ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᑦᑎᓯᔨ - KI

ᐱᓇᓱᒐᖅ: ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᑦᑎᓯᔨ

ᐊᓪᓚᕕᖓ: ᐃᓘᓐᓈᒍᑦ ᐊᐅᓚᑦᓯᓂᓕᕆᓂᖅ

ᑮᓇᐅᑦᔭᓵᑦ: ᐱᒋᐊᕐᓱᓂ $47,886 ᑎᑭᑦᓱᓂ $79,426 ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ: PROFF2502-01

ᓇᓃᓐᓂᓴᖓ: ᒪᓐᑐᔨᐊᒥ

ᖃᓄᐃᑦᑑᓂᖓ: ᐱᓇᓱᒐᖅ ᐊᑕᔪᒥᒃ

ᐱᒋᐊᕐᕕᓴᖓᑕ ᐅᓪᓗᖓ: ᒫᑦᔨ 2025

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐊᖓᔪᕐᖄᖃᕐᓗᓂ ᐅᖄᖃᑎᒌᓐᓃᑦ ᐊᑕᐅᑦᓯᑰᕐᑎᓯᔨᖓᓂᑦ, ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᑦᑎᓯᔨ ᐱᓇᓱᐊᖃᑦᑕᕋᔭᕐᑐᖅ ᐱᕈᕐᐸᓕᐊᑎᑦᓯᓂᒃᑯᑦ ᑲᔪᓯᑎᑦᓯᓂᒃᑯᓗ ᐅᖄᖃᑎᒌᓐᓃᑦ ᒪᓕᒐᖏᓐᓂᒃ ᐸᕐᓀᓂᕐᓂᓗ ᓴᐳᒻᒥᓗᑎᒃ ᐃᓕᓴᕐᓂᓕᕆᕕᐅᑉ ᖃᓄᐃᓘᕈᑎᑦᓴᓄᑦ ᐸᕐᓀᒍᑎᖏᓐᓂᑦ, ᐊᒻᒪᓗ ᑐᓴᐅᒪᑎᓗᒋᑦ ᐃᓕᓐᓂᐊᑏᑦ, ᐱᓇᓱᑦᑏᑦ, ᐊᖓᔪᕐᖄᑦ ᐊᒻᒪᓗ ᐃᓄᓕᒫᑦ, ᐊᑐᕐᓗᑎᑦ ᖃᓄᐃᑦᑐᑐᐃᓐᓇᓂᑦ ᑐᓴᐅᒪᑎᑦᓯᒍᑎᓂᒃ.

ᐃᓂᖓ ᐱᓇᓱᐊᕆᐊᓕᖏᓪᓗ:

• ᐃᓕᓴᕐᓂᓕᕆᓂᐅᑉ ᐱᕙᓪᓕᐊᓂᖓᓂᒃ ᖃᓄᐃᓘᕐᓂᖓᓂᓪᓗ ᓄᐃᑦᓯᖃᑦᑕᓗᓂ ᖃᕆᑕᐅᔭᑎᒍᑦ ᐊᓪᓚᕕᑦᓴᑎᒍᓪᓗ ᐊᑐᐊᕋᑦᓴᓕᐅᕐᓗᓂ, ᖃᕆᑕᐅᔭᒨᔦᖃᑦᑕᓗᓂᓪᓗ ᐃᓗᓕᖏᓐᓂᒃ;

• ᐃᓕᓴᕐᓂᓕᕆᓂᐅᑉ ᑐᓴᕐᑎᓯᒍᑎᖏᓐᓂᒃ ᓄᐃᑦᓯᖃᑦᑕᓗᓂ (ᑐᓴᖃᑎᒌᒍᑏᑦ ᐱᓇᓱᑦᑎᑎᒍᑦ, ᓯᓚᑖᒍᑦ ᐊᑐᕐᑐᓴᓕᐊᖅ ᐱᓇᓱᐊᕐᑕᐅᔪᖅ);

• ᓇᓗᓀᕐᓯᖃᑦᑕᓗᓂ ᖃᓄᐃᓘᕆᐊᕈᑏᑦ ᐃᓗᓕᖏᓐᓂᒃ ᐱᓇᓱᑦᑎᓄᑦ ᑐᓴᐅᒪᑎᑦᓯᒍᑎᐅᕋᔭᕐᑐᓂᒃ;

• ᐃᑲᔪᕐᓯᖃᑦᑕᓗᓂ ᑐᓴᐅᒪᖃᑎᒌᕈᑎᑦᓴᓕᐅᕐᓂᒧᑦ ᑐᕌᒐᖃᑐᓂᒃ ᓴᐳᒻᒥᒐᓱᐊᕐᓂᒧᑦ ᐱᓇᓱᑦᑏᑦ ᐃᓚᐅᑎᑕᐅᓂᖏᓐᓄᑦ ᐃᓚᒋᔭᐅᓂᕐᒧᓗ ᐱᓇᓱᐊᖃᑎᒥᓄᑦ.

• ᐃᑲᒧᕐᓯᖃᑦᑕᓗᓂ ᐱᒋᐊᕐᑎᓯᓂᕐᒧᑦ ᐱᓇᓱᕝᕕᒥ ᐱᓯᒋᔭᐅᕆᐊᓕᓐᓂᒃ ᐃᓚᐅᖃᑕᐅᑎᑦᓯᓯᐊᕐᓂᒥᒃ ᐱᓇᓱᐊᖃᑎᐅᔪᓄᑦ ᑭᓇᑐᐃᓐᓇᑯᓐᓄᑦ ᑕᓴᐅᒪᑎᑦᓯᓂᕐᒧᑦ ᓇᓗᓀᕐᓯᓂᕐᓄᑦ ᐱᓇᓱᕝᕕᒥ ᑐᓴᐅᒪᒍᑎᑦᓴᓂᒃ.

• ᐊᑐᐃᓐᓇᕈᕐᑎᖃᑦᑕᓗᓂ ᑎᒥᐅᔫᑉ ᐱᓂᐊᕐᓂᖏᓐᓂᒃ ᑐᑦᓯᕋᐅᑎᐅᔪᓄᑦ ᐃᓕᓴᕐᓂᓕᕆᓂᐅᑉ ᐱᓇᓱᕝᕕᖏᓐᓄᑦ, ᐃᓚᐅᑎᓪᓗᒍ ᑐᑭᒧᐊᑦᑎᓯᓂᖅ ᖃᕆᑕᐅᔭᒃᑯᑦ ᐱᓂᐊᕐᓃᑦ ᒫᓐᓇᑯᑦ ᑕᑯᓐᓇᕋᑦᓴᐅᕈᓐᓇᑐᒃᑯᑦ/ᑐᓴᕐᓴᐅᕈᓐᓇᒧᒃᑯᑦ.

• ᑕᓴᕐᑎᓯᒍᑎᓕᐅᖃᑦᑕᓗᓂ ᐱᓇᓱᐊᕈᓯᑕᒫᑦ ᑐᓴᕋᑦᓴᓂᐊᕐᑏᑦ ᓄᐃᑕᖏᓐᓂᒃ

• ᐊᐅᓪᓚᕈᓐᓇᓗᓂ ᐃᑭᓐᓂᐹᕆᔭᐅᓗᓂ ᒪᕐᕈᕕᑦᑐᒥᒃ ᓄᓇᕕᒻᒧᑦ ᐃᓕᓐᓂᐊᓇᐅᑉ ᐊᕐᕌᒎᖓᑕ ᐃᓗᐊᓂ.

• ᐊᐱᕐᓲᔭᖃᑦᑕᓗᓂ, ᐊᓪᓚᓯᒪᔪᕈᕐᑎᓯᖃᑦᑕᓗᓂ, ᐊᑦᔨᓕᐅᕆᖃᑦᑕᓗᓂ ᐊᓪᓚᖃᑦᑕᓗᓂᓗ ᖃᕆᑕᐅᔭᒃᑯᑦ ᑐᓴᐅᒪᑎᑦᓯᒍᑎᓂᒃ

• ᐊᑐᓕᕐᑎᓯᓗᓂ ᐱᓇᓱᕝᕕᒥ ᑕᓴᐅᒪᖃᑎᒌᓐᓂᐅᑉ ᐱᕙᓪᓕᕈᑎᑦᓴᖏᓐᓂᒃ ᓴᐳᒻᒥᒐᔭᕐᑐᓂᒃ ᐃᓕᓐᓂᐊᓂᓕᕆᓂᐅᑉ ᐱᒍᑦᔨᒍᑎᖏᓐᓂᑦ.

• ᐊᓯᖏᑦ ᐱᔭᑦᓴᖃᕐᓗᓂ ᐊᖓᔪᕐᖄᒥᓄᑦ ᐱᓂᐊᕐᓂᕆᔭᐅᖁᔭᖏᓐᓂᒃ

ᐱᒍᓐᓇᐅᑎᒋᒋᐊᓕᖏᑦ:

• ᐃᓕᓐᓂᐊᕕᕐᔪᐊᒥ ᐱᔭᕇᒍᓯᕐᑕᐅᒪᓗᓂ ᐳᒃᑭᓂᕐᓴᒥᒃ, ᐱᓗᐊᕐᑐᒥ ᐅᖄᖃᑎᒌᓐᓂᒥᒃ, ᕿᒥᕐᕈᐊᓕᐅᕐᓂᒥᒃ ᐅᕝᕙᓘᓐᓃᑦ ᑭᓇᒃᑯᑐᐃᓐᓇᓗᑦ ᑐᓴᐅᒪᖃᑎᒌᑦᑎᓯᓂᕐᒥᒃ:

• ᐊᕐᕌᒍᒥᒃ (1)-ᒥᒃ ᐊᑦᔨᐸᓱᖓᓂᓪᓘᓃᑦ ᐱᓇᓱᐊᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᖕᖏᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ, ᐱᓇᓱᑦᑎᑖᕆᔭᐅᓂᖓᓄᑦ ᖃᓄᐃᓕᖓᐅᑎᐅᑎᓪᓗᒍ, ᐋᕐᕿᑕᐅᒪᔪᒥᒃ ᐃᓕᓴᕐᓂᓕᕆᓂᕐᒧᑦ.

ᐊᑐᕈᓐᓇᕆᐊᓕᖏᑦ:

• ᖃᓪᓗᓈᑎᑑᒍᓐᓇᓯᐊᕐᓗᓂ ᐋᕐᖀᒋᐊᕈᓐᓇᓯᐊᕐᓗᓂᓗ;

• ᐱᓇᓱᐊᒍᓐᓇᓯᐊᕐᓗᓂ ᒪᕐᕉᔪᐊᓂᓘᓐᓃᑦ (2) ᐱᓴᓱᕐᔪᐊᒥᓘᓐᓃ (3) ᐃᓕᓴᕐᓂᓕᕆᓂᐅᑉ ᐅᖃᐅᓯᕆᔭᖏᓐᓂᒃ ᐊᑐᕈᓐᓇᓗᓂ (ᖃᓪᓗᓈᑎᑐᑦ, ᐅᐃᒍᐃᑎᑐᑦ, ᐃᓄᑦᑎᑐᓪᓗ);

• ᐊᕐᕕᑕᖃᑦᑕᒍᓐᓇᓗᓂ ᓄᓇᕕᒻᒧᑦ ᐊᕐᕕᑕᖁᔭᐅᓕᕈᓂ;

• ᖃᕆᑕᐅᔭᕆᐊᒥᒃ ᖃᐅᔨᒪᑦᓯᐊᓗᓂ, ᐃᓚᐅᑎᓪᓗᒍ ᖃᕆᑕᐅᔭᒃᑯᑦ ᐊᓪᓚᕕᖓ word processing-ᓚᔭᐅᔪᖅ ᐊᒻᒪᓗ ᐊᓪᓚᓯᒪᔪᓕᐅᕈᓐᓇᓗᓂ (adobe suite)-ᒥᑦ ᐊᑐᕐᓗᓂ;

• ᐃᓂᓪᓚᖓᑦᓯᐊᕈᓐᓇᓗᓂ ᐊᒻᒪᓗ ᑐᑭᑖᕆᐊᓕᓐᓂᑦ ᑐᑭᑖᕆᒍᓐᓇᓯᐊᕐᓗᓂ;

• ᐱᓇᓱᐊᖃᑎᖃᕈᓐᓇᓗᓂ ᐃᑲᔪᕐᑎᒌᓐᓂᑯᑦ ᐱᓇᓱᑦᑎᐅᖃᑎᒥᓂᒃ;

• ᐃᓗᕐᕈᓯᖃᑎᒌᖕᖏᑐᓂᒃ ᐅᖄᖃᑎᖃᕈᓐᓇᓗᓂ;

• ᕿᑦᑌᖓᓗᓂ, ᐱᑦᓴᑖᕐᕕᐅᒍᓐᓇᓯᐊᕐᓗᓂ ᐅᒃᑯᐃᖔᑦᓯᐊᓗᓂᓗ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2121-ᒥᒃ ᐱᓇᓱᕝᕕᖃᕋᔭᕐᑐᖅ: $47,886-ᒥᑦ $79,426-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ

• ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃa

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᒫᑦᔨ 4, 2025

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ, ᓇᓪᓕᑳᕐᓗᑎᑦ ᐅᑯᐊ ᓇᓪᓕᖏᓐᓂᑦ ᐃᓕᒐᓱᐊᕈᑕᐅᒍᓐᓇᑐᓂᒃ:

1. ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ PROFF2502-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.