ᐃᓄᓕᕆᓂᒃᑯᑦ ᑲᒪᔨ - ᓄᓇᕕᒃ ᓯᕗᓂᑦᓴᕗᑦ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᓄᓇᕕᒃ ᓯᕗᓂᑦᓴᕘᑉ ᐊᐅᓚᑦᓯᔨᖓᓂᒃ, ᐃᓄᓕᕆᓂᒃᑯᑦ ᑲᒪᔨ ᖃᓂᑕᖃᑦᓯᐊᓗᓂ ᐱᓇᓱᖃᑎᖃᓛᕐᑐᖅ ᐊᐅᓚᑦᓯᔨᒥᒃ, ᐃᓕᓐᓂᐊᕈᑎᑦᓴᓕᐅᕐᓂᓄᑦ ᖃᐅᔨᒋᐊᕐᕕᒥᒃ, ᐊᒻᒪᓗ ᐃᓕᓐᓂᐊᑎᓂᒃ ᐃᑲᔪᕋᓱᐊᕐᑎᐊᓂᒧᑦ ᐃᓕᓐᓂᐊᑏᑦ ᐱᕙᓪᓕᓯᐊᕋᓱᐊᕐᓂᖏᓐᓄᑦ ᐃᓱᒪᒥᑎᒍᑦ ᐃᓅᑦᔪᓯᑎᒍᓪᓗ ᐊᒻᒪᓗ ᐊᓂᒎᑕᕆᑦᓯᐊᕋᓱᐊᕐᓂᖏᓐᓄᑦ ᐃᓕᓐᓂᐊᑕᒥᓂᒃ.

·     ᖃᐅᔨᓴᕐᓗᓂ ᐃᓕᓐᓂᐊᑎᓂᒃ ᐱᓀᓗᑕᓕᓐᓂᒃ ᐃᓅᑦᔪᓯᑎᒍᑦ, ᐃᓅᓯᕐᒥᓂ, ᐊᒻᒪᓗ ᐃᓕᓐᓂᐊᕕᖓᓂ.

·     ᐊᑐᐃᓐᓇᕈᕐᑎᓯᓗᓂ ᑲᑎᒪᓂᐊᕈᓯᕐᓂᒃ ᐊᑕᐅᓯᐅᓈᕐᑐᓂᒃ ᐃᑲᔪᕋᓱᐊᕐᓂᒧᑦ ᐃᓕᓐᓂᐊᑎᓂᒃ.

·     ᐊᑐᐃᓐᓇᕈᕐᑎᓯᓗᓂ ᐃᓕᓐᓂᐊᕋᑦᓴᓂᒃ ᐊᐅᓚᑦᓯᒐᓱᐊᕐᓂᒨᓕᖓᔪᓂᒃ ᐱᐅᓯᕆᔭᐅᒍᓐᓇᑐᓂᒃ ᐊᒻᒪᓗ ᐊᓯᖏᓐᓂᒃ ᐃᓕᓐᓂᐊᕋᑦᓴᓂᒃ.

·     ᓱᒐᓱᐊᖃᑦᑕᓗᓂ ᐃᑲᔪᕋᓱᐊᕐᓂᒧᑦ ᐃᓕᓐᓂᐊᑏᑦ ᐱᓀᓗᑕᖃᓕᕋᒥᒃ ᐅᕝᕙᓘᓐᓃᑦ ᐅᐃᒪᓇᕐᑐᖃᕐᐸᑦ.

·     ᐃᓚᐅᖃᑕᐅᓗᓂ ᑲᑎᒪᓂᐊᕈᕐᓯᕐᓂᒃ ᖃᕆᑕᐅᔭᒃᑯᑦ ᐃᑉᐱᒍᓱᑦᓯᐊᕋᓱᐊᕐᓂᒧᑦ ᐃᓕᓐᓂᐊᑏᑦ ᖃᐅᔨᓴᕐᑕᐅᓯᐊᖃᑦᑕᕋᓗᐊᕐᒪᖔᑕ.

·     ᐃᑲᔪᕐᓗᓂ ᐃᓕᓐᓂᐊᑎᑦᓯᔨᓂᒃ ᐊᓯᖏᓐᓂᓗ ᐱᓇᓱᑦᑎᓂᒃ ᐃᑲᔪᕐᑎᓂᒃ ᐃᓄᓕᕆᓲᓂᒃ ᑎᑭᐅᑎᒐᓱᐊᕐᓂᒧᑦ ᐃᓕᓐᓂᐊᑏᑦ ᑭᖕᖒᒪᒋᔭᖏᓐᓂᒃ.

·     ᐃᓚᐅᖃᑕᐅᓗᓂ ᐱᕙᓪᓕᑎᑦᓯᒋᐊᓪᓛᕋᓱᐊᕐᓂᒧᑦ ᐊᒻᒪᓗ ᐊᐅᓚᑦᓯᓂᕐᒧᑦ ᐸᕐᓇᓯᒪᐅᑎᓂᒃ ᐃᓕᓐᓂᐊᕋᑦᓴᑖᕐᑎᑦᓯᓂᕐᒧᑦ ᑐᑭᓯᒪᑦᓯᐊᑎᑦᓯᒍᓐᓇᑐᓂᒃ ᐊᒻᒪᓗ ᐊᑑᑎᑦᑌᓕᑎᑦᓯᒐᓱᐊᕐᓂᒧᑦ ᐊᑦᑕᓇᕐᑐᒦᑦᑎᓯᒍᓐᓇᑐᓂᒃ.

·     ᐱᓇᓱᖃᑎᖃᕐᓗᓂ ᐱᓇᓱᑦᑎᓂᒃ ᐊᓯᖏᓐᓂ ᑎᒥᐅᔪᓂ ᐱᓇᓱᓲᓂᒃ.

·     ᐃᑲᔪᕋᓱᐊᕐᓗᓂ ᐊᐅᓚᑦᓯᔨᓂᒃ ᑐᑭᑖᕋᓱᐊᑦᓯᐊᓂᕐᒧᑦ ᐊᑑᑎᓗᓂ ᖃᐅᔨᒪᔭᕐᒥᓂᒃ.

·     ᐊᑐᐃᓐᓇᕈᕐᑎᓯᓗᓂ ᑐᓴᕋᑦᓴᓂᒃ ᖃᐅᔨᓴᕈᑎᓂᒃ, ᖃᓄᐃᓕᖓᔪᖃᓕᕐᐸᑦ, ᐊᒻᒪᓗ ᐊᓯᖏᓐᓂᒃ ᑐᓴᕋᑦᓴᓂᒃ.

·     ᐱᓇᓱᐊᕐᓗᓂ ᐊᓯᖏᓐᓂᒃ ᐱᓇᓱᐊᕐᑕᐅᒋᐊᓕᓕᒫᓂᒃ ᐱᓇᓱᒐᕐᒥᓅᓕᖓᔪᓂᒃ, ᐱᓇᓱᐊᕐᑕᐅᖁᔭᐅᑉᐸᑕ ᐊᐅᓚᑦᓯᔨᒥᒃ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐱᔭᕇᒍᑎᑖᕐᓯᒪᓗᓂ ᐊᑐᕐᓂᖃᕈᓐᓇᑐᒥᒃ ᑖᑦᓱᒧᖓ ᐱᓇᓱᒐᕐᒧᑦ ᐃᓕᓐᓂᐊᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

·     ᐅᖄᒍᓐᓇᓯᐊᕐᓗᓂ ᐊᒡᓚᒍᓐᓇᓯᐊᕐᓗᓂᓗ 2-ᓂᒃ ᑖᒃᑯᓇᖕᖓᑦ 3-ᓂᑦ ᐃᓕᓴᕐᓂᓕᕆᓂᕐᒥ ᐅᖃᐅᓯᕐᓂᑦ (ᐃᓄᒃᑎᑐᑦ, ᖃᓪᓗᓈᑎᑐᑦ, ᒍᐃᒍᐃᑎᑐᓪᓗ)

·     ᐱᓇᓱᐊᓚᐅᕐᓯᒪᓗᓂ ᐅᕕᒐᕐᑐᐃᑦ ᐃᓪᓗᖏᓐᓂ, ᐅᕕᒐᕐᑐᐃᑦ ᑎᒍᔭᐅᒪᕕᖏᓐᓂᒃ, ᐅᕝᕙᓘᓐᓃᑦ ᒪᒥᓴᕐᕕᖏᓐᓂ ᐱᐅᔪᖁᑎᒋᔭᐅᒐᔭᕐᑐᖅ.

·     ᐅᑭᐅᕐᑕᑐᒦᓚᐅᕐᓯᒪᓗᓂ ᐃᓗᕐᕈᓯᖃᑎᒋᖕᖏᑕᒥᓂᓘᓐᓃᑦ ᓇᔫᑎᓚᐅᕐᓯᒪᒍᓂ ᐱᐅᔪᖁᑎᒋᔭᐅᒐᔭᕐᑐᖅ.

ᑫᕙᓪᓚᒍᓯᕆᒐᔭᕐᑕᖏᑦ:           

ᑫᕙᓪᓚᒍᓯᖏᑦ ᐊᒡᒍᑐᕐᓯᒪᔪᑦ ᐅᓪᓗᑯᑦ ᐱᓇᓱᖃᑦᑕᓗᓂ ᐱᓇᓱᕝᕕᒥ ᐊᒻᒪᓗ ᐱᓇᓱᕝᕕᐅᑉ ᓯᓚᑖᓂ ᑕᑯᓂᐊᖃᑦᑕᓗᓂ ᑫᕙᓪᓚᕈᓯᖏᑦᑕ ᐅᓪᓗᒥ ᓯᓚᑖᓂ ᐃᑲᔪᕐᓂᒧᑦ ᐃᓕᓐᓂᐊᑎᓂᒃ ᑭᖕᖒᒪᒋᔭᐅᑉᐸᑦ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2149-ᒥᒃ ᐱᓇᓱᕝᕕᖃᕋᔭᕐᑐᖅ: $56,670-ᒥᑦ $100,410-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.