅᑉ ᓇᔪᕐᑕᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ: $100 327/ᐊᕐᕌᒍᒥ – ᐅᓄᕐᓂᐹᖓᓄᑦ: $137 954/ᐊᕐᕌᒍᒥ

ᐱᕙᓪᓕᖁᑏᑦ: ᐃᓅᓂᐅᑉ ᐊᑭᑐᓂᖓᑕ ᑲᓱᖕᖏᒍᑎᖓ: ᐃᑭᓐᓂᐹᖓᓄᑦ $8,500 ᐊᕐᕌᒍᑕᒫᑦ

ᓂᕿᓂᒃ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $4,216 ᐊᕐᕌᒍᑕᒫᑦ

ᐊᕐᕌᒍᑕᒫᑦ ᕿᑲᓯᔪᑦ ᐊᐅᓪᓚᕈᑎᖏᑦ: ᐅᓄᕐᓂᐹᖓᓄᑦ 3 ᐊᑐᓂ ᐃᓄᒻᒧᑦ ᐊᕐᕌᒍᑕᒫᑦ

ᐊᑕᖏᕐᑐᑦ ᐱᕙᓪᓕᖁᑎᖏᑦ ᐃᓚᖃᕐᓱᑎᒃ RRSP-ᓂᒃ

ᐃᓱᒣᓐᓇᕿᕖᑦ: 30 ᐅᓪᓗᐃᑦ ᐊᕐᕌᒍᑕᒫᑦ

ᐱᖁᔭᑎᒍᑦ ᕿᑲᕐᕖᑦ: 19 ᐅᓪᓗᐃᑦ ᖃᓗᓯᔪᑦ 10-ᓂᒃ ᕿᑎᖕᖑᒥ.


ᐱᓇᓱᒍᒪᐅᑎᑎᑦ ᖃᓪᓗᓈᑎᑑᕐᑎᓗᒋᑦ ᑎᑭᑎᓗᒋᑦ ᐅᕗᖓ:

Human Resources

Kativik Regional Government

P.O. Box 9

Kuujjuaq QC J0M 1C0 Fax: 819-964-2975

Email: humanresources@krg.ca


KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

ᐱᓇᓱᒍᒪᔪᑦ ᐊᐱᕐᓱᕈᒪᓗᒋᑦ ᓂᕈᐊᕐᑕᐅᔪᑦ ᑭᓯᐊᓂ ᖃᓄᐃᓕᕕᐅᓚᖓᔪᑦ.

Suggested Jobs

See All Jobs