ᐱᓂᕐᓗᑕᐅᓯᒪᔪᓂᒃ ᐃᑲᔪᕐᑎ* ᓄᓇᕕᒻᒥ ᐱᓗᑲᓐᓂᒧᑦ ᐱᓂᕐᓗᑕᐅᓯᒪᔪᓂᒃ ᐃᑲᔪᕐᑐᕕᒻᒥ - ᓴᐳᒻᒥᔩᑦ - KRG

ᐱᓇᓱᒐᕐᒥᒃ ᐱᒍᑎᑦᓴᖅ ᑰᑦᔪᐊᒧᑦ ᐃᓕᖓᔪᖅ

ᑎᒥᐅᑉ ᐃᓗᐊᓂ/ᓯᓚᑖᓂ ᓄᐃᑕᐅᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᖁᓪᓕᐸᐅᑦᓱᓂ ᑲᕙᒫᐱᓐᓄᑦ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55° ᑕᕐᕋᖓᓂ, ᐱᖁᔭᓕᕆᓂᕐᒥᒃ, ᐃᓄᐃᑦ-ᐃᕐᖃᑐᐃᕕᒃᑰᓂᖏᓐᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᓇᓱᕝᕕᒃ KRG-ᑯᓂ ᐅᓪᓗᒥ ᐱᓇᓱᑦᑎᓴᕐᓯᐅᑐᑦ ᑰᑦᔪᐊᒥ ᐱᓇᓱᒐᔭᕐᑎᓗᒍ ᒪᑐᒥᖓ ᐱᓇᓱᒐᖃᕐᓗᓂ:

ᐱᓂᕐᓗᑕᐅᓯᒪᔪᓂᒃ ᐃᑲᔪᕐᑎ*

ᓄᓇᕕᒻᒥ ᐱᓗᑲᓐᓂᒧᑦ ᐱᓂᕐᓗᑕᐅᓯᒪᔪᓂᒃ ᐃᑲᔪᕐᑐᕕᒻᒥ - ᓴᐳᒻᒥᔩᑦ

(ᐊᑌᓐᓇᑐᖅ, ᐃᓗᐃᑦᑐᖅ)

ᐱᓂᕐᓗᑕᐅᓯᒪᔪᓂᒃ ᐃᑲᔪᕐᑎ ᐊᖓᔪᕐᖄᖃᓚᖓᔪᖅ ᓴᖑᐊᑦᓯᔨᒥᒃ ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓄᑦ ᐱᒍᑦᔨᐅᑎᓂᒃ ᐅᕝᕙᓘᓐᓃᑦ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ - ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓄᑦ ᐱᒍᑦᔨᔨᓂ KRG-ᑯᑦ ᐱᖁᔭᓕᕆᓂᕐᒥᒃ, ᐃᓄᐃᑦ-ᐃᕐᖃᑐᐃᕕᒃᑰᓂᖏᓐᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᓇᓱᕝᕕᖓᓂ. ᐱᓂᕐᓗᑕᐅᓯᒪᔪᓂᒃ ᐃᑲᔪᕐᑎᐅᑉ ᑲᒪᒋᒋᐊᓕᖏᑦ ᐱᓇᓱᒋᐊᓕᖏᓪᓗ ᐃᓚᖃᓚᖓᔪᑦ, ᐃᓱᒋᓂᐊᕐᓇᒋᑦ, ᐅᑯᓂᖓ:

• ᖃᐅᔨᑎᑦᓯᓂᖅ ᐱᓂᕐᓗᑕᐅᓯᒪᔪᓂᒃ ᐃᓚᖏᓐᓂᓗ ᖃᓄᖅ ᐱᔪᓐᓇᓂᖃᕐᒪᖔᑕ, ᐋᕐᕿᐅᑎᑦᓴᓂᓪᓗ ᐊᑐᕈᓐᓇᑕᖏᓐᓂᒃ ᐊᒻᒪᓗ ᐃᕐᖃᑐᐃᕕᒃᑰᓂᐅᑉ ᐱᐅᓯᖓᓂᒃ;

• ᐃᑲᔪᕐᑐᓂᖅ ᐊᒻᒪᓗ ᒪᓕᓐᓂᖅ ᐱᓂᕐᓗᑕᐅᓯᒪᔪᓂᒃ ᐃᓚᖏᓐᓂᓗ ᐃᕐᖃᑐᐃᕕᒃᑯᓂᓕᒫᖓᓂ;

• ᐱᓂᕐᓗᑕᐅᓯᒪᔪᓂᒃ ᐃᓚᖏᓐᓂᓗ ᐱᑎᑦᓯᓂᖅ ᐱᓪᓗᑯᓕᕆᔪᑎᒍᑦ ᐃᑲᔪᕐᓯᐅᑎᓂᒃ (IVAC, CNESST, SAAQ, ᐊᓯᖏᑎᒍᓪᓗ.);

• ᐱᒍᑦᔭᓂᒃ ᑐᕌᕐᑎᓯᓂᖅ ᐊᒻᒪᓗ ᑕᑯᔭᑦᓴᓕᐅᕐᓂᖅ ᐱᓇᓱᒐᓪᓗᑯᓕᓐᓂᒃ ᐃᑲᔪᕐᑎᓴᓂᒃ;

• ᐃᓚᐅᓂᖅ ᐱᓇᓱᐊᕈᑎᓄᑦ ᑫᓪᓗᐊᓂᕐᒥᒃ ᐱᒍᑦᔨᒍᑎᓂᒃ ᐊᑐᕋᑦᓴᓂᒃ ᓄᓇᕕᒻᒥ ᐱᓗᑲᒍᑎᓄᑦ ᐱᓂᕐᓗᑕᐅᓯᒪᔪᓂᒃ ᐃᑲᔪᕐᓯᕕᒻᒥ - ᓴᐳᒻᒥᔨᒃᑯᓂ;

• ᑎᑭᑦᑕᑐᑦ ᐃᕐᖃᑐᐃᔩᑦ ᐃᕐᖃᑐᐃᓂᖏᓐᓂ ᐁᓯᒪᖃᑦᑕᓂᖅ ᑎᓕᔭᐅᒪᕕᒻᒥᓂ ᓄᓇᓕᓐᓂ;

• ᐱᓇᓱᖃᑕᐅᓂᖅ ᐊᒥᓱᐃᓄᑦ ᐊᓯᒋᓕᐅᑎᔪᓄᑦ ᐱᓇᓱᖃᑎᓄᑦ, ᐃᓚᖃᕐᑎᓗᒋᑦ ᑌᒃᑯᓂᖓ ᐱᓇᓱᑦᑐᓂᒃ ᐃᓕᓐᓂᐊᓂᐅᑉ, ᐃᕐᖃᑐᐃᕕᓕᕆᓂᐅᑉ, ᐃᓄᐃᑦ ᓴᑑᒪᐅᑎᖏᑦᑕ, ᐃᓗᓯᓕᕆᓂᐅᑉ ᐊᒻᒪᓗ ᐃᓄᓕᕆᓂᕐᒥᒃ ᐱᒍᑦᔨᐅᑎᖃᕐᓂᐅᑉ ᑐᑭᖏᑎᒍᑦ ᐊᒻᒪᓗ ᐊᕐᓀᑦ ᐊᓐᓇᐅᒪᕕᖏᓐᓄᑦ;

• ᐊᐅᓪᓚᑲᑦᑕᓂᖅ ᓄᓇᓖᑦ ᐊᓯᖏᓐᓄᑦ ᐱᒍᑦᔭᒥᓂᒃ ᑕᑯᓂᐊᕐᓗᓂ ᐱᓇᓱᖃᑎᖃᕆᐊᕐᑐᓗᓂᓗ ᐊᓯᒥᓂᒃ ᐱᓂᕐᓗᑕᐅᓯᒪᔪᓂᒃ ᐃᑲᔪᕐᑎᓂᒃ;

• ᐱᕙᓪᓕᐊᓂᖅ ᓄᓇᓕᓐᓂ ᐱᓇᓱᐊᑦᓴᓂᒃ ᑫᓪᓗᐊᑐᓂᒃ ᐃᓄᓐᓄᑦ ᐃᓚᒋᓕᐅᑎᑦᓯᐊᓂᕐᒥᒃ ᐊᒻᒪᓗ ᐃᓄᐃᑦ ᐃᓅᓯᕐᒥ ᐱᓪᓚᕆᖁᑎᖏᓐᓂᒃ;

• ᓱᕐᕋᓇᕐᓗᓂ ᐃᓱᐊᖁᑕᐅᓂᖅ ᐊᒻᒪᓗ ᐃᑉᐱᒍᓱᑦᓯᐊᓱᓂ ᓄᓇᕐᖃᑎᐅᓂᖅ ᓄᓇᓕᒻᒥᓂ;

• ᑲᔪᓯᑎᑦᓯᖃᑦᑕᓂᖅ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᓂᒃ, ᐊᖓᔪᕐᖄᖓᑕ ᐱᔭᐅᖁᔭᖏᓐᓂᒃ.

ᐱᑕᖃᕆᐊᓖᑦ:

• ᐳᕐᑐᓂᕐᓴᖅ V-ᒥᒃ ᐱᔭᕇᕐᓯᒪᓂᖅ, ᒥᑦᓯᓕᓐᓂᒃ ᐱᓇᓱᓚᐅᕐᓯᒪᓂᖅ ᐃᓱᒪᒍᑕᐅᓚᖓᒐᓗᐊᕐᒥᑎᓪᓗᒍ

• ᐃᓅᓂᖅ (ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᐅᑉ ᐊᑖᒍᑦ);

• ᐱᒃᑲᑐᖕᖏᓂᖅ ᐃᑲᔪᕐᓂᒥᒃ ᐊᒻᒪᓗ ᓴᐳᑦᔨᒪᓂᕐᒥᒃ ᐃᓄᓐᓂᒃ ᐊᓯᒥᓂᒃ;

• ᑕᑎᑦᓯᐊᖑᓂᖅ, ᖃᓄᕐᑑᓯᑎᐅᓂᖅ, ᑕᐅᑐᐊᙰᓐᓂᖅ ᐊᒻᒪᓗ ᓂᑲᓇᕋᓂ ᐅᖄᓂᒃᑯᑦ ᐱᔪᓐᓇᓂᖅ (ᓂᑦᔮᓗᓂ ᐊᓪᓚᓯᒪᔪᑎᒍᓪᓗ);

• ᐱᓇᓱᓪᓗᓂ ᐃᑲᔪᕐᑎᒌᒍᓐᓇᓂᖅ ᐃᓚᖃᕐᓗᓂ ᐱᓇᓱᑦᑎᐅᖃᑎᒥᓂᒃ;

• ᐱᐅᓯᕐᒥᒍᑦ ᐃᓄᑦᓯᐊᖑᓂᖅ;

• ᒪᕐᕈᐃᓂᒃ ᐅᖃᐅᓯᖃᕐᓂᖅ: ᐃᓄᒃᑎᑐ-ᖃᓪᓗᓈᑎᑐᑦ, ᐅᐃᒍᐃᑎᑑᕈᓐᓇᕈᓂ ᐱᐅᔪᖅ;

• ᐊᖏᕐᓯᒪᓂᖅ ᓄᓇᖁᑎᐅᑉ ᐃᓗᐊᒍᑦ ᐊᑯᓓᑦᑐᒥᒃ ᐊᐅᓚᖃᑦᑕᓚᖓᓗᓂ;

• ᐊᖏᕐᓯᒪᓂᖅ ᐃᓕᓐᓂᐊᑎᑕᐅᓚᖓᓗᓂ ᐊᑐᕐᑐᓴᐅᑎᓪᓗᒋᑦ ᓇᓗᓀᕐᑕᐅᔪᓂᒃ KRG-ᑯᓄᑦ ᐊᒻᒪᓗ ᑐᕐᖃᑕᕐᕕᒧᑦ ᐃᕐᖃᑐᐅᔨᓕᕆᓂᕐᒧᑦ ᐊᒻᒪᓗ ᐊᐅᓚᖃᑦᑕᓚᖓᓂᕐᒥᒃ ᑕᒪᓐᓇ ᐱᑦᔪᑎᒋᓗᒍ ᓄᓇᖁᑎᐅᑉ ᐃᓗᐊᒍᑦ ᓯᓚᑖᓄᓪᓗ.

*ᐱᓇᓱᒐᕐᑖᕈᒪᔪᑦ ᐊᖏᕆᐊᖃᓚᖓᔪᑦ ᐱᐅᓯᕆᓯᒪᔭᖓᑕ ᖃᐅᔨᒋᐊᕐᑕᐅᓂᖓᓂᒃ ᐊᒻᒪᓗ ᐱᓂᕐᓗᖓᐅᑎᕕᓂᕐᓂᒃ ᐊᓪᓚᖃᕈᑕᐅᒋᐊᖃᕋᑎᒃ ᑖᑦᓱᒥᖓ ᐃᓂᒥᒃ ᑎᒍᒥᐊᓚᖓᒍᑎᒃ.

ᐱᓇᓱᕝᕕᐅᑉ ᓄᓇᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $45,942/ᐊᕐᕌᒍᑕᒫᑦ– ᐅᓄᕐᓂᐹᖓᓄᑦ $77,337/ᐊᕐᕌᒍᑕᒫᑦ (ᐳᕐᑐᓂᖅ 7)

ᐱᕙᓪᓕᖁᑏᑦ*: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᓂᖓ: ᐃᑭᓐᓂᐹᖓᓄᑦ $8 500/ᐊᕐᕌᒍᒥ

ᓂᕿᑎᒍᑦ ᐃᑲᔪᕈᑏᑦ: ᐃᑭᓐᓂᐹᖓᓄᑦ $4,216/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᕿᑲᕐᑐᒧᑦ ᐊᐅᓪᓚᕈᑏᑦ: ᐃᑭᓐᓂᐹᖓᓄᑦ 3

RRSP: 6.25% ᐱᓇᓱᕝᕕᒥᒃ, 4% ᐱᓇᓱᑦᑎᒥᒃ

ᐊᑕᖏᕐᑐᑦ ᓴᑑᑎᖏᑦ

ᕿᑲᕐᕕᖏᑦ: 20 ᐅᓪᓗᐃᑦ

ᐱᖁᔭᑎᒍᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᓖᑦ 10-ᓂᒃ ᖁᕕᐊᓱᕝᕕᒥ ᕿᑲᕈᑎᓂᒃ

ᑎᑭᑎᑦᓯᓗᑎᑦ ᐱᓇᓱᒍᒪᐅᑎᓐᓂᐅᕕᑦ 5:00 ᐅᓐᓂᓴᒃᑯᑦ, ᓄᕕᒻᐱᕆ 29, 2025 ᓯᕗᓂᖓᓂ ᐅᕗᖓ:

Human Resources

Kativik Regional Government,

P.O. Box 9

Kuujjuaq, Québec JOM 1CO

Fax: (819) 964-2975

Email: humanresources@krg.ca

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᔪᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒍ ᐃᓄᐃᑦ ᐱᓇᓱᒐᕐᑖᕋᓱᑦᑐᑦ ᐱᓇᓱᑦᑎᑖᖑᓂᖓᓂᒃ.

ᐱᓇᓱᒍᒪᔪᓂᒃ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑌᒃᑯᑐᐊᑦ ᐅᖃᐅᑎᔭᐅᓂᐊᕐᑐᑦ.