ᐊᓪᓚᑎ - KI

ᐱᓇᓱᒐᖅ: ᐊᓪᓚᑎ

ᐊᓪᓚᕕᖓ: ᐱᓇᓱᑦᑐᓕᕆᕕᒃ ᐊᒻᒪᓗ ᑮᓇᐅᑦᔭᓵᓕᕆᕕ

ᑮᓇᐅᑦᔭᓵᑦ: ᐱᒋᐊᕐᓱᓂ $22,36-ᓂᑦ $25,00-ᓄᑦ ᑎᑭᐅᑎᒍᓐᓇᑐᑦ ᐃᑲᐅᕐᓂᑕᒫᑦ ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ: SECHRPAY2508-01

ᓇᓃᓐᓂᓴᖓ: ᒪᓐᑐᔨᐊ

ᖃᓄᐃᑦᔅᑐᑑᓂᖓ: ᐱᓇᓱᒐᖅ ᐊᑕᔪᒥᒃ

ᐱᒋᐊᕐᕕᓴᖓᑕ ᐅᓪᓗᖓ: ᓯᑦᑎᒻᐱᕆ 2025

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᐅᓚᑦᓯᓂᓕᕆᓂᕐᒥ ᐃᑲᔪᕐᑎᒥᒃ ᐱᓇᓱᑦᑐᓕᕆᕕᒻᒥ ᑐᑭᒧᐊᑦᑎᓯᔨᒧᑦ ᐊᖓᔪᕐᖄᖃᕐᓱᓂ, ᑭᐅᔨᐅᑉ ᐱᓇᓱᐊᕆᐊᓕᖏᑦ ᐱᒻᒪᕆᐅᓂᕐᓭᑦ ᐊᒥᓱᒐᓚᓐᓂᒃ ᐊᑑᑎᒋᐊᓕᒃ ᑭᐅᔨᐅᑉ ᑮᓇᐅᔭᓕᕆᔨᐅᑉ ᐱᓇᓱᐊᕆᐊᖃᓲᖏᓐᓂᒃ.

ᐱᓇᓱᐊᓗᐊᖕᖑᐊᑕᖏᑦ:

• ᑭᐅᖃᑦᑕᕆᐊᓕᒃ ᐅᖄᓚᐅᑎᒥᒃ ᐊᒻᒪᓗ ᐅᖄᓚᑎᑦᓯᓗᓂ ᐅᖄᖃᑎᒋᒍᒪᔭᖓᓄᑦ ᐊᒻᒪᓗ ᑐᖕᖓᓱᑦᑎᓯᓗᓂ ᙯᔪᓂᒃ;

• ᐋᑦᓯᓗᓂ ᐊᓪᓚᓂᒃ ᐊᒻᒪᓗ ᐊᓯᖏᓐᓂᒃ ᐊᓪᓚᓂᒃ ᐱᓇᓱᑦᑎᒥᓄᑦ;

• ᓄᐃᑦᓯᓗᓂ ᐱᓇᓱᑦᑏᑦ ᐱᖁᔭᑦᓴᖏᓐᓂᒃ ᐊᒻᒪᓗ ᐊᐅᓚᑦᓯᓗᑎᒃ ᐊᓪᓚᒃ ᐱᖁᔭᕐᓂᓗ;

• ᓄᑕᐅᓯᓕᕐᓗᓂ ᐊᒻᒪᓗ ᐊᐅᓚᑦᓯᓗᓂ ᖃᓄᐃᑦᑐᑐᐃᓐᓇᓂᒃ ᑎᒥᐅᔫᑉ ᐊᕕᑦᑐᓯᒪᖏᑦᑕ ᑐᓴᕋᑦᓴᖏᓐᓂᒃ ᐱᒻᒪᕆᐅᔪᓂᒃ;

• ᐃᑲᔪᕐᓗᓂ ᐊᑐᐃᓐᓇᕈᕐᑎᓯᓂᕐᒥᒃ ᐊᒥᓱᓂᒃ ᑐᓴᕋᑦᓴᓂᒃ ᑎᒥᐅᔫᑉ ᐱᓇᓱᑦᑎᖏᓐᓄᑦ;

• ᐃᑉᐱᒍᓱᑦᓯᐊᖃᑦᑕᓗᓂ ᐊᐅᓚᑦᓯᓗᓂᓪᓗ ᐊᓪᓚᕕᐅᑉ ᓱᓇᒐᓚᖏᓐᓂᒃ ᑎᑭᓭᒋᐊᓪᓚᖃᑦᑕᓗᓂ ᑭᖕᖒᒪᑦᓯᓕᕐᐸᑦ (ᐊᓪᓚᕕᑦᓭᑦ, ᐊᓪᓚᕕᑦᓭᑦ ᐴᖏᑦ, ᐊᓪᓚᐅᑏᑦ);

• ᐱᓇᓱᖃᑎᖃᕐᓗᓂ ᑮᓇᐅᔭᓕᕆᔨᒥᒃ ᑮᓇᐅᑦᔭᓭᑦ ᒥᑦᓵᓄᑦ, ᓄᐃᑦᓯᓗᓂ ᑐᓴᕋᑦᓴᓂᒃ ᑮᓇᐅᔭᓕᕆᓂᕐᒨᓕᖓᔪᓂᒃ ᐊᒻᒪᓗ ᐃᑉᐱᒍᓱᑦᓯᐊᖃᑦᑕᓗᓂ ᑐᓴᕋᑦᓭᑦ ᑮᓇᐅᔭᓕᕆᓂᕐᒨᓕᖓᔪᑦ ᓴᓂᕐᕙᓯᒪᑦᓯᐊᕋᓗᐊᕐᒪᖔᑕ , ᐊᑑᑎᓗᓂ EXCEL-ᒥᒃ ᖃᕆᑕᐅᔭᒃᑯᑦ;

• ᐸᕐᓀᖃᑦᑕᓗᓂ ᐊᐅᓚᑦᓯᓗᓂᓪᓗ ᑕᑯᔭᐅᕕᑦᓴᑖᕐᑎᓯᖃᑦᑕᓗᓂ ᐊᒻᒪᓗ ᑲᑐᔭᐅᕕᑦᓴᑖᕐᑎᓯᖃᑦᑕᓗᓂ ᐱᓇᓱᒐᕐᑖᕈᒪᔪᓄᑦ ᑎᒥᐅᔫᑉ ᐊᕕᑦᑐᓯᒪᓂᖏᓐᓄᑦ;

• ᐊᐅᓚᑦᓯᖃᑦᑕᑦᓗᓂ ᑕᑯᔭᐅᕕᑦᓴᑖᕐᑎᓯᖃᑦᑕᓗᓂ ᐊᖓᔪᕐᖄᓂᒃ ᐱᓇᓱᑦᑎᑖᕈᒪᔪᓂᓪᓗ ᐊᒻᒪᓗ ᐊᐅᓚᑦᓯᓯᐊᖃᑦᑕᓗᓂ ᑐᑭᒧᐊᕈᓯᕐᒥᒃ;

• ᐸᕐᓀᖃᑦᑕᓗᓂ ᐊᐅᓪᓚᒋᐊᖃᓛᕐᑐᓂᒃ ᐊᒻᒪᓗ ᐱᓇᓱᑦᑎᓂᒃ ᓯᓂᕝᕕᓴᕐᑖᕆᐊᓕᓐᓂᒃ;

• ᐊᐅᓚᑦᓯᖃᑦᑕᓗᓂ ᑎᒥᐅᔫᑉ ᐊᓪᓚᕕᑦᓴᖏᓐᓂᒃ SHAREPOINT-ᒥ ᓄᑖᖑᑦᓱᓂ ᖃᕆᑕᐅᔭᒥ;

• ᐱᓇᓱᐊᖃᑦᑕᓗᓂ WORD-ᒥᒃ ᐊᑑᑎᓗᓂ, ᐊᐅᓪᓚᑎᑦᓯᖃᑦᑕᓗᓂ ᓱᑲᑦᑐᑰᕈᑎᒃᑯᑦ ᐊᒻᒪᓗ ᐊᒥᓱᕈᕐᑎᓯᖃᑦᑕᓗᓂ ᐊᓪᓚᕕᑦᓴᓂᒃ;

• ᐱᓇᓱᐊᖃᑦᑕᓗᓂ ᐊᓯᖏᓐᓂᒃ ᐱᓇᓱᐊᕐᑕᐅᒋᐊᓕᓐᓂᒃ ᐱᓇᓱᐊᑕᐅᖁᔭᐅᔪᓂᒃ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐱᓇᓱᒐᕐᒧᑦ ᐃᓕᓐᓂᐊᕕᒻᒥᒃ ᐱᔭᕇᕈᑎᑖᕐᓯᒪᓗᓂ (ᐊᓪᓚᑎᐅᓂᕐᒧᑦ), ᐅᕝᕙᓘᓐᓃᑦ ᐳᕐᑐᓂᕐᓴᒥ ᑕᓪᓕᒪᒥ ᐱᔭᕇᕈᑎᑖᕐᓯᒪᓗᓂ, ᐅᕝᕙᓘᓐᓃᑦ ᐱᔭᕇᕈᑎᖃᕐᓗᓂ ᐃᓕᑕᕆᔭᐅᓂᖏᑦ ᓇᓪᓕᖁᐊᓕᓐᓂᒃ ᐃᓕᑕᕆᔭᐅᔪᓄᑦ ᐊᖓᔪᕐᖄᐅᕕᓕᓐᓄᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐊᕐᕌᒎᓐᓂ ᒪᕐᕉᓂ ᐱᓇᓱᐊᕐᓯᒪᓗᓂ ᑖᑦᓱᒧᖕᖓᓕᖓᔪᓂᒃ

• ᐅᖄᒍᓐᓇᓯᐊᕐᓗᓂ ᒪᕐᕉᓂᒃ ᐅᖃᐅᓰᓐᓂᒃ ᐱᖓᓱᓂᓪᓘᓃᑦ ᐃᓄᑦᑎᑐᑦ, ᐅᐃᒍᐃᑎᑐᑦ ᖃᓪᓗᓈᑎᑐᑦ

• ᖃᕆᑕᐅᔭᓕᕆᒍᓐᓇᓗᓂ Office ᓚᔭᐅᔪᒥᒃ, ᐊᒻᒪᓗ ᖃᐅᔨᒪᑦᓯᐊᓗᓂ ᖃᕆᑕᐅᔭᓂᒃ

• ᐃᓂᓪᓚᖓᑦᓯᐊᕈᓐᓇᓗᓂ, ᐱᓇᓱᖃᑎᐅᑦᓯᐊᕈᓐᓇᓗᓂᓗ.

ᐱᓇᓱᕝᕕᒋᒋᐊᓕᖏᑦ: 35 ᑫᕙᓪᓚᒍᓰᑦ/ᐱᓇᓱᐊᕈᓯᑕᒫᑦ, ᐊᓪᓕᕇᕐᑐᓂᑦ ᓂᕿᑦᓯᑐᓄᑦ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4113-ᒥᒃ ᐱᓇᓱᕝᕕᖃᕋᔭᕐᑐᖅ, ᐱᒋᐊᕐᓱᒋᑦ $22,18-ᓂᑦ $24,13-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ

• ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᐊᐅᒡᒍᓯ 28, 2025

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ, ᓇᓪᓕᑳᕐᓗᑎᑦ ᐅᑯᐊ ᓇᓪᓕᖏᓐᓂᑦ ᐃᓕᒐᓱᐊᕈᑕᐅᒍᓐᓇᑐᓂᒃ:

1. ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ SECHRPAY2508-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.