ᓇᐅᓕᒫᓄᑦ ᑐᓴᕐᑕᐅᒋᐊᖃᖕᖏᑐᓄᑦ ᒪᓕᒐᖅ

ᒪᓕᒐᖅ ᑲᒪᒋᔭᓕᒃ ᐅᖑᒪᔭᐅᓂᖏᓐᓂᒃ ᓇᒻᒥᓂᕆᔭᐅᔪᑦ ᑐᑭᓯᐅᑎᑦᓭᑦ.

1. ᐊᖏᖃᑎᒌᒍᑎᒃ
   1. ᓇᐅᓕᒫᓄᑦ ᑐᓴᕐᑕᐅᒋᐊᖃᖕᖏᑐᓄᑦ ᒪᓕᒐᖅ ᐊᑐᐊᕐᑕᐅᒋᐊᓕᒃ ᐃᓚᐅᑎᓪᓗᒍ ᐊᓯᖏᓐᓂᒃ ᐊᑐᐊᕋᑦᓴᓂᒃ ᐃᓗᐃᒃᑲᐅᒍᑎᖏᓐᓂᒃ ᐊᖏᖃᑎᖃᕈᑎᑉᐱᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒥᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ: ᐃᓘᓐᓈᒍᑦ ᐊᑐᕐᑕᐅᓂᖏᓐᓄᑦ ᒪᓕᒐᕐᓄᑦ ᐊᒻᒪᓗ ᐅᓐᓂᓗᒍᑎᓄᑦ ᐱᒋᐊᖃᕐᓂᕋᐅᑎᓄᓪᓗ ᒪᓕᒐᕐᒧᑦ.
2. ᑲᒪᒋᔭᓕᐅᑉ ᖃᕆᑕᐅᔭᒃᑯᑦ ᐊᓪᓚᕕᐅᕕᖓ ᓇᐅᓕᒫᓄᑦ ᑐᓴᕐᑕᐅᒋᐊᖃᖕᖏᑐᓄᑦ ᒪᓕᒐᕐᒥᒃ ᕿᓄᒍᑎᓄᑦ
   1. ᐃᓘᓐᓇᑎᒃ ᕿᓄᒍᑏᑦ ᐱᑦᔪᑎᓖᑦ ᓇᐅᓕᒫᓄᑦ ᑐᓴᕐᑕᐅᒋᐊᖃᖕᖏᑐᓄᑦ ᒪᓕᒐᕐᒧᑦ ᐊᒻᒪᓗ ᓇᒻᒥᓂᕐᓅᓕᖓᔪᓄᑦ ᑐᑭᓯᐅᑎᑦᓴᓄᑦ ᑐᔫᑕᐅᒋᐊᖃᕐᐳᑦ ᖃᕆᑕᐅᔭᒃᑯᑦ ᐅᕗᖓ ᑐᕌᕐᑎᓗᒋᑦ igordon@krg.ca.
3. ᓇᓗᓀᕐᓯᐅᑏᑦ "ᓇᒻᒥᓂᕆᔦᑦ ᑐᑭᓯᐅᑎᑦᓭ" ᓱᓇᐅᓂᖏᓐᓂᒃ
   
   1. ᐅᖃᐅᓯᖅ "ᓇᒻᒥᓂᕆᔦᑦ ᑐᑭᓯᐅᑎᑦᓭᑦ" ᐃᓘᓐᓈᒍᑦ ᑌᓯᒍᑎᐅᕗᖅ ᖃᓄᑐᐃᓐᓇᖅ ᑐᑭᓯᐅᑎᑦᓴᓂᒃ ᐃᓕᖓᔪᓂᒃ ᐃᓄᒻᒧᑦ ᐊᒻᒪᓗ ᐃᓅᑉ ᓇᓗᓀᕐᑕᐅᒍᑎᖏᓐᓂᒃ. ᐱᑦᔪᑎᒋᓗᒋᑦ ᑭᓇᐅᓃᑦ ᐊᒻᒪᓗ ᑕᑯᑦᓴᐅᑎᑦᓯᕕᒻᒥᒃ ᐊᑐᕐᓃᑦ, ᑕᒪᓐᓇ ᑐᑭᖃᕐᐳᖅ ᐊᑏᑦ ᓯᕗᓪᓕᖅ ᐊᒻᒪᓗ ᐊᑎᑐᙯᑦ, ᐃᓅᓕᕐᕖᑦ, ᐊᒻᒪᓗ ᓄᓇᓕᓯ ᓇᓗᓀᒃᑯᑕᖏᑦ ᐊᒻᒪᓗ ᖃᕆᑕᐅᔭᒃᑯᑦ ᓯᓚᑏᑦ, ᐊᒻᒪᓗ ᖃᓄᑐᐃᓐᓇᖅ ᐊᓯᖏᑦ ᑐᑭᓯᐅᑎᑦᓭᑦ ᐃᓕᓐᓄᐊᖓᔪᑦ ᖃᐅᔨᔭᐅᑎᓯᒪᔭᑎᑦ ᐅᕙᑦᑎᓄᑦ ᐊᑐᓕᕈᕕᑦ ᑕᑯᑦᓴᐅᑎᑦᓯᕕᒻᒥᒃ yesnunavik.com.
4. ᐳᑯᓐᓂᖅ ᐊᒻᒪᓗ ᐊᐅᓚᑦᓯᓂᖅ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ
   1. ᖃᓄᑐᐃᓐᓇᖅ ᓇᒻᒥᓂᕐᓄᐊᖓᔪᑦ ᑐᑭᓯᐅᑎᑦᓭᑦ ᐱᑦᔪᑎᒋᓗᒍ yesnunavik.com-ᒥᒃ ᐊᑐᕐᑐᒥᒃ ᐳᑯᑦᑕᐅᓲᑦ ᐃᒻᒥᓂᕐᓱᑐᓄᑦ ᐱ5ᔪᑎᒋᑦᓱᒍ ᐅᑯᐊ ᐃᓚᖓᑦ:
      • ᓄᐃᑦᓯᓂᕐᒧᑦ ᑭᓇᐅᓂᕐᒥᒃ ᓇᓗᓀᕐᓯᐅᑎᒥᒃ ᐊᓪᓚᖁᑎᐅᓂᐊᕐᑐᒥᒃ ᕿᒥᕐᕈᕈᓐᓇᐅᑎᒥᒃ ᐊᒻᒪᓗ ᐱᓇᓱᒐᕐᑖᕋᓱᐊᕐᓂᓄᑦ ᐅᕝᕙᓘᓐᓃᑦ ᐱᓇᓱᐊᕐᓗᑎᓗ ᐃᓕᓐᓂᐊᑎᑕᐅᓂᕐᓄᑦ ᐱᕕᑦᓴᓂᒃ;
      • ᐃᓕᒐᓱᐊᕈᓐᓇᓂᕐᒧᑦ ᐱᓇᓱᒐᕐᒧᑦ ᐅᕝᕙᓘᓐᓃᑦ ᐱᓇᓱᐊᕐᓗᑎᓗ ᐃᓕᓴᕈᒪᔪᓄᑦ ᒪᓂᔨᐅᑎᓄᑦ;
      • ᐱᐅᓭᓂᕐᓄᑦ YES NUNAVIK-ᐅᑉ ᑭᒡᒐᑐᕈᑎᖏᓐᓂᒃ;
      • ᑭᐅᔭᐅᒍᓐᓇᓂᖏᓐᓄᑦ ᐊᑐᕐᑎᐅᑉ ᐅᖃᐅᓯᖏᑦᑕ ᐊᒻᒪᓗ ᐃᒣᖁᔨᐅᑎᖏᑦᑕ.
   2. ᐊᑐᕐᑎ ᐊᖏᕐᑐᖅ ᑐᓴᕐᑕᐅᑎᑦᓯᓂᕐᒥᓂᒃ ᓇᒻᒥᓂᕐᒥᓄᐊᖓᔪᓂᒃ ᑐᑭᓯᐅᑎᑦᓴᓂᒃ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒧᑦ ᓱᕐᖁᐃᓯᑎᑦᓯᔪᖅ ᐊᒻᒪᓗ ᓱᓕᑎᑦᓯᓱᓂ ᑌᒣᑦᑐᐃᑦ ᑐᑭᓯᐅᑎᑦᓭᑦ ᓈᒻᒪᓈᕐᓯᒪᑦᓯᐊᓂᖏᓐᓂᒃ.
   3. ᓇᒻᒥᓂᕐᓄᐊᖓᔪᑦ ᑐᑭᓯᐅᑎᑦᓭᑦ ᐃᓱᒪᒥᑦᑐᑦ ᖃᐅᔨᔭᐅᑎᑕᖏᑦ ᐊᑐᕐᑎᓄᑦ ᐃᓕᒪᓚᖓᔪᖅ ᑫᐋᔩᑉ ᖃᕆᑕᐅᔭᒃᑯᑦ ᐊᓪᓚᖁᑎᖃᐅᑎᖓᓂ ᐊᑎᖃᕐᓗᑎᒃ “[ᐊᑐᕐᑎᐅᑉ ᐊᑎᖓ] ᓇᒻᒥᓂᕆᔭᐅᔪᖅ ᑐᑭᓯᐅᑎᑦᓴᖅ”.
   4. ᓇᒻᒥᓂᕐᓄᐊᖓᔪᑦ ᑐᑭᓯᐅᑎᑦᓭᑦ ᐳᑯᑦᑕᖏᑦ ᑫᐊᔩᑉ ᓴᓇᕐᕙᓯᒪᔪᑦ ᐅᕙᓂ ᓯᓚᑎᒥ: 860 ᑫᕕᕝᕕᒃ ᐊᒻᒪᓗᑭᑕᐅᓕᖓᔪᖅ, ᑰᑦᔪᐊᖅ (ᑯᐯᒃ) J0M 1C0.
   5. ᐊᑐᐃᓐᓇᖃᕐᓂᓄᑦ ᑐᑭᓯᐅᑎᑦᓴᓂᒃ ᑲᒪᔨ, ᐁᓇ ᑯᐊᑕ (igordon@krg.ca), ᐊᒻᒪᓗ ᑫᐋᔩᑉ ᐱᓇᓱᑦᑎᖏᑦ ᑲᒪᒋᔭᓖᑦ ᐊᐅᓚᑕᐅᓂᖏᓐᓂᒃ YES NUNAVIK-ᐅᑉ ᐊᒻᒪᓗ ᐱᓇᓱᑦᑎᓕᕆᔨᐅᑉ ᐱᓇᓱᕝᕕᖏᒃ, ᑖᒃᑯᓂᖓ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ ᐊᑐᐃᓐᓇᖃᕐᑎᐅᓱᑎᒃ.
      
   6. ᖃᕆᑕᐅᔭᒥ ᐊᓪᓚᖃᐅᑎᒃ ᐊᑎᓕᒃ “[ᐊᑐᕐᑎᐅᑉ ᐊᑎᖓ] ᓇᒻᒥᓂᕆᔦᑦ ᑐᑭᓯᐅᑎᑦᓭᑦ” ᑐᕃᓐᓇᑐᑎᒍ5 ᐲᕐᑕᐅᓚᖓᔪᑦ ᐱᑦᔪᑎᖏᑦ ᓇᒻᒥᓂᕆᔭᕐᓂᒃ ᑐᑭᓯᐅᑎᑦᓴᓂᒃ ᐳᑯᓐᓂᒧᑦ ᐅᕝᕙᓘᓐᓃᑦ ᐊᑐᕐᓂᒧᑦ ᐱᔭᕇᕐᑕᐅᐸᑕ.
   7. ᐊᑐᕐᑏᑦ ᖃᖓᑐᐃᓐᓇᖅ ᐊᓪᓚᓯᒪᑎᓪᓗᒋᑦ ᕿᓄᒍᑎᓕᐅᕆᐊᖃᕐᐳᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒧᑦ ᑕᑯᒍᒪᓗᑎᒃ, ᐋᕐᖀᒋᐊᕈᒪᓗᑎᒃ ᐅᕝᕙᓘᓐᓃᑦ ᐲᕐᑕᐅᖁᔨᓗᑎᒃ ᓇᒻᒥᓂᕐᒥᓄᐊᖓᔪᓂᒃ ᑐᑭᓯᐅᑎᑦᓴᓂᒃ ᖃᕆᑕᐅᔭᒃᑯᑦ ᐅᕗᖓ:igordon@krg.ca.
      
   8. ᑲᔪᓯᑎᑕᐅᒍᓐᓇᕆᐊᖃᕐᓂᒥᓄᑦ, ᕿᓄᒍᑏᑦ ᐃᓚᖃᕆᐊᖃᕐᐳᖅ ᓇᓪᓕᖏᓐᓂᒃ ᑐᑭᓯᐅᑎᑦᓭᑦ ᐅᑯᐊ:
      • ᐊᑏᑦ ᓯᕗᓪᓕᖅ ᐊᒻᒪᓗ ᑭᖑᓪᓕᖅ;
      • ᖃᕆᑕᐅᔭᕐᒥ ᓯᓚᑏᑦ;
      • ᐅᖄᒍᑏᑦ;
      • ᓱᓪᓕᑎᑦᓯᐅᑏᑦ ᓱᕐᖁᐃᓇᕐᑎᓯᔪᖅ ᓇᒻᒥᓂᕐᓅᕕᑦ ᑲᒪᒍᒪᓂᕐᓃᕕᑦ ᓇᒻᒥᓂᕐᓅᕖᓕᖓᔪᓂᒃ ᑐᑭᓯᐅᑎᑦᓴᓂᒃ ᒪᑐᒣᔪᓂᒃ ᑲᒪᒋᒍᒪᔭᕐᓃᕕᑦ;
      • ᕿᓄᒍᑎᑉᐱᑦ ᐱᑦᔪᑎᖓᓂᒃ: ᑕᑯᒍᓐᓇᓂᖅ, ᐋᕐᖀᒋᐊᕐᓂᖅ ᐅᕝᕙᓘᓐᓃᑦ ᐲᕐᑕᐅᖁᔨᓂᒃ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ;
      • ᓱᓇᑐᐃᓐᓀᑦ ᐊᓯᖏᑦ ᑖᒃᑯᓄᖓᐅᓕᖓᔪᑦ ᓱᓕᔪᑦ ᐅᕝᕙᓘᓐᓃᑦ ᓇᓗᓀᕐᑕᐅᓯᒪᐅᑏᑦ.
   9. ᑕᑯᑦᓴᐅᑎᑦᓯᕕᒻᒥ ᐱᖁᑎᓕᒃ ᑲᒪᓚᖓᔪᖅ ᖃᓄᑐᐃᓐᓇᖅ ᕿᓄᒍᑎᓂᒃ ᐃᓕᖓᔪᓂᒃ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ ᐅᓪᓗᐃᑦ 20 ᐃᓗᐊᓂ.
      
   10. ᐊᑐᕐᑎ ᕿᓄᒍᑎᖃᕐᐸᑦ, ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᑲᒪᓚᖓᔪᖅ ᒪᓂᔨᓗᓂ ᕿᓄᔪᒧᑦ ᓱᕐᖁᐃᓯᑎᑦᓯᐅᑎᒥᒃ ᖃᓄᑐᐃᓐᓇᖅ ᐋᕐᖀᒋᐊᕐᓂᒥᓂᒃ ᐅᕝᕙᓘᓐᓃᑦ ᐲᕐᓯᓂᕐᒥᓂᒃ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ.
       
   11. ᑫᐋᔩ ᓇᔪᕐᑎᓕᒃ ᓇᓗᓀᕐᑐᐃᓯᒪᐅᑎᓂᒃ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᖁᑏᑦ ᐊᓪᓚᖁᑎᖏᓐᓂᒃ ᐃᓗᓕᓐᓂᒃ ᐃᒣᑦᑐᓂᒃ ᑐᑭᓯᐅᑎᑦᓴᓂᒃ:
       
   • ᐊᑎᖏᑦ ᐃᓘᓐᓇᖏᑦᑕ ᐊᓪᓚᖁᑏᑦ, ᓱᓇᐅᓂᖏᓐᓂᒃ ᑐᑭᓯᐅᑎᑦᓭᑦ ᐃᓗᐊᓃᑦᑐᑦ, ᐱᑦᔪᑎᖏᑦᑕ ᑐᑭᓯᐅᑎᑦᓭᑦ ᐱᔭᓯᒪᔭᖏᑦ, ᐊᒻᒪᓗ ᖃᓄᖅ ᐃᓘᓐᓇᑎᒃ ᐊᓪᓚᖁᑏᑦ ᐊᐅᓚᑕᐅᓂᖃᕐᒪᖔᑕ;
     
   • ᓇᑭᓂᑕᐅᓂᖏᑦ ᑐᑭᓯᐅᑎᑦᓭᑦ ᐃᓗᐊᓃᑦᑐᑦ ᐊᓪᓚᖁᑏᑦ ᐃᓘᓐᓇᖏᑦᑕ;
   • ᓱᓇᑦᑎᐅᓂᖏᑦ ᐃᓄᐃᑦ ᐊᑦᑐᐊᑕᐅᔪᑦ ᑐᑭᓯᐅᑎᑦᓴᓄᑦ ᐃᓗᓕᖏᓐᓄᑦ ᐃᓘᓐᓇᖏᑦᑕ ᐊᓪᓚᖁᑏᑦ;
   • ᓱᓇᑦᑎᐅᓂᖏᑦ ᐃᓄᐃᑦ, ᐱᓇᓱᐊᕐᓗᑎᒃ, ᑕᑯᒐᓱᐊᕈᓐᓇᑐᑦ ᐃᓘᓐᓀᓂᒃ ᐊᓪᓚᖁᑎᓂᒃ;
   • ᐊᑦᑕᓀᑦᑐᒦᑦᑎᓯᓂᕐᓄᑦ ᒪᓕᒉᑦ ᓱᕐᖁᐃᓇᕐᑎᓯᔪᑦ ᐅᖑᒪᔭᐅᑦᓯᐊᓂᖏᓐᓂᒃ ᓇᒻᒥᓂᕐᓄᐊᖓᔪᑦ ᑐᑭᓯᐅᑎᑦᓭᑦ.
5. ᖃᐅᔨᔭᐅᑎᑦᓯᓂᖅ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓃᕕᑦ
   
   1. ᐊᑐᕐᑏᑦ ᑐᓴᕐᑎᓯᓲᑦ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒻᒥᒃ ᑕᑯᒐᓱᐊᒐᐅᓚᖓᔪᓂᒃ ᓈᒻᒪᓂᖏᑦᑕ ᐱᓇᓱᒐᑦᓭᑦ ᐅᕝᕙᓘᓐᓃᑦ ᐱᓇᓱᐊᕐᓗᑎᓗ ᐃᓕᓴᕐᓃᑦ ᐊᑐᐃᓐᓇᕈᕐᓂᖏᓐᓄᑦ, ᑖᒃᑯᐊ ᐊᑐᕐᑏᑦ ᐊᖏᕐᑐᑦ ᑫᐊᔩ ᐊᕕᖃᑎᖃᕈᓐᓇᓂᖓᓂᒃ ᑌᒣᑦᑐᓂᒃ ᑐᑭᓯᐅᑎᑦᓴᓂᒃ ᑲᒥᐸᓂᓂᒃ ᐊᒻᒪᓗ ᑎᒥᓂᒃ ᑲᒪᖃᑕᐅᓯᔪᓂᒃ.
      
   2. ᑕᑯᑦᓴᐅᑎᑦᓯᕕᒻᒥ ᐱᖁᑎᓕᒃ ᐊᖏᕐᑐᖅ ᐊᕕᖃᑎᖃᖃᑦᑕᓂᐊᕋᓂ ᓇᐅᑐᐃᓐᓇᓂᒃ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ ᑭᓇᑐᐃᓐᓇᑯᓐᓂᒃ ᒪᕐᕈᐃᒃ ᐃᒣᑦᑑᒃ ᐊᓯᖏᓐᓂᒃ:
      
   • ᐱᓇᓱᒐᑦᓴᒧᑦ ᐅᕝᕙᓘᓐᓃᑦ ᐱᓇᓱᐊᕐᓗᑎᓗ ᐃᓕᓴᓚᖓᔪᓂᒃ ᐃᓂᑖᕐᑎᓯᒋᐊᕐᓃᑦ;
   • ᑫᐋᔩ ᐱᖁᔭᑎᒍᑦ ᑐᓴᕐᑎᓯᒋᐊᖃᕐᐸᑦ ᑌᒣᑦᑐᓂᒃ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ.
   3. ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᓇᔪᕐᑎᓕᒃ ᓇᓗᓀᕐᓯᐅᑎᒥᒃ ᐃᓘᓐᓇᖏᓐᓂᒃ ᑐᓴᕐᑕᐅᑎᑕᐅᓯᒪᔪᓂᒃ ᓇᒻᒥᓂᕐᓄᐊᖓᔪᓂᒃ ᑐᑭᓯᐅᑎᑦᓴᓂᒃ, ᐅᑯᐊ ᐃᓚᐅᑎᓪᓗᒋᑦ:
      
   • ᓱᓇᐅᓂᖑᖏᑦ ᐅᕝᕙᓘᓐᓃᑦ ᖃᓄᐃᑦᑑᓂᖏᑦ ᑐᑭᓯᐅᑎᑦᓭᑦ ᑐᓴᕐᑕᐅᑎᑕᐅᔪᑦ;
   • ᐃᓄᒃ, ᐱᓇᓱᕝᕕᒃ ᐅᕝᕙᓘᓐᓃᑦ ᑎᒥᒃ ᐱᑎᑕᐅᔪᖅ ᑐᑭᓯᐅᑎᑦᓴᓂᒃ;
     
   • ᐱᑦᔪᑎᒃ ᑐᑭᓯᐅᑎᑦᓴᐅᑉ ᑐᓴᕐᑕᐅᑎᑕᐅᓂᖓᓄᑦ;
   • ᐱᑦᔪᑎᒃ ᓱᓪᓕᑎᑦᓯᐅᑕᐅᔪᖅ ᓱᒧᑦ ᑐᑭᓯᐅᑎᑦᓴᖅ ᑐᓴᕐᑕᐅᑎᑕᐅᒻᒪᖔᑦ.
6. ᐊᓯᑦᔨᔭᐅᓂᖓ ᒪᓕᒐᐅᑉ
   
   1.  ᐊᖏᕐᑐᑎᑦ ᑕᑯᑦᓴᐅᑎᑦᓯᕕᒻᒥᒃ ᐱᖁᑎᓕᒃ ᐃᓛᓐᓂ ᐋᕐᖀᒋᐊᖃᑦᑕᓂᐊᕐᒪᑦ ᐊᒻᒪᓗ ᐊᓯᑦᔩᓗᓂ ᐅᖃᐅᓯᕐᑕᖏᓐᓂᒃ ᐊᒻᒪᓗ ᒪᓕᒐᕐᑕᖏᓐᓂᒃ ᑖᑦᓱᒪ ᒪᓕᒐᐅᑉ. ᑌᒣᒻᒪᑦ ᑕᑯᒐᓱᐊᖃᑦᑕᕆᐊᖃᕐᑐᑎᑦ ᒪᓕᒐᕐᒥᒃ ᐃᓛᓐᓂ ᑐᓴᐅᒪᒍᒪᒍᕕᑦ ᐋᕐᕿᒋᐊᕐᑕᐅᓂᖏᓐᓂᒃ ᐊᒻᒪᓗ ᐊᓯᑦᔨᑐᕐᑕᐅᓂᖏᓐᓂᒃ. ᑲᔪᓯᑎᑦᓯᒍᕕᑦ ᑕᑯᑦᓴᐅᑎᑦᓯᕕᒻᒥᒃ ᐊᑐᕐᓂᓃᕕᑦ ᐊᓯᑦᔨᔭᐅᓯᒪᓕᕐᑎᓗᒋᑦ ᐅᕝᕙᓘᓐᓃᑦ ᐋᕐᕿᒋᐊᕐᑕᐅᓯᒪᓕᕐᑎᓗᒋᑦ ᐅᖃᐅᓯᕐᑕᖏᑦ ᐊᒻᒪᓗ ᒪᓕᒐᕐᑕᖏᑦ ᐊᖏᖃᑎᖃᕈᑎᐅᑉ, ᐃᓚᐅᑎᓪᓗᒍ ᑖᓐᓇ ᓇᐅᓕᒫᓄᑦ ᑐᓴᕐᑕᐅᑎᑦᓯᒋᐊᖃᖕᖏᓂᕐᒧᑦ ᒪᓕᒐᖅ, ᑐᑭᓯᑎᑦᓯᔪᑎᑦ ᑖᒃᑯᓂᖓ ᐊᓯᑦᔨᔪᓂᒃ ᐊᖏᕆᐊᕐᐱᑦ.
   2.  ᐊᖏᖕᖏᑯᕕᑦ ᐋᕐᕿᒋᐊᕐᑕᐅᒍᑎᖏᓐᓂᒃ ᐊᒻᒪᓗ ᐊᓯᑦᔨᔭᐅᓂᖏᓐᓂᒃ ᐅᖃᐅᓯᕐᑕᖏᑦᑕ ᐊᒻᒪᓗ ᒪᓕᒐᕐᑕᖏᑦᑕ ᐊᖏᖃᑎᒌᒍᑎᐅᑉ ᐃᓚᐅᑎᓪᓗᒍ ᑖᓐᓇ ᓇᐅᓕᒫᓄᑦ ᑐᓴᕐᑕᐅᑎᑦᓯᒋᐊᖃᖕᖏᓂᒧᑦ ᒪᓕᒐᖅ, ᐊᑐᕐᐸᓃᑦ ᑖᑦᓱᒥᖓ ᑕᑯᑦᓴᐅᑎᑦᓯᕕᒻᒥᒃ ᑲᔪᓯᒍᓐᓀᕆᐊᓕᒃ.