ᐃᓕᓭᔨ - ᐃᓪᓗᓕᐅᕐᓂᒥ ᐱᓇᓲᑎᓂᒃ ᐊᐅᓚᑦᓯᓂᕐᒥᒃ (ᐱᓇᓱᐊᕋᑦᓴᖅ 5720) - KI

ᐃᓂ: ᐃᓕᓭᔨ - ᐃᓪᓗᓕᐅᕐᓂᒥ ᐱᓇᓲᑎᓂᒃ ᐊᐅᓚᑦᓯᓂᕐᒥᒃ (ᐱᓇᓱᐊᕋᑦᓴᖅ 5720)

ᐊᓪᓚᕕᖓᓂ: ᐃᓄᒻᒪᕇᑦ ᐃᓕᓴᕐᕕᖓ ᐊᒻᒪᓗ ᐱᓇᓱᒐᕐᒥᒃ ᐱᒋᐅᕐᓴᑎᑦᓯᓂᓕᕆᕕᒃ

ᑮᓇᐅᑦᔭᓵᖏᑦ: ᐱᒋᐊᕐᑐᖅ $54,119 ᑎᑭᑦᓱᒍ $105,432 ᑲᒪᒋᔭᐅᑎᓪᓗᒍ ᐱᓕᓂᐅᓂᖓ ᐊᒻᒪᓗ ᐱᒍᓐᓇᑕᖏᑦ

ᐆᒋᐊᕋᑦᓴᐅᑉ ᑭᑎᑦᔪᑎᖓ: TEACHAEVTCEO2603-01

ᓇᔪᕐᑕᖓ: ᑲᖏᕐᓱᔪᐊᖅ

ᐱᓇᓱᓐᓂᖓ: ᐊᖏᖃᑎᒌᒍᑎᑎᒍᑦ ᐱᓇᓱᒍᑦᔨᓂᕐᒧᑦ ᐃᑲᐅᕐᓂᓕᒃ 800 ᓂᒃ

ᓯᕕᑐᓂᖓ: ᔪᓓ-ᒥᑦ ᑏᓯᒻᐸᒧᑦ 2026ᒥ (ᓄᑕᐅᓪᓕᑐᕆᐊᓪᓚᕕᖃᕈᓐᓇᒥᑦᓱᓂ)

ᑲᑎᕕᒃ ᐃᓕᓴᕐᓂᓕᕆᓂᖅ (KI) ᐃᓕᓴᕐᓂᓕᕆᔨᐅᕗᖅ ᐊᑐᐃᓐᓇᐅᑎᑦᓯᔪᖅ ᐃᓕᓴᕐᓂᓕᕆᓂᕐᓂᒃ ᐱᔨᑦᓯᒍᑎᓂᒃ ᑖᒃᑯᓇᓂ 14ᓂ ᓄᓇᓕᓐᓂ ᓄᓇᕕᒻᒥ.

ᐃᓚᐅᒍᒪᕖᑦ ᐅᕙᑦᑎᓄᑦ ᐊᑦᔨᐅᖏᑦᑐᒧᑦ ᐊᒻᒪᓗ ᐃᓱᒪᓐᓈᓇᕐᑐᒧᑦ ᐊᑑᑎᖃᑕᐅᓗᑎᑦ?

ᕿᓂᕐᐳᒍᑦ ᓇᐅᑐᐃᓐᓇᓂᒃ ᐱᔪᑦᓴᐅᔮᕐᑐᓂᒃ ᐃᓐᓄᕆᐊᓕᓐᓄᑦ ᐃᓂᓄᑦ ᐃᒣᑦᑐᓄᑦ ᐃᓘᓐᓈᓄᐊᖓᔪᒥ ᐃᓄᒻᒪᕇᑦ ᐃᓕᓴᕐᕕᖏᓐᓂ ᖃᓪᓗᓈᕐᑎᑑᑐᓂ ᐊᒻᒪᓗ ᐅᐃᒍᐃᑎᑑᕐᑐᓂ.

ᐱᓇᓱᐊᕋᑦᓴᓕᐊᒍᓯᒪᔫᑉ ᑐᕌᕐᓂᕆᔪᒪᔭᖏᑦ:

ᐱᒍᓐᓇᓯᓗᓂ ᖃᐅᔨᒪᓂᕐᒥᒃ, ᐱᔭᕆᐅᕐᓂᖑᕐᓗᓂ ᐊᒻᒪᓗ ᐱᓂᐊᕐᓂᖃᕈᓯᕐᓂᒃ ᐱᓯᒪᒋᐊᓕᓐᓂᒃ ᓇᓗᒍᓐᓀᓯᐊᕐᓗᓂ ᐱᔭᑦᓴᓄᑦ ᐊᒃᑐᐊᔪᓂᒃ ᐊᐅᓚᑦᓯᒋᐊᒥᒃ ᓄᓇᓕᕆᐅᑎᐊᓗᓐᓂᒃ, ᓴᓕᒎᑎᓂᒃ, ᐅᓯᖏᐊᕈᑎᓂᒃ, ᐳᐊᕐᕆᑎᐊᓗᓐᓂᒃ, ᖃᐅᕐᑎᕆᐅᑎᓂᒃ ᐊᒻᒪᓗ ᒪᓂᒃᖃᓭᒍᑎᓂᒃ; ᐊᒃᖁᓯᐅᕐᓂᓂᒃ ᐊᒻᒪᓗ ᐱᒪᒋᐊᒥᒃ ᐊᒃᖁᑎᓂᒃ ᐊᒻᒪᓗ ᐃᓂᓪᓚᑎᕆᓂᕐᓂᒃ, ᐱᓇᓱᐊᕆᐊᒥᒃ ᖃᐅᕐᑎᕆᓗᓂ, ᓄᓇᒃᑰᔫᓂᒃ ᐅᓯᓕᕐᑐᐃᓗᓂ ᐊᒻᒪᓗ ᑐᓐᖓᕕᑦᓴᓕᐅᕐᓗᓂ ᐊᖏᓈᕐᑎᑐᓂᒃ.

ᐱᒍᓐᓇᕆᐊᓕᖏᑦ:

• ᑐᑭᐊᒎᕐᑐᓂᒃ ᐃᓕᓐᓂᐊᓯᒪᓂᖅ ᓱᓕᓗ ᒥᑦᓯᑎᓅᓐᖏᑐᖅ ᐅᑭᐅᑦ ᑕᓪᓕᒪᑦ ᖃᒻᒥᑯᑦ ᐱᓇᓱᐊᓕᓂᐅᕕᖃᕐᓗᓂ ᑌᒣᑦᑐᓕᕆᓂᕐᓂ

• ᐃᓪᓗᓕᐅᕐᓂᒧᑦ ᓯᑯᑦᓴᔭᕐᑖᓯᒪᑎᑕᐅᒋᐊᓕᒃ

ᑲᑎᒪᔩᑦ ᐃᒣᒍᓐᓇᐳᑦ, ᐃᒃᐱᒍᓱᑦᓯᐊᕋᓱᐊᕋᒥᒃ, ᑲᒪᓐᖏᑑᒍᓐᓇᑐᑦ ᓇᓪᓕᐊᓂᒃ ᐊᒻᒪᓘᓐᓃᑦ ᐃᓘᓐᓀᓂᒃ ᐅᖃᕐᑕᐅᔪᓂᒃ ᑕᑉᐱᑲᓂ ᐱᒍᓐᓇᕆᐊᓕᖏᑦᑕ ᑭᓐᖒᒪᔭᐅᑦᓱᑎᒃ ᑐᑭᐊᓂ ᓇᓂᓯᑐᐊᕈᑎᒃ ᐱᒍᓇᐅᓗᓂ ᐱᔪᑦᓴᐅᔮᕐᑐᒧᑦ ᐃᓚᐅᔫᑐᐊᕐᐸᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ ᐊᒻᒪᓗ ᓇᓪᓕᐊᓄᑦ ᐊᖏᕐᐸᑦ ᑖᓐᓇ, ᖃᓄᐃᓕᖓᓂᖓᓂᒃ ᐱᓇᓱᓐᓂᐅᑉ, ᒪᓕᓐᓂᐊᓗᓂ ᐃᓕᓐᓂᐊᓂᕐᒧᑦ ᐸᕐᓇᐅᑎᐅᓯᒪᔪᒥᒃ ᑐᑭᓕᐅᕐᑕᐅᔪᒥᒃ ᑖᒃᑯᓄᖓ ᑲᑎᒪᔨᓄᑦ

ᑭᓐᖒᒪᓇᕐᑐᑦ:

• ᐃᙯᑦᑑᓗᓂ ᑖᒃᑯᓇᓐᖓᑦ ᒪᕐᕉᓂᒃ (2) ᐱᖓᓱᓂᑦ (3) ᐅᖃᐅᓯᕐᓂᑦ ᐊᑐᕐᑕᐅᔪᓂᑦ ᑖᒃᑯᓇᓂ ᑲᑎᕕᒃ ᐃᓕᓴᕐᓂᓕᕆᔨᒃᑯᓂ (ᐃᓄᒃᑎᑐᑦ, ᖃᓪᓗᓈᕐᑎᑐᑦ ᐊᒻᒪ ᐅᐃᒍᐃᑎᑐᑦ);

• ᐱᓕᓂᐅᕕᖃᕐᓗᓂ ᐊᑦᔨᒌᓐᖏᑑᑎᓄᑦ-ᐳᕐᑐᓕᕇᓂᒃ ᐃᓕᓐᓂᐊᓂᕐᓂᒃ.

ᐱᓯᒪᒋᐊᓕᖏᑦ:

• ᐃᓕᓐᓂᐊᑎᑦᓯᓂᕐᒧᑦ ᐃᓕᑕᕆᔭᐅᒍᑎᒥᒃ ᐅᒃᕙᓘᓐᓃᑦ ᐃᓕᓐᓂᐊᑎᑦᓯᓂᕐᒧᑦ ᐱᒍᓐᓇᐅᑎᒥᒃ ᐱᓯᒪᓗᒍ ᑯᐯᒃᑯᓂᑦ ᐅᒃᕙᓗᓘᓐᓃᑦ ᑲᓇᑕᒥ ᓄᓇᐅᑉ ᐊᒡᒍᑐᕐᓯᒪᕕᖏᓐᓂᑦ ᓇᓪᓕᐊᓂᑐᐃᓐᓇᖅ .

• ᖃᐅᔨᒪᔭᖃᕐᓗᓂ ᐊᒻᒪᓗ ᐃᓕᓐᓂᐊᑎᑦᓯᒍᑎᖏᓐᓂᒃ ᑖᒃᑯᐊ MEQᑉ ᐱᓇᓱᐊᕋᑦᓴᓕᐊᕆᓯᒪᔭᖏᓐᓂᒃ.

• ᐱᓇᓱᐊᓕᓂᐅᓗᓂ ᐃᓕᓐᓂᐊᑎᑦᓯᒋᐊᒥᒃ ᖃᓪᓗᓈᕐᑎᑐᑦ ᐊᒻᒪᓗ ᐅᐃᒍᐃᑎᑐᑦ ᐅᖃᐅᓯᓕᒃᕿᐅᑎᐅᓗᓂ ᐁᑉᐱᐅᑎᒋᑕᖓᓂᐅᒃ.

ᐃᓂᓕᐅᕐᑕᐅᒪᓂᖏᑦ / ᑮᓇᐅᑦᔭᓵᑦ / ᐱᕙᓪᓕᖁᑏᓪᓗ:

ᑮᓇᐅᑦᔭᓵᑦ ᐊᒻᒪᓗ ᐱᕙᓪᓕᖁᑎᑖᕈᑏᑦ ᑐᓐᖓᕕᐅᑎᓪᓗᒍ ᐃᓕᓐᓂᐊᑎᑦᓯᓂᕐᓄᑦ ᑲᑐᑦᔨᖃᑎᒌᓐᓂᑯᑦ ᐊᖏᖃᑎᒌᒎᑎᖓᓄᑦ ᑖᒃᑯᐊ ᑲᑎᒪᔩᑦ: ᐱᒋᐊᕐᓱᓂ ᐃᒫᒃ $54,119 ᑎᑭᑦᓱᒍ ᐅᓇ $105,432 ᐊᕐᕌᒍᕐᒥ ᐃᓱᒪᒋᔭᐅᓯᒪᑎᓪᓗᒍ ᐱᓇᓱᐊᓕᓂᐅᓂᖓ ᐊᒻᒪᓗ ᐱᒍᓐᓇᕆᐊᓕᖏᑦ. ᐃᓘᓐᓇᑎᒃ ᐱᕙᓪᓕᖁᑏᑦ ᐱᓇᓱᓐᓂᒥᒍᑦ ᐊᑐᕐᓂᐊᑐᑦ ᑐᓐᖓᕕᐅᑎᓪᓗᒍ ᖃᓄᐃᓕᖓᓂᖏᑦᑕ ᐳᓴᖏᑎᒍᑦ ᐱᔭᑦᓴᐅᑉ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑦᑎᙯᓐᓇᓂᖅ ᐊᒻᒪᓗ ᐱᐅᒋᔭᐅᑎᑦᓯᒐᓱᐊᕐᓂᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᐱᖓᓱᕕᓪᓗᓂ ᐅᑎᕈᑎᓕᓐᓂᒃ ᖃᖓᑦᑕᐅᑏᑦ ᓄᓇᕕᒻᒥ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00pm, ᒫᑦᔨ 31 2026

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ:

1) ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ TEACHAEVTCEO2603-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.