ᐳᕐᑐᓂᕐᓴᖅ ᐱᓂᐊᕈᑎᓂᒃ ᑲᒪᔨ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᒻᒪᕆᐅᑦᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒃ ᓄᓇᖓᓂ ᐃᓂᓕᒻᒥ 55° ᖁᓛᓂ. ᕿᓂᕐᐳᒍᑦ ᕿᑦᑌᖓᑦᓯᐊᑐᒥᒃ ᐊᒻᒪᓗ ᓇᓗᕐᖁᓇᖕᖏᑐᒥᒃ ᐃᓄᒻᒥᒃ ᐱᓇᓱᒐᔭᕐᑎᓗᒍ ᐃᒣᑦᑐᒥᒃ ᐱᓇᓱᒐᕐᒥᒃ:

ᐳᕐᑐᓂᕐᓴᖅ ᐱᓂᐊᕈᑎᓂᒃ ᑲᒪᔨ

ᐱᔭᕆᐊᓕᒃ ᐃᑲᓚᐅᖅᑎᑕᐅᔪᖅ, ᐃᓗᐃᑦᑑᓱᓂ)

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᒧᑦ ᐃᑲᔪᕐᑎᒥᒃ - ᐱᓂᐊᕈᑎᓂᒃ ᒪᑭᑕᒍᓐᓇᑐᓂᒃ ᐱᓇᓱᒐᖃᕐᓂᒥᒃ ᐱᓇᓱᕝᕕᒥ ᐊᒻᒪᓗ ᐱᓇᓱᖃᑎᖃᓪᓚᕆᓪᓗᓂ ᐊᓯᒥᓂᒃ ᐱᓇᓱᑦᑎᓂᒃ ᐱᓂᐊᕐᓂᓕᕆᐅᑎᓂᒃ ᐊᓪᓚᕕᒻᒥ, ᓂᕈᐊᕐᑕᐅᔪᖅ ᐱᓇᓱᑦᑎᓴᖅ ᑲᒪᔨᐅᓚᖓᔪᖅ, ᐊᓯᖏᑦ ᐱᑕᖃᕐᒥᑎᓪᓗᒋᑦ, ᐃᒣᓘᕐᓂᒥᒃ;

• ᒥᑦᓴᐅᓵᕐᓂᖅ ᐱᒋᐅᕐᓴᐅᑕᐅᒋᐊᓕᓐᓂᒃ ᓄᓇᖁᑎᒥ ᐊᒻᒪᓗ ᐱᕙᓪᓕᐊᓂᖅ ᐱᓇᓱᐊᑦᓴᓂᒃ ᐊᒻᒪᓗ ᐱᒋᐅᕐᓴᑎᑦᓯᒍᑎᑦᓴᓂᒃ ᓂᐳᕐᑎᓯᓚᖓᔪᓂᒃ ᑖᒃᑯᓂᖓ ᐱᒋᐊᓕᓐᓂᒃ;

• ᑫᓪᓗᐊᓂᖅ ᐱᒋᐅᕐᓴᕈᑎᓂᒃ ᓄᓇᖁᑎᐅᑉ ᐃᓗᐊᓂ, ᐱᓇᓱᖃᑎᖃᑦᓯᐊᓂᖅ ᑎᒥᐅᔪᓂᑦ ᐊᑦᑐᐊᔪᓂᒃ, ᐊᒻᒪᓗ ᐃᑲᔪᕐᓂᖅ ᐱᓇᓱᕝᕕᓂᒃ ᐱᕙᓪᓕᐊᓂᖓᑎᒍᑦ ᐱᓇᓱᐊᑦᓴᒥᓂᒃ ᐊᒻᒪᓗ ᐱᒋᐅᕐᓴᐅᑎᓂᒃ ᐸᕐᓇᓯᒪᐅᑎᓂᒃ;

• ᕿᒥᕐᕈᓂᖅ ᐊᒻᒪᓗ ᑫᒥᑦᓯᓂᖅ ᒥᑦᓯᖃᑦᓯᐊᑐᓂᒃ ᐱᓇᓱᐊᑦᓴᓂᒃ ᐊᒻᒪᓗ ᐱᒋᐅᕐᓴᑎᑦᓯᒍᑎᓂᒃ, ᒪᓕᑦᑐᓂᖅ ᐱᓇᓱᑦᑕᐅᔪᓂᒃ ᐊᒻᒪᓗ ᑮᓇᐅᔭᑎᒍᑦ ᑲᒪᒋᒋᐊᓕᓐᓂᒃ ᐊᒻᒪᓗ ᓄᐃᑦᓯᖃᑦᑕᓂᖅ ᑲᖕᖑᓇᕿᓯᒪᐅᑎᓂᒃ ᐱᓇᓱᐊᑦᓴᐅᑉ ᓄᐃᑕᖏᓐᓂᒃ;

• ᖃᐅᔨᒪᖏᓐᓇᓕᒫᕐᓂᖅ ᐊᑦᔨᒌᖕᖏᑐᓂᒃ ᐱᓂᐊᕈᑕᐅᔪᓂᒃ ᐱᓇᓱᑦᑕᐅᔪᓂᓪᓗ ᐊᑦᑐᐊᔪᓂᒃ ᐱᓇᓱᒐᖃᕐᓂᒧᑦ ᐊᒻᒪᓗ ᐱᒋᐅᕐᓴᓂᕐᒧᑦ, ᐊᒻᒪᓗ ᖃᐅᔨᒪᒍᑎᓂᒃ ᑐᓂᔨᓂᖅ ᐱᓇᓱᑦᑎᓄᑦ ᐊᑦᑐᐊᔭᖏᓐᓄᑦ;

• ᐊᑐᐃᓐᓇᕈᐃᓂᖅ ᐊᑦᔨᒌᖕᖏᑐᓂᒃ ᑐᓴᕐᑎᓯᒍᑎᓂᒃ ᐊᒻᒪᓗ ᑮᓇᐅᔭᓕᕆᐅᑏᑦ ᐅᖃᕈᑎᖏᓐᓂᒃ ᑌᒣᒋᐊᖃᕐᓂᖅ ᒪᓕᓪᓗᒍ ᐊᕐᕌᒎᑉ ᐃᓗᐊᓂ ᐊᒻᒪᓗ ᑮᓇᐅᔭᓕᕆᓂᐅᑉ ᐊᕐᕌᒍᖓᑕ ᐃᓱᐊᓂ, ᓄᐃᑦᓯᓂᖅ ᐱᑕᖃᕆᐊᓕᓐᓂᒃ ᐊᓪᓚᖁᑎᓂᒃ ᐊᕐᕌᒍᑕᒫᑦ ᑐᓴᕐᑎᓯᐅᑏᑦ ᐱᑦᔪᑎᒋᓗᒋᑦ;

• ᐱᓇᓱᖃᑦᑕᓂᖅ ᐊᓯᖏᓐᓂᒃ ᐱᔭᑦᓴᓂᒃ, ᑌᒣᒋᐊᖃᕐᑎᑕᐅᓕᕈᓂ, ᐊᖓᔪᕐᖄᒥᓄᑦ.

ᐱᔪᓐᓇᕈᑏᑦ:

• ᓯᓚᑦᑐᓴᕐᕕᒥ ᐃᓕᓐᓂᐊᓯᒪᐅᑎ ᐊᑦᑐᐊᔪᒥᒃ ᐱᓇᓱᒐᕐᒥᒃ (ᐊᐅᓚᑦᓯᔨᐅᓂᖅ, ᐃᓕᓐᓂᐊᓂᓕᕆᓂᖅ, ᐅᕝᕙᓘᓐᓃᑦ ᓄᓇᓕᓐᓂᒃ ᐱᕙᓪᓕᐊᑎᑦᓯᓂᖅ). ᐱᑦᓯᐊᒪᕆᑦᓱᓂ ᐱᓇᓱᑦᑎᐅᓯᒪᓂᖅ ᐃᓱᒪᒋᔭᐅᓚᖓᒻᒥᔪᖅ;

• ᐃᑭᓐᓂᐹᖓᓄᑦ ᐱᖓᓱᓂ ᐊᕐᕌᒍᓂᒃ ᐊᑦᑐᐊᔪᒥᒃ ᐱᓇᓱᓕᓂᐅᓂᖅ (ᐃᓄᐃᑦ ᐊᒻᒪᓗ ᒪᑭᑕᐅᑏᑦ ᐱᕙᓪᓕᐊᒍᑎᖏᓐᓂᒃ, ᐱᒋᐅᕐᓴᐅᑎᓂᒃ ᐱᓇᓱᑦᓯᒪᓂᖅ, ᐱᓇᓱᐊᑦᓴᓂᒃ ᐊᐅᓚᑦᓯᓯᒪᓂᖅ, ᑌᒫᒐᓚᒃ);

• ᐊᑐᕈᓐᓇᓗᓂ ᖃᐅᔨᒪᓂᖅ ᓂᐳᕐᑎᒋᐊᓕᓐᓂᒃ ᐊᒻᒪᓗ ᐊᐅᓚᑦᓯᒍᓯᕐᓂᒃ ᐃᓘᓐᓀᓂ ᑲᕙᒪᑐᖃᒃᑯᑦ ᑯᐯᒃᑯᓗ ᐱᓇᓱᒐᖃᕐᓂᒥᒃ ᐱᓂᐊᕈᑎᖏᓐᓂ;

• ᐊᓪᓚᓂᒃᑯᑦ ᐅᖄᓂᒃᑯᓗ ᐊᑐᕈᓐᓇᓗᒋᑦ ᖃᐅᔨᒪᓂᖅ ᐃᑭᓐᓂᐹᖓᓄᑦ ᒪᕐᕈᐃᓂᒃ (2) ᐅᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐱᓇᓱᒍᓐᓇᓂᖅ ᖃᕆᑕᐅᔭᓂᒃ ᐊᑐᕐᑐᒥ ᐱᓇᓱᕝᕕᒥ

ᐱᓇᓱᕝᕕᖓᑕ ᐃᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $52,481 - ᐅᓄᕐᓂᐹᖓᓄᑦ $89,256 ᐊᕐᕌᒍᑕᒫᑦ (ᐳᕐᑐᓂᖓ 8)

ᐱᕙᓪᓕᖁᑎᖏᑦ: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᒍᑎᖓ: ᐃᑭᓐᓂᐹᖓᓄᑦ $8,500 ᐊᕐᕌᒍᑕᒫᑦ;

ᓂᕿᒧᑦ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $4,217 ᐊᕐᕌᒍᑕᒫᑦ;

ᐊᕐᕌᒍᑕᒫᑦ ᕿᑲᓯᔪᑦ ᐊᐅᓪᓚᕈᑎᖏᑦ: ᐅᓄᕐᓂᐹᖓᓄᑦ ᐱᖓᓱᑦ (3) ᐊᑐᓂ ᐃᓄᒻᒧᑦ, ᐊᕐᕌᒍᑕᒫᑦ;

SPP: 6.25% ᐱᓇᓱᕝᕕᒃ, 4% ᐱᓇᓱᑦᑎ

ᐊᑕᖏᕐᑐᑦ ᓴᑑᑎᑦᓴᖏᑦ

ᕿᑲᕈᑎᑦᓭᑦ: 20 ᐅᓪᓗᐃᑦ ᐊᕐᕌᒍᑕᒫᑦ;

ᐱᖁᔭᑎᒍᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᖃᕐᓱᑎᒃ 10-ᓂᒃ ᐅᓪᓗᓂᒃ ᕿᑎᖕᖑᒥ ᕿᑲᕐᓂᖏᓐᓂ.

ᐱᓇᓱᒍᒪᐅᑎᑎᑦ ᖃᓪᓗᓈᑎᑐᑦ ᐊᓪᓚᓯᒪᑎᓪᓗᒋᑦ ᐊᐅᓪᓚᑎᓪᓗᒋᑦ ᐅᕗᖓ:

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ ᐱᕕᖃᕐᑎᓯᑦᓱᓂ ᐱᓇᓱᕝᕕᐅᕗᖅ. ᑕᒪᓐᓇ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕌᖓᑕ ᐊᖏᖃᑎᒌᒍᑎᖓ ᒪᓕᑦᓱᒍ, ᖃᓄᐃᓕᖓᓂᖏᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒐᕐᑖᓂᖏᓐᓂᒃ.

ᐱᓇᓱᒐᕐᑖᕋᓱᐊᕐᑐᐃᑦ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑭᓯᐊᓂ ᖃᐅᔨᑎᑕᐅᓛᕐᑐᑦ.