ᐃᓕᓐᓂᐊᑎᓂᒃ ᐃᓱᐊᕐᓭᔨᒥᒃ ᐃᑲᔪᕐᑎ - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ.

ᐊᖓᔪᕐᖄᖃᕐᓗᓂ ᐱᒍᑦᔨᒋᐊᓪᓛᒍᑎᓂᒃ ᐊᒻᒪᓗ ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓂᒧᑦ ᐱᓇᓱᕝᕕᒥ ᑐᑭᒧᐊᑦᑎᓯᔨᒥᒃ ᐃᓕᓐᓂᐊᑎᓂᒃ ᐃᓱᐊᕐᓭᔨᒥᒃ ᐃᑲᔪᕐᑎ ᑲᒪᒋᔭᑦᓴᖃᖃᑦᑕᓚᖓᔪᖅ ᓱᒃᑯᓚᕿᑎᑦᓯᑌᓕᓂᕐᒥᒃ, ᖃᐅᔨᒪᔭᐅᑎᑦᓯᒍᑎᓂᒃ, ᓱᕐᖁᐃᓯᓂᕐᒥᒃ ᖃᓄᐃᓕᒋᐊᕐᑎᐅᓗᓂᓗ ᐃᓕᓐᓂᐊᑏᑦ ᐃᓅᖃᑎᒌᓐᓂᒥ ᑭᖕᖒᒪᒋᔭᖏᓐᓄᑦ.  ᐃᓕᓐᓂᐊᑎᓂᒃ ᐃᓱᐊᕐᓭᔨᐅᑉ ᐃᑲᔪᕐᑎᖓ ᐱᒍᓐᓇᐅᑎᓕᒃ ᐱᓇᓱᖃᑎᖃᖃᑦᑕᓚᖓᔪᖅ ᓄᓇᓕᓕᒫᓂ ᓄᓇᓕᒻᒥᓗ ᐃᓕᓐᓂᐊᑎᓂᒃ ᐃᑲᔪᕐᑎᓂᒃ, ᐊᓯᖏᓐᓂᓗ ᐃᓕᓐᓂᐊᑎᓂᒃ ᐃᓱᐊᕐᓭᔨᓂᒃ, ᐃᓕᓐᓂᐊᕕᓐᓂ ᐱᓇᓱᑦᑎᓂᒃ ᐃᓕᓐᓂᐊᓂᕐᒥ ᐊᕐᖁᓯᐅᕐᓂᖏᓐᓂᒃ ᐱᕈᕐᐸᓕᐊᓂᖏᓐᓂᓗ ᓇᒻᒥᓂᖅ ᐃᓅᖃᑎᒌᓐᓂᖏᓐᓂᓗ.

ᑕᒡᒐᓂ ᐃᓂᒥ ᐱᓇᓱᐊᕐᑐᖅ ᒪᑯᓂᖓ ᑲᒪᒋᔭᖃᓗᐊᖕᖑᐊᓛᕐᑐᖅ:

ᐃᓂᖓ ᐱᓇᓱᐊᕆᐊᓕᖏᓪᓗ:

·       ᐃᓕᓐᓂᐊᑏᑦ ᐃᓄᑑᑎᓪᓗᒋᑦ ᐃᒻᒥᒎᕐᑎᓗᒋᓪᓗ ᑲᑎᖃᑦᑕᓗᒋᑦ ᐃᑉᐱᓂᐊᕐᓂᒥᒍᑦ ᖃᓄᐃᓕᖓᓂᖏᓐᓂᒃ ᖃᐅᔨᓴᕐᓗᓂ ᐊᒻᒪᓗ ᐃᓱᒪᕐᓱᓯᐊᕐᓂᖏᓐᓂᒃ ᖃᐅᔨᓴᕐᓂᒧᑦ;

·       ᓱᒋᐊᕈᑎᒋᖃᑦᑕᓗᒋᑦ ᐃᓕᓐᓂᐊᑏᑦ ᐊᑦᑕᓇᕐᑐᒦᑐᐃᓐᓇᕆᐊᓖᑦ ᐃᓅᖃᑎᒌᓐᓂᒥᓐᓂ ᐸᕐᓀᕈᑎᒋᓗᒍᓪᓗ ᐊᑯᓐᓂᖁᑦᓯᐅᑎᓂᕐᒧᑦ ᐃᓱᐃᑦᑐᒨᑐᐃᓐᓇᕆᐊᖃᕐᓂᖓᓂᒃ ᓄᖑᑎᑦᓯᒋᐊᕐᓂᒧᑦ ᐃᓕᓐᓂᐊᑎᓂᒃ ᐃᑲᔪᕐᑎᒥᒃ ᐃᓚᖃᕐᓗᓂ;

·       ᐱᓇᓱᖃᑎᒋᓗᒋᑦ ᐃᓕᓐᓂᐊᕕᒻᒥ ᐱᓇᓱᑦᑏᑦ ᐸᕐᓀᕈᑎᖃᕐᓂᒧᑦ ᐱᓂᕐᓗᑌᒪᓕᒍᑎᓄᓪᓗ ᓱᓇᓱᐊᕐᑎᑦᓯᒍᑎᑦᓴᓂᒃ ᖁᐊᕐᓵᓇᕐᑐᑰᕐᓯᒪᓂᕐᒥᒃ ᑐᑭᓯᒪᔪᕐᑎᒍᑦ ᐃᓕᓐᓂᐊᑏᑦ ᐃᓅᖃᑎᒌᓂᑦ, ᐃᑉᐱᓂᐊᕐᓂᑯᑦ ᐃᓱᒪᑦᓯᐊᓂᒃᑯᓗ ᐃᑲᔪᕐᓯᔭᐅᒍᑎᒋᓚᖓᔭᖏᓐᓂᒃ;

·       ᑕᕐᕿᑕᒫᕐᓯᐅᑏᑦ ᐊᓪᓚᒍᑎᒋᖃᑦᑕᓗᒋᑦ ᖃᓄᐃᓕᒋᐊᕆᒍᑏᑦ ᐃᓕᓐᓂᐊᑎᓅᓕᖓᔪᑦ ᐊᓪᓚᖁᑎᖏᑦ ᑭᓇᒃᑯᑐᐃᓐᓇᓄᑦ ᐅᖃᔭᕈᑎᐅᒋᐊᖃᖕᖏᑐᑦ ᐊᑦᔨᖏᓐᓂᓗ ᐊᐅᓪᓚᑎᑦᓯᕕᒋᓗᒋᑦ ᐱᒍᑦᔨᒋᐊᓪᓛᕕᒃᑯᑦ;

·       ᐱᒋᐅᕐᓴᑎᑦᓯᓂᖃᕐᓗᓂ ᑲᔪᓯᔪᒥᒃ ᐃᑲᔪᕐᓯᓗᓂᓗ ᐃᓕᓐᓂᐊᑏᑦ ᐃᓱᐊᕐᓭᔨᖏᓐᓂᒃ ᓄᓇᓕᓐᓂ;

·       ᐱᑐᑦᓯᒪᖃᑎᒌᑦᓯᐊᓂᕐᑖᑎᑦᓯᓗᓂ ᓄᓇᓕᒻᒥ ᐱᓇᓱᕝᕕᓂᒃ;

·       ᐱᓇᓱᑦᑕᐅᓴᐅᑎᒋᒋᐊᓕᓐᓂᒃ ᐅᐃᒪᓇᕐᓯᔪᖃᕐᓂᐸᑦ ᐃᓕᓐᓂᐊᕕᒻᒥ ᐊᒻᒪᓗ/ᐅᕝᕙᓘᓐᓃᑦ ᓄᓇᓕᒻᒥ, ᐊᐅᓚᑦᔦᓗᓂ ᐃᑲᔪᕐᓗᓂᓗ ᑲᑎᕕᒃ ᐃᓕᓴᕐᓂᓕᕆᓂᒥ ᐅᐃᒪᓇᕐᑐᓄᑦ ᐱᓇᓱᑦᑕᐅᒋᐊᓖᑦ ᐱᓇᓱᑦᑕᐅᒍᓯᐅᒋᐊᓕᓐᓂᒃ;

·       ᕿᑐᕐᖓᓕᓐᓂᒃ ᑲᒪᔨᒋᔭᐅᔪᓂᓪᓘᓃᑦ ᓱᓇᓱᐊᕐᑎᓯᒍᑎᐅᔪᓄᑦ, ᐱᓇᓱᐊᕐᑕᐅᔪᓄᑦ ᖃᓄᐃᓕᒋᐊᕆᒍᑎᐅᔪᓄᓪᓗ ᐃᓚᐅᑎᑦᓯᖃᑦᑕᓗᓂ ᐱᕕᖃᓕᑐᐊᕐᐸᑦ;

·       ᖃᐅᔨᒋᐊᕐᕕᖃᖃᑦᑕᓗᓂ ᐃᓕᓐᓂᐊᑎᑦᓯᔨᓂᒃ ᒪᒥᓴᕈᓐᓇᐅᑎᓕᓐᓂᑦ ᐃᓕᓐᓂᐊᑎᑦᓯᕕᓐᓂᑦ ᐱᓇᓱᒍᓯᕐᓂᒃ ᖃᓄᐃᓘᕈᑎᑦᓴᖃᕈᑎᓂᓪᓗ ᓈᒻᒪᓈᕐᑐᓂᒃ;

·       ᐱᓇᓱᖃᑦᑕᓗᓂ ᐊᓯᒋᐊᓪᓚᖏᓐᓂᒃ ᐱᓇᓱᒋᐊᓕᓐᓂᒃ ᑎᓕᔭᐅᒍᑎᒥᓂᒃ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᒥᒃ ᓯᕗᓪᓕᐹᒥᒃ ᐱᔭᕇᕈᓯᕐᑕᐅᓯᒪᓗᓂ ᑕᒡᒐᓂ ᐃᓂᒥ ᐱᒍᓐᓇᐅᑎᒋᔭᐅᒋᐊᓕᓐᓄᑦ ᐱᑐᑦᓯᒪᓂᖃᕐᑐᒥᒃ ᐆᒥᖓ ᐃᓱᒪᖓᑎᒍᑦ ᐃᓕᓐᓂᐊᓂᓕᕆᓂᖅ, ᐃᓄᓕᕆᓂᖅ, ᐃᓅᓱᑦᑐᓅᓕᖓᔪᓂᒃ ᐱᓇᓱᐊᕐᓂᖅ, ᐊᓯᖏᓪᓗ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ.

ᐊᑐᕈᓐᓇᕆᐊᓕᖏᑦ:

·       ᐅᖃᐅᓰᕐᓂᒃ ᐱᔪᓐᓇᑕᖃᑦᓯᐊᓗᓂ ᐱᖓᓱᑦ ᓇᓪᓕᖏᓐᓂᒃ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᖏᓐᓂᒃ (ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ);

·       2-ᓂ ᐊᕐᕌᒎᓐᓂᒃ ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ;

·       ᐱᓇᓱᐊᕐᓯᒪᓗᓂ ᐅᕕᒃᑫᑦ ᓱᖃᑦᓯᕕᖏᓐᓂ, ᐅᕕᒃᑫᑦ ᑎᒍᔭᐅᒪᕕᖏᓐᓂ, ᓴᓗᐊᕐᓯᕕᒻᒥᓘᓐᓃᑦ ᐱᐅᔫᒐᔭᕐᑐᖅ;

·       ᐅᑭᐅᕐᑕᑐᒥ ᐱᓇᓱᐊᕐᓯᒪᒍᓂ ᓱᓇᑐᐃᓐᓇᒥᒃ ᐱᐅᔫᒐᔭᕐᑐᖅ;

·       ᐃᓚᐅᖃᑕᐅᕕᖃᕈᓂ ‘Ordre des psychologues du Québec’ -ᑯᓐᓄᑦ, ‘Ordre professionnel des travailleurs sociaux du Québec’-ᑯᓐᓄᓘᓐᓃᑦ ᐱᐅᔫᒐᔭᕐᑐᖅ;

·       ᐃᓕᓐᓂᐊᕕᒻᒥ ᐳᕐᑐᓂᕐᓴᒥ DEC-ᒥᒃ ᐱᔭᕇᒍᑎᖃᕐᓗᓂ ᐱᓪᓗᑯᒋᐊᓕᓐᓂᒃ ᑲᒪᒋᔭᖃᕐᓂᒥᒃ (ᐱᐅᔪᖁᑎᒋᔭᖅ)

ᐱᓇᓱᐊᕐᓂᖓ:  35-ᓂᑦ ᑫᕙᓪᓚᒍᓯᕐᓂᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᓂᑦ ᓂᕿᑦᓯᑐᓄᑦ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2106-ᒥᒃ ᐱᓇᓱᕝᕕᖃᕋᔭᕐᑐᖅ : $54,442-ᓂᑦ $93,306-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.