ᐃᓕᓐᓂᐊᓂᕐᒥᒃ ᓴᐱᓕᕐᓯᒌᑦᑑᓂᕐᒥᒃ ᐱᓇᓱᑦᑎ - ᐃᓱᒪ

ᐱᓇᓱᒐᖅ ᐊᑐᐃᓐᓇᕈᕐᑐᖅ

ᑲᑎᕕᑦ ᓄᓇᓕᓕᒫᑦ ᑲᕙᒪᖓ (KRG), ᐊᒥᓱᐃᓕᖓᔪᓂᒃ ᑲᕙᒫᐱᓕᕆᓂᕐᒥᒃ ᑎᒥᐅᔪᖅ ᑲᒪᒋᔭᖃᕐᓱᓂ ᓄᓇᖓᓂᒃ ᑯᐯᒃᒥ ᑕᕐᕋᖓᓃᑦᑐᓂᒃ 55, ᕿᓂᓕᕐᒥᔪᑦ ᐆᒻᒪᕿᑦᑐᓯᐊᒥᒃ ᐊᒻᒪᓗ ᑲᑦᓱᙰᑦᑐᒥᒃ ᐃᓄᒻᒥᒃ ᐱᓇᓱᒐᔭᕐᑐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐅᑯᓂᖓ:

ᐃᓕᓐᓂᐊᓂᕐᒥᒃ ᓴᐱᓕᕐᓯᒌᑦᑑᓂᕐᒥᒃ ᐱᓇᓱᑦᑎ - ᐃᓱᒪ 

(ᐊᑌᓐᓇᑐᖅ,ᐃᓗᐃᑦᑐᐃᑦ ᑫᕙᓪᓚᒍᓯᖏᑦ)

ᐊᖓᔪᕐᖄᖃᕐᓗᓂ ᐃᓱᒪ ᑐᑭᒧᐊᑦᑎᓯᔨᖓᓂᒃ ᑲᔪᓯᑎᑕᐅᒍᓐᓇᑐᓂᒃ ᐱᓇᓱᒐᖃᕐᑎᓯᓂᕐᒧᑦ ᐱᑦᔪᔨᕕᖓᓂᒃ, ᐱᕙᓪᓕᐊᑎᑦᓯᓂᕐᒥᒃ ᐱᓇᓱᑦᑎ ᑲᒪᒋᔭᖃᓲᖅ ᐱᒋᐊᕐᑎᓯᓂᕐᒥᒃ ᐊᒻᒪᓗ ᐅᑎᕐᕕᖃᖃᑦᑕᓂᕐᒥᒃ ᐊᐅᓚᑦᔭᒋᐊᕈᑎᕕᓂᕐᓂᒃ ᐱᕙᓪᓕᐊᑎᑦᓯᒍᓐᓇᓂᕐᒧᑦ, ᐱᓇᓱᖃᑎᖃᑦᓯᐊᓂᒃᑯᑦ ᓄᓇᓕᓐᓂᒃ, ᐱᓇᓱᐊᖃᑎᒌᒍᑕᐅᓂᒃᑯᑦ ᐊᐅᓚᑦᔭᒋᐊᕈᑎᕕᓃᑦ ᖁᕝᕙᑎᒋᒋᐊᕐᓂᒧᑦ ᐃᓕᓐᓂᐊᕕᒻᒥᒃ ᓴᐱᓕᑦᓯᕇᑦᑐᓂᕐᒧᑦ ᐊᒻᒪᓗ ᐃᓕᓐᓂᐊᓂᕐᒥᒃ ᐱᒐᓱᐊᑦᓯᐊᓂᕐᒧᑦ. ᐃᓕᓐᓂᐊᕕᒻᒥᒃ ᓴᐱᓕᕐᓯᒌᑦᑑᓂᕐᒥᒃ ᐱᓇᓱᑦᑎ ᑲᒪᒋᔭᖃᓲᖅ, ᑖᒃᑯᑑᑎᓐᓇᒋᑦ, ᐅᑯᐊ ᐱᓇᓱᐊᒐᑦᓴᐅᔪᑦ:

▪ ᖃᐅᔨᒪᔭᐅᑎᑦᓯᓕᐅᒥᖃᑦᑕᓗᓂ ᐊᒻᒪᓄ ᐊᑕᐅᑦᓯᑯᑦ ᐱᓇᓱᖃᑎᖃᕐᓗᓂ ᐊᑦᔨᒌᖕᖏᑐᓂᒃ ᐱᓇᓱᓲᖑᔪᓂᒃ ᑫᓪᓗᑐᐃᓯᒪᓂᕐᒥᒃ ᐃᓕᓐᓂᐊᓂᕐᒥᒃ ᓴᐱᓕᕐᓯᒌᕐᑑᓂᕐᒨᓕᖓᔪᓂᒃ ᐊᒻᒪᓗ ᐃᓕᓐᓂᐊᓂᕐᒥᒃ ᐱᔭᕇᑦᓯᐊᕈᓐᓇᓯᓂᕐᒥᒃ;

▪ ᐃᓂᓪᓚᑎᕆᖃᑦᑕᓗᓂ ᐊᒻᒪᓗ ᖁᕕᕙᒋᐊᕐᑎᓗᒋᑦ ᓄᓇᓕᒻᒥ ᑲᑎᒪᓃᑦ ᐊᑐᓕᕐᑎᓯᓂᕐᒧᑦ ᐊᐅᓚᑦᔭᒋᐊᕈᑎᑦᓭᑦ ᐊᑐᐃᓐᓇᐅᑎᑕᐅᔪᑦ ᐸᕐᓇᓯᒪᐅᑎᒥᒃ;

▪ ᓴᐳᑎᓗᒋᑦ ᓄᓇᓕᒻᒥ ᐃᓚᐅᔫᔪᑦ ᐱᕙᓪᓕᐊᔭᐅᓂᖏᓐᓄᑦ ᐱᓇᓱᐊᒐᑦᓭᑦ;

▪ ᐅᓐᓂᑑᑎᑦᓴᓕᐅᖃᑦᑕᓗᓂ ᐊᒻᒪᓗ ᐃᑉᐱᒋᑦᓯᐊᖃᑦᑕᓗᒋᑦ ᐊᐅᓚᑦᓯᓂᓕᕆᓂᐅᑉ ᐱᓇᓱᐊᒐᑦᓴᖏᑦᑕ ᐅᑎᕐᕕᐅᖃᑦᑕᓂᖏᑦ;

▪ ᐱᑐᑦᓯᒪᖃᑎᒌᓐᓂᖃᕐᑎᓯᓗᓂ ᓄᓇᓕᓐᓂᒃ ᖁᕝᕙᒋᐊᕐᑕᐅᓂᑦᓴᖏᓐᓄᑦ ᐃᓕᓐᓂᐊᓂᓕᕆᓂᕐᒧᑦ ᑲᑐᑦᔨᖃᑎᒌᒍᑏᑦ ᐱᐅᔪᕐᑎᒍᑦ ᓱᕐᕃᓂᖃᕈᒪᒧᑦ ᐱᔭᕇᑦᓯᐊᕈᓐᓇᓂᕐᓄᑦ ᐊᒻᒪᓗ ᐃᓕᓐᓂᐊᓂᕐᒥᓂᒃ ᓴᐱᓕᕐᓯᒌᑦᑑᑎᑦᓯᒍᓐᓇᓂᕐᒥᒃ ᐃᓕᓐᓂᐊᑎᓂᒃ;

▪ ᓴᐳᑎᓗᒋᑦ ᐃᓕᓐᓂᐊᕖᑦ ᐸᕐᓇᓂᖏᓐᓂᒃ, ᐱᕙᓪᓕᐊᑎᑦᓯᓂᖏᓐᓂᒃ ᐊᒻᒪᓗ ᓇᐅᑦᓯᑐᐃᓂᖏᓐᓂᒃ ᐱᓇᓱᐊᒐᑦᓴᓂᒃ ᐃᓚᐅᑎᑦᓯᔪᓂᒃ ᐃᓕᓐᓂᐊᕕᒻᒥᒃ, ᐃᓚᒌᓂᒃ ᐊᒻᒪᓗ/ᐅᕝᕙᓗᓘᓐᓃᑦ ᓄᓇᓕᓐᓂᒃ;

▪ ᐃᓚᐅᖃᑦᑕᓗᓂ ᑎᒥᐅᔪᒥᒃ ᐃᓚᖏᓐᓂᒃ ᓱᖃᑦᓯᑎᑦᓯᒍᑎᖏᓐᓂᒃ ᐃᓕᓐᓂᐊᕕᐅᑉ ᐱᑐᑦᓯᒪᖃᑎᖏᓐᓂᒃ ᐃᓚᒋᔭᐅᑎᓪᓗᒋᑦ ᑲᑐᑦᔨᖃᑎᒌᖃᑕᐅᔪᑦ;

▪ ᑐᓂᓯᖃᑦᑕᓗᓂ ᓴᐳᑦᔨᓂᕐᒥᓂᒃ ᓄᓇᓕᓐᓄᑦ ᐊᑐᓕᕐᑎᓯᓂᕐᒥᒃ ᐃᓕᒃᑯᑦ ᐊᐅᓚᑦᔭᒋᐊᕐᑕᐅᖃᑦᑕᓂᖏᓐᓂᒃ ᑎᑭᑎᑦᓯᕙᓪᓕᐊᔪᓂᒃ ᐱᕙᓪᓕᐊᑎᑦᓯᓂᕐᒧᑦ, ᐊᑐᓕᕐᑎᓯᓂᕐᒧᑦ, ᐊᒻᒪᓗ ᐃᑉᐱᒋᔭᐊᖃᕐᓂᓄᑦ ᐊᐅᓚᑦᔭᒋᐊᕈᑏᑦ ᐸᕐᓇᓯᒪᐅᑎᖏᓐᓂᒃ.

▪ ᑲᔪᓯᐅᑦᔨᖃᑦᑕᓗᒋᓗ ᓇᓪᓕᑐᐃᓐᓇᖏᑦ ᐊᑦᑐᐊᔪᑦ ᐱᓇᓱᐊᒐᑦᓭᑦ ᖁᔭᐅᓕᕈᓂ.

ᐱᒍᓐᓇᐅᑎᒋᒋᐊᓕᖏᑦ:

▪ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᓂᕐᒥᒃ ᐱᔭᕇᒍᑎᖃᕐᓗᓂ ᑐᓴᐅᒪᖃᑎᒌᓐᓂᓕᕆᓂᕐᒥᒃ, ᐃᓕᓐᓂᐊᓂᓕᕆᓂᕐᒥᒃ, ᐅᕝᕙᓗᓘᓐᓃᑦ ᓇᓪᓕᑐᐃᓐᓇᖏᓐᓂᒃ ᐊᓯᖏᓐᓂᒃ ᓈᒻᒪᓈᕐᑐᓂᒃ ᐱᓇᓱᒐᐅᑉ ᐱᓪᓗᑯᓕᕆᐅᑎᐅᒋᐊᓕᓐᓂᒃ;

▪ 2 ᐊᕐᕌᒎᓐᓂᒃ ᐊᑑᑎᓕᓐᓂᒃ ᐱᓇᓱᐊᕐᓯᒪᓂᖃᕐᓗᓂ;

▪ ᓄᐃᑕᑎᑦᓯᒍᓐᓇᓗᓂ ᐱᐅᔪᒻᒪᕆᓐᓂᒃ ᐱᔪᓐᓇᐅᑎᖃᕐᓂᑯᑦ ᐃᒻᒥᓂᕐᓱᕈᓐᓇᓂᕐᒥᒃ ᐱᓇᓱᓐᓂᖃᕈᒪᒧᑦ ᐊᑦᓱᕈᕐᓇᖏᑦᑐᑯᑦ ᑎᒥᐅᔪᕐᒥᑦ ᐱᑦᔪᔨᓂᖃᕐᑐᒥᒃ ᐅᐸᑦᑕᐅᑲᓪᓚᖃᔭᕐᓇᖏᑦᑐᒥᒃ ᓄᓇᒥᒃ;

▪ ᖃᐅᔨᒪᓂᖃᕐᓗᓂ ᖃᓄᐃᓘᕈᑕᐅᔪᓂᒃ ᐃᓕᓐᓂᐊᓂᕐᒥᒃ ᓴᐱᓕᕐᓯᒌᓐᓂᒨᓕᖓᔪᓂᒃ ᐊᒻᒪᓗ ᐃᓕᓐᓂᐊᓂᕐᒥᒃ ᐱᔭᕇᑦᓯᐊᓂᕐᒧᑦ ᓯᕗᓪᓕᐸᐅᑦᔭᐅᖁᔭᐅᔪᓂᒃ;

▪ ᓲᖑᔪᑦᓯᐊᒥᒃ ᐃᓅᖃᑎᒋᔭᐅᓂᒃᑯᑦ ᑐᓴᐅᒪᖃᑎᒌᓐᓂᑯᑦ, ᐃᓂᓪᓚᖓᓂᒃᑯᑦ, ᐊᓪᓚᓯᒪᔪᓂᒃ ᐊᐅᓚᑦᓯᒍᓐᓇᓂᒃᑯᑦ ᐊᒻᒪᓗ ᓱᖑᐃᑎᒍᐊᕐᑑᓂᕐᒥᒃ ᐱᒍᓐᓇᓂᖃᕐᓗᓂ;

▪ ᐱᒋᐊᕐᑎᓯᓂᖃᕈᓐᓇᓗᓂ, ᓯᕗᓕᕈᓐᓇᓗᓂ, ᐱᓇᓱᖃᑎᒌᖃᑕᐅᑦᓯᐊᕈᓐᓇᓗᓂ, ᐊᒻᒪᓗ ᑲᑐᑦᔨᖃᑎᒌᓐᓂᒥᒃ ᐱᒍᓐᓇᓂᖃᑦᓯᐊᓗᓂ;

▪ ᐱᒍᓐᓇᓂᖃᑦᓯᐊᓗᓂ ᐱᕙᓪᓕᐊᑎᑦᓯᓂᕐᒥᒃ ᓱᖑᐃᑎᑎᑦᓯᒍᓐᓇᓂᕐᒥᒃ ᐊᐅᓚᑦᔦᒋᐊᕆᐊᖃᓚᖓᓂᕐᒥᓂᒃ ᓄᓇᓕᒻᒥᒃ ᑲᑐᑦᔨᖃᑎᒌᕐᓂᖃᕐᓂᒥᓂᒃ;

▪ ᐊᓪᓚᕈᓐᓇᓗᓂ ᐊᒻᒪᓗ ᐅᖄᕈᓐᓇᓂᖃᕐᓗᓂ ᒪᕐᕉᓂᒃ (2) ᐅᑯᓂᖓ ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ;

▪ ᐊᐅᓪᓚᑲᑦᑕᕈᓐᓇᓗᓂ ᓄᓇᕕᒻᒥ

ᓇᓃᓐᓂᖓ ᐱᓇᓱᒐᐅᑉ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓪᓗᒋᑦ $52,481.52/ᐊᕐᕌᒍᑕᒫᑦ ᐊᒦᓱᓂᕐᐸᐅᑎᓪᓗᒋᑦ $ 89,256.44ᐊᕌᒍᑕᒫ (ᐳᕐᑐᓂᖓ 8)

ᐱᕚᓪᓕᖁᑎᑦᓴᖏᑦ: ᐊᑭᑐᔪᕐᒥᐅᖑᒍᑏᑦ ᐋᕐᕿᑕᐅᓯᒪᒍᑎᖏᑦ: ᐃᑭᓐᓂᐸᐅᑎᓪᓗᒋᑦ $8 500 ᐊᕐᕌᒍᑕᒫᑦ;

ᓂᕿᓄᑦ ᐃᑲᔪᕐᓯᐅᑏᑦ: ᐃᑭᓐᓂᐸᐅᑎᓪᓗᒋᑦ $4 399ᐊᕐᕌᒍᑕᒫ

ᐊᕐᕌᒍᑕᒫᑦ ᐊᐅᓪᓚᕈᓐᓇᐅᑏᑦ: ᐊᒥᓲᓂᕐᐸᐅᑎᓪᓗᒋᑦ 3 ᐃᓄᐃᑦ ᐃᓕᒃᑯᑦ ᐊᕐᕌᒍᑕᒫᑦ;

ᐱᓇᓱᒐᖃᕐᑎᐅᒍᓐᓀᕈᓂ ᑮᓇᐅᔭᑦᓴᒥᓂᒃ ᐱᓇᓱᒐᓕᐅᑉ ᓄᐊᑕᖏᑦ: 6.25% ᐱᓇᓱᕝᕕᒥᓂ, 4% ᐱᓇᓱᑦᑎ;

ᐱᓇᓱᖃᑎᒌᑦᑐᑦ ᐃᒻᒪᖃᐅᑎᖏᑦ;

ᓄᕐᖃᖓᑫᓐᓇᓂᖅ: 20 ᐅᓪᓗᐃᑦ ᐊᕐᕌᒍᑕᒫᑦ;

ᕿᑲᕐᓀᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᕕᐊᓱᕝᕕᒥ.

ᐱᓇᓱᒍᒪᐅᑎᑎᑦ ᑎᑭᑎᓪᓗᒋᑦ ᐅᕗᖓ:

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ-ᐱᕕᑦᓴᖃᕐᑎᓯᓂᕐᒥᒃ ᐱᓇᓱᑦᑎᓯᔨᐅᕗᑦ. ᑖᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ,

ᖃᓄᐃᓕᖓᐅᓯᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᖁᕝᕙᒋᐊᕆᒐᓱᐊᕐᓂᒧᑦ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕋᓱᐊᕐᑐᓂᒃ.

ᐱᓇᓱᒐᕐᑖᕋᓱᐊᕐᑐᐃᑦ ᑎᒃᑯᐊᑕᐅᔪᐃᑦ ᑭᓯᐊᓂ ᐊᐱᕐᓲᔭᕐᑕᐅᓛᕐᓂᒥᓄᑦ ᖃᐅᔨᑎᑕᐅᓛᕐᑐᑦ.