ᐱᓇᓱᐊᕋᑦᓴᓂ ᐊᐅᓚᑦᓯᔨ ᐃᓪᓗᓕᕆᓂᕐᒥᒃ – ᓄᓇᕕᒻᒥ ᒥᕐᖑᐃᓯᕐᕖᑦ - KRG

ᐱᓇᓱᐊᕋᑦᓴᖅ ᐊᑐᐃᓐᓇᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (ᑮᐋᔩ), ᐊᒥᓱᐃᓂᒃ ᑭᒡᒐᑐᕈᑎᖃᕐᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂᓗ ᑯᐯᑉ ᓄᓇᖓᓂ ᑕᕐᕋᒦᑦᑐᒥ 55 ᓇᑉᐸᖓᑕ ᖁᓛᓂ, ᕿᓂᓕᕐᒥᔪᖅ ᐃᓄᒻᒥᒃ ᐱᕈᒪᓂᖃᑦᓯᐊᑐᒥᒃ ᐊᒻᒪᓗ ᐅᒃᑯᐃᖔᑦᓯᐊᑐᒥᒃ ᑫᐋᔩᒃᑯᓂ ᐱᒍᑦᔨᕈᒪᓂᖃᑦᓯᐊᓱᓂ ᐃᒣᑦᑐᒥᒃ ᐱᓇᓱᐊᓚᖓᔪᒥᒃ:

ᐱᓇᓱᐊᕋᑦᓴᓂ ᐊᐅᓚᑦᓯᔨ ᐃᓪᓗᓕᕆᓂᕐᒥᒃ – ᓄᓇᕕᒻᒥ ᒥᕐᖑᐃᓯᕐᕖᑦ

(ᐊᑌᓐᓇᑐᖅ - ᐅᓪᓗᑕᒫᕐᓯᐅᑎ)

ᓄᓇᕕᒻᒥ ᒥᕐᖑᐃᓯᕐᕕᑯᑦ ᐃᓂᖓᓂ, ᓄᑕᐅᓯᓕᕐᑎᕆᕈᓐᓇᑐᓕᕆᓂᕐᒧᑦ, ᐊᕙᑎᓕᕆᓂᕐᒧᑦ, ᓄᓇᓕᕆᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᑎᓕᔭᐅᒪᒍᑎᓕᒃ ᐊᐅᓚᑦᓯᓂᐊᕐᓱᓂ ᒥᕐᖑᐃᓯᕐᕕᓕᕆᓂᕐᒥᒃ ᓄᓇᕕᒻᒥ, ᐃᓚᐅᑎᓪᓗᒋᑦ ᐊᐅᓚᑦᓯᓃᑦ ᐊᒻᒪᓗ ᐃᓪᓗᓕᕆᓃᑦ.

ᑐᓴᐅᒪᑎᑦᓯᖃᑦᑕᓗᓂ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓂ ᒥᕐᖑᐃᓯᕐᕖᑦ ᐊᐅᓚᑕᐅᕕᖓᓐᓄᑦ ᓄᑕᐅᓯᓕᕐᑎᕆᕈᓐᓇᑐᓕᕆᓂᕐᒧᑦ, ᐊᕙᑎᓕᕆᓂᕐᒧᑦ, ᓄᓇᓕᕆᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓗ ᐱᓇᓱᕝᕕᖓᓂ ᐊᒻᒪᓗ ᐱᓇᓱᐊᖃᑎᖃᖃᑦᑕᓗᓂ ᓯᑯᒥᓯᒪᔪᓐᓂᐊᓂᕐᒥᒃ ᐱᓪᓗᑯᒋᐊᓕᓕᕆᔨᖓᓂᒃ, ᒥᕐᖑᐃᓯᕐᕖᑦ ᐊᐅᓚᑕᐅᕕᖏᑦᑕ ᐊᑕᐅᑦᓯᑰᕐᑎᓯᔨᖓᓂᒃ ᐊᒻᒪᓗ ᓄᓇᓕᒻᒥ ᐃᓄᓕᒫᓄᐊᖓᔪᓂᒃ ᐱᒍᑦᔨᕕᖓᓂᒃ, ᐱᓇᓱᐊᕋᑦᓴᓂ ᐊᐅᓚᑦᓯᔨ ᐃᓪᓗᓕᕆᓂᕐᒥᒃ ᑲᔪᓯᑦᓯᐊᕋᓗᐊᕐᒪᖔᑕ, ᐊᐅᓚᑦᓯᐊᒪᖔᑕ ᐊᒻᒪᓗ ᖃᐅᔨᓴᖃᑦᑕᕆᐊᖃᕐᓱᓂ ᐃᓪᓗᓂᒃ ᐊᒻᒪᓗ ᐊᕐᖁᑏᑦ ᓯᓚᑖᓂ ᐃᓂᕐᕋᐅᑎᕐᓚᓂᑦ ᐃᒪᕐᐱᓯᐅᑎᓂᒃ ᓄᓇᕕᒻᒥ ᒥᕐᖑᐃᓯᕐᕕᑯᓐᓅᓕᖓᔪᓂᒃ. ᐊᓯᖏᓐᓂᓗ ᐱᔭᑦᓴᖃᖃᑦᑕᓗᓂ ᑲᒪᒋᔭᖃᖃᑦᑕᓗᓂᓗ ᒪᑯᐊ ᐃᓚᐅᑎᓪᓗᒋᑦ:

• ᐸᕐᓇᓯᒪᐅᑎᓕᐅᕐᓗᓂ ᒥᕐᖑᐃᓯᕐᕕᒃᑯᑦ ᐱᖁᑎᒻᒪᕆᖏᑦ ᐊᐅᓚᑦᓯᐊᓂᖏᓐᓄᑦ, ᐃᓚᐅᑎᓪᓗᒋᑦ ᓴᐳᒻᒥᓗᒋᑦ ᓯᖁᒥᓯᒪᔪᓐᓂᐊᓃᑦ ᐱᓇᓱᐊᕋᑦᓭᑦ;

• ᐱᓇᓱᐊᖃᑎᒋᓗᒍ ᓯᖁᒥᓯᒪᔪᓐᓂᐊᓂᕐᒥᒃ ᐱᓪᓗᑯᒋᐊᓕᓕᕆᔨ ᐊᒻᒪᓗ ᓄᓇᓕᒻᒥ ᒥᕐᖑᐃᓯᕐᕖᑦ ᐊᐅᓚᑕᐅᕕᖏᑦᑕ ᐊᑕᐅᑦᓯᑰᕐᑎᓯᔨᖓᓂᒃ, ᑲᔪᓯᒃᑫᒐᓱᐊᖃᑎᒌᓪᓗᑎᒃ ᓴᐳᒻᒥᓂᕐᒥᒃ ᓯᖁᒥᓯᒪᔪᓐᓂᐊᓂᕐᓅᓕᖓᔪᓂᒃ ᐱᓇᓱᐊᕋᑦᓴᓂᑦ;

• ᐸᕐᓇᓗᒋᑦ ᑲᒪᒋᓗᒋᓪᓗ ᒥᕐᖑᐃᓯᕐᕕᑯᑦ ᐃᓪᓗᓕᐅᕐᓂᕆᔭᖏᑦ ᒥᕐᖑᐃᓯᕐᕕᑯᑦ ᐸᕐᓇᓯᒪᐅᑎᖏᓐᓅᓕᖓᔪᐃᑦ ᐊᒻᒪᓗ ᒥᕐᖑᐃᓯᕐᕕᑯᑦ ᐱᕙᓪᓕᐊᑕᐅᓂᖏᑦ ᐸᕐᓇᑕᐅᒪᔪᑦ (ᐊᐅᓚᑦᓯᓂᓕᕆᓂᖅ, ᒪᓕᑦᓯᐊᖃᑦᑕᓗᓂ ᐊᓂᒍᕐᕕᐅᒋᐊᓕᓐᓂᒃ, ᑮᓇᐅᔦᑦ ᑐᕌᒐᖏᑦ, ᒪᓕᑦᑕᐅᒋᐊᓖᑦ, ᐱᓇᓱᐊᕋᑦᓭᑦ ᑲᒪᒋᔭᐅᓂᖏᑦ ᐱᔪᓐᓇᐅᑎᓕᓐᓄᑦ, ᑐᑦᓯᕋᐅᑎᓕᐅᕐᓂᒧᑦ ᐊᑐᐃᓐᓇᕈᕐᑎᓂᖅ, ᓴᓇᔭᐅᓂᖓ ᐊᒻᒪᓗ ᐱᓪᓗᑯᒋᐊᓕᑎᒍᑦ ᖃᐅᔨᓴᖃᑦᑕᓗᓂ);

• ᐃᑲᔪᕐᑐᖃᑦᑕᓗᓂ MPW ᐊᑕᐅᑦᓯᑰᕐᑎᓯᓂᒃᑯᑦ ᒥᕐᖑᐃᓯᕐᕕᑯᓐᓂ ᑲᔪᓯᒃᑫᓂᕐᒧᑦ ᐃᓪᓗᓕᐅᕐᓃᑦ ᐱᓇᓱᐊᕋᑦᓴᖏᓐᓂ MPW ᐱᔭᑦᓴᕆᔭᖏᑦᑕ ᐊᑖᒍᑦ;

• ᐱᓇᓱᐊᖃᑎᖃᖃᑦᑕᓗᓂ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓂᒃ ᐊᒻᒪᓗ ᒥᕐᖑᐃᓯᕐᕕᓂ ᑐᑭᒧᐊᕐᑎᓯᔨᓂᒃ, ᖃᐅᔨᓴᖃᑦᑕᓗᓂ ᐊᒻᒪᓗ ᑲᒪᒋᓗᒋᑦ ᑮᓇᐅᔦᑦ ᑐᕌᒐᖏᑦᑕ ᑐᓴᕐᑎᓯᒍᑎᖏᑦ ᐊᒻᒪᓗ ᖃᓄᐃᓕᖓᓂᕆᒋᐊᓕᖏᑦ ᐊᒻᒪᓗ ᒥᕐᖑᐃᓯᕐᕕᑯᑦ ᐃᓪᓗᓕᐅᕐᓂᖏᓐᓄᑦ ᑮᓇᐅᔦᑦ ᑐᕌᒐᖏᓐᓂ ᐱᕕᖃᕐᑎᓯᖃᑦᑕᓗᓂ;

• ᐊᑐᐃᓐᓇᕈᕐᑎᕆᖃᑦᑕᓗᓂ ᐸᕐᓇᓯᒪᐅᑎᓂᒃ ᐊᒻᒪᓗ ᐊᓯᖏᓐᓄᑦ ᐱᔪᓐᓇᐅᑎᓕᓐᓄᑦ ᓯᓚᑖᓂ ᐱᓯᒪᔪᓂ;

• ᐊᑐᐃᓐᓇᕈᕐᑎᕆᖃᑦᑕᓗᓂ ᑐᑦᓯᕋᐅᑎᓕᐅᕐᓂᒧᑦ ᐊᓪᓚᖁᑎᓕᐅᕐᓂᑯᑦ;

• ᓂᐅᕕᕈᑎᑦᓴᓂᒃ ᐊᑐᐃᓐᓇᕈᕐᑎᕆᖃᑦᑕᓗᓂ ᐃᓪᓗᓕᐅᕐᓂᒧᑦ ᐱᐅᒃᑯᑎᑦᓴᓂᑦ;

• ᒪᓕᑦᓯᐊᖃᑦᑕᓗᓂ ᐊᐅᓚᑦᓯᓂᓕᕆᕕᑎᒍᑦ ᐱᐅᓯᐅᒋᐊᓕᓐᓂᒃ ᒥᕐᖑᐃᓯᕐᕕᑯᑦ ᐃᓪᓗᓕᐅᕐᓂᓅᓕᖓᔪᓂᑦ: ᐃᓪᓗᓕᐅᕐᓂᒧᑦ ᐊᖏᕈᑏᑦ, ᐱᒍᑦᔭᐅᓂᕐᒧᑦ ᐊᖏᕐᓯᒪᐅᑏᑦ, ᐱᓇᓱᑦᑐᓴᕐᓯᐅᓃᑦ ᐊᒻᒪᓗ ᒪᓕᒐᓕᐊᑦᓴᓂᑦ ᓄᐃᑦᓯᓂᒃᑯᑦ.

• ᐊᑐᐃᓐᓇᕈᕐᑏᖃᑦᑕᓗᓂ ᐊᕐᕌᒍᑕᒫᕐᓯᐅᑎᓂᒃ ᐃᓪᓗᓕᐅᕐᓂᒧᑦ ᑐᓴᕐᑎᓯᒍᑎᓂᒃ, ᐃᓚᐅᑎᓪᓗᒋᑦ ᐊᕐᕌᒍᑕᒫᕐᓯᐅᑏᑦ ᑮᓇᐅᔦᑦ ᑐᕌᒐᖏᑦᑕ ᑐᓴᕐᑎᓯᒍᑎᖏᑦ;

• ᐊᓯᖏᓐᓂᒃ ᐱᓇᓱᐊᖃᑦᑕᒥᓗᓂ ᑐᑦᓯᕋᐅᑎᐅᔪᓂᑦ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

• ᐃᓕᓐᓂᐊᕕᕐᔪᐊᒥ ᐃᓕᓐᓂᐊᓯᒪᔫᓗᓂ ᐱᔭᕇᕐᓯᒪᓗᓂᓗ ᐃᓪᓗᓂᒃ ᐱᐅᓭᓂᕐᒧᑦ ᐅᕝᕙᓘᓐᓃᑦ ᐃᓪᓗᓂᒃ ᐱᐅᓯᑦᓴᓕᐅᕐᓂᒧᑦ. ᐱᓪᓗᑯᒋᐊᓕᓕᕆᓂᕐᒥᒃ ᑕᒪᒃᑯᓂᖓ ᐱᓇᓱᐊᕐᓯᒪᔫᓗᓂ ᐊᒻᒪᓗ ᐊᑦᔨᐸᓱᖏᓐᓂᒃ ᐱᓇᓱᐊᕐᓯᒪᓗᓂ ᐱᐅᔫᒐᔭᕐᒥᔪᖅ;

• ᐱᓇᓱᐊᕋᑦᓴᒥᒃ ᐊᐅᓚᑦᓯᓚᐅᕐᓯᒪᒍᓂ ᐱᒻᒪᕆᐅᔪᖅ. ᐃᓕᑕᕆᔭᐅᒍᑏᑦ ᐱᔪᓐᓇᐅᑎᖃᕐᓂᒧᑦ ᐱᓇᓱᐊᕋᑦᓴᓂᒃ ᐊᐅᓚᑦᓯᓂᕐᒧᑦ ᐱᐅᔫᒐᔭᕐᑐᖅ;

• ᐱᖓᓱᓂᑦ (3) ᐊᕐᕌᒍᓂᒃ ᐱᓇᓱᐊᕐᓯᒪᔫᓗᓂ ᐊᑦᔨᐸᓱᖓᓂᒃ ᐱᓇᓱᐊᕋᑦᓴᓂᒃ ᐊᑕᐅᑦᓯᑰᕐᓯᔨᐅᓂᕐᒥᒃ/ᐊᐅᓚᑦᓯᔨᐅᓂᕐᒥᒃ ᐊᒻᒪᓗ ᐱᓪᓗᑯᒋᐊᓕᓐᓄᑦ ᐃᑲᔪᕐᑐᓂᕐᒧᑦ;

• ᐃᓱᒪᒋᔭᒥᓂᒃ ᐱᐅᓯᐅᔪᓂᒃ ᑐᑭᓯᓇᕐᑎᓯᒍᓐᓇᓯᐊᕐᓗᓂ ᐅᖃᐅᓯᕐᒥᑎᒍᑦ ᐊᒻᒪᓗ ᓈᓚᒍᓐᓇᓗᓂ ᑭᖕᖒᒪᒋᔭᐅᔪᓂᑦ;

• ᐱᓇᓱᐊᕈᑎᖃᕈᓐᓇᓯᐊᕐᓗᓂ ᑲᒪᒋᓗᒋᓪᓗ ᐊᒥᓱᐃᓕᖓᔪᓂᑦ ᐊᓪᓚᖁᑎᓂᒃ ᐊᑕᐅᑦᓯᑰᕐᑐᓂᒃ ᐋᕐᕿᓯᒪᑦᓯᐊᑑᑎᓪᓗᒋᑦ ᐃᓂᓪᓚᖓᑦᓯᐊᑑᑎᓪᓗᒋᓪᓗ;

• ᐃᓂᓪᓚᖓᕈᓐᓇᐊᕐᓗᓂ, ᑐᑭᓯᐅᕆᒍᓐᓇᓗᓂ, ᑐᑭᑖᕆᒍᓐᓇᓗᓂ ᐱᓀᓗᑦᓯᔪᓂᒃ, ᐊᒻᒪᓗ ᑐᓴᐅᒪᖃᑎᖃᕈᓐᓇᓯᐊᕐᓗᓂ (ᐅᖃᐅᓯᕐᑎᒍᑦ ᐊᒻᒪᓗ ᐊᓪᓚᓯᒪᔪᕐᑎᒍᑦ);

• ᐊᔪᕆᓴᕈᓐᓇᓯᐊᕐᓗᓂ ᐊᒻᒪᓗ ᐃᑲᔪᕐᓯᕈᓐᓇᓯᐊᕐᓗᓂ; ᐱᔪᓐᓇᓂᕐᒥᓂᒃ ᑕᑯᑦᓴᐅᑎᑦᓯᒍᓐᓇᓗᓂ ᐃᒻᒥᓂᕿᒍᓐᓇᓂᕐᒥᓂᒃ, ᐊᒻᒪᓗ ᐱᓇᓱᐊᖃᑎᒌᓐᓂᑯᑦ ᐱᔪᓐᓇᐅᑎᖃᕐᓗᓂ;

• ᐅᐃᒪᓇᕐᑐᑎᒎᕐᓗᓂ ᐱᓇᓱᐊᕈᓐᓇᓯᐊᕐᓗᓂ ᐊᒻᒪᓗ ᐃᓱᓕᕝᕕᓴᓄᑦ ᓈᒻᒪᓈᖃᑦᑕᓗᓂ;

• ᐊᓪᓚᕈᓐᓇᓗᓂ ᐅᖄᕈᓐᓇᓗᓂᓪᓗ ᒪᕐᕈᔪᐊᓂᒃ (2) ᐅᖃᐅᓰᓐᓂ: ᐃᓄᑦᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓪᓗ;

• ᖃᐅᔨᒪᒍᓐᓇᓗᓂ ᖃᕆᑕᐅᔭᕈᑎᓂᒃ Microsoft Office, ᐊᓯᖏᓐᓂᓗ ᖃᕆᑕᐅᔭᕈᑎᓂᒃ (AutoCAD, MS Project, ᐊᓯᖏᓐᓂᓗ.);

• ᓄᓇᕕᒻᒥ ᐊᕐᕕᑕᕈᓐᓇᓂᖃᕆᐊᓕᒃ;

ᐱᓇᓱᒐᐅᑉ ᓇᓃᓐᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐳᒃᑭᓂᕐᐹᖓ: $63 716 ᐊᕐᕌᒍᑕᒫᑦ – ᐅᓄᕐᓂᐹᖓ: $109 329 ᐊᕐᕌᒍᑕᒫᑦ

ᐱᕚᓪᓕᕈᑎᑦᓭᑦ: ᐃᓅᒐᓱᐊᕐᓂᐅᑉ ᐊᑭᖓ: ᐳᒃᑭᓂᕐᐹᖓ $8 500 ᐊᕐᕌᒍᑕᒫᑦ.

ᓂᕿᓯᒍᑏᑦ: ᐳᒃᑭᓂᕐᐹᖓ $4 216 ᐊᕐᕌᒍᑕᒫᑦ.

ᐊᓂᕐᕋᑫᓐᓇᒍᑏᑦ: ᐳᕐᑐᓂᕐᐹᖓ 3 ᐃᓄᒻᒧᑦ ᐊᑕᐅᓯᕐᒧᑦ ᐊᕐᕌᒍᑕᒫᑦ;

ᐃᑦᑑᒍᑎᑖᕐᑕᕈᑎᑦᓭᑦ: 6.25% ᐱᓇᓱᕝᕕ, 4% ᐱᓇᓱᑦᑎ ᐱᓇᓱᑦᑏᑦ ᐃᒻᒪᖃᐅᑎᑦᓴᖏᑦ

ᓄᕐᖃᖓᑫᓐᓇᕈᓐᓇᓃᑦ: 20 ᐅᓪᓗᐃᑦ

ᕿᑲᕐᓀᑦ ᐅᓪᓗᖏᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᐊᕕᓱᕝᕕᓯᐅᓇᕐᐅᓂᖓᓂᒃ

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᐆᒃᑑᐱᕆ 14, 2025-ᒥ ᐅᕗᖓ:

ᐱᓇᓱᑦᑐᓕᕆᕕᒃ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ

P.O. Box 9

ᑰᑦᔪᐊᖅ, ᑯᐯᒃ JOM 1CO

ᓱᑲᑦᑐᑰᕈᑎᖓ: (819) 964-2975

ᖃᕆᑕᐅᔭᒃᑯᑦ ᐊᓪᓚᑖᕐᕕᖓ: humanresources@krg.ca

ᑮᐋᔩ ᓈᒻᒪᖁᐊᕇᑦᑎᓯᔨᐅᕗᖅ ᐱᓇᓱᒐᑦᓴᖃᕐᑎᓯᔨᐅᑦᓱᓂ. ᑕᒪᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑏᑦ, ᐱᔪᓐᓇᓃᑦ

ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᐃᓄᐃᑦ ᐱᓇᓱᒐᕐᑖᑎᑕᐅᖔᕋᓱᐊᕐᑎᓗᒋᑦ.

ᐱᓕᒐᓱᐊᕐᑐᐃᑦ ᓇᓪᓕᑳᕐᑌᑦ ᑭᓯᐊᓂ ᐊᐱᕐᓲᔭᕐᑕᐅᒍᒪᓗᑎᒃ ᐅᖄᓚᕕᐅᓛᕐᑐᑦ.