ᐃᓕᓭᔩᑦ ᐊᖓᔪᕐᖄᖓᑕ ᑐᖓᓕᖓ (ᐊᒥᓱᐃᑦ ᐱᓇᓱᒉᑦ) - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐃᓕᓐᓂᐊᕖᑦ ᐊᐅᓚᑕᐅᕕᖓᑕ ᑐᑭᒧᐊᑦᑎᓯᔨᖓᓂᒃ, ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᑦᑕ ᑐᖓᓕᖓ ᑲᒪᒋᔭᖃᕆᐊᓕᒃ ᐃᑲᔪᕐᓂᒥᒃ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓᓂᒃ ᐃᓕᓐᓂᐊᓂᕐᒨᓕᖓᔪᓂᒃ ᑲᒪᒋᔭᖃᕐᓂᒥᒃ ᐃᓕᓐᓂᐊᕕᒻᒥ ᐱᓇᓱᐊᕐᑕᐅᔪᓂᒃ ᐊᒻᒪᓗ ᐊᑐᕋᑦᓴᖏᓐᓂᒃ ᒪᓕᓪᓗᒋᑦ ᒪᓕᑦᑕᐅᒋᐊᓖᑦ ᐃᓕᓴᕐᓂᓕᕆᓂᕐᒥ.

ᐱᒍᓐᓇᐅᑎᒋᒋᐊᓕᖏᑦ:

·       ᐊᑕᔪᒥᒃ ᐃᓕᓐᓂᐊᑎᑦᓯᔨᐅᓂᕐᒥ ᐊᓂᒎᑎᓂᕃᒍᑎ (ᖁᕝᕙᕆᐊᕐᓂᖅ) ᐱᔪᓐᓇᑎᑕᐅᔪᖅ ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᖓᓄᑦ, ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᓂᓕᕆᓂᖅ ᖃᐅᔨᓴᕐᓂᓗ. ᐃᓕᓐᓂᐊᕕᕐᔪᐊᒥ ᐱᔭᕇᕈᓯᒋᐊᕕᓪᓗᓂ ᐃᓕᓐᓂᐊᓂᕐᒧᑦ ᐱᖁᔭᖓᓄᑦ ᐊᓪᓚᓄᑦ, ᐃᓄᓐᓄᑦ ᓇᔅᑳᐱᓄᓪᓗ (R.S.Q., c. 1-14).

·       ᐃᓕᓐᓂᐊᕕᕐᔪᐊᒥ ᐱᔭᕇᕐᓯᒪᐅᑎ ᐃᓕᓐᓂᐊᓂᓕᕆᓂᕐᒥ ᐅᕝᕙᓘᓐᓃᑦ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᓯᒪᔭᖃᕐᓗᓂ ᐊᑑᑎᖃᑦᓯᐊᕈᓐᓇᑐᓂᒃ ᐱᔪᓐᓇᐅᑎᑖᕐᓯᒪᓗᓂ 3ᓂ ᐃᑭᓐᓂᓇᐅᖕᖏᑐᓂᒃ ᐃᓕᓴᕐᓯᒪᓗᓂ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᒐᕐᓂᒃ ᐅᕝᕙᓘᓐᓃᑦ ᐱᓇᓱᒐᖃᕐᓯᒪᓗᓂ ᐳᕐᑐᓂᕐᓴᓂ ᐱᓇᓱᑦᑎᒪᕆᖏᓐᓂᓘᓐᓃᑦ ᐃᓕᓐᓂᐊᓂᓕᕆᕖᑦ ᓇᓪᓕᑐᐃᓐᓇᖓᓂ ᐱᑕᖃᕆᐊᖃᕐᓂᕋᕐᑕᐅᔪᓂᒃ ᐱᔪᓐᓇᐅᑎᒋᔭᐅᑦᓴᓚᐅᕈᑏᕐᑕᐅᔪᓂᓪᓘᓃᑦ ᐱᓇᓱᒐᖃᓚᖓᔪᒧᑦ ᐃᓕᓭᔦᑦ ᐊᖓᔪᕐᖄᖓ ᐃᓂᖓᓂᒃ ᑐᖓᓕᖓᑕᓘᓐᓃᑦ ᐃᓂᖓᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

·       ᐅᖄᒍᓐᓇᓯᐊᕐᓗᓂ ᐃᓄᒃᑎᑐᑦ ᐊᑕᐅᓯᕐᒥᒃ (1) ᐅᖃᐅᓰᓐᓂᒃ ᒪᕐᕉᓂᒃ (2) ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ).

·       ᐊᕐᕌᒍᓂ ᑕᓪᓕᒪᓂᒃ (5) ᐱᓇᓱᑦᓯᒪᒋᐊᓕᒃ ᐃᓕᓐᓂᐊᑎᑦᓯᔨᐅᓂᕐᒥᒃ ᐅᕝᕙᓘᓐᓃᑦ ᐱᒍᓐᓇᐅᑎᓕᓐᓄᑦ ᐱᓇᓱᒐᖃᕐᓗᓂ ᐃᓚᐅᑎᓪᓗᒋᑦ ᐱᖓᓱᓂᒃ ᐊᕐᕌᒍᓂᒃ ᐃᓕᓐᓂᐊᑎᑦᓯᔨᐅᓯᒪᓗᓂ.

·       ᖃᐅᔨᒪᔭᖃᕐᓗᓂ ᓄᓇᕕᐅᑉ ᓄᓇᖏᓐᓂᒃ.

·       ᐱᓇᓱᐊᓚᐅᕐᓯᒪᓗᓂ ᓯᕗᓕᕆᐊᖃᕐᓂᒥᒃ ᐃᓗᕐᕈᓯᖃᑎᒌᒐᑎᒃ ᐱᓇᓱᐊᕐᕕᒥ ᐱᓇᓱᐊᖃᑎᒌᑦᑐᓂᒃ ᐱᐅᔪᖁᑎᒋᐅᒐᔭᕐᑐᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-08 ᒪᓕᑦᓱᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᒐᖃᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔨᓄᑦ: $100,606-ᓂᑦ $134,139-ᓄᑦ ᐊᕐᕌᒍ ᑕᒫᑦ ᐃᓕᓐᓂᐊᕕᐅᑉ ᐊᖏᓂᖓ ᒪᓕᓪᓗᒍ, ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᖕᖓᕕᒋᓗᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.