ᐃᓄᓕᒫᑦ ᐃᓗᓯᕐᓱᓯᐊᕆᐊᖃᕐᓂᖏᓐᓄᑦ ᐱᓇᓱᑦᑎ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ ᐃᓗᐃᑦᑐᓂᒃ ᐃᑲᐅᕐᓂᓕᐅᕐᑐᖅ ᐅᓪᓗᑯᑦ ᐅᑉᕙᓘᓐᓃᑦ ᐅᓐᓄᑐᒃᑯᑦ ᐃᓓᓐᓇᓂᒃ ᐃᑲᐅᕐᓂᓕᐅᕐᑐᑦ ᐅᓪᓗᑯᑦ, ᐅᑉᕙᓘᓐᓃᑦ ᐅᓐᓄᑐᒃᑯᑦ Deadline 07/11/2025

ᐃᓄᓕᒫᑦ ᐃᓗᓯᕐᓱᓯᐊᕆᐊᖃᕐᓂᖏᓐᓄᑦ ᐱᓇᓱᑦᑎ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᑲᑐᑦᔨᖃᑎᒌᓪᓗᑕ, ᓯᕗᒧᑦ ᐃᖏᕐᕋᒍᓐᓇᐳᒍᑦ ᐊᒻᒪᓗ ᐱᔭᖃᕐᓗᑕ ᐅᖓᑖᓄᑦ. ᐊᒥᓱᑦ ᐊᑐᐃᓐᓇᐅᑎᑕᐅᔪᑦ ᐊᒻᒪᓗ ᐊᖅᖁᑎᑦᓴᐅᒐᔭᕐᑐᑦ ᐅᒃᑯᐃᖔᕐᑐᑦ ᐃᓕᓐᓄᑦ. ᐃᓕᕕᖃᑐᐊᕈᕕᑦ ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒻᒧᑦ, ᐱᓂᐊᕐᓂᖃᓚᖓᕗᑎᑦ ᓱᓕᔪᒥᒃ ᐊᓯᑦᔨᑎᕆᖃᑕᐅᓂᕐᒥᒃ ᓄᓇᓕᑉᐱᑦ ᐃᓗᐊᓂ. ᓲᓱᒋᓇᕐᓱᓂ ᐊᒻᒪᓗ ᓲᖑᓂᖃᕐᓱᓂ ᐱᓇᓱᑉᕕᐅᓱᓂ ᐊᕙᑎ ᐃᓕᓐᓂᒃ ᐅᑕᖅᕿᕗᖅ, ᐱᔪᓐᓇᓂᑎᑦ ᐊᒻᒪᓗ ᐃᓅᓂᕐᓄᑦ ᕿᒻᒪᖁᓯᐊᕆᓯᒪᔭᑎᑦ ᐆᒻᒪᑎᒋᔭᐅᑎᓪᓗᒋᑦ ᑎᓕᔭᐅᒪᐅᑎᑦᑎᓄᑦ. ᐱᓇᓱᐊᖃᐅᓃᑦ ᐅᕙᑦᑎᓄᑦ ᑐᑭᖃᒐᔭᕐᒥᔪᖅ ᐱᓂᐊᕐᓂᖃᕐᓂᑯᑦ ᑲᔪᓯᑎᑦᓯᖃᑕᐅᓂᕐᒥᒃ ᐱᐅᓕᐊᕐᑕᐅᓂᖓᓂᒃ ᐃᓄᐃᑦ ᐅᖃᐅᓯᖓᓂᒃ ᐊᒻᒪᓗ ᐃᓕᖅᕈᓯᖓᓂᒃ ᐱᕙᓪᓕᖁᑎᑖᕐᐸᓕᐊᕈᑎᒋᑦᓱᒍᓗ ᐱᐅᓯᐅᒥᒋᐊᕐᓯᒪᔪᓂᒃ ᐱᓇᓱᓐᓂᓄᑦ ᖃᓄᐃᓕᖓᐅᓯᐅᒋᐊᓕᓐᓂᒃ ᐊᒻᒪᓗ ᐊᒥᓱᐃᓂᒃ ᐱᕕᑦᓴᐅᑎᑕᐅᔪᓂᒃ ᐱᕈᕐᐸᓕᐊᓂᕐᒧᑦ. ᐃᖃᔪᕐᓯᐅᑎᒋᓚᐅᕈᒃ ᐱᔪᓐᓇᓃᑦ ᐊᒻᒪᓗ ᐊᓕᐊᒋᔦᑦ ᓄᐃᑦᓯᐅᑎᒋᓗᒍ ᐱᒻᒪᕆᖁᑎᖏᓐᓂᒃ ᓄᓇᓕᑦᑕ, ᐱᕈᕐᐸᓕᐊᖃᑕᐅᕕᒋᓗᒍᓗ ᐱᓇᓱᖃᑎᒌᓂ ᐃᑲᔪᕐᓯᒪᔪᓂ ᐊᒻᒪᓗ ᐃᓕᑕᕆᔭᖃᕐᓱᑎᒃ ᐃᓕᓐᓂᒃ

ᙯᒋᑦ ᐅᕙᑦᑎᓄᑦ ᐱᓇᓱᐊᖃᑕᐅᒋᑦ - ᐊᒥᓱᑦ ᐊᓕᐊᓇᕐᑐᐊᓘᑦᓱᑎᒃ ᐱᕕᑦᓭᑦ ᐊᑐᐃᓐᓇᐅᒪᑕ!

ᕿᒥᕐᕈᓗᒋᑦ ᐊᑦᔨᒌᖕᖏᑐᑦ ᐱᓇᓱᒉᑦ, ᐃᓕᓐᓂᒃ ᐃᑲᔪᕐᓯᓚᖓᔪᑦ ᓇᑉᕚᕋᓱᐊᕐᑎᓗᑎᑦ ᐊᖅᖁᑎᒋᓂᐊᕐᑕᓃᕕᑦ ᐱᐅᓂᕐᐹᑯᑦ ᓈᑉᕚᕈᑎᒋᓂᐊᕐᑕᓃᕕᑦ ᓲᖑᓂᕐᓂᒃ ᐊᒻᒪᓗ ᐊᓕᐊᒋᔭᕐᓃᕕᑦ!

ᐱᓇᓱᒐᐅᑉ ᖃᓄᐃᓕᖓᐅᓯᖏᑦ - ᐃᓄᓕᒫᑦ ᐃᓗᓯᕐᓱᓯᐊᕆᐊᖃᕐᓂᖏᓐᓄᑦ ᐱᓇᓱᑦᑎ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ


ᑮᓇᐅᑦᔭᓵᖏᑦ:

· $27.07 ᐊᒻᒪᓗ $36.14 ᐊᑯᓐᓂᖏᓐᓂ ᐃᑲᐅᕐᓂᖅ ᑕᒫᑦ

ᐱᓪᓗᖁᑏᑦ:

· ᖃᓄᐃᑦᑐᑐᐃᓐᓇᓂᒃ ᐃᓗᓯᓕᕆᓂᕐᓄᑦ ᑲᒪᒋᔭᐅᒍᑎᓂᒃ ᐃᒻᒪᖃᐅᑎᓄᑦ ᐸᕐᓇᓯᒪᐅᑎᒃ ᐊᒻᒪᓗ ᐃᓄᒻᒪᕆᖕᖑᒍᓂ ᓄᖅᖃᓂᐊᕐᓂᓄᑦ ᐸᕐᓇᓯᒪᐅᑎᒃ.

· ᐱᓇᓱᑦᑏᑦ ᐊᒻᒪᓗ ᐃᓚᖏᑦᑕ ᐃᑲᔪᕐᑕᐅᒍᑎᖏᑦ

· ᐱᔪᑦᓴᐅᔮᕐᓇᑐᖅ ᐊᒻᒪᓗ ᐊᑐᕐᓂᖃᕐᓱᓂ ᐱᓇᓱᕐᓂᖅ ᐊᑦᔨᖃᖕᖏᑐᒥ ᐊᕙᑎᒥ ᐱᕕᑦᓴᖃᕐᑎᓯᑦᓱᓂ ᐊᕗᖓᐅᓕᖓᔪᒥᒃ ᐱᔪᓐᓇᑐᓪᓚᕆᐅᓗᓂ ᐱᓇᓱᒍᓐᓇᓯᓂᕐᒥᒃ.

· ᑲᔪᓯᔪᒥᒃ ᐃᓕᓴᕐᓗᓂ ᐱᓇᓱᒐᕐᒥᒃ ᐊᒻᒪᓗ ᐱᕕᑦᓴᖃᕐᓗᓂ ᖃᑉᕙᕆᐊᕈᓐᓇᓯᓂᕐᒧᑦ ᐊᒻᒪᓗ ᐱᕈᕐᐸᓕᐊᓂᕐᒧᑦ

· ᐱᓇᓱᐊᕈᓯᕐᓂᒃ ᓯᑕᒪᓂᒃ ᑕᙯᕐᓯᕕᖃᕐᓗᓂ ᐊᖅᕌᒍᓕᒫᒥ ᐱᓇᓱᐊᓕᑐᐊᕈᓂ

ᑕᖅᕋᒥᐅᒍᓂᕐᓄᑦ ᐊᑭᓕᕐᑕᐅᒍᑏᑦ ᐊᒻᒪᓗ ᐊᓯᖏᑦ ᐱᓇᓱᓐᓂᓄᑦ ᖃᓄᐃᓕᖓᐅᓯᐅᒋᐊᓖᑦ:

· ᐃᓄᑑᓂᕐᒧᑦ ᐊᑭᓕᕐᑕᐅᒍᑎᒃ (ᕿᑐᕐᖓᖃᖕᖏᑐᒧᑦ) ᐊᑯᓐᓂᖏᓐᓂ $227.69 ᐊᒻᒪᓗ $268.59 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐃᓄᑑᓂᕐᒧᑦ ᐊᑭᓕᕐᑕᐅᒍᑎᒃ (ᕿᑐᕐᖓᓕᒻᒧᑦ) ᐊᑯᓐᓂᖏᓐᓂ $401.36 ᐊᒻᒪᓗ $473.51 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐱᓇᓱᑯᑖᓐᓂᒧᑦ ᐱᓪᓗᖁᑎᒃ: ᐊᑯᓐᓂᖏᓐᓂ $34.78 ᐊᒻᒪᓗ $68.13 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐊᑭᖏᓐᓄᑦ ᐃᓅᑦᔪᑎᖏᑦᑕ: ᐊᑯᓐᓂᖏᓐᓂ $58.40 ᐊᒻᒪᓗ $188.72 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

ᐊᑐᐃᓐᓇᐅᑎᑕᐅᔪᑦ ᐱᕕᑦᓴᐅᒐᔭᕐᑐᑦ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

· ᐃᓗᐃᑦᑐᓂᒃ ᐃᑲᐅᕐᓂᓕᐅᕐᑐᖅ ᐅᓪᓗᑯᑦ ᐅᑉᕙᓘᓐᓃᑦ ᐅᓐᓄᑐᒃᑯᑦ ᐱᓇᓱᓐᓀᑦ.

· ᐃᓓᓐᓇᓂᒃ ᐃᑲᐅᕐᓂᓕᐅᕐᑐᑦ ᐅᓪᓗᑯᑦ, ᐅᑉᕙᓘᓐᓃᑦ ᐅᓐᓄᑐᒃᑯᑦ ᐱᓇᓱᓐᓀᑦ

ᐱᔭᑦᓴᕆᓗᐊᖕᖑᐊᒐᔭᕐᑕᖏᑦ - ᐃᓄᓕᒫᑦ ᐃᓗᓯᕐᓱᓯᐊᕆᐊᖃᕐᓂᖏᓐᓄᑦ ᐱᓇᓱᑦᑎ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

· ᐱᒋᐊᕐᑎᓯᓗᓂ ᐃᓗᓯᖃᑦᓯᐊᕆᐊᖃᕐᓂᐅᑉ ᐱᒋᐊᕐᐸᓕᐊᓂᖓᓂᒃ ᐊᒻᒪᓗ ᓱᖃᑦᓯᓂᕐᓂᒃ ᓄᓇᓕᐅᑉ ᐃᓗᐊᓂ

· ᓯᕗᓕᕐᓗᓂ ᐃᓕᓭᓂᒃᑯᑦ ᑲᑎᒪᓂᕐᓂᒃ ᐱᑦᔪᑎᖃᕐᓗᓂ ᐱᒻᒪᕆᓐᓂᒃ ᒪᑯᓂᖓ ᐳᕙᓪᓗᓇᕐᑐᓂᒃ, ᑯᔭᓐᓂᑯᑦ ᐁᑦᑐᑑᑕᐅᒍᓐᓇᑐᓂᒃ, ᐊᒻᒪᓗ ᑲᐳᐃᓂᕐᓂᒃ

· ᐱᓇᓱᐊᕐᓗᓂ ᑐᑦᑕᕕᑦᓴᐅᓗᓂ ᐊᒻᒪᓗ ᐃᓕᕐᕈᓯᓄᐊᖓᔪᓄᑦ ᑐᓵᔨᐅᓗᓂ ᐃᓄᓐᓄᑦ ᐱᒍᑦᔭᐅᒍᒪᓕᕐᑐᓄᑦ

ᕿᓄᐊᕆᔭᐅᔪᑦ - ᐃᓄᓕᒫᑦ ᐃᓗᓯᕐᓱᓯᐊᕆᐊᖃᕐᓂᖏᓐᓄᑦ ᐱᓇᓱᑦᑎ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ;

· ᐅᖄᒍᓐᓇᓯᐊᕐᓗᓂ ᐃᓄᑦᑎᑐᑦ

· ᐃᓕᓴᕐᕕᑐᐃᓐᓇᒥ ᐱᔭᕇᕐᓯᒪᓂᕐᒧᑦ ᐃᓕᑕᕆᔭᐅᒍᑎᒃ (ᐱᓪᓗᖁᑎᐅᒍᓐᓇᑐᖅ)

ᐊᐱᕐᓲᑎᑦᓴᖃᕈᕕᑦ, ᐅᕙᑦᑎᓂᒃ ᑲᓱᐃᒍᓐᓇᐳᑎᑦ ᐅᕗᖓ: recrutement.csi@ssss.gouv.qc.ca

ᐱᓇᓱᖃᑎᒌᓚᐅᕐᑕ ᐊᑐᐃᓐᓇᐅᑎᑦᓯᒍᓐᓇᓂᐊᕋᑦᑕ ᐱᐅᓂᕐᐹᓂᒃ ᐃᓗᓯᓕᕆᓂᕐᒧᑦ ᐊᒻᒪᓗ ᐃᓅᓯᓕᕆᓂᕐᒧᑦ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ. ᐊᑐᐃᓐᓇᐅᕖᑦ ᐊᓯᑦᔨᑎᕆᖃᑕᐅᓂᕐᒧᑦ? ᐃᓕᓐᓂᒃ ᐅᑕᖅᕿᕗᒍᑦ!

ᐱᔪᑦᓴᐅᔮᕐᐲᑦ ᐱᓇᓱᒐᕐᒥᒃ ᑐᓵᔨᓄᑦ ᐊᐅᓚᑦᓯᔨᐅᓂᕐᒥᒃ? ᑕᒐᑕᒐ ᐱᓇᓱᒐᕐᑖᕋᓱᐊᓕᕆᑦ! recrutement.csi@ssss.gouv.qc.ca !

Suggested Jobs

See All Jobs