ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒉᑦ

ᑖᓐᓇ ᖃᕆᐅᔭᒃᑯᑦ ᑕᑯᑦᓴᐅᑎᑦᓯᕕᒃ ᓄᐃᒍᕕᐅᒃ yesnunavik.com ᒪᓕᒋᐊᖃᓚᖓᔪᑎᑦ ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒐᕐᓂᒃ. ᐊᖏᕈᕕᑦ ᑖᒃᑯᓂᖓ ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒐᕐᓂᒃ, ᑲᔪᓯᒍᓐᓇᐅᑎᑖᕐᑕᐅᖏᒃᑯᕕᑦ ᑕᑯᒐᓱᐊᕈᓐᓇᓱᓗᑎᑦ ᐅᕝᕙᓘᓐᓃᑦ ᐅᒃᑯᐃᓯᒍᓐᓇᓯᓗᑎᑦ yesnunavik.com-ᒥᒃ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒻᒥᒃ, ᑕᒉᓐᓇᖅ ᐅᒃᑯᐊᕆᐊᓖᑦ.

1. ᑐᓴᕐᑕᐅᑎᑦᓯᖄᕈᑏᑦ yesnunavik.com ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒻᒥᒃ
   
   1. ᓇᑯᕐᒦᒃ ᐅᒃᑯᐃᓯᒐᕕᑦ yesnunavik.com-ᒥᒃ. (ᑖᒃᑯᓇᓂ ᑌᔭᐅᔪᖅ "ᑕᑯᑦᓴᐅᑎᑦᓯᕕᒃ"). ᑕᑯᑦᓴᐅᑎᑦᓯᕕᒃ ᐱᒋᔭᐅᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ, ᖃᐅᔨᒪᔭᐅᓲᒧᑦ ᐅᓇᐅᒋᐊᖓ "ᑫᐋᔩ" (ᑖᒃᑯᓇᓂ ᑌᔭᐅᔪᖅ (ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ").
   2. ᐅᒃᑯᐃᓯᒍᕕᑦ ᑕᑯᑦᓴᐅᑎᑦᓯᕕᒻᒥᒃ, ᐊᖏᕐᑐᑎᑦ ᐃᓱᒪᒋᔭᐅᓚᖓᒋᐊᒥᒃ ᐊᑐᕐᑎᐅᑎᓗᑎᑦ ᐊᒻᒪᓗ ᒪᓕᒋᐊᖃᕐᓱᑎᑦ ᑖᒃᑯᓂᖓ ᐃᓘᓐᓈᒍᑦ ᐊᑐᕐᑐᑦ ᒪᓕᒋᐊᓕᖏᓐᓂᒃ.
   3. ᐱᑦᔪᑎᖓ ᑕᑯᑦᓴᐅᑎᑦᓯᕕᐅᑉ ᐱᑐᑦᓯᒪᑎᑦᓯᓂᖅ ᓄᓇᕕᒻᒥ ᐅᕕᒃᑲᓂᒃ ᐅᑭᐅᓕᓐᓂᒃ 16-ᓂᒃ 35-ᓄᑦ ᓄᓇᕕᒻᒥ ᑮᓇᐅᑦᔭᕋᓱᐊᕐᕕᓄᑦ ᐅᕝᕙᓘᓐᓃᑦ ᑎᒥᓄᑦ, ᑌᒣᓪᓗᑎᒃ ᐃᓱᕐᕆᓇᕐᑎᓯᔪᑦ ᐱᓇᓱᑦᑎᓴᕐᓯᐅᓂᕐᒥᓂᒃ ᐊᒻᒪᓗ ᐱᓇᓱᑦᑎᑖᕐᓂᒥᓂᒃ.
   4. ᑕᑯᑦᓴᐅᑎᑦᓯᕕᒃ ᐃᓗᓕᓕᒃ ᐅᒃᑯᐃᑕᐅᒍᓐᓇᑐᓂᒃ ᐱᑐᕝᕕᖃᕐᓗᑎᒃ ᐊᓯᖏᓐᓂᒃ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᓐᓂᒃ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᐅᑉ ᐊᐅᒡᒐᓯᒪᒍᓐᓇᖏᑦᑕᖏᓐᓂᒃ. ᐊᖏᕐᑐᑎᑦ ᐊᒻᒪᓗ ᖃᐅᔨᒪᓚᖓᑦᓱᑎᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐸᓯᔭᑦᓴᖑᓚᖓᖕᖏᒪᑦ ᖃᓄᑐᐃᓐᓇᖅ ᓱᓇᑐᐃᓐᓇᒧᑦ ᐱᑦᔪᑎᓕᓐᓄᑦ ᐃᓗᓕᖏᓐᓄᑦ ᑌᒣᑦᑐᐃᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕖᑦ.
   5. ᑕᑯᑦᓴᐅᑎᑦᓯᕕᒃ ᐱᑦᔪᑎᖃᖕᖏᑐᖅ ᓂᐅᕐᕈᓯᕐᓂᓄᑦ, ᐱᔭᐅᑎᑦᓯᒐᓱᐊᕐᓂᓄᑦ ᐅᕝᕙᓘᓐᓃᑦ ᐱᕙᓪᓖᒋᐊᕐᓂᓄᑦ ᓂᐅᕕᐊᑦᓴᓂᒃ ᐊᒻᒪᓗ ᑭᒡᒐᑐᕈᑎᓂᒃ.
2. ᐅᒃᑯᐃᓯᒍᓐᓇᓂᖅ ᐊᑐᓚᖓᓗᒍ yesnunavik.com ᑕᑯᑦᓴᐅᑎᑦᓯᕕᒻᒥᒃ
   1. ᑕᑯᑦᓴᐅᑎᑦᓯᕕᒃ ᐅᒃᑯᐃᑕᐅᒍᓐᓇᑐᖅ ᐃᓄᓐᓄᑦ 14 ᐅᖓᑖᓄᑦ ᑭᓯᐊᓂ ᐅᑭᐅᓕᓐᓄᑦ.
   2. ᐃᓄᐃᒃ 14-ᓂᒃ ᐊᑖᓂᓗ ᐅᑭᐅᓖᑦ, ᐊᒻᒪᓗ ᐃᓄᐃᑦ ᑭᒡᒐᑐᕐᑕᐅᓂᕐᓄᑦ ᐊᖏᖃᑎᖃᕈᑎᒥᒃ ᓄᐃᑦᓯᖃᑎᖃᕐᖃᔭᖕᖏᑐᑦ ᓄᓇᕐᓚᐅᑉ ᐱᖁᔭᖓᑕ ᐊᑖᓂ ᓄᓇᖃᕐᕕᒥᓂ, ᑕᑯᑦᓴᐅᑎᑦᓯᕕᒻᒥᒃ ᐅᒃᑯᐃᓂᒋᐊᖃᖕᖏᑐᑦ ᐊᒻᒪᓗ ᐊᑐᕆᐊᖃᕋᑎᒃ.
      
   3. ᑕᑯᑦᓴᐅᑎᑦᓯᕕᒃ ᖃᑐᐃᑦᑐᑐᐃᓐᓇᓂᒃ ᑐᑭᓯᐅᑎᑦᓴᓂᒃ ᐱᕕᖃᕋᓱᐊᕐᓂᖃᖕᖏᑐᖅ ᐅᑭᐅᖏᑦ ᓈᒻᒪᖏᑦᑐᓂᑦ, ᐅᕝᕙᓘᓐᓃᑦ ᓱᕐᖁᐃᓯᒐᓱᐊᓚᖓᒐᓂ ᑕᑯᒐᓱᐊᕐᑑᑉ ᐅᑭᐅᖏ ᓈᒻᒪᒪᖔᑕ. ᓇᒻᒥᓂᕆᔭᐅᔪᑦ ᑐᑭᓯᐅᑎᑦᓭᑦ ᓄᐃᑕᐅᔪᑦ ᐅᑭᐅᖏᑦ ᓈᒻᒪᖏᑦᑐᓄᑦ ᑲᔪᓯᑎᑕᐅᓚᖓᔪᑦ ᑌᒫᑦᓭᓇᖅ ᑲᔪᓯᑎᑕᐅᒐᔭᕐᒪᑕ ᓄᐃᑕᐅᔪᑦ ᐃᓄᒻᒪᕆᓐᓄᑦ. ᑫᐋᔩ ᐅᑉᐱᕆᔭᖃᓪᓚᕆᑦᑐᖅ ᐱᒻᒪᕆᐅᓂᖓᓂᒃ ᑲᒃᑲᓛᑦ ᐊᖓᔪᕐᖄᒥᓄᑦ ᐃᑉᐱᒋᔭᐅᒋᐊᖃᕐᓂᖏᓐᓂᒃ ᖃᕆᑕᐅᔭᒃᑰᑎᑦᓯᕕᒻᒥ ᐊᑐᕐᑐᓂᒃ ᕿᑐᕐᖓᒥᓂᒃ ᐅᑭᐅᖏᑦ ᓈᒻᒪᖏᑦᑐᓂᒃ. ᑌᒣᒻᒪᑦ, ᑫᐋᔩ ᕿᓄᕕᖃᕐᐳᖅ ᐊᖓᔪᕐᖄᕆᔭᕐᓂᒃ ᑕᓯᐅᕐᓯᓯᒪᕙᖁᑦᓱᒋᑦ ᕿᑐᕐᖓᒥᓂᒃ ᐅᑭᐅᖏᑦ ᓈᒻᒪᖏᑦᑐᓂᒃ ᕿᓄᕕᐅᒍᑎᒃ ᓄᐃᑦᓯᖁᔭᐅᓗᑎᒃ ᓇᒻᒥᓂᕆᔭᐅᔪᓂᒃ ᑐᑭᓯᐅᑎᑦᓴᓂᒃ ᖃᕆᑕᐅᔭᒃᑯᑦ. ᑫᐋᔩ ᕿᓄᕕᖃᕐᒥᔪᖅ ᐅᑭᐅᖏᑦ ᓈᒻᒪᖏᑦᑐᓂᒃ ᐊᖓᔪᕐᖄᒥᓄᑦ ᐊᖏᕐᑕᐅᖄᕐᐸᖁᓗᒋᑦ ᖃᕆᑕᐅᔭᒃᑯᑦ ᑐᑭᓯᐅᑎᑦᓴᖁᑎᒥᓂᒃ ᓄᐃᑦᓯᓚᐅᕋᑎᒃ.
3. ᐊᖏᖃᑎᒌᒍᑎᖓ ᐊᑐᕐᑎᐅᑉ ᐊᒻᒪᓗ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᐅᑉ
   1. ᐊᑐᕐᑕᐅᓂᖓ ᑕᑯᑦᓴᐅᑎᑦᓯᕕᐅᑉ ᖃᓄᐃᓕᔭᐅᒋᐊᕈᓐᓇᑐᖅ ᐊᖏᖃᑎᖃᕈᑎᓐᓃᕕᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒥᒃ.
   2. ᑖᓐᓇ ᐊᖏᖃᑎᖃᕈᑎᒃ ᐃᓚᓕᒃ ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒐᕐᓂᒃ, ᓇᒻᒥᓂᕆᔭᐅᔪᓄᑦ ᒪᓕᒐᕐᒥᒃ, ᐊᒻᒪᓗ ᐅᓐᓂᓗᒍᑎᓄᑦ ᐊᒻᒪᓗ ᐱᖃᕐᓂᕋᕐᓂᓄᑦ ᒪᓕᒐᕐᒥᒃ.
   3. ᑖᓐᓇ ᐊᖏᖃᑎᒌᒍᑎᒃ ᐱᖁᔭᑎᒎᕐᑐᓂᒃ ᒪᓕᒋᐊᖃᕐᑎᓯᔪᖅ. ᐊᑐᐊᑦᓯᐊᓚᖓᔭᑎᑦ ᑕᑯᑦᓴᐅᑎᑦᓯᒍᑎᒥᒃ ᐊᑐᓚᐅᕐᓇᒃ.
   4. ᐊᖏᖕᖏᑯᕕᑦ ᐅᕝᕙᓘᓐᓃᑦ ᒪᓕᒐᖏᑦᑕ ᐅᕝᕙᓘᓐᓃᑦ ᐅᖃᐅᓯᕐᑕᖏᑦᑕ ᐃᓚᖓᓐᓂ ᐊᖏᖃᑎᖃᕈᑎᐅᑉ, ᐊᑐᕆᐊᖃᓚᖓᖕᖏᑐᑎᑦ ᑲᔪᓯᑎᑕᐅᕐᖃᔭᕈᓐᓀᓗᑎᑦ ᑕᑯᒐᓱᐊᕈᓐᓇᓂᕐᒥᒃ ᑕᑯᑦᓴᐅᑎᑦᓯᕕᒻᒥᒃ.
4. ᐊᖏᖃᑎᒌᒍᑎᐅᑉ ᐊᓯᑦᔨᓂᖏᑦ
   1. ᐊᖏᕐᑐᑎᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᐅᑉ ᐃᓛᓐᓂ ᐋᕐᖀᒋᐊᕐᐸᓚᖓᓂᖓᓂᒃ ᐊᒻᒪᓗ ᐊᓯᑦᔨᑐᕐᓗᒋᑦ ᐅᖃᐅᓯᕐᑕᖏᑦ ᐊᒻᒪᓗ ᒪᓕᒐᖏᑦ ᐊᖏᖃᑎᒌᒍᑎᐅᑉ. ᑌᒣᒻᒪᑦ ᖃᐅᔨᒐᓱᐊᕐᐸᒋᐊᖃᓚᖓᔪᑎᑦ ᐊᖏᖃᑎᒌᒍᑎᒥᒃ ᑐᓴᐅᒪᑦᓯᐊᖃᑦᑕᕆᐊᖃᕋᕕᑦ ᐊᓯᑦᔨᔪᓂᒃ. ᑲᔪᓯᒍᕕᑦ ᐊᑐᖏᓐᓇᓗᑎᑦ ᑕᑯᑦᓴᐅᑎᑦᓯᒍᑎᒥᒃ ᑕᑯᔭᑦᓴᖑᕐᑎᑕᐅᓯᒪᓕᕐᑎᓗᒋᑦ ᐋᕐᖀᒋᐊᕈᑏᑦ ᐅᕝᕙᓘᓐᓃᑦ ᐊᓯᑦᔨᑐᐃᓃᑦ ᒪᓕᒐᖏᓐᓂᒃ ᐊᖏᖃᑎᒌᒍᑎᐅᑉ, ᐃᓱᒪᒋᔭᐅᓚᖓᔪᑎᑦ ᑖᒃᑯᓂᖓ ᐊᖏᖃᑎᒌᒍᑏᑦ ᐊᓯᑦᔨᔭᐅᓂᖏᓐᓂᒃ ᐊᖏᕐᓂᓃᕕᑦ.
   2. ᐊᖏᖕᖏᑯᕕᑦ ᐊᓯᑦᔨᔭᐅᓂᖏᓐᓂᒃ ᐅᖃᐅᓯᕐᑕᖏᑦᑕ ᐊᒻᒪᓗ ᒪᓕᒐᕐᑕᖏᑦᑕ ᐊᖏᖃᑎᒌᒍᑎᐅᑉ, ᑕᑯᑦᓴᐅᑎᑦᓯᐅᑎᒥᒃ ᐊᑐᖃᑦᑕᓃᑦ ᑲᔪᓯᒍᓐᓀᕆᐊᖃᓚᖓᔪᖅ.
5. ᐃᓘᓐᓀᓄᐊᖓᔪᑦ ᒪᓕᒉᑦ ᐊᒻᒪᓗ ᓯᖁᒥᑦᓯᒍᑎᐅᒍᓐᓇᑐᑦ ᐊᑐᕐᓂᓄᑦ ᐃᓕᖓᑦᓱᑎᒃ ᐃᓘᓐᓀᓄᑦ ᐊᑐᕐᑎᓄᑦ
   1. ᑕᑯᑦᓴᐅᑎᑦᓯᕕᒻᒥᒃ ᐅᒃᑯᐃᓂᒍᕕᑦ, ᐃᒣᓚᖓᓗᑎᑦ ᐊᖏᕐᑐᑎᑦ:
      • ᓂᐅᕐᕈᓯᕆᐊᖃᖕᖏᑐᑎᑦ ᐅᕝᕙᓘᓐᓃᑦ ᓂᐅᕐᕈᓯᒐᓱᐊᕆᐊᖃᕐᓇᒃ, ᐱᕙᓪᓖᒐᓱᐊᕆᐊᖃᕐᓇᒃ ᐅᕝᕙᓘᓐᓃᑦ ᐱᔪᒥᓇᕐᑎᓯᒐᓱᐊᕆᐊᖃᕐᓇᒃ ᓱᓇᑐᐃᓐᓇᓂᒃ ᐊᒻᒪᓗ ᑭᒡᒐᑐᕈᑎᓂᒃ;
      • ᑕᑯᑦᓴᐅᑎᑦᓯᕕᒻᒥᒃ ᐊᑐᕆᐊᖃᖕᖏᑐᑎᑦ ᐅᑯᐊ ᓂᐅᕐᕈᓯᒐᓱᐊᕐᓃᑦ ᐱᑦᔪᑎᒋᓗᒋᑦ: ᑭᒡᒐᑐᕈᑎᓂᒃ ᓂᐅᕕᕐᑎᓯᒐᓱᐊᕐᓗᑎᑦ, ᐱᔪᒥᓇᕐᑎᓯᒐᓱᐊᕐᓗᑎᑦ, ᐱᕙᓪᓖᒐᓱᐊᕐᓗᑎᑦ ᐊᒻᒪᓗ ᑐᓴᕐᑕᐅᑎᑦᓯᒐᓱᐊᕐᓗᑎᑦ;
      • ᐊᕐᖁᑎᖃᕐᑎᓯᒐᓱᐊᕆᐊᖃᖕᖏᑐᑎᑦ ᐊᑐᕐᑎᓂᒃ ᑕᑯᑦᓴᐅᑎᑦᓯᕕᒻᒥᒃ ᓂᐅᕐᕈᓯᕋᓱᕐᓂᒥᒃ ᐱᑦᔪᑎᖃᕐᓗᑎᒃ;
      • ᐊᑐᕆᐊᖃᖕᖏᑐᑎᑦ ᑕᑯᑦᓴᐅᑎᑦᓯᕕᒻᒥᒃ ᓯᖁᒥᑦᓯᑎᑦᓯᓗᑎᑦ ᐱᖓᔪᐃᖏᑦᑕ ᐱᔪᓐᓇᐅᑎᖏᓐᓂᒃ, ᐱᓗᐊᕐᑐᒥᒃ ᐃᓕᖓᔪᓂᒃ ᐊᑦᔨᓕᐅᕐᑕᐅᒋᐊᖃᖕᖏᓂᖏᓐᓄᑦ;
      • ᐊᑐᕆᐊᖃᖕᖏᑐᑎᑦ, ᐊᑦᔨᓕᐅᕆᐊᖃᖕᖏᑐᑎᑦ ᐅᕝᕙᓘᓐᓃᑦ ᐋᕐᖀᒋᐊᕆᐊᖃᖕᖏᑐᑎᑦ ᐃᓗᓕᖏᓐᓂᒃ ᑕᑯᑦᓴᐅᑎᑦᓯᕕᐅᑉ ᐱᑦᔪᑎᖃᖕᖏᑐᓂᒃ ᓇᒻᒥᓂᖅ ᐊᑐᓚᖓᔭᕐᓃᕕᑦ ᐱᔪᓐᓇᐅᑎᖃᕐᓗᑎᑦ;
      • ᖃᕆᑕᐅᔭᕐᓅᕕᑦ ᑐᕐᖁᐃᒋᐊᖃᖕᖏᑐᑎᑦ, ᐊᑦᔨᖏᓐᓂᒃ ᓄᐃᑦᓯᒋᐊᖃᖕᖏᑐᑎᑦ, ᑐᔪᐃᒋᐊᖃᖕᖏᑐᑎᑦ, ᓂᐅᕐᕈᓯᒋᐊᖃᖕᖏᑐᑎᑦ ᐅᕝᕙᓘᓐᓃᑦ ᐃᕐᐸᑎᑦᓯᒋᐊᖃᖕᖏᑐᑎᑦ ᑕᑯᑦᓴᐅᑎᑦᓯᕕᐅᑉ ᐃᓗᓕᖏᓐᓂᒃ ᑐᓴᕐᑎᓯᓯᒪᒍᓐᓀᓗᑎᑦ ᑌᒣᒍᒪᓃᓪᓗ ᐊᖏᕐᑕᐅᓯᒪᒍᓐᓀᑎᓗᒍ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒧᑦ;
      • ᐃᓗᓕᖏᓐᓂᒃ ᑕᑯᑦᓴᐅᑎᑦᓯᕕᐅᑉ ᐊᑐᕆᐊᖃᖕᖏᑐᑎᑦ ᓂᐅᕐᕈᓯᕋᓱᐊᕐᓂᓂᒃ ᐱᑦᔪᑎᖃᕐᓗᑎᑦ;
      • ᐃᓂᕐᓯᒋᐊᓪᓚᕆᐊᖃᖕᖏᑐᑎᑦ, ᐃᓚᖏᓐᓂᒃ ᑎᒍᓯᒋᐊᖃᖕᖏᑐᑎᑦ, ᐅᕝᕙᓘᓐᓃᑦ ᑲᑎᕐᓱᐃᒋᐊᖃᖕᖏᑐᑎᑦ ᑕᑯᑦᓴᐅᑎᑦᓯᕕᐅᑉ ᐃᓗᓕᖏᓐᓂᒃ ᖃᓄᑐᐃᓐᓇᖅ (ᐃᓚᐅᑎᓪᓗᒋᑦ, ᐱᓗᐊᕐᑐᒥᒃ, ᐊᑐᕋᑦᓴᑖᕐᑎᓯᓗᑎᑦ ᐊᒻᒪᓗ ᑕᑯᔭᑦᓴᓯᒍᑦᔨᓗᑎᑦ ᖃᕆᑕᐅᔭᒃᑰᕈᑎᑎᒎᖕᖏᑐᖅ ᑕᑯᒐᑦᓴᓯᒍᑦᔨᓗᑎᑦ);
      • ᐃᓕᔨᒋᐊᖃᖕᖏᑐᑎᑦ ᑕᑯᑦᓴᐅᑎᑦᓯᕕᐅᑉ ᐃᓗᓕᖏᓐᓂᒃ ᐊᓯᖏᓐᓄᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᒍᑎᓄᑦ;
      • ᐊᑦᔨᓕᐅᕆᐊᖃᖕᖏᑐᑎᑦ ᐅᕝᕙᓘᓐᓃᑦ ᐊᑦᔨᓕᐅᕆᐊᓪᓚᕆᐊᖃᖕᖏᑐᑎᑦ ᑕᑯᑦᓴᐅᑎᑦᓯᕕᒻᒥᒃ ᐃᓘᓐᓈᒍᑦ ᐅᕝᕙᓘᓐᓃᑦ ᐃᓓᓐᓇᖏᑎᒍᑦ;
      • ᐋᕐᖀᒋᐊᕆᐊᖃᖕᖏᑐᑎᑦ ᐅᕝᕙᓘᓐᓃᑦ ᐊᓯᑦᔩᒋᐊᖃᖕᖏᑐᑎᑦ ᑕᑯᑦᓴᐅᑎᑦᓯᕕᒻᒥᒃ ᐃᓘᓐᓈᒍᑦ ᐅᕝᕙᓘᓐᓃᑦ ᐃᓓᓐᓇᖏᑎᒍᑦ;
      • ᐃᓗᓕᖏᓐᓅᕆᐊᖃᖕᖏᑐᑎᑦ ᐅᕝᕙᓘᓐᓃᑦ ᐃᓗᓕᖏᓐᓅᕋᓱᐊᕆᐊᖃᖕᖏᑐᑎᑦ ᑕᑯᑦᓴᐅᑎᑦᓯᕕᐅᑉ ᐱᑐᑦᓯᒪᑎᑦᓯᐅᑎᖏᑦᑕ;
      • ᐊᑐᕆᐊᖃᖕᖏᑐᑎᑦ ᑐᕃᓐᓇᐅᑎᖏᓐᓂᒃ ᕿᓄᒍᑎᒋᐊᓪᓚᓂᒃ ᓄᐃᑦᓯᓚᕿᒍᓐᓇᓗᒋᑦ ᑕᑯᑦᓴᐅᑎᑦᓯᕕᐅᑉ ᓄᐃᑦᓯᕕᖏᑎᒎᕐᓗᑎᒃ ᖃᖓᓕᒫᖅ ᓄᐃᑕᐅᒍᓐᓇᓚᖓᑎᓪᓗᒋᑦ ᐃᓄᑐᐃᓐᓇᒧᑦ ᑐᔪᐃᒍᓐᓇᕕᒋᒍᓐᓇᖏᑦᑕᖏᓐᓂᒃ ᑕᕝᕙᓂᑦᓭᓇᖅ ᐱᕕᑦᓴᒥ ᐊᑐᕐᓗᒋᑦ ᐊᑐᕐᑕᐅᓲᑦ ᖃᕆᑕᐅᔭᒃᑯᑦ ᕿᓂᕆᑏᑦ ᐊᑐᐃᓐᓇᐅᓲᑦ ᓂᐅᕕᐊᑦᓴᐅᓱᑎᒃ;
      • ᐳᑯᒋᐊᖃᖕᖏᑐᑎᑦ ᐅᕝᕙᓘᓐᓃᑦ ᑲᑎᕐᓱᐃᒋᐊᖃᖕᖏᑐᑎᑦ ᓇᒻᒥᓂᕆᔭᐅᔪᓂᒃ ᑐᑭᓯᐅᑎᑦᓴᓂᒃ ᐱᑎᓪᓗᒋᑦ ᑕᑯᑦᓴᐅᑎᑦᓯᕕᒻᒥᒃ ᐊᑐᕐᑎᒥᑦ;
      • ᓄᐃᑦᓯᒋᐊᖃᖕᖏᑐᑎᑦ ᐃᓗᓕᖏᓐᓂᒃ ᖃᓄᑐᐃᓐᓇᖅ ᐊᕐᖁᑎᖃᕐᓗᑎᑦ ᑕᑯᑦᓴᐅᑎᑦᓯᕕᐅᑉ ᐊᓯᖓᓂᒃ;
      • ᑕᑯᑦᓴᐅᑎᑦᓯᕕᒻᒥᒃ  ᐅᓚᐱᑦᓯᒋᐊᖕᖏᑐᑎᑦ, ᓄᕐᖃᖓᑎᑦᓯᒋᐊᖃᖕᖏᑐᑎᑦ, ᓱᒃᑫᓕᑎᑦᓯᒋᐊᖃᖕᖏᑐᑎᑦ, ᐊᒻᒪᓗ/ᐅᕝᕙᓘᓐᓃᑦ ᐅᒃᑯᐃᑕᐅᒍᓐᓇᓂᖓᓂᒃ ᖃᓄᐃᓕᖕᙰᒍᓐᓇᑐᓂᒃ ᑲᒪᒋᐊᖃᕐᓇᒃ;
      • ᑕᑯᑦᓴᐅᑎᑦᓯᕕᐅᑉ ᐱᖁᑎᒻᒪᕆᖓᓂᒃ ᐱᒐᓱᐊᒻᒪᕆᒃᑫᓗᐊᓚᖓᔪᓂᒃ ᐊᖏᔪᕐᓚᐅᓗᐊᕐᑐᓂᒃ ᐃᓕᔨᕕᖃᕆᐊᖃᖕᖏᑐᑎᑦ;
      • ᓯᖁᒥᑦᓯᒋᐊᖃᖕᖏᑐᑎᑦ ᑕᑯᑦᓴᐅᑎᑦᓯᕕᐅᑉ ᐊᑦᑕᓀᑦᑑᒍᑎᖓᓂᒃ ᐊᒻᒪᓗ ᓱᓕᓂᕃᒍᑎᓄᑦ ᒪᓕᒐᖏᓐᓂᒃ; ᐊᒻᒪᓗ
      • ᓯᖁᒥᑦᓯᒋᐊᖃᖕᖏᑐᑎᑦ ᓇᓪᓕᑐᐃᓐᓇᖏᓐᓂᒃ ᒪᓕᒐᕐᑕᖏᓐᓂᒃ ᐃᓗᓕᖏᓐᓂᒃ ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒐᕐᓂᒃ.
   2. Cookies ᐊᑐᕐᑕᐅᓲᑦ ᐃᓱᕐᕆᓇᕐᑎᓯᑦᓱᑎᒃ ᐊᒻᒪᓗ ᐱᕕᓕᒫᕈᓐᓇᑎᑦᓯᓱᑎᒃ ᐊᐅᓚᑕᕐᓃᕕᑦ. Cookies ᒥᑭᔪᕐᓓᑦ ᐊᓪᓚᓯᒪᔪᐃᑦ ᑐᕐᖁᓯᒪᕕᖏᑦ ᖃᕆᑕᐅᔭᕐᓅᖃᕐᑕᐅᓲᑦ ᐊᒻᒪᓗ ᐃᓂᑖᓲᒍᑦᓱᑎᒃ ᐃᓕᒪᕕᖏᓐᓄᑦ ᖃᕆᑕᐅᔭᐅᑉ ᐊᑐᕐᑕᐱᑦ ᑕᑯᒍᓐᓇᐅᑎᒋᑦᓱᒋᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᓐᓃᑐᓂᒃ. Cookies ᐳᑯᕐᖃᔭᖕᖏᑐᑦ ᓇᒻᒥᓂᕐᓅᕖᓕᖓᔪᓂᒃ ᑐᑭᓯᐅᑎᑦᓴᓂᒃ. ᐅᓄᕐᓂᓭᑦ ᑕᑯᒐᓱᐊᕈᑏᑦ ᐊᑐᕐᑕᐅᓲᑦ ᖃᕆᑕᐅᔭᒃᑰᕈᑎᒥᒃ ᐅᒃᑯᐃᓯᒍᑕᐅᑦᓱᑎᒃ ᐊᖏᕐᓯᒣᓐᓇᓲᑦ cookies-ᓂᒃ ᐱᕐᖃᔦᕐᑎᓯᒐᑎᒃ. ᐊᓯᑦᔩᒍᓐᓇᑐᑎᑦ ᑕᑯᒐᓱᐊᕐᕕᐱᑦ ᓇᒻᒥᓂᕐᓅᕖᓕᖓᔪᕐᑕᖏᓐᓂᒃ ᖃᖓᑐᐃᓐᓇᖅ ᐃᓕᐅᕐᖃᕕᐅᕐᖃᔦᕐᑎᓗᒍ cookies-ᓄᑦ ᐅᕝᕙᓘᓐᓃᑦ ᓄᖑᑎᕆᓗᑎᒃ ᖃᓄᐃᑦᑐᑐᐃᓐᓇᓂᒃ cookies-ᓂᒃ ᑭᖑᓂᕐᒥ ᐃᓕᐅᕐᖃᓯᒪᔪᓂᒃ.
   3. ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐊᑐᕈᓐᓇᑎᑦᓯᔪᖅ ᐃᓄᓐᓂᒃ ᕿᓂᕐᑐᑦ ᐊᐅᓚᑦᓯᒍᑎᖏᓐᓂᒃ "spiders" ᐊᑦᔨᓕᐅᕈᓐᓇᓱᑎᒃ ᑐᑭᓯᐅᑎᑦᓴᓂᒃ ᑕᑯᑦᓴᐅᑎᑦᓯᕕᒻᒥᑦ ᑖᒃᑯᓂᖓᑐᐊᖅ ᐱᑦᔪᑎᖃᕐᐸᑕ ᓄᐃᑦᓯᓚᖓᓂᕐᒥᒃ ᐃᓄᓐᓄᑦ ᕿᓂᕐᑕᐅᒍᓐᓇᕕᒻᒦᑐᓂᒃ, ᑭᓯᐊᓂ caches-ᓂᒃ ᐅᕝᕙᓘᓐᓃᑦ ᐊᑯᓂᓂᑕᒃᑯᕕᖏᓐᓂᒃ ᑌᒣᑦᑐᐃᑦ ᑐᑭᓯᐅᑎᑦᓴᑕᓖᑦ ᐊᑐᕆᐊᖃᖕᖏᑐᑦ. ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐱᔪᓐᓇᐅᑎᒥᒃ ᓇᔪᕐᑎᓕᒃ ᑖᒃᑯᐊ ᓄᕐᖃᑎᒍᓐᓇᓱᒋᑦ ᐱᔪᓐᓇᑎᑦᓯᐅᑏᑦ ᑖᒃᑯᓂᖓ ᐃᓘᓐᓈᒍᑦ ᐅᕝᕙᓘᓐᓃᑦ ᑐᕌᒐᖃᓪᓚᕆᑦᑐᑦ ᐱᑦᔪᑕᐅᑎᓗᒋᑦ.
   4. ᖃᐅᔨᔪᑎᑦ ᐊᒻᒪᓗ ᐊᖏᕐᓱᑎᑦ ᓴᓇᒻᒪᖏᑦ, ᑐᓴᕐᑕᐅᑎᑦᓯᒍᑎᑕᖏᑦ ᐊᒻᒪᓗ ᐱᐅᓯᖏᑦ ᑕᑯᑦᓴᐅᑎᑦᓯᕕᐅᑉ ᐊᓯᑦᔨᔭᐅᒍᓐᓇᒪᑕ ᐊᒻᒪᓗ ᐱᐅᓯᔭᐅᒋᐊᕐᓗᑎᒃ ᖃᖓᑐᐃᓐᓇᖅ ᑐᓴᕐᑕᐅᑎᑕᐅᕐᖄᕈᓐᓀᓗᑎᒃ.
   5. ᖃᐅᔨᔪᑎᑦ ᐊᒻᒪᓗ ᐊᖏᕐᓱᑎᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᓄᕐᖃᑎᑦᓯᒍᓐᓇᒪᑦ ᑕᑯᑦᓴᐅᑎᑦᓯᕕᒻᒥᒃ ᐅᒃᑯᐃᓯᒍᓐᓇᓂᕐᒥᒃ ᐃᓱᒪᒥᐅᑎᖃᕐᓗᓂ ᐊᒻᒪᓗ ᑐᓴᕐᑕᐅᑎᑦᓯᖄᕈᓐᓀᓗᓂ.
   6. ᖃᐅᔨᒪᓚᖓᔪᑎᑦ ᑖᓐᓇᑑᑦᓱᑎᑦ ᐸᑦᓯᑎᑦᓴᐅᒍᓐᓇᑲᕕᑦ ᖃᓄᑐᐃᓐᓇᖅ ᒪᓕᒐᕐᑕᖏᓐᓂᒃ ᐊᒻᒪᓗ ᐅᖃᐅᓯᕐᑕᖏᓐᓂᒃ ᒪᓕᖕᖏᓂᕐᓅᕕᑦ ᐊᖏᖃᑎᒌᒍᑎᒦᑦᑐᓂᒃ, ᐊᒻᓗ ᖃᓄᐃᓕᔭᐅᒋᐊᕈᓐᓇᓂᕐᓃᕕᑦ ᑖᒃᑯᓂᖓ ᓯᖁᒥᑦᓯᓂᑯᒧᑦ. ᐊᒻᒪᓗ, ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒥᒃ ᖃᓄᑐᐃᓐᓇᖅ ᑲᒪᒋᔭᖃᖕᖏᓂᖓᓂ ᖃᐅᔨᒪᓚᖓᑦᓱᑎᑦ ᐸᑦᓯᑎᑦᓴᐅᓚᖓᒐᓂ ᖃᓄᐃᓘᕐᓂᓅᕕᑦ ᐊᒻᒪᓗ ᓯᖁᒥᑦᓯᓂᕐᓅᕕᑦ ᐱᖁᔭᕐᒥᒃ ᐅᕝᕙᓘᓐᓃᑦ ᐱᖓᔪᐃᖏᖑᑦᑕ ᐃᓚᒌᑦᑐᑦ ᐱᔪᓐᓇᐅᑎᖏᓐᓂᒃ.
6. ᐃᓱᒪᑕᐅᒍᑎᖃᕐᓂᒥᒃ ᐱᖁᑎᓕᒃ
   1. ᖃᐅᔨᒪᓚᖓᔪᑎᑦ ᐊᒻᒪᓗ ᐊᖏᕐᓗᒋᑦ ᐃᓘᓐᓇᑎᒃ ᐃᓗᓕᖏᑦ ᑕᑯᑦᓴᐅᑎᑦᓯᕕᐅᑉ, ᐃᓚᐅᑎᓪᓗᒋᑦ ᑖᒃᑯᑑᒍᓐᓀᑎᓗᒋᓪᓗ ᐊᓪᓚᓯᒪᔪᕐᑕᖏᑦ, ᐊᑦᔨᖑᐊᕐᑕᖏᑦ, ᖃᕆᑕᐅᔭᒃᑯᑦ ᐱᓇᓱᐊᕈᑎᑕᖏᑦ ᐊᒻᒪᓗ ᐃᓂᕐᓯᒍᑎᑕᖏᑦ, ᑕᑯᔭᑦᓴᖁᑎᖏᑦ, ᓂᐸᖏᑦ, ᑐᓴᕐᓂᔮᕈᑎᑕᖏᑦ, ᐋᕐᕿᓱᕐᓯᒪᓂᖏᑦ, ᑕᑯᓐᓇᕋᑦᓴᑕᖏᑦ, ᐊᓪᓚᖑᐊᕐᓯᒪᔪᖁᑎᖏᑦ, ᑕᕐᓴᖏᑦ, ᑕᑯᒥᓇᕈᑎᑕᖏᑦ ᐅᕝᕙᓘᓐᓃᑦ ᖃᓄᐃᑦᑐᑐᐃᓐᓀᑦ ᐊᓯᖏᑦ ᑐᑭᓯᐅᑎᑦᓭᑦ ᐅᕝᕙᓘᓐᓃᑦ ᑕᑯᒐᑦᓭᑦ ᓄᐃᑕᕕᓂᖏᑦ ᑫᐋᔩᑉ ᐅᕝᕙᓘᓐᓃᑦ ᐱᒍᒪᓚᖀᑎᒐᓱᐊᕐᑎᖏᑦᑕ, ᖃᓄᑐᐃᓐᓇᖅ ᐊᐅᓚᑕᐅᒍᓐᓇᑐᑦ ᐃᓗᓕᖏᑦ, ᐊᒻᒪᓗ ᐊᑦᔨᓕᐅᕐᑕᐅᒌᒃᑯᑎᖏᑦ, ᓇᓗᓀᕐᑕᐅᓯᒪᔪᑦ ᐊᑦᔨᓕᐅᕐᑕᐅᒌᒃᑯᑎᖏᑦ ᐊᒻᒪᓗ ᑕᕐᓴᖏᑦ, ᐱᒋᔭᐅᒻᒪᑕ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒧᑦ ᐅᕝᕙᓘᓐᓃᑦ ᒪᑐᒪᔭᐅᑦᓱᑎᒃ ᓓᓴᓐᓯᖓᓄᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᐅᑉ.
   2. ᑌᒣᒻᒪᑦ, ᐊᑐᕐᖃᔭᖕᖏᑐᑎᑦ, ᐊᑦᔨᓕᐅᕐᖃᔭᖕᖏᑐᑎᑦ, ᐋᕐᖀᒋᐊᕐᖃᔭᖕᖏᑐᑎᑦ, ᐃᓂᕐᓯᒋᐊᓪᓚᖃᔭᖕᖏᑐᑎᑦ, ᐃᕐᐸᑎᑦᓯᖃᔭᖕᖏᑐᑎᑦ, ᑐᓴᕐᑕᐅᑎᑦᓯᖃᔭᖕᖏᑐᑎᑦ, ᑕᑯᑎᑦᓯᖃᔭᖕᖏᑐᑎᑦ, ᓂᐅᕐᕈᓯᕐᖃᔭᖕᖏᑐᑎᑦ, ᐲᕐᓯᖃᔭᖕᖏᑐᑎᑦ, ᐱᐅᓭᕐᖃᔭᖕᖏᑐᑎᑦ, ᑕᑯᔭᑦᓴᖑᕐᑎᓯᕐᖃᔭᖕᖏᑐᑎᑦ, ᑐᔪᐃᕐᖃᔭᖕᖏᑐᑎᑦ, ᓄᐃᑦᓯᖃᔭᖕᖏᑐᑎᑦ ᐱᓯᒪᔪᓂᒃ ᐱᓇᓱᐊᕐᑕᐅᓯᒪᐅᑎᖏᓐᓂᑦ, ᐊᒻᒪᓗ ᓄᐃᑦᓯᖃᔭᕐᓇᒃ ᐅᕝᕙᓘᓐᓃᑦ ᓂᐅᕐᕈᓯᕐᖃᔭᕐᓇᒃ ᓂᐅᕕᐊᑦᓴᓂᒃ ᑎᒍᔭᕐᓃᕕᑦ ᑕᑯᑦᓴᐅᑎᑦᓯᕕᐅᑉ ᐃᓗᓕᖏᓐᓂᑦ ᐊᓪᓚᓯᒪᑎᓪᓗᒋᑦ ᐊᖏᕐᑕᐅᖄᓚᐅᕐᓇᒃ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒧᑦ.
   3. ᑕᑯᑦᓴᐅᑎᑦᓯᕕᐅᑉ ᐃᓗᓕᖏᓐᓂᒃ ᑐᑭᓯᐅᑎᑦᓴᓂᒃ ᐱᒍᒪᒍᕕᑦ, ᐅᕝᕙᓘᓐᓃᑦ ᐊᖏᕐᑕᐅᒋᐊᕈᒪᒍᕕᑦ ᐊᑐᕈᒪᓚᖓᓗᑎᑦ ᑕᑯᑦᓴᐅᑎᑦᓯᕕᐅᑉ ᐃᓗᓕᖏᓐᓂᒃ, ᖃᕆᑕᐅᔭᒃᑯᑦ ᐊᓪᔪᕕᒋᓗᒍ ᕿᓄᒍᑎᓐᓃᕕᑦ ᐊᒻᒪᓗ ᑐᑭᓯᑎᑕᐅᒍᒪᒍᕕᑦ ᖃᕆᑕᐅᔭᒃᑯᑦ ᐅᓇ ᐊᓪᓚᕕᒋᓗᒍ: igordon@krg.ca.
7. ᑭᓇᓕᒫᒃᑯᓄᑦ ᑐᓴᕐᑕᐅᒋᐊᖃᖕᖏᑐᓄᑦ ᒪᓕᒐᖅ
   1. ᐱᖁᑎᓕᒃ ᐊᒻᒪᓗ ᐊᑐᕐᑎ ᐊᖏᕐᐴᒃ ᒪᓕᓚᖓᑦᓱᑎᒃ ᑭᓇᓕᒫᒃᑯᓄᑦ ᑐᓴᕐᑕᐅᒋᐊᖃᖕᖏᑐᓂᒃ ᒪᓕᒐᕐᒥᒃ.
   2. ᖃᕆᑕᐅᔭᒃᑯᑦ ᐊᓪᓚᕕᐅᒍᓐᓇᑐᖅ ᑭᓇᓕᒫᒃᑯᓄᑦ ᑐᓴᕐᑕᐅᒋᐊᖃᖕᖏᑐᓄᑦ ᒪᓕᒐᕐᒧᐊᖓᔪᓂᒃ ᐅᓇigordon@krg.ca.
8. ᐅᓐᓂᓗᒍᑎᓄᑦ ᐊᒻᒪᓗ ᐱᒋᐊᖃᕐᓂᕋᐅᑎᓄᑦ ᒪᓕᒐᖅ
   1. ᐅᓐᓂᓗᒍᒪᒍᕕᑦ ᐅᕝᕙᓘᓐᓃᑦ ᐱᓚᕿᐅᑎᑖᕆᐊᕈᒪᒍᕕᑦ, ᒪᓕᒋᐊᖃᕐᑐᑎᑦ ᒪᓕᒐᕐᓂᒃ ᓇᓗᓀᕐᑕᐅᓯᒪᔪᓂᒃ ᐅᓐᓂᓗᒍᑎᓄᑦ ᐊᒻᒪᓗ ᐱᒋᐊᖃᕐᓂᕋᐅᑎᓄᑦ ᒪᓕᒐᕐᒥ.
   2. ᖃᕆᑕᐅᔭᒃᑯᑦ ᐊᓪᓚᕕᐅᒍᓐᓇᑐᖅ ᐅᓐᓂᓗᒍᑎᓂᒃ ᐊᒻᒪᓗ ᐱᒋᐊᖃᕐᓂᕋᐅᑎᓄᑦ ᐅᓇ igordon@krg.ca.
9. ᐊᑭᓕᕋᑦᓴᑖᒍᒍᓐᓇᑐᑦ
   
   1. ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐃᒣᒍᓐᓇᓚᖓᔪᓂᒃ ᓱᓪᓕᑎᑦᓯᓗᓂ ᑭᓯᐊᓂᐅᖕᖏᑐᖅ:
      • ᑕᑯᑦᓴᐅᑎᑦᓯᕕᒻᒥ ᐊᑐᕐᓂᓅᕕᑦ ᑭᖕᖒᒪᔭᑎᑦ ᐱᓚᕿᓚᖓᔭᑎᑦ;
      • ᑕᑯᑦᓴᐅᑎᑦᓯᕕᒻᒥᒃ ᐊᑐᕐᓂᖅ ᐅᓚᐱᑕᐅᕐᖃᔭᓚᖓᖕᖏᑐᖅ, ᐊᑦᑕᓀᑦᑑᓚᖓᔪᖅ ᐅᕝᕙᓘᓐᓃᑦ  ᐱᒍᓐᓇᖏᔪᐃᑦᑑᓗᓂ;
      • ᓇᐅᑐᐃᓐᓀᑦ ᐃᓗᓕᖏᑦ ᓄᐃᑌᓐᓇᓚᖓᔪᑦ ᐅᕝᕙᓘᓐᓃᑦ ᐊᓯᐅᕐᖃᔭᓚᖓᖕᖏᑐᑦ ᐅᕝᕙᓘᓐᓃᑦ ᐃᓄᓐᓄᑦ ᑕᑯᔭᑦᓴᖑᕐᑎᑕᐅᒌᕈᑎᒃ ᐲᕐᑕᐅᖃᑦᑕᓚᖓᔪᑦ;
      • ᑲᔪᓯᑦᓯᐊᖃᔦᕐᓂᖏᑦ ᐊᐅᓚᑕᐅᓗᑎᒃ ᐅᕝᕙᓘᓐᓃᑦ ᐱᔪᓐᓇᓯᐊᕐᓂᓕᒫᖏᑦ ᑕᑯᑦᓴᐅᑎᑦᓯᕕᐅᑉ ᐋᕐᕿᑕᐅᖃᑦᑕᓚᖓᔪᑦ.
   2. ᑕᑯᑦᓴᐅᑎᑦᓯᕕᒃ ᐃᓗᓕᖃᕈᓐᓇᓚᖓᔪᖅ ᐱᑐᒋᐊᓪᓚᑎᑦᓯᕕᓐᓂᒃ ᐊᓯᖏᓐᓄᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᓐᓄᑦ ᐱᒋᖕᖏᑕᖏᓐᓄᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᐅᑉ. ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐊᐅᓚᑦᓯᖃᔭᖕᖏᒪᑦ ᑖᒃᑯᓂᖓ ᑕᑯᑦᓴᐅᑎᑦᓯᕕᓐᓂᒃ, ᐸᑦᓯᑎᑦᓴᖑᕐᖃᔭᖕᖏᑐᖅ ᖃᓄᑐᐃᓐᓇᓯᐊᖅ ᓇᐅᑐᐃᓐᓇᓄᑦ. ᖃᐅᔨᒪᓚᖓᔪᑎᑦ ᐊᒻᒪᓗ ᐊᖏᕐᓗᑎᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᑲᒪᒋᔭᖃᖕᖏᒪᑦ ᐊᑐᐃᓐᓇᐅᓂᖏᓐᓂᒃ ᑖᒃᑯᐊ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕖᑦ ᐊᒻᒪᓗ ᐃᓗᓕᖏᓐᓂᒃ ᑲᔪᓯᑎᑦᓯᔨᐅᒐᓂ. ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐃᑉᐱᒍᓱᑦᓯᐊᖃᑦᑕᖁᔨᔪᖅ ᑕᑯᑦᓴᐅᑎᑦᓯᕕᒻᒥᒃ ᕿᒣᓯᒍᕕᑦ, ᐊᒻᒪᓗ ᐊᑐᐊᕐᓯᓗᑎᑦ ᐃᓘᓐᓈᒍᑦ ᒪᓕᒐᕐᑕᖏᓐᓂᒃ ᐊᑐᕐᓂᒧᑦ ᐊᒻᒪᓗ ᐊᓯᖏᑦᑕ ᑕᑯᑦᓴᐅᑎᑦᓯᕖᑦ ᑕᑯᒐᓱᐊᕐᑕᐱᑦ.
   3. ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐱᔪᓐᓇᐅᑎᒥᒃ ᓇᔪᕐᑎᖃᕐᐳᖅ ᐱᓇᓱᐊᕐᑕᐅᔪᓂᒃ ᓄᕐᖃᑎᑦᓯᑫᓐᓇᕈᓐᓇᓱᓂ ᐅᕝᕙᓘᓐᓃᑦ ᑖᕗᖓᓕᒫᖅ ᓄᕐᖃᑎᑦᓯᒍᓐᓇᓱᓂ ᖃᖓᑐᐃᓐᓇᖅ ᐊᒻᒪᓗ ᑐᓴᕐᑎᓯᕐᖄᕈᓐᓀᓗᓂ. ᑌᒣᒻᒪᑦ, ᖃᐅᔨᒪᓚᖓᔪᑎᑦ ᐊᒻᒪᓗ ᐊᖏᕐᓗᑎᑦ ᑕᑯᑦᓴᐅᑎᑦᓯᕕᒻᒥ ᐱᖁᑎᓕᒃ ᓄᕐᖃᑎᑦᓯᑫᓐᓇᕈᓐᓇᒪᑦ ᐅᕝᕙᓘᓐᓃᑦ ᑖᕗᖓᓕᒫᖅ ᓄᕐᖃᑎᑦᓯᓗᓂ ᐃᓕᓐᓂᒃ ᑕᑯᒐᓱᐊᕈᓐᓇᖏᕐᑎᓯᓗᓂ ᑕᑯᑦᓴᐅᑎᑦᓯᕕᒻᒦᑐᓂᒃ ᐊᒻᒪᓗ ᐸᓯᔭᑦᓴᖑᓚᖓᒍᓂ ᑌᒣᓕᓂᕐᒥᓄᑦ ᓱᓇᑐᐃᓐᓇᖅ ᐱᑦᔪᑕᐅᑎᓪᓗᒍ.
10. ᐃᓗᓐᓇᖏᓐᓄᐊᖓᔪᑦ ᒪᓕᒐᕐᑕᖏᑦ
    1. ᓇᐅᑐᐃᓐᓀᑦ ᐃᓗᓕᖏᑦ ᐊᖏᖃᑎᒌᒍᑎᐅᑉ ᖃᐅᔨᔭᐅᑉᐸᑕ ᐊᑑᑎᖃᖕᖏᒋᐊᖏᑦ ᑲᒪᒍᓐᓇᑐᓄᑦ ᐃᕐᖃᑐᐃᔨᓄᑦ, ᐊᑑᑎᖃᖕᖏᒋᐊᖏᑦ ᑌᒣᑦᑑᑉ ᒪᓕᑦᑕᐅᒋᐊᓕᐅᑉ ᖃᓄᐃᓕᖕᙰᖃᔭᓚᖓᖕᖏᑐᑦ ᐊᑑᑎᖃᕐᓂᖏᓐᓂᒃ ᐊᓯᖏᑦᑕ ᓇᐅᑐᐃᓐᓀᑦ ᒪᓕᒐᖏᑦᑕ ᑖᒃᑯᐊ ᐊᑐᕐᓂᒧᑦ, ᑖᒃᑯᐊᓗ ᐃᓕᒣᓐᓇᓚᖓᑦᓱᑎᒃ ᐃᓗᐃᒃᑲᑎᒍᑦ ᐊᑐᕐᓂᖃᕐᓗᑎᒃ ᐊᒻᒪᓗ ᒪᓕᑦᑕᐅᓗᑎᒃ.
    2. ᓇᐅᑐᐃᓐᓇᖅ ᐃᓕᑕᕐᓯᓂᖅ ᐊᐅᓚᑦᔦᓂᕐᒥᒃ ᐊᖏᖃᑎᒌᒍᑎᒥᒃ ᓄᐃᑦᓯᒍᑕᐅᕐᖃᔭᖕᖏᓚᖅ ᐃᓕᑕᕐᓯᓂᕐᒥᒃ ᐊᐅᓚᑦᔦᓂᕐᒥᒃ ᓇᐅᑐᐃᓐᓇᒥᒃ ᐊᓯᖓᓂᒃ ᒪᓕᒐᕐᒥᒃ ᑖᒃᑯᓄᖓ ᐃᓘᓐᓈᒍᑦ ᐊᑐᕐᑕᐅᓂᕐᓄᑦ ᒪᓕᒉᑦ ᐊᒻᒪᓗ ᐃᓱᒪᒋᔭᐅᒋᐊᖃᕋᑎᒃ ᐃᓕᑕᕐᓯᓂᕐᒧᑦ ᐊᐅᓚᑦᔦᓂᐅᒋᐊᖓ ᑌᒣᑦᑐᒥᒃ ᒪᓕᒐᕐᒥᒃ ᐅᕝᕙᓘᓐᓃᑦ ᓇᐅᑐᐃᓐᓇᒥᒃ ᐊᓯᖓᓂᒃ ᒪᓕᒐᕐᒥᒃ.
    3. ᖃᓄᑐᐃᓐᓇᖅ ᓱᖕᖏᑑᑎᑦᓯᓂᖓ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᐅᑉ ᑲᔪᓯᑎᑦᓯᓯᓗᓂ ᐱᔪᓐᓇᐅᑎᒥᒃ ᐅᕝᕙᓘᓐᓃᑦ ᒪᓕᒐᕐᑕᖓᓂᒃ ᐃᓘᓐᓈᒍᑦ ᐊᑐᕐᓂᓄᑦ ᒪᓕᒐᕐᓃᑐᓂᒃ ᓄᐃᑦᓯᒍᑕᐅᕐᖃᔭᖕᖏᓚᖅ ᐃᓕᑕᕐᓯᓂᕐᒥᒃ ᐊᐅᓚᑦᔦᓂᕐᒥᒃ ᑌᒣᑦᑐᒥᒃ ᐱᔪᓐᓇᐅᑎᒥᒃ ᐅᕝᕙᓘᓐᓃᑦ ᒪᓕᒐᕐᒥᒃ.
    4. ᐊᖏᕈᕕᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᑕᑯᔭᑦᓴᖑᕐᑎᓯᖃᑦᑕᓚᖓᔪᖅ ᑐᓴᕐᑎᓯᐅᑎᓂᒃ ᐊᓯᑦᔩᓂᕐᓂᒃ ᑖᒃᑯᓂᖓ ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒉᑦ ᑕᑯᑦᓴᐅᑎᑦᓯᕕᑎᒍᑦ.
11. ᐊᑑᑎᑎᑕᐅᒍᓐᓇᑐᑦ ᐱᖁᔦᑦ ᐊᒻᒪᓗ ᓄᓇᖁᑎᒥ ᐊᐅᓚᑦᓯᔨᐅᓂᖅ
    1. ᑖᒃᑯᐊ ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒉᑦ, ᐅᒃᑯᐃᕈᓐᓇᕕᖃᕐᓃᑦ ᐊᒻᒪᓗ ᐊᑐᕈᓐᓇᕕᖃᕐᓃᑦ ᑕᑯᑦᓴᐅᑎᑦᓯᕕᒻᒥᒃ, ᐊᒻᒪᓗ ᖃᓄᑐᐃᓐᓇᖅ ᑖᑦᓱᒧᖓᐅᓕᖓᔪᓄᑦ ᐊᐅᓚᑕᐅᓂᖃᕐᐳᑦ ᐱᖁᔭᕐᓂᒃ ᐊᑐᕐᓂᓕᓐᓂᒃ ᑯᐯᑉ ᐳᔮᕓᓐᓯᖓᓂ.
    2. ᑯᐯᒻᒥ ᐊᐅᓚᑦᓯᓂᓖᑦ ᐃᓂᓖᑦ ᑰᑦᔪᐊᖅ, ᑯᐯᒃ, ᑳᓇᑕᒥ, ᐃᓚᐅᒍᓐᓀᑎᓗᒋᑦ ᓇᐅᑐᐃᓐᓀᑦ ᐊᓯᖏᑦ ᐊᐅᓚᑦᓯᓂᓖᑦ, ᑲᒪᒍᓐᓇᑐᑦ ᑭᓪᓕᓯᓂᐊᕐᓗᑎᒃ ᓇᐅᑐᐃᓐᓇᓂᒃ ᓈᒻᒪᒋᐅᑎᖕᖏᓚᕿᓂᕐᓂᒃ ᑌᒣᑕᐅᑦᓱᑎᒃ ᐅᕝᕙᓘᓐᓃᑦ ᐃᓕᖓᑦᓱᑎᒃ ᑕᑯᑦᓴᐅᑎᑦᓯᕕᒻᒧᑦ ᐅᕝᕙᓘᓐᓃᑦ ᑖᒃᑯᓄᖓ ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒉᑦ ᐅᕝᕙᓘᓐᓃᑦ ᐊᓯᖏᓐᓂᒃ ᑖᒃᑯᓄᖓᐅᓕᖓᔪᓂᒃ ᑲᒪᒋᔭᐅᒋᐊᖃᓚᕿᔪᓂᒃ.