ᐃᓕᑕᕆᔭᐅᒍᑎᓕᒃ ᑕᐸᓀᓪᓕᐅᑎᑦᓯᑌᓕᓂᕐᒧᑦ ᐱᓪᓗᑯᒋᐊᓕᓕᕆᔨ (ᐊᒥᓱᐃᑦ ᐱᓇᓱᒉᑦ) - KI

ᐱᓇᓱᒐᖅ: ᐃᓕᑕᕆᔭᐅᒍᑎᓕᒃ ᑕᐸᓀᓪᓕᐅᑎᑦᓯᑌᓕᓂᕐᒧᑦ ᐱᓪᓗᑯᒋᐊᓕᓕᕆᔨ (ᐊᒥᓱᐃᑦ ᐱᓇᓱᒉᑦ)

ᐊᓪᓚᕕᖓ: ᐱᒍᑦᔨᒋᐊᓪᓛᕕᒃ ᐊᒻᒪᓗ ᓴᑐᕐᓇᑐᓕᓐᓂᒃ ᐱᒍᑦᔨᕖᑦ

ᑮᓇᐅᑦᔭᓵᑦ: ᐱᒋᐊᕐᓱᓂ $24.78 -ᓂᑦ $35.67 -ᓄᑦ ᑎᑭᐅᑎᒍᓐᓇᑐᑦ ᐃᑲᐅᕐᓂᑕᒫᑦ ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ: SPECED2507-01

ᓇᓃᓐᓂᓴᖓ: ᓄᓇᕕᒃ

ᖃᓄᐃᑦᑑᓂᖓ: ᓇᓪᓕᐅᑎᑦᑕᑐᖅ

ᐱᒋᐊᕐᕕᓴᖓᑕ ᐅᓪᓗᖓ: ᐊᐅᒡᒍᓯ 2025

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐱᓇᓱᐊᕆᐊᓕᖏᑦ ᑲᒪᒋᒋᐊᓕᖏᓪᓗ ᐱᓪᓗᑯᒋᐊᓕᓕᕆᓂᕐᒥ ᐃᓕᓐᓂᐊᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ ᐱᓇᓱᖃᑎᖃᕙᓪᓗᖃᑦᑕᓗᓂ ᐱᐅᓯᕐᓱᓯᐊᙱᑐᓂᒃ ᐃᓕᓐᓂᐊᑎᓂᒃ (ᐃᓱᒪᒃᑯᑦ ᑎᒥᒃᑯᓘᓐᓃᑦ) ᐃᓕᓐᓂᐊᑎᑦᓯᒍᓯᖃᕐᓗᓂ ᐱᓪᓗᑯᒋᐊᓕᒃᑯᑦ ᐃᓕᓐᓂᐊᑎᑦᓯᕕᐅᑉ ᐃᓗᐊᓂ ᓯᓚᑖᓂᓗ;

ᐃᓂᖓ ᐱᓇᓱᐊᕆᐊᓕᖏᓪᓗ:

• ᐃᓕᓐᓂᐊᑎ ᐃᑲᔪᖃᑦᑕᓗᒍ ᐃᓚᐅᖃᑕᐅᓂᕐᒧᑦ ᐃᓕᓐᓂᐊᑎᑦᓯᕕᒻᒥ ᓈᒻᒪᑐᓂᒃ ᐊᓯᑦᔨᑐᖃᑦᑕᓗᒋᓪᓗ ᐃᓕᓐᓂᐊᑎᑦᓯᒍᑏᑦ ᑐᑭᓯᓂᕐᓴᒍᑎᒋᕋᔭᕐᑕᖏᓐᓄᑦ;

• ᐊᑕᐅᓯᐅᖃᑎᒋᓗᒍ ᐱᓇᓱᖃᑎᒋᖃᑦᑕᓗᒍ ᐃᓕᓐᓂᐊᑎ ᐊᑐᐃᓐᓇᕈᕐᑎᖃᑦᑕᓗᓂᓗ ᐸᕐᓇᓯᒪᐅᑎᓂᒃ ᓱᑎᑦᓯᒍᑎᑦᓴᓂᒃ, ᑲᐃᓪᓗᑐᖃᑦᑕᓗᒍ ᐃᑲᔪᕐᓗᒍᓗ ᐃᓕᓐᓂᐊᑎ ᒋᐊᖃᓪᓚᕆᓕᑐᐊᕈᓂ;

• ᐸᕐᓇᐃᓂᖅ, ᓴᐳᑎᓯᒪᑦᓯᐊᓇᕐᑐᓄᑦ ᓱᑎᑦᓯᒍᑎᓄᑦ ᐃᓕᓐᓂᐊᑎᒥᒃ ᐃᑲᔪᕐᓯᒪᒐᔭᕐᑐᒥᒃ ᐱᕙᓪᓕᐊᓂᕐᒧᑦ ᐱᒍᓐᓇᓂᓕᒫᕐᒥᓄᑦ;

• ᐱᓇᓱᖃᑎᒋᖏᓐᓇᖃᑦᑕᓗᒋᑦ ᐃᓕᓐᓂᐊᑎᑦᓯᔩᑦ ᐱᓪᓗᑯᒋᐊᓕᓕᕆᔩᓪᓗ ᐃᓕᓐᓂᐊᑎᑦᓯᔩᓪᓗ ᐱᒋᐅᕐᓴᑎᑕᐅᓂᖏᑦᑕ ᐃᑲᔪᕐᑎᖓ ᐊᓯᖏᓐᓂᓗ ᐱᓇᓱᑦᑎᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᐅᓪᓗ ᐱᓪᓗᑯᒋᐊᓕᓕᕆᓂᕐᒥ ᐃᓕᓐᓂᐊᓂᓕᕆᓂᕐᓂᒃ ᐱᓪᓗᑯᒋᐊᓕᓕᕆᔩᑦ ᐃᑲᔪᕐᑎᖏᓐᓂᒃ;

• ᐃᓚᐅᖃᑕᐅᖃᑦᑕᓗᓂ ᖃᐅᔨᓴᕐᓂᓄᑦ ᖃᐅᔨᒪᑎᑦᓯᓂᕐᒧᑦ ᐃᓕᓐᓂᐊᑎᐅᑉ ᐱᒍᓐᓇᓯᔭᕕᓂᖏᓐᓂᒃ ᐊᓯᖏᓐᓄᑦ ᐱᓇᓱᑦᑎᓄᑦ ᐊᖓᔪᖅᑳᖏᓐᓄᓗ ᕿᑐᕐᖓᐅᑉ;

• ᐃᓚᐅᓪᓗᑎᑦ ᓱᒃᑫᑐᓐᓂ ᐃᓕᓭᓲᓐᓂᑦ ᑲᑎᖕᖓᔨᓐᓂ

• ᐅᖄᖃᑎᒌᓪᓗᑎᑦ ᐱᕙᓪᓕᐊᓂᒻᒥ IPS

• ᓴᐳᒻᒥᓗᓂ ᓄᓇᓕᐅᑉ ᐱᓇᓱᑦᑎᖏᓐᓂ ᓱᒃᑫᑐᒻᒥ ᐃᓕᓭᔨᓐᓂ

• ᐊᑐᑎᑐᐃᓐᓇᒋᐊᓕᖅ ᐃᓕᓭᓗᓂ ᖃᐅᔨᒪᖕᖏᓂᕐᓴᓂᒃ ᐊᑕᐅᑦᓯᑰᑦᑎᓯᓐᓂᓗ ᐱᓇᓱᒐᒻᒥ ᐊᒻᒪᓗ ᓴᐳᒻᒥᔨᓐᓂ ᐱᓇᓱᑦᑎᓂ ᐊᑑᑎᓪᓗᓂ ᐱᔭᑦᓴᓂ ᐃᓚᖃᕐᑎᓗᒍ ᐱᓇᓱᒐᓐᓂ ᐃᓚᐅᔪᓐᓂ ᖃᕆᑕᐅᔭᓕᕆᓂᐅᑉ ᐃᖏᕐᕋᓂᖓ ᐱᓇᓱᑦᑎᒃ ᐃᒻᒥᓂ ᐸᑦᓯᑎᒐᑦᓴᐅᑎᓪᓗᒍ

• ᐃᑲᔪᕐᓯᒪᖃᑦᑕᑐᐃᓐᓇᕆᐊᓕᒃ ᕿᑐᕐᖓᐅᑉ ᑭᙴᒪᒋᔭᖏᒍᑦ ᑎᒥᖓᑕ, ᐆᑦᑑᑎᒋᓗᒍ ᐊᓐᓄᕌᕆᓂᖅ, ᓂᕆᓂᒃᑯᑦ, ᖁᕐᕕᒦᓐᓂᑯᑦ, ᐊᐅᓚᓂᖏᓐᓄᑦ ᐃᓕᓐᓂᐊᕕᒻᒥᒃ ᐊᖏᕐᕋᒧᑦ ᐊᐃᑉᐹᒍᓪᓘᓃᑦ ᐊᓯᖏᓪᓗ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒋᐊᓪᓚᒥ ᐱᔭᕇᕐᓯᒪᓗᓂ ᐱᓪᓗᑯᒋᐊᓕᓕᕆᓂᕐᒥ ᐃᓕᓐᓂᐊᓂᓕᕆᓂᕐᒥᒃ

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐱᓇᓱᐊᕐᓯᒪᓗᓂ ᐅᕝᕙᓗᓘᓐᓃᑦ ᑲᖐᒋᔭᖃᕐᓗᓂ ᐃᓕᓐᓂᐊᑎᑦᓯᓂᕐᒥ ᐱᐅᓯᐅᓪᓗᑯᙱᑐᒃᑯᑦ ᑭᙴᒪᒋᔭᓕᓐᓂᒃ ᕿᑐᕐᖓᓂᒃ; ᐃᓄᒃᑎᑑᒍᓐᓇᓯᐊᕐᓗᓂ ᐊᓪᓚᒍᓐᓇᓯᐊᕐᓗᒍᓗ;

• ᖃᓪᓗᓈᑎᑑᒍᓐᓇᓗᓂ ᐅᐃᒍᐃᑎᑐᓪᓘᓃᑦ ᐃᑉᐱᒍᓱᒋᐊᖃᑐᐊᕈᓂ ᐅᖃᐅᓯᐅᑉ ᐊᐃᑉᐱᐅᑎᖓᓂ ᐃᓕᓐᓂᐊᕆᐊᖃᓕᕐᐸᑕ;

• ᐱᓇᓱᑦᑎᓂᒃ ᐱᓇᓱᖃᑎᖃᑦᓯᐊᒍᒪᓂᖃᕐᓗᓂ ᐃᓕᓐᓂᐊᕕᒻᒥᓗ ᐱᓇᓱᑦᑎᓂᒃ.

• ᐱᓀᓗᑕᕐᓂᒃ-ᐋᖅᑭᓱᐃᒍᓐᓇᓂᖃᕐᓗᓂ ᐊᒻᒪᓗ ᓱᖑᐃᑎᓂᖃᑦᓯᐊᕈᓐᓇᓗᓂ ᖃᓄᐃᓕᖓᐅᓯᕆᔭᐅᔪᓄᑦ ;

• ᐱᐅᓯᕆᔭᐅᔪᓂᒃ ᐊᐅᓚᑦᓯᒍᓐᓇᓂᖃᕐᓗᓂ;

• ᐱᓇᓱᑦᓯᒪᓗᓂ ᓄᓇᕕᒻᒥ (ᐱᐅᔫᒐᔭᕐᑐᖅ);

ᐱᓇᓱᐊᕐᓂᖓᑕ ᐅᓪᓗᖁᑎᖏᑦ: 35 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᒥᒃ ᓂᕿᑦᓯᑐᒧᑦ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4207-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $24.78 -ᓂᑦ $35.67 -ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ

• ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: ᐊᑐᐃᓐᓇᖅ ᐃᓐᓄᑕᐅᖕᖏᓂᓕᒫᕐᒥᓂ

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ:

1. ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ SPECED2507-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.