ᐱᖕᖑᐊᓂᓕᕆᓂᕐᒥᒃ ᑐᑭᒧᐊᑦᑎᓯᔨ - KRG

ᐱᓇᓱᒐᖅ ᐊᑐᐃᓐᓇᕈᕐᑐᑦ

ᑲᑎᕕᑦ ᓄᓇᓕᓕᒫᑦ ᑲᕙᒪᖓ (KRG), ᐊᒥᓱᐃᓕᖓᔪᓂᒃ ᑲᕙᒫᐱᓕᕆᓂᕐᒥᒃ ᑎᒥᐅᔪᖅ ᑲᒪᒋᔭᖃᕐᓱᓂ ᓄᓇᖓᓂᒃ ᑯᐯᒃᒥ ᑕᕐᕋᖓᓃᑦᑐᓂᒃ 55. ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᕿᓂᓕᕐᒥᔪᑦ ᐆᒻᒪᕿᑦᑐᓯᐊᒥᒃ ᐊᒻᒪᓗ ᑲᑦᓱᙰᑦᑐᒥᒃ ᐱᓇᓱᑦᑐᓴᒥᒃ ᑰᑦᔪᐊᒥ, ᐃᒣᓘᕐᑎᐅᒐᔭᕐᑎᓗᒍ:

ᐱᖕᖑᐊᓂᓕᕆᓂᕐᒥᒃ ᑐᑭᒧᐊᑦᑎᓯᔨ

(ᐊᑌᓐᓇᑐᖅ - ᐃᓗᐃᑦᑐᖅ)

ᐊᖓᔪᕐᖄᖃᕐᓗᓂ ᑲᒪᔨᒻᒪᕆᖓᑕ ᐱᖕᖑᐊᓂᓕᕆᓂᐅᑉ, ᐱᖕᖑᐊᓂᓕᕆᓂᕐᒥᒃ ᑐᑭᒧᐊᑦᑎᓯᔨ ᐅᑯᓂᖓ ᑲᒪᒐᑦᓴᖃᕋᔭᕐᑐᖅ, ᑖᒃᑯᑑᑎᓐᓇᒋᓗ, ᐅᑯᓂᖓ ᐱᓇᓱᒐᑦᓴᓂᒃ:

•  ᐃᑲᔪᖃᑦᑕᓗᒍ ᐱᑦᔪᔨᕕᐅᑉ ᑲᒪᔨᒻᒪᕆᖓ ᐃᓂᓪᓚᑎᕆᓂᖓᓂᒃ ᐊᐅᓚᑦᓯᓂᓕᕆᓂᖓᓂᓪᓗ ᐊᑦᔨᒌᖕᖏᑐᓂᒃ ᐱᖕᖑᐊᓂᓕᕆᓂᐅᑉ ᐱᓇᓱᐊᒐᑦᓴᖏᓐᓅᓕᖓᔪᓂᒃ;
•  ᐱᕙᓪᓕᐊᑎᓗᒋᑦ, ᐊᑐᓕᕐᑎᓗᒋᓗ ᐊᒻᒪᓗ ᐃᓘᓐᓈᒍᑦ ᐊᐅᓚᑦᓯᓂᓕᕆᖃᑦᑕᓗᓂ ᓄᑖᓂᒃ ᒫᓐᓇᓂᑕᕐᓂᓗ ᓄᓇᓕᓕᒫᓄᐊᖓᔪᓂᒃ ᐱᖕᖑᐊᓂᓕᕆᓂᐅᑉ ᓱᖃᑦᓯᐅᑎᑦᓴᖏᓐᓂᒃ ᐃᓅᓱᑦᑐᓄᑦ;
•  ᐊᑐᐃᓐᓇᕈᕐᑎᖃᑦᑕᓗᒋᑦ ᐃᓘᓐᓇᖏᑦ ᑮᓇᐅᔭᓂᒃ ᑐᑦᓯᕋᐅᑎᓕᐊᕕᓃᑦ, ᐅᑎᕐᕕᖃᖃᑦᑕᓗᓂ ᓄᑕᐅᓯᓕᕆᖃᑦᑕᓗᓂᓗ ᐃᓘᓐᓇᖏᓐᓂᒃ ᐊᑐᕆᐊᓕᓐᓂᒃ ᐅᕕᒃᑲᓅᓕᖓᔪᓂᒃ ᐱᖕᖑᐊᓂᓕᕆᓂᕐᒧᑦ ᐱᓇᓱᐊᒐᑦᓴᐅᔪᓂᒃ;
•  ᐃᑲᔪᖃᑦᑕᓗᓂ ᒫᓐᓇᓯᐅᑎᓂᒃ ᓄᓇᓕᓕᒫᓄᑦ ᐱᓇᓱᐊᒐᑦᓴᐅᑎᑕᐅᔪᓂᒃ ᑐᑭᒧᐊᑦᑎᓗᒋᑦ ᐊᐅᓚᑦᓯᓂᓕᕆᓂᒃᑯᓗ ᑲᒪᒋᖃᑦᑕᓗᒋᑦ ᓄᓇᓕᓕᒫᓄᑦ ᐱᓇᓱᐊᒐᑦᓴᐅᑎᑕᐅᔪᑦ ᐆᑦᑑᑎᒋᓗᒋᑦ, ᐅᑭᐅᕐᑕᑐᒥᒃ ᐅᑭᐅᒃᑯᑦ ᐱᖕᒍᐊᓂᕐᔪᐊᑦ, ᐅᑭᐅᕐᑕᑐᒥᑦ ᐅᐱᕐᖔᑯᑦ ᐱᖕᖑᐊᓂᕐᔪᐊᑦ, ᓯᕿᓂᖅ, ᐊᓯᖏᓐᓂᓗ;
•  ᐃᑲᔪᖃᑦᑕᓗᓂ ᐊᑐᐃᓐᓇᕈᕐᑎᕆᓂᒃᑯᑦ ᑐᓂᓯᓂᒃᑯᑦ ᓄᓇᕕᐅᑉ ᐃᓚᐅᓂᖏᓐᓂᒃ ᒫᓐᓇᓯᐅᑎᓂᒃ ᓄᓇᓕᓕᒫᓄᑦ ᐱᓇᓱᐊᒐᑦᓴᐅᑎᑕᐅᔪᓂᒃ;
•  ᑐᑭᒧᐊᑦᑎᓗᒋᑦ ᐱᑦᔪᔨᕕᐅᑉ ᐱᓇᓱᑦᑎᖏᑦ, ᐱᐅᓱᕐᓯᐅᑎᐅᖕᖏᑐᒃᑯᑦ ᐱᓇᓱᐊᒐᑦᓴᓂᒃ ᐅᓪᓘᑉ ᐃᓓᓐᓇᖓᓂᒃ ᐱᓇᓱᑦᑏᑦ, ᓄᓇᓕᐅᑉ ᐱᖕᖑᐊᑎᑦᓯᔨᖏᑦ, ᐊᓯᖏᓪᓗ;
•  ᐅᑎᕐᕕᒋᖃᑦᑕᓗᒋᑦ ᐊᑐᓕᕐᑎᑕᐅᒍᑎᕕᓂᖏᑦ ᐃᓅᓱᑦᑐᐃᑦ ᐱᖕᖑᐊᓂᓕᕆᓂᕐᒧᑦ ᐱᓇᓱᐊᒐᑦᓴᖏᑦ ᐱᓇᓱᖃᑎᒋᓗᒋᑦ ᑲᑎᕕᒃ ᐃᓕᓴᕐᓂᓕᕆᓂᖅ, ᑲᕙᒫᐱᒃᑯᑦ ᐊᒻᒪᓗ ᐊᓯᖏᓐᓂᒃ ᓄᓇᓕᓕᒫᑦ ᑎᒥᖏᖁᑎᖏᑦᑕ ᐃᓚᐅᔪᓄᑦ;
•  ᖃᐅᔨᒋᐊᕐᕕᒋᖃᑦᑕᓗᒋᑦ ᐊᒻᒪᓗ ᑲᔪᓯᑎᑦᓯᐊᓗᒋᑦ ᐱᓇᓱᖃᑎᒌᓐᓂᖏᑦ ᓄᓇᓕᓕᒫᑎᒍᑦ, ᑯᐯᒃᑯᓗ ᐊᒻᒪᓗ ᐅᕝᕙᓗᓘᓐᓃᑦ ᑲᕙᒪᑐᖃᒃᑯᑦ ᐱᓇᓱᐊᒐᑦᓴᖏᑦ ᐊᑦᑐᐊᔪᑦ ᐃᓅᓱᑦᑐᐃᑦ ᐱᖕᖑᐊᓂᓕᕆᔭᐅᒍᑎᖏᑦ ᓄᓇᕕᒻᒥᒃ;
•  ᐱᓇᓱᐊᖃᑦᑕᓗᒋᑦ ᐊᓯᖏᑦ ᐱᓇᓱᐊᒐᑦᓭᑦ ᐱᓇᓱᐊᕐᑕᐅᖁᔭᐅᔪᑦ ᑲᒪᔨᒻᒪᕆᒻᒧᑦ.

ᐱᒍᓐᓇᐅᑎᕆᒋᐊᓕᖏᑦ

•  ᐃᓕᓐᓂᐊᕕᒻᒪᕆᒻᒥᒃ ᐃᓕᓐᓂᐊᕕᕐᔪᐊᒥᓘᓐᓃᑦ ᐱᔭᕇᒍᑎᖃᕐᓗᓂ ᐱᖕᖑᐊᓂᓕᕆᓂᕐᒥᒃ ᐅᕝᕙᓘᓐᓃᑦ ᐃᓕᓐᓂᐊᓂᓕᕆᓂᕐᒥᒃ ᐱᓇᓱᐊᕐᓯᒪᓂᕐᓗ ᐊᑦᔨᐸᓱᖏᓐᓂᒃ ᐃᓱᒪᒋᔭᐅᒐᔭᕐᒥᔪᑦ;
•  ᐃᑭᓐᓂᐸᐅᓗᑎᑦ ᐱᖓᓱᓂᕐ ᐊᕐᕌᒍᕐᓂᒃ ᐱᓇᓱᐊᕐᓯᒪᓂᖓ;
•  ᐊᓪᓚᕈᓐᓇᓗᓂ ᐅᖃᕈᓐᓇᓗᓂᓗ ᐱᓇᓱᓐᓂᐅᑉ ᐅᖃᐅᓯᖏᓐᓂᒃ ᒪᕐᕉᓴᓚᐅᕐᐸᓃᒃ ᐅᖃᕈᓐᓇᑕᖏᑦ ᐅᖃᐅᓰᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓘᓐᓃᑦ ᐅᐃᒍᐃᑎᑐᑦ;
•  ᐃᕐᖃᑐᕐᑕᐅᒍᑎᕕᓂᖃᕆᐊᖃᖕᖏᑐᖅ ᑖᓐᓇ ᐱᓇᓱᒐᖅ;
•  ᐱᓇᓱᒍᓐᓇᓯᐊᕐᓗᓂ ᖃᕆᑕᐅᔭᓕᕆᐅᑎᓂᒃ;
•  ᑕᑎᒋᓇᕐᑑᓗᓂ, ᐃᒻᒥᓂᕐᓱᕈᓐᓇᓯᐊᕐᓗᓂ ᐊᒻᒪᓗ ᐱᓇᓱᒍᓐᓇᓗᓂ ᐅᖁᒣᑦᑐᑎᒍᑦ ᐊᒻᒪᓗ ᓲᖑᔪᑦᓯᐊᒥᒃ ᑐᓴᐅᒪᖃᑎᒌᓐᓂᒥᒃ ᐱᒍᓐᓇᓂᖃᕐᓗᓂ;
•  ᐊᑐᐃᓐᓇᐅᖃᑦᑕᓗᓂ ᐊᕐᕕᑕᕐᓂᒥᕐ ᓄᓇᕕᒻᒥᑦ ᐊᓯᐊᓄᓪᓗ.

ᐱᓇᓱᒐᐅᑉ ᓇᓃᓐᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓪᓗᒋᑦ: $ 87 947/ᐊᕐᕌᒍᑕᒫᑦ, ᐊᒥᓲᓂᕐᐸᐅᑎᓪᓗᒋᑦ:$ 120 935/ᐊᕐᕌᒍᑕᒫᑦ ᑐᖕᖓᕕᒋᓗᒋᑦ 35 ᑫᕙᓪᓚᒍᓰᑦ/ᐱᓇᓱᐊᕈᓯᑕᒫᑦ

ᐊᓯᖏᑦ ᐱᕚᓪᓕᖁᑎᑦᓴᖏᑦ: ᐊᑭᑐᔪᕐᒥᐅᖑᒍᑏᑦ ᐋᕐᕿᑕᐅᓯᒪᒍᑎᖏᑦ: ᐃᑭᓐᓂᐸᐅᑎᓪᓗᒋᑦ $8 500/ᐊᕐᕌᒍᑕᒫᑦ

ᓂᕿᓄᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐸᐅᑎᓪᓗᒋᑦ $4 216/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐊᐅᓪᓚᕈᓐᓇᐅᑏᑦ: ᐊᒥᓲᓂᕐᐸᐅᑎᓪᓗᒋᑦ 3 ᐃᓄᐃᑦ ᐃᓕᒃᑯᑦ ᐊᕐᕌᒍᑕᒫᑦ

ᐃᑦᑑᒍᑎᑖᕐᑕᕈᑎᑦᓭᑦ: RRSP

ᐊᒥᓱᐃᑎᒍᑦ ᐃᒻᒪᖃᐅᑏᑦ

ᓄᕐᖃᖓᑫᓐᓇᕈᓐᓇᓃᑦ: 20 ᐅᓪᓗᐃᑦ/ᐊᕐᕌᒍᑕᒫᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᐱᓇᓱᓐᓇᐅᑉ ᐅᖓᑖᓄᒃ ᐱᓇᓱᑦᑯᕕᓂᐅᓕᕈᓂ

ᕿᑲᕐᓀᑦ ᐅᓪᓗᖏ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖑᓕᕐᐸᑦ

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᐊᐅᒡᒍᓯ 14, 2025-ᒥ:

Human Resources

Kativik Regional Government

P.O. Box 9

Kuujjuaq QC JOM 1CO

Fax: (819) 964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ-ᐱᕕᑦᓴᖃᕐᑎᓯᓂᕐᒥᒃ ᐱᓇᓱᑦᑎᓯᔨᐅᕗᑦ. ᑖᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ

ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᐅᓯᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᖁᕝᕙᒋᐊᕆᒐᓱᐊᕐᓂᒧᑦ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ

ᐱᓇᓱᒐᕐᑖᕋᓱᐊᕐᑐᓂᒃ

ᐱᓇᓱᒐᕐᑖᕋᓱᐊᕐᑐᐃᑦ ᑎᒃᑯᐊᑕᐅᔪᐃᑦ ᑭᓯᐊᓂ ᐊᐱᕐᓲᔭᕐᑕᐅᓛᕐᓂᒥᓄᑦ ᖃᐅᔨᑎᑕᐅᓛᕐᑐᑦ.