ᓄᓇᕕᒻᒥ ᐸᐃᕆᑦᓯᕕᓕᕆᔨ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑲᓄᑲ), ᓄᓇᓕᓐᓂ ᑎᒥᐅᔪᑦ ᖁᓛᓃᑦᑐᖅ ᓄᑭᖃᕐᕕᖃᕐᓱᓂ ᓄᓇᒥᒃ ᑕᕐᕋᒥ 55 ᖁᓛᓃᑦᑐᒥᒃ, ᒫᓐᓇ ᕿᓂᕐᖁᖅ ᓇᒻᒥᓂᖅ ᑲᑦᓱᖓᐃᓕᓴᕐᓯᒪᔪᒥᒃ ᐊᒻᒪᓗ ᐆᒻᒪᕆᑦᑐᒥᒃ ᐃᓄᒻᒥᒃ ᐃᓚᐅᒍᒪᒐᔭᕐᑐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᓇᓱᒐᔭᕐᓗᓂ ᐱᒍᓐᓇᓂᕐᒥᒃ ᐆᒥᖓ:

ᓄᓇᕕᒻᒥ ᐸᐃᕆᑦᓯᕕᓕᕆᔨ

(ᐅᓪᓗᓕᒫᕐᓯᐅᑎ ᐱᓇᓱᒐᖅ)

ᑐᓴᕐᑎᓯᖃᑦᑕᓗᓂ ᐸᐃᕆᑦᓯᕕᓕᕆᓂᐅᑉ ᑐᑭᒧᐊᑦᑎᓯᔨᖓᑕ ᐃᑲᔪᕐᑎᖓᓂᒃ, ᓄᓇᕕᒻᒥ ᐸᐃᕆᑦᓯᕕᓕᕆᔨ ᐃᑲᔪᖃᑦᑕᓛᕐᑐᖅ ᐸᐃᕆᑦᓯᕕᓐᓂᒃ ᐊᑐᐃᓐᓇᐅᑎᑦᓯᓗᓂ ᐱᒍᓐᓇᑐᓪᓚᕆᐅᓂᕐᒥᒃ ᐊᒻᒪᓗ ᐱᓪᓗᑯᒋᐊᓕᒻᒨᓕᖓᔪᓂᒃ ᐃᑲᔪᕐᑐᐃᒍᑎᓂᒃ ᐊᒻᒪᓗ ᐅᖃᐅᑦᔪᐃᒋᐊᖃᑦᑕᓗᓂ ᑲᑎᒪᔨᖏᓐᓂᒃ ᐱᓇᓱᑦᑎᖏᓐᓂᓗ ᐸᐃᕆᑦᓯᕖᑦ.

ᑲᒪᒋᒋᐊᓕᖏᑦ:

• ᑐᑭᓯᒋᐊᕈᑎᑦᓴᓂᒃ ᐊᑐᐃᓐᓇᐅᑎᑦᓯᖃᑦᑕᓗᓂ ᐸᐃᕆᑦᓯᕕᐅᑉ ᑲᑎᖕᖓᔨᖏᓐᓄᑦ, ᐱᓇᓱᑦᑕᐃᑦ, ᐱᖁᔭᐃᑦ ᐊᒻᒪᓗ ᒪᓕᒐᖃᕐᑎᓯᒍᑏᑦ ᐊᒻᒪᓗ ᑮᓇᐅᔭᖃᕐᑎᑕᐅᓃᑦ ᒥᑦᓵᓄᑦ ᐸᐃᕆᑦᓯᕕᐅᑉ;

• ᐃᓕᓐᓂᐊᓂᕐᒥᒃ ᐊᑐᐃᓐᓇᐅᑎᑦᓯᓗᓂ ᑲᑎᖕᖓᔨᓄᑦ ᐃᓚᐅᔪᓄᑦ ᖃᑎᒪᔨᐅᓂᖏᓐᓅᓕᖓᔪᓂᒃ, ᑲᒪᒋᒋᐊᓕᖏᓐᓅᓕᖓᔪᓂᒃ, ᐋᕐᕿᓯᒪᓂᖏᓐᓅᓕᖓᔪᓂᒃ ᐊᒻᒪᓗ ᐊᐅᓚᓂᖏᓐᓅᓕᖓᔪᓂᒃ;

• ᐃᑲᔪᕐᑐᐃᓗᓂ ᐊᒻᒪᓗ ᐊᑐᐃᓐᓇᖃᕐᑎᓯᓗᓂ ᑐᑭᓯᒋᐊᕈᑎᑦᓴᓂᒃ ᑲᑎᖕᖓᔨᓄᑦ ᐱᕙᓪᓕᐊᑎᑦᓯᓂᕐᒧᑦ ᓇᒻᒥᓂᖅ ᐊᐅᓚᑦᓯᒍᓐᓇᓂᕐᒧᑦ ᒪᓕᒐᕐᓂᒃ, ᓱᖃᑦᓯᒍᑏᑦ ᐱᓇᓱᑦᑕᐅᓂᖏᓐᓂᒃ, ᑮᓇᐅᔭᓕᕆᓂᕐᓂᒃ ᐊᒻᒪᓗ ᒪᓕᒐᖏᓐᓂᒃ ᐱᑦᔪᑎᒍᓗᒍ ᐃᓘᓐᓈᒍᑦ ᐸᐃᕆᑦᓯᕕᒻᒥᒃ ᐊᐅᓚᑦᓯᓂᕐᒥᒃ;

• ᐃᑲᔪᖃᑦᑕᓗᓂ ᑕᑕᕐᓴᕆᐊᓕᓐᓂᒃ ᐱᔭᕇᕐᑎᓗᒋᑦ ᐊᒻᒪᓗ ᐊᓪᓚᖁᑎᓂᒃ ᐱᖁᔭᕐᑎᒍᑦ ᖃᓄᐃᓕᖓᓂᖓᓅᓕᖓᔪᓂᒃ ᐸᐃᕆᑦᓯᕕᐅᑉ, ᑮᓇᐅᔭᖃᕐᑎᑕᐅᓂᖓᓄᑦ ᐊᒻᒪᓗ ᐱᒍᓐᓇᐅᑎᖃᕆᐊᖃᕐᓂᖏᓐᓄᑦ;

• ᐊᑐᐃᓐᓇᐅᑎᑦᓯᓗᓂ ᑐᑭᓯᒋᐊᕈᑎᓂᒃ ᐊᒻᒪᓗ ᐃᑲᔪᕐᓂᒥᒃ ᐸᐃᕆᑦᓯᕕᐅᑉ ᑲᑎᖕᖓᔨᖏᓐᓄᑦ ᑎᑭᓴᐃᓂᕐᒧᑦ ᐱᓇᓱᒍᑎᓂᒃ ᑭᖕᖒᒪᓇᕐᑐᓂᒃ ᐊᒻᒪᓗ ᐱᐅᓕᓐᓂᐊᒐᕐᓂᒃ ᐸᐃᕆᑦᓯᕕᒻᒨᑐᑦᓴᓂᒃ;

• ᐃᑲᔪᖃᑦᑕᓗᓂ ᐊᑐᐃᓐᓇᐅᑎᑦᓯᖃᑦᑕᓗᓂᓗ ᑐᑭᓯᒋᐊᕈᑎᑦᓴᓂᒃ ᐸᐃᕆᑦᓯᕕᐅᑉ ᑲᑎᖕᖓᔨᖏᓐᓄᑦ ᐃᓪᓘᑉ ᓴᓇᔭᐅᓂᖓ, ᐋᕐᕿᓯᒪᓂᖓ ᐊᒻᒪᓗ ᐊᐅᓚᓂᖓ ᐱᑦᔪᑎᒋᓗᒍ;

• ᐃᑲᔪᕐᑐᐃᓗᓂ ᐊᑐᐃᓐᓇᖃᕐᑎᓯᓗᓂᓗ ᑐᑭᓯᒋᐊᕈᑎᓂᒃ ᐱᓇᓱᑦᑎᓕᕆᓂᐅᓲᑦ ᒥᑦᓵᓄᑦ ᐊᒻᒪᓗ ᐃᓚᐅᖃᑦᑕᓗᓂ ᐱᕙᓪᓕᐊᑎᑕᐅᓂᖏᓐᓄᑦ ᐃᓕᓐᓂᐊᕈᑏᑦ ᐸᐃᕆᑦᓯᔨᓅᓕᖓᔪᑦ;

• ᐱᓇᓱᖃᑦᑕᓗᓂ ᐊᓯᖏᓐᓂᒃ ᑖᑦᓱᒧᖓᓕᖓᔪᓂᒃ ᐱᔭᑦᓴᓂᒃ, ᕆᐊᖃᕐᓂᖓ ᒪᓕᓪᓗᒍ, ᐱᓇᓱᕝᕕᐅᑉ ᑐᑭᒧᐊᑦᑎᓯᔨᖓᓄᑦ ᑎᓕᔭᐅᒍᑎᓂᒃ.

ᐱᒍᓐᓇᐅᑎᐅᒋᐊᓖᑦ:

• ᐳᕐᑐᓂᕐᓴᒋᐊᓪᓚᒥ ᐱᔭᕇᕈᑎᖃᕐᓗᓂ ᐸᐃᕆᑦᓯᕕᓕᕆᓂᐅᑉ ᐱᕙᓪᓕᐊᑎᑕᐅᓂᖓᓅᓕᖓᔪᒥᒃ ᐊᒻᒪᓗ ᐊᐅᓚᑦᓯᓂᕐᒨᓕᖓᔪᒥᒃ (ᑖᑦᓱᒧᖓᓕᖓᔪᒥᒃ ᐱᓇᓱᓕᓂᐅᓂᖅ ᐃᓇᓱᒋᔭᐅᓛᕐᒥᔪᖅ);

• ᐊᑯᓃᖕᖏᓂᕐᐸᐅᑎᓪᓗᒍ ᒪᕐᕉᓂᒃ (2) ᐅᑭᐅᓐᓂᒃ ᐱᓇᓱᓕᓂᐅᓗᓂ ᐸᐃᕆᑦᓯᕕᓐᓂᒃ ᐊᐅᓚᑦᓯᕕᐅᓂᕐᒥᒃ ᐃᓚᐅᑎᓪᓗᒋᒃ ᐱᖁᔭᓕᕆᓃᑦ, ᐊᑑᑎᖁᔨᒍᑏᑦ, ᓇᓗᓇᐃᕐᓯᓂᖅ ᑐᓂᕐᕈᓯᐊᓂᒃ, ᑮᓇᐅᔭᑎᒍᑦ ᐃᑲᔪᕈᑏᑦ, ᐊᓯᖏᓪᓗ…;

• ᖃᐅᔨᒪᑦᓯᐊᓚᕆᓪᓗᓂ ᐱᐊᕋᐅᑉ ᐱᕈᕐᐸᓕᐊᓂᖏᑦᑕ ᑐᑭᓯᒪᒍᑎᖏᓐᓂᒃ ᐊᒻᒪᓗ ᐊᑐᕐᑕᐅᓲᓂᒃ, ᐊᑦᑕᓇᖕᖏᑐᓂᒃ ᐊᒻᒪᓗ ᓈᒻᒪᑐᓂᒃ ᓱᖃᑦᓯᒍᑎᓂᒃ ᐃᓕᓐᓂᐊᕆᐊᖕᖓᑐᑦᓴᒫᓂᒃ ᐅᑭᐅᓕᓐᓄᑦ ᐱᐊᕋᕐᓄᑦ;

• ᐃᓕᓐᓂᐊᑎᑦᓯᒍᓐᓇᓗᓂ ᐊᒻᒪᓗ ᑐᑭᓯᑎᑦᓯᒐᓱᐊᕈᓐᓇᓗᓂ ᐱᔭᕆᐊᑐᔪᓂᒃ ᐃᓗᓕᓕᓐᓂᒃ ᐊᓯᖏᓐᓄᑦ;

• ᐃᓕᕐᕈᓯᕐᒥᒃ ᖃᐅᔨᒪᓂᖅ ᐊᒻᒪᓗ ᐃᑉᐱᒍᓱᑦᓯᐊᓂᖅ;

• ᓂᐅᕕᕐᑎᓂᒃ ᐱᒍᑦᔨᒍᓐᓇᓯᐊᓪᓚᕆᓐᓂᒥᒃ ᐱᐅᓯᖃᕐᓗᓂ;

• ᖃᐅᔨᒪᑦᓯᐊᓂᖅ ᐅᑭᐅᕐᑕᑐᒥᒃ ᐃᓄᐃᓪᓗ ᐃᓂᖓᓂᒃ ᐅᓇᒻᒥᓇᕈᑎᐅᕗᖅ;

• ᖃᐅᔨᒪᓂᖅ ᐊᑦᔨᒌᖕᖏᑐᓂᒃ ᖃᕆᑕᐅᔭᒧᑦ ᐱᓇᓱᒍᑎᓂᒃ ᐃᓚᐅᑎᓪᓗᒍ Microsoft Suite;

• ᐊᓪᓚᓂᒃᑯᑦ ᐅᖄᓂᒃᑯᓗ ᖃᐅᔨᒪᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᑯᓇᓂ ᐅᖃᐅᓯᕐᓂ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒌᑎᑐᑦ;

• ᐊᕐᕕᑕᖏᓐᓇᓕᒫᕈᓐᓇᓗᓂ.

ᐱᓇᓱᒐᐅᑉ ᓇᓃᓐᓂᖓ: ᑰᑦᔪᐊᖅ, ᑯᐸᐃᒃ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $52 481 - ᐊᒥᓲᓂᕐᐹᑦ $89 256 ᐊᕐᕌᒍᑕᒫᑦ (ᐳᕐᑐᓂᖓ 8)

ᐱᕙᓪᓕᖁᑎᑖᕐᑕᕈᑏᑦ: ᐃᓅᓂᐅᑉ ᐊᑭᖓᓄᑦ ᑲᓱᖕᖏᒍᑎᓄᑦ ᐊᑭᓕᕐᑕᐅᒍᑏᑦ: ᐃᑭᓐᓂᐹᑦ $8 500/ᐊᕐᕌᒍᑕᒫᑦ

ᓂᕿᓯᒍᑎᑖᕐᑕᕈᑏᑦ: ᐃᑭᓐᓂᐹᑦ $4 216/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐊᕐᕕᑕᕈᑏᑦ: ᐃᑭᓐᓂᐹᑦ 3

ᐱᔭᕆᐊᑭᓕᑎᕐᓯᒪᔪᖅ ᐃᓄᑐᖃᐅᒍᑎᑖᕐᑕᓂᕐᒧᑦ ᐸᕐᓇᕈᑎ: 6.25% ᐱᓇᓱᕝᕕᒥᑦ, 4% ᐱᓇᓱᑦᑎᒥᑦ

ᐱᓇᓱᑦᑏᑦ ᐃᒻᒪᖃᐅᑎᖓ

ᕿᑲᑲᐃᓐᓇᕈᑏᑦ: 20 ᐅᓪᓗᐃᑦ/ᐊᕐᕌᒍᑕᒫᑦ

ᕿᑲᕐᓇᐃᑦ ᑐᑭᑖᕐᑕᐅᒪᔪᑦ ᐊᑐᕆᐊᓖᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖑᒥ ᕿᑲᕐᓇᐅᑉ ᐅᓪᓗᖏᑦ

ᐊᐅᓪᓚᑎᒍᒃ ᐱᓇᓱᓕᓂᐅᓂᕐᐱᑦ ᐊᓪᓚᑕᐅᒪᐅᑎᖓ 5:00-ᖕᖑᓚᐅᕐᑎᓇᒍ ᐅᓐᓄᓴᒃᑯᑦ, ᒣ, 21, 2026-ᖑᓚᐅᕐᑎᓇᒍ ᐅᕗᖓ:

Human Resources Department

Kativik Regional Government

P.O. Box 9

Kuujjuaq QC J0M 1C0

FAX: (819) 964-2975

E-mail: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᒥᒃ ᐱᕕᑦᓴᖃᕐᑎᓯᑦᓱᓂ ᐱᓇᓱᕝᕕᐅᕗᖅ. ᑖᓐᓇ ᒪᓕᑦᓱᒍ ᐊᒻᒪᓗ ᔭᐃᒥᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᓃᑦ ᐊᑦᔨᒋᖕᖏᑐᐃᓐᓇᕆᐊᓕᖏᑦ ᑲᔪᖏᕐᓴᐃᒍᑎᐅᓗᑎᒃ ᐃᓄᓐᓂᒃ ᐱᓇᓱᒐᕐᑖᕋᓱᑦᑐᓂᒃ.

ᐱᓇᓱᒐᕐᑖᕋᓱᑦᑐᑦ ᓂᕈᐊᕐᑕᐃᑦ ᑭᓯᐊᓂ ᐊᐱᕐᓱᑕᐅᓂᕐᒧᑦ ᖃᐅᔨᒋᐊᕐᕕᐅᓛᕐᖁᑦ.