ᖃᐅᔨᓴᕐᓂᒥᒃ ᐃᒫᙰᕐᑎᒃ - Makivvik

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ

ᑭᓇᒃᑰᓂᕗᑦ

ᒪᑭᕝᕕᒃ, ᑎᒥᐅᔪᖅ ᐱᖁᔭᓕᕆᓂᕐᒥ ᐱᓇᓱᐊᓲᖅ ᑭᒡᒐᑐᕐᓱᓂ ᐃᓄᓐᓂᒃ ᓄᓇᕕᒻᒥ 1978ᒥᓂᑦ. ᒪᑭᕝᕕᑎᒍᑦ ᑎᒥᐅᔪᖁᑎᕗᑎᒍᓪᓗ, ᒪᑭᕝᕕᒃ ᐱᕕᑦᓴᓕᐅᖃᑦᑕᓯᒪᓕᕐᑐᖅ ᓄᓇᕕᒻᒧᑦ ᐃᓚᐅᔪᓂᑦ ᓄᓇᕕᒻᒦᑐᓂᓗ, ᐅᓪᓗᒥᓗ 500 ᐅᖓᑖᓂ ᐱᓇᓱᑦᑎᖃᓕᕐᑐᖅ ᓄᓇᕕᒻᒥᐅᓂᑦ ᐱᓇᓱᑦᑎᒋᔭᐅᔪᓂᑦ ᒪᑭᕝᕕᑯᓄᑦ ᐊᓪᓚᕕᑦᑎᓂ ᑎᒥᐅᔪᖁᑎᑦᑎᓂᓗ.

ᐃᓕᓐᓂᐊᕆᐊᓪᓛᑎᑕᐅᒍᓐᓇᖁᑦ ᐃᓚᐅᔪᐃᑦ ᐱᓇᓱᒐᕐᒥᓂᒃ ᓯᕗᒧᐊᒋᐊᓪᓚᒍᑎᑦᓴᓂᒃ.

ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᕐᖄᖃᑦᑕᓂᐊᕐᖁᑦ ᒪᑭᕝᕕᑯᓂ.

ᐱᓇᓱᒐᖅ

ᐱᓇᓱᒐᖅ: ᖃᐅᔨᓴᕐᓂᒥᒃ ᐃᒫᙰᕐᑎᒃ

ᐊᖓᔪᕐᖄᖃᕐᓱᓂ: ᐃᑲᔪᕐᑎᖓ ᑐᑭᒧᐊᑦᑎᓯᔨᐅᑉ ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ ᖃᐅᔨᓴᕐᓂᒥᓗ ᐱᒍᑦᔨᕕᖓᓂᒃ

ᓇᓃᓐᓂᖓ: ᑰᑦᔪᐊᖅ ᒪᓐᑐᕆᐊᓪᒥᓗᓐᓃᑦ ᑯᐯᒃᒥᓗᓐᓃᑦ

ᖃᓄᐃᓕᖓᓂᖓ ᐱᓇᓱᒐᐅᑉ: ᒫᓐᓇᓯᐅᑎᒃ – ᒪᕐᕉᒃ (2) ᐊᕐᕌᒎᒃ

ᐃᓱᓕᕝᕕᖓ ᐅᓪᓗᒃ: ᔭᓄᐊᕆ 12, 2026

ᑮᓇᐅᑦᔭᓵᑦ ᐱᕙᓪᓕᖁᑎᖏᓪᓗ

ᑮᓇᐅᑦᔭᓵᖏᑦ: ᐊᑯᓐᓂᖏᓐᓂ $85,000 ᐊᒻᒪᓗ $110,000 ᐊᕐᕌᒍᑕᒫᑦ

ᑲᒪᒋᔭᑦᓴᔭᖏᑦ

•  ᓄᐃᑦᓯᓗᓂ ᐊᐅᓚᑦᓯᓗᓂᓗ ᐃᓗᓕᖏᓐᓂᒃ ᖃᐅᔨᓴᕐᓂᒥ ᐸᕐᓀᕈᑎᓂᒃ, ᐃᓚᐅᑎᓪᓗᒋᑦ ᖃᖓᐅᓂᑦᓴᖏᑦ, ᑮᓇᐅᔭᕐᑑᑎᑦᓴᖏᑦ, ᐃᑲᔪᕐᓯᒍᑏᑦ ᐊᒡᒍᑐᕐᑕᐅᓂᖏᓪᓗ, ᓴᐳᑦᔨᓗᓂ ᖃᓂᑦᑕ ᐱᒋᐊᕐᑎᑕᕕᓂᕐᓂᒃ ᒪᓕᓪᓗᑎᑦ ᒪᑭᕝᕕᑯᑦ ᑐᕌᒐᖏᓐᓂᒃ ᐊᒻᒪᓗ ᑮᓇᐅᔭᖁᑎᒋᔭᐅᒋᐊᓕᓐᓂᒃ.
•  ᐱᑐᑦᓯᒪᔨᒋᔭᐅᓗᓂ ᒪᑭᕝᕕᑯᓄᑦ, ᓯᓚᑖᓂ ᐱᓯᒪᔪᓂᒃ ᖃᐅᔨᐅᓴᕐᑎᓂᒃ, ᓄᓇᕕᒻᒥᓗ ᓄᓇᓕᖏᓐᓄᑦ, ᑐᑭᓯᓇᑦᓯᐊᑐᓂᒃ, ᑲᔪᓯᐅᒐᑦᓯᐊᑐᓂᒃ, ᐃᓗᕐᕈᓯᑎᒍᑦ ᓈᒻᒪᓈᑦᓯᐊᑐᓂᒃ ᑐᑭᓯᒪᖃᑎᒌᓐᓂᖃᕐᓗᑎᑦ.
•  ᐃᓚᐅᑎᑦᓯᓗᓂ ᐃᓄᐃᑦ ᖃᐅᔨᒪᒍᓯᖏᓐᓂᒃ ᖃᐅᔨᓴᕐᓂᓂ ᓄᐃᑕᐅᓂᐊᕐᑐᓂᒃ, ᑲᔪᓯᓕᕐᑎᑕᐅᓂᖏᓐᓂ, ᐊᒻᒪᓗ ᑐᑭᓕᐅᕆᓂᕐᓂ.
•  ᐊᑕᐅᑦᓯᑰᓕᕐᑎᓯᓗᓂ ᐊᑐᐃᓐᓇᕈᕐᑎᕆᓗᓂᓗ ᓄᓇᓕᓐᓂ ᑲᑎᖕᖓᓯᓂᕐᓂ, ᑲᑎᒪᓂᐊᕈᓯᕐᓂᒃ, ᑐᑭᓯᒪᔭᐅᒋᐊᓕᓐᓂᒃ ᑐᑭᓯᒪᑎᑦᓯᓂᕐᓂᒃ ᖃᐅᔨᓴᕐᓂᒥ ᑐᕌᒐᖏᓐᓂᒃ ᐱᕙᓪᓕᐊᓂᕐᓂᒃ, ᖃᐅᔨᒍᑎᕕᓂᕐᓂᓗ, ᓄᐊᑦᓯᓗᓂ ᓄᓇᓕᐅᑉ ᐅᖃᐅᓯᑦᓴᖏᓐᓂᒃ.
•  ᐊᑐᐃᓐᓇᕈᕐᑎᕆᓗᓂ ᐱᑦᓯᐊᒪᕆᑦᑐᓂᒃ ᑐᓴᕐᑎᓯᒍᑎᓂᒃ, ᓀᓪᓕᑎᕐᓯᒪᔪᓂᒃ ᑐᓴᕋᑦᓴᓂᒃ, ᑭᖑᓪᓕᐹᖓᓂ ᑐᓴᕐᑎᓯᒍᑎᓂᒃ, ᑕᑯᑦᓴᐅᑎᑦᓯᕙᓪᓗᓂᓗ ᐱᒍᑦᔨᕕᖓᑕ ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ ᖃᐅᔨᓴᕐᓂᒥᓗ ᐊᓪᓚᕕᖓᑕ ᐊᐅᓚᑦᓯᕕᖓᓂᒃ, ᒪᑭᕝᕕᑯᑦ ᐳᕐᑐᓂᕐᓴᖏᓐᓄᑦ, ᑮᓇᐅᔭᖃᕐᑎᓯᔪᓄᓗ ᑎᒥᐅᔪᓄᑦ.
•  ᓱᑯᐃᔦᓂᕐᒧᓕᖓᔪᓂᒃ ᖃᐅᔨᒪᔪᒻᒪᕆᐅᓗᓂ ᖃᓄᐃᓘᕆᐊᖁᔨᔨᐅᓗᓂ ᐊᑦᔨᒌᖕᖏᑐᓂᒃ ᖃᐅᔨᓴᕐᓂᒥ ᐱᓇᓱᑦᑕᐅᔪᓂᒃ ᓴᐳᑦᔨᓗᓂ ᐱᖁᔦᑦ ᐱᕙᓪᓕᐊᑕᐅᓂᖏᓐᓂᒃ ᓲᖑᓯᐅᒥᑎᑦᓯᓗᓂᓗ ᐱᒍᑦᔨᕕᖓᑕ ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ ᖃᐅᔨᓴᕐᓂᒥᓗ ᐱᒍᓐᓇᓂᖓᓂᒃ.
•  ᐱᓇᓱᖃᑎᑖᕐᓗᓂ ᑲᔪᓯᐅᒐᑦᓯᐊᑐᒥᓗ ᐱᓇᓱᖃᑎᖃᕐᓗᓂ ᓄᓇᕕᒻᒥ ᓄᓇᓕᖏᓐᓂᒃ, ᓄᓇᓕᓕᒫᓂ ᑎᒥᐅᔪᓂᒃ, ᑯᕃᒃᑯᓂ ᑲᕙᒪᑐᖃᒃᑯᓂᓗ ᐱᓇᓱᖃᑎᒋᔭᐅᔪᓂᒃ.
•  ᖃᐅᔨᓴᕐᓃᑦ ᒪᓕᑦᑎᓯᐊᕐᓗᒋᑦ ᒪᓕᑦᑕᐅᒋᐊᓕᓐᓂᒃ ᐱᖁᔭᓂᒃ, ᒪᓕᒐᕐᓂᒃ, ᑮᓇᐅᔭᖃᕐᑎᑕᒍᑏᑦ ᒪᓕᒋᐊᓕᖏᓐᓂᑦ.
•  ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
•  ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.

ᐱᒍᓐᓇᕆᐊᓕᖏᑦ

•  ᐃᓕᓐᓂᐊᕕᕐᔪᐊᒥᒃ ᐳᕐᑐᓂᕐᓴᒋᐊᓪᓚᒥᒃ ᐱᕈᕐᑐᓕᕆᓂᕐᒥᒃ, ᐊᕙᑎᒥᒃ ᓱᑯᐃᔦᓂᕐᒥᒃ, ᐊᑦᔨᐸᓱᖓᓂᓗᓐᓃᑦ ᐱᓇᓱᒐᕐᒥᒃ.
•  ᐃᑭᓐᓂᐹᖑᓗᑎᑦ ᑕᓪᓕᒣᑦ (5) ᓯᑕᒪᐅᔪᖕᖏᒐᕐᑐᓄᑦ (7) ᐊᕐᕌᒍᕐᓂᒃ ᐱᓇᓱᑦᑎᐅᓯᒪᓗᓂ ᐆᒪᔪᓕᕆᓂᕐᒥᒃ ᐊᕙᑎᓕᕆᓂᕐᒥᓗ ᖃᐅᔨᓴᕐᓂᓂᒃ ᐱᓇᓱᑦᑕᐅᔪᓂᒃ.
•  ᐱᓇᓱᑦᑎᐅᓯᒪᓗᓂ ᓄᓇᕕᒻᒥ ᐅᕝᕙᓗᓐᓃᑦ ᓄᓇᖃᕐᖄᓯᒪᔪᐃᑦ ᓄᓇᓕᖏᓐᓂ ᐱᐅᔪᒻᒪᕆᐅᒐᔭᑉᑐᖅ.
•  ᐊᓪᓚᒍᓐᓇᓗᓂ ᐅᖄᒍᓐᓇᓯᐊᕐᓗᓂᓗ ᖃᓪᓗᓈᑎᑐᑦ ᒍᐃᒍᐃᑎᑐᓗ, ᐃᓄᒃᑎᑑᕈᓐᓇᓯᐊᖁᓇᕐᑐᖅ.
•  ᐊᓪᓚᒍᓐᓇᓯᐊᕐᓗᓂ, ᕿᒥᕐᕈᒍᓐᓇᓯᐊᕐᓗᓂ, ᖃᖓᐅᓂᑦᓴᓕᐊᕕᓂᕐᓂᒃ ᒪᓕᒍᓐᓇᓯᐊᕐᓗᓂ.
•  ᓄᐃᑕᑎᑦᓯᓗᓂ ᐊᐅᓚᑦᓯᒍᓐᓇᓂᕐᒥᒃ ᐱᔭᕆᐊᑐᔪᓂᒃ ᐱᓇᓱᑦᑕᐅᔪᓂᒃ ᐊᒻᒪᓗ ᐊᒥᓱᓂ ᒃᓯᕗᓪᓕᐅᔭᐅᒋᐊᓕᑦᑕᓕᓐᓂᒃ.
•  ᖃᐅᔨᒪᓗᓂ ᐱᖁᔭᓂᒃ ᐊᕙᑎᒧᓕᖓᔪᓂᒃ ᐆᒪᔪᓂᓗ ᖃᐅᔨᓴᕐᓂᓂᒃ
•  ᐊᓯᒥᓂᒃ ᐃᓅᖃᑎᖃᕈᓐᓇᓯᐊᕐᓗᓂ ᑐᑭᓯᒪᖃᑎᒌᓐᓂᖃᕈᓐᓇᓯᐊᕐᓗᓂ, ᐱᓇᓱᖃᑎᖃᕈᓐᓇᓯᐊᕐᓗᓂ ᐱᓇᓱᖃᑎᒌᑦᑐᓂᒃ.
•  ᖃᐅᔨᒪᓗᓂ ᐃᓄᐃᑦ ᖃᐅᔨᒪᒍᓯᖏᓐᓂᒃ ᐊᒻᒪᓗ ᖃᓄᐃᓗᕈᓯᖏᓐᓂᒃ ᖃᐅᔨᓴᕐᓂᒧᓕᖓᔪᓂᒃ ᐱᐅᔪᖅ.
•  ᐱᖁᔭᓂᒃ ᓱᒃᑯᐃᓚᐅᕐᓯᒪᖕᖏᑑᓗᓂ.

ᖃᐅᔨᒋᑦ ᐊᑦᔨᐅᖏᑦᑐᒥᒃ ᐱᓇᓱᒐᕐᒥᒃ ᐱᕕᑦᓴᓯᐊᒥᒃ ᐊᒻᒪᓗ ᐃᓚᐅᑎᒋᑦ

ᐱᕙᓪᓕᓇᕐᑐᒧᑦ ᒪᑭᕝᕕᒃᑯᓄᑦ

ᐱᓇᓱᒍᒪᒍᑎᓂᒃ ᐊᐅᓪᓚᑎᑦᓯᒋᑦ ᐅᕝᕙᓗᓐᓃᑦ ᑕᑯᓂᐊᕐᑎᒍᑦ ᐅᕙᓂ www.Makivvik.ca/jobs, ᐊᐅᓪᓚᑎᑦᓯᓗᑎᓗᓐᓃᑦ ᐃᓕᓐᓂᐊᓯᒪᔭᑎᓐᓂᑦ ᐱᓇᓱᒐᕆᓯᒪᔭᑎᓐᓂᑦ /ᐱᓇᓱᒐᕐᑖᕈᒪᒍᑎᓐᓂᓗᓐᓃᑦ ᐊᓪᓚᖁᑎᖏᓐᓂᑦ ᐅᕗᖓ: HR@makivvik.ca