ᓯᓂᑦᑕᕕᒻᒥᒃ ᐊᐅᓚᑦᓯᔨ - KI

ᐱᓇᓱᒐᖅ: ᓯᓂᑦᑕᕕᒻᒥᒃ ᐊᐅᓚᑦᓯᔨ

ᐊᓪᓚᕕᖓ : ᐃᓄᒻᒪᕇᑦ ᐃᓕᓐᓂᐊᕕᖓᓂ ᐱᓇᓱᒐᕆᒍᒪᔭᕐᒥᒃ ᐱᒋᐅᕐᓴᕕᒃ

ᑮᓇᐅᑦᔭᓵᑦ: ᐱᒋᐊᕐᓱᓂ $89,987 ᑎᑭᑦᓱᓂ $119,980, ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ : RESMAN2506-01

ᓇᓃᓐᓂᓴᖓ: ᑰᒃᔪᐊᖅ (ᑲᔪᓯᕕᒃ ᐱᒋᐅᕐᓴᕕᐅᑉ ᐃᓕᓐᓂᐊᑎᖏᑦᑕ ᓯᓂᑦᑕᕕᖓᓂ)

ᖃᓄᐃᑦᑑᓂᖓ: ᐱᓇᓱᒐᖅ ᐊᑕᔪᒥᒃ

ᐱᒋᐊᕐᕕᓴᖓᑕ ᐅᓪᓗᖓ: ᔪᓓ 2025

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐃᓄᒻᒪᕇᑦ ᐃᓕᓐᓂᐊᕕᖓᓂ ᐱᓇᓱᒐᕐᓂᓗ ᐱᒋᐅᕐᓴᕕᒻᒥ ᑐᑭᒧᐊᕐᑎᓯᔨᒥᒃ, ᓯᓂᑦᑕᕕᒻᒥ ᐊᐅᓚᑦᓯᔨ ᑲᒪᒋᔭᖃᕆᐊᓕᒃ ᐊᐅᓚᑦᓯᓂᕐᒥᒃ ᓇᐅᓕᒫᓂᓪᓗ ᑲᔪᓯᑦᓯᐊᒐᓗᐊᕐᒪᖔᑕ ᑲᒪᒋᔭᖃᖃᑦᑕᓗᓂ ᓯᓂᑦᑕᕕᒻᒥ.

• ᐃᓄᒻᒪᕇᑦ ᐃᓕᓐᓂᐊᕕᖏᓐᓂ ᑐᑭᒧᐊᑦᑎᓯᔨᒧᑦ ᑐᓴᕐᑎᓯᖃᑦᑕᓗᓂ, ᓯᓂᑦᑕᕕᒻᒥᒃ ᐊᐅᓚᑦᓯᔨ ᑲᒪᒋᔭᑦᓴᔭᓕᒃ ᐊᐅᓚᑦᓯᓂᕐᒥᒃ ᑲᔪᓯᑦᓯᐊᑐᒥᒃ ᓯᓂᑦᑕᕕᒻᒨᓕᖓᔪᓕᒫᓂᒃ. ᒪᑯᓂᖓ ᐱᓇᓱᑦᑐᓴᔭᐅᑦᓱᓂ.

• ᐊᖓᔪᖅᑳᖑᓗᓂ ᓇᐅᑦᓯᑐᕐᑎᐅᓗᓂᓗ ᓯᓂᑦᑕᕕᒻᒥ ᐱᓇᓱᑦᑎᓂᒃ.

• ᐃᓕᓐᓂᐊᓂᓕᕆᓂᐅᑉ ᒪᓕᒐᖏᓐᓂᒃ ᑲᔪᓯᑎᑦᓯᔨᐅᓗᓂ.

• ᐊᑐᐃᓐᓇᕈᕐᑎᖃᑦᑕᓗᓂ ᐊᐅᓚᑦᓯᓗᓂᓗ ᑮᓇᐅᔭᐃᑦ ᑐᕌᒐᖏᓐᓂᒃ.

• ᐸᕐᓇᐃᖃᑦᑕᓗᓂ ᐊᑕᐅᑦᓯᑰᕐᑎᓯᓗᓂᓗ ᐃᓕᓐᓂᐊᑎᓄᑦ ᐃᓚᖏᓐᓄᓗ ᓯᓂᑦᑕᕕᒻᒥᐅᖑᖃᑎᖏᓐᓄᑦ ᐱᒍᑦᔨᒍᑎᓂᒃ ᓱᖃᑦᓯᒍᑎᖏᓐᓂᓗ.

• ᐃᒐᕕᒻᒥᒃ ᐃᑉᐱᒍᓱᑦᑎᐅᓗᓂ ᓱᕐᖁᐃᓯᓯᒪᒐᓱᐊᕐᓂᒧᑦ ᐃᓕᓐᓂᐊᑏᑦ ᓂᕆᒋᐊᖃᕐᒪᑕ ᐅᓪᓗᒥ ᐱᖓᓱᕕᓪᓗᑎᒃ ᓲᓱᒋᔭᐅᒋᐊᖃᕐᓂᖏᓐᓂᓗ ᓴᓗᒪᑦᓯᐊᒋᐊᖃᕐᓂᖓ ᐊᑦᑕᓇᕐᑐᒨᑦᑕᐃᓕᒋᐊᖃᕐᓂᖓᓗ.

• ᓱᕐᖁᐃᓯᓯᒪᒐᓱᐊᖃᑦᑕᓗᓂ ᓈᒻᒪᓯᐊᒐᓗᐊᕐᒪᖔᑕ ᐱᖁᑏᑦ ᐱᑦᓴᑖᕐᕕᖏᑦ ᐊᑦᑕᓇᕐᑐᒦᑦᑕᐃᓕᒋᐊᖃᕐᓂᖏᓐᓂᓗ ᐱᓇᓱᑦᑏᑦ ᐃᓂᖏᓪᓗ.

• ᑐᓴᐅᒪᖃᑎᒌᑦᓯᐊᒪᖔᑕ ᐃᓕᓐᓂᐊᑏᑦ ᑲᑎᒪᔨᖏᑦ ᓱᕐᖁᐃᓯᓯᒪᒐᓱᐊᖃᑦᑕᓗᓂ.

• ᐊᑐᐃᓐᓇᐅᒪᖏᓐᓇᓕᒫᖃᑦᑕᓗᓂ ᐅᓪᓗᑕᒫᑦᓯᐊᖅ ᐱᓇᓱᐊᕈᓯᓕᒫᒥ.

• ᐃᓕᓐᓂᐊᑏᑦ ᐊᐅᓪᓚᓂᖏᓐᓂᒃ ᑎᑭᓐᓂᖏᓐᓂᓗ ᐊᑐᐃᓐᓇᕈᕐᑎᑎᐅᓗᓂ.

ᐱᒍᓐᓇᐅᑎᒋᒋᐊᓕᖏᑦ:

• ᐃᓄᓕᕆᔨᐅᓂᕐᒥᒃ ᐃᓕᓐᓂᐊᕕᕐᔪᐊᒥ ᐱᔭᕇᕐᓯᒪᐅᑎᖃᕐᓗᓂ, ᓱᖃᑦᓯᒍᑎᓕᕆᔨᐅᓂᕐᒥᓘᓐᓃᑦ, ᐅᕝᕙᓗᓘᓐᓃᑦ ᐊᕐᕌᒍᓂ ᐱᖓᓱᓂ ᐱᓇᓱᐊᕐᓯᒪᓗᓂ ᑕᐃᒪᐃᑦᑐᓂᒃ.

ᐅᕝᕙᓗᓐᓃᑦ

• ᐅᕝᕙᓘᓐᓃᑦ ᐊᕐᕌᒍᓂ ᐱᖓᓲᔪᕐᑐᓂ ᐱᓇᓱᐊᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐃᓄᒃᑎᑑᒍᓐᓇᓯᐊᕐᓗᓂ ᐊᒻᒪᓘᓐᓃᑦ ᐅᐃᒍᐃᑎᑐᑦ ᖃᓪᓗᓈᑎᑐᓪᓘᓃᑦ

• ᐅᖄᒍᓐᓇᓯᐊᕐᓗᓂ ᒪᕐᕉᔪᐊᓂᓪᓘᓃᑦ ᐱᖓᓱᑦ ᓇᓪᓕᖏᓐᓂᒃ ᐃᓕᓐᓂᐊᓂᓕᕆᓂᐅᑉ ᐊᑐᓲᖏᓐᓂᒃ (ᐃᓄᒃᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ);

• ᓯᕗᓕᑦᓯᓂᖃᕈᓐᓇᓗᓂ;

• ᐃᒻᒥᓂᕿᒍᓐᓇᓗᓂ, ᐃᓂᓪᓚᖓᑦᓯᐊᑑᕈᓐᓇᓗᓂ, ᐱᕕᑦᓴᖃᕐᑎᓯᐊᕈᓐᓇᓗᓂ, ᐊᒥᓱᓂᓪᓗ ᐊᑕᐅᑦᓯᑯᑦ ᐱᓇᓱᐊᕐᑕᖃᕈᓐᓇᓗᓂ;

• ᐅᑭᐅᕐᑕᑐᒥᒃ ᖃᐅᔨᒪᔭᖃᕐᓗᓂ ᐃᓄᐃᓪᓗ ᐃᓗᕐᖁᓯᖓᓂᒃ;

• ᖃᐅᔨᒪᔭᖃᑦᓯᐊᓗᓂ ᖃᕆᑕᐅᔭᕈᑎᓂᒃ Outlook-ᒥᒃ, Word-ᒥᒃ, Excel-ᒥᓪᓗ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-08 ᒪᓕᑦᓱᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᒐᖃᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔩᑦ / $89,987 -ᓂᑦ $119,980-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 30 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᖁᓕᓐᓄᑦ (10) ᐊᑭᓕᕐᑕᐅᓱᓂ ᖃᓄᐃᒍᓐᓀᕋᓱᐊᕐᓂᒧᑦ ᐅᓪᓗᐃᑦ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑦᑎᙯᓐᓇᓂᖅ ᐊᒻᒪᓗ ᐱᐅᒋᔭᐅᑎᑦᓯᒐᓱᐊᕐᓂᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᐱᖓᓱᕕᓪᓗᓂ ᐅᑎᕈᑎᓕᓐᓂᒃ ᖃᖓᑦᑕᐅᑏᑦ ᓄᓇᕕᒻᒥ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00pm, ᔫᓂ 26, 2025

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ:

1) ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ RESMAN2506-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.