ᐅᓐᓂᓗᓐᓂᒧᑦ ᐊᒻᒪᓗ ᐱᒋᐊᖃᕐᓂᕋᕐᓂᒧᑦ ᒪᓕᒐᖅ

ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᐅᑉᐱᕆᔭᖃᓪᓚᕆᑉᐳᖅ ᐊᓐᓂᓇᕐᓂᖏᓐᓂᒃ ᑭᐅᒪᐅᑎᒍᑎᖃᕐᓃᑦ, ᐃᓱᒪᒥᐅᑎᖃᕐᓗᑎᒃ ᐅᖃᐅᓯᖃᕈᓐᓇᓃᑦ ᐊᒻᒪᓗ ᓲᓱᑦᓴᕆᐊᖃᕐᓃᑦ ᐱᖁᔭᕐᓂᒃ ᐊᒻᒪᓗ ᐃᓕᒃᑰᑎᕐᑐᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ. ᑌᒣᒻᒪᑦ, ᖃᓄᑐᐃᓐᓇᖅ ᐅᓐᓂᓗᒍᑏᑦ ᐅᕝᕙᓘᓐᓃᑦ ᐱᒋᐊᖃᕐᓂᕋᐅᑏᑦ ᑲᒪᒋᔭᐅᓂᖃᖃᑦᑕᓚᖓᔪᑦ ᓴᐱᕐᕆᐊᑕᐅᒍᓐᓀᓗᑎᒃ ᒪᓕᓪᓗᒋᑦ ᐅᑯᐊ ᒪᓕᒉᑦ:

1. ᐊᖏᖃᑎᒌᒍᑎᒃ
   1.  ᐅᓐᓂᓗᒍᑎᓄᑦ ᐊᒻᒪᓗ ᐱᒋᐊᖃᕐᓂᕋᕐᓂᒧᑦ ᒪᓕᒐᖅ ᐊᑐᐊᕐᑕᐅᒋᐊᖃᕐᐳᑦ ᐃᓚᐅᑎᓪᓗᒋᑦ ᐊᓯᖏᓐᓂᒃ ᐊᑐᐊᕋᑦᓴᓂᒃ ᐃᓚᐅᑦᓱᑎᒃ ᐊᖏᖃᑎᖃᕈᑎᓐᓅᕕᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒥᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒉᑦ ᐊᒻᒪᓗ ᓇᐅᓕᒫᓄᑦ ᑐᓴᕐᑕᐅᑎᑦᓯᒋᐊᖃᖕᖏᓂᕐᒧᑦ ᒪᓕᒐᖅ.
2. ᑲᒪᒋᔭᓕᐅᑉ ᖃᕆᑕᐅᔭᒃᑯᑦ ᐊᓪᓚᕕᐅᕕᖓ ᐅᓐᓂᓗᒍᑎᓄᑦ ᐊᒻᒪᓗ ᐱᒋᐊᖃᕐᓂᕋᐅᑎᓄᑦ
   1. ᖃᓄᑐᐃᓐᓇᖅ ᐅᓐᓂᓗᒍᑏᑦ ᐊᒻᒪᓗ ᐱᒋᐊᖃᕐᓂᕋᐅᑏᑦ ᑐᔫᑕᐅᒋᐊᓕᒃ ᖃᕆᑕᐅᔭᒃᑯᑦ ᐅᕗᖓ ᑐᕌᕐᑎᓗᒋᑦ: igordon@krg.ca.
3. ᐊᑦᔨᒌᖕᖏᓂᖏᒃ ᐅᖑᒪᑦᓯᓂᕐᒧᑦ ᑭᐅᓃᑦ ᐊᒻᒪᓗ ᐅᓐᓂᓗᓐᓃᑦ ᐊᒻᒪᓗ ᐱᒋᐊᖃᕐᓂᕋᐅᑏᑦ
   1. ᐋᕐᖀᒋᐊᕈᒪᒍᕕᑦ ᐅᕝᕙᓘᓐᓃᑦ ᐊᑭᕋᕐᑐᕈᒪᒍᕕᑦ, ᐃᓚᐅᒍᒪᒍᕕᑦ ᑭᐅᒪᐅᑎᐅᔪᒧᑦ, ᐅᕝᕙᓘᓐᓃᑦ ᐃᓱᒪᓐᓃᕕᑦ ᑐᓴᕐᑕᐅᑎᑦᓯᒍᒪᒍᕕᑦ, ᖃᐅᔨᒪᔭᕐᓃᕕᓪᓗ ᐅᕝᕙᓘᓐᓃᑦ ᐊᑑᑎᓯᒪᔭᕐᓃᕕᑦ, ᑐᓴᕐᑎᓗᒍ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᖃᕆᑕᐅᔭᒃᑯᑦ ᐅᕗᖓ ᑐᕌᕐᑎᓗᒍ: igordon@krg.ca.
4.  ᐃᓗᓕᖏᑦ ᐅᓐᓂᓗᒍᑏᑦ ᐅᕝᕙᓘᓐᓃᑦ ᐱᒋᐊᖃᕐᓂᕋᐅᑏᑦ
   1. ᑲᒪᒋᔭᐅᓚᖓᑉᐸᑕ, ᐅᓐᓂᓗᒍᑎᑎᑦ ᐅᕝᕙᓘᓐᓃᑦ ᑭᐅᒍᑎᑎᑦ ᐱᒋᐊᖃᕐᓂᕋᐅᑎᑎᑦ ᐃᓚᖃᕆᐊᓖᑦ ᐅᑯᓂᖓ ᑐᑭᓯᐅᑎᑦᓴᓂᒃ:
      • ᐊᑏᑦ ᓯᕗᓪᓕᖅ ᐊᒻᒪᓗ ᐊᑎᑐᙯᑦ;
      • ᖃᕆᑕᐅᔭᒃᑯᑦ ᓯᓚᑏᑦ;
      • ᐅᖄᒍᑏᑦ;
      • URL address-ᖓ ᓯᓚᑎᖓ ᖁᑉᐱᒐᐅᑉ ᑕᑯᑦᓴᐅᑎᑦᓯᕕᐅᑉ ᐅᖃᐅᓯᕆᔭᕐᐱᑦ;
      • ᓱᓇᐅᓂᖓ ᓯᖁᒥᑕᐅᔫᑉ: ᐱᔪᓐᓇᐅᑎᑉᐱᑦ ᓯᖁᒥᑕᐅᓂᖓ, ᐱᐅᖕᖏᕙᓪᓛᒍᑕᐅᓃᑦ, ᓱᓕᖕᖏᑐᑦ ᐅᕝᕙᓘᓐᓃᑦ ᑕᒻᒪᑐᑦ ᑐᑭᓯᐅᑎᑦᓭᑦ, ᑕᒻᒪᕈᑕᐅᔪᑦ, ᐊᓯᖏᓪᓗ;
      • ᓱᓪᓕᑎᑦᓯᐅᑏᑦ ᓇᒻᒥᓂᖅ ᑲᒪᒍᒪᓂᕐᓃᕕᑦ ᐅᓐᓂᓗᒍᑎᓂᒃ ᐅᕝᕙᓘᓐᓃᑦ ᐃᒋᐊᖃᕐᓂᕋᐅᑎᓂᒃ ᓄᐃᑦᓯᓗᑎᑦ;
      • ᖃᓄᑐᐃᓐᓇᖅ ᐊᓯᖏᑦ ᑖᒃᑯᓄᖓᐅᓕᖓᔪᑦ ᓱᓕᔪᑦ ᐅᕝᕙᓘᓐᓃᑦ ᓇᓗᓀᕐᓯᐅᑏᑦ ᓯᑯᑦᓴᔦᑦ.
        
   2. ᓱᓇᑐᐃᓐᓀᑦ ᖁᓛᓂ ᑐᑭᓯᑎᑦᓯᐅᑎᓂ ᓄᐃᑕᖕᖏᐸᑕ, ᐊᖏᕐᑐᑎᑦ ᐊᒻᒪᓗ ᖃᐅᔨᑎᑦᓯᓱᑎᑦ ᐱᒋᐊᖃᕐᓂᕋᐅᑏᑦ ᑲᔪᓯᑎᑕᐅᓚᖓᖕᖏᒪᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒧᑦ.
5. ᓄᐃᑦᓯᓂᖅ ᐅᓐᓂᓗᒍᑎᒥᒃ ᐅᕝᕙᓘᓐᓃᑦ ᐱᒋᐊᖃᕐᓂᕋᐅᑎᒥᒃ
   1. ᐱᒍᑎᒃ ᐅᓐᓂᓗᒍᑎᓐᓃᕕᑦ ᐅᕝᕙᓘᓐᓃᑦ ᐱᒋᐊᖃᕐᓂᕋᐅᑎᓐᓃᕕᑦ, ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᑲᔪᓯᑎᑦᓯᓚᖓᔪᖅ ᑭᐅᒍᑎᒥᓂᒃ 72 ᐃᑲᐅᕐᓃᑦ ᐊᓂᒍᓚᐅᕐᑎᓇᒋᑦ ᐊᒻᒪᓗ ᐃᓕᓐᓂᒃ ᑐᓴᕐᑎᓯᓗᑎᒃ ᐃᒣᑦᑐᓂᒃ:
      • ᓈᒻᒪᒋᐅᑕᖕᖏᑐᑦ ᐃᓗᓕᖏᑦ ᑖᕗᖓᓕᒫᖅ ᐲᕐᑕᐅᓂᐊᕐᒪᖔᑕ;
      • ᓈᒻᒪᒋᐅᑕᖕᖏᑐᑦ ᐃᓗᓕᖏᑦ ᓇᔪᕐᑎᒋᔭᐅᓂᐊᕐᐸᑕ ᐅᓪᓗᓂ 30-ᓂ ᖃᐅᔨᓴᕐᑕᐅᓂᖃᕐᒥᓂ;
      • ᐅᓐᓂᓗᒍᑎᒃ ᑲᒪᒋᔭᐅᕐᖃᔭᖕᖏᐸᑦ, 15-ᒋᐊᓪᓓᑦ ᐅᓪᓗᐃᑦ ᐱᕕᑦᓴᐅᑎᑕᐅᓚᖓᔪᑦ ᐋᕐᕿᑕᐅᒋᐊᕐᑎᓗᒍ ᐱᔭᐅᓯᒪᒋᐊᖃᕐᓱᑎᒃ ᐱᔭᐅᓯᒪᖕᖏᑐᑦ ᑐᑭᓯᐅᑎᑦᓭᑦ ᕿᓄᒍᑕᐅᔪᑦ ᓇᓗᓀᕐᑕᐅᔪᒦᑦᑐᑦ 4-ᒍᒍᑎᖓᓂ ᖁᓛᓂ.
   2. ᑖᕗᖓᓕᒫᖅ ᐲᕐᑕᐅᐸᑕ ᓈᒻᒪᒋᐅᑕᐅᖕᖏᑐᑦ ᐃᓗᓕᖏᑦ 72 ᐃᑲᐅᕐᓃᑦ ᐃᓗᐊᓂ, ᐅᓐᓂᓗᑦᑐᖅ ᖃᐅᔨᒪᒋᐊᓕᒃ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᐅᑉ ᓈᒻᒪᓈᕐᓱᓂ ᑲᒪᓂᖃᕆᐊᖓᓂᒃ ᐊᒻᒪᓗ ᐊᖏᕐᓱᓂ ᐱᖁᔭᑎᒍᑦ ᖃᓄᐃᓕᒋᐊᕈᑎᖃᓚᖓᖕᖏᓂᕐᒥᓂᒃ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒥᒃ.
      
   3. ᑖᕗᖓᓕᒫᖅ ᐲᕐᑕᐅᐸᑦ ᓈᒻᒪᒋᐅᑕᐅᖕᖏᑐᑦ ᐃᓗᓕᖏᑦ ᖃᐅᔨᓴᕐᑕᐅᒌᕐᓯᒪᓕᕐᓗᑎᒃ, ᐅᓐᓂᓗᒍᑎᓕᒃ ᖃᐅᔨᑎᑦᓯᔪᖅ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒥᒃ ᓈᒻᒪᓈᕐᓱᓂ ᑲᒪᓂᖃᕆᐊᖓᓂᒃ ᐊᒻᒪᓗ ᐊᖏᕐᓱᓂ ᐱᖁᔭᑎᒍᑦ ᖃᓄᐃᓕᒋᐊᕈᑎᖃᓚᖓᖕᖏᓂᕐᒥᓂᒃ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒥᒃ.
   4. ᓈᒻᒪᒋᐅᑕᐅᖕᖏᑐᑦ ᐃᓗᓕᖏᑦ ᓇᔪᕐᑎᒋᔭᐅᓯᑉᐸᑕ ᖃᐅᔨᓴᕐᑕᐅᒌᕐᑎᓗᒍ, ᐅᓐᓂᓗᒍᑎᓕᒃ ᐱᔪᓐᓇᐅᑎᒥᒃ ᓇᔪᕐᑎᖃᕐᐳᖅ ᐱᖁᔭᕐᑎᒍᑦ ᐃᑲᔪᕐᓯᔭᐅᒋᐊᕈᓐᓇᓱᓂ ᐊᒻᒪᓗ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᓇᔪᕐᑎᖃᕐᐳᖅ ᐱᖁᔭᕐᑎᒍᑦ ᑐᓴᕐᑕᐅᑎᑦᓯᒍᓐᓇᓱᓂ ᐅᖑᒪᑦᓯᓚᖓᔪᒥᒃ ᐱᕕᑦᓴᖅ ᑭᖑᕙᕐᑎᓗᐊᕈᓐᓀᓗᒍ.
      
6. ᓇᐅᓕᒫᓂᒃ ᑐᓴᕐᑎᓯᒋᐊᖃᖕᖏᓂᖅ ᐊᒻᒪᓗ ᓱᒃᑯᑕᐅᓂᖏᑦ ᐅᓐᓂᓗᓐᓂᓄᑦ ᐊᒻᒪᓗ ᐱᒋᐊᖃᕐᓂᕋᐅᑎᓄᑦ ᐊᓪᓚᖁᑏᑦ
   1. ᓇᐅᑐᐃᓐᓀᑦ ᐅᓐᓂᓗᓐᓂᓄᑦ ᐊᒻᒪᓗ ᐱᒋᐊᖃᕐᓂᕋᕐᓂᓄᑦ ᐊᓪᓚᖁᑏᑦ ᓇᐅᓕᒫᓄᑦ ᑕᑯᔭᐅᑎᑕᐅᒋᐊᖃᓚᖓᖕᖏᑐᑦ ᐊᒻᒪᓗ ᑐᕃᓐᓇᑐᑎᒍᑦ ᓱᒃᑯᑕᐅᒋᐊᖃᕋᔭᕐᓱᑎᒃ ᐊᕐᕌᒍᐃᑦ ᐱᖓᓱᑦ ᐊᓂᒍᕐᐸᑕ ᐱᖁᔭᑎᒍᑦ ᑲᒪᓃᑦ ᐱᒋᐊᕐᑎᑕᐅᓯᒪᖕᖏᐸᑕ.
   2. ᐅᓐᓂᓗᒍᑏᑦ ᐊᒻᒪᓗ ᐱᒋᐊᖃᕐᓂᕋᐅᑏᑦ ᓇᐅᓕᒫᓄᑦ ᑐᓴᕐᑕᐅᑎᑕᐅᒋᐊᖃᖕᖏᒪᑕ ᐊᒻᒪᓗ ᒪᑐᒪᔭᐅᑦᓱᑎᒃ ᐃᕐᖃᑐᐃᕕᒻᒨᓯᓂᕐᓄᑦ ᐱᒍᓐᓇᐅᑎᒧᑦ, ᐅᓐᓂᓗᑦᑐᖅ ᐅᕝᕙᓘᓐᓃᑦ ᓇᐅᑐᐃᓐᓇᖅ ᐱᖓᔪᐊᓐᓃᑐᓄᑦ ᐃᓚᐅᔪᖅ ᑕᑯᒐᓱᐊᕈᓐᓇᕕᖃᕐᐳᖅ ᐅᓐᓂᓗᒍᑎᓄᑦ ᐅᕝᕙᓘᓐᓃᑦ ᐱᒋᐊᖃᕐᓂᕋᐅᑎᓄᑦ ᐊᓪᓚᖁᑎᓂᒃ ᑲᑎᕐᓱᓯᒪᔭᖏᓐᓂᒃ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᐅᑉ.
      
   3. ᐅᓐᓂᓗᑦᑐᖅ ᖃᐅᔨᑎᑦᓯᕗᖅ ᐱᖁᔭᑎᒍᑦ ᑲᒪᒋᔭᐅᓂᖃᓚᖓᑉᐸᑦ, ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐃᒣᒍᓐᓇᒪᑦ, ᑖᓐᓇᑑᓗᓂ ᐃᓱᒪᒥᐅᑎᖃᕐᓗᓂ, ᓄᐃᑦᓯᒍᓐᓇᓱᓂ ᐃᓘᓐᓀᓂᒃ ᐅᕝᕙᓘᓐᓃᑦ ᐃᓓᓐᓇᖏᓐᓂᒃ ᐅᓐᓂᓗᒍᑎᓂᒃ ᐊᒻᒪᓗ ᐱᒋᐊᖃᕐᓂᕋᐅᑎᓂᒃ ᓯᑯᑦᓴᔭᓂᒃ ᓱᕐᖁᐃᓯᑎᑦᓯᐅᑎᒋᓗᒋᑦ ᐃᕐᖃᑐᐃᕕᒻᒥ.
7. ᒪᓕᒐᐅᑉ ᐊᓯᑦᔨᔭᐅᓂᖏᑦ
   
   1. ᐊᖏᕐᑐᑎᑦ ᑕᑯᑦᓴᐅᑎᑦᓯᕕᒻᒥ ᐱᖁᑎᓕᒃ ᐃᓛᓐᓂ ᐋᕐᖀᒋᐊᖃᑦᑕᓚᖓᒻᒪᑦ ᐊᒻᒪᓗ ᐊᓯᑦᔩᓗᓂ ᐅᖃᐅᓯᕐᑕᖏᓐᓂᒃ ᐊᒻᒪᓗ ᒪᓕᒐᕐᑕᖏᓐᓂᒃ ᑖᑦᓱᒪ ᐅᓐᓂᓗᓐᓂᓄᑦ ᐊᒻᒪᓗ ᐱᒋᐊᖃᕐᓂᕋᕐᓂᓄᑦ ᒪᓕᒐᐅᑉ. ᑌᒣᒻᒪᑦ ᑕᑯᒐᓱᐊᖃᑦᑕᕆᐊᖃᓚᖓᔪᑎᑦ ᒪᓕᒐᕐᒥᒃ ᐃᓛᓐᓂ ᑐᓴᐅᒪᖃᑦᑕᕈᒪᒍᕕᑦ ᐋᕐᕿᒋᐊᕐᑕᐅᒍᑎᖏᓐᓂᒃ ᐊᒻᒪᓗ ᐊᓯᑦᔨᑐᕐᑕᐅᓂᖏᓐᓂᒃ. ᑲᔪᓯᑎᑦᓯᒍᕕᑦ ᑕᑯᑦᓴᐅᑎᑦᓯᕕᒻᒥᒃ ᐊᑐᕐᐸᓂᕐᓃᕕᑦ ᓇᐅᑐᐃᓐᓀᑦ ᐋᕐᖀᒋᐊᕈᑏᑦ ᐅᕝᕙᓘᓐᓃᑦ ᐊᓯᔨᑐᐃᓃᑦ ᐅᖃᐅᓯᕐᑕᖏᓐᓂᒃ ᐊᒻᒪᓗ ᒪᓕᒐᕐᑕᖏᓐᓂᒃ ᐊᖏᖃᑎᒌᒍᑎᐅᑉ, ᐃᓚᐅᑎᓪᓗᒍ ᐅᓐᓂᓗᓐᓂᓄᑦ ᐊᒻᒪᓗ ᐱᒋᐊᖃᕐᓂᕋᕐᓂᒧᑦ ᒪᓕᒐᖅ, ᖃᐅᔨᑎᑦᓯᔪᑎᑦ ᐊᖏᕐᓂᓃᕕᑦ ᑖᒃᑯᓂᖓ ᐊᓯᑦᔨᑕᐅᔪᓂᒃ.
   2. ᐊᖏᖕᖏᑯᕕᑦ ᐋᕐᕿᒋᐊᕐᑕᐅᒍᑎᖏᓐᓂᒃ ᐊᒻᒪᓗ ᐊᓯᑦᔨᔭᐅᓂᖏᓐᓂᒃ ᐅᖃᐅᓯᕐᑕᖏᑦᑕ ᐊᒻᒪᓗ ᒪᓕᒐᕐᑕᖏᑦᑕ ᐊᖏᖃᑎᒌᒍᑎᐅᑉ ᐃᓚᐅᑎᓪᓗᒍ ᑖᓐᓇ ᐅᓐᓂᓗᓐᓂᓄᑦ ᐊᒻᒪᓗ ᐱᒋᐊᖃᕐᓂᕋᕐᓂᓄᑦ ᒪᓕᒐᖅ, ᐊᑐᕐᐸᓃᑦ ᑖᑦᓱᒥᖓ ᑕᑯᑦᓴᐅᑎᑦᓯᕕᒻᒥᒃ ᑲᔪᓯᒍᓐᓀᕆᐊᓕᒃ. 
      .