ᓄᓇᓕᓕᒫᓂ ᑮᓇᐅᔭᓕᕆᐅᑎᓄᑦ ᐊᓪᓚᕕᓕᕆᐅᑎᓄᓪᓗ ᖃᐅᔨᒪᔨ - KRG

ᐱᓇᓱᒐᕐᒥᒃ ᒪᓂᔨᒍᑎ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᓐᓄᑦ ᖁᓪᓕᐸᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᑯᐯᒃ ᓄᓇᖓᓂᒃ 55° ᖁᓛᓂ, ᐅᕙᓂ ᐃᓂᒥ ᐱᓇᓱᒍᒪᔪᓂᒃ ᕿᓂᕐᑐᖅ:

ᓄᓇᓕᓕᒫᓂ ᑮᓇᐅᔭᓕᕆᐅᑎᓄᑦ ᐊᓪᓚᕕᓕᕆᐅᑎᓄᓪᓗ ᖃᐅᔨᒪᔨ

(ᐊᑌᓐᓇᑐᖅ ᐃᓗᐃᑦᑑᓱᓂ ᐃᓂᖓ)

ᑐᓴᕐᑎᓯᖃᑦᑕᓗᓂ ᑐᑭᒧᐊᑦᑎᓯᔨᒥᒃ ᐱᖁᔭᓕᕆᓂᕐᒥᒃ, ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᓇᓱᕝᕕᒥ KRG-ᑯᓂ, ᓄᓇᓕᓕᒫᓂ ᑮᓇᐅᔭᓕᕆᐅᑎᓄᑦ ᐊᓪᓚᕕᓕᕆᐅᑎᓄᓪᓗ ᖃᐅᔨᒪᔨ ᑲᒪᔨᐅᕗᖅ ᓄᐃᑕᑦᓯᓂᕐᒥᒃ ᐱᓪᓗᒋᐊᓕᑎᒍᑦ ᐃᑲᔪᕐᓂᒥᒃ 14-ᓄᑦ ᑕᕐᕋᒥ ᓄᓇᓕᓐᓄᑦ (NV) ᐊᑦᑐᐊᑎᓪᓗᒍ ᑲᕙᒫᐱᒻᒥᒃ ᐊᐅᓚᑦᓯᓂᕐᒧᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ. ᐅᖃᑦᓯᐊᓂᕐᓴᕆᓗᒋᑦ, ᐱᓇᓱᑦᑎᓴᖅ ᑲᒪᔨᐅᒐᔭᕐᑐᖅ ᒪᑯᓂᖓ ᐱᔭᑦᓴᓂᒃ:

• ᒪᓕᑦᑐᓂᖅ ᐊᒻᒪᓗ ᑐᑭᓯᓂᐊᕐᓂᖅ ᑮᓇᐅᔭᑎᒍᑦ ᖃᓄᐃᓕᖓᓂᖏᓐᓂᒃ ᐊᒻᒪᓗ ᐊᕐᕌᒍᑕᒫᑦ ᓄᐃᑕᖏᓐᓂᒃ NV-ᖑᔪᑦ, ᐊᑐᖃᑦᑕᓂᖅ ᐊᑐᕆᐊᓕᓐᓂᒃ ᐊᐅᓚᑦᔭᕈᑎᓂᒃ ᐊᒻᒪᓗ ᐋᕐᕿᑕᐅᖁᓇᕐᑐᓂᒃ ᓄᐃᑦᓯᒋᖃᑦᑕᓂᖅ ᑌᒣᒋᐊᖃᕐᓇᓕᕐᐸᑦ;

• ᐃᑲᔪᕐᓂᖅ NV-ᓂᒃ ᐱᒋᐅᕐᓴᐅᑎᓂᒃ ᓈᒻᒪᓈᕐᑐᓂᒃ ᐱᓂᐊᕐᒪᑕ (ᐱᒋᐊᓕᖏᓐᓂᒃ ᕿᒥᕐᕈᓂᖅ ᐊᒻᒪᓗ ᐱᒋᐅᕐᓴᐅᑎᓂᒃ ᑲᔪᓯᑎᑦᓯᓂᖅ), ᐊᑐᕐᓗᓂ ᑮᓇᐅᔭᓂᒃ ᐱᒋᐅᕐᓴᐅᑎᓄᑦ ᑐᕌᖓᔪᓂᒃ ᐱᓪᓗᑯᒋᐊᓕᓐᓄᑦ ᐃᑲᔪᕐᓯᒪᓂᐅᑉ ᐱᓂᐊᕈᑎᖓᑕ ᐊᑖᓂ, ᑐᓴᕐᑎᓯᖃᑦᑕᓗᓂᓗ ᑕᒪᑐᒧᖓ ᐊᑦᑐᐊᔪᑦ ᐱᓇᓱᑦᑕᐅᓂᖏᑕ ᒥᑦᓵᓄᑦ;

• ᐃᓚᐅᓂᖅ ᑲᑎᕕᒃ ᓄᓇᓕᓕᒫᓂ ᐱᓇᓱᒐᖃᕐᓂᒧᑦ ᐱᒋᐅᕐᓴᐅᑎᖃᕐᓂᒧᓪᓗ ᑲᑎᒪᔨᐊᐲᑦ ᑲᑎᒪᓂᖏᓐᓂ ᓄᐃᑦᓯᖃᑦᑕᓗᓂ NV-ᓄᑦ ᐱᒋᐅᕐᓴᐅᑕᐅᒋᐊᓕᓐᓂᒃ ᐊᒻᒪᓗ ᐱᓇᓱᑦᑕᐅᔪᓂᒃ;

• ᐱᒋᐅᕐᓴᐅᑎᖃᕐᑎᓯᓂᖅ, ᐱᕕᖃᕐᓂᖓᑎᒍᑦ, ᐊᒻᒪᓗ ᐱᓪᓗᑯᒋᐊᓕᓐᓄᑦ ᐃᑲᔪᕐᓯᒪᓂᖅ ᐊᑦᑐᐊᔪᑎᒍᑦ ᐊᑦᔨᒌᖕᖏᑐᓄᑦ ᐃᓱᐃᓗᑕᕐᓄᑦ, ᐱᕐᕈᓯᕐᓄᑦ ᐅᕝᕙᓘᓐᓃᑦ ᓄᑖᓄᑦ ᒪᓕᒐᕐᓄᑦ ᓱᕐᕃᔪᓄᑦ NV-ᑯᑦ ᑮᓇᐅᔭᖏᓐᓂᒃ ᐊᒻᒪᓗ ᑮᓇᐅᔭᓕᕆᐅᓯᖏᓐᓂᒃ, ᐊᒻᒪᓗ ᑐᓂᔨᖃᑦᑕᓂᖅ ᑐᑦᓯᕋᐅᑎᓂᒃ ᐊᑦᔨᒌᖕᖏᑐᑦ ᐱᓂᐊᕈᑏᑦ ᐊᑖᒍᑦ;

• ᐃᑲᔪᕐᓂᖅ NV-ᓂᒃ ᐊᐅᓚᑦᓯᑎᓪᓗᒋᑦ ᑮᓇᐅᔭᑎᒍᑦ ᐃᓱᐊᖁᑎᒥᓂᒃ, ᐃᓚᖃᕐᑎᓗᒍ ᑐᕌᒐᕐᓂᒃ ᐋᕐᕿᓱᐃᓂᕐᒥᒃ ᐊᒻᒪᓗ ᒪᓕᑦᑐᓂᕐᒥᒃ;

• ᑐᑦᑕᕕᐅᓂᖅ KRG-ᑯᓄᑦ NV-ᓄᓪᓗ ᐱᑦᔪᑎᓕᑎᒍᑦ ᓇᐅᑐᐃᓐᓇᒥᒃ ᑮᓇᐅᔭᖃᕐᑎᓯᒍᑎᓄᑦ ᐊᖏᖃᑎᒌᒍᑎᒥᒃ ᐅᕝᕙᓘᓐᓃᑦ ᐱᓇᓱᑦᑕᐅᔪᒥᒃ ᐊᑯᓐᓂᖓᓂ ᑖᒃᑯᐊ ᑎᒥᐅᔪᑦ ᐊᒻᒪᓗ ᐊᑯᓐᓂᒥ NV-ᓄᑦ, ᓄᓇᓕᓕᒫᓂ ᑎᒥᐅᔪᓄᑦ, ᐊᒻᒪᓗ ᑐᕐᖃᑕᕐᕕ-ᒧᑦ ᑲᕙᒫᐱᓕᕆᐅᑎᓄᑦ ᐊᒻᒪᓗ ᓄᓇᐅᑉ ᓇᔪᕐᑕᐅᓂᖓᓄᑦ;

• ᐃᑲᔪᕐᓂᖅ ᐋᕐᕿᓱᐃᔪᓂᒃ ᑐᑭᒧᐊᒍᑎᑦᓴᓂᒃ ᐊᕐᕌᒍᑕᒫᑦ ᑲᑎᒪᓂᖏᓐᓄᑦ ᐊᓪᓚᑎ-ᑮᓇᐅᔭᓕᕆᔩᑦ ᑲᑐᑦᔨᖃᑎᒌᓐᓂᖓᑕ ᓄᓇᕕᒻᒥ ᐊᒻᒪᓗ ᓴᖑᐊᑦᓯᓂᖅ KRG-ᑯᑦ ᐃᓚᐅᕕᖃᕐᓂᖓᓂᒃ ᑖᒃᑯᓂᖓ ᑲᑎᒪᓂᕐᓂᒃ;

• ᐱᓇᓱᖃᑦᑕᓂᖅ ᓇᐅᑐᐃᓐᓇᓂᒃ ᐊᓯᐊᒍᑦ ᐱᔭᑦᓴᓂᒃ ᑎᓕᔭᐅᒍᑎᒥᓂᒃ ᐱᓇᓱᕝᕕᐅᑉ ᑐᑭᒧᐊᑦᑎᓯᔨᖓᓄᑦ.

ᐱᑕᖃᕆᐊᓖᑦ

• ᓯᓚᑦᑐᓴᕐᕕᒥ ᐃᓕᑦᓯᒪᐅᑎ ᑮᓇᐅᔭᕐᑑᑎᓕᕆᓂᕐᒥᒃ, ᑮᓇᐅᔭᓕᕆᓂᕐᒥᒃ ᐅᕝᕙᓘᓐᓃᑦ ᐊᑦᑐᐊᔪᒥᒃ ᐱᓇᓱᒐᕐᒥᒃ, ᐅᕝᕙᓘᓐᓃᑦ ᒥᑦᓯᓕᒻᒥᒃ ᐱᓇᓱᓕᓂᐅᓂᖅ;

• ᐃᕿᓐᓂᐹᖓᓄᑦ ᑕᓪᓕᒪᓂᒃ ᐊᕐᕌᒍᓂᒃ ᒥᑦᓯᓕᒻᒥᒃ ᐱᓇᓱᓕᓂᐅᓂᖅ;

• ᐅᖄᓗᓂ ᐊᓪᓚᓗᓂᓗ ᐅᖃᖃᑎᖃᕈᓐᓇᓯᐊᕐᓂᖅ ᐃᑭᓐᓂᐹᖓᓄᑦ ᒪᕐᕈᐃᓄᑦ ᒪᑯᐊ ᐅᖃᐅᓰᑦ ᓇᓪᓕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐅᐃᒍᐃᑎᑐᑦ;

• ᖃᐅᔨᒪᑦᓯᐊᕖᖕᖓᓂᖅ ᐊᑦᔨᒌᖕᖕᖏᑐᓂᒃ ᑮᓇᐅᔭᓕᕆᐅᑏᑦ ᐊᒻᒪᓗ ᐊᐅᓚᑦᓯᒍᑏᑦ ᖃᕆᑕᐅᔭᒃᑯᑦ ᐱᓇᓱᑦᑕᐅᒍᑎᖏᓐᓂᒃ (ᖃᐅᔨᒪᓂᖅ SAGE-ᓂᒃ ᐱᔪᒥᓇᕐᑐᖅ ᐃᓱᒪᓇᕐᑐᖅ);

• ᐱᓯᑎᐅᓂᖅ ᐱᓀᓗᑕᕐᓂᒃ ᐋᕐᕿᓱᐃᓂᒃᑯᑦ, ᑐᑭᑖᕆᐊᓕᓐᓂᒃ ᑐᑭᑖᕆᓂᒃᑯᑦ, ᐊᒻᒪᓗ ᐅᖃᐅᑦᔫᑎᓂᒃᑯᑦ;

• ᐊᖏᕐᓯᒪᓂᖅ ᐊᑐᐃᓐᓇᐅᓗᓂᓗ ᐊᐅᓪᓚᖃᑦᑕᓂᕐᒧᑦ ᐃᓘᓐᓇᖏᓐᓄᑦ ᓄᓇᕕᐅᑉ ᑕᕐᕋᒥ ᓄᓇᓕᖁᑎᖏᓐᓄᑦ ᐊᒻᒪᓗ ᓄᓇᖁᑎᐅᑉ ᓯᓚᑖᓄᑦ;

• ᓯᕗᓂᐊᒍᑦ ᐱᓇᓱᓚᐅᕐᓯᒪᓂᖅ ᐃᓗᕐᖃᓯᖃᑎᒌᖕᖏᑐᓂᒃ ᐊᕙᑎᒥᐅᑕᖃᕐᓗᓂ, ᓄᓇᖃᕐᖄᓯᒪᔪᑦ ᓄᓇᓕᖏᑕ ᐃᓗᐊᓂᐅᖁᓇᕐᑎᓗᒍ, ᐃᓱᐊᖁᑕᐅᒋᐊᖓ ᐃᓱᒪᓇᕐᑐᖅ;

• ᖃᐅᔨᒪᑦᓯᐊᕖᖕᖓᓂᖅ ᖃᕆᑕᐅᔭᕈᑎᓂᒃ Microsoft Office ᐊᓯᖏᓐᓂᓗ ᐊᑦᔨᒌᖕᖏᑐᓂᒃ ᖃᕆᑕᐅᔭᕈᑎᓂᒃ.

ᓇᔪᕐᑕᖓ: ᐃᓄᒃᔪᐊᒃ, ᐳᕕᕐᓂᑐᖅ, ᑰᑦᔪᐊᕌᐱᒃ, ᐅᕝᕙᓘᓐᓃᑦ ᓴᓪᓗᐃᑦ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $60,074 ᐊᒻᒪᓗ ᐅᓄᕐᓂᐹᖓᓄᑦ $102,839 ᐊᕐᕌᒍᑕᒫᑦ (ᐳᕐᑐᓂᖅ 9).

ᐱᕙᓪᓕᖁᑎᖏᑦ: ᐃᓅᓂᐅᑉ-ᐊᑭᑐᓂᖓᓄᑦ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $8,500 ᐊᕐᕌᒍᑕᒫᑦ;

ᓂᕿᓄᑦ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $1,840 ᐊᕐᕌᒍᑕᒫᑦ;

ᐊᕐᕌᒍᑕᒫᑦ ᕿᑲᕐᑐᑦ ᐊᐅᓪᓚᕈᑎᖏᑦ: ᐅᓄᕐᓂᐹᖓᓄᑦ 3 ᐃᓄᒻᒧᑦ ᐊᑐᓂ ᐊᕐᕌᒍᑕᒫᑦ;

ᐃᓄᑐᖃᐅᓂᕐᒧᑦ ᐸᕐᓇᕈᑎ: 6.25% ᐱᓇᓱᕝᕕᒥᒃ, 4% ᐱᓇᓱᑦᑎᒥᒃ;

ᐊᑕᖏᕐᑐᑦ ᓴᑑᑎᖏᑦ;

ᐃᓱᒣᓐᓇᕿᓐᓀᑦ: 20 ᐅᓪᓗᐃᑦ;

ᐃᓄᓕᒫᑦ ᕿᑲᕐᕕᖏᑦ: 20 ᐅᓪᓗᐃᑦ, ᖃᓗᓯᔪᑦ 10-ᓂᒃ ᕿᑎᖕᖑᒥ.

ᐱᓇᓱᒍᒪᐅᑎᑎᑦ ᑎᑭᑎᓗᒋᑦ ᖃᓪᓗᓈᑎᑑᕐᑎᓗᒋᑦ ᐅᕗᖓ:

Human resources:

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᖃᕐᖁᑦ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

KRG-ᑯᑦ ᖃᓄᐃᓕᕕᖃᕐᓂᐊᑐᑦ ᑌᒃᑯᓂᖓᑐᐊᖅ ᐱᓇᓱᒍᒪᔪᓂᒃ ᓂᕈᐊᕐᑕᐅᔪᓂᒃ ᐊᐱᕐᓱᕈᒪᓗᒋᑦ ᑭᓯᐊᓂ.