ᐃᓄᓕᒫᓂᒃ ᐃᓇᑦᓯᒍᑎᓂᒃ ᐱᓇᓱᐊᕐᓂᒥᒃ ᑲᒪᔨᒻᒪᕆᒃ - KRG

ᐱᓇᓱᒐᖅ ᐱᔭᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᓐᓄᑦ ᖁᓪᓕᐸᐅᑦᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᓄᓇᒥ 55° ᓴᓂᒧᑦ ᑕᕐᕋᖓᓂ ᑯᐯᒃ ᐃᓗᐊᓂ ᐊᒻᒪᓗ, ᐱᓗᐊᕐᓱᒍ, ᓄᐃᑕᑦᓯᔨᐅᕗᖅ ᐱᓪᓗᑯᓕᕆᔪᑎᒍᑦ ᐃᑲᔪᕐᓯᒪᓂᕐᒥᒃ 14-ᓄᑦ ᑕᕐᕋᒥ ᓄᓇᓕᓐᓄᑦ ᓄᓇᕕᒻᒥ.

KRG-ᑯᑦ ᑲᕙᒫᐱᓐᓂ ᐃᓄᓕᒫᓂᒃ ᓴᓇᒍᑦᔨᒍᑎᓂᒃ ᐱᓇᓱᕝᕕᖓ (MPW) ᑲᒪᔨᐅᕗᖅ ᐊᐅᓚᑦᓯᓂᕐᒥᒃ ᓇᑉᐸᑎᕐᓯᒪᔪᑦ ᐱᓇᓱᑦᑕᐅᓂᖏᓐᓂᒃ ᑭᒡᒐᑑᑎᒋᑦᓱᒍ ᑕᕐᕋᒥ ᓄᓇᓕᓐᓂᒃ, ᐊᒻᒪᓗ ᓱᒃᑯᖏᓐᓂᖏᓐᓂ ᐊᒻᒪᓗ ᓱᒃᑯᓯᒪᔪᑦ ᐋᕐᕿᓚᖓᓗᒋᑦ ᓴᓇᒪᑦᓯᓂᕐᒥᒃ 200 ᐅᖓᑖᓄᑦ KRG-ᑯᑦ ᐊᓂᕐᕋᖁᑎᖏᓐᓂᒃ ᐊᒻᒪᓗ ᐃᓪᓗᔪᐊᖁᑎᖏᓐᓂᒃ ᓄᓇᖁᑎᒥ ᓇᓂᑐᐃᓐᓇᖅ (ᐱᓇᓱᑦᑏᑦ ᐃᓪᓗᖏᑦ, ᒥᕝᕕᓂ ᐃᓪᓗᔪᐊᑦ ᐊᒻᒪᓗ ᐳᓖᓰᑦ ᐸᕐᓇᓀᕐᓯᕕᖏᑦ). ᓄᐃᑕᑦᓯᔨᐅᒻᒥᔪᖅ ᐱᓪᓗᑯᓕᕆᔪᑎᒍᑦ ᐃᑲᔪᕐᓯᒪᓂᕐᒥᒃ ᑕᕐᕋᒥ ᓄᓇᓕᓐᓄᑦ ᐱᑦᔪᑎᖃᕐᑎᓗᒍ ᓴᓇᒪᑦᓯᓂᕐᒥᒃ ᑲᕙᒫᐱᓐᓂ ᓇᑉᐸᑕᐅᓯᒪᔪᑦ ᐃᓚᖏᓐᓂᒃ (ᐃᒥᕐᑕᕖᑦ, ᓄᓇᓕᓐᓂ ᐱᖕᖑᐊᕖᑦ, ᓯᐊᕐᕆᔭᕐᕖᑦ, ᐳᐃᑦᔪᕋᕐᕖᑦ, ᐊᓯᖏᓪᓗ) ᐊᒻᒪᓗ ᐱᐊᕋᕐᓂᒃ ᐯᕆᑦᓯᕕᓐᓄᑦ ᓇᓂᑐᐃᓇᖅ ᓄᓇᖁᑎᐅᑉ ᐃᓗᐊᓂ.

KRG ᐅᓪᓗᒥ ᕿᓂᕐᑐᖅ ᐃᒻᒥᓂᒃ-ᑲᑦᓱᙰᑦᑐᒥᒃ ᐊᒻᒪᓗ ᕿᑦᑌᖓᑦᓯᐊᑐᒥᒃ ᐃᓄᒻᒥᒃ ᐃᓐᓄᐃᔪᑦᓴᒥᒃ ᐆᒥᖓ ᐱᓇᓱᒐᕐᒥᒃ:

ᐃᓄᓕᒫᓂᒃ ᐃᓇᑦᓯᒍᑎᓂᒃ ᐱᓇᓱᐊᕐᓂᒥᒃ ᑲᒪᔨᒻᒪᕆᒃ

(ᐊᑌᓐᓇᑐᖅ, ᐃᓗᐃᑦᑐᖅ)

ᑐᓴᕐᑎᓯᖃᑦᑕᓗᓂ TAP-ᓂᒃ ᓴᖑᐊᑦᓯᔨᒥᒃ ᑲᕙᒫᐱᓐᓂ ᐃᓄᓕᒫᓂᒃ ᓴᓇᒍᑦᔨᒍᑎᓂᒃ ᐱᓇᓱᕝᕕᒥ, ᐃᓄᓕᒫᓂᒃ ᐃᓇᑦᓯᓂᕐᒥᒃ ᐱᓇᓱᐊᕈᑎᓂᒃ ᑲᒪᔨᒻᒪᕆᒃ ᑲᒪᔨᐅᕗᖅ ᐱᕙᓪᓕᐊᓂᕐᒥᒃ ᐊᒻᒪᓗ ᐊᑐᓕᕐᑎᓯᓂᕐᒥᒃ ᓄᓇᓕᓐᓄᑦ ᖃᓄᐃᓘᕈᑏᑦ ᐱᓇᓱᑦᑕᐅᒍᑎᖏᓐᓂᒃ ᐃᓘᓐᓇᖏᓐᓂ 14-ᓂ ᓄᓇᓕᓐᓂ ᓄᓇᕕᒻᒥ. ᑕᒪᓐᓇ ᐱᓇᓱᒐᖅ ᑲᒪᓗᐊᖕᖑᐊᑐᖅ ᓂᑲᓀᓪᓕᑎᕆᓂᕐᒥᒃ ᓄᓇᓕᐅᑉ ᓄᑭᖃᕐᑎᑕᐅᓂᖓᓂᒃ, ᓴᓇᔭᐅᔪᓂᒃ ᐱᖃᓇᓱᒋᓂᐅᑉ ᐱᕙᓪᓕᐊᓂᖓᓂᒃ, ᐊᒻᒪᓗ ᓴᓇᓂᕐᒥᒃ ᓴᑐᕈᓐᓇᓂᕐᒥᒃ. ᐱᓇᓱᐊᕈᑎᓂᒃ ᑲᒪᔨᒻᒪᕆᒃ ᐃᑲᔪᕐᑐᓚᖓᔪᖅ ᑐᑭᓯᓐᓇᓯᐊᕐᓗᓂ ᖃᓄᐃᓘᕈᑎᓂᕐᒥᒃ ᐱᓂᐊᕈᑎᐅᑉ ᐱᓇᓱᑦᑎᖏᑕ, ᓄᓇᓕᒻᒥᐅᑦ ᐊᒻᒪᓗ ᐊᓯᖏᑦᑕ ᐊᑦᑐᐊᖃᑕᐅᔪᑦ ᐊᑯᓐᓂᖓᓂ, ᑲᔪᖏᕐᓭᓗᓂᓗ ᐱᓂᐊᕐᓂᑯᑦ ᐃᓚᐅᖃᑕᐅᓂᕐᒥᒃ, ᐊᒻᒪᓗ ᓴᐳᑦᔨᒪᓗᓂ ᓄᓇᓕᐅᑉ ᐱᕙᓪᓕᐊᓂᖓᓂᒃ ᐊᒻᒪᓗ ᐃᓄᓐᓄᑦ ᐃᓚᐅᑎᑕᐅᓂᕐᒥᒃ ᐊᔪᐃᓐᓇᕈᑎᓂᒃ.

ᐱᔭᑦᓴᖏᑦ ᐊᒻᒪᓗ ᑲᒪᒋᒋᐊᓕᖏᑦ:

• ᐃᓕᑦᑎᓂᖅ ᐊᒻᒪᓗ ᓯᕗᓕᕐᓂᖅ ᐃᓄᓕᒫᓂᒃ ᐃᓇᑦᓯᓂᕐᒥᒃ ᐱᓇᓱᐊᕈᑎᓂᒃ ᑐᑭᒧᐊᑦᑎᓯᑎᓪᓗᒋᑦ, ᓄᒃᑭᑎᑦᓯᓱᑎᓪᓗ ᐊᒻᒪᓗ ᑲᔪᖏᕐᓭᑎᓪᓗᒋᑦ ᓄᓇᓕᐅᑉ ᐱᖃᓇᓱᒋᓂᖓᓂᒃ ᐱᓪᓗᑯᒋᐊᓕᑎᒍᑦ ᐃᑲᔪᕐᓂᒥᒃ ᐱᓂᐊᕈᑎᐅᑉ ᐊᐅᓚᑕᖏᓐᓂᒃ.

• ᐱᓇᓱᖃᑕᐅᓂᖅ ᓄᓇᓕᐅᑉ ᓯᕗᓕᕐᑎᖏᓐᓄᑦ ᐊᒻᒪᓗ ᐱᓇᓱᑦᑎᐅᖃᑎᓄᑦ ᐱᕙᓪᓕᐊᓗᓂ ᐃᓗᕐᕐᑯᓯᕐᒧᑦ ᓈᒻᒪᓈᕐᑐᓂᒃ ᐊᒻᒪᓗ ᐃᑉᐱᒍᓱᑦᓯᐊᑐᓂᒃ ᓄᓇᓕᒻᒥᒃ ᐃᓇᑦᓯᓂᕐᒥᒃ ᐊᒻᒪᓗ ᐃᓄᓕᒫᓂᒃ ᑲᒪᓂᕐᒥᒃ ᓯᕗᓂᖃᕈᑎᓂᒃ ᑐᑭᓕᐊᕐᓯᑎᓪᓗᒋᑦ ᐱᓂᐊᕈᑎᐅᑉ ᑐᕌᕐᑕᖏᓐᓂᒃ ᐊᒻᒪᓗ ᑯᒻᒪᓲᑎᖏᓐᓂᒃ.

• ᐸᕐᓇᓂᖅ, ᓴᖑᐊᑦᓯᓂᖅ ᐊᒻᒪᓗ ᑲᔪᓯᑎᑦᓯᓂᖅ ᓄᓇᓕᒻᒥ ᑲᑎᒪᓂᕐᓂᒃ, ᐃᓕᓐᓂᐊᕈᑎᐊᐱᓐᓂᒃ ᐊᒻᒪᓗ ᓇᓪᓕᐅᓂᖃᕈᑎᓂᒃ ᖁᕝᕙᕆᐊᕐᑎᓯᓚᖓᓗᓂ ᐃᓄᐃᑦ ᐃᑉᐱᒋᔭᖃᕐᓂᖓᓂᒃ ᓄᐊᑦᓯᓗᓂᓗ ᓄᓇᓕᐅᑉ ᐅᖃᐅᓯᑦᓴᖏᓐᓂᒃ.

• ᐱᕙᓪᓕᐊᓂᖅ ᑐᑭᓯᔫᒥᓇᕐᑐᓂᒃ ᐊᒻᒪᓗ ᐊᑐᕈᒥᓇᕐᑐᓂᒃ ᐃᓗᓕᕐᓂᒃ ᐊᒻᒪᓗ ᑐᓴᐅᒪᑎᑦᓯᒍᑎᒐᓚᓐᓂᒃ ᑐᕌᕐᑐᓂᒃ ᐊᑦᔨᒌᖕᖏᑐᓄᑦ ᑐᓴᕐᑎᓯᒍᑏᑦ ᐊᕐᖁᑎᖏᓐᓄᑦ, ᐃᓚᐅᑎᓪᓗᒋᑦ ᐃᓄᐃᑦ ᑐᓴᐅᒪᒍᑎᖏᑦ, ᑐᓴᕋᑦᓴᓂᒃ ᐊᓪᓚᑖᕐᑎᓯᒍᑏᑦ ᐊᒻᒪᓗ KRG-ᑯᑦ ᖃᕆᑕᐅᔭᓄᑦ ᐱᑐᕝᕕᖓ.

• ᓴᓇᓂᖅ ᐊᒻᒪᓗ ᒪᑭᑕᑦᓯᓂᖅ ᐳᕿᐊᒋᐅᑎᒐᓂ ᑲᒪᒋᐅᑎᓂᕐᓂᒃ ᐃᓚᖃᕐᓗᓂ ᐱᓇᓱᑦᑕᐅᔪᒧᑦ ᐊᑦᑐᐊᓂᐹᓂᒃ ᓱᓕ ᑐᓴᕐᓴᐅᑎᑦᓯᓯᐊᕐᒥᓗᓂ ᓄᓇᓕᒻᒥᐅᑦ ᓂᐱᖏᓐᓂᒃ ᐊᒻᒪᓗ ᖃᐅᔨᓕᓂᖏᓐᓂᒃ ᐱᕙᓪᓕᐊᑎᑦᓯᒍᑎᒋᓗᒍ ᐱᔪᕆᓂᕐᒥᒃ ᐊᒻᒪᓗ ᐃᓚᐅᖃᑕᐅᓂᕐᒥᒃ.

• ᓄᐃᑕᑦᓯᓂᖅ ᑕᓯᐅᕐᓂᒥᒃ, ᐊᔪᕿᓐᓂᒋᐊᕐᓂᒥᒃ ᐊᒻᒪᓗ ᐃᓕᓐᓂᐊᑎᑦᓯᓂᕐᒥᒃ ᐊᑦᑐᐊᑎᓪᓗᒍ ᓱᕙᓪᓕᓇᕐᓗᓂ ᐅᖃᖃᑎᒌᓐᓂᒧᑦ, ᓄᒃᑭᑎᑦᓯᓂᕐᒧᑦ ᐊᒻᒪᓗ ᐱᖁᑎᒥᒃ ᐱᖃᕐᓂᒧᑦ.

• ᒪᓕᑦᑐᓂᖅ ᐊᒻᒪᓗ ᑲᖕᖑᓇᕿᓂᖅ ᓱᕙᓪᓕᓇᕐᓂᖓᓂᒃ ᐃᓇᑦᓯᓂᕐᒥᒃ ᐊᔪᐃᓐᓇᕈᑕᐅᔪᑦ, ᓱᕐᖁᐃᓗᓂ ᐱᐅᓯᕙᓪᓕᐊᖏᓐᓇᓕᒫᕐᓂᖏᓐᓂᒃ.

• ᐊᑐᕐᓂᖅ ᓯᕗᓪᓕᐹᒥᒃ ᑐᑦᑕᕕᑎᑐᑦ ᐱᓂᐊᕈᑎᒥᒃ ᑲᒪᔪᑦ ᖃᓄᐃᓘᕈᑎᖏᓐᓄᑦ ᐊᒻᒪᓗ ᐊᐅᓚᑦᓯᓂᖅ ᐃᑉᐱᒋᑦᓯᐊᕆᐊᓕᓐᓂᒃ ᐃᓄᓕᒫᑦ ᑲᒪᒋᔭᐅᒍᑎᖏᓐᓂᒃ ᑌᒣᒋᐊᖃᕐᓂᖅ ᒪᓕᓪᓗᒍ.

• ᐱᓇᓱᖃᑦᑕᓂᖅ ᓇᐅᑐᐃᓐᓇᓂᒃ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᓂᒃ ᐊᖓᔪᕐᖄᒥᓄᑦ ᑎᓕᔭᐅᒍᑎᒥᓂᒃ.

ᐱᔪᓐᓇᕈᑎᖏᑦ ᐊᒻᒪᓗ ᓂᐳᕐᑎᒋᐊᓖᑦ:

• ᐱᑕᖃᕆᐊᓕᒃ ᐃᒻᒥᓂᕐᓱᒋᐅᕐᓂᐅᑉ ᐃᓕᑦᓯᒪᐅᑎᖓᓂᒃ ᐊᑦᑐᐊᔪᒥᒃ ᐃᓄᓕᒫᓕᕆᓂᕐᒧᑦ, ᑐᓴᐅᒪᒍᑎᓕᕆᓂᕐᒧᑦ, ᓂᐅᕐᕈᓯᕐᓂᒧᑦ ᐅᕝᕙᓘᓐᓃᑦ ᐊᑦᑐᐊᒥᔪᒧᑦ ᐱᓇᓱᒐᕐᒧᑦ. ᐃᓕᑦᓯᒪᔪᒻᒪᕆᐅᑉ ᐃᓕᑦᓯᒪᐅᑎᖓ ᐅᕝᕙᓗᓘᓐᓃᑦ ᓱᓕᒋᐊᓪᓚᒃ ᐃᓕᓐᓂᐊᓯᒪᓂᖅ ᐱᐅᔪᖅ

• ᐃᑭᓐᓂᐹᖓᓄᑦ ᑕᓪᓕᒪᓂᒃ ᐊᕐᕌᒍᓂᒃ ᐱᓇᓱᓕᓂᐅᓂᖅ ᐃᓄᓕᒫᓂᒃ ᐃᓇᑦᓯᓂᕐᒥᒃ, ᓄᓇᓕᓐᓂ ᐱᕙᓪᓕᐊᓂᕐᒥᒃ, ᐃᓄᓕᒫᓕᕆᓂᕐᒥᒃ, ᑐᓴᐅᒪᒍᑎᓕᕆᓂᕐᒥᒃ.

• ᐃᑭᓐᓂᐹᖓᓄᑦ ᐱᖓᓱᓂᒃ (3) ᐊᕐᕌᒍᓂᒃ ᑭᓯᐊᒐᑐᐊᕆᓗᒍ ᐱᓇᓱᑦᓯᒪᓂᖅ ᐱᓇᓱᖃᑎᖃᓪᓚᕆᑦᓱᓂ ᓄᓇᖃᕐᖄᓯᒪᔪᓄᑦ ᓄᓇᓕᓐᓂᒃ.

• ᓱᕐᖁᐃᑐᒥᒃ ᐱᔪᓐᓇᓂᖅ ᐱᓇᓱᑦᑕᐅᔪᒥᒃ ᐊᐅᓚᑦᓯᔨᐅᓂᕐᒥᒃ, ᓴᖑᐊᑦᓯᓂᕐᒥᓗ ᐊᑦᑐᐊᖃᑎᒌᓂᒃ ᐊᒻᒪᓗ ᐃᑉᐱᒍᓱᑦᑎᐅᓂᕐᒥᒃ ᓄᓇᓕᒻᒥ ᐱᒋᐊᕐᑎᑕᐅᔪᓂᒃ

• ᓂᑲᓇᕋᓂ ᐱᓇᓱᑦᑕᐅᔪᓂᒃ ᐊᐅᓚᑦᓯᒍᓐᓇᓂᖅ, ᖃᕆᑕᐅᔭᒥ ᐃᓗᓕᕐᓂᒃ ᐱᖕᖑᐃᓂᕐᒥᒃ ᐱᓇᓱᓕᓂᐅᓂᖅ, ᐊᒻᒪᓗ ᐱᒃᑭᓂᐅᓂᖅ ᖃᐅᔨᓪᓗᑯᓐᓂᒥᒃ ᐋᕐᕿᕈᑎᑦᓴᓂᒃ ᐃᓇᑦᓯᒐᓱᐊᕐᓂᐅᑉ ᐊᕝᕕᐊᓗᑕᖏᓐᓄᑦ.

• ᐊᑐᕈᓐᓇᓯᐊᕐᓂᖅ Microsoft Office-ᓂᒃ, ᐃᓄᐃᑦ ᑐᓴᐅᒪᒍᑎᖏᑕ ᓄᐃᑕᕕᖏᓐᓂᒃ ᐊᒻᒪᓗ ᐃᓕᑦᑎᕈᑎᓂᒃ ᖃᕆᑕᐅᔭᒧᑦ ᒪᑯᓂᖓ InDesign, Photoshop, Illustrator, ᐊᓯᖏᓐᓂᓗ.

• ᑐᑭᓯᓂᐊᒃᑭᓂᐅᓂᖅ, ᐱᕙᓪᓕᐊᒍᓐᓇᓗᓂ ᐊᑐᓚᐅᕐᓯᒪᖕᖏᑐᓂᒃ ᐋᕐᕿᓱᐃᒍᑎᓂᒃ ᓄᓇᓕᒻᒥᒃ ᐃᓚᐅᓕᕐᑎᓯᓂᕐᒥᒃ ᐊᑦᓱᕈᕐᓇᑎᑦᓯᔪᓄᑦ

• ᓱᕙᓪᓕᓇᕐᓗᓂ ᖃᓄᐃᓘᖃᑎᖃᕈᓐᓇᓂᖅ ᓄᓇᓕᓐᓂᒃ ᐊᑦᔨᒌᖕᖏᑐᓂᒃ ᐊᒻᒪᓗ ᓈᒻᒪᓯᓕᑎᕆᒍᓐᓇᓗᓂ ᖃᓄᐃᓘᕈᑎᓂᒃᑯᑦ ᓯᕗᓂᖃᕈᑎᓂᒃ

• ᐱᓇᓱᓕᓂᐅᓂᖅ ᐃᓕᓐᓂᐊᑎᑦᓯᓂᕐᒥᒃ ᐊᒻᒪᓗ ᐃᓱᒻᒪᓭᓂᕐᒥᒃ ᓄᓇᓕᒻᒥ ᐱᓇᓱᑦᑎᓂᒃ ᓄᓇᓕᒻᒥᐅᓂᒃ

• ᐃᒻᒥᓂᕿᓯᑎᐅᓂᖅ, ᑕᐅᑐᐊᙰᓐᓂᖅ, ᐊᒻᒪᓗ ᓱᕙᓪᓕᓇᕐᓗᓂ ᐱᓇᓱᖃᑎᒌᓄᑦ ᐃᓚᐅᓗᓂ ᐱᓇᓱᖃᑕᐅᒍᓐᓇᓂᖅ

• ᐱᔪᓐᓇᓯᐊᓂᖅ ᐃᑭᓐᓂᐹᖓᓄᑦ ᒪᕐᕉᓄᑦ (2) ᐅᑯᐊ ᐅᖃᐅᓰᑦ ᓇᓪᓕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ.

• ᐊᖏᕐᓯᒪᓂᖅ ᐊᐅᓚᖃᑦᑕᓚᖓᓗᓂ ᓄᓇᕕᐅᑉ ᐃᓗᐊᓂ.

ᐱᓇᓱᕝᕕᐅᑉ ᓄᓇᖓ: ᑰᑦᔪᐊᖅ, ᑯᐯᒃ.

ᑮᓇᐅᑦᔭᓵᑦ: ᐃᑭᓐᓂᐹᖓᓄᑦ $63,716 ᐊᒻᒪᓗ ᐅᓄᕐᓂᐹᖓᓄᑦ $109,329 ᐊᕐᕌᒍᑕᒫᑦ (ᐳᕐᑐᓂᖅ 10).

ᐱᕙᓪᓕᖁᑏᑦ*: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᓂᖓ: ᐃᑭᓐᓂᐹᖓᓄᑦ $8,500 ᐊᕐᕌᒍᑕᒫᑦ.

ᓂᕿᓄᑦ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $4,398 ᐊᕐᕌᒍᑕᒫᑦ.

ᐊᕐᕌᒍᑕᒫᑦ ᕿᑲᓯᔪᑦ ᐊᐅᓪᓚᕈᑎᖏᑦ: ᐅᓄᕐᓂᐹᖓᓄᑦ 3 ᐊᑐᓂ ᐃᓄᒻᒧᑦ ᐊᕐᕌᒍᑕᒫᑦ;

ᐊᑕᖏᕐᑐᑦ ᐱᕙᓪᓕᑯᑎᖏᑦ ᐃᓚᓖᑦ ᐱᔭᕆᐊᑭᓪᓕᑎᕐᓯᒪᔪᒥᒃ ᐃᓄᒻᒪᕆᐅᓐᓂᐅᑎᑦᓴᓂᒃ ᐸᕐᓇᕈᑎᒥᒃ;

ᐃᓱᒣᓐᓇᕿᐅᑏᑦ: 20 ᐅᓪᓗᐃᑦ ᐊᕐᕌᒍᑕᒫᑦ.

ᐱᖁᔭᑎᒍᑦ ᕿᑲᕐᓀᑦ: 20 ᐅᓪᓗᐃᑦ, ᐃᓚᓖᑦ 10-ᓂᒃ ᐅᓪᓗᓂᒃ ᕿᑎᖕᖑᒥ ᕿᑲᕐᓇᓂᖓᓂ.

ᐱᓇᓱᒍᒪᐅᑎᑎᑦ ᑎᑭᑎᓪᓗᒋᑦ ᐅᕗᖓ:

Human Resources Department

Kativik Regional Government

P.O. Box 9, Kuujjuaq QC J0M 1C0

Fax: 819-964-2975

Email: humanresources@krg.ca

ᐱᓇᓱᒍᒪᔪᑦ ᓂᕈᐊᕐᑕᐅᔪᑦ ᐊᐱᕐᓱᒍᒪᑦᓱᒋᑦ ᖃᓄᐃᓕᔭᑑᓚᖓᔪᑦ.

KRG ᐊᑦᔨᒌᒥᒃ ᐱᕕᖃᕐᑎᓯᑦᓱᓂ ᐱᓇᓱᑦᑎᓯᔨᐅᕗᖅ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑏᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒍᒪᔪᓂᒃ.