ᐳᕐᑐᓂᕐᓴᒥᑦ ᐱᑐᑦᓯᒪᐅᑎᓕᕆᔨ ᐊᐅᓚᑦᓯᕕᓕᕆᔨᖅ -ᑕᒫᓂ (Tamaami) ᖃᕆᑕᐅᔭᑎᒍᑦ ᐱᑐᑦᓯᒪᐅᑕᓕᕆᕕᒻᒥ ᐱᒍᑦᔨᕕᖓ - KRG

ᐱᓇᓱᒐᖅ ᐱᕕᑦᓴᐅᕗᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᐅᖃᕐᑕᐅᔪᖅ ᖁᓛᓂ ᓄᓇᓕᓕᒫᓄᑦ ᑎᒥᖕᖑᑎᓯᒪᔪᖅ ᓄᑭᖃᕐᕕᒋᑦᓱᒍ ᓄᓇᖁᑎᖓ 55 ᖁᓛᓂ, ᕿᓂᓕᕆᕗᖅ ᓇᒻᒥᓂᖅ-ᐱᔪᒪᓂᖃᑦᓯᐊᑐᒥᑦ ᐊᒻᒪᓗ ᐱᑦᓴᑐᔪᒥᑦ ᐃᓚᐅᖃᑕᐅᒍᒪᔪᒥᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᓇᓱᒐᕐᒥᑦ ᐆᒥᖓ ᑌᔭᐅᒍᓯᓕᒻᒧᑦ:

ᐳᕐᑐᓂᕐᓴᒥᑦ ᐱᑐᑦᓯᒪᐅᑎᓕᕆᔨ ᐊᐅᓚᑦᓯᕕᓕᕆᔨᖅ -ᑕᒫᓂ (Tamaami) ᖃᕆᑕᐅᔭᑎᒍᑦ ᐱᑐᑦᓯᒪᐅᑕᓕᕆᕕᒻᒥ ᐱᒍᑦᔨᕕᖓ

(ᐊᑌᓐᓇᑐᒥᑦ ᐅᓪᓗᑕᒫᕐᓯᐅᑎᒃ)

ᑲᒪᒋᔨᖃᕐᓱᓂ ᐊᑕᐅᑦᓯᑰᕐᑎᓯᕕᒻᒥᑦ ᖃᕆᑕᐅᔭᑎᒍᑦ ᐱᑐᑦᓯᒪᐅᑕᓕᕆᕕᖓᑕ ᐊᐅᓚᑦᓯᕕᖓᓂᑦ, ᐳᕐᑐᓂᕐᓴᒥᑦ ᐱᑐᑦᓯᒪᐅᑎᓕᕆᔨ ᐊᐅᓚᑦᓯᕕᓕᕆᔨᖅ ᓴᐳᒻᒥᔨᖅ ᐊᒻᒪᓗ ᑲᔪᓯᐅᒐᕐᓗᒍ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᖁᒻᒧᐊᑎᑕᐅᓯᒪᔪᑎᒍᑦ ᐱᑐᑦᓯᒪᒍᑎᖓᓂᑦ, ᐅᖓᓯᑦᑐᒥᑦ ᐱᓯᒪᔪᒥᑦ ᐱᑐᑦᓯᒪᒍᑎ ᐊᒻᒪᓗ ᓄᓇᓕᓐᓄᑦ ᐊᑐᐃᓐᓇᐅᑎᑦᓯᕕᒋᑦᓱᒍ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᒧᑦ. ᐳᕐᑐᓂᕐᓴᒥᑦ ᐱᑐᑦᓯᒪᐅᑎᓕᕆᔨ ᐊᐅᓚᑦᓯᕕᓕᕆᔨᖅ ᐃᑉᐱᒋᔭᑦᓴᔭᖃᕐᒥᔪᖅ ᖃᓄᐃᑦᑐᒥᑦ ᓇᓗᓀᒃᑯᑕᖃᕐᑐᓴᐅᒻᒪᖔᑦ ᐃᓕᑕᕆᔭᐅᒍᑎᒋᓗᒍ, ᐊᑐᓕᕐᑎᑕᐅᓂᖓᓄᑦ ᓄᑖᖅ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᑎᒍᑦ ᐱᒍᑦᔨᒍᑎᓂᑦ, ᐃᓚᐅᑎᓪᓗᒋᑦ ᐊᑐᐃᓐᓇᐅᑎᑦᓯᓂᕐᒥᑦ ᐊᓪᓚᓯᒪᔪᖁᑎᖏᓐᓂᑦ, ᐱᐅᓯᕆᒋᐊᓕᖏᓐᓂᓗ ᐊᒻᒪᓗ ᐃᓕᓐᓂᐊᑎᑕᐅᓂᖏᓐᓂᑦ ᖃᕆᑕᐅᔭᑎᒍᑦ ᐱᑐᑦᓯᒪᕕᓕᕆᕕᒻᒥ ᐱᓇᓱᑦᑎᖏᓐᓂᑦ.

ᑲᒪᒋᒋᐊᓕᖏᑦ:

•  ᐊᑐᕈᓐᓇᑎᑦᓯᐊᓗᒋᑦ ᐊᒻᒪᓗ ᐋᕐᕿᓯᒪᑦᓯᐊᑎᓪᓗᒋᑦ ᐱᓇᓲᑏᑦ ᐃᓕᖓᔪᑦ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᓂᑦ. ᑖᒃᑯᐊ ᐃᓚᐅᑎᓪᓗᒋᑦ ᐱᓇᓲᑏᑦ ᑌᔭᐅᒍᓯᓖᑦ Cisco ᖁᒻᒧᐊᑎᑕᐅᓯᒪᔪᑎᒍᑦ ᐱᑐᑦᓯᒪᒍᑏᑦ ᐊᒻᒪᓗ ᐊᓯᑦᔨᑐᐃᒍᑎᖏᓐᓂᑦ, Cisco ᐃᑖᕐᑕᐅᒌᒃᑯᑎᖏᓐᓂᑦ, ᖃᕆᑕᐅᔭᐅᑉ ᐱᑐᑦᓯᒪᒍᑎᖓᑕ ᐊᑐᕐᑕᐅᓂᖓᓂ ᐊᒻᒪᓗ ᐊᒥᓱᓄᑦ ᐱᑐᑦᓯᒪᒍᑎᐅᑦᓱᓂ ᑲᑉᐳᑎᕕᒃ. ᐃᓚᐅᑎᓪᓗᒍ Calix E7 ᐊᒻᒪᓗ LTE ᓂᐸᖃᕐᑎᓯᒍᑎᖏᓐᓂᑦ.
•  ᐊᑐᕈᓐᓇᑎᑦᓯᐊᓗᒋᑦ, ᐋᕐᕿᓯᒪᑦᓯᐊᑎᓪᓗᒋᑦ ᐊᒻᒪᓗ ᐃᓕᐅᕐᖃᖃᑦᑕᓗᒋᑦ ᐱᑐᑦᓯᒪᐅᑎᒧᐊᓕᖓᔪᑦ ᐅᖓᓯᑦᑐᒧᑦ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᑎᒍᑦ ᐱᒍᑦᔨᒍᑎᒃ ᐊᒻᒪᓗ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᒃ ᐊᑕᐅᓯᐅᖕᖏᑐᒧᑦ ᐱᑐᑦᓯᒪᒍᑎᐅᒍᓐᓇᓱᓂ ᐃᓚᐅᑎᓪᓗᒍ LTE ᓱᑲᑦᑐᒥᑦ ᐱᑐᑦᓯᒪᒍᑏᑦ.
•  ᑕᑯᓐᓇᒐᓱᐊᕐᓗᒋᑦ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᒃ ᓯᓚᑎᒧᑦ, ᐊᒥᓲᓄᑦ ᐊᑐᕐᑕᐅᓗᐊᓕᕐᒪᖔᑦ, ᓯᓚᑎᒧᑦ ᐱᑐᑦᓯᒪᒍᓐᓇᐅᑎ ᐊᓯᐅᓕᕐᒪᖔᑦ, ᑕᒻᒪᑲᑦᑕᑐᒧᑦ ᐱᑐᑦᓯᒪᒍᓐᓀᕈᑎᓂᑦ ᐅᕝᕙᓘᓐᓃᑦ ᐊᓯᖏᓐᓄᑦ ᐱᓀᓗᑕᓄᑦ;
•  ᐊᑐᐃᓐᓇᖃᕐᑎᓯᓗᓂ ᐳᕐᑐᓂᓕᒻᒥᑦ 3 ᓴᐳᒻᒥᓂᕐᒧᑦ ᓂᐅᕕᕋᓱᐊᕐᑏᑦ ᐱᒍᑦᔨᔨᖏᓐᓂᑦ ᖃᕆᑕᐅᔭᑎᒍᑦ ᐱᒍᑦᔨᓂᓕᕆᓂᕐᒥᑦ ᐃᓕᖓᔪᓂᑦ;
•  ᐊᓪᓚᓯᒪᔪᓕᐊᕆᖃᑦᑕᓗᒋᑦ ᐃᓕᖓᔪᓕᒫᑦ ᐱᓇᓲᑏᑦ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᓄᐊᖓᔪᑦ ᐊᐅᓚᓂᖏᓐᓄᑦ ᐊᒻᒪᓗ ᐋᕐᕿᓱᕐᑕᐅᒪᓂᖏᓐᓂᑦ;
•  ᐃᑲᔪᕐᓯᒪᒍᑎᒋᖃᑦᑕᓗᒍ ᐊᐅᓚᑕᐅᓂᖓ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᓄᑦ ᐊᑭᓕᕐᑐᑕᐅᓂᖏᓐᓄᐊᖓᔪᓂᑦ (Powercode-ᑎᒎᕐᑐᑯᑦ) ᐊᒻᒪᓗ ᓴᐳᒻᒥᑕᐅᒍᑎᖓᑕ VM ᐋᕐᕿᓱᕐᑕᐅᒪᓂᖏᓐᓂᑦ.
•  ᐱᓪᓗᑯᒋᐊᓕᕐᑎᒍᑦ ᐃᓕᓐᓂᐊᑎᑦᓯᓗᓂ ᓄᑲᕐᓯᓄᑦ ᐊᒻᒪᓗ ᐃᓕᓐᓂᐊᑎᑕᐅᓂᕐᒦᓱᑎᑦ ᐱᓪᓗᑯᒋᐊᓕᕐᑎᒍᑦ ᐱᓇᓱᑦᑎᓂᑦ;
•  ᑲᒪᒋᔭᖃᖃᑦᑕᓗᓂ ᐊᑭᓕᕐᑐᐃᔪᐃᑦ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᖏᓐᓂᑦ ᐊᑐᕐᓗᓂ ᐆᒥᖓ iPerf3, ᐊᒻᒪᓗ ᐊᓯᖏᑎᒍᑦ ᐃᓕᑕᕆᔭᐅᔪᑎᒍᑦ ᐱᓇᓲᑎᓄᑦ.
•  ᐊᑕᐅᑦᓯᑰᕐᑎᓯᔨᐅᓗᓂ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᒧᑦ ᐅᐃᒪᓇᕐᑐᑯᑦ ᖃᐅᔨᒋᐊᕐᕕᖃᖃᑦᑕᓗᓂ ᓄᓇᓕᓐᓂᑦ ᐱᓇᓱᑦᑎᓂᑦ ᐊᒻᒪᓗ ᖃᓄᐃᓕᖓᓕᕐᑐᓂᑦ ᑕᒡᒍᒧᑦ ᐅᐯᖃᑦᑕᓗᓂ ᒋᐊᖃᓪᓗᑐᒍᓂ;
•  ᐱᓯᒪᓗᒋᑦ ᑭᓯᑕᐅᒪᓂᖏᑦ ᐊᑐᐃᓐᓇᐅᑎᑕᐅᔪᓂᑦ ᐱᐅᒡᒍᑎᓂᑦ ᐊᒻᒪᓗ ᐃᓚᑦᓴᐅᔪᓂᑦ ᐅᐃᒪᓇᕐᑐᑯᑦ ᓴᓇᒋᐊᓪᓛᔭᐅᒋᐊᖃᓕᕐᐸᑕ;
•  ᖃᐅᔨᒪᑎᑦᓯᖃᑦᑕᓗᓂ ᑐᑭᒧᐊᕐᑎᓯᔨᒥᑦ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᒧᑦ ᐊᐅᓚᑕᐅᓂᖓᓄᑦ ᐊᒻᒪᓗ ᐊᖓᔪᖄᑉ ᑐᖓᓕᖓᓄᑦ ᐊᓯᑦᔨᒋᐊᕐᑐᖃᑐᐊᕐᐸᑦ ᓴᓇᔭᐅᓯᒪᔪᓂᑦ ᐊᒻᒪᓗ ᓯᕗᓂᕐᒥᑦ ᑭᖕᖒᒪᒋᔭᐅᕋᔭᕐᑐᓂᑦ;
•  ᐱᓇᓱᐊᖃᑦᑕᓗᓂ ᐊᓯᖏᓐᓄᐊᖓᔪᓂᑦ ᐃᓕᖓᑉᐸᑕ ᐱᓇᓱᐊᕐᓂᐅᔪᒧᑦ ᕿᓄᕈᑕᐅᔪᓂᑦ ᐊᖓᔪᖄᑉ ᑲᒪᔨᖓᓄᑦ.

ᐱᔪᓐᓇᕆᒋᐊᓕᖏᑦ:

•  ᐃᓕᓐᓂᐊᕕᕐᔪᐊᒥᑦ ᐱᔭᕇᕐᓯᒪᓂᕋᐅᕈᑎᖃᕐᓗᓂ ᖃᕆᑕᐅᔭᓕᕆᓂᒃᑯᑦ ᐱᑐᑦᓯᒪᐅᑎᓕᕆᓂᕐᒥᑦ;
•  5 ᐊᕐᕌᒍᓂᑦ ᐱᓇᓱᐊᕐᓯᒪᓗᓂ ᖃᕆᑕᐅᔭᓕᕆᓂᒃᑯᑦ ᐱᑐᑦᓯᒪᐅᑎᓕᕆᔭᐅᓂᖓᑕ ᐊᐅᓚᑦᓯᔨᐅᓂᕐᒥᑦ;
•  Cisco-ᑯᓄᑦ ᐃᓕᑕᕆᔭᐅᒍᑎᑖᕐᓯᒪᓗᓂ ᐊᒻᒪᓗ ᐱᓇᓱᐊᕐᓯᒪᓗᓂ ᖃᕆᑕᐅᔭᑎᒍᑦ ᐱᑐᑦᓯᒪᕈᑎᓕᕆᓂᕐᒥᑦ ᓇᖐᓗᑕᕆᓗᒍ;
•  ᐱᔪᓐᓇᐅᑎᐅᒋᐊᓪᓚᒍᓐᓇᑐᑦ, ᐱᓇᓱᐊᓕᓂᐅᓗᓂ ᐃᒣᑦᑐᒥᑦ TCP/IP ᐱᑐᑦᓯᒪᒍᑎᒥᑦ ᐊᒻᒪᓗ ᑕᐅᕐᓰᑲᑦᑕᐅᑎᒍᑎᓂᑦ ᖁᒻᒧᐊᑎᑕᐅᓯᒪᔪᒃᑯᑦ (OSPF, iBGP, eBGP ) ᐊᒻᒪᓗ ᐱᑐᑦᓯᒪᒍᑎᐅᑉ ᖃᓄᐃᓘᕐᑕᐅᕈᓯᖏᓐᓂᑦ, ᐅᕙᖕᖓᑦ L1-ᒥᑦ L7-ᒧᑦ
•  ᖃᐅᔨᒪᓗᓂ ᐊᑦᓱᓈᖁᑎᓂᑦ ᐱᑐᑦᓯᒪᒍᑎᓅᓕᖓᔪᓂᑦ ᐃᓚᐅᑎᓪᓗᒍ ᑐᓴᐅᒪᑲᑦᑕᐅᑎᒍᑎᓄᐊᖓᔪᖅ ᐱᑐᑦᓯᒪᒍᑎᓄᑦ GPON FTTH ᐊᒻᒪᓗ FTTB, ᐃᒣᑦᑐᓴᔭᓂᑦ SFP ᐊᒻᒪᓗ SFP+ ᐊᒻᒪᓗ ᐊᑐᕐᑕᐅᕈᓯᖏᓐᓂᑦ.
•  ᓇᓗᓀᕐᓯᒍᓐᓇᓗᓂ ᐊᐅᓚᑕᐅᒍᑎᓂᑦ ᖃᐅᔨᒪᓂᖃᕐᓗᓂ ᑐᓴᐅᒪᑲᑦᑕᐅᑎᒍᑎᒃᑯᑦ ᐱᑐᑦᓯᒪᒍᑏᑦ ᐱᐅᓂᕐᐹᑎᒍᑦ ᐱᓇᓱᐊᕐᑕᐅᓂᖏᓐᓂᑦ ᐊᒻᒪᓗ ᐊᑐᕈᓐᓇᓂᕐᒥᑦ ᐱᑐᑦᓯᒪᒍᑏᑦ ᐱᑐᑦᓯᒪᒍᑎᖏᓐᓂᑦ ᕿᒥᕐᕈᒍᑎᖏᓐᓂᑦ ᐊᒻᒪᓗ ᓴᓗᒻᒪᓭᒍᑎᖏᓐᓂᑦ, ᖃᐅᔨᒪᓗᓂᓗ ᐊᑐᕐᑕᐅᒍᓐᓇᓂᖏᑦ ᐃᑭᓗᐊᕐᒪᖔᑕ ᐊᒻᒪᓗ ᐊᑐᕐᓂᕆᒍᓐᓇᑕᖏᑦ.
•  ᐊᑑᑎᓕᓂᐅᓗᓂ VMware ESXi-ᒥᑦ ᖃᕆᑕᐅᔭᐅᑉ ᓄᐃᑕᑎᑦᓯᒍᑎᑦᓴᔭᖓ ᐊᒻᒪᓗ ᐊᐅᓚᑦᓯᕕᖓ
•  ᐱᓇᓱᐊᕋᑦᓴᓕᐅᕆᓂᕐᒥᑦ ᐊᑑᑎᓯᒪᓗᓂ, Python-ᑯᓂᑦ, Java-ᖃᕆᑕᐅᔦᑦ, C++, JavaScript-ᐅᖃᐅᓯᓕᕆᕕᖓ ᐊᒻᒪᓗ SQL-ᑯᓂᑦ
•  ᐊᐅᓚᑦᓯᒍᓐᓇᓂᕐᒥᑦ ᖃᐅᔨᒪᓗᓂ IP QoS-ᒥᑦ (Diffserv, ToS, ᐊᓯᖏᓐᓂᓗ), ᐊᒥᓲᓗᐊᕐᑐᑦ ᖃᕆᑕᐅᔭᕈᑎᐅᑉ ᑐᐃᑕᑎᑦᓯᕕᖓᓃᓕᕐᐸᑕ ᓄᓪᓚᖓᑎᑦᓯᒍᑎᖏᓐᓂᑦ ISP-ᑯᑦ ᓄᐃᑕᑎᑦᓯᕕᐅᑉ ᑐᖕᖓᕕᖓ ᐃᑉᐱᒋᓗᒍ ᖃᓄᐃᓕᖓᓂᖓ
• ᐊᑐᕐᑕᐅᓂᖓᒍᑦ ᐊᒥᓱᑦ ᐱᑐᑦᓯᒪᓂᖏᓐᓄᑦ, ᑭᖑᕙᕐᑎᓯᒍᑎᓄᑦ ᐊᒻᒪᓗ ᐊᓪᓗᐃᑲᑦᑖᓚᕿᒍᑎᖏᓐᓄᑦ; 
• ᖃᐅᔨᒪᓗᓂ ᑐᓴᐅᒪᑲᑦᑕᐅᑎᒍᑎᒧᑦ ᐱᑐᑦᓯᒪᒍᓐᓇᐅᑎᓂᑦ (IPSEC, SSL), Linux-ᑯᓐᓂᑦ, GEO / LEO ᖁᒻᒧᐊᑎᑕᐅᓯᒪᔪᖓ, ᖁᒻᒧᐊᑎᑕᐅᓯᒪᔪᑎᒍᑦ ᐱᑐᑦᓯᒪᒍᑏᑦ ᐱᐅᓯᕐᓲᑎᖏᓐᓂᑦ ᐊᒻᒪᓗ ᐋᕐᕿᓯᒪᓂᖓ ᐆᓇᕐᓯᓰᒍᑎᖓᓄᑦ ᐱᑐᑦᓯᒪᒍᑎᖏᑦ ᓇᐸᔪᕐᑎᒍᑦ ᖃᐅᔨᒪᒍᓂᐅᑉ ᐱᕙᓪᓕᖁᑎᒋᒍᓐᓇᑕᖓ;
•  ᐱᓀᓗᑕᓕᕆᒍᓐᓇᓯᐊᕐᓗᓂ ᐊᒻᒪᓗ ᓂᕆᐅᓇᖕᖏᑐᒃᑯᑦ ᐱᓀᓗᑌᑦ ᓴᕐᕿᐸᑕ ᐃᑉᐱᒋᔭᖃᕈᓐᓇᓗᓂ, ᐃᓚᖓᓂ ᐊᑭᓕᕐᑐᐃᔪᒥᑦ ᑐᕃᓐᓇᕕᖃᖃᑦᑕᓗᓂ;
•  ᖃᐅᔨᒪᔭᒥᓂᒃ ᐃᓕᓐᓂᐊᑎᑦᓯᒍᑎᖃᕈᓐᓇᓗᓂ ᐊᓯᒥᓄᑦ; ᐃᑉᐱᒋᔭᖃᑦᓯᐊᕈᓐᓇᓗᓂ ᐱᒍᑦᔨᔭᒥᓂᒃ ᐱᐅᓯᖏᑦ ᓱᖏᐅᑎᓯᒪᕕᒋᓗᒋᑦ;
•  ᑐᓴᐅᒪᑲᑦᑕᐅᑎᓂᖃᕈᓐᓇᓗᓂ ᐅᖄᖃᑎᖃᕐᓂᑯᑦ ᐊᒻᒪᓗ ᐊᓪᓚᕈᑎᖃᕈᓐᓇᓗᓂ ᓇᓪᓕᑐᐃᓐᓇᒋᓐᓂᒃ ᐅᖃᐅᓰᓐᓂᒃ ᐊᑐᕐᓗᓂ: ᐃᓄᒃᑎᑐᑦ, ᖃᓪᓗᓈᑎᑐᑦ, ᒍᐃᒍᐃᑎᑐᑦ; ᖃᐅᔨᒪᑐᐊᕈᓂ ᐃᓄᒃᑎᑐᑦ ᐃᑲᔪᕐᓯᐅᑎᒋᒍᓐᓇᓚᕆᑦᑕᖓ;
•  ᐊᑐᐃᓐᓇᐅᒍᓐᓇᖃᑦᑕᕆᐊᓕᒃ ᐃᓚᖓᓂ ᑫᕙᓪᓚᕈᓯᓕᐊᕆᒋᐊᓕᒥᑦᑕ ᐅᖓᑖᓄᑦ, ᐱᓇᓱᓐᓀᑦ ᐊᓂᒍᕐᓯᒪᓕᕐᑎᓗᒋᑦ ᐊᒻᒪᓗ ᐊᑐᐃᓐᓇᐅᕈᓐᓇᓗᓂ ᐅᖄᓚᕕᐅᒍᓐᓇᓂᕐᒥᑦ;
•  ᐊᐅᓪᓚᑲᑦᑕᕈᓐᓇᓗᓂ ᑌᒪᖕᖓᒐᓛᒃ ᐊᒻᒪᓗ, ᐅᐃᒪᓇᕐᑐᖃᓕᕐᐸᑦ, ᐅᐸᓗᐃᔭᐅᓇᕐᑐᑎᒍᑦ.

ᐱᓇᓱᕐᕕᐅᑉ ᐃᓂᖓ: ᒪᑐᐃᖕᖔᔪᖅ

ᑮᓇᐅᔭᓕᐅᕐᓂᖓ: $63,716-ᒥᑦ $109,329-ᒧᑦ ᐊᕐᕌᒍᑦ ᑕᒫᑦ

ᐱᕙᓪᓕᖁᑎᒋᐊᓪᓚᖏᑦ: ᐃᓄᑐᖃᐅᒍᑎᑖᕐᑕᕈᑎᑦᓭᑦ

ᐱᓇᓱᑦᑎᐅᓂᕐᒧᑦ ᐃᒻᒪᖃᐅᑎ

ᕿᑲᕈᓐᓇᐅᑏᑦ: 20 ᐅᓪᓗᐃᑦ

ᕿᑲᕐᓀᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖑᒥ ᕿᑲᕐᓀᑦ

ᐱᓇᓱᒍᒪᐅᑎᑎᓐᓂᑦ ᖃᓪᓗᓈᑎᑑᕐᑎᓗᒋᑦ ᑐᓂᔨᒋᑦ 5:00-ᖕᖑᓚᐅᕐᑎᓇᒍ ᐅᓐᓄᓴᒃᑯᑦ, ᒣ 6, 2025, ᐅᕗᖓ :

Human Resources

Kativik Regional Government

P.O. Box 9

Kuujjuaq, Québec J0M 1C0

ᓱᑲᑦᑐᑰᕈᑎᒃ: (819) 964-2975

ᖃᕆᑕᐅᔭᑎᒍᑦ ᑐᕌᒍᑎᖓ: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᑦᑎᓯᓂᕐᒥᑦ ᐱᕕᑦᓴᖃᕐᑎᓯᓲᖅ ᐱᓇᓱᕐᕕᐅᕗᖅ. ᑖᓐᓇ ᒪᓕᑦᓱᒍ ᐊᒻᒪᓗ ᑦᔦᒻᔅ ᐯ ᑯᐯᒃ

ᐊᖏᖃᑎᒌᒍᑎᖓ, ᐱᐅᓯᖃᕈᑎᐅᔪᑦ ᐊᑦᔨᒌᖕᖏᑑᒍᓐᓇᑐᑦ ᐱᕙᓪᓕᐊᑎᑦᓯᓂᕐᒧᑦ ᐱᓇᓱᑦᑎᑖᕋᓱᐊᕐᓂᑯᑦ ᐃᓄᑐᐃᓐᓇᓂᑦ.

ᐱᓇᓱᒐᕐᑖᕋᓱᐊᕐᓂᒧᑦ ᓂᕈᐊᕐᑕᐅᔪᑦ ᐊᐱᕐᓲᔭᕐᑕᐅᓂᕐᓴᒧᑦ ᑐᓴᐅᒪᑎᑕᐅᓛᕐᑐᑦ.