ᒥᕐᖑᐃᓯᕐᕕᓂ ᓯᖁᒥᓯᒪᔪᕐᓂᐊᓂᕐᓄᑦ ᐱᓪᓗᑯᒋᐊᓕᑦᑎ - KRG

ᐱᓇᓱᒐᑦᓴᖅ ᐊᑐᐃᓐᓇᕈᕐᑐᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᓕᕆᓂᕐᒥᒃ ᐱᓇᓱᒐᖃᕐᒪᑦ ᑎᒥᐅᔪᓂᒃ ᓄᓇᒥ ᑲᒪᒋᔭᖃᕐᓱᓂ ᑯᐯᑉ ᑕᕐᕋᖓᓂ 55 ᖁᓛᓂ ᑎᑎᖅᓯᒪᔪᒥ, ᕿᓂᓕᕆᕗᖅ ᐱᓇᓱᑦᑎᓴᒥᒃ ᕿᑦᑌᖓᑦᓯᐊᑐᒥᒃ ᐊᒻᒪᓗ ᐱᔪᑦᓴᐅᔮᕐᑐᒥᒃ ᐃᓕᒐᓱᐊᖁᔨᑦᓱᓂ ᐃᒣᑦᑐᒥ ᐱᓇᓱᐊᓚᖓᑎᓪᓗᒍ:

ᒥᕐᖑᐃᓯᕐᕕᓂ ᓯᖁᒥᓯᒪᔪᕐᓂᐊᓂᕐᓄᑦ ᐱᓪᓗᑯᒋᐊᓕᑦᑎ

(ᐊᕐᕌᒍᓂᒃ ᐱᖓᓱᓂᒃ ᐱᓇᓱᒐᔭᕐᑐᒥᒃ - ᐊᑌᓐᓇᑐᒥᒃ ᐱᓇᓱᒐᕐᒥᒃ)

ᐊᖓᔪᕐᖄᖃᕐᓗᓂ ᒥᕐᖑᐃᓯᕐᕕᐅᑉ ᐃᖏᕐᕋᓂᖏᑦᑕ ᑲᒪᔨᒻᒪᕆᖓᑕ ᐃᑲᔪᕐᑎᖓᓂᒃ ᐊᒻᒪᓗ ᐱᓇᓱᐊᖃᑎᖃᑦᓯᐊᓗᓂ ᐊᓯᒥᓂᒃ ᐱᓇᓱᑦᑎᖏᓐᓂᒃ ᐱᓇᓱᕝᕕᐅᑉ ᐊᒻᒪᓗ ᓄᓇᓖᑦ ᐱᐅᒃᑯᑎᖃᕐᑎᑕᐅᓂᖏᓐᓄᑦ ᐱᓇᓱᕝᕕᒥᒃ, ᒥᕐᖑᐃᓯᕐᕕᒥ ᓯᖁᒥᓯᒪᔪᕐᓂᐊᑎ ᑎᓕᔭᐅᒪᐅᑎᓕᒃ ᐃᑲᔪᕐᐸᓂᐊᕐᑎᓗᒍ ᐱᕙᓪᓕᐊᑕᐅᓂᖏᓐᓂᒃ ᐊᒻᒪᓗ ᓯᖁᒥᓯᒪᔪᕐᓂᐊᑕᐅᓂᖏᓐᓂᒃ ᐱᖁᑎᒻᒪᕇᑦ ᑯᐯᑉ ᒥᕐᖑᐃᓯᕐᕕᖏᑦᑕ ᑫᐋᔩᒃᑯᑦ ᐊᐅᓚᑦᓯᓂᖏᑦᑕ ᐊᑖᓃᑦᑐᑦ. ᐱᓗᐊᕐᑐᒥᒃ, ᒥᕐᖑᐃᓯᕐᕕᒥ ᓯᖁᒥᓯᒪᔪᕐᓂᐊᓂᕐᓄᑦ ᐱᓪᓗᑯᒋᐊᓕᑦᑎ ᐅᑯᓂᖓ ᐱᓇᓱᐊᖃᑦᑕᓚᖓᔪᖅ:

• ᓇᓗᓀᕐᑐᐃᔨᐅᓗᓂ ᐱᖁᑎᒻᒪᕇᑦ ᐱᒪᔭᐅᒋᐊᖃᕐᓂᖏᓐᓂᒃ ᐊᒻᒪᓗ ᓄᐃᑦᓯᕙᓪᓗᓂ ᐊᕐᕌᒍᑕᒫᕐᓯᐅᑎᓂᒃ ᐊᒻᒪᓗ ᐊᑯᓃᕐᑐᒧᐊᖓᔪᓂᒃ ᓯᖁᒥᓯᒪᔪᕐᓂᐊᓃᑦ ᓈᒻᒪᓯᑦᑕᕈᑎᒋᓂᐊᕐᑕᖏᓐᓂᒃ;

• ᐃᓘᓐᓈᒍᑦ ᐃᑉᐱᒍᓱᑦᑎᓯᓂᖃᕐᓗᓂ ᓄᑕᐅᓪᓕᑎᕐᑕᐅᔪᓂᒃ ᐅᕝᕙᓘᓐᓃᑦ ᓴᓇᔭᐅᔪᓂᒃ ᒥᑭᔪᕐᓚᓂᒃ ᐱᓇᓱᒐᕐᓂᒃ ᐃᓱᓕᑦᑕᑐᓂᒃ ᑐᕌᖓᓗᑎᒃ ᐊᑦᔨᒌᖕᖏᑐᓄᑦ ᒥᕐᖑᐃᓯᕐᕖᑦ ᐱᖁᑎᒻᒪᕆᖏᓐᓄᑦ (ᐱᓇᓱᕝᕕᐅᑉ ᐃᓗᐊᓃᑦᑐᑦ ᐱᓇᓱᑦᑏᑦ ᐅᕝᕙᓘᓐᓃᑦ ᑭᒡᒐᑐᕐᓂᓄᑦ ᐊᖏᖃᑎᖃᕈᑏᑦ);

• ᐃᓕᓐᓂᐊᑎᑦᓯᕙᓪᓗᓂ ᐊᒻᒪᓗ ᑕᓯᐅᕐᓯᓯᒪᕙᓪᓗᓂ ᒥᕐᖑᐃᓯᕐᕖᑦ ᐱᓇᓱᑦᑎᖏᓐᓂᒃ ᐃᓘᓐᓇᖏᑎᒍᑦ ᐱᓇᓱᒉᑦ ᐃᓱᓕᑦᑕᑐᑦ ᑲᔪᓯᓂᓕᒫᖏᓐᓂ;

• ᐃᑲᔪᕐᐸᓗᓂ ᓯᖁᒥᓯᒪᔪᕐᓂᐊᓃᑦ ᑲᔪᓯᑎᑕᐅᓂᖃᕐᑎᓗᒋᑦ, ᓄᑕᐅᓪᓕᑎᕆᓃᓪᓗ ᐊᒻᒪᓗ ᓴᓇᓂᑐᐃᓐᓇᐅᒋᐊᓖᑦ ᐱᖁᑎᒻᒪᕆᓐᓄᐊᖓᔪᑦ ᐊᒻᒪᓗ ᐱᐅᒃᑯᑎᓄᐊᖓᔪᑦ; ᑕᒪᓐᓇ ᐱᓇᓱᐊᕐᓂᖅ ᐅᑯᓄᖓᐅᓕᖓᒍᓐᓇᑐᖅ ᓴᓇᓂᖅ, ᓱᓪᓗᓕᓕᕆᓂᖅ, ᐸᕐᖄᕈᑎᓕᕆᓂᖅ, ᐃᑯᒪᐅᑎᓕᕆᓂᖅ ᐊᒻᒪᓗ ᐊᐅᓚᐅᑎᓄᐊᖓᔪᓕᕆᓂᖅ;

• ᒥᕐᖑᐃᓯᕐᕕᒥ ᐱᓇᓱᑦᑏᑦ ᑐᓴᐅᒪᖏᓐᓇᑎᑦᓯᐊᓗᒋᑦ ᐊᑐᕐᑕᐅᒍᓯᖏᓐᓄᑦ ᐱᐅᒃᑯᑏᑦ ᐊᒻᒪᓗ ᐱᐅᒃᑯᑏᑦ ᐊᑦᑕᓀᑦᑑᓂᖏᓐᓄᑦ ᒪᓕᒐᕐᓂᒃ;

• ᐃᓚᐅᕙᓪᓗᓂ ᐊᑐᐃᓐᓇᕈᕐᑕᐅᓕᕐᐸᑕ ᐊᑭᑭᓐᓂᐹᕐᓯᐅᕈᑏᑦ ᓯᑯᑦᓴᔭᖓᖁᑎᖏᑦ ᐊᒻᒪᓗ ᑭᒡᒐᑐᕐᑕᐅᓂᕐᓄᑦ ᐊᖏᖃᑎᖃᕈᑏᑦ;

• ᐊᓯᖏᓐᓂᒃ ᐊᑦᔨᐸᓱᖏᓐᓂᒃ ᐱᓇᓱᖃᑦᑕᕋᔭᕐᒥᔪᖅ ᐱᖁᔭᐅᒍᓂ ᐊᖓᔪᖅᑳᒥᓄᑦ.

ᐱᔪᓐᓇᐅᑎᖃᕆᐊᓕᒃ ᐃᒣᑦᑐᓂᒃ:

• ᐊᓂᒍᐃᒍᑎᑖᕐᓯᒪᓗᓂ ᐱᓇᓱᒋᐅᕐᓴᓂᕐᒥ ᐃᓕᓴᕐᓱᓂ ᐃᓄᓕᕆᕕᓐᓄᐊᖓᔪᓂᒃ, ᐊᐅᓚᐅᑎᓄᐊᖓᔪᓂᒃ ᐅᕝᕙᓘᓐᓃᑦ ᐃᑯᒪᐅᑎᓄᐊᖓᔪᓂᒃ, ᐅᕝᕙᓘᓐᓃᑦ ᑌᒣᑦᑐᓭᓐᓇᑲᓵᓂᒃ ᐱᓪᓗᑯᒋᐊᓕᓐᓂᒃ ᖃᐅᔨᒪᓂᕐᑖᓯᒪᓗᑎᒃ ᑕᒪᒃᑯᓇᓂ ᐱᓇᓱᐊᕈᑎᓂᒃ;

• ᐱᖓᓱᓂᐅᓐᓃᑦ (3) ᐊᕐᕌᒍᓂ ᐱᓇᓱᐊᕐᓯᒪᓗᓂ ᑌᒣᑦᑐᓭᓐᓇᑲᓵᓂᒃ ᐱᓇᓱᐊᕐᓯᒪᓗᓂ;

• ᖃᐅᔨᒪᑦᓯᐊᓗᓂ ᐅᖃᐅᓯᕐᒥᒃ ᑐᓴᕐᑎᓯᒍᓐᓇᓂᖃᑦᓯᐊᓗᓂ ᐅᖃᐅᓯᑐᐃᓐᓇᑎᒍᑦ ᐊᒻᒪᓗ ᑭᖕᖒᒪᔦᑦ ᓈᓚᑦᓯᐊᕈᓐᓇᓗᒋᑦ;

• ᓱᖏᐅᑎᑲᐱᒍᓐᓇᓯᐊᕐᓗᓂ, ᐃᑲᔪᕈᓐᓇᓯᐊᕐᓗᓂ ᐊᒻᒪᓗ ᐱᓇᓱᐊᖃᑎᖃᕈᓐᓇᓯᐊᕐᓗᓂ;

• ᐸᕐᓀᕈᑎᓕᐅᕈᓐᓇᓯᐊᕐᓗᓂ ᐊᒻᒪᓗ ᐸᕐᓀᒋᐊᓕᓐᓂᒃ ᐱᒃᑭᓂᐅᒍᑎᖃᕐᓗᓂ;

• ᖃᐅᔨᒪᓗᓂ Microsot Office ᖃᕆᑕᐅᔭᐅᑉ ᐊᓪᓚᒍᑎᑦᓴᔭᖏᓐᓂᒃ;

• ᐊᓪᓚᓯᒪᔪᓂᒃ ᐊᒻᒪᓗ ᓂᑦᔮᒍᑎᓂᒃ ᐊᑐᕈᓐᓇᓗᒋᑦ ᐱᔪᓐᓇᕆᐊᓕᒃ ᐃᑭᓐᓂᐹᖓᓄᑦ ᒪᕐᕉᓄᑦ (2) ᒪᑯᐊ ᐅᖃᐅᓰᑦ ᓇᓪᓕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᓱᖏᐅᓐᓂᖃᕈᓂ ᐃᓗᒡᒍᓯᖃᖃᑎᒌᖕᖏᑐᑦ ᐊᕙᑎᖓᓂᒃ ᐱᔪᓐᓇᕈᑎᖃᕆᐊᖓ ᐃᓱᒪᒋᔭᐅᓚᖓᔪᖅ;

• ᓄᓇᓕᓐᓂ ᐅᖓᓯᑦᑐᓂ ᐱᓇᓱᐊᕐᕕᖃᕈᒪᓂᖃᕐᓗᓂ;

• ᓄᓇᕕᒻᒥ ᐊᐅᓚᑲᑦᑕᕆᐊᖃᕋᓗᐊᕈᓂ ᖃᓄᐃᑦᓴᕈᓐᓀᓗᓂ ᐊᑐᐃᓐᓇᐅᓯᐊᕐᐸᓗᓂᓗ.

ᐱᓇᓱᕝᕕᐅᑉ ᓇᔪᕐᑕᖓ: ᓄᓇᕕᒃ.

ᑮᓇᐅᔭᓕᐅᕐᓂᖓ: ᐃᑭᓐᓂᐹᑦ $52,481 ᐊᒻᒪᓗ ᐅᓄᕐᓂᐹ $89,256 ᐊᕐᕌᒍᑕᒫᑦ (Class 8)

ᐊᓯᖏᑦ ᐱᕙᓪᓕᖁᑎᑦᓭᑦ: ᐃᓅᒐᓱᐊᕐᓂᐅᑉ ᐊᑭᑐᔫᓂᖓᓄᑦ ᐃᑲᔪᕐᓯᔭᐅᒍᑎᖏᑦ: ᐱᒋᐊᕐᕕᖓ $8,500/ᐊᕐᕌᒍᓕᒫᒥ.

ᓂᕿᓄᑦ ᐃᑲᔪᕐᓯᔭᐅᒍᑎᖏᑦ: $4,216/ᐊᕐᕌᒍᓕᒫᒥ.

ᖃᖓᑦᑕᐅᑏᑦ: ᐊᑕᐅᓯᖅ ᐃᓄᒃ ᖃᖓᑦᑕᐅᑎᑖᕈᓐᓇᑐᖅ ᐱᖓᓱᓂᑦ ᐊᕐᕌᒍᑕᒫᑦ

ᐱᔭᕆᐊᑭᓪᓕᑎᕐᓯᒪᔪᑦ ᑮᓇᐅᔭᕐᑖᕐᑕᕈᑎᑦᓭᑦ: 6ᑉᑦ% ᐱᓇᓱᑦᑎᓯᔪᕐᒧᑦ ᐊᒻᒪᓗ

4% ᐱᓇᓱᑦᑎᒧᑦ

ᑲᑐᑦᔨᖃᑎᒌᑦ ᐃᒻᒪᖃᐅᑎᖏᓐᓄᑦ.

ᕿᑲᕈᓐᓇᑕᖏᑦ: ᐅᓪᓗᐃᑦ 20 ᐊᕐᕌᒍᓕᒫᒥ.

ᕿᑲᕈᓐᓇᒥᔭᖏᑦ: ᐅᓪᓗᐃᑦ 20 ᖁᓕᑦ ᐅᓪᓗᐃᑦ ᐃᓚᐅᒻᒥᑎᓪᓗᒋᑦ ᕿᑎᖕᖑᒥ

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᐁᕆᓕ 30, 2026-ᒥ ᐅᕗᖓ:

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

ᑖᒃᑯᐊ KRG-ᑯᑦ ᓇᐅᓕᒫᓄᑦ ᐱᒍᑦᔨᔨᐅᒻᒪᑕ ᐱᓇᓱᒐᖃᕐᑎᑦᓯᔨᐅᑦᓱᑎᒃ, ᔦᒥᔅ ᐯ ᐊᒻᒪᓗ ᑯᐯᓪᓗ ᑕᕐᕋᖓᓂ ᐊᖏᖃᑎᒌᓐᓂᖏᑎᒍᑦ,

ᐱᓇᓱᒐᐅᑉ ᖃᓄᐃᑦᑑᒋᐊᖃᕐᓂᖓ ᐊᓯᑦᔨᑕᐅᑐᐃᓐᓇᕆᐊᓕᒃ ᐃᓄᑐᐃᓐᓇᒥᒃ ᐱᓇᓱᒐᕐᑖᕋᓱᐊᕐᑐᖃᕐᐸᑦ

ᐱᓇᓱᒐᕐᑖᕋᓱᑦᑐᑦ ᓂᕈᐊᕐᑕᐅᔪᑦ ᑖᒃᑯᑐᐊᑦ ᐊᐱᕐᓲᔭᕐᑕᐅᓚᖓᓗᑎᒃ ᖃᐅᔨᑎᑕᐅᒐᔭᕐᑐᑦ.