ᐃᓕᓐᐊᓂᕖᑦ ᐊᐅᓚᑕᐅᕕᖓᓂ ᐱᓪᓗᑯᒋᐊᓕᓐᓂᒃ ᐱᓇᓱᑦᑎ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᖃᐅᔨᑎᑦᓯᒍᑏᑦ ᐊᐅᓚᑦᓯᓂᓕᕆᕕᒻᒥ ᐱᒍᑦᔨᓂᕐᒥ ᑐᑭᒧᐊᕐᑎᓯᔨᒥᒃ, ᐃᓕᓐᓂᐊᕕᒻᒥ ᐸᕐᓇᓯᒪᓂᕐᒧᑦ ᓯᑯᑦᓴᔭᓕᕆᔨ ᑲᑐᑦᔨᓗᑎᒃ ᑐᑭᒧᐊᕐᑎᓯᔨᓗ ᐊᑐᐃᓐᓇᕈᕐᑎᓂᕐᒧᑦ ᐊᑐᕐᑕᐅᔪᑦᓴᓂᒃ ᐊᒻᒪᓗ ᐊᓯᖏᓐᓂ ᐅᓪᓗᖁᑎᓂᒃ, ᐱᔭᕆᖕᖏᓂᖏᑦᑕ ᐊᔪᐃᓐᓇᓂᕐᒧᑦ ᐅᓪᓗᖁᑎᖓ, ᐊᒻᒪᓗ ᐊᑐᓕᕐᑎᓯᓗᓂ, ᐊᒻᒪᓗ ᐱᕕᖃᕐᑎᓯᓗᓂ ᖃᓄᐃᓕᖓᐅᑎᐅᒋᐊᓕᓐᓄᑦ ᐊᑑᑎᔭᕆᐊᓕᓐᓄᑦ ᑐᑭᒧᐊᕐᑎᑕᐅᓂᖓᓂ ᐊᐅᓚᑦᓯᓂᓕᕆᓂᕐᒥ ᐱᓂᐊᕐᓂᐅᔪᓂ, ᐃᓚᐅᒻᒥᑎᓪᓗ ᐃᓕᓐᓂᐊᑏᑦ ᓇᓗᓇᐃᕐᑕᐅᓂᖏᓐᑦ, ᐃᑎᕐᑐᓴᓕᐊᖑᓯᓂᖓ ᐃᓕᓐᓂᐊᕕᒻᒧᑦ, ᐱᔭᕆᓚᐅᕋᓂ ᐊᔪᐃᓐᓇᓂᖓᐊᓂᒍᐃᒐᓱᐊᕐᓂᒥᒃ ᐃᓕᓐᓂᐊᑕᒥᓂᒃ, ᐊᑐᐃᓇᕈᕐᑎᑕᐅᓂᖏᑦ ᐊᓪᓚᓯᒪᔪᓕᐅᕈᑎᑦ ᐃᓕᓐᓂᐊᑎᐅ ᒥᑦᓴᓄᑦ, ᐊᒻᒪᓗ ᐱᔭᕇᕈᓯᕐᑕᐅᓂᑦᓴᖏᓐᓄᑦ ᐃᓕᓐᓂᐊᑏᑦ, ᐊᒻᒪᓗ ᐅᓪᓗᖁᑎᓕᐅᕐᓂᒧᑦ ᐅᐱᕐᖔᒥ ᐃᓕᓐᓂᐊᓂᖃᕈᓐᓇᑐᐊᕐᐸᑕ.

ᑎᓕᔭᐅᒍᑎᒋᕙᓪᓗᓲᖏᑦ:

·     ᐱᓪᓗᑯᒋᐊᓕᓕᕆᔨ ᐃᑲᔪᖃᑦᑕᓚᖓᔪᖅ ᑲᑎᕐᓱᑕᐅᓂᖏᓐᓂᒃ ᑐᑭᓯᒐᓱᑦᑕᐅᓂᖏᓐᓂᓗ ᑐᑭᓯᒪᒍᑎᑦᓭᑦ ᐊᐅᓚᑦᓯᓂᓕᕆᓂᕐᒥ ᐊᐅᓚᑦᓯᒍᓯᓂᑦ ᐱᑕᖃᕆᐊᓕᓐᓂᒃ ᐃᓕᖓᑦᓱᑎᒃ ᐃᓕᓐᓂᐊᒉᑦ ᐃᓕᑕᕆᔭᐅᒍᑎᑖᕐᓂᖏᓐᓂᑦ.

·     ᐱᓪᓗᑯᒋᐊᓕᓕᕆᔨ ᐋᕐᕿᓱᐃᓲᖅ ᑫᕙᓪᓚᒍᓯᖏᓐᓂᒃ, ᐃᑉᐱᒋᔭᖃᕐᓱᓂ ᓱᕐᕃᓯᒪᒍᓐᓇᑐᓂᒃ ᐋᕐᕿᑕᐅᓂᖏᓐᓂᒃ.

·     ᖃᕆᑕᐅᔭᒥ ᐱᓇᓱᒍᑎᓂᒃ ᐊᑐᕐᓱᓂ, ᐱᓪᓗᑯᒋᐊᓕᓕᕆᔨ ᐱᓇᓱᓲᖅ ᖃᐅᔨᒐᓱᐊᕐᑕᐅᔪᓂᒃ, ᐃᓕᒃᑯᑦ ᐱᓇᓱᑦᑕᐅᔪᓂᒃ, ᐊᐅᓚᑦᓯᒍᓯᐅᓪᓗᑯᑦᑐᓂᒃ ᐊᒻᒪᓗ ᑐᓴᕐᑕᐅᑎᑦᓯᓲᖑᑦᓱᓂ ᑲᒪᒍᑎᐅᓂᐊᕐᑐᓂᒃ ᒪᓕᑦᓯᐊᕈᑎᐅᓚᖓᔪᓂᓪᓘᓃᑦ ᑕᒪᒃᑯᐊ ᐱᓇᓱᑦᑕᐅᒍᓯᒋᒋᐊᓕᖏᓐᓂᒃ ᐃᓱᒪᒋᓗᒋᑦ ᐃᓕᓐᓂᐊᑏᑦ ᐅᓄᕐᓂᖏᑦᑕ ᑲᒪᒋᔭᐅᒍᑎᖏᑦ, ᖃᐅᔨᓴᕈᑏᑦ ᓄᐃᑕᐅᓂᖏᑦ ᐃᓕᓐᓂᐊᒉᓪᓗ ᐃᓕᑕᕆᔭᐅᒍᑎᑖᕐᓂᖏᑦ, ᑮᓇᐅᔭᖃᕐᑎᑕᐅᒍᑎᖏᑦ, ᑮᓇᐅᔭᓕᕆᔭᐅᓂᖏᑦ, ᑮᓇᐅᔦᑦ ᑐᕌᒐᓕᐅᕐᑕᐅᓂᖏᑦ, ᐃᓕᓐᓂᐊᑏᑦ ᖄᖏᐅᑎᓂᖏᑦ, ᐃᓕᓐᓂᐊᑏᑦ ᓇᓗᓀᒃᑯᑕᖏᑦᑕ ᑭᓯᑦᔪᑎᖏᑦ, ᐃᓕᓐᓂᐊᑏᑦ ᐃᓕᓐᓂᐊᖏᑦᑑᓂᖏᑦ, ᐃᓕᓐᓂᐊᑎᑦᓯᔨᓂᒃ ᐃᓇᖐᓯᒪᔪᑦ, ᐃᓕᓐᓂᐊᕕᒻᒥ ᐃᓂᕐᕋᐅᑎᓕᕆᓂᖅ, ᐊᓂᒎᑎᖕᖏᑐᓂᒃ ᐊᓯᖏᓐᓂᓗ ᐊᑦᔨᒌᖕᖏᑐᓂᒃ ᓈᓴᕐᑕᐅᒋᐊᓕᓐᓂᒃ ᑐᓴᕐᑎᓯᒍᑎᐅᒋᐊᓕᓐᓂᓘᓐᓃᑦ, ᐱᓗᐊᕐᑐᒥ, ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᑯᓐᓂᒃ.  ᐃᓕᓐᓂᐊᑏᑦ ᐊᒡᓚᓯᒪᔪᖁᑎᖏᓐᓂᒃ ᑲᒪᒋᔭᖃᓲᖅ.

·     ᐱᓪᓗᑯᒋᐊᓕᓕᕆᔨ ᑖᒃᑯᓂᖓ ᐱᓇᓱᑦᑕᐅᒍᓯᒋᒋᐊᓕᖏᓐᓂᒃ ᐃᓕᓐᓂᐊᕕᐅᑉ ᐊᐅᓚᑕᐅᓂᖓᓄᑦ ᖃᕆᑕᐅᔭᒃᑯᓗ ᐱᓇᓱᒍᑎᓂᒃ ᑕᒪᒃᑯᓂᖓ ᐱᓇᓱᐊᕐᑐᓂᒃ ᐊᑦᔨᒌᖕᖏᑐᓂᒃ ᐃᓕᓐᓂᐊᑎᑦᓯᓯᓲᖅ ᐃᑲᔪᕐᓯᒪᓲᖑᑦᓱᓂᓗ.  ᑐᑭᓯᒪᒍᑎᑦᓴᓂᒃ ᐃᓕᓐᓂᐊᕕᒻᒥ, ᐃᓕᓴᕐᓂᓕᕆᓂᕐᒥ, ᐊᖓᔪᕐᖄᖏᓐᓄᓘᓐᓃᑦ ᐊᓯᖏᓐᓂᒃ ᐃᑲᔪᖁᔭᐅᑐᐃᓐᓇᕆᐊᖃᕐᒥᔪᖅ ᑐᑭᓯᒪᑎᑦᓯᓂᕐᓂᒃ.

·     ᐱᒋᐅᕐᓭᖁᔭᐅᑐᐃᓐᓇᕆᐊᓕᒃ ᐱᓕᓂᐅᖕᖏᓂᕐᓴᓂᒃ ᐱᓪᓗᑯᒋᐊᓕᓕᕆᔨᓂᒃ ᐊᒻᒪᓗᑦᑕᐅᖅ ᐃᑲᔪᕐᑏᑦ ᐱᓇᓱᑦᑏᑦ ᐱᓇᓱᓐᓂᖏᓐᓂᒃ ᐊᑕᐅᑦᓯᑰᕐᑎᓯᔨᐅᓗᓂ ᑖᒃᑯᐊ ᐱᓇᓱᑦᑕᖏᓐᓂᒃ ᐊᑐᓕᕐᑎᓯᒍᑎᓂᒃ ᐱᓪᓗᑯᒋᐊᓕᓐᓂᒃ ᐊᐅᓚᑦᓯᓂᕐᒧᑦ ᐱᓇᓱᑦᑕᐅᔪᓂᒃ ᑲᒪᒋᒋᐊᓕᒻᒥᓂᒃ.

·     ᐊᓯᓕᒫᖏᓐᓂᒃ ᑎᓕᔭᐅᒍᑎᒥᓂᒃ ᐱᓇᓱᓲᖅ, ᐱᓇᓱᒋᐊᖃᓕᑐᐊᕋᒥᒋᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᒻᒥ ᐳᕐᑐᓂᕐᓴᒥ ᐱᔭᕇᒍᑎᖃᕐᓗᓂ ᐃᓘᓐᓈᒍᑦ ᐊᐅᓚᑦᓯᓂᓕᕆᓂᕐᒥ ᐱᓇᓱᒍᓯᕐᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐱᓪᓗᑯᑦᑕᐅᒋᐊᓕᓐᓄᑦ ᐱᓇᓱᒐᕐᓄᑦ ᐃᓕᖓᔪᓂᒃ, ᐅᕝᕙᓘᓐᓃᑦ ᐊᓯᖏᓐᓄᑦ ᐱᓪᓗᑯᒋᐊᓕᓕᕆᔪᓂᒃ ᐱᓇᓱᒐᕐᓄᑦ ᐃᓕᖓᔪᓂᒃ, ᐱᔭᕇᒍᑎᑖᕐᓯᒪᓗᓂᓘᓐᓃᑦ ᐃᓕᑕᕆᔭᐅᒍᑎᑖᕐᓯᒪᓗᓂᓘᓐᓃᑦ ᐃᓕᓐᓂᐊᒐᕐᓂᒃ ᓇᓪᓕᖁᐊᕆᔭᐅᑎᑕᐅᒍᓐᓇᑐᓂᒃ ᐊᖓᔪᕐᖃᐅᕕᓕᓐᓄᑦ ᑕᒪᒃᑯᓄᖓ ᐃᓕᖓᔪᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

·     ᐊᑐᕐᓂᖃᕈᓐᓇᑐᒥᒃ ᐱᓇᓱᓚᐅᕐᓯᒪᓗᓂ ᐊᕐᕌᒎᓐᓂᒃ ᒪᕐᕉᓂᒃ

·     ᖃᐅᔨᒪᓪᓚᕆᓪᓗᓂ ᖃᕆᑕᐅᔭᒥ ᐱᓇᓱᒍᑎᓂᒃ GRICS (GPI, SPI, JADE, Charlemagne) ᐊᒻᒪᓗ DASH

·     ᐅᖃᕈᓐᓇᓗᓂ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓲᑎᓪᓗᒋᑦ (3) ᐱᓇᓱᑦᑐᓄᑦ ᐊᑐᕐᑕᐅᓲᑦ ᐅᖃᐅᓰᑦ ᐃᓕᓐᓂᐊᓂᓕᕆᓂᕐᒧᑦ (ᐃᓄᒃᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ).

·     ᐊᐅᓪᓚᑲᑦᑌᓇᓕᒫᕋᔭᑦᕐᑐᖅ ᑖᒃᑯᓇᖕᖓ 14-ᓂᑦ ᓄᓇᓕᒻᒥ ᐱᓯᒪᔪ ᓄᓇᕕᒻᒥ.

ᑫᕙᓪᓚᒍᓯᕆᒐᔭᕐᑕᖏᑦ:                ᐊᓪᓕᑐᖃᕇᒥ ᓂᕿᑦᓯᕕᒻᒧᑦ, 35 ᑫᕙᓪᓚᒍᓰᑦ / ᐱᓇᓱᐊᕈᓯᕐᒥ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4215-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $27.30-ᓂᑦ $35.31-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.