ᑭᓇᒃᑰᓂᕗᑦ

ᐅᕕᒃᑫᒃ ᐱᓇᓱᒐᑦᓴᓯᐅᕐᑐᑦ ᑭᒡᒐᑐᕐᑕᐅᒍᑎᖏᑦ (YES) ᓄᓇᕕᒻᒥ ᐱᓇᓱᒐᖅ ᐊᐅᓚᑕᐅᓂᓕᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᒪᓂᔭᐅᒪᑎᓪᓗᒋᑦ ᐅᕕᒃᑫᑦ ᐱᓇᓱᒐᑦᓴᓯᐅᕐᑐᑦ ᑭᒡᒐᑐᕐᑕᐅᒍᑎᓂᒃ, ᐱᓇᓱᒐᕐᓂᒃ, ᑐᑭᓯᐅᑎᑦᓴᓂᒃ ᐊᒻᒪᓗ ᐃᑲᔪᕐᑎᓴᓂᒃ ᐅᕕᒃᑲᓄᑦ ᐅᑭᐅᓕᓐᓄᑦ 16-ᓂᑦ 35-ᓄᑦ ᐃᓘᓐᓀᓂ 14-ᓂ ᓄᓇᓕᓐᓂ. ᐊᑦᔨᒌᖕᖏᑐᓂᒃ ᑭᒡᒐᑐᕈᑎᖃᓲᖅ ᐆᑦᑑᑎᒋᑦᓱᒋᑦ ᐱᓇᓱᒐᕐᒥᒃ ᐱᒋᐊᕐᓂᐅᔭᕐᑐᓂᒃ ᐃᓕᓐᓂᐊᑎᑦᓯᓃᑦ ᐊᒻᒪᓗ ᐱᒋᐅᕐᑎᑕᐅᒋᐅᕐᑐᑦ ᐱᓇᓱᒉᑦ ᐱᕙᓪᓕᖁᑎᐅᓚᖓᔪᑦ ᐅᕕᒃᑫᑦ ᐱᓚᕿᑦᓯᐊᕈᓐᓇᓯᓂᖏᓐᓄᑦ ᐊᒻᒪᓗ ᐱᓇᓱᐊᕐᑐᓄᑦ ᐃᓕᑦᓯᐊᕈᓐᓇᓯᓗᑎᒃ.

ᑎᓕᔭᐅᒪᒍᑎᖏᑦ

• ᓄᐃᑎᕐᓗᒋᑦ ᐱᒋᐊᕐᑎᓯᑦᓯᐊᕈᑎᑦᓭᑦ ᐊᒻᒪᓗ ᐊᓯᖔᖏᑎᒍᑦ ᐱᕕᑦᓴᓕᐅᕐᓂᓄᑦ ᐱᓇᓱᒉᑦ ᑐᕌᖓᔪᑦ ᐅᕕᒃᑲᓄᑦ
• ᐊᑐᐃᓐᓇᕈᕐᑎᓗᒋᑦ ᐅᕕᒃᑫᑦ ᐃᓗᐃᒃᑲᑎᒍᑦ ᑲᒪᖃᑕᐅᒍᓐᓇᓯᒋᐊᕐᑎᓗᒋᑦ ᓄᓇᓕᒥᑕ ᐱᕈᕐᐸᓕᐊᓂᖓᓂᒃ, ᐱᓇᓱᐊᖃᑕᐅᑦᓯᐊᓗᑎᓗ ᓄᓇᖃᖃᑕᐅᒍᓐᓇᓯᓗᑎᒃ ᐊᒻᒪᓗ ᐱᓇᓱᑦᑎᖑᕈᓐᓇᓯᓗᑎᒃ ᐃᒻᒥᓂᒃ ᑲᔪᓯᑎᑦᓯᐊᕈᓐᓇᓯᓗᑎᒃ
  
• ᐃᑲᔪᕐᓗᒋᑦ ᐊᑐᐃᓐᓇᕈᕐᑎᓗᒋᑦ ᐅᕕᒃᑫᑦ ᐃᓕᐅᕐᖃᐸᓪᓕᐊᓯᑎᓗᒋᑦ ᐱᓇᓱᒐᕐᓄᑦ
  
• ᑫᓪᓗᑐᕐᓗᒋᑦ ᓄᓇᕕᒻᒥ ᐅᕕᒃᑫᑦ ᐃᓕᓴᕐᓂᒥᒃ ᓴᐱᕐᕆᐊᑎᑦᑌᓕᓗᒋᑦ
  

ᓯᕗᓂᕐᒥ ᑕᑯᓐᓇᕈᑏᑦ

• ᐅᕕᒃᑫᑦ ᐃᑲᔪᕐᓗᒋᑦ ᐱᑦᓯᐊᕈᓐᓇᓯᓚᕿᓗᒋᑦ ᓄᓇᕕᒻᒥᒃ ᖃᐅᒪᓂᕐᓴᒥᒃ
  
• ᐱᓚᕿᔭᑎᑦ ᐊᒻᒪᓗ ᐱᑦᓯᐊᓚᕿᓂᑎᑦ ᐱᒋᐊᕐᕕᖃᓚᖓᔪᑦ YES-ᒥᒃ
  

ᐱᔭᐅᓚᕿᒐᓱᐊᓚᖓᔪᑦ

ᒪᓂᓗᒋᑦ ᐅᕕᒃᑲᓄᐊᖓᔪᑦ ᑐᑭᓯᐅᑎᑦᓭᑦ ᐊᒻᒪᓗ ᐃᑲᔪᕐᓯᐅᑏᑦ ᑐᓴᐅᒪᑦᓯᐊᓗᑎᒃ ᓇᓪᓕᑳᕈᓐᓇᐅᑎᑦᓴᖏᑦ ᐃᓕᓴᕐᓂᒥᓄᐊᖓᔪᑦ, ᐃᓕᓐᓂᐊᓂᕐᒥᓄᐊᖓᔪᑦ ᐊᒻᒪᓗ ᐱᓇᓱᒐᕐᓄᐊᖓᔪᑦ ᐱᕙᓪᓕᐊᓯᐊᖁᓪᓗᒋᑦ ᑐᓂᕐᕈᓯᒍᓐᓇᓯᐊᕐᓂᒥᒍᑦ ᓄᓇᓕᒥᓄᑦ.

ᐊᓐᓂᓇᕐᑐᖁᑏᑦ ᐱᒻᒪᕆᑦᑕᖏᑦ

• ᓲᓱᑦᓴᓂᖅ
  
• ᑭᓇᓕᒫᒃᑯᓂᒃ ᑐᓴᕐᑎᓯᔨᐅᒋᐊᖃᖕᖏᓂᖅ
  
• ᓄᐃᑦᓯᒍᓐᓇᓯᐊᕐᓂᖅ
  
• ᓴᐱᕐᕆᐊᑌᓕᓯᑎᐅᓂᖅ
  
• ᐃᑲᔪᕐᑎᒌᓐᓂᖅ
  
• ᐱᐅᔫᖏᓐᓇᑎᑦᓯᓂᖅ
  

ᐱᓇᓱᐊᕈᑦᔨᐅᑏᑦ ᐊᒻᒪᓗ ᑭᒡᒐᑐᕈᑏᑦ

YES ᓄᓇᕕᒃ ᒪᓂᔨᓲᖅ ᐊᒥᐃᓱᓂᒃ ᑭᒡᒐᑐᕈᑎᓂᒃ ᐅᕕᒃᑲᓂᒃ ᐃᑲᔪᕈᑎᑦᓴᓂᒃ ᐱᕙᓪᓕᐊᑎᑦᓯᒋᐊᓯᑎᓪᓗᒋᑦ ᓇᒻᒥᓂᖅ ᐱᓯᑎᐅᒍᑎᒥᓂᒃ, ᓇᓗᓀᕐᑐᐃᓂᑎᒍᑦ ᐱᓇᓱᑦᑎᖃᕐᓂᑎᒍᑦ ᑭᖕᖒᒪᓇᓲᑦ, ᐃᓕᓴᕐᓂᒥᓂᒃ ᓯᕗᒧᐊᑦᑎᓯᒋᐊᕐᓃᑦ, ᐊᒻᒪᓗ ᐱᓚᕿᒋᐊᕐᓃᑦ ᓇᒻᒥᓂᕐᑖᕋᓱᐊᕈᓐᓇᐅᑎᐅᓚᖓᔪᓂᒃ. ᐃᖏᕐᕋᓯᑎᑕᐅᑦᓯᐊᓚᖓᖁᓪᓗᒋᑦ ᐱᒋᐊᕐᑎᓯᑦᓯᐊᕈᓐᓇᓯᓗᑎᒃ ᐱᓇᓱᒐᕐᓂᒃ ᐱᕙᓪᓕᐊᑎᑦᓯᐅᑕᐅᓚᖓᔪᓂᒃ ᐱᓚᕿᑦᓯᐊᕈᑎᓂᒃ, YES ᐱᓇᓱᐊᖃᑎᖃᓕᐅᒥᔮᓲᖅ ᓄᓇᓕᓐᓂ ᐊᒻᒪᓗ ᓄᓇᓕᓕᒫᓂ ᐃᑲᔪᕐᑎᓂᒃ:

A. ᐅᓪᓗᑕᒫᑦ ᐊᓪᓚᕕᒻᒥ ᑭᒡᒐᑐᕈᑎᐅᓲᑦ:

• ᑭᖕᖒᒪᔭᐅᔪᓂᒃ ᖃᐅᔨᒐᓱᐊᕐᓂᖅ
  
• ᐊᐅᓚᑦᔦᒋᐊᕐᓂᓄᑦ ᐸᕐᓀᒍᑏᑦ ᐋᕐᕿᓯᒪᔪᑦ ᑭᒡᒐᑐᕐᑕᐅᔪᑦ ᐃᓕᒃᑰᑎᕐᑐᑦ ᑭᖕᖒᒪᔭᖏᓐᓂᒃ ᐊᒻᒪᓗ ᐃᑉᐱᒋᔭᐅᒍᑎᒋᒋᐊᓕᖏᓐᓂᒃ
  
• ᐱᓇᓱᑦᑎᒪᕆᐅᓂᕐᓄᑦ ᐊᒻᒪᓗ ᐃᓕᓐᓂᐊᑎᑦᓯᓂᕐᓄᑦ ᑐᑭᓯᐅᑎᑦᓭᑦ ᐊᒻᒪᓗ ᐊᓯᖏᓐᓄᑦ ᐃᑲᔪᕐᑎᓴᓄᑦ ᑲᒪᒋᔭᐅᑎᑦᓯᓃᑦ
  
• ᓇᓗᓀᕐᑐᐃᒍᑏᑦ ᐱᓇᓱᐊᕋᑦᓴᓂᒃ ᐊᒻᒪᓗ ᐃᓕᓐᓂᐊᑎᑦᓯᓂᕐᓂᒃ

B. ᐱᓇᓱᒐᑦᓴᓯᐅᕐᑐᓂᒃ ᐃᑲᔪᕐᓯᒪᓂᖅ:

• ᐱᓯᒪᐅᑎᓂᒃ ᓇᓗᓀᕐᑐᐃᒍᑏᑦ, ᐊᐱᕐᓲᔭᕐᑕᐅᓚᖓᔪᑦ ᐊᑐᐃᓐᓇᕈᕐᑎᓂᖏᑦ, ᐊᓪᓚᓯᒪᔪᕐᑕᖏᑦ ᐱᓇᓱᒐᕐᑖᕋᓱᐊᕐᑐᑦ, ᐊᓯᖏᓪᓗ
  
• ᑕᑯᓚᕿᑎᑦᓯᒋᐊᕐᓂᓄᑦ ᐱᓇᓱᐊᕐᑌᑦ ᐊᑐᐃᓐᓇᓂᒃ ᐱᓇᓱᐊᕋᑦᓴᓂᒃ ᐊᒻᒪᓗ ᐱᓇᓱᐊᕋᑦᓴᓯᐅᕐᑐᓂᒃ
  
• ᑲᑎᒪᑎᑦᓯᓃᑦ ᐊᒻᒪᓗ ᐃᓕᓐᓂᐊᑎᑦᓯᓃᑦ ᐃᓕᖓᔪᓄᑦ ᐃᒻᒥᓂᒃ-ᖃᐅᔨᒪᓂᕐᓄᑦ ᐊᒻᒪᓗ ᐱᔪᓐᓇᐅᑕᐅᒋᐊᓕᓐᓄᑦ
  
• ᐃᑲᔪᕐᓯᓂᖅ ᐊᒻᒪᓗ ᐊᔪᖀᒋᐊᕐᓂᖅ ᐃᓕᓐᓂᒃ ᐱᓇᓱᒐᕐᒧᑦ ᐃᓕᓚᖓᓗᑎᑦ ᐊᑐᐃᓐᓇᕈᕐᑎᑎᓪᓗᑎᑦ
  
• ᐱᓇᓱᐊᕐᓱᑎᓪᓗ ᐃᓕᓐᓂᐊᑐᑦ ᐊᒻᒪᓗ ᐊᓯᖏᑦ ᑌᒣᑦᑐᓄᑦ ᐱᓇᓱᐊᕈᑦᔨᐅᑏᑦ

C. ᐃᓕᓴᕐᕕᐅᑉ ᑭᒡᒐᑐᕈᑎᖏᑦ

• ᐳᕐᑐᓂᕐᓴᓂᒃ ᐊᒻᒪᓗ ᐱᓇᓱᐊᕆᐅᕐᓴᓂᕐᓂᒃ ᐃᓕᓴᕐᕖᑦ ᑐᑭᓯᐅᑎᑦᓴᖏᑦ
  
• ᐱᓇᓱᒐᑦᓴᓄᑦ ᐊᑐᐃᓐᓇᓄᑦ ᑲᑎᒪᑎᑦᓯᓃᑦ
  
• ᐱᓇᓱᒉᑦ ᐱᕙᓪᓖᒋᐊᕈᑏᑦ ᐃᓕᓴᕐᓯᒪᓂᕐᓂᒃ
  
• ᐱᓇᓱᒉᑦ ᑐᕌᖓᔪᑦ ᓄᕐᙯᓇᕐᓯᒪᔪᓄᑦ

D. ᓇᒻᒥᓂᕐᑖᕋᓱᐊᕐᓂᖅ

• ᓇᒻᒥᓂᕐᑖᕋᓱᐊᕐᑐᓄᑦ ᐃᓱᐊᕐᕈᑏᑦ ᐱᕙᓪᓕᐊᑎᑕᐅᓂᖏᑦ
  
• ᓇᒻᒥᓂᕐᑖᕋᓱᐊᕐᑐᓄᑦ ᐱᓇᓱᐊᕈᑦᔨᐅᑎᒃ ᐊᒻᒪᓗ ᓄᓇᓕᓐᓂ ᐃᑲᔪᕐᑎᓴᓄᑦ ᑐᑭᓯᐅᑎᑦᓭᑦ
  
• ᐃᑲᔪᕐᓯᒪᓂᖅ ᐅᕕᒃᑲᓂᒃ ᐱᕙᓪᓕᐊᑎᑦᓯᑎᓪᓗᒋᑦ ᐊᒻᒪᓗ ᐃᖏᕐᕋᓯᑎᑦᓯᑎᓪᓗᒋᑦ ᐱᓇᓱᒐᕐᓂᒃ ᐊᓕᐊᒋᔭᒥᓂᒃ (ᑕᑯᒥᓇᕐᑐᓕᐅᕐᓂᖅ, ᐃᓗᒡᒍᓯᖅ, ᓄᓇᓕᓐᓂ ᑭᒡᒐᑐᕈᑏᑦ, ᐊᕙᑎ, ᐊᓯᖏᓪᓗ)
  
• ᐱᒋᐊᕐᑎᓯᐅᑎᑦᓭᑦ ᐅᕕᒃᑲᓄᑦ ᐱᓇᓱᒉᑦ (ᐅᕕᒃᑫᑦ ᐊᐅᔭᒥ ᑮᓇᐅᑦᔭᕆᐊᕈᑎᖏᑦ, ᐃᓕᓵᑦ ᑮᓇᐅᑦᔭᕆᐊᕈᑎᖏᑦ) ᐃᑲᔪᕐᑎᓗᒋᑦ ᓄᓇᓕᓐᓂ ᐊᒻᒪᓗ ᓄᓇᓕᓕᒫᓂ ᐃᑲᔪᕐᑏᑦ
  

E. ᐱᓇᓱᐊᕐᑎᓯᐅᑏᑦ ᐊᒻᒪᓗ ᐱᓇᓱᒉᑦ

• ᑲᑎᒪᑎᑦᓯᓃᑦ
  
• ᐅᕕᒃᑫᑦ ᑲᑐᑦᔮᖏᑦ ᐱᓇᓱᒉᑦ (ᑕᑯᒥᓇᕐᑐᓕᐅᕐᓃᑦ, ᒪᙯᓐᓃᑦ, ᓄᓇᖃᑎᒋᖕᖏᑕᒥᓂᒃ ᑕᐅᕐᓰᖃᑎᖃᕐᓂᓄᑦ ᐱᕕᑦᓭᑦ ᐊᓯᖏᓪᓗ)
  
• ᓯᓚᕐᔪᐊᒥ ᐃᑲᔪᕐᑎᒌᓐᓂᓄᑦ ᐱᓇᓱᐊᕐᓗᑎᓗ ᐃᓕᓴᕐᓃᑦ
  
• ᑮᓇᐅᑦᔭᕆᐊᕈᑎᖏᑦ ᐃᑭᓈᕐᑎᑐᑦ
  

F. ᐃᓚᐅᒐᔭᕐᑐᑦ:

• ᖃᕆᑕᐅᔭᒃᑯᑦ ᑕᑯᓐᓇᐅᑎᔪᑦ ᑲᑎᒪᐅᑎᖓ
  
• ᖃᕆᑕᐅᔭᒃᑰᕈᓐᓇᐅᑎᒃ
  
• ᓱᑲᑦᑐᑰᕐᑎᓯᐅᑎᒃ/ᐅᖄᒍᑎᒃ
  
• ᓇᓗᓀᕐᑐᐃᒍᑎᓂᒃ ᑐᑭᓯᒋᐊᕐᕕᒃ
  
• ᐱᓇᓱᐊᕋᑦᓭᑦ ᐊᑐᐃᓐᓀᑦ
  
• ᐊᓯᖏᓪᓗ