ᓂᐅᕕᕐᑎᒃ ᐳᕐᑐᓂᕐᓴᖅ - KRG

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᓄᓇᓕᓐᓂᒃ ᐊᐅᓚᑦᓯᔨᐅᔪᖅ ᐊᐅᓚᑦᓯᒍᓐᓇᐅᑎᖃᕐᓱᓂ ᑯᐯᑉ ᑕᕐᕋᖓᓃᑦᑐᓂᒃ 55 ᐃᑳᖓᔫᑉ ᖁᓛᓂ, ᒫᓐᓇᐅᑎᓪᓗᒍ ᕿᓂᕐᖁᖅ ᐱᒍᓇᐅᑦᓯᖓᑦᓯᐊᑐᒥᒃ ᕿᑦᑌᖓᑦᓯᐊᑐᒥᒃ ᐃᓄᒻᒥᒃ ᐱᓇᓱᑦᑎᐅᖃᑎᐅᒍᒪᒐᔭᕐᑐᒥᒃ KRG-ᒃᑯᓄᑦ ᐱᓇᓱᓪᓗᓂ ᐃᒣᑦᑐᒥᒃ:

ᓂᐅᕕᕐᑎᒃ ᐳᕐᑐᓂᕐᓴᖅ

(ᐊᑌᓐᓇᑐᖅ - ᐅᓪᓗᓕᒫᕐᓯᐅᑎᒃ ᐱᓇᓱᒐᖅ)

ᐳᕐᑐᓂᕐᓴᖅ ᓂᐅᕕᕐᑎᒃ ᑲᒪᒋᔭᑦᓴᔭᓕᒃ ᓂᐅᕕᕐᓂᓂᒃ ᐊᒻᒪᓗ ᐃᑉᐱᒋᔭᖃᑦᓯᐊᓗᓂ ᒪᓕᑦᓯᐊᒪᖔᑕ ᑲᕙᒪᐅᑉ ᒪᓕᒐᖏᓐᓂᒃ ᑎᒥᐅᔫᓗ ᑐᕌᒐᖏᓐᓂᒃ. ᐱᓇᓱᑦᑕᖏᓐᓂ ᐱᓇᓱᖃᑎᖃᕐᓗᓂ ᐊᑦᔨᒌᖕᖏᑐᓂᒃ KRG-ᒃᑯᑦ ᐱᒍᑦᔨᕕᖏᓐᓂᒃ ᐊᓪᓚᕕᓂᒃ, ᐊᖏᖃᑎᒌᒐᓱᓐᓂᖅ ᓂᐅᕕᕐᕕᐅᔪᓂᒃ, ᐱᓪᓗᑯᒋᐊᓕᑎᒍᕐᑐᓂᒃ ᑲᒪᒋᔭᖃᕐᓗᓂ ᓂᐅᕕᕐᓂᒧᓕᖓᔪᓂᒃ. ᐱᓇᓱᒋᐊᓕᖏᑦ ᐅᑯᓂᖓ ᐃᓚᖃᕐᖁᑦ, ᑖᒃᑯᑑᒐᑎᓗ:

ᐱᓇᓱᒋᐊᓕᖏᑦ

• ᐱᓇᓱᖃᑎᖃᕐᓗᓂ KRG-ᒃᑯᑦ ᐊᓪᓚᕕᖏᓐᓂᒃ ᕿᒥᕐᕈᓗᓂ ᐱᓇᓱᑦᑕᐅᔪᑦᓭᑦ ᖃᓄᐃᓕᖓᒋᐊᖃᕐᓂᖏᓐᓂᒃ, ᓂᐅᕕᕐᓂᓄᑦ ᖃᓄᐃᓗᕈᑎᐅᒐᔭᕐᑐᓕᐅᕐᓗᓂ, ᐊᑐᐃᓐᓇᕈᕐᑎᕆᓗᓂᓗ ᐊᑭᑭᓐᓂᐹᕐᓯᐅᓂᕐᓂᒃ (ᓇᐅᓕᒫᓄᓕᖓᔪᓂᒃ ᐃᓚᐅᖁᔨᒍᑎᑎᒍᕐᑐᓂᓗ) ᑎᒥᐅᑉ ᑭᖕᖒᒪᒋᔭᖏᓐᓂᒃ ᒪᓕᓪᓗᑎᒃ ᒪᓕᑦᓯᐊᑎᓗᒋᓗ ᑲᕙᒪᐅᑉ ᓂᐅᕕᕐᓂᒧᑦ ᒪᓕᒐᖏᓐᓂᒃ ᐱᖁᔭᖏᓐᓂᓗ.

• ᐃᓚᐅᖃᑎᐅᓗᓂ ᐊᑦᔨᒋᖕᖏᑐᓄᑦ KRG-ᒃᑯᓂ ᐱᓇᓱᑦᑕᐅᔪᑦᓴᓂᒃ ᐊᐅᓚᑦᓯᒍᓯᕐᓄᑦ ᐱᓇᓱᑦᑕᐅᔪᑦᓴᐅᑉ ᐸᕐᓀᑕᐅᓂᖓᓂ ᒪᓕᑦᑎᓯᐊᕐᓗᒋᑦ ᓂᐅᕕᕐᓂᓂ ᖃᖓᐅᓂᑦᓴᓕᐊᕕᓂᖏᑦ ᐊᒻᒪᓗ ᖃᓄᐃᓗᕈᑎᑦᓴᓕᐊᕕᓂᕐᓂᒃ ᑎᒥᐅᔫᑉ ᑐᕌᒐᖏᓐᓂᒃ ᐅᖃᕐᕕᖃᕐᐸᓗᓂ ᖃᓄᐃᓗᕈᑎᑦᓴᓕᐊᖑᔪᓂᒃ ᐅᖃᐅᓯᑦᓴᒥᓂᒃ ᐊᑭᑐᓗᐊᕐᑎᓯᑦᑌᓕᓂᕐᒧᑦ ᖃᓄᐃᓗᕈᓯᕐᓂᒃ ᐊᒻᒪᓗ ᖃᓄᕐᑐᕈᑎᖃᕐᓗᓂ ᓂᐅᕕᕐᓂᓄᑦ ᐊᑑᑎᔭᐅᒍᓐᓇᕋᔭᕐᒥᔪᓂᒃ ᐊᓯᖏᓐᓂᒃ.

• ᐊᑭᑭᓐᓂᐹᓂᒃ ᓇᕝᕚᓗᓂ, ᖃᓄᐃᓕᖓᓂᑦᓴᖏᓐᓂᓗ ᐱᔭᐅᓂᖏᓐᓄᑦ ᐱᖁᑏᑦ ᐱᒍᑦᔨᒍᑏᓗ, ᐱᑦᓯᐊᑐᓂᒃ ᐅᓄᕐᓂᖏᓪᓗ ᒪᓕᑦᓯᐊᒪᖔᑕ ᐱᓇᓱᑦᑕᐅᔪᓂ ᐊᑑᑎᔭᐅᒋᐊᓕᓐᓂᒃ ᒪᓕᑦᓯᐊᓗᑎᒃ ᐱᐅᓯᕐᓲᑎᐅᒋᐊᓕᓐᓂᒃ ᓂᐅᕕᕐᓂᓄᑦ ᐱᐅᓯᕆᔭᐅᓲᓂᒃ.

• ᐱᓇᓱᖃᑎᒌᓐᓂᖃᕐᓯᐊᓗᓂ, ᐊᑯᓂᕐᑐᒥᒃ ᐱᓇᓱᖃᑎᖃᕈᓐᓇᓗᓂ ᓂᐅᕕᕐᕕᐅᔪᓂᒃ ᑲᑐᑦᔨᖃᑎᒌᓐᓂᖃᑦᓯᐊᕈᓐᓇᓂᐊᕐᓗᑎᒃ.

• ᑲᔪᓯᓕᕐᑎᓯᓗᓂ ᖃᓄᐃᓗᕈᓯᕐᓂᒃ ᐃᑉᐱᒋᔭᖃᕈᓯᕐᒥᒃ ᕿᒥᕐᕈᒋᐊᓪᓚᕈᓯᕐᒥᓗ ᓂᐅᕕᕐᕕᐅᔫᑉ ᐱᓇᓱᒍᓯᖓᓂᒃ ᒪᓕᓪᓗᑎᒃ ᓇᐅᑦᓯᑐᕈᑎᓂᒃ; ᑲᒪᒋᔭᖃᕆᐊᕐᐸᓗᓂ ᐱᓀᓗᑕᓂᒃ ᐊᒻᒪᓗ ᐋᕐᕿᒋᐊᕆᓂᕐᓄᑦ ᖃᓄᐃᓗᕈᑎᐅᔪᑦ ᑲᒪᒋᔭᐅᑦᓴᐅᑎᒋᑎᓗᒋᑦ, ᐅᖃᐅᓯᑦᓴᖃᕐᐸᓗᓂ ᐱᐅᓯᐅᒥᒋᐊᕈᑎᐅᒍᓐᓇᑐᓂᒃ ᐱᒍᑦᔨᓂᖃᕐᓂᐊᒪᑕ ᐱᑦᓯᐊᑐᒥᒃ.

• ᐸᕐᓀᓗᓂ ᐊᒻᒪᓗ ᐱᒋᐊᕐᓗᑎᓗ ᐱᓪᓗᑯᒋᐊᓕᑎᒍᕐᑐᓂᒃ ᐊᐅᓚᑕᐅᒋᐊᓕᓐᓂᒃ ᐅᒥᐊᕐᔪᐊᑯᑦ ᑎᑭᓴᕐᑕᕕᓂᕐᓂᒃ, ᐃᓚᐅᒻᒥᑎᓪᓗᒍ ᐊᑭᑭᓐᓂᐹᕐᓯᐅᓂᖃᕐᓃᑦ, ᖃᖓᐅᓂᑦᓴᖏᑦ, ᐊᑕᐅᑦᓯᑯᓕᕐᑎᑕᐅᓂᖏᑦ ᐊᐅᓪᓚᑎᑕᐅᔪᑦᓴᑦ, ᐃᑉᐱᒋᔭᖃᕐᓂᓗ ᑎᑭᓵᕕᓂᕐᓂᒃ ᐊᒻᒪᓗ ᑲᒪᒋᔭᖃᕐᓗᓂ ᖃᖓᐅᓂᑦᓴᓕᐊᓂᒃ ᓈᒻᒪᓈᑦᓯᐊᑐᒥᒃ ᑎᑭᐅᑎᒍᓐᓇᓂᐊᕐᒪᑕ ᓂᐅᕕᕐᑕᐅᔪᑦ ᓄᓇᓕᖏᓐᓄᑦ 14ᓄᑦ ᓄᓇᕕᒻᒥ.

• ᐊᖏᖃᑎᒌᒐᓱᓐᓂᓄᑦ ᐃᓚᐅᓗᓂ ᐊᐅᓚᑦᓯᓗᓂᓗ ᐃᓘᓐᓇᖏᓐᓂᒃ ᓂᐅᕕᕐᓂᓄᓕᖓᔪᐃᑦ ᐊᖏᖃᑎᒌᒍᑎᖏᓐᓂᒃ, ᑲᔪᓯᑎᑦᓯᓯᐊᕐᓗᓂ ᖃᖓᐅᓂᑦᓴᓕᐊᕕᓃᑦ ᒪᓕᑦᑕᐅᑎᓗᒋᑦ ᐱᓇᓱᑦᑕᐅᔪᑦᓴᒥ ᑐᕌᒐᖏᑎᒍᑦ ᐊᒻᒪᓗ KRG-ᒃᑯᑦ ᐱᖁᔭᖏᓐᓂᒃ, ᐃᓚᐅᒻᒥᑎᓗᒋᑦ ᐱᖁᔦᑦ ᑕᒪᒃᑯᓄᖓᓄᓕᖓᔪᐃᑦ ᒪᓕᒐᖏᓪᓗ.

• ᐱᐅᓯᐅᒥᑎᑦᓯᒋᐊᖏᓐᓇᓕᒫᕐᓗᓂ ᓂᐅᕕᕐᓂᓄᑦ ᐱᖁᔭᖏᓐᓂᒃ ᖃᓄᐃᓗᕈᓯᖏᓐᓂᓗ, ᒪᓕᑦᓯᐊᑎᓗᒋᑦ ᓂᐅᕕᕐᓂᓄᓕᖓᔪᓂᒃ ᐱᐅᓯᑦᓯᐊᖑᓂᕐᐹᓂᒃ, ᑲᕙᒪᐅᑉ ᖃᓄᐃᓗᖁᔨᒍᑎᖏᓐᓂᒃ, ᑎᒥᐅᔫᓪᓗ ᑭᖕᖒᒪᒋᔭᖏᓐᓂᒃ.

• ᑲᒪᒋᔭᖃᕐᓗᓂ ᓴᓇᔭᐅᓂᖏᓐᓂᒃ ᓄᐃᑕᐅᓂᖏᓐᓂᓗ ᑐᓴᕐᑎᓯᒍᑎᑦ ᓂᐅᕕᕐᓂᓄᓕᖓᔪᐃᑦ, ᕿᒥᕐᕈᓃᑦ ᐊᑭᖏᓐᓂᒃ ᐃᓚᐅᑎᓪᓗᒋᑦ ᓂᐅᕕᕐᕕᐅᔪᑦ ᖃᓄᖅ ᐱᑦᓯᐊᒪᖔᑕ ᓇᐅᑦᓯᑐᕈᓯᖃᕐᓗᑎᒃ, ᐱᑦᓯᐊᒪᖔᑕ ᓇᓗᓀᕐᓯᒍᑎᓂᒃ ᐱᓇᓱᑦᑕᐅᔪᑦᓴᓂᒃ ᓂᐅᕕᕐᓂᓂ ᓄᐃᓚᕿᔪᓂᒃ.

• ᓄᑕᐅᓯᓕᕐᓯᒪᑦᓯᐊᑐᓂᒃ ᐱᑕᖃᕐᓗᓂ ᐊᓪᓚᓯᒪᔪᓂᒃ KRG-ᒃᑯᑦ ᓂᐅᕕᕐᕕᒋᓲᖏᓐᓂᒃ, ᐱᕕᐅᒍᓐᓇᓯᐊᕐᑐᓂᒃ ᐱᓇᓱᖃᑎᖃᕐᓗᑎᒃ ᐊᑦᔨᒌᖕᖏᑐᓂᒃ ᑭᖕᖑᒪᒋᔭᐅᔪᓂᒃ ᓂᐅᕕᕐᓂᐅᒍᓐᓇᑐᓂᒃ.

• ᑲᒪᒋᔭᖃᕐᓗᓂ ᓂᐅᕕᕐᑕᐅᖁᔭᐅᔪᓂᒃ ᐊᑦᔨᒋᖕᖏᑐᓂᒃ ᐱᒍᑦᔨᕕᒻᒥᒃ ᐱᓯᒪᔪᓂᒃ, ᑎᑭᓴᕐᑕᐅᔪᓂᒃ ᓂᐅᕕᕐᕕᓄᑦ ᐊᐅᓪᓚᑎᑦᓯᕙᓪᓗᓂ, ᑲᒪᒋᔭᖃᕐᓗᓂ ᐱᒍᑦᔨᕕᒻᒥ ᓯᓚᑎᖓᓂᓗ ᐱᓯᒪᔪᓂᒃ ᐃᓚᐅᔪᓂᒃ ᓈᒻᒪᓈᑦᓯᐊᑐᒥᒃ ᖃᖓᐅᓂᑦᓴᖓ ᐱᒍᓐᓇᓯᓗᑎᒃ ᐱᒍᑦᔨᓂᕐᒥᓗ.

• ᕿᒥᕐᕈᖃᑎᐅᓗᓂ ᐊᑦᑕᓇᕐᑐᒦᒍᑎᐅᑐᐃᓐᓇᕆᐊᓕᓐᓂᒃ ᓂᐅᕕᕐᓂᓄᓕᖓᔪᓂᒃ, ᓇᓗᓀᕐᓯᓗᓂ ᐃᓱᐃᑦᑑᒍᑎᐅᑐᐃᓐᓇᕆᐊᓕᓐᓂᒃ ᐱᒍᑦᔨᒍᑎᓂᒃ ᐃᓂᕐᕋᑎᑕᐅᔪᓂᒃ ᓱᖏᕐᑑᑎᖃᕐᓂᒧᑦ ᐸᕐᓀᕈᑎᓂᒃ ᐃᑯᓪᓚᑎᑦᓯᒐᓱᒍᑎᓂᒃ ᐊᑦᑕᓇᕐᒦᒍᑎᐅᒍᓐᓇᑐᓂᒃ.

• ᓯᕗᓕᕐᓗᓂ ᐃᓕᓐᓂᐊᑎᑕᐅᓂᖏᓐᓂᒃ ᐱᓇᓱᑦᑎᑖᕆᔭᐅᔪᐃᑦ ᐱᓇᓱᒐᕐᒥᓄᕐᐸᓕᐊᓂᖏᓐᓂ ᓂᐅᕕᕐᑐᓕᕆᕕᒻᒧᑦ, ᖃᐅᔨᒪᔭᒥᓂᒃ ᐃᓕᓐᓂᐊᑎᑦᓯᓗᓂ ᓂᐅᕕᕐᓂᓄᓕᖓᔪᓂᒃ, ᐃᑲᔪᕐᓯᒍᑎᓂᒃ, ᖃᓄᐃᓕᖓᓂᖓᓂᓗ ᐱᒍᑦᔨᕕᐅᑉ.

• ᐱᓇᓱᓪᓗᓂ ᓇᓪᓕᑐᐃᓐᓇᖏᓐᓂᒃ ᐱᓇᓱᒐᖓᓄᓕᖓᔪᓂᒃ ᐱᓇᓱᖁᔭᐅᒍᓂ.

• ᐳᕐᑐᓂᕐᓴᓂ ᐃᓕᓐᓂᐊᕕᕐᔪᐊᒥ ᐱᔭᕆᕈᑎᑖᕐᓯᒪᓗᓂ ᓂᐅᕕᕐᑐᓕᕆᕕᒻᒥ ᐊᐅᓚᑦᓯᔨᐅᓂᕐᒥᒃ. ᓂᐅᕕᕐᓂᒥᒃ, ᒪᑭᑕᒐᓱᐊᕈᑎᒥᒃ ᐊᐅᓚᑦᓯᔨᐅᓂᕐᒥᒃ, ᐊᖏᔪᓂᒃ ᐱᓇᓱᐊᕐᑐᓂᒃ ᐃᓐᔨᓂᐊ, ᐊᑦᔨᐸᓱᖓᓂᓗᓐᓃᑦ. ᐅᐊᕈᑎᒋᑦᑎᓗᒋᑦ ᐊᑦᔨᐸᓱᖓᓂᒃ ᐃᓕᓐᓂᐊᓯᒪᓂᖅ ᐊᒻᒪᓗ ᐱᓇᓱᑦᑎᐅᓯᒪᓂᖓ ᐊᑦᔨᐸᓱᖓᓂᒃ ᐃᓱᒪᒋᔭᐅᓂᐊᕐᖁᑦ.

• ᐃᑭᓐᓂᐹᖑᓗᑎᒃ ᐊᕐᕌᒍᐃᑦ 7 ᐱᓇᓱᑦᑎᐅᓯᒪᓗᓂ ᓂᐅᕕᕐᑐᓕᕆᕕᒻᒥ, ᐃᓚᐅᑎᓪᓗᒋᑦ ᐊᑭᑭᓐᓂᐹᕐᓯᐅᓃᑦ, ᓂᐅᕕᕐᕕᐅᔪᓂᒃ ᐊᖏᖃᑎᒌᒐᓱᓐᓂᖃᕐᓃᑦ, ᐊᖏᖃᑎᒌᒍᑎᓂᒃ ᐊᐅᓚᑦᓯᓂᖅ, ᓇᐅᓕᒫᓄᓕᖓᔪᓂᒃ ᑲᕙᒪᖁᑎᖏᓐᓂᒃ ᐱᓇᓱᑦᓯᒪᒍᓂ ᐱᐅᔫᒐᔭᕐᑐᖅ.

• ᐱᓇᓱᖃᑎᖃᕈᓐᓇᓗᓂ ᐊᒥᓱᓂᒃ ᐱᓇᓱᑦᑎᓂᒃ ᐊᒻᒪᓗ ᓯᓚᑖᓂ ᐱᓇᓱᖃᑎᒌᔭᕐᓂᒃ ᐱᔭᕆᐊᑐᔪᓂᒃ ᐱᓇᓱᑦᑕᐅᔪᓂᒃ, ᑲᒪᒋᔭᖃᕈᓐᓇᓗᓂ ᓯᕗᓪᓕᐅᔭᐅᒋᐊᓕᓐᓂᒃ, ᓂᐅᕕᕐᓂᖏᑦ ᒪᓕᑦᓯᐊᓗᑎᒃ ᑎᒥᐅᔫᑉ ᑐᕌᒐᖏᓐᓂᒃ, ᐃᓱᓕᕝᕕᓕᐊᕆᔭᐅᒪᔪᓂᒃ ᐱᕕᑭᑦᑐᒥ ᐱᔭᕆᒍᓐᓇᓗᓂ.

• ᐱᓇᓱᑦᑎᐅᓯᒪᓗᓂ ᐊᒥᓱᓂᒃ ᐱᓪᓗᑯᒋᐊᓕᑎᒍᕐᑐᓂᒃ ᐃᓂᕐᕋᑎᑦᓯᓂᕐᒥᒃ, ᐅᑦᑑᑎᒋᓗᒍ ᐅᒥᐊᕐᔪᐊᑯᕐᑐᓴᓂᒃ ᐸᕐᓀᓂᕐᒥᒃ, ᐊᐅᓪᓚᑎᑕᐅᔪᑦᓴᓂᒃ ᐊᑕᐅᑦᓯᑯᓕᕐᑎᓯᓂᕐᒥᒃ, ᑲᒪᒋᔭᖃᕐᓗᓂᓗ ᐅᖓᓯᑦᑐᒧᑦ ᐊᐅᓪᓚᑎᑕᐅᔪᑦᓴᓂᒃ.

• ᓄᐃᑕᑎᑦᓯᓗᓂ ᐱᕙᓪᓕᐊᑎᑦᓯᒍᓐᓇᓂᕐᒥᓂᒃ ᑲᒪᒋᔭᖃᕈᓐᓇᓂᕐᒥᓗ. ᐱᒍᑦᔨᔨᐅᔪᓂᒃ ᐱᓇᓱᖃᑎᖃᕈᓐᓇᓂᕐᒥᒃ. ᐃᓚᐅᑎᓪᓗᒍ ᐱᓇᓱᒍᓯᖏᓐᓂᒃ ᐃᑉᐱᒋᔭᖃᕐᓂᒥᒃ ᐱᓀᓗᑕᓂᓗ ᖃᓄᕐᑐᕈᑎᖃᕈᓐᓇᓂᕐᒥᒃ.

• ᖃᐅᔨᒪᑦᓯᐊᓗᓂ ᓂᐅᕕᕐᓂᐊᕈᑎᓂᒃ ᖃᕆᑕᐅᔭᑎᒍᕐᑐᓂᒃ ᐊᒻᒪᓗ Microsoft Office ᐃᑲᔪᕐᓯᒍᑎᓂᒃ; ᖃᐅᔨᒪᓗᓂ ACCPAC ᐊᒻᒪᓗ ERP-ᒥᒃ ᐊᑐᕐᑕᐅᓲᓂᒃ.

• ᐃᓗᓕᖏᓐᓂᒃ ᐃᑉᐱᒋᔭᖃᑦᓯᐊᕈᓐᓇᓗᓂ ᐊᒻᒪᓗ ᐱᓇᓱᑦᑎᒪᕆᐅᓂᕐᒥᒃ ᐱᐅᓯᖃᕐᓗᓂ.

• ᖃᓄᕐᑑᕈᓐᓇᓗᓂ ᐊᓯᑦᔨᒋᐊᕈᓐᓇᓗᓂᓗ ᐊᓯᑦᔨᑎᓪᓗᒋᑦ ᐱᓇᓱᑦᑕᐅᔪᓂ ᑭᖕᖑᒪᒋᔭᐅᔪᐃᑦ ᐊᒻᒪᓗ ᐃᓂᕐᕋᑎᑦᓯᓂᕐᒥᒃ ᐱᓀᓗᑕᐅᔪᓂᒃ, ᐱᓗᐊᕐᑐᒥ ᐅᖓᓯᑦᑐᒦᑦᑐᓂᒃ ᐱᔭᕆᐊᑐᔪᓂᓗ ᐱᓇᓱᕝᕕᐅᔪᓂᒃ.

• ᐃᓕᑕᕆᔭᐅᒍᑎᖃᕐᓗᓂ ᐱᒍᑦᔨᓂᒍᑎᓂᒃ ᐊᐅᓚᑦᓯᔨᐅᓂᕐᒥᒃ ᐱᓇᓱᑦᑎᒪᕆᐅᓂᕐᒥᒃ ᐱᓯᒪᔪᒥᒃ ᐱᒍᑦᔨᔨᖏᑦ ᑲᓇᑕᒥ, ᐱᒍᑦᔨᓂᕐᒥᒃ ᐊᐅᓚᑦᓯᔨᒻᒪᕆᐅᓂᕐᒥᒃ ᐅᕝᕙᓗᓐᓃᑦ ᓇᓪᓕᑐᐃᓐᓇᖏᓐᓂ APICS ᐃᓕᑕᕆᔭᐅᒍᑎᖃᕈᓂ ᐱᐅᔫᒐᔭᕐᑐᖅ.

• ᐅᖄᒍᓐᓇᓗᓂ ᒪᕐᕈᔪᐊᓐᓂᒃ ᐅᖃᐅᓰᕐᓂᒃ ᐅᑯᓂᖓ: ᐃᓄᒃᑎᑐᑦ, ᖃᓪᓗᓈᑎᑐᑦ, ᒍᐃᒍᐃᑎᑐᓗ.

ᓄᓇᓕᒃ ᐱᓇᓱᕝᕕᖓ: ᑰᑦᔪᐊᖅ, ᑯᐯᒃ

ᑮᓇᐅᑦᔭᓵᑦ: ᐃᑭᓐᓂᐹᖑᓗᑎᒃ: $63 716/ᐊᕐᕌᒍᑕᒫᑦ – ᐅᓄᕐᓂᐹᖑᓗᑎᒃ: $109 329/ᐊᕐᕌᒍᑕᒫᑦ

ᐱᕙᓪᓕᖁᑏᑦ: ᐃᓅᒐᓱᐊᕐᓂᒧᑦ ᐊᑭᖏᓐᓂᒃ ᐃᑲᔪᕐᓯᒍᑏᑦ: ᐃᑭᓐᓂᐹᖑᓗᑎᒃ $8 500/ᐊᕐᕌᒍᑕᒫᑦ

ᓂᕿᓯᓂᕐᓄᑦ ᐃᑲᔪᕐᓯᒍᑏᑦ: ᐃᑭᓐᓂᐹᖃᕐᓗᑎᒃ $4 216/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐊᐅᓪᓚᕈᑏᑦ: ᐃᑭᓐᓂᐹᖑᓗᑎᒃ 3

ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓕᕈᓂ ᕿᑲᕐᓂᐅᑎᑦᓴᖏᑦ: 6,25% ᐱᓇᓱᕝᕕᒃ, 4% ᐱᓇᓱᑦᑎᒃ

ᐊᒥᓱᐃᖑᑦᓱᑎᒃ ᐃᒻᒪᖃᐅᑎᒃ

ᕿᑲᕐᓀᑦ: 20 ᐅᓪᓗᐃᑦ

ᕿᑲᕐᓀᑦ ᐋᕐᕿᑕᐅᒪᔪᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᕿᑎᖕᖓᒥ ᕿᑲᕐᓇᓂ

ᐊᐅᓪᓚᑎᑦᓯᒋᑦ ᐱᓇᓱᑦᑎᐅᒍᑎᓂᒃ ᐱᓇᓱᑦᓯᒪᔭᑎᑦ ᐃᓕᓐᓂᐊᓯᒪᔭᑎᑦ ᐊᓪᓚᓯᒪᒍᑎᖓᓂᒃ ᐅᕗᖓ:

ᐱᓇᓱᑦᑎᓯᓕᕕᒃ

ᑲᑎᕕᒃ ᓄᓇᓕᓕᒫᑦ ᑲᕙᒪ,ᖓ

P.O. Box 9, Kuujjuaq, Québec J0M 1C0

ᓱᑲᑦᑐᑰᕈᑎᒃ: (819) 964-2975

ᖃᕆᑕᐅᔭᑎᒍᑦ ᓯᓚᑎᖓ: humanresources@krg.ca

KRG-ᒃᑯᑦ ᐊᑦᔨᒌᑦᓯᐊᑎᑦᓯᓲᖑᕗᑦ ᐱᓇᓱᑦᑎᖑᕋᓱᑦᑐᓂᒃ. ᒪᓕᑦᓱᑎᒃ ᑖᑦᓱᒥᖓ ᐊᒻᒪᓗ ᔦᒻᔅ ᐯ ᑯᐯᒃᓗ ᑕᕐᕋᖓᓂ

ᐊᖏᖃᑎᒌᒍᑎᖓᓂᒃ, ᖃᓄᐃᓕᖓᓂᖏᑦ ᐊᓯᑦᔨᒋᐊᕐᑕᐅᑐᐃᓐᓇᕆᐊᖃᕐᖁᑦ ᐃᓄᑐᐃᓐᓇᒥᒃ ᐱᓇᓱᑦᑎᑖᕋᓱᓐᓂᒧᑦ.

ᐱᓇᓱᒐᕐᑖᕋᓱᑦᑐᐃᑦ ᐊᐱᕐᓱᑕᐅᔪᑦᓭᑦ ᑭᓯᐊᓂ ᖃᐅᔨᒋᐊᕐᕕᐅᓛᕐᖁᑦ.