ᐱᑐᑦᓯᒪᕕᓕᕆᔨᒻᒪᕆᒃ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᒻᒪᕆᐅᕗᖅ ᐊᐅᓚᑦᓯᕕᖃᕐᓱᓂ ᓄᓇᒥᒃ 55° ᑕᕐᕋᖓᓂ. ᑐᓴᕋᑦᓴᓂᒃ ᐱᓇᓱᕝᕕᖓ ᕿᓂᕐᑐᖅ ᐃᒻᒥᓂᒃ-ᑲᑦᓱᙰᑦᑐᒥᒃ ᐊᒻᒪᓗ ᕿᑦᑌᖓᔪᒥᒃ ᐃᓄᒻᒥᒃ ᐃᓚᐅᒍᒪᔪᒥᒃ KRG-ᑯᓄᑦ ᐱᓇᓱᒐᖃᕐᓗᓂ ᒪᑐᒥᖓ:

ᐱᑐᑦᓯᒪᕕᓕᕆᔨᒻᒪᕆᒃ

(ᐊᑌᓐᓇᑐᖅ, ᐃᓗᐃᑦᑐᖅ)

ᐱᓇᓱᒐᕐᑖᑐᖅ ᐱᓇᓱᒐᖓᓂ ᓱᓇᓪᓗᑯᐊᐱᓐᓂᒃ-ᐃᑉᐱᒍᓱᓐᓂᐊᑐᖅ, ᑐᓴᕐᑎᓯᓂᐅᓪᓗ ᑐᑭᐊᒍᑦ ᐱᓇᓱᑦᓯᑎᐅᓗᓂ ᐊᒻᒪᓗ ᑕᑯᑦᓴᐅᑎᑦᓯᓗᓂ ᐃᓪᓗᒌᑦᑎᓯᒍᓐᓇᓂᕐᒥᒃ ᓴᓇᑑᑎᑐᑦ ᑕᐅᑐᓐᓂᒥᒃ ᑐᑭᓯᓂᐊᑦᓭᓇᕐᑐᒥᓪᓗ ᐃᓱᒪᖃᕐᓂᒥᒃ. ᐱᓪᓗᑯᒋᐊᓕᓐᓂᒃ ᐱᓇᓱᓕᓂᐅᓂᖅ ᐱᑕᖃᕆᐊᖃᓪᓚᕆᑦᑐᖅ. ᑐᓴᕐᑎᓯᖃᑦᑕᓗᓂ ᑐᓴᕋᑦᓴᓕᕆᓂᕐᒥᒃ ᑐᑭᒧᐊᑦᑎᓯᔨᒥᒃ, ᐱᑐᑦᓯᒪᕕᓕᕆᔨᒻᒪᕆᒃ ᑲᒪᔨᐅᓚᖓᔪᖅ, ᐱᓇᓱᐊᑦᓴᖏᑦ ᐊᓯᖃᕐᒥᑎᓪᓗᒋᑦ, ᒪᑯᓂᖓ:

ᐱᓇᓱᐊᒐᖏᑦ

•  ᐊᐅᓚᑦᓯᓂᖅ KRG-ᑯᑦ ᐱᑐᑦᓯᒪᕕᒻᒥ ᓂᑦᑕᓂᖓᓂᒃ, ᐃᓚᖃᕐᑎᓗᒍ KRG-ᑯᓄᑦ ᐊᑦᑐᐊᒥᔪᓂᒃ ᐱᑐᑦᓯᒪᐅᑎᕕᒻᒥ ᐅᒃᑯᐃᕕᓐᓂᒃ, ᐊᒻᒪᓗ ᓴᖑᐊᑦᓯᔨᐅᓂᖅ ᐊᑐᕐᓂᒥᒃ KRG-ᑯᑦ ᐃᓄᐃᑦ ᑐᓴᐅᒪᐅᑎᒍᑎᖏᑎᒍᑦ ᑲᒪᒍᑎᖏᓐᓂᒃ;
•  ᐊᐅᓚᑦᓯᓂᖅ ᐃᓘᓐᓇᖓᓂᒃ ᑎᒥᐅᑉ ᐃᓗᐊᓂ ᐱᕙᓪᓕᐊᑎᑦᓯᓂᓕᒫᒥᒃ KRG-ᑯᓄᑦ ᐱᑐᑦᓯᒪᕕᒻᒥ ᐅᒃᑯᐃᕕᓐᓂᒃ, ᐱᒋᐊᕐᓗᒍ ᓴᓇᒋᐊᖕᖓᓂᖓᓂᒃ ᐊᒻᒪᓗ ᖃᕆᑕᐅᔭᒨᕐᖃᓂᖓᓂᒃ ᑎᑭᓪᓗᒍ ᐊᑐᓯᓂᖓᓄᑦ ᐊᒻᒪᓗ ᒪᑭᑕᑎᑕᐅᓂᖓᓄᑦ ᑭᖑᓂᖓᓂ;
•  ᓱᕐᖁᐃᓂᖅ ᐊᑐᕈᓐᓇᓂᖏᓐᓂᒃ ᐊᒻᒪᓗ ᐊᑐᕆᐊᖏᑦ ᐃᓱᐊᕐᓂᖏᓐᓂᒃ ᐱᑐᑦᓯᒪᕕᒻᒥ ᐅᒃᑯᐃᕕᐅᔪᑦ ᓱᕐᖁᐃᒥᓗᓂ ᕿᓂᕈᑏᑦ, ᖃᕆᑕᐅᔦᓪᓗ ᐊᒻᒪᓗ ᐱᐅᒡᒍᑎᓕᒫᑦ ᐊᑐᑦᓯᐊᓂᖓᓂᒃ ᐱᐅᓯᕆᒋᐊᓕᒻᒥᓂᒃ ᒪᓕᓪᓗᑎᒃ;
•  ᐱᔭᕇᖃᑦᑕᓂᖅ ᑲᔪᓯᖏᓐᓇᕆᐊᓕᓐᓂᒃ ᒪᑭᑕᑦᓯᐅᑎᓂᒃ KRG-ᑯᓄᑦ ᐱᑐᑦᓯᒪᕕᓕᒫᓂᒃ ᐊᒻᒪᓗ ᓱᕐᖁᐃᖃᑦᑕᓂᖅ ᐃᓗᓕᖏᑦᑕ ᓄᑖᖑᓂᖓᓂᒃ, ᓱᓕᓂᖓᓂᒃ ᐊᒻᒪᓗ ᑭᖑᕙᖕᖏᓂᖓᓂᒃ;
•  ᐱᕙᓪᓕᐊᓂᖅ ᐊᑐᕐᑎᓄᑦ ᐊᒻᒪᕕᖃᕈᑎᓂᒃ ᐊᑐᕐᑐᓂᒃ ᐅᓪᓗᒥᓂᑕᕐᓂᒃ ᐃᓂᓪᓚᑎᕐᕕᓂᒃ (Next.js ᐊᒻᒪᓗ Angular);
•  ᐃᓚᒋᓕᐅᑦᔨᓂᖅ ᐱᒋᐊᕐᕕᒥ ᐃᓱᐊᖁᑎᓂᒃ ᐊᒻᒪᓗ ᖃᐅᔨᒪᒍᑎᑯᕕᓐᓂᒃ, ᐃᓚᖃᕐᑎᓗᒋᑦ ᒪᖏᑦᑕᓂᒃ ᐆᑦᑑᑎᒋᓗᒍ Sanity;
•  ᓱᕐᖁᐃᓂᖅ ᒪᓂᑎᕆᐅᑎᐅᑉ ᓇᓛᓂᒃ ᓄᐃᖃᑦᑕᓂᕐᒥᒃ ᐊᒻᒪᓗ ᐱᑐᑦᓯᒪᕕᒻᒥ ᐅᒃᑯᐃᕕᐅᑉ ᐊᑐᕐᓂᖓᑕ ᐱᑦᓯᐊᓂᖓᓂᒃ ᐊᒻᒪᓗ ᕿᒥᕐᕈᖃᑦᑕᓂᖅ ᐱᐊᓚᓂᖓᓂᒃ ᐊᒻᒪᓗ ᐱᓪᓗᑯᓕᕆᒍᑕᐅᒍᓐᓇᓂᖓᓂᒃ ᐱᑐᑦᓯᒪᐅᑎᕕᒻᒥ ᐅᒃᑯᐃᕕᓐᓂ ᐊᒻᒪᓗ ᐃᓄᐃᑦ ᑐᓴᐅᒪᐅᑎᒍᑎᖏᓐᓄᑦ ᒪᖏᑦᑕᓂ;
•  ᑲᒪᓂᖅ ᐱᒋᐊᕐᕕᒥ ᐱᕙᓪᓕᐊᒍᑎᓂᒃ, ᐃᓚᖃᕐᑎᓗᒋᑦ ᒪᓂᑎᕆᐅᑏᑦ ᓴᓇᒻᒪᖏᓐᓂᒃ ᐊᒻᒪᓗ ᖃᐅᔨᒪᒍᑎᑯᕕᐅᑉ ᐊᐅᓚᑕᐅᒍᑎᖏᓐᓂᒃ;
•  ᐱᕙᓪᓕᐊᓂᖅ ᐊᒻᒪᓗ ᒪᑭᑕᑦᓯᓂᖅ ᓂᑲᓇᖕᖏᑐᓂᒃ ᐊᑐᕐᑏᑦ ᑭᓇᐅᓂᖓᓂᒃ ᖃᐅᔨᒋᐊᕈᑎᓂᒃ, ᑲᔪᓯᑎᑦᓯᓂᖅ ᐱᐅᓯᑦᓯᐊᖑᓂᕐᐹᓂᒃ ᐱᑐᑦᓯᒪᐅᑎᕕᒻᒥ ᐱᓂᕐᓗᑌᓕᒍᑎᒋᓗᒋᑦ, ᐃᓚᖃᕐᑎᓗᒍ ᐃᓕᑕᕐᓀᓕᒍᑎᓂᒃ, ᐃᑎᕐᑐᓂᒃ ᐸᐸᑦᓯᒍᑎᓂᒃ ᐊᒻᒪᓗ ᓂᑲᓇᖕᖏᑐᓂᒃ ᐅᖃᖃᑎᒌᓐᓂᒧᑦ ᒪᓕᒐᕐᓂᒃ;
•  ᓴᖑᐊᑦᓯᓂᖅ ᑭᐅᒍᑎᓂᒃ ᐊᑐᕐᑏᑦ ᓂᓪᓕᕈᑎᖏᓐᓄᑦ, ᖃᐅᔨᒋᐊᑦᓯᐊᖃᑦᑕᓂᖅ ᖃᐅᔨᒪᒍᑎᓂᒃ ᐊᑦᑐᐊᔨᖏᓐᓂᒃ ᑐᑭᓯᓂᐊᕐᓗᓂ ᐊᒻᒪᓗ ᐃᑉᐱᒍᓱᓐᓂᖅ ᐱᑐᑦᓯᒪᐅᑎᔪᓂ ᐃᓚᐅᖃᑦᑕᑐᓂᒃ ᐊᒻᒪᓗ ᐱᑐᑦᓯᒪᐅᑎᕕᒻᒥᒃ ᓴᖑᑎᕆᐅᑎᓂᒃ;
•  ᐃᑲᔪᕐᓂᖅ ᓇᓗᓀᕐᓯᖃᑕᐅᓗᓂ ᐱᑐᑦᓯᒪᕕᒻᒥ ᓯᕗᓂᖃᕈᑎᑦᓴᓂᒃ ᒪᓕᒍᑎᒋᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᓄᓕᒫᓂᒃ ᑲᒪᒍᑎᖏᓐᓂᒃ ᐊᒻᒪᓗ ᑐᓴᕐᑎᓯᓂᒃᑯᑦ ᓯᕗᓂᓕᐅᕈᑎᖏᓐᓂᒃ;
•  ᐱᕙᓪᓕᐊᓂᖅ ᓄᑖᓂᒃ ᖃᕆᑕᐅᔭᒃᑰᑐᓂᒃ ᐅᖃᖃᑎᒌᒍᑎᑦᓴᐅᒻᒥᔪᓂᒃ ᓄᓇᕕᓕᒫᒥ ᐃᓱᐊᕐᓂᓴᓕᐅᕐᓗᓂ ᖃᐅᔨᒪᒍᑏᑦ ᑐᓂᑲᑦᑕᓂᖓᓂᒃ ᓄᓇᓕᓐᓄᑦ ᐃᓘᓐᓇᖏᓐᓄᑦ;
•  ᐱᓇᓱᖃᑕᐅᓂᖅ ᐊᑦᑐᐊᔭᐅᔪᓄᑦ ᓯᓚᑎᒥᓗ ᐱᓇᓱᑦᑎᒐᕐᓄᑦ ᓄᐊᑦᓯᖃᑎᒋᓗᒋᑦ ᓂᐳᕐᑎᒋᐊᓕᓐᓂᒃ, ᓄᐃᑦᓯᖃᑎᒋᓗᒋᓪᓗ ᐱᓪᓗᑯᑦᑐᓄᑦ ᐋᕐᕿᐅᑎᑦᓴᓂᒃ ᐊᒻᒪᓗ ᓱᕐᖁᐃᖃᑎᒋᓗᒋᑦ ᐱᓇᓱᑦᑕᐅᔪᑦ ᓄᐃᒍᓐᓇᑕᖏᑦᑕ ᓂᐳᕐᑎᓯᓂᖓᓂᒃ ᓂᕆᐅᑦᑖᓂᒃ ᐊᒻᒪᓗ ᖃᓄᐃᑦᑐᔭᐅᓂᖏᑎᒍᑦ ᐱᔪᒪᔭᐅᓯᒪᔪᓂᒃ;
•  ᐱᓇᓱᖃᑎᖃᑦᓯᐊᓂᖅ ᐊᓯᓂᒃ ᑐᓴᕈᑎᓕᕆᓂᕐᒥᒃ ᐱᓇᓱᖃᑎᒌᓂ.

ᐱᑕᖃᕆᐊᓖᑦ

•  ᐃᓕᓐᓂᐊᕕᒻᒪᕆᒻᒥ ᐃᓕᑦᓯᒪᐅᑎ ᖃᕆᑕᐅᔭᓂᒃ ᐃᓱᒪᑕᕈᑎᓂᒃ, ᐱᑐᑦᓯᒪᕕᒻᒥᒃ ᓴᓇᓂᕐᒥᒃ ᐅᕝᕙᓘᓐᓃᑦ ᐊᑦᑐᐊᔪᒥᒃ ᐱᓇᓱᐊᒐᕐᒥᒃ;
• ᐃᑭᓐᓂᐹᖓᓄᑦ ᐊᕐᕌᒍᓂ 3-ᓂ ᐱᓇᓱᑦᓯᒪᓂᖅ ᐱᑐᑦᓯᒪᕕᓕᕆᔨᒻᒪᕆᐅᓗᓂ ᐅᕝᕙᓘᓐᓃᑦ ᐱᑐᕝᕕᒥᒃ ᐱᕙᓪᓕᐊᑎᑦᓯᔨᐅᓗᓂ;
•  ᑕᑯᑦᓴᒥᒃ ᐱᓇᓱᓕᓂᐅᓂᖅ ᐱᑐᕝᕕᐅᑉ ᐃᓗᓕᖏᓐᓂᒃ ᐊᐅᓚᑦᓯᓂᕐᒥᒃ ᐊᒻᒪᓗ ᖃᐅᔨᒪᐅᑏᑦ ᓴᓇᕐᕈᑎᖏᓐᓂᒃ ᐃᓕᖓᔪᓂᒃ ᐱᑐᑦᓯᒪᕕᒻᒥᒃ ᐊᐅᓚᑦᓯᓂᕐᒧᑦ;
•  ᐱᓇᓱᓕᓂᐅᓂᖅ ᓯᕗᓕᕐᓂᒥᒃ ᐅᕝᕙᓘᓐᓃᑦ ᑲᔪᓯᑎᑦᓯᓂᕐᒥᒃ ᐱᑐᑦᓯᒪᕕᒻᒧᑦ ᓄᑦᑎᓂᕐᒥᒃ ᐱᓇᓱᐊᕈᑎᓂᒃ, ᐃᓚᖃᕐᑎᓗᒍ ᐱᑐᑦᓯᒪᕕᒻᒥ ᓂᐅᕐᕈᓯᕐᕕᓂᒃ ᑲᒪᓯᒪᓂᕐᒥᒃ ᐱᑐᑦᓯᒪᐅᑎᕕᒻᒥᒃ ᓴᓇᒋᐊᑦᓯᐊᓂᐅᑉ ᐃᓗᐊᒍᑦ;
•  ᖃᐅᔨᒪᓂᖅ UX ᑐᑭᖏᓐᓂᒃ ᐊᒻᒪᓗ ᐊᑐᕈᓐᓇᓂᖅ UX-ᓂᒃ ᓴᓇᒻᒪᓕᐅᕈᑎᓂᒃ ᓴᓇᕐᕈᑎᓂᒃ ᐆᑦᑑᑎᒋᓗᒍ Figma;
•  ᐊᑐᕈᓐᓇᓂᖅ HTML/CSS ᐊᒻᒪᓗ XML-ᓂᒃ ᐊᒻᒪᓗ ᖃᐅᔨᒪᓂᖅ JavaScript-ᒥᒃ ᐊᒻᒪᓗ SQL-ᓂᒃ, ᖃᓗᓗᒋᑦ Python, PHP, Node.js, ᐊᒻᒪᓗ JSON;
•  ᑕᑯᑦᓴᖅ ᐱᓇᓱᓕᓂᐅᓂᖅ ᐅᓪᓗᒥ ᐱᑐᑦᓯᒪᕕᐅᑉ ᐱᐅᓯᖏᓐᓄᑦ, ᖃᐅᔨᒪᓗᓂ ᐱᑐᑦᓯᒪᕕᒻᒥᒃ ᑐᑭᓯᓂᐊᕈᓯᕐᓂᒃ, ᑐᑭᓯᓂᐊᕐᓂᒥᓪᓗ ᐊᑐᕈᑕᐅᔪᑦ ᖃᓄᐃᓪᓗᐊᑐᓕᕆᓂᖏᓐᓂᒃ ᐊᒻᒪᓗ ᑕᒪᒃᑯᓂᖓ ᑐᓴᕐᑎᓯᒍᑎᖃᖃᑦᑕᓂᖅ;
•  ᑐᑭᓯᒪᓂᖅ ᕿᓂᕈᑎᐅᑉ ᐱᑦᓯᐊᓂᕆᒍᓐᓇᑕᖓᓄᑦ ᐊᑐᕐᑎᓯᓂᕐᒥᒃ ᐊᒻᒪᓗ ᐅᓪᓗᒥᐅᑎᓪᓗᒍ ᐱᐅᓯᑦᓯᐊᖑᓂᕐᐹᓂᒃ;
•  ᐃᓂᓪᓚᖓᑎᑦᓯᓯᑎᒻᒪᕆᐅᓂᖅ, ᓱᓇᓕᒫᕐᑕᖏᓐᓂᒃ ᐃᑉᐱᒍᓱᑦᓯᐊᓂᖅ ᐊᒻᒪᓗ ᓴᓇᑑᖑᓂᖅ;
•  ᐅᖃᖃᑕᐅᓯᑎᐅᓂᖅ ᐊᒻᒪᓗ ᐃᓅᖃᑎᓂᒃ ᑲᒪᒍᓐᓇᓯᐊᕐᓂᖅ;
•  ᐅᖃᕈᓐᓇᓂᖅ ᓂᑦᔮᓗᓂ ᐊᓪᓚᓯᒪᔪᑎᒍᓪᓗ ᐃᑭᓐᓂᐹᖓᓄᑦ ᐅᑯᐊ ᐅᖃᐅᓰᑦ ᒪᕐᕈᑕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐅᐃᒍᐃᑎᑐᑦ.

ᐱᓇᓱᒐᐅᑉ ᓇᔪᕐᑕᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᑦ. $60, 074 – ᐅᓄᕐᓂᐹᑦ $102, 839 ᐊᕐᕌᒍᒥ ᑕᒫᑦ (ᐳᕐᑐᓂᖅ 9)

ᐱᕙᓪᓕᖁᑎᖏᑦ: ᐃᓅᓂᐅᑉ ᐊᑭᑐᓂᖓᑕ ᑲᓱᖕᖏᒍᑎᖓ: $8 500 ᐊᕐᕌᒍᑕᒫᑦ (ᐃᑭᓐᓂᐹᖓᓄᑦ);

ᓂᕿᓄᑦ ᐃᑲᔪᕐᓯᐅᑏᑦ: $4 216 ᐊᕐᕌᒍᑕᒫᑦ (ᐃᑭᓐᓂᐹᖓᓄᑦ);

ᐊᕐᕌᒍᑕᒫᑦ ᕿᑲᕐᓇᒥ ᐊᐅᓪᓚᕈᑏᑦ: ᐅᓄᕐᓂᐹᖓᓄᑦ 3 ᐊᑐᓂ ᐃᓄᒻᒧᑦ ᐊᕐᕌᒍᑕᒫᑦ;

ᐱᓇᓱᒍᓐᓀᒍᒫᕐᓂᒧᑦ ᐸᕐᓇᕈᑏᑦ;

ᐊᑕᖏᕐᑐᑦ ᓴᑑᑎᖏᑦ;

ᐃᓱᒣᓐᓇᕿᓐᓀᑦ: 20 ᐅᓪᓗᐃᑦ/ᐊᕐᕌᒍᒥ;

ᐱᖁᔭᑎᒍᑦ ᕿᑲᕐᓀᑦ: 20 ᐅᓪᓗᐃᑦ, ᐃᓚᖃᕐᓱᑎᒃ 10-ᓂᒃ ᐅᓪᓗᓂᒃ ᕿᑎᖕᖑᒥ.

ᑎᑭᑎᑦᓯᓗᑎᑦ ᐱᓇᓱᒍᒪᐅᑎᓐᓂᐅᕕᑦ ᖃᓪᓗᓈᑎᑑᕐᑎᓗᒋᑦ 5:00-ᖑᓚᐅᕐᑎᓇᒍ ᐅᓐᓄᓴᒃᑯᑦ, ᐆᒃᑑᐱᕆ 7, 2025-ᒥ, ᐅᕗᖓ:

Human Resources

Kativik Regional Government

P.O. Box 9

Kuujjuaq, Québec, J0M 1C0 humanresources@krg.ca

Fax: 819-964-2975

* ᐱᓇᓱᑦᑎ ᐱᔪᑦᓴᔭᐅᕗᖅ ᐃᑭᓐᓂᐹᖓᓄᑦ ᑕᕐᕋᒥᐅᖑᓂᕐᒧᑦ ᐱᕙᓪᓕᖁᑎᓂᒃ ᑐᓂᔪᓂᒃ ᐱᓇᓱᑦᑎᒧᑦ ᐃᓚᒌᓂᒃ ᐆᒪᑦᓯᒋᐊᖃᖕᖏᑐᒧᑦ. ᐱᓇᓱᑦᑎ ᐃᓚᒌᓂᒃ ᐆᒪᑦᓯᒋᐊᓕᒃ ᐱᕙᓪᓕᖁᑎᑖᕐᑐᓴᔭᐅᕗᖅ ᐃᓕᖓᔪᓂᒃ ᐁᑉᐸᒥᓄᑦ ᐊᒻᒪᓗ ᐃᓚᐅᒍᓐᓇᑐᓄᑦ ᐃᓚᖏᓐᓄᑦ.

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

ᐱᓇᓱᒍᒪᔪᑦ ᐃᒻᒧᐊᓂᒃ ᐊᐱᕐᓱᕈᒪᓗᒋᑦ ᓂᕈᐊᕐᑕᐅᔪᑦ ᑭᓯᐊᓂ ᖃᓄᐃᓕᔭᑑᓛᕐᑐᑦ.