ᐃᓕᓐᓂᐊᑎᑦᓯᔨ – ᑕᕐᕋᒥ ᐃᓪᓗᓕᕆᔨ (ᐱᓇᓱᐊᕐᑕᖅ 5702) - KI

ᐱᓇᓱᒐᖅ: ᐃᓕᓐᓂᐊᑎᑦᓯᔨ – ᑕᕐᕋᒥ ᐃᓪᓗᓕᕆᔨ (ᐱᓇᓱᐊᕐᑕᖅ 5702)

ᐱᓇᓱᕝᕕᒃ: ᐃᓄᒻᒪᕇᑦ ᐃᓕᓐᓂᐊᕕᖓ ᐊᒻᒪᓗ ᐱᓇᓱᒐᕐᓂᒃ ᐱᒋᐅᕐᓴᑎᑕᐅᕕᒃ

ᑮᓇᐅᑦᔭᓵᑦ: ᐱᒋᐊᕐᓱᓂ $46,527 ᑎᑭᑦᓱᒍ $92,027 ᐱᓇᓱᕐᓂᐅᓯᒪᔪᐃᑦ ᐱᔪᓐᓇᐅᑎᒋᔦᓪᓗ ᒪᓕᑦᓱᒋᑦ

ᐱᓇᓱᒐᐅᑉ ᑭᓯᑦᓯᒍᑎᖓ: TEACHAEVTNBM2507-01

ᓇᓃᓐᓂᖓ: ᖁᐊᕐᑕᖅ

ᖃᓄᐃᓕᖓᓂᖓ: ᑕᕐᕿᑎᒎᕐᑐᖅ 400 ᑫᕙᓪᓚᒍᓰᑦ

ᓯᕕᑐᓂᖓ: ᐊᐅᒡᒎᓯᒥ ᑏᓯᒻᐱᕆᒧᑦ 2025 (ᓄᑕᐅᓯᓕᕐᑕᐅᒍᓐᓇᕕᖃᑐᐃᓐᓇᕆᐊᓕᒃ)

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓚᐅᖃᑕᐅᒍᒪᕖᑦ ᐅᕙᑦᑎᓄᑦ ᐊᑦᔨᐅᖏᑦᑐᒥᒃ ᐱᒍᒥᓇᕐᑐᓯᐊᒥᒃ ᐱᓂᐊᕐᓂᖃᖁᓪᓗᑎᑦ?

ᐱᓇᓱᐊᕐᑌᑦ ᑐᕌᒐᖏᑦ:

ᐃᓕᓐᓂᐊᑏᑦ ᖃᐅᔨᒪᓕᖁᓪᓗᒋᑦ, ᐱᔪᓐᓇᓂᕐᑖᖁᓪᓗᒋᑦ ᐊᒻᒪᓗ ᐱᐅᓯᖃᓕᖁᓪᓗᒋᑦ ᑭᖕᖒᒪᒋᔭᐅᔪᓂ ᐊᐅᓚᑦᓯᓂᕐᒥᒃ ᒥᑭᔪᒥ ᓱᓇᒐᓚᖃᐅᑎᒥᓗ ᐱᓇᓱᐊᕐᓗᓂ ᓱᒃᑯᑌᓕᑎᑦᓯᓂᕐᒥᒃ ᓴᓇᕐᕈᑎᓂᒃ, ᐃᑯᒪᐅᑎᒨᕐᑐᓂᒃ ᐱᓇᓲᑎᓂᑦ, ᓱᓪᓗᓕᓕᕆᓂᕐᒥᒃ ᐊᒻᒪᓗ ᐅᕐᖂᓯᓴᐅᑎᓕᕆᓂᕐᒥᒃ; ᐱᓇᓱᕝᕕᒋᓗᒋᑦ ᐱᓇᓱᕝᕕᐅᑉ ᐃᓗᐊᓂ ᓯᓚᑖᓂᓗ.

ᐱᔪᓐᓇᐅᑎᐅᒋᐊᓖᑦ:

ᐃᓕᑕᕆᔭᐅᒍᑎᑖᕐᓯᒪᒋᐊᓕᒃ ᐅᕝᕙᓘᓐᓃᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓯᒪᓗᓂ ᐃᓪᓗᓕᕆᓂᕐᒥᒃ ᐱᓇᓱᒍᑎᒋᔭᒥᑕ ᐊᑦᔨᖓᓂ ᐅᕝᕙᓗᓐᓃᑦ ᐃᓕᑕᕆᔭᐅᒍᑎᑖᕐᓯᒪᓗᓂ ᐱᔭᕇᕐᓯᒪᓂᕐᒥᓄᑦ ᐊᑦᔨᐸᓱᖓᓂᒃ ᐱᓇᓱᕝᕕᒥ ᐊᒻᒪᓗ ᐱᓇᓱᐊᕐᓯᒪᔫᓗᓂ ᐊᕐᕌᒍᓂ ᓯᑕᒪᓂᑦ (ᐆᑦᑑᑎᒋᓗᒍ ᐃᑯᓕᕆᔨ ᐅᕝᕙᓘᓐᓃᑦ ᓱᓪᓗᓕᕆᓂᖅ).

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᖕᖏᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ, ᐱᓇᓱᑦᑎᑖᕆᔭᐅᓂᖓᓄᑦ ᖃᓄᐃᓕᖓᐅᑎᐅᑎᓪᓗᒍ, ᐋᕐᕿᑕᐅᒪᔪᒥᒃ ᐃᓕᓴᕐᓂᓕᕆᓂᕐᒧᑦ.

ᐱᓯᒪᒋᐊᓕᖏᑦ:

• ᖃᐅᔨᒪᒋᐊᓕᒃ ᕿᔪᓕᕆᓂᕐᒥᒃ, ᐃᑯᒪᓕᕆᓂᕐᒥᒃ, ᒥᖑᐊᕐᓂᒥᒃ, ᐊᐅᓚᐅᑎᓕᕆᓂᕐᒥᒃ ᐊᒻᒪᓗ ᓱᓪᓗᓕᕆᓂᕐᒥᒃ ᐱᓇᓱᐊᕈᓐᓇᖁᓪᓗᒍ ᓱᒃᑯᑌᓕᑎᑦᓯᓂᕐᒥᒃ ᐊᒻᒪᓗ ᐋᕐᕿᓱᐃᓂᕐᒥᒃ.

• ᐱᓇᓱᐊᕐᓯᒪᔫᒋᐊᓕᒃ ᐅᕐᖂᓯᓴᐅᑎᓕᕆᓂᕐᒥᒃ ᐊᒻᒪᓗ ᐊᓂᕐᓂᒨᓕᖓᔪᓕᕆᐅᑎᓂᒃ ᐊᒻᒪᓗ ᑌᒣᑦᑐᒐᓚᓂᒃ ᐱᓇᓱᐊᕐᓯᒪᔫᓗᓂ ᐱᐅᔫᒐᔭᕐᑐᖅ.

• ᖃᐅᔨᒪᒋᐊᓕᒃ ᒪᕐᕉᓂᒃ ᐅᖃᐅᓰᓐᓂᒃ ᐃᓕᓴᕐᓂᓕᕆᓂᒃᑯᑦ ᐅᖃᐅᓯᖏᓐᓂ ᐱᖓᓱᐃᓂ (ᐃᓄᑦᑎᑐᑦ, ᒍᐃᒍᐃᑎᑐᑦ, ᖃᓪᓗᓈᑎᑐᑦ).

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᑮᓇᐅᑦᔭᓵᑦ & ᐱᕙᓪᓕᖁᑏᓪᓗ ᑐᖕᖓᕕᒋᑦᓱᒋᑦ ᐃᓕᓭᔩᑦ ᐊᖏᖃᑎᒌᓐᓂᖏᓐᓅᓕᖓᔪᑦ ᐃᓕᓴᕐᓂᓕᕆᓂᕐᑎᒍᑦ: ᐱᒋᐅᕐᕕᖃᕐᓱᑎᒃ $46,527 ᐅᕗᖓ $92,027 ᐊᕐᕌᒍᑕᒫᑦ ᑐᖕᖓᕕᒋᑦᓱᒋᑦ ᐊᑑᑎᓯᒪᓂᖓ ᐊᒻᒪᓗ ᐱᒍᓐᓇᐅᑎᖓ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑦᑎᙯᓐᓇᓂᖅ ᐊᒻᒪᓗ ᐱᐅᒋᔭᐅᑎᑦᓯᒐᓱᐊᕐᓂᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᐱᖓᓱᕕᓪᓗᓂ ᐅᑎᕈᑎᓕᓐᓂᒃ ᖃᖓᑦᑕᐅᑏᑦ ᓄᓇᕕᒻᒥ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00pm, ᐊᐅᒡᒍᓯ 18, 2025

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ:

1) ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ TEACHAEVTHR2507-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.