ᖃᕆᑕᐅᔭᓕᕆᐅᑎᓂ ᖃᐅᔨᓴᕐᑎ (ᖃᕆᑕᐅᔭᕈᑎᑦᓴᓕᐅᕐᓂᒥ) - KI

ᐃᓂᖓ:	ᖃᕆᑕᐅᔭᓕᕆᐅᑎᓂ ᖃᐅᔨᓴᕐᑎ (ᖃᕆᑕᐅᔭᕈᑎᑦᓴᓕᐅᕐᓂᒥ)
ᐱᓇᓱᑉᕕᒃ:	ᖃᕆᑕᐅᔭᓕᕆᔨᒃᑯᑦ (IT)
ᑮᓇᐅᑦᔭᓵᑦ:	ᐱᒋᐊᕐᓱᓂ $57,492 ᑎᑭᑦᓱᓂ $105,469 ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ
ᐱᔪᑦᓴᐅᔮᕐᑐᑦ ᑭᓯᑦᓯᑎᖓ:	SPANALYSTINF2610-01
ᓇᓃᓐᓂᖓ:	ᒪᓐᑐᕆᐊᓪ
ᖃᓄᐃᑦᑐᔭᐅᓂᖓ :	ᐱᓇᓱᒐᖅ ᐊᑕᔪᒥᒃ
ᐱᒋᐊᕐᕕᓴᖓᑕ ᐅᓪᓗᖓ:	ᓅᕕᒻᐱᕆ 2026

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓐᓂᐊᕕᒻᒥ ᑲᑎᒪᔨᒋᔭᐅᕗᖅ ᒪᓂᒪᑎᑦᓯᓱᑎᒃ ᐃᓕᓐᓂᐊᓂᓕᕆᓂᕐᒧᑦ ᐱᔨᑦᓯᕋᕐᑎᐅᓱᑎᒃ 14 ᓂᑦ ᓄᓇᓕᓐᓂᑦ ᓄᓇᕕᒻᒥ.

 

ᐊᐅᓚᓂᖏᑦ ᐊᒻᒪᓗ ᐱᔭᑦᓴᖏᑦ:

ᐊᖓᔪᕐᖄᖃᕐᓗᓂ ᖃᕆᑕᐅᔭᓕᕆᓂᕐᒥᒃ ᑐᑭᒧᐊᑦᑎᓯᔨᒥᒃ, ᖃᕆᑕᐅᔭᓕᕆᐅᑎᓂᒃ ᖃᐅᔨᓴᕐᑎ ᐱᓇᓱᐊᒐᖃᕐᐳᖅ ᖃᐅᔨᓴᕐᓂᒥᒃ, ᑲᔪᓯᑎᑦᓯᓂᕐᒥᒃ, ᑐᑭᒧᐊᑦᑎᓯᓂᕐᒥᒃ ᑲᒪᒋᔭᖃᕐᓂᒥᓪᓗ ᐱᓇᓱᐊᕐᑕᐅᔪᓂᒃ ᐃᓕᓴᕐᓂᓕᕆᔩᑦ ᐱᐅᒃᑯᑎᖏᓐᓂᒃ ᖃᕆᑕᐅᔭᓕᕆᒍᑎᖏᓐᓅᓕᖓᔪᓂᒃ.  ᐱᓇᓱᑦᑎᑖᕆᔭᐅᔪᖅ ᖃᐅᔨᒪᔪᒻᒪᕆᐅᓗᓂ ᐱᓇᓱᐊᓚᖓᔪᖅ ᐱᓪᓗᑯᒋᐊᖃᕐᑐᓕᕆᓗᓂ, ᐱᓗᐊᕐᑐᒥᒃ ᖃᕆᑕᐅᔭᓕᕆᐅᑏᑦ ᐊᐅᓚᑕᐅᒍᑎᖏᓐᓂᒃ, ᐱᐅᒃᑯᑎᒻᒪᕇᓕᕆᒍᑎᓂᒃ, ᐱᓇᓱᐊᕐᑕᐅᒋᐊᓖᑦ ᑲᔪᓯᒍᑎᑦᓴᖏᓐᓂᒃ, ᐱᑦᓯᐊᓯᒪᔪᒋᐊᖃᕐᑐᓕᕆᓂᕐᒥᒃ ᓇᓛᒍᑦᓯᐊᑎᑦᓯᓗᓂᓗ ᐅᓪᓗᒥᐅᔪᖅ ᒪᓕᒐᐅᑎᑕᐅᔪᓄᑦ.

 

 

ᐱᔭᑦᓭᑦ ᐅᑯᐊ ᐃᓚᐅᒻᒥᔪᑦ ᑖᒃᑯᑐᐊᖑᖕᖏᑐᑦ:

·       ᐸᕐᓇᓂᖅ ᐊᐅᓚᑦᓯᓂᕐᓗ ᐃᓕᓴᕐᓂᓕᕆᔩᑦ ᖃᕆᑕᐅᔭᓕᕆᐅᑎᖏᓐᓂᒃ.  ᐱᓇᓱᑦᑎᑖᕆᔭᐅᔪᖅ ᕿᒥᕐᕈᖃᑦᑕᓚᖓᔪᖅ ᐃᓗᓐᓈᒍᑦ ᐱᑦᓯᐊᕋᓗᐊᕐᒪᖔᑕ ᖃᕆᑕᐅᔭᓕᕆᒍᓯᐅᔪᑦ, ᕆᐊᖃᕈᓂᓗ ᐃᒫᙰᕈᑎᓕᐅᖃᑦᑕᓗᓂ ᐃᓂᓪᓚᑎᕆᒋᐊᓪᓚᕈᑎᓅᓕᖓᔪᓂᒃ ᐅᓪᓗᒥᐅᔪᖅ ᐱᓇᓱᐊᕈᑎᐅᔪᓄᑦ.  ᐱᓇᓱᑦᑎᑖᖑᔪᖅ ᓄᑖᓂᒃ ᐋᕐᕿᒋᐊᕈᑎᐅᔪᓂᒃ ᓄᐃᑎᕆᖃᑦᑕᓚᖓᔪᖅ ᑲᔪᓯᑎᑕᐅᒍᑎᖏᓐᓂᓗ ᐃᑉᐱᒋᔭᖃᕐᓗᓂ.

·       ᖃᐅᔨᓴᕆᐊᖕᖓᐅᑎᓂᒃ ᑐᑭᓯᓇᑦᓯᐊᑐᓂᒃ ᐱᓇᓱᐊᖃᑦᑕᓗᓂ ᐃᓕᖓᔪᓂᒃ ᐱᔭᕆᐊᑐᔪᓄᑦ ᕿᒥᕐᕈᑕᐅᖁᔭᐅᔪᓄᑦ ᐱᓇᓱᐊᕋᑦᓴᓕᐊᖑᒪᔪᓂ, ᐱᓇᓱᑦᑕᐅᔪᓂ ᑕᒪᒃᑯᐊᓗ ᐊᑕᓐᓂᐅᕈᑕᐅᔪᑦ ᑲᒪᒋᖃᑦᑕᓗᒋᑦ.

·       ᖃᐅᔨᓴᖃᑦᑕᓗᓂ ᖃᑦᓯᕌᕋᔭᕐᓂᖏᓐᓂᒃ ᖃᕆᑕᐅᔭᓕᕆᐅᑏᑦ ᐃᓱᒪᒋᔭᐅᓯᒪᔪᐃᑦ ᐃᓂᓪᓓᖃᑦᑕᓗᓂᓗ ᐱᓇᓱᐊᕐᑕᐅᒋᐊᓖᑦ ᐊᖏᕐᑕᐅᓯᒪᔪᑦ ᐱᔭᕆᕐᑕᐅᕕᑦᓴᖏᑦᑕ ᐃᓱᓕᕕᑦᓴᖏᓐᓂᒃ.

·       ᐃᓱᒪᑦᓴᓯᐅᕈᑎᖃᖃᑦᑕᓗᓂ ᐱᓇᓱᒐᕐᑎᒍᑦ ᑭᖕᖑᒪᓇᕐᑐᓂᒃ ᐊᑑᑎᒐᑦᓴᐅᔪᓅᓕᖓᔪᓂᓪᓗ.

·       ᑲᑎᒪᑦᓯᖃᑦᑕᓗᓂ ᐅᓇᒻᒥᓲᑎᖃᕐᓱᑎᒃ ᐱᓇᓱᐊᖃᑕᐅᔪᑦᓴᔭᓂᒃ, ᕿᒥᕐᕈᓗᒋᑦ ᑭᖕᖑᒪᒋᔭᖏᑦ ᐃᒫᙰᕈᑎᓕᐅᖃᑦᑕᓗᓂᓗ ᐃᓕᖓᔪᓂᒃ ᖃᕆᑕᐅᔭᓕᕆᐅᑎᐅᔪᓄᑦ ᐊᑭᒋᒐᔭᕐᑕᖏᓐᓄᓗ.

·       ᐃᓚᐅᕕᖃᖃᑦᑕᓗᓂ ᑭᖕᖒᒪᒋᔭᐅᒍᓂ, ᐱᕙᓪᓕᐊᑎᑕᐅᓂᖏᓐᓄᑦ ᑲᔪᓯᑎᑕᐅᓂᖏᓐᓄᓗ ᖃᕆᑕᐅᔭᓕᕆᒍᑎᐅᔪᑦ ᐱᓇᓱᐊᕐᑕᐅᕕᒋᔭᖏᓐᓂ, ᐱᓗᐊᕐᑐᒥᒃ ᐃᓱᒪᑦᓴᓯᐅᕈᑎᐅᓯᒪᔪᓂ ᐅᑦᑐᕋᕐᑕᐅᓯᒪᔪᓂᓪᓗ.

·       ᑲᒪᒋᔭᖃᕐᓗᓂ ᐱᑦᓯᐊᕈᑎᑦᓴᔭᓅᓕᖓᔪᓂᒃ, ᐱᓗᐊᕐᑐᒥᒃ ᐊᓪᓚᓯᒪᔪᓕᐅᕐᓗᓂ ᐸᕐᓇᓗᓂᓗ ᓄᐃᑎᕐᑕᐅᒋᐊᓕᓐᓂᒃ ᓄᑖᓅᓕᖓᔪᓂᒃ ᐊᓯᑦᔨᑎᕆᐅᑎᐅᓚᖓᔪᓂᓪᓘᓃ ᐊᑑᑎᔭᐅᓕᕆᕐᑐᓄᑦ.

·       ᑲᒪᒋᔭᖃᕐᓗᓂ ᐱᓇᓱᐊᕐᑕᐅᔪᑦ ᐊᐅᓚᑕᐅᒍᑎᖏᓐᓂᒃ, ᐱᒋᐊᕐᑎᑕᐅᒍᑎᖏᓐᓂ, ᑲᒪᒋᔭᐅᒍᓯᖏᓐᓂᒃ, ᐱᓇᓱᒐᕐᓂᒃ ᐸᕐᓇᓂᐅᔪᓂᒃ, ᓇᐅᑦᓯᑐᕈᑎᐅᔪᓂᒃ ᑲᔪᓯᑦᓯᐊᑎᑦᓯᒍᑎᑦᓴᐅᔪᓂᓪᓗ.

·       ᑲᒪᒋᔭᖃᕐᓗᓂ ᓇᐅᑦᓯᑐᕐᑕᐅᒍᑎᖏᓐᓂᒃ ᖃᕆᑕᐅᔭᓕᕆᓂᕐᒨᓕᖓᔪᐃᑦ, ᐱᓗᐊᕐᑐᒥᒃ ᐃᑉᐱᒋᔭᖃᓪᓚᕆᓪᓗᓂ ᐱᐅᓯᓕᑎᕐᑕᐅᒋᐊᖃᕐᓂᖓᓂᒃ ᐱᑦᔪᔨᒍᐅᓕᕇᕐᑐᐃᑦ ᓄᐃᑎᕆᖃᑦᑕᓗᓂᓗ ᓄᑖᓂᒃ ᐱᓇᓱᐊᕈᑎᑦᓴᔭᓂᒃ ᐱᒍᑦᔨᐅᑎᓂᓪᓗ.

·       ᐃᓂᓪᓚᑎᕆᓗᓂ ᓄᐃᑎᕆᓗᓂᓗ ᐊᓪᓚᓯᒪᔪᓕᐅᕈᓯᕐᓂᒃ ᐱᓇᓱᐊᕈᑎᑦᓴᐅᔪᓂᓪᓗ ᐊᐅᓚᑦᑕᐅᑦᓯᐊᕈᑎᑦᓴᖏᓐᓅᓕᖓᔪᓂᒃ ᖃᕆᑕᐅᔭᓕᕆᒍᓯᖏᑦᑕ ᐃᓕᓴᕐᓂᓕᕆᔩᑦ.  ᐃᓚᐅᕕᖃᖃᑦᑕᓗᓂ ᐊᓪᓚᓯᒪᔪᓕᐅᕐᑕᐅᒋᐊᖕᖓᐅᑎᖏᓐᓂᒃ ᐱᓇᓱᐊᕐᑕᐅᔪᖅ ᐃᓱᓕᑎᓪᓗᒍ ᑐᓴᕐᑎᓯᐅᑎᓕᐊᑦ ᑐᑭᒧᐊᑦᑎᓯᖃᑦᑕᓗᓂᓗ ᖃᕆᑕᐅᔭᒥᒃ ᐊᑐᕐᑏᑦ ᐃᓕᓐᓂᐊᑎᑕᐅᓂᖓᓂᒃ.

·       ᐊᐅᓚᑦᓯᔨᓂ ᐱᓇᓱᑦᑎᐅᔪᓄᑦ ᖃᐅᔨᒪᔨᐅᖃᑦᑕᓗᓂ, ᐱᓗᐊᕐᑐᒥᒃ ᐃᒫᙰᕐᑎᐅᓗᓂ, ᐃᑲᔪᕐᑎᐅᓗᓂᓗ ᐊᓯᓕᒫᖏᓐᓂ ᖃᕆᑕᐅᔭᓕᕆᒍᓯᐅᔪᓂ.

·       ᑐᑭᒧᐊᑦᑎᓯᓗᓂ ᐱᓇᓱᐊᕐᓂᕆᔭᖏᓐᓂᒃ ᐱᓇᓱᐊᖃᑎᒌᑦᓱᑎᒃ ᕿᒥᕐᕈᔨᐅᔪᓂᒃ ᑎᓕᔭᐅᒪᐅᑎᖏᑦ ᓈᒻᒪᑐᒃᑯᑦ ᐱᔭᕆᑦᓯᐊᖁᓪᓗᒋᑦ.

 

ᐱᔪᓐᓇᓂᕆᔭᐅᒋᐊᓖᑦ:

ᐃᓕᓐᓂᐊᕕᕐᔪᐊᒥ ᐱᔭᕇᕈᓐᓇᐅᑎᖃᕆᐊᓕᒃ ᓈᒻᒪᓈᕐᑐᒥᒃ ᐱᓇᓱᒐᕐᒧᑦ,ᖃᕆᑕᐅᔭᓕᕆᓂᕐᒧᑦ ᖃᐅᔨᓴᕐᓂᒧᑦ ᐅᕝᕙᓘᓐᓃᑦ ᖃᕆᑕᐅᔭᓕᕆᔨᒻᒪᕆᐅᓂᕐᒧᑦ.

 

ᑲᑎᖕᖓᔩᑦ ᐃᓱᒪᕐᓲᑎᖃᕐᓗᑎᒃ ᓂᕈᐊᕈᓐᓇᒥᔪᑦ ᓇᓪᓕᐊᓂᑐᐃᓐᓇᖅ ᑕᒣᓐᓂᓘᓐᓃᑦ ᖁᓛᓂ ᐊᓪᓚᓯᒪᔪᓂᑦ ᐊᔪᖕᖏᓂᕆᔭᐅᔪᓂᑦ ᐱᔪᓐᓇᐅᑎᖃᕈᓂ ᓇᕝᕚᕈᑎᒃ ᓈᒻᒪᓈᕐᑐᒥᒃ ᐱᓇᓱᒐᕐᑖᕋᓱᑦᑐᒧᑦ ᐃᓚᐅᔫᒍᓂ ᔦᒥᓯ ᐯ ᒥ ᑯᐯᒃ ᑕᕐᕋᖓᓂ ᐊᖏᕈᑎ (JBNQA) ᐊᖏᕐᓯᒪᑉᐸᑦ ᑎᓕᓯᒍᑎᐅᔪᓂ ᐱᓇᓱᓐᓂᒧᑦ ᒪᓕᒍᓐᓇᓗᓂ ᐱᒋᐅᕐᓴᑎᑕᐅᒍᑎᐅᒋᐊᓕᓐᓂᑦ ᐋᕐᕿᓱᕐᑕᐅᓯᒪᔪᓂᑦ ᑲᑎᒪᔨᓄᑦ.

 

ᐊᑐᕐᑕᐅᒋᐊᓖᑦ:

·       ᐱᓇᓱᐊᓕᓂᐅᓪᓚᕆᒋᐊᓕᒃ Hyper-V-ᑎᒍᑦ ᐊᑐᕐᑕᐅᓲᓂᒃ:  ᐊᑐᐃᓐᓇᐅᑎᑦᓯᓯᐊᕐᓂᖅ, ᖃᕆᑕᐅᔦᑦ ᐱᓇᓱᐊᖃᑎᒌᒍᑎᑦᓴᖏᑦ, ᐊᑕᐅᑦᓯᑯᑦ ᐱᓇᓱᐊᑦᓯᐊᕈᑎᑦᓴᓂᒃ (CSV) ᐊᐅᓚᑦᓯᒍᑏᑦ, ᓄᐊᑦᓯᕖᑦ ᐃᓱᐃᓪᓕᓯᒪᔪᓂᒃ ᐋᕐᕿᓱᐃᒍᓰᑦ.

·       ᐱᓇᓱᐊᓕᓂᐅᓗᓂ ᓱᒃᑯᐊᕿᔪᕕᓂᐅᔪᖃᕐᐸᑦ ᖃᕆᑕᐅᔭᑎᒍᑦ ᐅᑎᕐᑎᓯᒍᓐᓇᓂᕐᒥᒃ Veeam ᐊᑐᕐᓗᒍ ᐅᕝᕙᓗᓐᓃᑦ ᐊᓯᖏᑎᒍᑦ ᐊᕐᕿᓱᐃᒍᑎᐅᓲᑎᒍᑦ:  ᓱᒃᑯᕆᒃᑯᑎᓕᐅᕐᓂᖅ, ᐊᑦᔨᓕᐅᕆᓂᖅ, ᓱᒃᑯᐊᕿᔪᕕᓂᕐᓂᒃ ᐋᕐᕿᓱᐃᓂᖅ, ᐅᑎᕐᑎᕆᓂᕐᒥᒃ ᖃᐅᔨᓴᕐᓂᖅ ᐊᐅᓚᑦᓯᓂᕐᓗ ᑐᑭᓯᒪᒍᑎᐅᒋᐊᓖᑦ ᓄᐊᑕᐅᓯᒪᒍᑎᖏᑦᑕ ᒪᓕᒐᖏᓐᓂᒃ.

·       ᐱᒍᓐᓇᓯᐊᕐᓗᓂ ᖃᕆᑕᐅᔭᒥᒃ ᐊᐅᓚᑦᓯᒍᑎᐅᒍᓐᓇᑐᓕᒫᓂ ᐊᓯᖏᓐᓂᓗ:  ᐊᑦᔨᓕᐅᕆᓂᖅ, FSMO ᐊᑑᑎᖏᑦ, ᓄᐊᑦᓯᕖᑦ DNS, SYSVOL/DFSR, MSA/gMSA ᓱᒃᑯᓯᒪᔪᓂᓪᓗ ᐋᕐᕿᓱᐃᓂᖅ.

·       ᐱᓇᓱᐊᓕᓂᐅᓗᓂ RDS-ᑎᒎᕐᑐᓂᒃ:  RD Gateway, RD Gateway, RDWeb, Connection Broker, Session Host, ᐱᒍᓐᓇᐅᑎᓕᐅᕐᓂᒥᒃ, ᐊᑦᑕᓇᖕᖏᑑᑎᑦᓯᓂᕐᒥᒃ ᐊᑐᐃᓐᓇᐅᓯᐊᕐᑎᓯᓂᕐᒥᓗ.

·       ᖃᐅᔨᒪᑦᓯᐊᓗᓂ ᖃᕆᑕᐅᔭᐅᑉ ᐃᓂᓪᓚᖓᐅᓯᖏᓐᓂᒃ ᓄᐊᑦᓯᕕᐅᔪᓂᓪᓗ: VLAN, TCP/IP, routing, VPN, SAN/NAS, iSCSI, SMB3, RAID, ᐱᑦᓯᐊᕈᓐᓇᕈᑎᓕᐅᕐᓗᓂᓗ

·       ᐱᓇᓱᐊᓕᓂᐅᓗᓂ ᐊᐅᓚᒍᑎᐅᔪᓂᒃ, ᐊᓪᓚᓯᒪᔪᓕᐅᕈᑎᐅᔪᓂᒃ ᖃᕆᑕᐅᔭᓕᕆᒍᑎᐅᔪᓂᓪᓗ ᐱᐅᒃᑯᑎᒻᒪᕆᓕᕆᓂᕐᒥᒃ.

·       ᖃᐅᔨᓴᕈᓐᓇᑐᑦᓯᐊᖑᓗᓂ, ᐱᓀᓗᑦᓯᒍᑎᐅᔪᓂᒃ ᐊᕐᕿᓱᐃᒍᓐᓇᓗᓂ ᑐᓴᐅᒪᖃᑎᖃᑦᓯᐊᕈᓐᓇᓗᓂᓗ

·       ᓯᕗᓕᕈᓐᓇᓯᐊᕐᓗᓂ, ᐱᓇᓱᐊᖃᑕᐅᒍᓐᓇᓯᐊᕐᓗᓂ ᐊᐅᓚᑦᓯᓕᓂᕆᓂᕐᒥᓗ ᐱᒍᓐᓇᓯᐊᕐᓗᓂ.

·       ᐱᓇᓱᐊᓕᓂᐅᓗᓂ ᐊᑕᐅᓯᐅᓕᖓᕕᐅᑦᓯᐊᑐᒥ ᐃᓅᖃᑎᑦᓴᔭᕇᖕᖏᑐᑦ ᐱᓇᓱᐊᕐᕕᖓᓂ

·       ᖃᐅᔨᒪᒍᓂ Agile -ᓕᕆᒍᓯᕐᓂᒃ ᐱᐅᔪᒋᐊᓪᓚᐅᒐᔭᕐᑐᖅ

·       ᐱᓇᓱᐊᓕᓂᐅᓗᓂ ᖃᐅᔨᒪᔭᖃᕐᓗᓂᓗᓐᓃᑦ ᐃᓕᓴᕐᓂᓕᕆᓂᕐᒥᒃ, ᐱᓗᐊᕐᑐᒥᒃ ᓄᓇᖃᕐᖄᓯᒪᔪᑦ ᐃᓕᓴᕐᓂᓕᕆᔨᖏᓐᓂ

·       ᐱᓇᓱᐊᓕᓂᐅᓗᓂ ᓄᓇᕕᒻᒥ ᐅᕝᕙᓗᓐᓃᑦ ᐅᑭᐅᕐᑕᑐᒥ

·       ᐅᖃᕈᓐᓇᓯᐊᕐᓗᓂ ᒪᕐᕈᓂᒃ ᐅᖃᐅᓰᓐᓂᒃ ᐱᖓᓱᐃᖑᒻᒪᑕ ᐅᖃᐅᓰᑦ ᐱᓇᓱᐊᕈᑎᐅᓲᑦ: ᐃᓄᒃᑎᑐᑦ, ᒍᐃᒍᐃᑎᑐᑦ ᖃᓪᓗᓈᑎᑐᓪᓗᓃᑦ

·       ᓄᓇᕕᒻᒥ ᐊᕐᕕᑕᕈᓐᓇᕆᐊᓕᒃ ᖁᔭᐅᓕᕈᓂ

·       ᐊᔪᐃᓐᓇᕈᑎᖃᕆᐊᓕᒃ ᐃᓚᐅᑎᑕᐅᑦᓯᐊᕆᐊᖃᕐᓂᖓᓂᒃ ᐱᒍᓐᓇᓯᕙᓪᓕᐊᑎᑕᐅᓂᖓᓂᓪᓗ ᐃᓄᐃᑦ ᐱᓇᓱᑦᑏᑦ

 

ᓇᓃᓐᓂᖓ/ᑮᓇᐅᑦᔭᓵᑦ/ᐃᑲᔫᑏᑦ:

ᒪᓕᑦᓱᒍ SPPENOM ᐱᓇᓱᑦᑎᓄᑦ ᐊᖏᖃᑎᒌᒍᑎ ᐱᔪᓐᓇᐅᑎᓕᓐᓄᑦ. ᑖᓐᓇ ᐱᓇᓱᒐᕐ ᑐᕌᖓᔪᖅ ᐅᑯᓄᖓ 2156:  $57,492-ᒥᑦ - $105,469-ᒧᑦ ᐊᕐᕌᒍᑕᒫᕐᓯᐅᑏᑦ ᒪᓕᓪᓗᒋᑦ  ᐱᔪᓐᓇᐅᑎᖏᓐᓄᑦ ᐊᑑᑎᓯᒪᔭᖏᓐᓄᓗ.

 

	ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ: ·       20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ ·       ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ ·       ᐱᓇᓱᑦᑎᓂ ᐃᓚᒌᓂᓪᓗ ᐃᑲᔪᕐᓯᐅᑏᑦ, ᐃᓚᐅᑎᓪᓗᒋᑦ ᖃᕆᑕᐅᔭᑎᒍᑦ ᐅᖄᓚᐅᑎᒃᑯᓘᓐᓃᑦ ᐋᓐᓂᐊᓯᐅᕐᑕᐅᒍᑏᑦ ᐃᑲᔪᕐᓯᐅᑎᖏᑦ ·       ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ ·       ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ			ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ: ·     ᐊᐅᔭᒥ ᐱᓇᓱᐊᕐᕕᓴᖅ ·     ᐃᑲᔪᕐᓯᐅᑏᑦ ᐅᑭᐅᕐᑕᑐᒥᐅᓂ ᐃᒣᓪᓗᐊᖑᕗᑦ $12,178 ᒥᑦ $25,326 ᒧᑦ ·     ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ ·     ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ ·     ᐱᒍᒥᓇᕐᑎᓯᐅᑏᑦ ᐱᓇᓱᑦᑎᙯᓐᓇᓂᕐᒧᓗ ᐃᓚᒋᐊᕈᑏᑦ ᐃᒣᓪᓗᐊᖑᕗᑦ $3,000 ᒥᑦ 12,000 ᒧᑦ ·     ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ
		ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᓅᕕᒻᐱᕆ 16, 2026   ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ, ᓇᓪᓕᑳᕐᓗᑎᑦ ᐅᑯᐊ ᓇᓪᓕᖏᓐᓂᑦ ᐃᓕᒐᓱᐊᕈᑕᐅᒍᓐᓇᑐᓂᒃ: 1)     ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ 2)      ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ  applications@kativik.qc.ca ᓇᓗᓀᕐᓗᒍᓗ SPANALYSTINF2610-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ  (e-mail).

 

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.