ᐃᓄᓕᒫᓄᑦ ᐊᑦᑕᓇᖏᑐᒦᑦᑎᓯᓂᖅ ᐊᒻᒪᓗ ᐃᑯᐊᓪᓚᑎᑦᓯᑏᓕᓂᕐᒧᑦ ᐱᓪᓗᑯᒋᐊᓕᓕᕆᔨ - KRG

ᐱᓇᓱᒐᑦᓴᖅ ᐊᑐᐃᓐᓇᐅᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᓄᓇᓕᓐᓂᒃ ᐊᐅᓚᑦᓯᔨᐅᔪᖅ ᐊᐅᓚᑦᓯᒍᓐᓇᐅᑎᖃᕐᓱᓂ ᑯᐯᑉ ᑕᕐᕋᖓᓃᑦᑐᓂᒃ 55 ᐃᑳᖓᔫᑉ ᖁᓛᓂ, ᐱᓗᐊᕐᑐᒥᒃ ᐱᓪᓗᑯᒋᐊᓕᑦᑎᒍᑦ ᐃᑲᔪᕐᑎᐅᓂᕐᒥᒃ ᓄᓇᓕᓐᓄᑦ 14-ᓄᑦ ᓄᓇᕕᒻᒥ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᓄᓕᒫᓂᒃ ᐊᑦᑕᓇᕐᑐᒦᑎᑦᓯᑌᓕᓂᕐᒧᑦ ᐱᒍᑦᔨᕕᖓ ᖃᐅᔨᒪᑎᑦᓯᓂᕐᒥᒃ ᐱᒻᒪᕆᐅᓂᖓᓂᒃ ᐅᐃᒪᓇᕐᑐᖃᕐᓂᐸᑦ ᐊᑐᐃᓐᓇᐅᓯᒪᑦᓯᐊᕆᐊᖃᕐᓂᒥᒃ ᓄᓇᓕᓐᓂ ᓴᐳᒻᒥᓂᕐᒥᓗ ᐱᓇᓱᐊᕐᑕᖏᓐᓂᒃ ᐱᓇᓱᐊᒐᖃᓪᓚᕆᑦᓱᓂ. ᐱᓗᐊᕐᑐᒥᓪᓗ, ᐱᓇᓱᐊᖃᑎᖃᓪᒪᕆᓲᖑᑦᓱᓂ ᓄᓇᓕᓐᓂᒃ 14-ᓂᒃ ᐸᕐᓇᓯᕈᓐᓇᓯᐊᖁᓪᓗᒋᑦ, ᐱᓇᓱᑦᑎᖃᑦᓯᐊᓗᑎᒃ ᐱᓇᓲᑎᖃᑦᓯᐊᓗᑎᓪᓗ ᐃᑯᐊᓪᓚᑐᓕᕆᓂᕐᒥᒃ ᐊᓯᐅᓯᒪᔪᖃᓕᕐᐸᓗ ᐊᓐᓇᑎᑦᓯᒐᓱᐊᕐᓂᒥᒃ ᕿᓂᕐᓂᒥᓪᓗ. ᑖᒃᑯᐊ ᐱᓇᓱᐊᕐᑕᐅᒋᐊᓖᑦ ᐊᑑᑎᔭᐅᒍᓐᓇᖁᓪᓗᒋᑦ ᑎᓕᔭᐅᓯᒪᒍᑎᐅᔪᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐱᓇᓱᑦᑎᓴᕐᓯᐅᑐᖅ ᐅᕗᖓ ᐃᓂᒧᑦ:

ᐃᓄᓕᒫᓄᑦ ᐊᑦᑕᓇᖏᑐᒦᑦᑎᓯᓂᖅ ᐊᒻᒪᓗ ᐃᑯᐊᓪᓚᑎᑦᓯᑏᓕᓂᕐᒧᑦ ᐱᓪᓗᑯᒋᐊᓕᓕᕆᔨ

(ᐱᓇᓱᒐᖅ ᐊᑕᔪᖅ, ᐃᓇᖏᕐᑕᐅᑎᑦᓱᓂ)

ᐊᖓᔪᕐᖄᖃᕐᓗᓂ ᑭᓇᒃᑯᑐᐃᓐᓇᓂᒃ ᐊᑦᑕᓇᖏᑦᑐᒦᑦᑎᓯᓂᕐᒧᑦ ᐊᑕᐅᑦᓯᑰᕐᑎᓯᔨᒥᒃ, ᐃᓄᓕᒫᓄᑦ ᐊᑦᑕᓇᖏᑐᒦᑦᑎᓯᓂᖅ ᐊᒻᒪᓗ ᐃᑯᐊᓪᓚᑎᑦᓯᑌᓕᓂᕐᒧᑦ ᐱᓪᓗᑯᒋᐊᓕᓕᕆᔨ ᑲᒪᒋᔭᖃᕆᐊᓕᒃ ᐅᑯᓂᖓ ᐱᓇᓱᒐᕐᓂᒃ:

• ᐋᕐᕿᓱᐃᓗᓂ, ᐱᒍᒪᔭᐅᓕᕐᑎᓯᓗᓂ ᐊᒻᒪᓗ ᐱᑕᖃᕐᑎᓯᓗᓂ ᐃᓄᓕᒫᓄᑦ ᐊᑦᑕᓇᖕᖏᑐᒦᑦᑎᓯᓂᕐᒥᒃ ᐊᒻᒪᓗ ᐃᑯᐊᓪᓚᑎᑦᓯᑏᓕᓂᕐᒧᑦ ᐱᓇᓱᐊᕐᑕᐅᔪᓂᒃ ᓄᓇᓕᓐᓄᑦ;

• ᐃᓕᓐᓂᐊᑎᑦᓯᓗᓂ, ᐱᒍᒪᔭᐅᓕᕐᑎᓯᓗᓂ, ᑐᑭᓯᓇᕐᑎᓯᓗᓂ ᐊᒻᒪᓗ ᐊᑐᕐᑕᐅᑎᑦᓯᓗᓂ ᐊᑐᕐᑐᓂᒃ ᐃᑯᐊᓪᓚᑌᓕᑎᑦᓯᓂᕐᒧᑦ ᒪᓕᒐᕐᓂᒃ ᐊᒻᒪᓗ ᒪᓕᒐᓕᐊᕆᔭᐅᓯᒪᔪᓂᒃ;

• ᖃᐅᔨᓴᕐᓗᓂ ᖃᐅᔨᓴᕐᑕᐅᓂᖓᓂᒃ ᐊᒻᒪᓗ ᖃᐅᔨᓴᐅᑎᓂᒃ ᐃᑯᐊᓪᓚᑐᓄᑦ ᓴᐳᒻᒥᒍᑎᓂᒃ ᐃᓄᓕᒫᓅᓕᖓᔪᓄᑦ ᐃᓪᓗᖁᑎᖏᓐᓂᒃ ᐊᒻᒪᓗ ᐊᒥᓱᓂᒃ ᐃᓄᖃᓲᓂᒃ;

• ᐱᓇᓱᐊᕐᓗᓂ ᐃᑯᐊᓪᓚᓂᕐᒧᑦ ᖃᐅᔨᓴᕐᑕᐅᔪᓂᒃ ᐊᒻᒪᓗ ᐊᑐᐃᓐᓇᕈᕐᑎᓗᓂ ᐊᒻᒪᓗ ᐊᑕᑎᑦᓯᓗᓂ ᑖᒃᑯᓄᖕᖓᓕᖓᔪᓂᒃ ᑐᓴᕐᑎᓯᒍᑎᓂᒃ;

• ᑐᑭᓯᓇᕐᑎᓯᑦᓯᐊᓗᓂ, ᐱᓇᓱᐊᖃᑎᖃᕐᓗᓂ ᑲᕙᒫᐱᒃᑯᓂᒃ ᐃᑯᐊᓪᓚᑐᕐᓂᐊᑎᖏᓐᓂᒃ, ᐱᓇᓱᐊᕈᑎᑦᓴᓂᒃ ᐸᕐᓇᓯᒪᐅᑎᓂᒃ ᐊᑦᔨᒌᖕᖏᑐᓄᑦ ᐃᓪᓗᖁᑎᓄᑦ ᑐᑦᓯᕋᐅᑕᐅᓯᒪᔪᓄᑦ ᓄᓇᕕᒻᒥ ᐃᑯᐊᓪᓚᑌᓕᑎᑦᓯᓂᕐᒧᑦ ᐸᕐᓇᓯᒪᐅᑎᓂᒃ;

• ᐃᓚᐅᓗᓂ ᐱᕙᓪᓕᐊᑎᑦᓯᓂᕐᒧᑦ ᑲᕙᒫᐱᒃᑯᓂ ᐅᕝᕙᓘᓐᓃᑦ ᓄᓇᓕᓕᒫᓂ ᐅᐃᒪᓇᕐᑐᓯᐅᕐᓂᒧᑦ ᐸᕐᓇᓯᒪᐅᑎᓂᒃ,

• ᐱᑕᖃᕐᑎᓯᓗᓂ ᐱᓪᓗᑯᒋᐊᓕᓕᕆᓂᕐᒧᑦ ᓴᐳᒻᒥᒍᑎᓂᒃ ᐊᒻᒪᓗ ᐃᓕᓐᓂᐊᑎᑦᓯᒍᑎᓂᒃ ᑲᕙᒫᐱᒃᑯᑦ ᐃᑯᐊᓪᓚᑐᕐᓂᐊᑎᖏᓐᓂᒃ;

• ᐱᓇᓱᐊᕐᓗᓂ ᐊᓯᖏᓐᓂᒃ ᐱᓇᓱᒐᖓᓅᓕᖓᔪᓂᒃ ᕆᐊᖃᑐᐊᕈᓂ.

ᐱᓇᓱᒐᕐᑖᕋᔭᕐᓗᓂ ᓇᓪᓕᑳᔭᐅᔪᖅ ᐃᒣᑦᑑᒋᐊᓕᒃ:

• ᐱᑕᖃᕆᐊᓕᒃ ᐳᕐᑐᓂᕐᓴᒥ ᐃᓕᓐᓂᐊᓯᒪᓂᓗᓂ ᐃᑯᐊᓪᓚᑎᑦᓯᑌᓕᓂᕐᒧᑦ (AEC) ᐅᕝᕙᓘᓐᓃᑦ ᐱᑕᖃᕐᓗᓂ IFSAC ᑲᑎᒪᔨᖏᓐᓄᑦ ᓇᓗᓀᕐᑕᐅᒍᑎᒥᒃ

• ᐱᓇᓱᐊᕐᓯᒪᓗᓂ ᐃᑭᓐᓂᐹᓂᒃ ᒪᕐᕉᓂᒃ ᐊᕐᕌᒍᓐᓂᒃ ᑖᑦᓱᒧᖕᖓᓕᖓᔪᓂᒃ;

• ᐱᒍᓐᓇᕆᐊᓕᒃ ᑐᑭᓯᓇᕐᑎᓯᓗᓂ ᐃᓪᓗᖁᑎᓄᑦ ᐸᕐᓇᓯᒪᐅᑎᓂᒃ ᐊᒻᒪᓗ ᑐᑭᓯᒪᓗᓂ ᓴᓇᔭᐅᒪᓂᖓᑕ ᖃᓄᐃᓕᖓᓂᖏᓐᓂᒃ;

• ᖃᐅᔨᒪᓂᖃᑦᓯᐊᓗᓂ ᐃᓪᓗᖁᑎᓄᑦ ᐊᒻᒪᓗ ᐃᑯᐊᓪᓚᓂᕐᒧᑦ ᒪᓕᒐᕐᓂᒃ ᐊᒻᒪᓗ ᑐᑭᓯᒪᑦᓯᐊᓗᓂ ᑖᑦᓱᒧᖓᓕᖓᔪᓂᒃ ᖃᕆᑕᐅᔭᑎᒍᑦ ᐱᓇᓱᐊᕈᑕᐅᓲᓂᒃ;

• ᐱᒍᓐᓇᓗᓂ ᐅᖄᖃᑎᖃᕐᓂᒥᒃ ᐊᒻᒪᓗ ᐅᖄᒍᓐᓇᓯᐊᕐᓗᓂ ᐊᒻᒪᓗ ᐊᖏᕐᓯᒪᑦᓯᐊᓗᓂ ᐊᑭᓕᕐᑐᐃᔪᓂᒃ ᐱᒍᑦᔨᒍᑎᓂᒃ ᐱᐅᓂᕐᐹᓂᒃ;

• ᐃᓚᐅᔫᓗᓂ ᑯᐯᒻᒥ ᑲᑐᑦᔨᖃᑎᒌᓄᑦ ᐃᑯᐊᓪᓚᑎᑦᓯᑌᓕᓂᕐᒧᑦ ᐱᓪᓗᑯᒋᐊᓕᓕᕆᓂᕐᒧᑦ (ATPIQ) ᐃᓱᒪᒋᔭᐅᓂᐊᕐᑐᖅ ᐃᑲᔪᕐᓯᓚᖓᔪᖅ;

• ᐅᖄᖃᑎᖃᕈᓐᓇᓗᓂ ᐊᒻᒪᓗ ᐊᓪᓚᕈᓐᓇᓗᓂ ᒪᕐᕉᓂ ᐅᑯᓇᓂ ᐅᖃᐅᓯᕐᓂ: ᐃᓄᑦᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐊᕐᕕᑕᑲᑦᑕᕈᓐᓇᕆᐊᓕᒃ ᓄᓇᕕᒻᒥ;

• ᐱᓇᓱᐊᕐᓂᒥᓂ ᐅᓪᓗᖁᑎᖏᑦ ᓇᓃᓐᓂᖓᓗ: 6-3 ᐃᓇᖏᕐᑕᐅᑎᓗᓂ: ᐱᓇᓱᐊᕈᓯᕐᓂᒃ ᐱᖓᓲᔪᕐᑐᓂᒃ ᐱᓇᓱᓪᓗᓂ ᓄᓇᓕᓐᓂ (52.5 ᑫᕙᓪᓚᒍᓰᑦ ᐱᓇᓱᐊᕈᓯᑕᒫᑦ), ᑭᖑᓂᖓᒍᑦ ᐱᓇᓱᐊᕈᓯᕐᓂᒃ ᐱᖓᓱᓂᒃ ᕿᑲᓯᒻᒥᓗᓂ ᐊᑭᓕᕐᑐᑕᐅᓗᓂ (35 ᑫᕙᓪᓚᒍᓰᑦ ᐱᓇᓱᐊᕈᓯᑕᒫᑦ)

ᐅᕝᕙᓗᓗᓐᓃᑦ

• ᐱᓇᓱᐊᕐᓂᒥᓂ ᐅᓪᓗᖁᑎᖏᑦ ᓇᓃᓐᓂᖓᓗ: 4-2 ᐃᓇᖏᕐᑕᐅᑎᓗᓂ: ᐱᓇᓱᐊᕈᓯᕐᓂᒃ ᓯᑕᒪᓂᒃ ᐱᓇᓱᓪᓗᓂ ᓄᓇᓕᓐᓂ, ᑭᖑᓂᖓᒍᑦ ᐱᓇᓱᐊᕈᓰᓐᓂᒃ ᒪᕐᕉᓂᒃ ᕿᑲᓯᒻᒥᓗᓂ ᐊᑭᓕᕐᑐᑕᐅᓗᓂ (35 ᑫᕙᓪᓚᒍᓰᑦ ᐱᓇᓱᐊᕈᓯᑕᒫᑦ)

ᐱᓇᓱᒐᖓᑕ ᐃᓂᖓ: ᓄᓇᕕᒃ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓪᓗᒍ $60, 074 - ᐅᓄᕐᓂᐸᐅᑎᓪᓗᒍ. $102, 839 ᐊᕐᕌᒍᑕᒫᑦ (ᐳᕐᑐᓂᖓ 9)

ᐱᕙᓪᓕᖁᑎᖏᑦ*: ᓯᓂᑦᑕᐅᑎᖏᑦ ᐊᑭᓕᕐᑐᑕᐅᓗᑎᒃ ᐱᓇᓱᐊᕐᓂᒥᓂ ᓄᓇᓕᓐᓂ; ᓂᕆᒍᑎᖏᑦ ᑮᓇᐅᔭᕐᑐᕈᑎᖏᓪᓗ ᐊᑭᓕᕐᑐᑕᐅᓗᑎᒃ ᐊᕐᕕᑕᕐᓂᒥᓂ ᓄᓇᕕᒻᒥ;

ᐃᒻᒪᖃᐅᑎᑦᓴᒥᓂᒃ ᓄᐊᑦᓯᓗᓂ ᐃᓚᐅᑎᓪᓗᒍ ᐃᓅᓯᕐᒧᑦ ᐃᓄᒻᒪᕆᐅᓂᕐᒧᑦ ᕿᑲᕈᑎᑦᓴᔦᑦ;

ᕿᑲᕐᓴᖏᑦ: ᐊᕐᕌᒍᑕᒫᑦ ᐅᓪᓗᐃᑦ 20

ᐱᓇᓱᑦᑏᑦ ᕿᑲᕐᓇᖏᑦ: 20 ᐅᓪᓗᐃᑦ ᐃᓚᖃᕐᓱᑎᒃ 10-ᓂᒃ ᐅᓪᓗᓂᒃ ᖁᕕᐊᓱᕝᕕᒥ

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᐊᐅᒡᒍᓯ 14, 2025-ᒥ ᐅᕗᖓ:

Human Resources Advisor

Kativik Regional Government

P.O. Box 9

Kuujjuaq, Quebec J0M 1C0

ᓱᑲᑦᑐᑰᕐᑎᓯᒍᑎ: (819) 964-2975

ᖃᕆᑕᐅᔭᕈᑎᒃᕻ: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐱᓇᓱᕝᕕᓴᑦᓯᐊᖅ ᓇᓪᓕᖁᐊᕇᑎᑦᓯᓯᐊᕐᑐᖅ. ᑖᒃᑯᐊ ᑐᖕᖓᕕᒋᑦᓱᒋᑦ ᐊᒻᒪᓗ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓ, ᐃᓄᑐᐃᓐᓀᑦ ᐱᓇᓱᒐᕐᑖᕋᓱᐊᕐᓂᖓ ᒪᓕᖓᒋᑦ ᐊᑦᔨᒌᖕᖏᑑᒍᓐᓇᑐᑦ.

ᓇᓪᓕᑳᔭᐅᔪᑦ ᐱᒍᓇᐅᔪᕆᔭᐅᔪᑦ ᑭᓯᐊᓂ ᖃᐅᔨᑎᑕᐅᒐᔭᕐᑐᑦ.