ᐱᓇᓱᐊᕐᑕᐅᒋᐊᓕᓐᓂ ᐊᐅᓚᑦᓯᔨ, ᓄᓇᓕᕆᓂᕐᒥ ᒪᑭᑕᑦᓯᐊᓚᖓᔪᒥ ᐸᕐᓀᓂ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫ ᑲᕙᒪᖓ (KRG), ᐅᖓᑖᓄᒋᐊᓪᓚ ᑐᑭᒧᐊᑦᑎᓯᓂᖑᒻᒪᑦ ᑲᑎᖕᖓᔨᒃᑯᓂ ᐱᖁᔭᕐᑎᒍ ᐱᒍᓐᓇᐅᑎᖃᕐᓱᓂ ᑕᕐᕋᒥ 55th parallel, ᐱᒍᒪᓂᖃᑦᓯᐊᑐᒥ ᑲᑦᓱᙰᑦᑐᒥ ᕿᓂᕐᑐ ᐊᑯᓂ ᐊᑕᔪᒥ ᐱᓇᓱᑦᑎᐅᒐᔭᕐᑐᒥ:

ᐱᓇᓱᐊᕐᑕᐅᒋᐊᓕᓐᓂ ᐊᐅᓚᑦᓯᔨ, ᓄᓇᓕᕆᓂᕐᒥ ᒪᑭᑕᑦᓯᐊᓚᖓᔪᒥ ᐸᕐᓀᓂ 

( ᐊᑯᓂ ᐱᓇᓱᑦᑎᐅᒐᔭᕐᑐ, ᐅᓪᓗᓕᒫᕐᑎᐅᓗᓂ)

ᐊᕙᑎᓕᕆᓂ ᓄᓇᓕᕆᓂᕐᒥᓗ ᓄᑕᐅᓯᓕᕆᔩ. ᒥᕐᖑᐃᓯᓕᕆᕖᑦ ᐱᔭᑦᓴᖃᓲᖑᒻᒪᑕ ᓄᓇᕕᒻᒥ ᓄᓇᓕᐅᔪᓂ ᐊᖏᓕᒋᐊᕐᑎᓯᓂᕐᒥ. ᐸᕐᓇᑕᐅᔪᑦ ᑐᖕᖓᕕᖃᑦᓯᐊᓗᑎ ᐊᕙᑎᐅᑉ ᐋᕐᕿᒋᐊᖃᕐᓂᖓ ᓄᓇᐅᑉ ᐃᑭᐊᖓᓃᑦᑐ ᓯᑰᑉ ᐊᐅᑉᐸᓕᐊᓂᖓ ᐃᑉᐱᒋᓗᐊᖕᖑᐊᓱᒍ, ᓄᓇᐅᑉ ᒪᓃᑦᑐᓂᖓ, ᐊᐱᖃᑦᑕᓂᖓ, ᑯᕕᒐᕐᕖᑦ, ᐊᑐᐃᓐᓇᐅᒋᐊᖃᕐᓂᖏᓪᓗ ᐱᐅᒃᑯᑏᑦ ᐊᐅᓚᔫᕐᑕᖃᒋᐊᖃᕐᓂᖏᓐᓂ, ᓄᓇᓕ ᐃᖏᕐᕋᓯᐊᒍᓐᓇᖁᓗᒍ ᐱᕙᓪᓕᐊᓗᓂ.

ᑐᓴᐅᒪᑎᑦᓯᓯᐊᕐᓗᓂ ᓄᓇᓕᕆᓂᕐᒥ ᑐᑭᒧᐊᑦᑎᓯᔨ, ᓂᕈᐊᕐᑕᐅᓯᒪᔪᒐᓭ ᐱᓇᓱᐊᖃᑎᖃᑦᓯᐊᖃᑦᑕᓗᑎ ᑲᑎᕕᒃᑯᓂ, ᓄᓇᓕᖏᓐᓂ ᑕᕐᕋᒥᐅ, ᐱᓪᓗᑯᒋᐊᓕᓐᓂ ᑭᓪᓕᓯᓂᐊᕐᕖᑦ, ᑎᒥᐊᔪᓗ ᐃᓕᓐᓂᐊᕕᕐᔪᐊᖁᑎᑕᐅᔪ, ᐊᓯᖏᓪᓗ ᐱᒍᑦᔨᖃᑕᐅᔪ ᐱᔭᑦᓴᖃᕐᑐᐃᓇᐅᒐᔭᕐᑐ ᐱᕙᓪᓕᐊᓗᑎ ᓄᓇᓕᐅᔪᓂ. ᑕᒪᒃᑯᐊ ᐱᕙᓪᓕᐊᓂᐅᒐᔭᕐᑐ ᓄᓇᓖᑦ ᐃᓂᓪᓚᐸᓪᓕᐊᓂᖏᓐᓂ ᐊᖏᓕᑉᐸᓕᐊᓂᕐᒥᓂ, ᐊᑯᓃᓚᖓᔪᓂ ᐊᕐᖁᓯᐅᕐᓃᑦ ᐃᓪᓗᓴᓄᒐᓴ ᑐᖕᖓᕕᓕᐅᕐᓂ, ᐊᕙᑎᐅᑉ ᐊᓯᑦᔨᐸᓪᓕᐊᓂᖓᓄ ᐱᓇᓱᐊᕐᑕᐅᔪ, ᐊᕙᑎᖓ ᖃᓄᐃᓕᖓᓂᖓᓄ ᓄᐃᑦᓯᖃᑦᑕᓃᑦ, ᐊᕙᑎᑦᑕᓗ ᐊᓯᑦᔨᐸᓪᓕᐊᓂᖓᓄ ᓱᖏᐅᑎᖃᑕᐅᓗᑎ ᐃᓂᓪᓚᑕᐅᒍᓯᖏ. ᐱᔭᑦᓴᓗᐊᖕᖑᐊᖏ ᒪᑯᖓ:

• ᑐᑭᒧᐊᑦᑎᓯᔨᐅᓗᓂ ᐱᓇᓱᑦᑎᑖᕆᔭᐅᔪᓂ ᖃᐅᔨᓴᕐᑐᓂ, ᐅᔭᕋᐃᑦ ᑭᑭᐊᑦᓴᔭᖏᓐᓂ ᖃᐅᔨᓴᕐᑏᑦ, ᐃᒪᐅᑉ ᐊᓄᕆᐅᓗ ᓲᖑᓂᖏᓐᓂ ᖃᐅᔨᓴᕐᑏᑦ, ᓄᓇᒥ ᓇᐅᑦᓯᑐᐅᔩᑦ ᑭᑎᑦᔪᑎᓕᐅᕐᓱᑎ ᐃᓗᓐᓈᒍ, ᐊᕙᑎᒥ ᕿᒥᕐᕈᓂ, ᐊᕐᖁᓯᐅᕐᓃᑦ ᐃᑳᕐᕕᓕᐅᕐᓃᑦ, ᐊᑯᓂᓂᑕᓂᓗ ᖃᐅᔨᓴᕐᑏᑦ ᑐᓴᕐᑎᓯᒍᑎᖏᑦ, ᐊᓯᓕᒫᖏᓪᓗ.

• ᐱᓇᓱᐊᖃᑎᖃᕐᓗᓂ ᓄᓇᓕᓐᓂ ᑕᕐᕋᒦᑦᑐᓂ, ᑲᑎᕕᒃᑯᓗ ᐸᕐᓇᑎᖏᓐᓂ, ᐱᓇᓱᑦᑎᒋᔭᐅᔪᓗ, ᖃᐅᔨᓴᕐᑏᓗ ᐊᓯᒐᓴᖏᑦ ᑲᑎᕕᒃᑯᓂ ᐱᓇᓱᐊᕐᕕᐅᔪᓂ ᓄᐃᑦᓯᖃᑎᒌᒍᓐᓇᓗᑎ ᖃᓄᕐᑐᒍᑕᐅᒐᔭᕐᑐᓂ ᓄᓇᑐᕐᓕᒨᓕᖓᔪᓂ;

• ᐃᑎᔪᒋᐊᓪᓚᒥ ᐱᓇᓱᐊᕐᓗᑎ ᑐᑭᓯᓇᓕᕐᑎᓯᓗᑎ ᓇᓪᓕᐊᒍ ᐊᖏᓕᒋᐊᕆᒐᔭᕐᒪᖔᒻᒥ ᓄᓇᓕᐅᔪᓂ ᐊᑐᓂ;

• ᐱᓇᓱᐊᕐᑕᐅᔪᓂ ᓄᑕᐅᓯᓕᕆᖃᑦᑕᓂ ᓄᓇᓕᕆᓂᕐᒨᓕᖓᔪᓂ, ᐱᑦᓯᐊᒍᓐᓇᕕᓕᒫᖓᔪ ᖃᓄᕐᑐᕈᓐᓇᓗᓂ ᓯᓚᑦᑐᒋᐊᕈᑕᐅᓗᑎ;

• ᑕᑕᕐᓱᒥᒪᔪᓂ ᐱᓪᓗᑯᑦᓯᒪᔪᓂ ᐊᑐᐃᓐᓇᕈᕐᑏᔨᐅᓗᓂ ᒋᐊᖃᓕᑐᐊᕐᐸᑕ ;

• ᐱᐅᒃᑯᑎᒋᔭᐅᒋᐊᓖ ᓈᒻᒪᓈᕐᒪᖔᑕ, ᐊᐅᓚᑕᐅᓂᖏ ᐃᖏᕐᕋᐅᑎᒃᑯ, ᐊᓯᑦᔨᒋᐊᕐᑕᐅᐸᑕ ᐱᓇᓱᐊᕐᑕᐅᔪ ᐃᑉᐱᒋᔭᖃᕐᓗᓂ, ᓇᐅᑦᓯᑐᕐᓃᑦ, ᐊᐅᓚᑦᓯᔨᓄᓗ ᐊᑕᓐᓂᐅᕕᐅᒋᐊᓕᓐᓂ ᑐᓴᐅᒪᑎᑦᓯᓭᓐᓇᓗᓂ;

• ᐱᓇᓱᐊᕐᑕᐅᔪ ᑐᖕᖓᕕᖃᑦᓯᐊᒐᓗᐊᕐᒪᖔᑕ ᐱᖁᔭᓂ. ᒪᓕᒐᕐᓂ, ᖃᓄᐃᓕᖓᒋᐊᖃᕐᓂᖏᓐᓂ ᖃᖐᓐᓈᑕᐅᑎᑦᓯᑌᓕᓗᓂ;

• ᐊᓪᓚᖃᑦᑕᓗᓂ ᐱᓇᓱᐊᕐᑕᐅᓯᐊᕐᑐᓂ ᐋᕐᕿᒋᐊᕈᑕᐅᒋᐊᓕᓐᓂᓗ ᐱᓇᓱᑦᑎᒋᔭᐅᔪᑦ ᑐᓴᐅᒪᖃᑦᑕᐅᑎᖃᑎᒋᑦᓯᐊᓗᒋ;

• ᑲᑎᖕᖓᔨᒃᑯ ᒪᓕᒐᓕᕐᐅᑕᐅᓂᖏᓐᓂ ᐸᕐᓀᑎᐅᓗᓂ ᐃᓚᐅᖃᑦᑕᓗ ᑐᓴᐅᒪᑎᑦᓯᔨᐅᓗᓂᓄ;

• ᐊᐅᓚᑦᓯᔨᐅᓗᓂ ᐊᓪᓚᕕᑎᒍ ᐱᓪᓗᑯᒋᐊᓕᓐᓂ ᐃᒡᓗᓕᓂᕐᓂ;

• ᐱᔭᑦᓴᐅᒋᐊᓕᓐᓂ ᑐᑭᒧᐊᑦᑎᓯᔨᐅᓗᓂ ᓄᓇᓖᑦ ᐱᕙᓪᓕᐊᓂᖏᓐᓄᓕᖓᔪᓂ.

ᒪᑯᓂᖓ ᐱᒍᓐᓇᐅᑎᖃᒋᐊᓕᒃ:

• ᐃᓕᓐᓂᐊᕕᕐᔪᐊᒥ ᐃᓕᓴᕐᓯᒪᓗᓂ ᓄᓇᓕᓕᕆᓂᕐᒥ ᓄᓇᑐᕐᓕᒐᓴᓐᓂ (ᒪᓐᓇᓯᐅᑎᓂ ᓄᓇᓕᐅᑉ ᐃᓂᓪᓚᖓᐅᓯᕆᒋᐊᓕᖓᓂ, ᓴᓇᓂᕐᒥ ᐱᓪᓗᑯᒋᐊᓕᓐᓂ ᐊᐅᓚᔫᑎᒎᕐᑐᓂ, ᐃᒡᓗᓴᐅᔪᓂ ᐊᓪᓚᖑᐊᒍᓐᓇᓗᓂ). ᐱᓇᓱᖃᑦᑕᓯᒪᕇᑐᐊᕈᓂ ᐱᕙᓪᓖᒐᔭᕐᑐ;

• ᐱᓇᓱᒐᕐᑖᕋᓱᐊᕐᑐ ᐱᒍᓐᓇᐅᑎᓖᑦ ᓯᕗᓪᓕᐅᔭᐅᒐᔭᕐᑐ;

• ᑐᑭᒧᐊᕐᑎᓯᔨᐅᓂᕐᒥ ᐱᒍᓐᓇᐅᑎᖃᒋᐊᓕᒃ;

• ᑲᑎᖕᖓᔩᑦ ᐊᓪᓚᕕᖏᑕ ᐱᓇᓱᐊᕐᓯᒪᔭᖏᓐᓂ ᐃᓚᐅᓯᒪᒍᓂ ᐊᕐᖁᓯᐅᕐᓂᐅᒐᔭᕐᑐᓂ ᐃᑳᕐᕕᓕᐅᒍᓐᓇᑐᓂᓗ ᐊᐅᓚᑦᓯᔨᐅᓯᒪᓗᓂ;

• ᐱᖓᓱᓂ ᐊᕐᕌᒍᕐᓂ (3) ᐱᓇᓱᑦᓯᒪᑐᐊᕈᓂ (ᓄᓇᓕᐅᑉ ᐃᓂᓪᓚᖓᐅᓯᕆᒋᐊᓕᖓᓂ, ᓴᓇᒍᓐᓇᓗᓂ ᐱᓪᓗᑯᒋᐊᓕᓐᓂ, ᐃᒡᓗᔪᐊᑦᓴᓂ ᐊᓪᓚᖑᐊᒍᓐᓇᓗᓂ, ᐱᓇᓱᐊᕐᑕᐅᔪᓂ ᐊᐅᓚᑦᓯᓯᒪᓗᓂ, ᐊᓯᒋᐊᓪᓚᖏᓐᓂᓗ.);

• ᐱᓇᓱᑦᓯᒪᓗᓂ ᖃᐅᔨᒪᓂᕐᑕᖃᕐᓗᓂ ᐃ-ᓗᓕᒍᓯᕐᓂ ᑕᕐᕋᒥ;

• ᑐᑭᓯᓇᓕᕐᑎᓯᒍᓐᓇᓗᓂ ᐃᒡᓗᓕᔭᐅᒋᐊᓕᓐᓂ ᓴᓇᔭᐅᒋᐊᓕᓐᓂᓗᓐᓂ ᐱᓪᓗᑯᓯᒪᔪᓂ; ᐊᒥᓱᐃᓂ ᐊᓪᓚᕕᑦᓴᓕᕆᒍᓐᓇᓗᓂ ᐃᓂᓪᓚᖓᑦᓯᐊᑐᒥ ᑐᖓᓕᕇᑦᓯᐊᑐᒥ;

• ᑐᑭᓯᓇᓕᕐᑎᓯᒍᓐᓇᓯᐊᕐᓗᓂ ᐱᔭᕆᐊᑐᔪᓂ ᓈᓚᑦᓯᐊᒍᓐᓇᓗᓂ ᑭᖕᖒᒪᒋᔭᐅᔪᓂ;

• ᓱᖏᐅᑎᑦᓴᐅᑎᒋᕈᓐᓇᓗᓂ ;

• ᓇᒻᒥᓂ ᑐᑭᒧᐊᑦᓯᐊᓗᓂ, ᐃᓚᐅᑎᑦᓯᓗᓂ, ᐱᓇᓱᐊᑎᖃᒍᓐᓇᓗᓂ ᐊᓯᒥᓂ ;

• ᐊᓪᓚᒍᓐᓇᓗᓂ ᐅᖄᒍᓐᓇᓯᐊᕐᓗᓂᓗ ᒪᕐᕈᓂ (2) ᐅᑯᓂᖓ: ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒌᑎᑐᑦ(ᐅᖃᐅᓯᒋᐊᓪᓚᐅᑉ ᐅᐃᒍᖓ ᐅᐃᒌᑎᑑᓂᕋᕐᑕ);

• ᖃᕆᑕᐅᔭᒍᓐᓇᓯᐊᕐᓗᓂ Microsoft Office ᐊᓯᒋᐊᓪᓚᖏᓐᓂᓗ (AutoCAD, ArcGIS, etc.);

• ᖃᐅᔨᒪᓂᖃᑦᓯᐊᓗᓂ MS Project ᐊᓯᒋᐊᓪᓚᖏᓐᓂᓗ ᑐᑭᒧᐊᑦᑎᓯᒍᓯᕐᓂ ᖃᕆᑕᐅᔭᕐᑎᒍ;

• ᐊᐅᓪᓚᑲᑦᑕᒋᐊᖃᑐᐊᕈᓂ ᐊᑐᐃᓐᓇᐅᓗᓂ ᓄᓇᓕᓐᓄᑦ 14 ᓄᓇᕕᒻᒦᑐᓄ.

ᓄᓇᓕ ᐱᓇᓱᕝᕕᒋᕋᔭᕐᑕᖓ: ᑰᒃᔪᐊᖅ 

ᑮᓇᐅᑦᔭᓵᑉ ᐊᑭᓕᕐᑐᑕᐅᓂᖓᑕ ᐱᒋᐊᕐᕕᖓ: $60,074 ᐊᕐᕌᒍᓕᒫ— ᑎᑭᐅᑎᒍᓐᓇᑐ ᐅᓄᕐᓂᐹᖓ: $102,839 ᐊᕐᕌᒍᓕᒫᒥ (E9) 

ᐊᓯᒋᐊᓪᓚᖏ ᐃᑲᔪᕐᓯᕈᑏᑦ: ᐊᑭᑐᔪᕐᒥᐅᑕᐅᓂ ᐃᓅᒐᓱᐊᕐᓂᒥ : ᐱᒋᐊᕐᑐᒍ $8,500/ᐊᕐᕌᒍᓕᒫ

ᓂᕿᓯᒍᑎᓂ ᐃᑲᔪᕐᓯᐅᑏᑦ: ᐱᒋᐊᕐᕕᒋᑦᓱᒍ $4216/ᐊᕐᕌᒍᓕᒫ

ᖃᖓᑦᑕᐅᑏᑦ ᐊᕐᕌᒍᑕᒫᕐᓯᐅᑏᑦ : ᐱᖓᓱᕕᒍᓐᓇᑐ (3) ᐊᑐᓂ ᐊᕐᕌᒍᓕᒫᒥ

ᐃᑲᔪᕐᓯᒋᐊᕈᑏᑦ, ᐃᑦᑑᕈᑎᑖᕐᑕᐅᑎᑦᓴᒫᑦ

ᕿᑲᕐᓇᐃᑦ ᐅᓪᓗᐃᑦ : 20-ᓂ ᐅᓪᓗᓂ ᐊᕐᕌᒍᓕᒫ

ᕿᑎᖕᖑᓃ ᐊᓯᖏᓪᓗ ᓇᓪᓕᐅᓂᕐᓯᐅᓃᑦ : 20 ᐅᓪᓗᐃᑦ, 10-ᓕᒐᓴ ᕿᑎᖕᖑᓕᕐᐸ

ᐱᓇᓱᒍᒪᐅᑏᑦ ᑕᓪᓕᒪᖑᓚᐅᕐᑎᓇᒍ ᕿᑎᕋᓕᕇᕐᐸ 5:00 p.m. ᑏᓯᒻᐱᕆ18, 2025: ᐱᓇᓱᑦᑐᓕᕆᕕᒃᑯᓄ

Kativik Regional Government 

P.O. Box 9, 

Kuujjuaq, Quebec J0M 1C0 

Fax: (819) 964-2975 

Email: humanresources@krg.ca

KRG is committed to the principle of employment equity. Therefore, and in accordance with the James Bay and Northern Quebec Agreement, conditions may vary to promote the hiring of Inuit candidates.

Only candidates selected for an interview will be contacted.