ᑲᒪᔨ ᐊᐅᓚᑕᐅᔪᓄᑦ ᐊᖓᔪᖅᖄᖅ - Aaqsiiq

ᑲᒪᔨ ᐊᐅᓚᑕᐅᔪᓄᑦ ᐊᖓᔪᖅᖄᖅ (ᐅᓪᓗᓕᒫᕐᑐᖅ ᐊᑌᓐᓇᑐᖅ)

ᖃᓄᐃᓕᖓᓂᖏᑦ ᐱᓇᓱᒐᑦᓴᐅᑉ

• ᐊᑌᓐᓇᑐᖅ-ᐅᓪᓗᓕᒫᕐᑐᖅ: 35h/ ᐃᑲᐅᕐᓂᓕᒃ ᐱᓇᓱᐊᕈᓯᕐᒥ

• ᐱᓇᓱᐊᕐᕕᖓ: ᓄᓇᕕᒻᒥ ᐊᒻᒪᓗ/ᐊᒻᒪᓗᓘᓐᓃᑦ ᒪᓐᑐᔨᐊᓚᒥ(ᖃᕆᑕᐅᔭᑎᒎᕙᓪᓗᑐᖅ);

• ᑮᓇᐅᑦᔭᓵᖏᑦ: ᐱᒋᐊᕈᓐᓇᑐᑦ $36-41/hr ᐃᑲᐅᕐᓂᒥ ᑲᒪᒋᔭᐅᑎᓪᓗᒍ ᐱᓇᓱᐊᓕᓂᖏᑦ;

• ᐱᕙᓪᓕᖁᑎᑖᕈᑏᑦ: ᑕᕐᕋᒦᑦᓯᐅᑏᑦ ᐱᑎᑕᐅᑦᑕᐅᑏᑦ, RRSP, 12 ᓇᒻᒥᓂᕐᒧᑦ/ᖃᓂᒪᒍᓂ ᐅᓪᓗᐃᑦ ᐊᕐᕌᒍᕐᒥ,

ᓯᑕᒪᐅᔪᕐᑐᑦ ᐅᓪᓗᐃᑦ ᐃᓄᐃᑦ ᐱᐅᓯᖓᓅᖓᔪᓂᒃ ᕿᑲᕐᕕᓕᒃ ᐊᕐᕌᒍᑕᒫᑦ, ᖃᕆᑕᐅᔭᖃᕐᑎᓯᐅᑎᓂᒃ ᐊᑭᓕᕐᑕᐅᒍᑎᓕᒃ,

ᑕᓪᓕᒪᑦ ᐱᓇᓱᐊᕈᓰᑦ ᕿᑲᕐᓗᓂ ᐊᑭᓕᕐᑕᐅᔪᖅ ᓱᓕᓗ ᒪᕐᕉᓂ ᐱᓇᓱᐊᕈᓰᓐᓂᒃ ᐊᑭᓕᕐᑕᐅᔪᖅ ᐅᑭᐅᖅᖁᑐᒥᒃ ᕿᑲᕐᓇᒥᒃ.

• ᐅᓪᓗᖅ ᐱᒋᐊᕐᕕᓴᖓ: ᖃᒻᒥᓴᐅᑎᒋᐅᒍᓐᓇᕕᖓᒍᑦ

ᑎᒥᒻᒪᕆᒃ ᐱᑦᓱᒍ ᑐᑭᓯᒪᐅᑎᑦᓴᖅ

ᐋᕐᓰᖅ ᓱᓕᔪᓐᖑᐊᓕᐅᕐᕕᖅ ᐱᒋᐊᕋᑖᑦᓯᐊᒍᕗᖅ NPO ᑐᓂᒪᔪᖅ ᐱᕙᓪᓕᐊᑎᑦᓯᓂᕐᒥᒃ ᓱᓕᔪᓐᖑᐊᓕᐅᕐᓂᒥᒃ ᓄᓇᕕᒻᒥ.

ᑭᒡᒐᑐᕈᑎᕗᑦ ᑕᒐ ᓴᓇᓗᑕ ᐊᒻᒪᓗ ᑕᑯᔭᑦᓴᖑᕐᓗᒋᑦ ᓱᓕᔪᓐᖑᐊᓂᕐᓂᒃ ᐋᖅᕿᓱᐃᓂᖅ ᐃᒫᒃ ᓄᐃᑎᑕᑦᓯᓂᐊᕐᑐᓂᒃ ᐊᒻᒪᓗ

ᐱᕙᓪᓕᑎᑦᓯᓗᓂ ᐃᓄᐃᑦ ᐅᖃᐅᓯᖓᓂᒃ ᐱᐅᓯᑐᖃᖓᓂᓪᓗ. ᑕᒪᒃᑯᑎᒎᓇ ᐱᓇᓱᐊᕋᑦᓴᑎᒍᑦ ᐊᒻᒪᓗ ᐱᓇᓱᐊᕐᓂᒥᒍᑦ,

ᐋᕐᓰᖅ ᓱᓕᔪᓐᖑᐊᓕᐅᕐᕕᒃ ᑲᔪᖏᕐᓭᒍᑎᓕᒃ ᓄᐃᑎᕆᓂᕐᒥᒃ ᐊᒻᒪᓗ ᐋᖅᕿᓱᐃᓂᕐᒥᒃ ᐱᑦᓯᐊᓯᒪᔪᓂᒃ ᓱᓕᔪᓐᖑᐊᓂᕐᓂᒃ, ᑕᒐᓗ

ᐱᕙᓪᓕᐊᑎᑦᓯᒥᓗᓂ ᐱᒻᒪᕆᐅᑦᓱᑎᒃ ᐊᓪᓚᓯᒪᔪᓂᒃ ᐃᓄᒃᑎᑑᕐᑐᓂᒃ ᐊᓪᓚᖑᐊᕐᓯᒪᔪᑎᒍᑦ ᐃᓄᐃᑦ ᐊᑐᕐᓯᒪᔭᖏᓐᓂᒃ,

ᐅᓂᒃᑳᓂᒃ ᐊᒻᒪᓗ ᐅᓂᒃᑳᑐᐊᓂᒃ ᓱᓕᓗ ᐅᓪᓗᒥᓯᐅᑎᓂᒃ ᐃᓄᐃᑦ ᐃᓅᓯᕆᓕᕐᑕᖓᓂᒃ.

ᓇᓗᓀᔦᒍᑎ

ᐋᕐᓰᖅ ᕿᓂᕐᐳᖅ ᐱᓇᓱᐊᓕᓂᕐᒥᒃ ᐊᒻᒪᓗ ᐃᓂᓪᓚᑎᕆᒍᓐᓇᑐᒥᒃ ᑲᒪᔨᑦᓴᒥᒃ ᐊᐅᓚᑕᐅᔪᓄᑦ ᐊᖓᔪᖅᖄᒥᒃ

ᖁᓚᕐᓇᖏᑦᑐᑯᑦ ᐃᖏᕐᕋᓯᐊᕐᓗᓂ ᐊᐅᓚᑕᐅᒋᐊᓖᑦ ᐃᖏᕐᕋᑎᓪᓗᒋᑦ ᑖᑦᓱᒪᓂ ᑎᒥᒻᒪᕆᖁᑎᑦᑎᓂ. ᑲᒪᔨᖃᕐᓗᓂ

ᐊᖓᔪᖅᖄᕆᓗᒍ ᑲᒪᔨᒻᒪᕆᒻᒥᒃ, ᑖᓐᓇ ᐃᓄᒃ ᐱᐅᓯᖃᕐᓂᐊᑐᖅ ᑐᑦᑕᕕᐅᓗᓂ ᐱᓇᓱᒃᕕᑎᒎᕐᑐᓄᑦ ᐊᑕᐅᑦᓯᑰᕐᑎᓯᒋᐊᒥᒃ,

ᑲᒪᓗᓂ ᐊᓪᓚᕕᖃᕐᕕᐅᔪᓄᑦ ᐊᒻᒪᓗ ᐱᐊᓚᔫᑎᑦᓯᓗᓂ ᐱᑦᔭᓭᑦ ᑲᔪᓯᑦᓯᐊᑎᓪᓗᒋᑦ.

ᐱᓇᓱᑦᑎᑖᕆᒍᒪᒐᔭᕐᑕᕗᑦ ᐱᖃᕐᑐᖅ ᐱᒍᓐᓇᓯᓯᒪᑦᓯᐊᓗᒍ ᐋᖅᕿᓯᒪᐅᑎᑦᓴᓂᒃ ᐊᒻᒪᓗ ᐊᐅᓚᑦᓯᒋᐊᒥᒃ

ᓇᓗᓐᖏᑕᖃᕐᓗᓂ, ᐊᒻᒪᓗ ᑲᒪᓕᓂᐅᓗᓂ ᐊᑑᑎᔭᐅᒋᐊᓖᑦ ᐱᐅᓯᕙᓪᓕᐅᑎᑦᓴᖏᓐᓄᑦ ᐊᒻᒪᓗ ᖃᓄᐃᓐᖏᓯᐊᕐᓂᒧᑦ

ᐊᒻᒪᓗ ᑲᑉᐲᑯᑕᓄᑦ ᒪᓕᑦᓯᐊᑎᑦᓯᓗᓂ.

ᐱᒍᓐᓇᕕᖃᕐᑎᑕᐅᒍᑏᑦ ᑲᒪᒋᔭᖃᓗᐊᕐᓗᑎᒃ ᓯᑕᒣᓗᐊᓐᖑᐊᓂᒃ:

• ᑐᑭᐊᒎᕐᑎᒋᐊᓕᓐᓂᒃ ᐊᒻᒪᓗ ᐊᐅᓚᑕᐅᔪᓂᒃ ᐃᑉᐱᒍᓱᒐᓱᐊᕐᑎ: ᖁᓚᕐᓇᖏᑦᑐᑯᑦ ᒪᓕᑦᑕᐅᑎᑦᓯᓗᓂ

ᐱᓇᓱᒃᕕᑎᒍᕐᑐᓂᒃ ᐱᐅᓯᑦᓴᓕᐊᒍᓯᒪᔪᓂᒃ ᐊᒻᒪᓗ ᐃᒃᐱᒍᓱᑦᑎᐅᓗᓂ ᑐᓴᕐᑕᐅᑎᑦᓯᓗᓂ ᐱᓇᓱᐊᕐᑕᐅᔪᓂᒃ

• ᐱᓇᓱᒃᕕᑎᒎᕐᑐᒥᒃ ᐊᑕᐅᑦᓯᑰᕐᑎᓯᓂᖅ: ᐊᑕᐅᑦᓯᑰᕐᑎᓯᓗᓂ ᐊᑦᔨᒌᓐᖏᑑᑎᓂᒃ ᐱᓇᓱᐊᕐᑕᐅᔪᓂᒃ ᐊᒻᒪᓗ

ᐋᖅᕿᓱᐃᓗᓂ ᐱᐅᓯᑦᓴᐅᒋᐊᓕᓐᓂᒃ ᐃᑲᔪᕐᓯᓂᐊᕐᑐᓂᒃ ᐱᓇᓱᐊᕐᑐᓄᑦ ᐊᓪᓚᕕᖃᕐᕕᐅᔪᑦ ᐊᑯᕐᖓᓂ.

• ᐊᓪᓚᕕᒻᒥ ᐊᐅᓚᑦᓯᓂᖅ: ᖃᐅᑕᒫᑦ ᐊᐅᓚᑦᓯᕕᒻᒥ ᐱᓇᓱᒃᕕᐅᔪᑦ ᐃᓂᖏᓐᓂᒃ ᐊᒻᒪᓗ ᐱᑦᓴᑖᕐᕕᓂ

• ᖃᓄᐃᓐᖏᓯᐊᕐᓂᓗ ᑲᑉᐲᑯᑌᓪᓗ: ᐃᑲᔪᕐᓯᒪᓗᓂ ᐃᓚᐅᖃᑕᐅᔪᑦ ᑲᑉᐲᑕᖏᓐᓂᒃ ᐱᓇᓱᐊᓕᕐᑎᓗᒋᑦ ᐊᒻᒪᓗ

ᖃᓄᐃᓐᖏᓯᐊᕈᑎᑦᓴᖏᓐᓂᒃ ᐊᒻᒪᓗ ᑲᑉᐲᑯᑕᕐᓂᒃ ᐱᐅᓯᑦᓴᓕᐊᒍᓯᒪᔪᓂᒃ ᐃᓕᖓᑦᓱᑎᒃ ᑎᒥᒻᒪᕆᒻᒧᑦ

ᑲᒪᒋᔭᑦᓴᖃᕐᑎᑕᐅᒍᑎᒋᓗᐊᕐᓂᐹᖏᑦ:

1. ᐊᐅᓚᑦᓯᓂᖅ

• ᑐᕃᓐᓇᓱᒍ ᐃᒫᙰᕐᑎ ᑌᒃᑯᓄᖓ ᐊᓪᓚᕕᖃᕐᕕᓕᓐᓄᑦ ᐊᑐᓂᑦ ᑲᒪᔨᖏᓐᓄᑦ ᐊᒻᒪᓗ ᑲᒪᔨᐅᓗᕕᖃᕐᓗᓂ

ᐃᖏᕐᕋᓯᐊᕐᑎᓯᓂᕐᒥᒃ ᐊᐅᓚᑕᖏᓐᓂᒃ ᐊᓪᓚᕕᖃᕐᕕᓕᖁᑎᑦᑕ ᐊᑐᓃᑦᑎᑐᑦ ᐱᓇᓱᐊᕐᓂᖏᓐᓄᑦ;

• ᐃᑲᔪᕐᓯᒪᓗᓂ ᑎᒥᒻᒪᕆᐅᑉ ᐱᕙᓪᓕᐊᒍᑎᑦᓴᖏᓐᓄᑦ ᑖᑦᓱᒪ ᐋᕐᓰᑉ ᐃᓚᖃᕐᓗᓂ ᑲᒪᔨᒻᒪᕆᒻᒥᒃ ᐊᒻᒪᓗ ᐊᐅᓚᑦᓯᕕᒻᒦᑐᓂᒃ ᐱᓇᓱᑦᑐᓂᒃ;

2. ᑐᑭᐊᒎᕐᑎᒋᐊᓕᓐᓂᒃ ᐊᒻᒪᓗ ᐊᐅᓚᑕᐅᔪᓂᒃ ᐃᒃᐱᒍᓱᒐᓱᐊᕐᑎ

• ᖁᓚᕐᓇᖏᑦᑐᑯᑦ ᑎᒥᒻᒪᕆᓕᒫᖅ-ᓈᓗᒍ ᒪᓕᑦᑕᐅᑎᑦᓯᓗᓂ ᐱᓇᓱᒃᕕᑎᒎᕐᑐᓂᒃ ᐱᐅᓯᑦᓴᓕᐊᒍᓯᒪᔪᓂᒃ ᐊᒻᒪᓗ ᐱᓇᓱᓐᓂᒧᑦ ᐱᑦᔪᓯᐅᔪᓂᒃ;

• ᑕᑯᓐᓇᕋᓱᐊᕐᑎ ᐃᖏᕐᕋᓂᖏᓐᓂᒃ ᐃᖏᕐᕋᑎᒋᐊᓖᑦ ᐊᒻᒪᓗ ᓇᓗᓀᕐᓗᒋᑦ ᓇᓪᓕᐊᒍᑦ ᓱᓇ ᑲᒪᒋᔭᐅᕙᓪᓕᐊᑐᑦᓴᐅᒪᖔᑦ ᐱᐅᓯᒋᐊᕐᓗᒍ;

• ᑲᒪᓗᓂ ᐊᒻᒪᓗ ᐊᑕᐅᓯᕐᒧᐊᖓᑎᑦᓯᓗᓂ ᐱᓇᓱᐊᕐᑕᐅᔪᓂᒃ ᑐᓴᕐᑎᓯᐅᑎᓂᒃ ᓈᓴᓕᒫᕐᓗᒋᑦ ᐊᓪᓚᕕᖃᕐᕕᐅᔪᑦ;

3. ᐱᓇᓱᒃᕕᑎᒎᕐᑐᒥᒃ ᐊᑕᐅᑦᓯᑰᕐᑎᓯᓂᖅ

• ᐊᑕᐅᑦᓯᑰᕐᑎᓯᓗᓂ ᐊᒻᒪᓗ ᑐᓴᐅᒪᑎᑦᓯᓗᓂ ᑕᒣᓐᓅᑐᓂᒃ ᐊᕐᕌᒍᑕᒫᑦ ᑎᒥᒻᒪᕆᐅᑉ ᐅᓪᓗᖁᑎᖏᓐᓂᒃ ᓈᓗᒋᑦ ᑕᒪᕐᒥᒃ ᐱᓇᓱᐊᕋᑦᓴᓕᒫᑦ;

• ᖃᐅᔨᒪᒐᓱᐊᕐᑕᖃᕐᓗᓂ ᐃᓱᓕᑉᕕᖏᓐᓂᒃ ᐊᒻᒪᓗ ᖃᐅᔨᓵᕆᑦᔪᑎᖃᕐᓗᓂ ᐱᔭᕇᕐᓯᒪᕕᐅᒋᐊᓕᓐᓄᑦ ᐹᕐᓯᖓᐅᑎᓂᒃ ᐊᓪᓚᕕᖃᕐᕕᓖᑦ ᐊᑐᓂᑦ ᐊᑯᕐᖓᓂ;

• ᑲᒪᖃᑦᑕᓗᓂ ᑐᑦᑕᕕᐅᔪᑎᑐᑦ ᑖᒃᑯᓄᖓ ᐊᒥᓱᐃᓄᑦ-ᐱᓇᓱᒃᕕᐅᑉ ᐃᓗᐊᒍᑦ ᐃᖏᕐᕋᑎᑦᓯᐊᕆᐊᓕᓐᓂᒃ ᑐᑭᐊᒎᕐᑎᓗᒋᑦ;

• ᐃᓂᓪᓚᑎᕆᓗᓂ ᐊᒻᒪᓗ ᖁᓚᕐᓇᖏᑦᑐᑯᑦ ᑲᔪᓯᑎᒋᐊᓕᓐᓄᑦ ᐃᓕᖓᔪᓂᒃ ᓇᔫᑎᓗᒍ ᑲᑎᒪᓂᕐᓄᑦ ᐊᕐᕌᒍᓕᒫᖅ ᓈᓗᒍ (ᑕᖅᕿᑕᒫᑦ ᐱᓇᓱᑦᑐᑦ ᑲᑎᒪᓂᖓᓂᒃ, ᐊᕐᕌᒍᑕᒫᕐᓯᐅᑎᒥᒃ ᐱᔭᕆᐅᕐᓴᓂᕐᓂᒃ, ᐊᕐᕌᒍᑕᒫᕐᓯᐅᑎᒥᒃ ᑲᑎᒪᔩᑦ ᑲᑎᒪᓂᖓᓐᓄᑦ ᐊᓯᖏᓐᓂᓗ);

• ᑐᑭᓕᐅᕐᓗᒋᑦ ᐊᒻᒪᓗ ᐊᑐᓕᕐᑎᓯᓗᓂ ᐱᔭᕆᐅᕐᓭᓂᕐᒧᑦ ᐸᕐᓇᐅᑎᓂᒃ ᐃᓕᖓᔪᓂᒃ ᐱᓇᓱᑦᑎᒋᔦᑦ ᐱᕙᓪᓕᐊᑎᑕᐅᓂᖏᓐᓄᑦ ᐱᖃᓯᐅᑦᔨᓗᒋᑦ ᐊᐅᓚᑦᓯᕕᒻᒥᐅᑦ;

• ᐃᑲᔪᕐᓯᒪᓗᓂ ᐃᓕᔪᓄᑦ ᓄᑖᒍᑦᓱᑎᒃ ᐱᓇᓱᑦᑎᑖᒍᔪᓄᑦ, ᖁᓚᕐᓇᖏᑦᑐᑯᑦ ᐃᓚᖏᐅᑎᑦᓯᐊᖁᓪᓗᒋᑦ ᐊᑑᑎᔭᐅᒋᐊᓕᑎᒍᑦ;

4. ᐊᓪᓚᕕᒻᒥ ᐊᐅᓚᑦᓯᓂᖅ

• ᑲᒪᒋᐊᓕᒃ ᖃᐅᑕᒫᕐᓯᐅᑎᓂᒃ ᐊᐅᓚᑦᓯᕕᒻᒥ ᐱᓇᓱᑦᑐᑦ ᐃᓂᖏᓐᓂᒃ, ᐱᐅᑎᓂᒃ, ᐊᒻᒪᓗ ᐊᑦᑕᒥᕋᐅᑎᐅᔪᓂᒃ ᐱᑦᓴᓂᒃ ᐊᓪᓚᕕᑦᑎᓄᑦ ᐱᔪᓂᒃ ᒪᓐᑐᔨᐊᓚᒥ;

• ᑲᒪᒋᐊᓕᒃ ᐊᓪᓚᕕᒻᒦᓯᐅᑎᓂᒃ ᓱᓇᒃᑯᑖᓂᒃ, ᓂᐅᕐᕈᓯᕐᑎᓄᑦ ᐱᓇᓱᐊᖃᑎᖃᕆᐊᒥᒃ, ᐊᒻᒪᓗ ᐃᓱᕐᕉᑎᓄᑦ-ᐃᓕᖓᔪᓂᒃ ᑭᓐᖒᒪᓇᕐᑐᓂᒃ;

• fᖁᓚᕐᓇᖏᑦᑐᑯᑦ ᐱᒍᓐᓇᓯᐊᕐᑎᓗᒋᑦ, ᐱᑦᓴᓂᒃ-ᐊᑐᐃᓐᓇᖃᕐᑎᓯᓂᕐᒥᒃ ᐱᓇᓱᑉᕕᐅᑉ ᓇᔪᒐᖓᓂ ᑕᒣᓐᓄᑦ ᐱᓇᓱᑦᑎᒋᔭᓄᑦ;

5. ᖃᓄᐃᓐᖏᓯᐊᕆᐊᖃᕐᓂᖅ ᐊᒻᒪᓗ ᑲᑉᐲᑯᑌᑦ

• ᐱᕙᓪᓕᐊᑎᑦᓯᓗᓂ ᑲᑉᐲᑯᑕᕐᓂᒃ ᐱᐅᓯᑦᓴᓕᐊᒍᓯᒪᔪᓂᒃ ᑐᕌᕐᑐᓂᒃ ᐃᓚᐅᖃᑦᑕᑐᓄᑦ ᐱᓇᓱᐊᕐᑕᑎᓐᓄᑦ (ᖃᐅᔨᒐᓱᐊᕐᓗᒋᑦ ᓱᓯᒪᓂᖏᓐᓂᒃ, ᐅᐃᒪᓇᕐᑐᓄᑦ ᐱᐅᓯᑦᓴᓕᐊᒍᓯᒪᔪᓂᒃ ᓱᒃᑯᐊᕿᔪᖃᑦᓴᐸᑦ, ᐊᓯᖏᓪᓗ);

• ᑲᒪᓗᓂ ᖃᓄᐃᓐᖏᓯᐊᕐᓂᒧᑦ ᐊᒻᒪᓗ ᑲᑉᐲᑯᑕᓂᒃ ᐱᖁᔭᑎᒎᕐᑐᑦ ᐱᔭᐅᔭᕆᐊᖃᕐᓂᖏᓐᓂᒃ ᑖᑦᓱᒪᓂ ᑎᒥᒻᒪᕆᒻᒥ;

6. ᐊᑐᐃᓐᓇᐅᓗᓂ ᑭᓐᖒᒪᓇᕐᓯᐸᑦ ᓂᕆᐅᓐᓇᓂᓐᖏᑦᑐᓄᑦ ᐃᑲᔪᕆᐊᒥᒃ

• ᐊᑕᐅᑦᓯᑰᕐᑎᓯᓗᓂ ᓇᓗᓀᔭᕐᓯᒪᔪᓄᑦ ᓇᓪᓕᖏᓐᓄᑦ ᐱᓇᓱᐊᕐᑕᐅᔪᑦ ᐊᒻᒪᓘᓐᓃᑦ ᓄᑖᓄᑦ ᐋᖅᕿᓯᒪᐅᑎᑦᓴᓄᑦ, ᑲᔪᓯᑎᒋᐊᓕᓐᓄᑦ ᐃᖏᕐᕋᑎᓪᓗᒋᑦ ᐃᑲᔪᕐᓗᒋᑦ ᓯᓚᑖᒍᑦ ᑐᓐᖓᕕᓪᓚᕆᖏᑦᑕ ᐃᓂᓪᓚᑕᐅᒪᔪᑦ ᑕᑉᐱᑲᓂ.

ᐱᒍᓐᓇᓯᓯᒪᔭᖏᑦ ᐊᒻᒪᓗ ᐱᒍᓐᓇᑕᖏᑦ

• ᐱᓕᓂᐅᓗᓂ ᐊᐅᓚᑦᓯᒋᐊᒥᒃ ᑲᒪᒋᔭᑦᓴᓄᑦ, ᐊᓪᓚᕕᒻᒥ ᐊᐅᓚᑕᖃᕆᐊᒥᒃ ᐊᒻᒪᓘᓐᓃᑦ ᓯᕗᓕᕐᓂᒥᒃ ᐱᔭᑦᓴᓄᑦ;

• ᐱᓕᓂᐅᓯᒪᓗᓂ ᒪᑯᓇᓂ ᑲᑐᑦᔨᓗᑎᒃ-ᐊᓪᓚᕕᖃᕐᕕᓖᑦ ᐃᒻᒥᑯᑦ ᐊᑕᐅᑦᓯᑰᕐᑎᒋᐊᖏᑦ, ᐱᓇᓱᐊᕐᑕᐅᔪᓂᒃ ᖃᐅᔨᒪᒐᓱᐊᖏᓐᓇᓗᓂ ᐊᖑᒪᓗᒋᑦ ᐊᒻᒪᓗ ᖃᐅᔨᒪᒐᓱᐊᕐᑕᖃᕐᓗᓂ ᐱᐊᓚᔪᒃᑰᓂᐊᕐᒪᑦ;

• ᐊᑦᑕᕈᐃᓕᔪᒥᒃ ᐅᖃᐅᓯᒃᑯᑦ ᐊᒻᒪᓗ ᐊᓪᓚᓯᒪᔪᕐᑎᒍᑦ ᑐᑭᓯᔭᐅᒋᐊᓕᓐᓄᑦ ᑭᓪᓕᖃᑦᓯᐊᕈᓐᓇᓗᓂ;

• ᐊᑦᑕᕈᐃᓕᔪᒥᒃ ᐃᓂᓪᓚᖓᑦᓯᐊᑭᓂᐅᓗᓂ ᐊᒻᒪᓗ ᐱᒍᓐᓇᓯᐊᕐᓗᒋᑦ ᑲᒪᒍᓐᓇᓗᓂ ᐊᒥᓱᐃᓄᑦ ᕿᓄᐊᕆᔭᐅᔪᓄᑦ ᐊᖑᒪᓗᒋᑦ;

• ᑲᒪᒋᔭᑦᓴᖃᕐᑎᑕᐅᒍᒥᓐᓂᒃ ᑲᒪᒍᓐᓇᓗᓂ ᐊᒻᒪᓗ ᐃᒻᒥᓂᕿᒃᑭᓂᐅᓗᓂ ᑎᓕᐅᒐᐅᑐᐃᓐᓇᕈᓐᓀᓗᓂ ᐱᓇᓱᓪᓗᓂ ᐅᖓᓯᑦᑐᒦᓪᓗᓂ;

• ᐱᓇᓱᐊᓕᓂᐅᓗᓂ ᐃᓱᒪᒋᓗᒋᑦ ᓄᓇᕕᐅᓪᓗ ᐃᓄᐃᓪᓗ ᓴᓇᓐᖑᐊᑎᐅᓂᖏᓐᓂᒃ;

• ᐱᒍᓐᓇᕆᐊᓕᒃ ᑐᓴᐅᒪᑎᑦᓯᒋᐊᒥᒃ ᐊᒻᒪᓗ ᐱᓇᓱᐊᕈᓐᓇᓗᓂ ᐅᖃᐅᓰᒃ ᐅᑯᐊ ᓇᓪᓕᖏᓐᓂᒃ ᐊᑐᕐᓗᓂ: ᐃᓄᒃᑎᑐᓪᓗ ᖃᓪᓗᓈᕐᑎᑐᓪᓗ;

• ᐱᒍᓐᓇᕆᐊᓕᒃ ᐱᓇᓱᐊᕈᓐᓇᓗᓂ ᐱᓇᓱᐊᖃᑎᒌᑦᑐᑦ ᐊᑯᕐᖓᓂ ᐊᒻᒪᓗ ᐱᓇᓱᐊᖃᑎᖃᕈᓐᓇᓗᓂ ᐃᓄᓐᓂᒃ ᐊᑦᔨᒌᓐᖏᑐᓂ ᐱᓇᓱᐊᕐᒥᔪᓂ.

ᐅᓇᒻᒥᓱᑦᑐᓄᑦ

ᑐᔪᐃᓗᓯ ᐃᓕᓐᓂᐊᓯᒪᔭᒥ ᐱᓇᓱᑦᓯᒪᔭᒥᓗ ᐊᓪᓚᖏᓐᓂᒃ ᐊᒻᒪᓗ ᐱᑦᔪᑎᒥᓂᒃ/ᑲᑦᓱᙰᑦᑑᒍᑎᒥᓂᒃ: employment@aaqsiiq.org

* ᐋᕐᓰᖅ ᓱᓕᔪᓐᖑᐊᓕᐅᕐᕕᐅᑉ ᑭᒡᒐᑑᑎᖓ ᑕᒐ ᐃᑲᔪᕐᓯᒪᔪᑦᓴᐅᓗᓂ ᓄᓇᕕᒻᒥ ᐱᓇᓱᒐᑦᓴᓄᑦ. ᑕᒐᓗ ᕿᓄᔪᖃᕐᐸᑦ ᓇᓕᖅᖃᖓᓄᑦ ᐊᓱᐃᓚᐅᓗᓂ ᐱᒍᓐᓇᑕᕆᓗᒍ, ᑎᒍᓯᒋᐊᖔᕐᓂᐊᓱᑕ ᐃᓄᒻᒥᒃ.